رواية فتاة فى زمن قاسي كامله بقلم دودو محمد
المقدمه والفصل الاول
اعترف وبشده لقد هزمتنى الحياة فأنه زمن قاسى جدآ ليس له قلب لا احد يعلم ماذا ينتظره المصير فراق وجع تحطيم لو كان بأيدى الأمر لأنهيت اوجاع الكون وجعلت من الزمن بلسم يطيب اوجاع البشر مهلا ايها الزمن اكتفيت من قسوتك عليا اعطينى امل براق اعطينى الامان أصبحت گ الداميه متروكه فى صندوق المهملات لا احد يعلم بوجودها فى هذا المكان المظلم كفى✋ لقد اشبعت من اوجاعى وتحطمت امالى وتشتت افكار وتبعثرت دموعى كفى✋ ايها الزمن القاسى كفى✋ لقد أصبحت فتاة تعانى من قسوتك عليها أصبحت فتاة فى زمن قاسى
🌹فتاة فى زمن قاسي 🌹 1
🥀الفصل الاول 🥀
بقلم دودو محمد
فى احدى المناطق الشعبيه فى شوارع القاهره يوجد بنايه قديمه جدآ يسكن فيها عائلات متوسطة المستوى وفى اخر دور يسكن اربع اخوات يعيشوا مع بعض رغم فقرهم الا أنهم يعيشوا فى محبه واخاء
تخرج الاخت الكبيره من اوضتها هى وأخواتها البنات وتروح عند الكنبه وتخبط على كتف اخوها عبد الرحمن وتقول
علياء :- عبدالرحمن يا عبدالرحمن
عبدالرحمن :- امممم
علياء :- قوم يلا علشان تروح الجامعه
عبدالرحمن :- فتح عينه وقال صباح الخير يا لولو
علياء :- ابتسمت وقالت صباح النور يا حبيبى قوم اجهز على ما احضر ليكم الفطار
عبدالرحمن :- ماشى يا حبيبتى وقام دخل الحمام
علياء :- دخلت المطبخ حضرت الفطار وفى الوقت ده دخلت مياده وباست خدها وقالت
مياده :- صباح الخير يا لولو
علياء :- ابتسمت ليها وقالت صباح الخير يا حبيبتى
مياده :- اساعدك فى حاجه
علياء :- انا خلاص حضرت الفطار بس روحى حطى الطبليه
مياده :- حاضر وخرجت حطت الطبليه وقالت لأختها سمر روحى هاتى الاكل من اختك
سمر :- اروح اجيب الاكل ده هو كله طبق فول بتاع كل يوم وهتجيبه اختك فى ايديها وهى جايه
علياء :- وهى جايه وماسكه طبق الفول فى ايديها قالت احمدى ربنا عليه بدل ما يزول هو كمان من وشنا
سمر :- اممم كلمتين كل يوم على العموم مش عايزه اطفح هدخل اغير هدومى واغور ربنا يتوب عليا من ام الغلب ده وسابتهم ودخلت الاوضه
علياء :- عينيها دمعت وبصت عليها وهى ماشيه
مياده :- طبطبت على كتفها وقالت متزعليش انتى عارفه اختك طايشه ومش بتعجبها عشيتها
علياء :- اتنهدت وقالت عارفه ربنا يهديها وحطت الطبق على الطبليه وقالت اقعدى يلا على ما يجى اخوكى عبدالرحمن
مياده :- حاضر وقعدت وشويه وقعد عبد الرحمن وقعدوا ياكلوا وخرجت سمر من اوضتها ولسه هتخرج
عبدالرحمن :- استنى هنا
سمر:- ايه فيه ايه
عبدالرحمن :- انتى ازاى هتنزلى كده
سمر :- كده ازاى
عبدالرحمن :- انتى مش شايفه نفسك هدومك ضيقه اوى ادخلى غيرى هدومك دى
سمر :- وانت مالك إذا كانت ضيقه ولا لاء انا حره ولبسى عجبنى ولسه هتمشى
عبدالرحمن :- وقف وراح مسكها من دراعها وقال مش هتخرجى من البيت بالمنظر ده يا سمر وأقسم بالله لو مسمعتيش الكلام ودخلتى غيرتى هدومك هكسرك رقابتك
سمر :- مش هغير واوعى ايدك كده متعملش راجل عليا
عبدالرحمن :- بعصبيه انا راجل غصب عنك وورينى بقى هتخرجى ازاى
سمر :- زقته وقالت هخرج يا عبدالرحمن
عبدالرحمن :- داس على دراعها ورفع أيده ولسه هيضربها بالقلم
علياء :- مسكت أيده وقالت عبدالرحمن اهدا
عبدالرحمن :- بعصبيه انتى مش شايفه لبسها وطريقة كلامها يا علياء
علياء :- اهدا بس وهى هتعمل اللى انت قولت عليه
سمر :- بعصبيه هو ايه اللى هعمله اللى هو قال عليه لاء طبعآ انا هعمل اللى فى دماغى انا بس محدش ليه حكم عليا
علياء :- بزعيق سمر اخرسى خالص
سمر :- لاء مش هخرس ومتفكروش علشان انا أصغر واحده فيكم هتتحكموا فيا انا حره محدش يدخل فى حياتى اعمل اللى انا عايزه وكل واحد يخليه فى حاله
علياء :- الواضح كده انا معرفتش اربيكى
سمر :- والنبى بلاش بقى دور الاخت الكبيره ده علشان بقى طعمه ماسخ اوى روحى يا علياء روحى شوفيلك شقه اخدمى فيها زى ما بتعملى وافضلى اخدمى فى البيوت لحد ما هنتعاير بيكى من أصحابنا
مياده :- سمر ايه اللى انتى بتقوليه
علياء :- سبيها تقول كل اللى عندها بس احب اقولك شغلة الخدامه اللى مش عجباكى دى هى اللى ربيتك وكبرتك ودخلتك الجامعه وجابت ليكى الهدوم اللى على جسمك دى انا مش هعيش عليكى دور الاخت الكبيره لأن انا فعلا اختك الكبيره اللى ربتك واخدتك وانتى لسه حتة لحمه حمرا اختك الكبيره دى اللى سهرة بيكى الليالى وانتى بتعيطى وكانت هتموت عليكى لما يجيلك شوية برد ولا سخونيه انا من حقى اخاف عليكى وامنعك بالقوه انك تعملى الغلط مش علشان انتى اختى الصغيره لاء علشان انتى بنتى اللى ربيتها وكبرتها اتفضلى ادخلى اوضك غيرى هدومك
سمر :- بصت ليها بغيظ ودخلت اوضتها وهى بتبرطم
علياء :- قعدت على الكنبه وهى الدموع فى عينيها
مياده :- قعدت جنبها ودموعها فى عينيها وقالت متزعليش يا علياء دى واحده معندهاش دم حقك عليا انا انتى مش مجرد اخت لينا انتى امنا وعمرنا ما نستعر منك أبدآ
علياء :- ابتسمت بوجع وطبطبت على ايد مياده وقالت مش زعلانه يلا يا حبيبتى روحى شغلك هتتأخرى
مياده :- باست راسها وقالت محتاجه حاجه طيب
علياء :- سلامتك يا حبيبتى
مياده :- اتنهدت بوجع وقامت وقفت وفتحت الباب ونزلت
علياء :- يلا يا حبيبى انت كمان روح الجامعه بتاعتك
عبدالرحمن :- انتى زعلتى منى
علياء :- لاء ليه بتقول كده
عبدالرحمن :- علشان انا اللى عملت المشكله دى وبسببى قالت ليكى الكلام ده
علياء :- لاء طبعآ يا حبيبى انا مقدرش ازعل منكم وطبطبت عليه وقالت روح يلا علشان متتأخرش محتاج فلوس ولا حاجه
عبدالرحمن :- باس ايديها وقال لاء يا حبيبتى انتى مش محتاجه حاجه
علياء :- سلامتك يا حبيبى
عبدالرحمن :- نزل هو كمان راح على الجامعه بتاعته
علياء :- بصت على باب الاوضه ودموعها نزلت منها وقلبها كان وجعها اوى من كلام سمر ليها اتنهدت بوجع وقامت وقفت وفتحت باب الشقه وراحت على شغلها وبعد وقت راحت عند المصنع بتاع الهدوم اللى شغاله فيه ودخلت غيرت هدومها وقعدت على مكنة الخياطه من غير ولا كلمه
رضوى :- مالك يا لولو قعدى كده من غير سلام ولا كلام
علياء :- اتنهدت بوجع وقالت معلش يا رضوى انا تعبانه ومش قادره اتكلم
رضوى :- لاء طبعآ مش هسيبك ساكته كده شكلك زعلانه من حاجه
علياء :- ابوس ايدك يا رضوى سبينى دلوقتى فى البريك ابقى احكيلك
رضوى :- ماشى وبدأوا الاتنين يشوفوا شغلهم
««««««««««««««««««««««««««««
فى بيت عبده
تدخل الام اوضت اولادها علشان تصحيهم هما الاتنين وتقول
حكمت :- مراد يا مراد قوم يلا يا حبيبى
مراد :- فتح عينه وقال صباح الخير يا ماما
حكمت :- صباح النور يا حبيبى قوم يلا يا ابنى هتتأخر على الشغل
مراد :- حاضر يا ماما وقام من على سريره و دخل الحمام
حكمت :- مهند يا مهند
مهند :- امممم
حكمت :- قوم يلا يا ابنى
مهند :- فتح عينه بصعوبه وقال طيب انتى بتصحى مراد بدرى علشان شغله انا بقى بتصحينى بدرى ليه
حكمت :- قوم يا ابنى انزل دور على شغل واشتغل بدل ما انت قاعد فى البيت كده
مهند :- اممم اسطوانة كل يوم يا ماما يا حبيبتى شغل ايه ده اللى هلاقيه هى البلد فيها اشغال لحد
حكمت :- خلاص انزل ساعد ابوك واقف معاه فى المحل
مهند :- هو انتى مش بتزهقى أبدآ كلام فى الموضوع ده انا مستحيل انزل اقف فى محل بقاله
