رواية الخلخال
الفصل الرابع4
بقلم زهرة
دخلت في للفراش غير بالشوية وتغطيت تقلب ليا كنت رح نهرب حكمني من ايدي ............
قالي ماتخافيش مانديرلك والو...
سكت وبقا يخزر فيا و منبعد قالي خسارة الزين وصغر هذا يروح بلا فايدة... باينة سيفو عليك هذا الزواج .
دور راسو ملهيه ورقد ماهدرت حتى كلمة معاه بصح حسيت بلي من داخلو انسان طيب وحنين الضروف الصعيبة برك هي الي خلاتو يولي قاسي تفكرت لكلام الي قالو باباه هذاك النهار قال كنت عارف ولدي راجل وما خصو والو زعما يكون .......
ماعلاباليش بصح راني راح نصبر على اي حاجة مهما كانت ما عندي ماندير
في الصباح نضت مالقيتوش. بدلت وهبطت تلاقيت. بعجوزتي تبسمت لي وصبحت عليا وراحت . لاحضت بلي جابدا روحها بزاف ما تتكلمش بزاف وامور الدار كلها مخليتها لزهية تقوم بيها
رحت للكوزينا صبحت عليهم ردو عليا الا سعاد كانت قاعدة بسيف ماخرجتها من فمها وناضت راحت مافهمتش واش بيها تقول كاين ثار بيني وبينها قاتلي خالتي فطيمة صبحك بالخير يابنتي قعدي تستقهواي قعدت وتقهويت قاتلي خالتي فطيمة اليوم صباح شباب بزاف روحي اخرجي شوفي الشمس ومشي رجليك شوية سلفتي سلوى قاتلي انا نديك وندي ولادي يلعبو شوية خرجنا الجو كان هايل ريحت لرض والحشيش ترد الروح سلوى عطات لوليدها البالو وقاتلو العب مع خوك بصح ماتضاربوش
مشيت انا وياها في لحشيش شفت بلاصة دايرين فيها ضلايلا و قعدة، خزرت مليح شفت زهير قاعد ثما وباين عليه الهم
قاتلي سلوى هذيك بلاصتو دايما يقعد ثما ولايركب على الخيل ...
ولادها تعافرو قاتلي اسمحيلي وراحت تجري ليهم انا خزرت لزهير غاضني بزاف. اواش بيه واشنو حكايتو وشنو هذا الهم والحزن الي ساكنو .....
رحت ليه وين قاعد وقفت قدامو
ماتنبهش ليا حتى قتلو صباح الخير شاف فيا وقالي صباح الخير اقعدي ماصدقتش وذنيا بقيت واقفا قالي اقعدي اقعدي قعدت مساميه غاضني بزاف وشفني حالو قتلو وشبيك مهمو وديما حزين احكيلي همك وفرغ قلبك بلاك ترتاح انا مرتك وبير سرك .
رفع راسو وصد ليا قالي همي مانقدر نبوح بيه والحزني يبقا في قلبي ساكن ...
حبيت نطمنو قتلو ...انا راني حشيشة و طالبة معيشة قابلة نبقاو مع بعض كي الخاوا ولولاد مايهمونيش ...
تغشش حسيت النار شعلت فيه قالي واش راكي تقصدي واش راكي تقصدي بهذا لكلام قولي قولي كشما حكاولك وشكون الي حكالك قولي ... قتلو ماحكاولي والو ماقالولي والو قتلو انابرك حبيت ...وقف حكمني من ذراعي وقالي نت شكون نت واش تحسبي في روحك ....
تميت ساكته طبعني وراح قعدت نبكي قلت ياربي ياربي رضيت بالهم والهم مارضاش بيا شهدت واستغفرت ومسحت دموعي وجيت نوض لقيت سعاد جات تخزر فيا من لفوق للتحت والماكياج يقطر منها و طول الوقت ضاربة الحطا ورافعا نيفها
قاتلي مسكينة ...ماعطالكش والجه واش تجي انت في مرتو لولا قتلها .اه !!
قاتلي مرتو حورية وهي حورية اسم على مسمى يحبها ويموت عليها ومايبدلهاش بيك
وقعدت قابلتني قاتلي حورية بنت اصل وجاه باباها من الاعيان ومعروف ونت واش تجي قدامها ...
جات سلوى قالت ٱٱ زهير راح وقعدت
سعاد قالت اكيد راح يركب على الخيل بعدا ينحي على خاطرو شوية وقالت يكون جا مراد انا نروح
كي راحت قاتلي سلوى كريمة وشبيك باينة باكية
قلتلها قلقتني سعادقاتلي زهير مزوج وعندو مرتو اسمها حورية شابا بزاف و هو يحبها ويموت عليها
قاتلي حورية ماولاتش مرتو طلقها من زمان انت الي راكي مرتو اليوم انساي هذي لحكاية ومتكسريش راسك بيها وماتسمعيش كلام سعاد رها واحد السمية ولسانها طويل وتغير بزاف لخاطر ماعندهاش لولاد
قلتلها وعلاش طلقها
وجهها تبدل وقاتلي ماعلاباليش انا نروح ندخل ولادي الشمس قوات
عرفت بلي الحقيقة صعيب باش نعرفها بصح لازم نعرفها و كاملة .....
