رواية فتاة فى زمن قاسي
الفصل السادس عشر
بقلم دودو محمد
عند سمر
وصلت بعربيتها عند عماره متوسطة الحال ونزلت منها وبصت لفوق واتنهدت وطلعت عند شقه ومدت ايديها فى شنتطها وطلعت مفتاح وفتحت بيه الباب ودخلت وقفلت الباب وراها وقالت
سمر :- حازم حبيبى انت فين وبصت فى الاوض ملاقتهوش واتفاجئت بأيد بتلف حاولين وسطها ابتسمت وقالت كنت فين خضتنى عليك
حازم :- باسها من رقابتها وقال كنت فى البلكونه واحشتينى
سمر :- لفت ليه ولفت دراعها حاولين رقابته وقالت بدلع وانت كمان واحشتنى اوى
حازم :- يومين بحالهم مشوفكيش فيهم حرام والله
سمر :- اعمل ايه طيب ما دول يومين اجازتى بس متزعلش انا بكره هقضيه كله معاك
حازم :- بجد ازاى
سمر :- قولت لعمر النهارده أن عندى فرح صحبتى واخد منه الفلوس بحجت أن عايزه اشترى فستان
حازم :- اخدى كام
سمر :- طلعتهم من الشنطه وقالت الفين خد اهم
حازم :- بعدم رضا الفين بس
سمر :- ده كان عايز يدينى ألف واحد بس
حازم :- ايه ألف واحد هاتى احسن من عدمه بس حاولى تشدى حيلك شويه معايا يا قلبى اطلبى منه اكتر
سمر :- اعمل ايه بس يا حازم انا علطول بطلب منه فلوس واللى بيدهونى بدهولك علطول
حازم :- معلش يا حبيبتى بتقل عليكى بس ان شاءالله اول ما يجى ورثى من البلد هديكى فلوسك كلها
سمر :- مسكت أيده وقالت فى داهيه الفلوس يا حبيبى انا المهم عندى انت انا بحبك اوى من اول مره شوفتك فى المعمل وانت خطفت قلبى ونامت فى حضنه وقالت انا بحبك اوى يا حازم اوى
حازم :- ابتسم ليها وقال وانا كمان بحبك يا سمورتى
سمر :- حازم مش ناوى تيجى تتقدم ليا رسمى
حازم :- ها ا.ا اه طبعآ اول ما ورثى يجى هاجى اتقدملك علطول
سمر :- بنت اختى سمعتنا امبارح واحنا بنتكلم والنهارده قالت ليا كل اللى سمعته وانا خايفه تقول لحد من اخواتى
حازم :- بصدمه ايه سمعتك طيب عملتى معاها ايه
سمر :- ولا حاجه انا قولتلها متقوليش لحد وهجبلك حاجات حلوه كتير بس البت مش نقصها حاجه ووعدتنى مش هتقول لحد
حازم :- ربنا يستر حاولى بقى متجيش هنا كتير اليومين دول
سمر :- ازاى انت مش لسه بتقول مش بتقدر على بعدى يوم واحد
حازم :- ها ا.ا اه بس انتى عارفه ظروفى ومقدرش اقف قصاد حد من أهلك دلوقتى وانا مش قدهم
سمر :- بقلق حازم اوعى تكون مش ناوى تتقدم ليا انا وافقت اتجوزك عرفى لما وعدنى انك هتيجى تتقدم ليا رسمى
حازم :- ا.ا اه طبعآ هتقدم ليكى بس يلا قومى امشى دلوقتى
سمر :- بصدمه امشى
حازم :- ها ا.ا اه اصل انا رايح مشوار ضرورى واحتمال أتأخر يلا يا حبيبتى يلا وراح عند الباب وفتحه وقال متجيش اليومين الجاين هنا خالص احتمال اسافر البلد
سمر :- م.م.ماشي وبصت ليه بتوتر ونزلت ركبت عربيتها ومشيت بيها وبعدت عن المكان ووقفت فى مكان هادى ونزلت من العربيه وقالت معقول يكون كان بيتسلى بيا لالالا حازم بيحبنى ايه الكلام العبيط ده اكيد هو بس اتوتر وخاف لما عرف أن منار سمعته لكن هو بيحبنى وقعدت على حرف العربيه وقعدت تفتكر اول مقابلتها مع حازم
««««««««««««««««««««««««««««
فلاش باااك
اول يوم فى المعمل دخلت سمر وهى مستغربه المكان بصت حاوليها بتوتر وحست نفسها تايهه لاقت شاب واقف راحت عنده وقالت
سمر :-انت ياااا لو سمحت هو المفروض اعمل ايه اصل ده اول يوم ليا ومحدش فهمنى حاجه
حازم :- وانا مالى فيه مسؤول هنا هيجى يعرفك كل حاجه
سمر :- انت بنى أدم قليل الذوق بتتكلم معايا كده ليه
حازم :- لاء عندى ذوق بس مع الناس اللى يتساهلوا وبصلها بقرف ومشى
سمر :- اى الحيوان ده وبعد شويه وصل المشرف وقال ليها هتعمل ايه وأنها هتشغل فى القسم اللى فيه حازم دخلت عنده وبصت ليه بقرف وراحت تشوف شغلها وانتهى اليوم نزلوا كلهم من المعمل وراحت سمر تركب عربيتها وشافها حازم وهى رايحه تركب عربيتها عرف انها معاها فلوس نده عليها وقال
حازم :- انسه يا انسه
سمر :- بصت ليه بأستغراب وقالت نعم بتنده عليا ليه
حازم :- انا اسف علشان الطريقه اللى كلمتك بيها فوق دى كنت مضغوط من الشغل مش اكتر
سمر :- اوك مفيش مشكله عن اذنك ولسه هتركب العربيه
حازم :- انا حازم انتى مين بقى
سمر :- انا سمر عن اذنك وسابته ومشيت