حكمت :- يعنى يا ابنى لا عجبك كده ولا عجبك كده الوضع ده مينفعش يا حبيبى انت سنك مش صغير انت عندك تلاتين سنه واللى فى سنك دلوقتى متجوزين ومعاهم عيال
مهند :- ده على اساس ان مراد مش فى سنى ومتجوزش لحد دلوقتى
حكمت :- اخوك رافض حد يساعده وبيكون نفسه بنفسه علشان كده لحد دلوقتى متجوزش
مهند :- اهو ابتدينا المعيره اهو علشان هو شغال وانا لاء
حكمت :- معيرة ايه بس يا ابنى انا قلبى وجعنى معاك من كتر الكلام انت حر بقى وخرجت وسابته
مهند :- نفخ وشوح ليها وحط راسه تحت المخده ونام تانى
مراد :- خرج من الحمام وبص على اخوه وقال ما تخلى عندك شوية دم يا اخى وانزل دور على شغل
مهند :- خرج دماغه من تحت المخده وقال المصلح الاجتماعى جه هو كمان يكمل الوصله بتاعة كل يوم
مراد :- انت واحد معندكش ريحة الدم بدل ما تقوم تنزل تشتغل وتصرف على نفسك عايز تنام وابوك الراجل الكبير ينزل يوقف طول النهار على رجله علشان يصرف على حضرتك
مهند :- محدش اشتكى ليك اطلع منها
مراد :- بنى أدم رخم
مهند :- والله العظيم مشوفتش ارخم منك وخلص بقى واطفى النور علشان عايز اتخمد
مراد :- بص ليه بقرف وراح غير هدومه واده فرضه وطفى النور وخرج من الاوضه
وفى الوقت ده لاقه أمه خارجه من الاوضه بتاعة مريم وهى متعصبه وبتقول
حكمت :- ده ايه وجع القلب ده ياربى هلاقيها منها ولا من اخوها التانى ده
مراد :- مالك بس يا ماما
حكمت :- اختك مدوخانى ومش عايزه تصحه انا تعبت منها ومن التانى اللى نايم جوه ده
مراد :- معلش يا امى طولى بالك عليهم
حكمت :- ربنا يبارك ليا فيك يا حبيبى طول عمرك انت اللى مريح قلبى معاك
مراد :- ربنا يخليكى لينا يا ست الكل هروح انا اصحى البت مريم
حكمت :- ماشى يا حبيبى وانا هحضر الفطار وسابته ومشيت
مراد :- دخل الاوضه عند مريم وخبط على كتفها وقال مريم قومى يلا
مريم :- يوووووه بقى سبنى انام يا مراد انا متأكده أن ماما هى اللى بعتتك ليا
مراد :- قومى يلا وبلاش دلع
مريم :- مراد انا طول الليل منمتش سبنى انام ابوس ايدك انا كده كده معنديش حاجه مهمه فى الجامعه النهارده
مراد :- وسهرانه بتعملى ايه طول الليل
مريم :- ها ك.ك.كنت بذاكر
مراد :- بتذاكرى طيب قومى يلا خلصى
مريم :- انا عارفه أن انا مش هخلص من زنكم وقامت وهى بتبرطم ودخلت الحمام
مراد :- بص ليها وهى ماشيه وهز راسه يمين وشمال وخرج من الاوضه وراح عند أمه وقال صحيتها خلاص يا امى
حكمت :- ربنا يتوب عليا منهم جوز الخيل دول وكل واحد يروح بيته ويرزقك يا حبيبى ببنت الحلال اللى تسعدك وتفرح قلبك يارب
مراد :- ابتسم ليها وخرج من المطبخ
وشويه والكل اتجمع على السفره الا مهند كان نايم
عبده :- امال الولا مهند فين
حكمت :- نايم زى كل يوم
عبده :- انا تعبت مع الولا ده مش لاقى حل معاه هيفضل كده لحد امته ما اخوه توأمه اهو شغال ومش تعبنا زيه كده
مراد :- معلش يا بابا بكره ربنا يهديه
عبده :- لحد امته بس ده بقى عمره تلاتين سنه هيفتح بيت ليه امته بس ولا مستنى القرشين اللى مخليهم لجواز أخته اديهم ليه هو
مريم :- اه صح يا بابا زميلى فى الجامعه عايز يجى يقابل حضرتك
عبده :- يجى يقابلنى ليه
مريم :- احم ع.ع.عايز يتقدم ليا
عبده :- دلوقتى مش لما تخلصوا وتتخرجوا الاول
مريم :- ما هو هيتقدم ليك وهيخطبنى بعد موافقة حضرتك الاول وبعد ما نتخرج هنعمل الفرح
عبده :- خلاص خليه يجى بكره بعد العشا
مريم :- وقفت بفرحه وقالت هبلغه
حكمت :- اقعدى كملى اكلك
مريم :- شبعت الحمدالله باى وخرجت راحت على الجامعه بتاعتها
حكمت :- إذا كان كده خلى علياء تيجى تساعدنى بكره فى تنضيف البيت بقى
عبده :- هبقى اشوفهالك
مراد :- وقف وقال هروح انا محتاجين حاجه
حكمت :- لاء يا حبيبى ربنا يستر طريقك ويكفيك شر المستخبى يا حبيبى
مراد :- باس راس أمه وقال السلام عليكم وفتح الباب ونزل قابل مروان على السلم قال صباح الخير يا مروان
مروان :- صباح النور
مراد :- رايح فين كده
مروان :- فيه شركه قطاع خاص طالبه رجالة أمن هروح اقدم فيها وربنا يسهل
مراد :- ربنا معاك أن شاءالله هيوفقك
مروان :- يارب
مراد :- تعال معايا على السكه
مروان :- يلا بينا ونزلوا الاتنين مع بعض ركبوا الاتوبيس وراحوا شغلهم
«««««««««««««««««««««««««««««
فى المصنع
بدء وقت البريك ودخلت علياء ورضوى المكان المخصص للأكل وقعدت علياء بتعب وحطت ايديها فى ضهرها وقالت
علياء :- اااااه ضهرى مكسور مش قادره
رضوى :- شكلك نزلتى شغل امبارح بعد ما روحتى من المصنع
علياء :- كان فيه بيت عايز يمسح السلم امبارح روحت عملته
رضوى :- يا بنتى حرام عليكى نفسك انتى كده بتنتقمى من نفسك بالطريقه دى ممكن يحصلك حاجه
علياء :- اعمل ايه طيب يا رضوى المصاريف كتيره اوى عليا بتاعة اخواتى ولازم اشتغل شغلانه تانيه قصاد دى
رضوي:- يا علياء اخواتك كبروا خلاص سبيهم يعتمدوا على نفسهم ويشتغلوا اختك مياده شغاله تساعد معاكى شويه إنما اللى انتى بتعمليه فى نفسك ده حرام
علياء :- لاء طبعآ مياده فلوسها خليها ليها تجهز نفسها بيها علشان لما ربنا يرزقها بأبن الحلال تكون جاهزه وبعدين هما مسؤولين منى يا رضوى وطول ما هما معايا هفضل اشتغل واصرف عليهم
رضوي :- وانتى فين من كل ده يا علياء
علياء :- مش فاهمه
رضوي :- مسؤولياتك نسيتك نفسك امته هتعيشى سنك زى البنات اللى فى سنك طول عمرك تعبانه وشقيانه معاهم حرمتى نفسك من حاجات كتير علشانهم وعمرك بيجرى ومش بتفكرى نهائى فى نفسك امته هتتجوزى وترتاحى من الهم ده بقى
علياء :- اتجوز
رضوي :- اه تتجوزى انتى مش بنت زى كل البنات بتحلمى يكون عندك راجل يحبك ويحتويكى ويريحك بقى من شقى السنين ده
علياء :- سكتت شويه وقالت اللى زى اتخلق علشان يتعب ويشقى فى الدنيا دى من يوم موت بابا وماما وانا حسيت نفسى موت معاهم البنوته الشقيه ماتت واللى فضلت دى واحده عايشه علشان تشيل مسؤولية غيرها وبس
رضوي :- غلط اخواتك اللى انتى عايشه ليهم دول بكره كل واحد فيهم هيعيش حياته ومش هيسأل فيكى وهتندمى لما تلاقى نفسك وحيده ومحدش جنبك
علياء :- انا السعاده الحقيقيه عندى هى أن اشوف كل واحد فيهم سعيد ومبسوط يا رضوي
رضوي :- اقطع دراعى من هنا لو مكنتيش متخانقه معاهم الصبح وبالذات مع اللى اسمها سمر دى
علياء :- رضوي متتكلميش كده على اختى سمر غلبانه وطيبه هى بس لسانها طويل شويه وعصبيه إنما قلبها ابيض والله
رضوي :- مين دى اللى قلبها ابيض وطيبه دى عايزه حش وسطها دى عايشه فى الدور اوى ومتعجرفه متعرفيش على ايه ودايمآ حارقه دمك ومزعلاكى
علياء :- قولتلك متتكلميش عليها كده يا رضوي وبعدين كفايه أنها هى اكتر واحده اتحرمت من بابا وماما وهى صغيره ملحقتش تشبع منهم بكره ربنا يهديها وتهدا شويه سنها لسه صغير انا بس كل اللى مخوفنى عليها انها طيشه وبتبص لفوق وخايفه تمشى فى طريق احنا مش قده
رضوي :- ازاى مش فاهمه
علياء :- اتنهدت وقالت يعنى طريقة لبسها وكلامها تخلى الشباب تطمع فيها وممكن اى شاب من اللى معاها فى الجامعه يغريها بفلوسه وسعتها هتحصل اكبر مشكله ربنا يستر ويهديها يارب انا خايفه عليها اوى يا رضوى
رضوي :- واخرت خوفك ايه ادعى ربنا يهديها وربنا أن شاءالله هيحميها ويحرسها