دخلت لدار لقيت سي بوعلام قاعد في الصالو يقرا في الجرنان أول مرة نشوفو وجه لوجه من اليوم الي جانا لدار
قالي كريمة ارواحي اقعدي ترددت شوية ورحت قعدت قالي واش راكي والفتي بالدار قتلو ايه حط الجرنان وقالي انت وزهير واش احوالكم قتلو لاباس جا زهير داخل عيطلو قالو زهير ارواح ولدي لعزيز اقعد مع باباك جا يقعد قالو اقعد هنا ساميني وحط ايدو في لمكان الي قدامو راح زهير قعد .حط ايدو على كتاف زهير وقالو كنت عارف بلي لكلام الي قالتو هذيك المدعية كذب في كذب وزجتك بهذي غير باش تتشجع واذا حبيت نخطبلك اي واحدة من اكبر عايلة في لبلاد راني واجد اليوم قبل غدوا.
وقف زهير و قالو ماني نحوس لا على هذي لا على غيرها غير خلوني في حالي و جا يروح شدني سي بوعلام من شعري وقالي مالا كنت تكذبي قولي قولي ورفع ايدو باش يضربني رجع زهير يجري قالو نحي ايدك عليها حكمني من ايدي وداني لفوق دخلني لشمبرا وسكر الباب قالي ماتزيديش تقعدي معاه ولا تروحي لمكان يكون هوا فيه
خزرت في عينيه لقيتهم مليانين حنانة وخوف عليا عجبني الحال عملت روحي نبكي وهو هبل عليا قالي ماتبكيش وماتخافيش مايقدرش يزيد يهز ايدو عليك انا نحميك منو ومن اي حاجة اخرى فرحت بزاف قلت في قلبي زعما ولا يحبني ...
دقدق الباب راح زهير يحلو لقا يماه جات قاتلو وين راها كريمة هاني هنا قلتلها جاتني قاتلي واش عملك يخي ماذاكش قلتلها لالا زهير ماخلاهش خزرت زهير وقالت زهير ولدي حنين بزاف ومايحبش الضلم زهير تاثر بكلام يماه وعينيه تعمرو دموع وخرج بالخف مافهتش وعلاه خرج وعلاه تاثر هكا
قلت ليماه ربي يسترك ربي يحفظك قوليلي الحقيقة احكيلي على مرت زهير لولا صح مازال يحبها وعلاش طلقها اذا كان يحبها واش هيا السبة تاع طلاقهم قوليلي ربي يحفظك حسيتها تقلقت وكانت رايحا تروح عرضتلها وقتلها انا نحب زهير وما نتخلاش عليه مهما كانت الضروف بصح نحب نعرف الحقيقة..
حكمتني من ايديا وقعدنا قاتلي زهير مايحبش حورية يالوكان قيس شعرة هذي ناكدهالك كوني هانيا تزوج بيها العام الي فات وطلقها بعد شهرين من هذاك النهار ماسمعناش بيها حتى الشهر الي فات سمعنا بيها تزوجت الله يهنيها وزهير ولدي ربي يهنيه معاك قلتلها واش سبت طلاقهم حسيتها تقلقت وقفت وقاتلي الحمد لله الي راكي بخير وراحت...
انا ماخرجتش من الشمبرة لعشية كاملا و بقيت فيها حتى لليل كنت خايفا نهبط . سمعت صوت رجلين زهير نضت نجري فتحت الباب لقيتو هو صح دخل ورد الباب قالي ليمن فتحتيه قتلو ليك قالي كيفاش عرفتي بلي انا قتلو من صوت رجليك عرفتك من مشيتك .قالي كون فتحتي الباب ولقيتيه سي بوعلام قتلو اااه لالا ضحك عليا وضحكت معاه قالي ضحكتك شابا بزاف قتلو في قلبي ضحكتك انت الي شابا تهبلللل قالي احكيلي عليك على حياتك قتلو حياتي مافيها والو قبل مانتلاقبيك قعد يخزر فيا وحد الخزرة حسيت روحي راح نذوب قرب ليا قالي بالعقل ماكيش نادما على زواجك بيا قتلو غير بالعقل لالا تبسم .......
دقدق الباب ما سمعتوش ولا حاولت مانسمعوش زادو دقدقو قتلو اسمحلي نحل الباب قالي روحي .
حليت الباب لقيت زهية جابت لعشا قاتلي كريمة وشبيه وجهك احمر هكا قلتلها اا صح احمر قاتلي طماطيشة وضحكت عطاتلي لعشا قاتلي ربي يهنيك وتصبحي على خير قتلها ونت على خير وراحت .وانا دخلت .
حطيت السنية فوق الطابلة قالي قعدي تاكلي معايا قعدت بدا هو ياكل و يخزر فيا حشمت بزاف ماقدرتش ناكل قالي كولي قتلو اني ناكل هز بايدو شوية ودارلي في فمي وقالي كولي انا قريب تغاشيت ....
بسيف ما مضغتها وبلعتها بسيف !! كملنا الماكلة راح غسل ايديه في الدوش وانا نضت شفت روحي في لمرايا لقيت روحي حمراا طماطيشة كيما قالت زهية سقمت شعري شوية وقعدت فوق السرير جاسماني بقينا نحكو ونضحكو من بعد قرب ليا و قالي بابا يعرف يخير وضحك كون خيرت انا مانعرفش نجيبك هكا وزاد قرب و......
كانت هذيك اليلة اجمل ليلة عشتها في حياتي..