حازم :- شكلها متريشه البت دى؛ حلو استعنا على الشقا بالله ووقف تاكسى وروح على شقته وقعد كذا اسبوع بيحاول يتكلم معاها وفى مره شاف سمر جايه عمل نفسه بيتكلم فى التليفون وقال بصوت عالى مين مات عمى محروس وورثت ملايين كتيره اوى اه يعنى هستنى لما يقسموا الميراث ماشى يا عمى مع السلامه وقفل السكه لاقه سمر واقفه بتسمعه ابتسم ليها وقال ازيك يا انسه سمر
سمر :- ابتسمت ليه وقالت انا الحمدالله البقاءلله سمعت أن عمك مات
حازم :- بدموع مزيفه اه ده كان فى مقام أبويه الله يرحمه كان غنى اوى ومات وساب ده كله يتقسم على الورثه مع أن مفيش غير انا واختى بس وعمى اللى بلغنى الخبر
سمر :- معلش ربنا يصبركم
حازم :- شكرآ يا انسه سمر
سمر :- العفو انا موجوده لو احتاجت اى حاجه وابتسمت ليه ومشيت وسابته وقالت فى سرها هو ده الشاب اللى بحلم بيه مال وجمال مز اوى الصراحه وكمل جماله لما ورث وداست على شفتها اللى من تحت بأسنانها وقالت ابقى عبيطه لو ضيعته من ايدى ده شاب لؤطه وابتسمت وراحت تشوف شغلها وبدأو الاتنين يقربوا من بعض جدآ وسمر تتعلق بيه وحبيته بجد وفى مره اتصل حازم بسمر وقال
حازم :- معلش يا سمر لو بتصل بيكى فى وقت زى ده
سمر :- لاء عادى انا صاحيه اصلا
حازم :- مش عارف اقولك ايه الصراحه
سمر :- خير يا حازم قلقتنى
حازم :- كنت محتاج مبلغ كده سلف بس لحد ما استلم ورثى
سمر :- كام يعنى
حازم :- عشرة الاف جنيه
سمر :- نعم ده مبلغ كبير هجيبه ليك ازاى انا مش معايا المبلغ ده
حازم :- كده انا اسف شكلى تقلت عليكى تصبحى على خير
سمر :- استنى ايه اللى انت بتقوله ده مش حكاية تقلت بس انا هحاول اتصرف ليك فى المبلغ وربنا يسهل
حازم :- لالالا خلاص بلاش تتعبى نفسك يلا تصبحى على خير
سمر :- وانت من أهله وقفلت معاه وقعدت تفكر هتجيب المبلغ منين ونامت والصبح راحت لعمر وقالت جوز اختى يا غالى
عمر :- اممم قولى عايزه ايه
سمر :- بص انا محتاجه مبلغ ضرورى بس من غير ما حد فى البيت يعرف
عمر :- كام يعنى
سمر :- بتوتر عشرة الاف جنيه
عمر :- نعم وليه المبلغ ده كله
سمر :- ها ا.ا اصل فيه واحده صحبتى واقعه فى مشكله كبيره ويا تدفع المبلغ ده يا تتسجن وهى اللى بتصرف على مامتها واخواتها اليتامى وانا صعبت عليا وقولت مفيش غير جوز اختى ابو قلب طيب وكبير هو اللى هيساعدها تخرج من المشكله دى
عمر :- والله ومن امته الرحمه اللى فى قلبك دى يا سمر
سمر :- ها انت بتشك فيا يا عمر انا ممكن اخليك تكلمها لو مش مصدقنى ولسه بطلع التليفون بتاعها
عمر :- خلاص يا سمر مصدقك
سمر :-بفرحه بجد يعنى هتدينى الفلوس
عمر :- ايوه استنى وفتح الخزنه الخاصه بتاعته وقال خدى اهم
سمر :- اخدتهم منه وقالت ربنا يقدرك على فعل الخير يا جوز اختى يا غالى واخدت الفلوس وركبت عربيتها وراحت المعمل ودخلت لاقت حازم بيشتغل راحت عنده وقالت صباح الخير
حازم :- بزعل صباح النور
سمر :- مالك
حازم :- مليش
سمر :- طلعت الفلوس من الشنطه وحطتهم قصاده
حازم :- بص على الفلوس وهو مش مصدق نفسه وقال ايه ده
سمر :- الفلوس اللى انت طلبتها منى
حازم :- يعنى دول عشرة آلاف جنيه
سمر :- ايوه عدهم
حازم :- بفرحه مسك ايد سمر وباسها وقال انا بحبك اوى يا سموره انتى بنت جدعه بجد
سمر :- اتكسفت وقالت احم حازم ايه اللى انت عملته ده
حازم :- ايوه يا سمر انا بحبك اوى وخلاص مبقتش قادر اخبى اكتر من كده
سمر:- ها ب.ب.بتحبنى انا
حازم :- ايوه يا سمر وبتمنى تبقى انتى مراتى ام عيالى ايه رأيك
سمر :- عايز تتجوزنى
حازم :- ايوه يا سمر موافقه
سمر :- هزت راسها بكسوف بمعنى ايوه
حازم :- حضنها ولف بيها وقال بعشقك بموت فيكى يا قلبى
سمر :- حازم احنا فى الشغل
حازم :- ابتسم وقال جننتينى بحبك اعمل ايه
سمر :- هخد ميعاد مع اخويه وجوز اختى وابلغك
حازم :- احم ا.ا اكيد طبعآ ده انا هستنى اليوم ده بفارغ الصبر بس نستنى شويه لحد ما استلم الورث بتاعى عمى كلمنى وقال كلها شهر بكتير واستلمه
سمر :- خلاص ماشى وقت ما تحب تيجى قولى وانا هبلغهم فى البيت
حازم :- ا.ا.اه أن شاءالله واخد الفلوس وقال هكتبلك بيهم وصل علشان ابقى اديهم ليكى اول ما استلم الورث
سمر:- ايه اللى انت بتقوله ده يا حازم انا مش هاخد منك حاجه
حازم :- مش عارف اقولك ايه حبك كل يوم بيزيد فى قلبى اكتر من الاول
سمر :- بصت ليه وابتسمت بكسوف ومر شهر واتنين وتلاته وحازم بيستغل سمر فى الفلوس وبعد مرور عدة شهور من استغلال حازم لسمر جات وقالت