علياء :- يارب يا رضوي يارب وفى الوقت ده انتهى وقت البريك وراحوا قعدوا تانى مكانهم وبدأوا يشوفوا شغلهم
«««««««««««««««««««««««««««««
فى كلية علوم
دخلت سمر الجامعه وراحت عند صديقتها انجى وقالت
سمر :- هاي
انجى :- هاى متأخره يعنى النهارده
سمر :- اعمل ايه يعنى على ما اتخنقت معاهم فى البيت
انجي :- انتى مش بتزهقى يا بنتى من المشاكل
سمر :- انا اللى مش بزهق هما اللى بيعصبونى يا بنتى دماغهم متخلفه وبالذات اللى اسمها علياء دى عايشه دور الاخت الكبيره وكل شويه نصايح وحكم لما اتخنقت امته بقى اغور من ام البيت ده وارتاح منهم
انجي :- أهدى خلاص علشان هيثم والشله جاين
سمر :- واووو يخربيت جماله كل يوم بيبقى احلى من اليوم اللى قابله
انجي :- هيييييح يخربيت كده يا شيخه
وفى الوقت ده هيثم جه وقال
هيثم :- ازيكم يا قمرات
سمر :- تمام
انجى :- تمام التمام
هيثم :- مالكم يا بنات عاملين كده
سمر :- خبطت انجي فى دراعها وقالت ها م.م.مفيش
شادى:-وهو بيضحك مالك يا انجى مش على بعضك ليه
أنجي :- ها م.م مالى ما انا كويسه اهو وبعدين بصت لهيثم وقالت هو انت جايب البرفان ده منين
هيثم :- بأستغراب ليه
انجي:- اصل تحفه يهبل
هيثم :- والله شكلك انتى اللى هبله يا انجي
ملك :- بضحك والله يا هيثم مش عارفه ازاى بتكلم الاتنين دول اصلا
سمر :- ربعت ايديها على صدرها وقالت بعصبيه والله ومالهم الاتنين دول بقى يا حبيبتى
ملك :- انتى مش شايفه اسلوبك عامل ازاى انتى وصحبتك دى لوكل اصلا
سمر :- امممم لوكل طيب تعالى لما اوريكى بقى شغل الناس البيئه وشدتها من شعرها وقعدت تضرب فيها
انجي :- يا بنت المجنونه وقعدت تشد سمر وتقول سبيها يا مجنونه البت هتموت فى ايدك
سمر :- انا هعرفها ازاى تغلط فينا
هيثم :- بزهق هو انتو مش هتبطلوا شغل العيال ده
شادى:- لف دراعه حاولين وسط سمر وشالها بعدها عن ملك
سمر :- سبنى عليها يا شادي
شادى :- خلاص بقى يا سمر مش كل يوم يحصل كده
سمر :- انت مسمعتش قالت علينا ايه
ملك :- وهى ماسكه شعرها ماشى يا سمر مبقاش انا لو مكنتش اندمك على اللى عملتيه ده ومشيت وسابتهم
سمر :- لسه هتروح وراها تضربها
شادي :- مد أيده وشدها تانى من وسطها وقال ما قولتلك خلاص بقى يا سمر
سمر :- انت مش سامع بتقول ايه
هيثم :-بزهق يوووووه بقى انا مش ناقص وجع دماغ وبص لشادي وقال سبها و يلا يا ابنى نمشى وبص ليهم بقرف وسابهم ومشى
انجي :- يخربيت جنانك انتى قطعتى شعرها
سمر :- بغيظ لو كان سبنى عليها كنت طلعت روحها بأيدى
انجي :- أهدى بقى اهو طفش منكم انتو الاتنين
سمر :- شوفتى زعلان علشانها ازاى يا انجي
انجي :- هو مزعلش علشانها هو زهق منكم انتوا الاتنين كل يوم مشاكل ما بينكم على اتفه الأسباب
سمر :- هى اللى حقوديه وبتغير منى
انجي :- اهو ارتاحى بعد كده لا هيعبرك ولا هيعبرها لأنكم انتوا الاتنين نكد وفقر لما اروح انا بقى اجرب حظى معاه
سمر :- مسكتها من هدومها وقالت تجربى حظك مع مين يا حلوه انا شايفه اليومين دول عينك بتزوغ عليه اتلمى لافقعهم ليكى يا بكبوظه
انجى :- ها أنا برضه هبصله ده مش ذوقى خالص يا سموره يا قموره انتى
سمر :- اه بحسب دماغك توزك كده ولا كده انتى عارفه يا حبيبتى انا مبحبش حد يفكر يقرب من حاجه تخصنى
انجى :- عارفه عارفه ربنا على المفترى
سمر :- بتقولى حاجه
انجى :- لاء بقولك امشى يلا هنتأخر على المحاضره
سمر :- يلا يا اختى امشى
انجى :- مشيت قدامها وقالت بصوت واطى يارب انت عارف بقى ومشوا الاتنين مع بعض
««««««««««««««««««««««««««««
فى كلية التجارة
دخلت مريم الجامعه بكل كبرياء وبصت بعينيها فى المكان كله على آدم ملاقتهوش دخلت الكافتيريا وبصت عليه ملاقتهوش برضه مدت ايديها فى شنتطها وخرجت الفون بتاعها وطلبت رقمه وانتظرت الرد وبعد شويه رد عليها وقال
أدم :- ايوه يا حبى
مريم:- فينك بدور عليك مش شيفاك
أدم :- ها ا.ا انا نص ساعه وجيلك يا حبيبتى
مريم :- انت مش قولتلى أنك فى الجامعه
أدم :- ا.ا.اه بس اخويه اتصل بيا بوصل ليه حاجه فى الشركه عنده وجاى علطول
مريم :- اوك متتأخرش باى وقفلت السكه وهى زعلانه ولسه بتلف خبطت فى حد ماسك فى أيده نسكافيه ووقع على هدومها بصت ليه بغيظ وقالت بعصبيه انت غبى مش تفتح يا اعمى وبعدين سكتت شويه وقالت هو انت
عبدالرحمن :- بعصبيه انتى اللى غلطانه خبطى فيا وقعتى من ايدى الحاجه
مريم :- انت اللى اعمى واحد غبى وبصت ليه بقرف ولسه هتمشى
عبدالرحمن :- مسكها من دراعها بغيظ وقال لمى لسانك واحترمى نفسك
مريم :- سيب دراعى انت ازاى تسمح لنفسك تمسك دراعى كده انت ناسى نفسك تبقى مين وأخو مين ده انت اختك خدامه عندنا ولولا بابا قعدكم فى الشقه اللى على السطح كان زمانكم نايمين فى الشارع وكلاب السكك بتنهش فيكم
عبدالرحمن :- رفع أيده وضربها بالقلم وقال اخرسى اختى الخدامه دى اشرف من عشره زيك اياكى تجيبى سيرتها على لسانك فاهمه
مريم :- حطت ايديها على خدها وقالت بتمد ايدك عليا يا واطى يا زباله مبقاش انا لو مكنتش اخلى بابا يرميكم فى الشارع يا كلاب
عبدالرحمن :- بص حواليه لاقه الجامعه كلها واقفه بتتفرج عليهم داس على أسنانه وقال هدفعك تمن كل كلمه قولتيها يا مريم وبصلها بقرف ومشى وسابها
مريم:- عاااااا ماشى يا زباله هعرفك مقامك وخرجت تجرى وركبت عربيتها ورجعت تانى على بيتهم
««««««««««««««««««««««««««««
فى الحاره
كان واقف مهند مع الشباب اللى فى المنطقه وفى الوقت ده كانت علياء راجعه من الشغل قال بصوت عالى
مهند :- حلاوتك يا ابيض مكانك مش هنا يا جميل مكانك فى قلبى ابني ليكى قصر فى قلبى تسكينى فيه
علياء :- بصت ليه بقرف ونفخت وقالت مساء الخير يا عم جمال
جمال :- مساء النور يا بنتى بقولك يا علياء
علياء :- نعم
جمال :- معلش يا بنتى كنت عايز أسألك بس مفيش اى حاجه من اللى عليكى احسن الدنيا واقفه ومروان اخد اللى كان معايا علشان يشترى بيها هدوم جديده لمقابلة الشغل النهارده
علياء :- بأحراج والله يا عم جمال انا مش معايا فلوس دلوقتى بس هشوف لو جت ليا شغلانه هنزلها واجبلك الفلوس اللى هخدها منها
جمال :- حقك عليا يا بنتى والله العظيم مكنتش عايز اطلبك بالفلوس بس غصب عنى
علياء :- لاء يا عم جمال ده حقك احنا سحبنا منك كتير الشهر ده وهحاول اخلى اخواتى يخفوا سحب شويه
جمال :- يا بنتى المحل تحت امركم فى اى وقت
علياء :- ربنا يخليك يا عم جمال عن اذنك وسابته ومشيت وقالت مساء الخير يا عم جابر
جابر :- مساء النور يا بنتى عامله ايه
علياء :- اهو الحمدالله ازى صحتك انت
جابر :- نحمد ربنا مش محتاجه اى حاجه من عندى يا بنتى
علياء :- ربنا يخليك يا عم جابر
جابر :- يا بنتى مش عزومه والله ادخل اجبلك حتة لحمه تطبخى عليها
علياء :- ربنا يخليك بس خليها اول الشهر لما اسد القديم
جابر :- يا حبيبتى متشغليش بالك بحاجه ده ابوكى الله يرحمه خيره عليا
علياء :- تعيش يا عم جابر عن اذنك ومشيت شويه وقالت يسعد مساك يا عم جرجس
جرجس :- مساء الفل يا بنتى
علياء :- عامل ايه يا عم جرجس ودميانه عامله ايه
جرجس :- نحمد الرب يا بنتى مش محتاجه اى حاجه
علياء :- ربنا يخليك يا عم جرجس
جرجس :- يا حبيبتى لو محتاجه فلوس قولى ومتشغليش بالك
علياء :- الحمدالله مستوره يا عم جرجس عن اذنك وسلملى على دميانه
