رواية زفاف بدون عريس
الفصل الثالث
بقلم هدى زايد
خرجت عند بابا وماما في الصاله وقَعَدت وقلت
-أنا سبت لمار !والفرح اتفركش خلاص
طبعًا الصدمه كانت كبيرة ولو حابين أُوصِّف شكلهم اقولكم
بلاش لان منظرهم صعب بجد مذهولين إزاي ؟طب إمتى ؟!
والأهم من ده كله ليــه !!!
اسئله كتير جداًمش ها اقدر اجاوب عليها بس طبعًا قلت
الحقيقه المره بابا غضب وثار عليا جداً أما ماما كانت معايا
جداً في إن اسيب لمار بصراحه كُنت متردد بس بعد كلام ماما
وإصرارها على إن انا صح ده قوه قلبي شويه
صداع من كتر التفكير مش قادر أجمع افكاري سبيتهم يتكلموا
او يتخانقوا بمعنى أصح على مين فيهم الصح
بابا كان من رأيه إن أفضل مع لمار لحد النهايه وإن لو الموقف
اتعكس أكيد كانت فضلت معاياويمكن كمان متجوزتش وفضلت على ذكرى حبّنا
غمضت عيني ونمت عشان مفكرش في اي حاجه يمكن تحصل حاجه تغير حياتي
قومت من النوم على هز جسمي بطريقه مش قادرة إن استحمله فتحت عيني الورمه من كتر العياط لقيت ماما واقفه وبتسألني
-أنتِ مالك يالمار دخلتِ كده من غير لاسلام ولاكلام في إيه ياحبيبتي ؟؟
قررت أقوم وأحكي كل حاجه حصلت بس بطريقه معكوسه عشان اشوف رد فعلهم كل مااجاي أقف رجلي مش شايلني مسكت في أيد ماما وخرجنا لبره
قعدت على الكرسي قصاد بابا وماما مسحت دموعي وقلت وانا ببلع ريقي بصعوبه زي مايكون في حجر واقف مخليني مش قادرة اتكلم
-انا ومحمد
مش قادرة اقولها مش قادرة اكمل واقول عليه حاجه وحشه حتى لو سبنا بعض وجعني وجراحني قوووي
بابا بص لماما وقال بستغراب
-ماله محمد يا لمار
-محمد طلع عنده كانسر فى المخ وفِي مراحله الأخيرة
الصدمه والصمت سيطره عليهم ماما دموعها نزلت اما بابا قلع نضارته ومسح دموعه
انا دموعي غرقت وشي على رد فعلهم لمجرد إن واحد غريب عنهم زعلوا عليه مابالكم بنتهم الوحيدة
ماما قالت
-بصي يا لمار الموضوع مش سهل لو كملتِ الجوازة دي هتتحسب عليكِ جوازة ولو سبتي هايقول قليله الأصل
-يعني اعمل إيه ياماما
-إحنا نأجل الجوازة لحد مايخف ولو ربنا تم شفاه على خير تتجوزي ماكنش يبقى كفايه عليكِ الخطوبه وكويس إننا على البر
بابا زعل من كلامها ورد وقال
-بر إيه وبحر إيه ده إنسان مريض يعني الكلمه الطبيه محتاجها
-يعني بنتك أرمله بعد شهر ولاشهرين
-يعني لقدر الله لو بنتك كنتِ هاتقولي نفس الكلام
-بس بعد الشر ما تقولش كده
صدااااع في دماغي مش قادرة استحمل الكلام ولا الخناقه ولا حاجه أبداً مسكت راسي وغمضت عيني وصراخت وده اول مره في حياتي اعمل كده اصلهم صعبانين عليا قووووي
وقفت وقلت
-بسسسس محمد ماعندوش حااااجه أنا اللي عندي سرطان الثدي وسرطان في المخ في اخر مرحله
محمد سبني عشان ماينفعش ياماما يكون أرمل وتتحسب عليه جوازة هااا
عن اذنكم عشان تعبانه
جريت بسرعه على أوضتي دفنت راسي في المخدة
فضلت ابكي بطريقه اول مره في حياتي ابكي بالشكل ده
قهر وحزن وكسره غزت قلبي
يبقى محمد معاه في كل حاجه حصلت
انا مش قادرة بابا وماما واقفين على باب أوضتي هيتجننوا عايزين يعرفوا الحقيقه
صرخت بصوت عالي عشان يبعدوا عني تعبانه مش قادرة أشوفهم بالمنظر ده
سمعت بابا بيتصل بـ منار عشان يعرف اللي حصل لانه عرف إنها كانت معايا
عرفوا كل حاجه عرفوا إن فعلاً مريضه وخلاص هااموت
ااااه تعبانه مش قادرة كل حاجه جوايا بتدمر كل حاجه راحت خلاص
فضلت ابكي لحد ماالنوم غلبني ونمت تاني من كتر التعب من البكاء مش عارفه المهم إن نمت ....!!!
مر يوم عليا وانا مش عارف أعمل إيه
مش عارف أنا كنت صح ولاغلط ؟!!
ماما بتزن عليا عشان أرجع كل حاجه دهبي وارجع عفشها
بابا تقريبا مبيكلمنيش حتى الاكل مابقاش ياكل معايا هو بيعمل معايا كده ليه ؟!! هو مش حقي اتجوز واحدة كويسه ؟!!
قررت البس هدومي وأجيب رجال تشيل العفش عشان تبعته للبيت عند لمار
انا مش أناني بس انا شاب من حقي أعيش حياتي
لبست هدومي وخرجت رمت السلام على بابا لكن كالعاده بص في المصحف وكمل قراءة من غير مايرد عليا كملت طريقي ولسه هاافتح الباب لقيت بابا بيقول بصوت عالي وبيني وبينكم وجع قلبي
-ربنا يشفيكِ يالمار ويرزقك الزوج الصالح اللي يحبك من قلبه ربنا يقف معاكِ ويرفع عنك البلاء
بصراحه كنت متغاظ جداً ورحت ووقفت قصاده وقلت
-وهو انا مش زوج صالح يابابا ليه ما خليني أحس إن كُنت غلط في قرراي
-ايوة غلط وستين غلطان كمان وباريت بلاش كلام في الموضوع بقى أحسن بيجبلي الضغط روح شوف كُنت رايح فين !!
مشيت من قدمه وأنا بتكلم بغيظ وقبل ما افتح باب الشقه قلت بكسره كبيرة في قلبي
-رايح أجيب رجاله تشيل عفش لمار وأطلب منهم كل حاجه ترجع لوضعها الطبيعي
فتحت الباب وياريتني مافتحت الباب
لقيت عم محمد والدها واقف وكان بيلبس نضارته بعد ما مسح دموعه وقال