سمر :- حازم احنا بقالنا كتير نعرف بعض وانت كل مره تقولى هتيجى تتقدم ومش بتيجى ممكن افهم ايه السبب
حازم :- اعمل ايه طيب ما انتى شايفه الظروف والورث أتأخر بسبب مشاكل العيله على الورث لو يجى من بكره اجى اتقدملك
سمر :- تعال اتقدم ليا وهما مش هيقولوا حاجه مدام انا عايزاك
حازم :- لاء طبعآ انا لازم لما ادخل بيتكم ابقى فى نفس مستوى العيله مش احس نفسى أقل منكم
سمر :- ليه بتقول كده يا حازم تعال وانت مش هتحس بكده خالص
حازم :- مسك ايد سمر وقال يا حبيبتى انا راجل وصعب عليا احس بالنقص أن حبيبتى أغنى منى
سمر :- انا بحبك ومش ببص للفلوس والله انا عايزاك انت وبس يا حازم
حازم :- انا عندى اقتراح بس معرفش هتوافقى عليه ولا لاء
سمر :- ايه هو
حازم :- أن انا وانتى نتجوز عرفى لحد ما استلم الورث واجى اطلبك رسمى
سمر :- بصدمه عرفى ايه اللى انت بتقوله ده يا حازم لاء طبعآ مستحيل اوافق على كده
حازم :- يبقى انتى مش بتحبينى وبتعتبرينى شحات بالنسبه ليكم
سمر :- لاء والله انا بحبك بس حكاية الجواز عرفى دى صعبه احنا خلينا زى ما احنا لحد ما يجى الورث بتاعك ونتجوز رسمى
حازم :- براحتك اللى تشوفيه ومر شهر تانى وحازم بيستغل سمر وفى يوم قال ليها حازم
سمر :- بصى بقى يا بنت الناس مش قدامنا غير حل واحد أننا نتجوز عرفى انا خلاص مبقتش قادر على بعدك اكتر من كده
سمر :- حازم سبق وقولتلك مينفعش
حازم :- وانا خلاص يا سمر مش قادر استحمل اكتر من كده هما بس كام شهر واستلم الورث؛ المشاكل الحمدالله اتحلت
سمر :- يبقى نصبر الكام شهر دول ونتجوز رسمى
حازم :- لاء يا سمر انا مش هصبر يوم واحد على بعدك عنى لو عايزانى بجد وبتحبينى وافقى
سمر :- بتوتر قالت م.م.مقدرش اعمل كده يا حازم
حازم :- يبقى خلاص يا بنت الناس انتى من طريق وانا من طريق
سمر :- ايه اللى انت بتقوله ده يا حازم انا بحبك ومقدرش استغنا عنك
حازم :- ايه يثبت حبك ليا ده
سمر :- سكتت ومردتش
حازم :- شوفتى بقى انك مش لاقيه جواب
سمر :- م.م.ماشى موافقه بس توعدنى انك هتيجى تتجوزنى رسمى
حازم :- اه طبعآ اول ما استلم ورثى هتقدم رسمى علطول
سمر :- ابتسمت ليه بتوتر وقالت م.م.ماشى
حازم :- مسك ايديها وقال يلا بينا
سمر :- على فين
حازم :- هنتجوز
سمر :- والشغل يا مجنون
حازم :- يتحرق الشغل وشدها ركب العربيه معاها وراح على عماره قديمه شويه متوسطة الحال
سمر :- ايه المكان ده يا حازم
حازم :- دى شقتى وبقت شقتك انتى يا عروسه انزلى يلا
سمر :- بصت بتوتر ونزلت من العربيه وطلعت معاه على الشقه ودخلوا الاتنين
حازم :- اقعدى هنا ثوانى وسابها ودخل جوه
سمر :- بصت على الشقه بقرف وقعدت على الكنبه
حازم :- خرج من الاوضه وقال معلش بقى يا سموره الشقه مش مترتبه شقة عازب بقى بكره تيجى تعيشى فيها وتبقى زى الفل
سمر :- ابتسمت بتوتر وقالت ل.ل.لاء عادى
حازم :- قعد جمبها وحط ورقه قدامها وقال أمضى
سمر :- ا.ا.امضى على ايه
حازم :- على ورقة الجواز العرفى
سمر :- ه.ه.هو مش المفروض يكون عند محامى وفيه شهود
حازم :- ها م.م.ما الورقه دى من عند المحامى والصبح وهوديها ليه
سمر :- ط.ط.طيب والشهود
حازم :- امضى بقى يا عروسه كله هيبقى تمام متقلقيش
سمر :- ط.ط.طيب مش المفروض اقولك زوجتك نفسى
حازم :- بنفاذ صبر يا حبيبتى الكلام ده فى الرسمى يلا بقى مش قادر اصبر أمضى هنا
سمر :- بصت ليه بتوتر ومسكت القلم
حازم :- أمضى هنا يا قلبى
سمر :- بصت مكان ما شاور ليها وحطت القلم ومضت
حازم :- هو كمان مضى وقال مبروك يا قلبى
سمر :- ا.ا.الله يبارك فيك
حازم :- مشى أيده على كتفها وقال عندك الحمام جوه ادخلى ظبطى نفسك بقى
سمر :- ها ب.ب.بس مش معايا هدوم
حازم :- عندك هدوم اختى جوه خدى اللى انتى عايزاه بس ياريت تكون حاجه مفتوحه علشان ادلع
سمر :- بكسوف م.م.ماشى وقامت دخلت الحمام اخدت شاور وخرجت من الحمام وهى لابسه البورنص فتحت الدولاب وبصت فيه بأستغراب لاقت قمصان نوم كتير استغربت واخدت واحد لابسته وفى الوقت ده الباب اتفتح ودخل حازم وقال
حازم :- صلاة النبى احسن وقرب منها وشدها فى حضنه وقال ايه الجمال ده بس يا قلبى
سمر :- بكسوف ش.ش.شكرآ
حازم :- ميل عليها وشالها حطها على السرير وقرب منها و.........