جرجس :- يوصل يا حبيبتى سلمك الرب
علياء :- مشيت لحد البيت وقالت مساء النور يا عم عبده
عبده :- مساء الفل يا بنتى
علياء :- خالتى عامله ايه
عبده :- كويسه يا بنتى
علياء :- يارب دايمآ سلملى عليها
عبده :- خبطى عليها وانتى طالعه
علياء :- معلش يا عم عبده مش هقدر علشان لسه هعمل الاكل لاخواتى
عبده :- ربنا يقويكى يا بنتى
علياء :- يارب عن اذنك وطلعت على السطح وفتحت الباب ودخلت قلعت العبايه وحدفتها على الكنبه واتنهدت بتعب ودخلت على المطبخ فتحت التلاجه وبصت فيها ملاقتش فيها اكل قفلتها تانى وفتحت
الدرج لاقت شوية عدس قالت حلو اعمله ليهم وخلاص وغسلته وحطته على النار وخرجت من المطبخ دخلت الاوضه فتحت الدولاب علقت العبايه
بتاعتها فيها وخرجت من الاوضه ونضفت الشقه ودخلت تانى المطبخ وكملت الاكل وفى الوقت ده دخلت سمر وحضنت علياء من ضهرها وباستها من خدها وقالت
سمر :- انا اسفه
علياء :- غمضت عينيها بوجع واتنهدت وقالت روحى غيرى هدومك وانا قربت اخلص وأخواتك زمانهم جايين
سمر :- وقفت قصادها وقالت وحياتى عندك ما تزعلى منى انتى عارفه يا لولو أن انا مقدرش على زعلك وبحبك
علياء :- ابتسمت ليها وقالت خلاص يا سمر مش زعلانه منك
سمر :- بفرحه بجد
علياء :- انتى عارفه أنك انتى بالذات مقدرش ازعل منها مهما حصل
سمر :- حضنتها وقالت بحبك اوى يا لولو
علياء :- ابتسمت وقالت طيب يلا ادخلى غيرى هدومك ولما يجى اخوكى طيبى خاطره بكلمتين
سمر :- انت تأمر يا كبير ودخلت تجرى على اوضتها
علياء :- بصت عليها بحب وهى بتجرى وابتسمت ورجعت تانى تكمل الاكل وبعد وقت وصلت مياده ودخلت وقالت
مياده :- يا رويحك يا لولو امممم الريحه جميله اوى
علياء :- حمدالله على السلامه يا حبيبتى
مياده :- الله يسلمك يا جميل عامله اكل ايه بقى
علياء :- ملاقتش غير عدس
مياده :- ايوه بقى ده انتى بتعمليه حلو اوى هدخل اغير هدومى واجى بسرعه مش قادره استنا من حلاوة الريحه وباستها فى خدها ودخلت الأوضه لاقت سمر بتغير هدومها قالت انتى شرفتى
سمر :- لاء لسه سؤال غبى اوى الصراحه
مياده :- يا بنتى لمى لسانك الطويل ده يخربيت كده يا شيخه طالعه لسانك طويل لمين
سمر :- اكيد حد فى العيله المعدومه بتاعتنا لسانها طويل وانا طالعه شبهم
مياده :- ده على اساس أننا عارفين هما مكانهم فين
سمر :- صح هو ليه محدش فيهم سأل علينا لحد دلوقتى
مياده :- ولا اعرف يا اختى من يوم مابابا وماما ماتوا وجم العزا اختفوا محدش عرف ليهم طريق ولا هما حاولوا يوصلوا لينا
سمر :- احسن يلا بقى احسن هموت من الجوع
مياده :- يلا وخرجوا الاتنين من الاوضه وراحوا المطبخ عند علياء
سمر :- انتى عامله اكل ايه النهارده
علياء :- عدس
سمر :- بقرف عدس
علياء :- ايوه عدس ومفيش غيره اصلا
مياده :- حلو حلو بس يلا احسن هموت من الجوع هو عبدالرحمن جه
علياء :- اه فى الحمام بيغير هدومه
مياده :- طيب يلا
سمر :- لولو
علياء :- اممم
سمر :- هدومى كلها عايزه تتغسل
علياء :- الغساله بايظه هصلحها اول الشهر لما اقبض
سمر:- اول الشهر انا لسه هستنا اسبوع بقولك هدومى كلها مش نضيفه
علياء :- اتنهدت وقالت حطى هدومك كلها على بعض وهسهر اغسلهم ليكى على أيدى
سمر :- ربنا يخليكى ليا يا لولو
علياء :- وانتى يا مياده شوفى ايه عندك مش نضيف
مياده :- لاء سبيهم انا هبقى اغسلهم على أيدى
علياء :- يا بنتى جبيهم بالمره وهشوف عبدالرحمن كمان وهغسلهم ليكم بليل
مياده :- ليه يعنى حرام لما تغسلى كل ده على ايدك وانتى تعبانه طول النهار فى الشغل
علياء :- متشغليش بالك انتى بس حطيهم مع هدوم اختك
مياده :- ربنا يخليكى لينا يا لولو يارب
علياء :- ابتسمت ليها وقالت يلا اغرفى الاكل احسن التانيه خلعت
مياده :- ما لازم الست سمر تخلع بقى هى هتتكرم وتوقف معانا فى المطبخ وتساعد ده مستحيل طبعآ
علياء :- ضحكت وقالت والله عندك حق وحطوا الاكل على الطبليه وقالت انزل يلا يا عبدالرحمن
عبدالرحمن :- مليش نفس
علياء :- مالك
عبدالرحمن :- مليش ونام على الكنبه وغطا وشه
علياء :- بصت لسمر علشان تقوم تكلمه
سمر :- قامت وقالت عبده يا بودى رد عليا
عبدالرحمن :- سبينى فى حالى يا سمر
سمر :- متزعلش منى يا بودى بقى قوم يلا
عبدالرحمن :- تعرفى تبعدى عنى علشان مخربش عليكى
علياء :- خلاص بقى يا عبدالرحمن اختك غلطت وعرفت غلطها
عبدالرحمن :- يووووه بقى سبونى فى حالى بقولكم
سمر :- انت عمرك ما كنت قاسى عليا كده يا عبدالرحمن بقولك متزعلش منى بقى خلاص
عبدالرحمن :- قام قعد وقال بعصبيه انا لا زعلان منك ولا من حد انا زعلان من الدنيا نفسها اللى بتخلى اللى يسوى واللى ميسواش يعاير فينا وفى فقرنا احنا بقينا نتعاير بفقرنا وبشغلنا كمان
علياء :- ايه الكلام اللى بتقوله ده يا عبدالرحمن انت من امته بتتكلم كده
عبدالرحمن :- دى الحقيقه يا علياء الكل بقى يعيرنا بيكى كل من هب ودب يقولنا اختكم خدامه انا عارف انك تكونى خدامه ده شرف لينا بس الناس مش بتعترف بكده كلامهم قاسى علينا اوى يا علياء
علياء :- دموعها نزلت منها وقامت وقفت وقالت ايه احسن ليكم لما اشتغل خدامه وبشرفى ولا لما اروح ادور على حل شعرى علشان اصرف عليكم
الخدامه اللى بقت عار عليكم دلوقتى احسن مليون مره من اى واحده بتبيع شرفها بسهوله مش ذنبى أننا فقرا ومش ذنبى أن انا مقدرتش اكون الاخت اللى تشرفكم بس كان كل اللى يهمنى فى الوقت ده اشتغل شغلانه شريفه تربيكم
وتكبركم وتدخلكم الجامعه اللى بتحلموا بيها ملاقتش قدامى غير مصنع هدوم بيدينى قرشين ولا يعملوا اى حاجه وشغلانة الخدامه دى اسفه ليكم كلكم لو كنت سببت ليكم احراج مع زمايلكم عن اذنكم ودخلت اوضتها واترمت على السرير وقعدت تعيط
مياده :-انتوا ايه مش عندكم دم اختك الصبح وانت دلوقتى ذنبها أنها جت على نفسها ونزلت اشتغلت فى البيوت علشان تصرف علينا وتربينا وتعلمنا هو ده رد الجميل ليها انتو ايه
عبدالرحمن :- بدموع انا اتعيرت بيها قصاد الجامعه كلها يا مياده مريم بنت عم عبده قالت ليا قصاد الكل انت نسيت نفسك تبقى مين وأخو
مين قالت ليا اختك خدامه عندنا انتى عارفه إحساسه ايه سعتها احساسى كراجل وانا بتعاير بأختى انها شغاله خدامه فى البيوت الموت اهون والله من احساسى سعتها
مياده :- والله مفكرتش هى دلوقتى إحساسها ايه لما مرتين اخواتها يوجعوها بكلامهم ويعيروها بشغلها بدل ما تشكروها بتجرحوها كده بص بقى انت وهى اللى مش عجبه عشتنا ومكسوف من شغل أخته
ينزل يشتغل هو ويصرف على نفسه وكفايه بقى تجريح ووجع فى علياء لحد كده خلى عندكم شوية دم بقى وبصت ليهم بقرف ودخلت الاوضه عند علياء وقعدت جنبها واخدتها فى حضنها وطبطبت عليها
علياء :- بدموع انا تعبت يا مياده مش بأيدى والله العيشه دى ومش ذنبى انا بعمل اللى عليا اعمل ايه تانى
مياده :- متعمليش حاجه خالص يا علياء الدور علينا احنا اللى نعمل كفايه شيل مسؤوليه لحد هنا احنا كبرنا كفايه علشان نقدر نعتمد على نفسنا ونريحك من همنا بقى
علياء :- يا مياده انا عمرى ما اشتكيت منكم ولا قولت تعبت انا عايشه حياتى ليكم ومش عايزه حاجه من الدنيا غير أن اشوفكم مبسوطين بس من غير قصد بقيت اعركم قصاد اصحابكم
مياده :- متقوليش كده انتى فخر لينا انتى مثال الشرف والعفاف انتى اتحملتى وشوفت كتير اوى علشانه شيلتى مسؤولية كل واحد فينا قومتى معنا بمهمتك وربتينا احسن تربيه وكبرتينا ودخلتينا
احسن الجامعات انتى اللى زيك يتعملوا تمثال الاخت المثاليه انتى تاج على راسنا كلنا وباست راسها وقالت احنا لو قعدنا نشكر فيكى طول عمرنا مش هنوفيكى حقك يا علياء
علياء :- بحب انتوا مش اخواتى وبس انتوا اخواتى وعيالى واغلى ما فى حياتى وفى الوقت ده خبط عبدالرحمن على الباب ودخل ومسك ايد علياء وباسها وقال
عبدالرحمن :- انا اسف متزعليش منى يا لولو انا بحبك ومقصدش اجرحك ولا اوجعك بالكلام
علياء :- طبطبت عليه وابتسمت ليه وقالت انا مش زعلانه يا حبيبى انا عارفه انك كنت مضايق وقولت الكلام ده غصب عنك
سمر :- دخلت وقالت مش هنخلص بقى من ام الفيلم ده انا جعانه والله
كلهم :- بصوا لبعض وضحكوا على كلام سمر وقاموا خرجوا من الاوضه وقعدوا ياكلوا وبعد وقت الكل راح مكانه ونام
علياء :- اخدت هدوم اخواتها ودخلت الحمام وقعدت تغسلهم على ايديها طول الليل
الفصل الثانى
بقلم دودو محمد
اشرقت شمس صباح يوم جديد ليبدء مراد بفتح عيونه قام
دخل الحمام اخد شاور واتوضه وخرج من الحمام لبس هدومه واده فرضه وفى الوقت ده نفخ مهند وقال
مهند :- انت يا بنى أدم النور ده اطفيه علشان ضارب فى عينى
مراد :- بلاش اجهز علشان الشغل
مهند :- وانا ذنب امى ايه تصحينى بسبب النور
مراد :- خلاص اسكت انا خلصت خلاص كمل نومك يا اخويه وطفى النور وخرج من الاوضه وقفل الباب وراه وقال صباح الخير يا امى
حكمت :- صباح النور يا حبيبى ولسه هتمشى
مراد :- رايحه فين كده
حكمت :- هروح اصحى اخوك يمكن ربنا يهديه وينزل يشوف شغل ولا ينزل يساعد ابوه فى المحل
مراد :- هتوجعى قلبك معاه على الفاضى زى كل يوم هو مفيش منه فايده متتعبيش نفسك معاه
حكمت :- ربنا يهديه ويصلح حاله يارب
مراد :- يارب مريم صحيت
حكمت :- من امبارح مش طيقه نفسها والنهارده بتقول مش هتروح علشان تجهز نفسها للناس اللى جايه تتقدم ليها
مراد:- ماشى يا امى
حكمت :- هروح احضر الفطار وسابته ومشيت
مراد :- راح عند أبوه وقال صباح الخير يا بابا
عبده :- صباح النور يا ابنى رايح شغلك
مراد :- ايوه يا بابا محتاج منى حاجه
عبده :- سلامتك يا حبيبى بس متتأخرش علشان تقعد مع الناس اللى جايه تتقدم لأختك
مراد :- حاضر يا بابا مش هتأخر
حكمت :- يلا حضرت الفطار
وراحوا التلاته قعدوا على السفره
عبده :- بنتك مش هتفطر
حكمت :- لاء بتقول انها عايزه تنام المهم كلمت علياء
عبده :- نسيت مع أنها امبارح سلمت عليا بس نسيت اقولها خالص النهارده لما ترجع من الشغل هقولها
حكمت :- ماشى بس اوعى تنسى انا مش هقدر اعمل البيت لوحدى يا عبده
مريم :- دى مين دى اللى هتيجى تعمل البيت وقعدت على الكرسى
حكمت :- علياء يا بنتى هو فيه غيرها
مريم :- انا مش عايزه البت دى تدخل عندنا تانى وياريت يا بابا ترميهم فى الشارع
عبده :- وليه ارميهم فى الشارع
مريم :- كده دى ناس عامله شبه القطط تاكل وتنكر وبالذات اللى اسمه عبدالرحمن
حكمت :- عيب يا بنتى متقوليش على حد كده والولاد مؤدبين وفى حالهم وعمرهم ما رفعوا عينهم فى حد
مريم :- لاء دول ميعرفوش حاجه عن الادب ناس زباله
عبده :- مريم عيب كده متغلطيش فى حد
مريم :- هوف بقى وقامت وقفت وقالت ماشى ودخلت اوضتها
مراد :- وقف وقال انا ماشى عايزين حاجه
حكمت :- ربنا يحميك ويحرسك يا حبيبى ويبعد عنك كل شر
مراد :- باس ايديها وخرج من باب الشقه وفى الوقت ده كانت علياء نازله نزل عينه فى الارض وقال صباح الخير
علياء :- صباح النور
مراد :- وسع الطريق ليها من غير ما يبص وقال اتفضلى انزلى
علياء :- لالالا اتفضل انزل انت
مراد :- اتفضلى انزلى يا انسه علياء
علياء :- ش.ش.شكرآ ونزلت وطلعت اول الشارع تستنا الاتوبيس
مراد :- نزل هو كمان يستنا وصول الاتوبيس وبعد وقت وصل الاتوبيس وبدأت الناس تتزاحم والكل ركب بصعوبه ومشى الاتوبيس وحاولت علياء تدخل فى حته وسعه بعيد عن زحمة الرجاله ووقفت قصاد كرسى ومسكت فيه
مراد :- كان قاعد وشاف ايد واحده سانده على الكرسى بتاعه رفع راسه بيبص لاقها علياء قال انسه علياء تعالى اقعدى
علياء :- لاء شكرآ انا كده كده المحطه بتاعتى مش بعيد وفى الوقت ده الاتوبيس عدى على مطب ووقعت علياء على مراد اتكسفت ووشها احمر وقامت وقفت بسرعه وقالت ا.ا.اسفه وقعت غصب عنى والله
مراد :- بأحراج حصل خير وقام وقف وقال اقعدى انتى علشان المطبات
علياء :- قعدت بكسوف وقالت ش.ش.شكرآ
مراد :- العفو ووقف جنب الكرسى اللى قاعده عليه علياء بس بعيد شويه عنها ومسك مقبض الايد علشان ميوقعش على علياء
وبعد وقت وقفت علياء وقالت
علياء :- شكرآ لذوق حضرتك عن اذنك
مراد :- وهو باصص فى الارض وسع السكه ليها علشان تعدى وقال العفو فى امان الله وقعد على الكرسى اللى كانت قاعده عليه علياء وبص عليها من الشباك وهى ماشيه فى الشارع
علياء :- دخلت المصنع وشافت رضوي قالت صباح الخير
رضوي :- بزعل صباح النور
علياء :- مالك
رضوي :- اتنهدت وقالت متخانقه معاهم فى البيت
علياء :- ليه
رضوي :- يا ستى جارتنا ام اسر امبارح جابت ليا عريس بس دمه تقيل اوى ومرتحتش ليه رفضه ماما معجبهاش أن انا رفضه اتخانقت معايا ومخصمانى
علياء :- طيب ليه مقولتيش ليها انك مش مرتاحه ليه
رضوي :- قولت بس سمعتنى الاسطوانه بتاعة كل مره انتى فكره نفسك صغيره انتى اللى فى سنك اتجوز وخلف بصى لبنات خالتك اللى فى سنك كلهم فاتحين بيوت وبنات عمك اللى اصغر منك متجوزين وبقوا أمهات مش مقتنعه أن كل شئ قسمه ونصيب وان الجواز ده مش لازم نتسرع فيه لمجرد أن بنات خالتى ولا بنات عمى متجوزين وانا لاء انا ليا مواصفات خاصه فى شريك حياتى وهستناها لو عمرى مية سنه مش هتجوز لمجرد اخد لقب مدام وخلاص
علياء :- معلش اعذريها هى ام ونفسها تفرح بيكى وتطمن عليكى
رضوي :- عارفه والله بس تعبت من طريقتها وأسلوبها معايا الجواز مش بالعافيه
علياء :- ربنا يسعدك يارب ويرزقك بأبن الحلال اللى يرتاح ليه قلبك
رضوي :- يارب انا وانتى يا حبيبتى
علياء :- يلا بقى اشتغلى احسن ما ناخد كلمتين ملهمش لازمه
رضوي :- على رأيك يلا
وبدأوا الاتنين يشوفوا شغلهم
«««««««««««««««««««««««««««««
فى بيت عبده
دخلت مريم وهى متعصبه الاوضه وقعدت على السرير وقعدت تهز فى رجليها وفى الوقت ده الفون بتاعها رن اخدته من جنبها وبصت فيه لاقته ادم ردت عليه وقالت
مريم :- ايوه يا آدم
أدم :- ايه يا حبيبتى مش جايه الجامعه النهارده ولا ايه
مريم :- لاء مش جايه
أدم :- مالك يا حبيبتى من امبارح فيه حاجه مضايقكى
مريم :- ما انت لو كنت موجود كنت عرفت ايه اللى حصل امبارح
أدم :- طيب اعمل ايه بس غصب عنى كنت بودى حاجات لاخويه فى الشركه
مريم :- خلاص خلى اخوك ينفعك
أدم :- مالك بس يا قلبى
مريم :- الحيوان اللى اسمه عبدالرحمن ده وقع على هدومى النسكافيه بعد ما قفلت معاك امبارح ومد أيده عليا كمان
أدم :- مين عبدالرحمن ده وازاى متتصليش بيا وتقوليلى كنت جيت طلعت روحه بأيديا
مريم :- عبدالرحمن ده بابا بيعطف عليه هو واخواته ومقعدهم فى شقه فوق السطح بعد ما ابوهم وأمهم ماتوا واخته بتيجى تشتغل خدامه عندنا لما ماما بتحتاجها