«««««««««««««««««««««««««««««
باااااااااك
فاقت سمر من تفكيرها على صوت تليفونها بتبص فيه لاقتها مياده ردت عليها بتوتر وقالت
سمر :- ا.ا.ايوه يا مياده
مياده :- انتى فين
سمر :- ف.ف فى الشغل ليه
مياده :- انا اتصلت على المعمل وسألت عليكى قالوا ليا انك مروحتيش النهارده
سمر :- ها و.و.وانتى بتتصلى تسألى عليا ليه
مياده :- ردى على سؤالى يا سمر انتى فين
سمر :- ا.ا انا بشترى فستان علشان فرح صحبتى بكره
مياده :- وليه كذبتى عليا من الاول يا سمر ومقولتيش الحقيقه
سمر :- فيه ايه يا مياده عماله تستجوبى فيا ولا وكيل النيابه عايزه ايه منى
مياده :- تعالى ليا حالا المدرسه
سمر :- لاء يا مياده انا تعبانه وهروح على الفيلا سلام وقفلت السكه فى وش مياده واتنهدت وركبت عربيتها وروحت على الفيلا
«««««««««««««««««««««««««««««
فى المدرسه
اتغاظت مياده من قفلت السكه فى وشها من سمر وقالت
مياده :- ماشى يا سمر هعرفك ازاى تكدبى عليا وتقفلى السكه فى وشى وخرجت من المدرسه لاقت مروان واقف ليها ابتسمت ليه وراحت عنده
مروان :- واحشتينى
مياده :- بصت على الأرض بكسوف
مروان :- اهو أنا اكتر حاجه بعشقها فيكى خدودك لما بتحمر من الكسوف بتبقى زى القمر
مياده :- احم ع.ع.عامل ايه
مروان :- ابتسم وقال كويس طول ما انا شايف الابتسامه دى على شفايفك
مياده :- بكسوف م.م.مروان بس بقى كفايه
مروان :- ضحك وقال خلاص خلاص هسكت
مياده :- بصت ليه بحب وهو بيضحك
مروان :- شوفتى ازاى انك انتى اللى بتجرجرينى لكلام
مياده :- انا
مروان :- ايوه نظرت عيونك فيهم كلام كتير بتخلينى ارد عليهم بحب
مياده :- ابتسمت بكسوف وقالت مش هعرف اسكتك كالعاده
مروان :- لاء والله بجد واحشتينى اوى وخلاص مبقتش قادر على بعدك عنى اكتر من كده ونفسى بقى ربنا يقرب البعيد علشان تبقى مراتى حلالى
مياده :- انا لسه كنت بكلم علياء عليك النهارده
مروان :- وكنتى بتقوليلها عنى ايه
مياده :- و.و.ولا حاجه كنت بقولها انك اثبت نفسك فى الشغل وكده يعنى
مروان :- وكده يعنى اللى هو ازاى
مياده :- مروان انت مالك النهارده
مروان :- بحبك
مياده :- والله العظيم انت ما طبيعى النهارده
مروان :- ايوه مش طبيعى حبك جنني
مياده :- طيب يلا امشى يا مجنون
مروان :- اربع سنين وانتى مش راضيه تخلينى اوصلك ليه مش عارف
مياده :- ضحكت وقالت كده يلا باى
مروان :- اهربى مسيرك تبقى فى شقتى وسعتها بقى مش هقولك هيحصل ايه
مياده :- اتلم يا مروان باى ومشيت وسابته
مروان :- ضحك على كسوف مياده وروح على البيت
««««««««««««««««««««««««««««
فى فيلا عمر
فى اوضت علياء وعمر
دخل عمر وهو تعبان من الشغل وقعد على الكنبه بتعب
علياء :- بصت ليه بأستغراب وقالت برضه تعبت نفسك فى الشغل يا عمر
عمر :- بتعب الشغل النهارده كان كتير اوى
علياء :- مش الدكتور قالك بلاش تعمل مجهود جامد علشان صحتك
عمر :- كان غصب عنى والله يا علياء مكانش ينفع اسيب الشغل ده لحد
علياء :- وعبد الرحمن فين
عمر :- عبدالرحمن ماله بس ده شغل تانى ملهوش دعوه بالحسابات يا قلبى
علياء :- طيب قوم خد شاور على ما أنزل احضرك الغدا
عمر :- لاء متنزليش علشان اللى فى بطنك انا قولت لام حسن تجيب لينا الاكل هنا فى الاوضه
علياء :- لاء يا عمر انا مش هقضى حياتى فى الاوضه لوحدى انا عايزه انزل اكل مع اخواتى
عمر :- يا حبيبتى علشان خاطرى بلاش تعملى مجهود وحط أيده على بطنها وقال علشان خاطر حبيب بابى ده
علياء :- ابتسمت بتوتر ليه وقالت م.م.متخافش ه.ه.هو كويس بس علشان خاطرى انت تعال ننزل تحت
عمر :- وقف وقال حاضر ومسك وشها ما بين ايديه وقال خاطرك غالى عليا أو يا علياء
علياء :- ابتسمت بحب وقالت ربنا يخليك ليا
عمر :- قرب من راسها وباسها وقال وميحرمنيش منك يا احلى واجمل حاجه فى الدنيا دى
علياء :- يلا ادخل خد شاور بسرعه
عمر :- ماشى وسابها ودخل الحمام
علياء :- اتنهدت وفتحت الباب ونزلت ودخلت المطبخ وحضرت الاكل مع ام حسن وحطته على السفره
وبعد شويه نزل عمر وسمر وعبد الرحمن ومياده ومنار وقعدوا كلهم على السفره
منار :- طلعت تجرى على امها علشان تقعد على رجلها
عمر :- اول ما شاف كده قال لاء يا منار ابعدى عن مامى علشان بطنها