أدم :- طيب ما ترميهم فى الشارع وانتقمى منهم
مريم :- بغيظ بابا مش راضى
أدم :- امممم طيب هقولك تطلعيهم ازاى من البيت وبفضيحه
مريم :- قول
أدم :- قال ليها على الخطه
مريم :- يا سلام عليك هو ده ربنا يخليك ليا يا حبيبى
أدم :- انا تحت الخدمه يا قلبى لا عاش ولا كان اللى يمد أيده على حبيبتى
مريم :- بحبك اوووووى
أدم :- وانا بعشقك اسيبك بقى احسن المحاضره هتبدء
مريم :- اوك باى وقفلت معاه وقالت مبقاش انا لو مكنتش اخليك تبكى بدل الدموع دم يا عبدالرحمن وهعرفك ازاى تمد ايدك على اسيادك
««««««««««««««««««««««««««««
فى كلية العلوم
وصلت سمر الجامعه ودخلت بصت على انجي ملاقتهاش بصت على هيثم ملاقتهوش اتنهدت وقالت
سمر :- راحوا فين دول وبتلف شافت شادي ندهت عليه وقالت شادي يا شادي وراحت عنده وقالت صباح الخير
شادي :- صباح النور يا سمر
سمر:- مشوفتش هيثم
شادي :- اتنهد وقال زمانه جاي
سمر :- اوك ولسه هتمشى
شادي :- سمر
سمر :- بصت ليه وقالت نعم
شادي :- حاولى متتعلقيش بهيثم اوى
سمر :- اشمعنا يعنى
شادي :- انتى متأكده أنه بيحبك
سمر :- وده يخصك فى ايه
شادي :- خ.خ.خايف عليكى
سمر :- لاء خليك فى نفسك وبعد كده متدخلش فى اللى ملكش فيه بدل ما اقول لهيثم أنا مش عارفه انتى ازاى صحبه وبتغير اوى منه كده وبصت ليه بقرف ومشيت
شادي :- مشى أيده على شعره وقال يا خوفى عليكى من صدمتك لما تعرفى الحقيقه واتنهد ومشى
انجى :- دخلت وقالت صباح الخير يا سموره
سمر :- بخنقه صباح النور
انجي :- مالك
سمر :- اللى اسمه شادي ده قال كلام ضيقنى
انجي :- قال ايه
سمر :- قال اللى قاله بقى المهم ايه اخرك كده
انجي :- المواصلات يا اختى زفت حاجه مقرفه
سمر :- انتى هتقوليلى لسه شتمه واحد فى الاتوبيس وهو عمال يلزق فيا رجاله مقرفه
انجي :- اه والله انا بشيل هم الاتوبيس والقرف اللى هيحصل فيه الصبح من الرجاله كل يوم ربنا يتوب علينا
سمر :- بصت حاوليها وقالت انا مش عارفه ايه اخر هيثم لحد دلوقتى
انجي :- مش عارفه متقلقيش زمانه جاي دلوقتى
هيثم :- صباح الخير يا بنات
سمر :- صباح النور ايه اخرك كده
هيثم :- الست ملك اخرتنى وفى الاخر قالت ليا اروح انا وهى هتيجى ورايا
سمر :- يادى ست زفته دى هوف بقى
هيثم :- سمر بقولك ايه مش كل يوم على ام الصداع ده انا مش عارف انتو الاتنين بتكرهوا بعض كده ليه
سمر :- علشان هى بنى ادمه مستفزه
انجي :- خلاص بقى يا سمر
هيثم :- مفيش اعقل منك انت يا هادى يا رزين
انجي :- يا راجل قول كلام غير ده احسن هنولع واحنا واقفين دلوقتى
هيثم :- عسل وربنا
انجي :- بصت على سمر وقالت الحمدالله ولعت
سمر :- سكتوا ليه ما تكملوا
انجي :- انا ساكته وربنا هو اللى بيتكلم
هيثم :- ضحك وقال جبانه
سمر :- بغيظ عن اذنكم ولسه هتمشى
انجي :- رايحه فين
سمر :- همشى علشان مبقاش عزول وسطكم
انجي :- متقلببيش الهزار جد يا سمر مش كل حاجه تقفشى بسرعه كده وبصت لهيثم وقالت ما تقول حاجه يا ابنى انت واقف تتفرج
هيثم :- اتنهد وقال انا ماشى هروح اشوف شادى فين وسابهم ومشى
سمر :- امته بس هيحس بيا انا زهقت وتعبت
انجى :- انا عندى احساس أنه حاسس بس معرفش ساكت ليه
سمر :- معقول يكون بيحب واحده تانيه
انجي :- معرفش كل شي ممكن
سمر :- هوف بقى
انجي :- سمر انتى متأكده انك بتحبيه هو ولا بتحبى فلوسه
سمر :- وهو وفلوسه ايه واحد
انجي :- لاء مش واحد يا سمر لو بتحبى فلوسه فده هيكون شئ مؤقت ولو حصل نصيب واتجوزتوا هتفرحى شويه بفلوسه واول ما هتشبعى هتبدأى تحسى بندم انك اتجوزتى شوية ورق وظلمتى قلبك من الحب والمشاعر إنما لو اتجوزتيه علشان بتحبيه هتعيشى سعيده معاه طول العمر وهتلاقى الفلوس دى شوية ورق ملهاش اى اهميه عندك
سمر :- انا ازهق من الفلوس انتى عبيطه تيجى بس وانا هجيب كل اللى فى نفسى هعوض كل دقيقة حرمان وسعتها الحب والمشاعر اللى بتقولى عليهم دول مش هيبقى ليهم اى اهميه جنب الفلوس
انجي :- تفكيرك ده اكبر غلط وهيضيعك يا سمر
سمر :- بقولك ايه انا مش اسيب اختى علياء فى البيت تطلعيلى انتى هنا ارحمونى بقى انا واحده بحب الفلوس ومستعده اعمل اى حاجه مقابل ما اكون غنيه وعندى فلوس كتير
انجي :- ربنا يستر عليكى من نفسك يا سمر
وكانت واقفه تسمعهم من بعيد ملك ابتسمت بشر وقالت
ملك :- سهله نجيب ليكى الفلوس لحد عندك ومعاه واحد يبعدك عن هيثم ويفضه
ليا انا بقى ومسكت الفون بتاعها وطلبت رقم وانتظرت الرد وشويه ورد عليها وقالت عايزه اشوفك بعد الجامعه
وسكتت شويه وقالت تمام نتقابل هناك باى وقفلت السكه وضحكت بشر وقالت وقعتى ولا حد سمى عليكى يا حلوه وبصت عليها بغيظ وبكره ومشيت
««««««««««««««««««««««««««««
فى المدرسه
وصلت مياده المدرسه ودخلت الاوضه المخصصه بالمعلمين وقعدت على الكرسى الخاص بتاعها ولسه بتمسك الكراسه تشوف شغلها قعد زميلها جنبها وقال
مجدي :- صباح الخير يا انسه مياده
مياده :- صباح الخير يا مستر مجدي
مجدي :- انسه مياده كنت عايز اخد ميعاد اجى انا واهلى نقابل حد من أهلك
مياده :- بعدم فهم ليه خير يا مستر
مجدي :- احم كنت عايز اتقدم ليكى يا انسه مياده
مياده :- نعم حضرتك
مجدي :- بقولك عايز اتقدم ليكى
مياده :- اسفه حضرتك انا مش بفكر فى الجواز دلوقتى
مجدي :- احنا ممكن نعمل خطوبه دلوقتى والجواز نخليه لما تكونى جاهزه
مياده :- سكتت شويه وقالت مستر مجدي حضرتك شاب كويس ومحترم ومليون بنت تتمناك بس انا اسفه مش موافقه على حضرتك
مجدي :- طيب ممكن اعرف سبب رفضك ليا ايه
مياده :- عندى اسبابى الخاصه
مجدي :- مرتبطه بحد تانى صح
مياده :- لو سمحت ملكش تتكلم فى حاجه متخصكش حضرتك عرض عليا الجواز وانا رفض ومش مطالبه اقولك اسبابى
مجدي :- تمام حضرتك كده كده مش محتاجه توضحى حاجه لأنها واضحه زى الشمس عن اذنك وسابها ومشى
مياده :- نفخت وقالت بنى أدم مستفز وبدأت تشوف شغلها
«««««««««««««««««««««««««««
فى الشركه
دخل مراد عند المدير وقال
مراد :- أمر يا فندم
المدير :- اتفضل اقعد يا مراد
مراد :- قعد وقال خير يا فندم
المدير :- انت عارف انا مين
مراد :- اكيد طبعآ يا فندم ومين ميعرفش حضرتك اسمك اشهر من النار على العلم حضرتك عمر سليم الطحاوى صاحب اكبر شركة سياحه فى مصر
عمر :- وعارف انا ابقى اخو مين
مراد :- لاء حضرتك
عمر :- ابقى اخو أدم سليم اللى جاي يتقدم لأختك النهارده
مراد :- بصدمه نعم
عمر :- ضحك وولع السيجار بتاعه وقال مالك اتصدمت كده
مراد :- بتوتر ا.ا.اسف حضرتك بس دى اخر حاجه كانت تيجى على دماغى أن حضرتك تبقى اخو العريس
عمر :- وقف وقال انا لما سمعت ادم اخويه بيقول اسم اختك الثلاثى واتأكد أنها اختك اطمنت لانك انت مثال الامانه و الشرف فى الشركه والكل
هنا بيحلف بأخلاقك اكيد مدام اختك هتبقى من نفس البيئه ونفس التربيه وده يخلينى اجى اتقدم لأختك وانا مطمن
مراد :- ده الشرف لينا احنا يا فندم أن اخو حضرتك عايز يتجوز اختى
عمر :- أن شاءالله يحصل نصيب وربنا يسعدهم مع بعض
مراد :- يارب يا فندم
عمر :- تقدر تتفضل على مكتبك
مراد :- عن اذنك وخرج وراح على مكتبه وهو مصدوم ومش مصدق اللى بيحصل ده وبص فى ساعته لاقه وقت الشغل انتهى قام مسك الفون بتاعه ونزل من الشركه
«««««««««««««««««««««««««««
فى الحارة
كان واقف مهند فى الحاره كالعاده مع الشله بتاعته وبيعاكس فى البنات وهما ماشين وفى الوقت ده جه أبوه وقال
عبده :- مهند تعال عايزك
مهند :- طيب وبص لاصحابه وقال هروح اشوف أبويه عايز ايه وجاي وراح المحل وقال نعم
عبده :- بدل ما انت واقف كده مع المقاطيع صحابك دول تعال ساعدنى شويه انا تعبت وبقيت مش زى الاول
مهند :- يا حاج قولتلك مليش انا فى شغل المحلات ده
عبده :- يعنى ايه ملكش فى شغل المحلات
مهند :- هو معنى واحد يعنى مليش فى شغل المحلات
عبده :- ملكش فى شغل المحلات ولا ليك فى شغل الشركات امال ليك فى ايه فى
الوقفه فى الحاره وتعاكس البنات اللى رايحه واللى جايه هو ده اللى ليك فيه
مهند :- هو انت وماما مش بتتعبوا من الكلام فى موضوع الشغل ده انا زهقتلكم والله
عبده :- انت معندكش دم ليه زى اخوك كده
مهند :- يا سيدى انا مليش دعوه بحد انا حاجه وهو حاجه مش معنى اننا توأم كل حاجه تشبهونا ببعض فيها هو شخصيه وانا شخصيه افهموها بقى وسابه ومشى
عبده :- لله الامر من قبل ومن بعض ربنا يهديك لنفسك يا ابنى
مهند :- راح عند أصحابه وقال يخربيت ام دى عيشه علطول اخوك اخوك اخوك محسسنى أنه ملاك نازل من السما ده ايه القرف ده
سيد صاحب مهند :- اهدا يا عم وروق بالك
مهند :- انا زهقت والله
سيد :- مد أيده بسيجاره وقال خد مسى يا كبير واهدا
مهند :- اخدها من أيده وقال محشيه
سيد :- ونوع غالى وحياتك
مهند :- احلى مسا يا زميلى واخدها منه وولعها
سيد :- البت اهى جايه
مهند :- نفخ الدخان فى الهوا وقال بنت اللذينا بتفلت منى كل مره
سيد :- طيب ما تتجوزها
مهند :- اتجوز منين بلا نيله يا شيخ اتنيل وبعدين هى جسمها بس اللى عجبنى مش اكتر وداس على شفته من تحت بأسنانه وقال عليها جسم نااار
سيد :- هى من نحية جسمها فهى ملهبيه
مهند :- ما تحن علينا يا جميل وارمى علينا نظره
علياء :- بصت ليه بقرف ونفخت وقالت استغفر الله العظيم على قرف كل يوم ده
مهند :- مسيرك تبقه فى حضنى دايب من الشوق يا عسل
علياء :- بصوت واطى ربنا يريحنى منك يا شيخ ومشيت بسرعه علشان تبعد عنه
مهند :- ااااااه يخربيت كده عليها جسم وراه عبايتها دى ناااااار
سيد :- احم اسكت اسكت اخوك جاى
مهند :- يعنى وكيل النيابه داخل علينا متفقعش مرارتى انت كمان
مراد :- مهند تعال معايا
مهند :- عايز ايه
مراد :- بص على أصحاب مهند وقال قولتلك امشى عايزك
مهند :- نفخ ومشى معاه
مراد :- أرمى القرف اللى فى ايدك ده
مهند :- أرمى ايه انت عبيط دى محشيه
مراد :- ايه القرف اللى بتقوله ده وشدها من أيده ورماها فى الارض وداس عليها
مهند :- يخربيت غباءك حد يدوس على النعمه برجليه
مراد :- انت بتسمى الاراف ده نعمه ربنا يهديك يا مهند يارب
مهند :- انت عايز ايه منى اخلص
مراد :- اطلع خد شاور وغير هدومك المقرفه دى والبس حاجه محترمه علشان العريس اللى جاى لأختك مش اى حد دى ناس محترمه اخوه صاحب الشركه اللى شغال فيها
مهند :- وانا مالى اصلا انا مش هقعد معاكم
مراد :- انت عبيط ازاى مش هتقعد معانا مش اخوها
مهند :- مليش فى الجو ده انا اقعد معاه انت وبابا وفكك منى
مراد :- يا ابنى هو عارف أننا اتنين اخوات ولاد لازم تقابله معانا اعمل حاجه واحده صح فى حياتك
مهند :- يووووه بقى ما انا عارف مش هخلص من زنكم امشى يا اخويه قدامى ومشوا الاتنين وراحوا على البيت علشان يجهزوا نفسهم
««««««««««««««««««««««««««
عند علياء
طلعت على السطح ودخلت قعدت على الكنبه وهى حاسه بإرهاق شديد وفى
الوقت ده سمعت صوت بينادى عليها قامت بصعوبه وتعب شديد بصت من البلكونه وقالت
علياء :- ايوه يا عم عبده
عبده :- فاضيه يا علياء
علياء :- سكتت شويه فكرت وقالت ايوه يا عم عبده فاضيه
عبده :- طيب يا بنتى انزلى ساعدى ام مريم علشان فيه عريس جاى يتقدم لمريم النهارده
علياء :- حاضر يا عم عبده شويه وهنزلها واتنهدت ودخلت على المطبخ علشان
تاكل لقمه قبل ما تنزل لتحت بصت فى الحله لاقت شوية اكل صغيرين جدآ سخنتهم ولسه هتاكلهم افتكرت اخواتها مفيش
ليهم اكل رجعته تانى علشان لما يرجعوا يلاقوا حاجه ياكلوها وخرجت من المطبخ اخدت البوك بتاعها وفتحت الباب
ونزلت لاقت مروان طالع على السلم ابتسمت ليه بحب وقالت ازيك يا مروان
مروان :- الحمدالله يا علياء انتى عامله ايه
علياء :- بأبتسامه الحمدالله كويسه المهم عملت ايه فى الوظيفه اللى كنت رايح تقدم فيها
مروان :- الحمدالله اتقبلت وهروح من اول الاسبوع استلم الشغل
علياء :- بفرحه بجد مبروك
مروان :- الله يبارك فيكى يا علياء عن اذنك وسابها ودخل شقته
علياء :- بصت عليه بحب واتنهدت ونزلت عند شقة عم عبده ورنت الجرس
حكمت :- فتحت الباب وقالت تعالى يا بنتى
علياء :- مبروك لمريم يا خالتى ربنا يكملها على خير ويسعدها يارب
حكمت:- يارب يا بنتى عقبال ما ربنا يسعدك يا حبيبتى ويرزقك بأبن الحلال اللى يريحك من التعب ده
علياء :- ربنا يخليكى يا خالتى يلا نبدء علشان نلحق نخلص قبل ما يجيوا
حكمت:- يلا يا بنتى انا هدخل المطبخ اعمل الاكل والحلويات وانتى شوفى البيت وكده ونضفيه
علياء :- حاضر يا خالتى عن اذنك ودخلت قلعت العبايه بتاعتها وبدأت تشيل السجاد وتنفضه ودخلت اوضت مريم وابتسمت ليها وقالت مبروك يا مريم
مريم :- بعجرافه ميرسى
علياء :- ابتسمت ليها بأحراج وقالت ممكن بس تسيبى الأوضه شويه لحد ما ارتبها
مريم :- هوف طيب بسرعه انا ورايا حاجات كتير مش فاضيه وزقتها وخرجت من الاوضه
علياء :- بصت عليها بوجع وهى خارجه واتنهدت وبدأت ترتب الاوضه وشويه وخلصت وخرجت من الاوضه وقالت خلاص انا خلصت الاوضه
مريم :- بصت ليها بقرف ودخلت اوضتها
علياء :- بدأت تكمل تنضيف البيت وخبطت على باب اوضت مهند ومراد
مهند :- ادخل
علياء :- عايزه انضف الاوضه لو سمحتوا
مراد :- وقف وخرج من الاوضه من غير ولا كلمه
مهند :- بص على مراد وهو خارج وراح عند علياء وقرب منها وقال منوره يا قمر
علياء :- بعدت عنه وقالت لو سمحت اطلع من الاوضه خلينى اخلص
مهند :- قرب تانى ليها وقال مالك بس مستعجله كده
علياء :- رجعت لوراه وقالت لو سمحت مينفعش اللى انت بتعمله ده
مهند :- وانا عملت ايه بس يا قمرايا وفى الوقت ده حس بأيد على كتفه بتسحبه بيبص لاقه مراد اخوه قال فيه ايه يا ابنى انت
مراد :- بتعمل ايه هنا تعال معايا
مهند :- روح وانا جاى وراك
مراد :- شده وقال قولتلك امشى معايا احسن ما اقول لبابا وماما
مهند :- داس على شفيته اللى من تحت بأسنانه وقال فلتى منى تانى المرادى بس هجيبك
مراد :- شده وقال امشى بقى وخرجوا من الاوضه
علياء :- اتنهدت بوجع ودموعها نزلت منها والباب اتفتح مره تانى بتبص لاقته مراد
مراد :- من غير ما يبص ليها قال اسف بس ممكن اخد الفون بتاعى
علياء :- مسحت دموعها وقالت ح.ح.حاضر ثوانى اجيبه ليك وراحت جابت الفون ومدت ايديها بيه وقالت اتفضل
مراد :- اخده منها وقال شكرآ وخرج من الاوضه بسرعه
علياء :- شافت شغلها وبعد وقت خلصت تنضيف وخرجت مريم من اوضتها وقالت
مريم :- ماما يا ماما
حكمت:- ايوه يا بنتى
مريم :- كل ده مخلصتيش ادم زمانه على وصول
حكمت :- خلاص يا بنتى خلصنا كل حاجه
مريم :- بصت لعلياء وقالت انتى لسه هنا مش خلصتى خلاص روح شقتك يلا
علياء :- بأحراج ح.ح.حاضر ولبست العبايه بتاعتها ولسه هتمشى