منار :- انا عايزه اقعد على رجل مامى
عمر :- بعصبيه اسمعى الكلام قولتلك انزلى من على رجل مامى
علياء :- سيبها يا عمر هى بعيده عن بطنى
مياده :- تعالى يا مونى على رجل خالتوا
منار:- لاء انا عايزه مامى
عمر :- برضه مش هتسمعى الكلام
عبدالرحمن :- وسع وسع وسع البرنسس منار هتشرف وتنور على رجل خالوا حبيبها وقام شالها وقال ياااااه انتى تقيله اوى يا منار بتاكلى ايه بس انتى على كده قويه
منار :- ضحكت وقالت انا قويه اوى يا خالو واقدر اضربك وضربته بالبوكس فى عينه
عبدالرحمن :- ااااه يا عينى بقى كده يا مونى علشان خاطر انتى عندك عضلات وقويه تستقوي على خالو الضعيف انا هاكل الاكل كله علشان ابقى اقوى منك واضربك
منار :- لاء انا اللى هاكل الاكل كله وقعدت تاكل وهى على رجل عبدالرحمن
عبدالرحمن :- ابتسم وباس راس منار
علياء :- بصت بألم ودموع على منار وبصت لعمر وحطت ايديها على بطنها بقلق وقعدت تقلب فى الاكل ومش بتاكل
عمر :- كلى يا قلبى مش بتاكلى ليه
علياء :- شبعت الحمدالله
عمر :- لاء انتى لازم تتغذى يا علياء علشان اللى فى بطنك
علياء :- بعصبيه اللى فى بطنك اللى فى بطنك متنزليش علشان اللى فى بطنك متتحركيش علشان اللى فى بطنك كلى كويس علشان اللى فى بطنك انا زهقت ده انت كرهتنى فيه من قبل ما يجى وسابتهم وطلعت على اوضتهم
عمر :- بص لعبدالرحمن وسمر ومياده وساب الاكل وطلع وراه علياء
منار :- خافت ومسكت فى عبدالرحمن وقالت هى مامى مالها
عبدالرحمن :- ملهاش يا حبيبتى هى تعبانه شويه علشان البيبى اللى جاى وطبطب عليها وقال لو اكلتى أكلك كله هندخل نلعب فى الجنينه ومعانا خالتو الهبله دى
منار :- ضحكت وقالت تقصد خالتو سمر
عبدالرحمن :- هو فيه عندك كام خاله هبله غيرها
سمر :- بغيظ استظراف وكده صح
عبدالرحمن :- شششش احسن الحاله تشتغل عندها
منار:- قعدت تضحك
مياده :- بصت لسمر وقالت كلى وعايزاكى
سمر :- ربنا يسهل وكملت اكلها
«««««««««««««««««««««««««««««
فى اوضت عمر وعلياء
دخل عمر الاوضه لاقه علياء قاعده على حرف السرير ومتعصبه اتنهد وراح عندها وقال
عمر :- ممكن اعرف مالك
علياء :- بعصبيه مليش
عمر :- لفها ليه وقال لاء فيه انا عارف حبيبتى متتعصبش كده غير لما يكون فيه حاجه كبيره حصلت ممكن اكون عملت حاجه من غير ما اقصد زعلتك منى
علياء :- من ساعة ما عرفت أن انا حامل وانت كل حاجه لاء ممنوع علشان اللى فى بطنى حتى بنتى مش عايز تخليها تقعد على رجلى علشان خايف على اللى فى بطنى مع أن المفروض زى ما خايف على الحمل تخاف على مشاعر بنتك ولا ايه يا عمر
عمر :- مقصدش والله يا علياء بس من فرحتى انك حامل وخايف عليكى وباس راسها وقال عمومآ يا ستى حقك عليا متزعليش وانا هراضى مونى
علياء :- ماشى
عمر :- لف دراعه حاولين وسطها وقربها ليه وقال خلاص بقى يا لولو متزعليش منى غلطه مكنتش اقصدها
علياء :- خليك عارف بس أن انا مش هقبل أبدآ بجرح مشاعر بنتى يا عمر
عمر :- بنتنا يا علياء منار بنتى زى ما هى بنتك وانا مستحيل اجرح مشاعرها منار هى أول فرحتى اول ما عينى شافت هى اول شفايف ناديت عليا بابى هى نور عيونى من جوه يبقى ازاى يهون عليا اجرح مشاعرها يا علياء
علياء :- حطت ايديها على بطنها وقالت تفكيرك فى ده يخليك تجرح مشاعرها
عمر :- يا عبيطه زى ما ده ابنى هى بنتى والاتنين غلاوه واحده عندى
علياء :- بجد يا عمر
عمر :- وحياة علياء عندى بجد
علياء :- بصت ليه بدموع
عمر :- شدها فى حضنه وقال ششش بلاش دموع يا علياء انتى وعدينى أن انا مش هشوف دموعك دى تانى علشان بتقتلنى
علياء :- مسكت فيه اكتر وقالت انا بحبك اوى يا عمر
عمر :- باس راسها وقال وانا بعشقك يا روح عمر يلا امسحى دموعك وتعالى ننزل ليهم تحت
علياء :- مسحت دموعها وقالت يلا
ونزلوا الاتنين مع بعض لاقوه عبدالرحمن بيلعب مع منار فى الجنينه خرج عمر وقال
عمر :- ممكن العب معاكم
عبدالرحمن :- أنا مليش دعوه أسأل صحبت اللعبه
عمر :- راح عند منار وقعد على ركبته قصادها وقال ممكن يا انسه منار العب معاكم بليز وافقى
منار :- انا مخمصاك
عمر :- يا نهار ابيض مخمصانى مره واحده لاء انا مقدرش على كده
منار :- انت وحش علشان زعقت ليا
عمر :- بجد انا زعقتلك انا فعلا وحش وبارد ولازم اعاقب نفسى؛ وقال بتفكير اممممم اعاقب نفسى ازاى
منار :- معرفش
عمر :- امممم اخدك الملاهى ها ايه رأيك فى العقاب ده
منار :- بجد يا بابى
عمر :- بجد يا روح بابى اهم حاجه متزعليش منى
منار :- حضنته اوى وقالت انا بحبك اوى اوى يا بابى
عمر :- حضنها جامد وباسها فى خدها
علياء :- بصت عليهم بحب وابتسمت بأرتياح
عبدالرحمن:- ايه ده بقى يعنى انتى كده استغنيتى عنى
منار :- لاء يا خالو هتيجى معانا
عبدالرحمن :- بابى مش هيرضى
منار :- بصت ليه وقالت بجد يا بابى مش هترضى
عمر :- اللى اميرتى تأمر بيه هيتنفذ علطول
منار :- نروح كلنا
عمر :- كلامك يمشى يا برنسيسة قلبى
منار :- بفرحه هييييييييا
عمر :- ابتسم وبص بحب لعلياء
««««««««««««««««««««««««««««
فى اوضت سمر
دخلت مياده الاوضه عند سمر لاقتها قاعده وحاطه السماعات فى ودنها وبتسمع اغانى راحت عندها وشدت السماعات من ودنها بغيظ
سمر :- انتى غبيه ازاى تشدى السماعات من ودنى كده
مياده :- انا مش قولتلك عايزاكى لما تاكلى
سمر :- مياده بقولك ايه بلاش تصدعينى بكلامك ده وحياة ابوكى
مياده :- ما هو انا مش هسيبك غير لما تقوليلى كنتى فين طول النهار
سمر :- ملكيش دعوه ممكن بقى تخليكى فى حالك ومتدخليش فى اللى ملكيش فيه
مياده :- اتعدلى يا سمر احسن اقسم بالله اكسرك
سمر :- يا شيخه روحى بلاش نخع انتى تقدرى تشيلى نمله
مياده :- بت انتى متفرعنه على ايه ها واحده زيك على المصايب اللى عملتها فى حياتها تتكسر وتتهد إنما انتى جبروت مش بتتهدى أبدآ
سمر :- قولى الله اكبر بس احسن ما تحسدينى وخدى الباب فى ايدك وورينى عرض كتافك
مياده :- اقسم بالله لرجعلك مهند يا سمر فاكراه هو الوحيد اللى كان بيقدر عليكى
سمر :- اتوترت وقالت ها م.م.مهند مين ده اللى اخاف منه انا مبخافش من حد يا مياده
مياده :- اه فعلا على يدى ده انا كنت بشوف العجب من كتر خوفك منه
سمر :- اطلعى من اوضى يا مياده
مياده :- هرجعه ليكى هخليه يربيكى من اول وجديد
سمر :- لا عاش ولا كان اللى يفكر يدوس ليا على طرف يا مياده مالك هتموتى منى ليه ها براحه على نفسك وبلاش صرمك ده الله يكرمك
مياده :- انتى لا تربيتى ولا تعرفى حاجه عن التربيه وانا اللى هربيكى يا سمر ومسكت شعرها وقعدت تضرب فيها
سمر :- قعدت تزق فيها وتصوت وقالت. وربنا ما هسيبك يا مياده
البيت كله طلع يجرى على صوت سمر وزعيق مياده
علياء :- ايه فيه ايه
سمر :- اختك بتمد ايديها عليا يا علياء
علياء:- ليه يا مياده انتى عارفه أن سمر بالذات مبحبش حد يمد أيده عليها
مياده :- ما هو دلعك فيها ده اللى بوظها يا علياء اختك خلاص مبقاش حد قادرها
عبدالرحمن :- طيب هى عملت ايه
مياده :- ها م.م.مفيش بترد عليا بأسلوب وحش
عمر :- فهميها براحه يا مياده مش بالضرب
مياده :- اصل انتوا مش فاهمين حاجه بصوا من الاخر البت دى مش هينفع معاها غير مهند هو اللى كان عارف يمشيها على عجين متغلبطهوش
علياء :- بعصبيه ده لاء يا مياده اى حد من العيله دى لاء فاهمه
سمر :- عملت نفسها بتعيط ومسكت فى اختها علياء اكتر
عبدالرحمن :- ليه كده يا مياده ما قولنلك براحه عليها شويه
مياده :- خلاص بقيت انا الشريره وهى الملاك براحتكم ابقوا اشربوا مصايبها بقى
عمر :- تعالى معايا يا مياده
مياده :- اتنهدت وقالت حاضر ونزلت مع عمر
سمر:- بدموع تمثيل الله يرحمك يا بابا انت وماما لو كنتوا عايشين مكانش حصل فيا كده
علياء:- أهدى يا حبيبتى مياده بتحبك بس هى بتخاف عليكى اوى زياده عن اللزوم
عبدالرحمن :- متزعليش يلا جهزى نفسك رايحين الملاهى
سمر :- بفرحه بجد هيييييا
علياء :- ضحكت وقالت كأنك منار بنتى الدماغ واحده هتفضلى بعقل طفله مهما كبرتى وضحكت وخرجت هى وعبد الرحمن
سمر :- مسكت شعرها وقالت ااااه يا شعرى ايديها تقيله اوى المفتريه دى امته اتجوز حازم وارتاح من القرف ده وبدأت تغير هدومها علشان تخرج معاهم
««««««««««««««««««««««««««««
فى مكتب عمر
عمر دخل هو ومياده وقال
عمر :- اقعدى يا مياده
مياده :- قعدت بعصبيه
عمر :- مالك بقى ايه معصبك كده
مياده :- فيه غيرها سمر
عمر :- ليه عملتلك ايه
مياده :- ها م.م.ما انا قولت فوق بترد عليا بأسلوب مش كويس
عمر :- لاء مش هى دى الحقيقه