حكمت :- استنى يا بنتى
علياء :- نعم يا خالتى
حكمت :- دخلت المطبخ وشويه وخرجت مدت ايديها بصنية اكل وقالت خدى يا بنتى اتعشى انتى وأخواتك
علياء :- لالالا يا خالتى احنا عندنا اكل الحمدالله ومستورين
حكمت :- اسمعى الكلام يلا
علياء :- مدت ايديها بأحراج واخدت من ايديها الصينيه وقالت ربنا يخليكى يا خالتى
حكمت:- وخدى يا حبيبتى اجرتك اهى
علياء :- خلاص والله يا خالتى خلى مريم زى اختى وانا عملت كده مش علشان فلوس
حكمت :- عارفه يا حبيبتى بس ده تعبك وحقك
علياء :- ربنا يتمم ليها على خير يارب عن اذنك
حكمت :- فتحت ليها الباب وقالت خدى بالك وانتى طالعه يا حبيبتى
علياء :- حاضر وخرجت من باب الشقه وطلعت على شقتها فوق السطح وحطت الاكل على الترابيزه
سمر :- بصت على الصينيه وقالت الله ده اكل ده انا هموت من الجوع وقعدت تاكل
علياء :- انتى جيتى امته
سمر :- وهى بتاكل من شويه
علياء :- طيب اصبرى لما اخواتك يجيوا
سمر :- انا جعانه اوى مش هستنا حد وفى الوقت ده دخل عبدالرحمن ومياده
علياء :- كويس انكم جيتوا اختكم مش صابره
عبدالرحمن:- وايه الجديد فى كده ما هى علطول مفجوعه
مياده :- قعدت وقالت المهم عامله اكل ايه النهارده يا لولو
علياء :- دى خالتى ام مريم هى اللى ادته لينا بعد ما خلصت البيت
سمر :- خالتى ام مريم دى عليها شوية اكل مشوفتهوش على حد بس يغور من وش بنتها المغروره دى
علياء :- حرام متقوليش الكلمه دى على نعمة ربنا وكلى وانتى ساكته ولسه هتمشى
مياده :- مش هتاكلى
علياء :- بصت على الصينيه لاقته يدوب يكفي أخواتها التلاته قالت أنا اكلت الحمدالله كلوا انتوا وسابتهم ودخلت اوضتها هى واخواتها وقلعت العبايه
ونامت على الكنبه بتعب وقالت ااااه يا جسمى يارب وحطت ايديها على بطنها من كتر الجوع وقالت يارب هونها من عندك
يا كريم وغمضت عينيها بتعب وشويه ودخلت سمر ومياده الاوضه وشغلوا النور قالت وهى مغمضه عينيها اطفوا النور ده
مياده :- طيب هنغير هدومنا ونطفيه
سمر :- لولو يا لولو
علياء :- عايزه ايه يا سمر
سمر :- عايزه فلوس
علياء :- ليه
سمر :- عايزه اشترى كتاب مهم
علياء :- ما انتى لسه جايبه الاسبوع اللى فات كتاب برضه
سمر :- ها ا.ا.اعمل ايه يعنى ما هما اللى بيطلبوا مننا كده اعمل ايه
علياء:- بس انا مش معايا غير المية الجنيه اللى عملت بيها شقة عم عبده
سمر :- حلو حلو هاتيها بقى
علياء :- بس انا كنت محتاجها
سمر :- يا لولو هتحتاجى ايه يعنى اكيد مش هتشترى بيها هدوم ما انتى بتاخدى هدوم اى حد فينا
مياده :- خلى عندك شوية دم فلوسها وهى حره فيها مش هى اللى تعبت وشقية بيها
سمر :- وهى الكبيره بتاعتنا واحنا ملزومين منها مين هيجيب لينا طلبتنا هنروح نطلبها من حد غريب يعنى
علياء :: قامت وقالت خلاص انتى وهى وجابت الفلوس وقالت خدى اهى
سمر :- اخدت الفلوس وباستها وقالت اختى حبيبت قلبى ربنا يخليكى لينا يارب وراحت غيرت هدومها ونامت جنب مياده على السرير
علياء :- حد فيكم يطفى النور طيب
سمر :- مياده نامت وانا تعبانه مش قادره اقوم من مكانى قومى انتى اطفيه يا لولو
علياء :- قامت بصعوبه من على الكنبه وراحت طفت النور ورجعت غمضت عينيها ونامت لصبح
»»»»»»»»»»»»»»»»»»»»»»»»»»»»»
فى بيت عبده
وصل ادم مع اخوه عمر واستقبلهم مراد وابوه ودخلوا اوضت الضيوف وشويه ودخل
مهند وسلم عليهم وقعدوا مع بعض واتفقوا على الخطوبه الاسبوع الجاي والجواز بعد التخرج وقال عبده
عبده :- روح هات اختك يا مهند
مهند :- ما يروح يجيبها مراد
عبده :- بأحراج احم قوم هات اختك يا مراد وبص بغيظ لمهند
مراد :- حاضر يا بابا وقام
خرج من الاوضه وشويه وجت معاه مريم وسلمت على كله وقعدت على الكرسى اللى قصاد ابوها
عبده :- طبعآ مش محتاجين
نسأل العروسه عن رأيها لانهم اكيد عارفين بعض من الجامعه احنا نقرأه الفاتحه علطول
عمر :- الجيل ده بيبقى متفقين مع بعض على كل حاجه احنا بنبقى صوره كده وضحك
وقال ربنا يسعدهم نقراه الفاتحه بقى وبعد ما قرواه الفاتحه
قال عمر نسيب العرسان يقعدوا شويه مع بعض بقى وبالمره تشربونى واحد قهوه ونتكلم مع بعض شويه
عبده :- اه طبعآ اتفضل وخرجوا من الاوضه وسابوا مريم وآدم قاعدين مع بعض
أدم :- مبروك يا قلبى
مريم :- بكسوف الله يبارك فيك يا حبيبى
أدم :- امته بقى نخلص ونتخرج ونتجوز بقى
مريم :- المهم قولى عملت ايه فى اللى قولت عليه الصبح
أدم :- كله تمام يا حبيبتى المهم تكونى عملتى زى ما قولتلك
مريم :- عملت كده اول ما جابه السواق حطته زى ما قولتلى
أدم :- ساعه بالكتير وفضحتها هتكون على كل لسان فى المنطقه
مريم :- بغيظ احسن علشان يعرفوا هما ايه واحنا ايه واكسر مناخير اللى اسمه عبدالرحمن ده
أدم :- انتى تأمرى يا عمرى
مريم :- بحبك اوى يا آدم
أدم :- وانا بعشقك ياروح أدم
وبعد شويه روحوا على الفيلا بتاعتهم ودخلت مريم اوضتها تستنى فضيحة علياء وأخوها على نار
««««««‹‹««««««««««««««««««««
فى الشقه عند علياء
كانوا نايمين وسمعوا صوت خبط جامد على الباب الاربعه
قاموا يجروا وفتح عبدالرحمن الباب واتصدم وقال
عبدالرحمن :- خير يا حضرت الظابط
الظابط :- فين علياء مسعد
علياء :- انا علياء يا حضرت الظابط خير
الظابط :- بص لعلياء وقال فين الخاتم الالماظ
علياء :- بعدم فهم خاتم الماظ بتاع مين حضرتك
الظابط :- بص للعساكر وقال ادخلوا فتشوا الشقه
عبدالرحمن :- طيب نفهم حضرتك فيه ايه
الظابط :- هتفهموا كل حاجه دلوقتى وشويه وجه العسكرى ومعاه الخاتم وقال
العسكرى :- الخاتم اهو يا فندم لاقيته فى البوك ده
الظابط :- البوك ده بتاع مين
علياء :- بصدمه بتاعى بس معرفش الخاتم ده بتاع مين
الظابط :- هاتوها
عبدالرحمن :- هاتوها ليه يا باشا اختى مستحيل تمد ايديها على حاجه مش بتاعتها
الظابط :- امال ده جه ازاى
علياء :- بدموع والله العظيم ما اعرف حاجه عنه ولا أعرف جه بوكى ازاى
الظابط :- الكلام ده قوليه فى القسم امشى معانا يلا
مياده وسمر :- واقفين بيعيطوا وماسكين علياء علشان متمشيش
عبدالرحمن :- اختى مظلومه والله العظيم مظلومه
الظابط :- قولتلك امشى معانا يلا
علياء :- بصت بدموع لاخواتها وقالت عبدالرحمن خلى بالك على اخواتك البنات
العسكرى :- انجرى يا بت قدامى ونزلوا على السلم وهما
بيشدوها واخواتها بيجروا وراها وبينادوا عليها
الجيران كلها فتحت الباب تشوف فيه ايه والكل بيبص ليهم بأستغراب
عبده :- فيه ايه يا ابنى
عبدالرحمن :- بيقولوا على اختى أنها اخدت خاتم حد معرفش مين اختى عمرها ما كانت حراميه يا عم عبده
حكمت :- شهاده لله اختك طول عمرها بتدخل الشقه عندى عمرها ما مدت ايديها على حاجه
مريم :- كانت فرحانه فيهم وبتبص لعبدالرحمن بشماته
مراد :- امشى يا عبدالرحمن نروح وراها
عبده :- خليك معاهم يا ابنى انا لو اقدر اروح معاهم كنت روحت
مراد :- حاضر يا بابا
مروان :- وانا هاجى معاكم
عبده :- تعالوا انتوا يا بنات ادخلوا اقعدوا مع خالتكم ام مريم
مياده :- لاء يا عم عبده احنا هنروح معاهم
مروان:- سيبهم يا عم عبده انا هخلى بالى منهم وبص لمياده
وقال امشى متقلقيش أن شاءالله خير
مياده :- بدموع يارب
ونزلوا كلهم واقفوا تاكسى وراحوا وراه علياء بعد ما الشارع
كله اتفرج علي علياء وهى الحكومه وخداها