مياده :- اتنهدت وقالت انا خايفه عليها سمر طايشه وخايفه اى واحد يضحك عليها بكلمتين تسلم نفسها ليه
عمر :- ليه بتقولى كده
مياده :- اتصلت عليها كتير مردتش قلقت عليها اتصلت على المعمل وسألت عليها قالوا ليا أنها مجاتش ورجعت اتصلت عليها وسألتها هى فين كذبت عليا وقالت إنها فى الشغل معنى انها كذبت عليا يبقى بتعمل حاجه غلط ورجعت قالت ليا أنها بتشترى فستان علشان فرح صحبتها بكره
عمر :- بس هى فعلا اخدت منى فلوس وقالت ليا كده أنها هتشترى فستان
مياده :- ولما هى بتشترى فستان ليه كذبت عليا ومقالتش كده من الاول انا قلبى بيقولى أنها بتعمل مصيبه وعلشان كده كذبت عليا انا خايفه عليها اوى يا عمر
عمر :- عمومآ أهدى ومتقلقيش وانا هخلى حد من رجالتى يراقبها ويقولى اخبارها اول بأول
مياده :- ماشى بس تطمنى بالله عليك وتقولى الحقيقه
عمر :- حاضر والله أهدى بقى واطلعى اجهزى علشان الست منار امرت أننا كلنا نروح معاها الملاهى
مياده :- ضحكت وقالت حاضر كلنا تحت امر الاميره منار عن اذنك وسابته وطلعت تجهز نفسها
عمر :- قام هو كمان وطلع اوضه يجهز
«««««««««««««««««««««««««««««
فى بيت عبده
طلع مهند من المحل ودخل عند أمه المطبخ وقال
مهند :- يا امااااا جعاااان
حكمت :- فيه ايه يا ابنى خضتنى
مهند :- يقطعنى
حكمت :- بعد الشر عليك يا حبيبى
مهند :- قعد وقال الولا مراد واحشنى اوى نفسى يرجع بقى
حكمت :- ومن سمعك يا ابنى ده انا هموت واشوفه خايفه اموت قبل ما يرجع مصر
مهند :- بعد الشر عليكى يا امى ربنا يديكى الصحه
حكمت :- ادخل شوف مقصوفة الرقبه اختك صحيت ولا ايه خلاص بقت مقضيه حياتها كلها نوم
مهند :- حاضر وراح عند باب اوضت أخته وخبط على الباب ودخل وقال بت يا مريم انتى يا بت
مريم :- يوووووه عايز ايه يا مهند
مهند :- بتقولك امك اصحى يلا
مريم :- سبونى انام شويه
مهند:- بت انتى مش بتشبعى نوم قومى قامت قيامتك
مريم :-يا ربى بقى على الغلب اللى انا فيه حتى فى بيتى مش عارفه اخد راحتى
مهند :- بطلى دلع وقومى يلا وخرج وسابها
مريم :- قامت قعدت على السرير بغيظ وقالت بيت فقر ربنا يتوب عليا منه ودخلت الحمام
مهند :- صحيت يا اما
حكمت :- خد يا حبيبى حط الاكل على السفره وفى الوقت ده تليفونه رن برقم مياده استغرب وبص لامه وقال ث.ث.ثوانى ارد على التليفون وطلع يجرى على البلكونه ورد وقال ازيك يا انسه مياده
مياده :- ازيك يا مهند انا قولت انك مسحت رقمى من عندك
مهند :- لاء طبعآ همسح رقمك ليه
مياده :- يعنى علشان اللى حصل قبل ما نمشى
مهند :- لاء عادى دى كانت لعبه مش اكتر المهم انتوا اخباركم ايه ومشيتوا كده من غير ما حد يعرف
مياده :- ها ظروف هبقى اقولك عليها المهم انا محتاجك يا مهند
مهند :- خير
مياده :- سمر كل ما بتكبر كل ما بتزيد فى اللى هى بتعملوا السنين مغيرتش حاجه فيها بالعكس اتغيرت للاوحش وانت الوحيد اللى كنت بتقدر عليها كنت عايزه انك تحاول تقرب منها وتعرف هى بتعمل ايه من ورانا
مهند :- بس انا مبقتش فاضى زى الاول يا انسه مياده انا مسكت محل ابويه وشغال فيه
مياده :- دى ساعه واحده فى اليوم تروح ليها عند المعمل وتشوف بتعمل ايه من ورانا انا عارفه أن بتقل عليك بس انت الوحيد اللى سمر بتخاف منه وانت راجل بجد يوم ما اعتمد عليك مخزلتنيش يا مهند
مهند :- ماشى ابقى ابعتى ليا عنوان المعمل ده وانا من بكره هروح ليها
مياده :- شكرآ بجد يا مهند مش عارفه اقولك ايه
مهند :- متقوليش حاجه يا انسه مياده انتوا اخواتى
مياده :- ربنا يخليك هسيبك دلوقتى بقى سلام
مهند :- مع السلامه وقفل السكه واتنهد وقال اخيرآ عرفت مكانك فين يا سمر
مريم :-بصوت عالى ايه ده انت رجعت تكلم البت اللى اسمها سمر دى تانى يا اما الحقى ابنك بيكلم البت سمر
مهند :- كتم نفسها وقال عارفه لو نطقتى بنص كلمه هكتم نفسك اموتك فاهمه وبعدين دى مكانتش سمر دى اختها مياده
مريم :- ممممم
مهند :- شال أيده من على بؤقها
مريم :- واللى اسمها مياده دى تكلمك ليه وهما اصلا طفشوا وراحوا فين
مهند :- انتى مالك يا بارده حشره مناخيرك فى النص ليه
مريم :- علشان بكرهه الناس دى اوى كلهم على بعض كده عايزين يتفجروا وبالذات البت اللى اسمها سمر والولا اللى اسمه عبدالرحمن بكرهم اووووى
مهند :- اعوذ بالله يا شيخه من السواد اللى جواكى روحى يا مريم غورى من وشي
مريم :- طيب هما قاعدين فين
مهند :- معرفش بت انتى جاموسه مش بتفهمى امشى احسن ما اديكى شلوط اطيرك
مريم :- هوف بنى أدم خنيق ومشىيت وسابته
مهند :- بص على أخته واتنهد ودخل وراها
««««««««««««««««««««««««««««
عند مراد
خرج مراد من مكتبه وبص لسكرتيره وقال
مراد :- انا ماشي وسابها ومشى
ليان :- استاذ مراد استاذ مراد
مراد :- وقف وقال ايوه
ليان :- مفكرتش فى موضوع عيد ميلادى هبقى فرحانه اوى لو حضرت عيد ميلادى
مراد :- انا قولتلك مش فاضى يا انسه ليان ولسه هيمشى
ليان :- مسكته من دراعه وقالت طيب مش هتقولى كل سنه وانتى طيبه حتى
مراد :- كل سنه وانتى طيبه عن اذنك وسابها ونزل
ليان :- عاااااا انا هتشل من ام تقله ده اعمل ايه بس ياربى علشان يحس بيا ورجعت قعدت تانى على المكتب بتاعها
مراد :- نزل من مكتبه ركب عربيته ورجع راسه لوراه وقال اااااه يا علياء يا ترى عامله ايه واحشتينى اوى اوى واتنهد وشغل العربيه ورجع على شقته دخل اوضه غير هدومه ونزل عمل سندوتش وواحد نسكافيه وقعد على الكنبه ومسك تليفونه اتصل بأدم وانتظر رده
أدم :- مراد عامل ايه
مراد :- انا كويس المهم انت عامل ايه
أدم :- عايش حياتى وكله زى الفل
مراد :- لسه زى ما انت عمرك ما هتتغير
أدم :- انا دمى بيجرى فيه عشق البنات والليالى الحمرا يا مرود
مراد :- اخرتك سوده وبكره تقول مراد قال
أدم :- ده بكره هيبقى احلى واحلى لما اورث فلوس عمر كلها وتبقى ليا
مراد :- يا ساتر عليك بنى أدم هو بيعمل معاك ايه وانت بتقول عليه ايه
أدم :- يا مرود كلنا هنموت مش بقول حاجه مش هتحصل
مراد :- ربنا يهديك لنفسك وسمع صوت ضحكت بنت جمبه قال شكلك مش فاضى
أدم :- ضحك وقال ما قولتلك بعشق الليالى الحمرا ولا ايه يا ملوكه
مراد :- اقفل يا آدم اقفل وقفل معاه السكه واتصل على مهند وانتظر الرد
مهند :- مراد عامل ايه واحشتنى
مراد :- بحب انا كويس الحمدالله انتوا كلكم عاملين ايه واحشتونى اوى
مهند :- امك هتموت عليك يا مراد انت اربع سنين من يوم ما سافرت منزلتش مصر ولا شوفنا وشك
مراد :- بوجع مش عايز انزل يا مهند مش عايز اشوف المكان اللى دبحت فيه حبيبتى بأيدى
مهند :- ياااااه يا مراد كل ده ومنستش اللى حصل
مراد :- انسى اللى حصل ازاى وانا حياتى واقفه على اللحظه حياتى كلها بقت كوابيس بشوف فيها نظراتها ليا؛ هى مرجعتش برضه يا مهند؟
مهند :- لاء يا مراد لسه منعرفش حاجه عنها
مراد :- اتنهد بوجع وقال طول ما هى غايبه هفضل ميت على وش الارض
مهند :- انا قولت الايام هتقدر تنسيك بس شايف العكس أن حالتك بتسوء اكتر من الاول بكتير
مراد :- انا عايش حياتى تحصيل حاصل يا مهند اللى هو عايش والسلام منتظر اللحظه اللى روحى هتفارق فيها جسمى وارتاح من كل اللى انا فيه ده
مهند :- بعد الشر عليكى يا حبيبى ربنا يطول فى عمرك ويحميك لشبابك
مراد :- ربنا يخليك سلم على ماما وبابا والبت مريم
مهند :- حاضر وهما بيسلموا عليك
مراد :- الله يسلمك ويسلمهم مع السلامه وقفل السكه مع مهند وقام طلع اوضه ونام على سريره وحط أيده تحت راسه وقعد يبص على السقف وشاف قصاده صورة علياء ابتسم ليها وفى الوقت ده جرس الباب رن استغرب ونزل فتح الباب وقال بصدمه انتى
ليان :- دخلت وقفلت الباب وقالت ما احنا لازم نتكلم انا تعبت اربع سنين وانت منفض ليا حرام كده والله
مراد :- انسه ليان ايه اللى انتى بتقوليه ده اتفضلى من غير مطرود
ليان :- قربت منه وقالت انا مش ماشيه من هنا يا مراد ومشيت ايديها على صدره وقالت انا بحبك يا مراد ومش معقول يعنى انك مش حاسس بيا كل ده
مراد :- اتوتر وبعدها عنه وقال اطلعى برررره
ليان :- قربت ليه اكتر وقالت انت ليه بتعمل معايا كده ومشيت ايديها على شفايفه وقالت سيب ليا نفسك وانا اوعدك مش هخليك تستغنى عنى خالص
مراد :- اتوتر وبص على شفايفها وغمض عينه ولسه هيقرب منها شاف نظرة علياء ليه بعد عنها ومسكها من دراعها وفتح الباب وحدفها بره وقال بعصبيه مش عايز اشوفك هنا تانى فاهمه وقفل الباب وسند عليه واتنهد وقال مستحيل اكون لحد غيرك يا علياء انا ليكى انتى وبس وطلع يجرى على اوضه