الفصل الثاني عشر
بقلم الكاتبه المجهوله
(رواية لص السعاده )
عرفنا الحلقه ال فاتت
ان نورا سمعت احمد وناديه وهما بيتكلموا وعرفت انهم كانوا
متراهنين ونورا راحت لوالد احمد هددها بالقتل كمان احمد بعت ناس لنورا علشان
تضربها ونورا مش لقيت قدامها غير الدكتور امجد واتصلت بيه علشان يلحقها
اما ناديه فهي اتجوزت واحد بس طلع نصاب وكانت النتيجه انها سافرت بره مصر وهتعيش طول عمرها غريبه
اما احمد فبعد موت والده اكتشفه انه كان متجوز الشغاله ومخلف منها ولد اسمه ابراهيم وكتب كل الثروه باسمه فهو قرر يتجوز بنت عمه علشان يقدر يعيش في نفس المستوي الي هو كان عايش فيه
بس هي كان ليها شروط
ايه هي الشروط دي ؟
دا الي هنعلرفه انهارده
____________________________________________________
بنت عمه قررت انها علشان توافق علي الجوازلازم يوافق احمد علي كل شروطها وهي
1- ان احمد يكتب علي نفسه شيكات بدون رصيد
2_ان كل الثروه تكون باسمها وهو مجرد موظف عندها بياخد مرتب عالي وميمتلكش اي شئ
3_ان البيت والشركه يكونوا باسمه
ودا علشان تضمن ان احمد عمره ما يفكر يتجوز عليها زي ما باباه عمل لانه لو فكر هيكون نتيجته انه في السجن بعد ما تقدم الشيكات للنيابه
واحمد وافق علي كل شروط
______________________________________________________
وفعلا احمد بيتجوز بنت عمه بس مش هو دا العقاب الي ربنا عاقبه بيه لان بعد مرور فتره من الجواز احمد اكتشف ان بنت عمه ال بقيت مراته مش
بتخلف وانه هيفضل طول عمره محروم من انه يكون اب بسبب الطفل الي هو موته وبسبب الي عمله في نورا
______________________________________________
وبتمر عشريييييييييييييين سنه
بس طول العشرين سنه الي فاته احمد بيحلم حلم واحد بس
_______________________________________________
بيحلم ان هو واقف في مكان ضلمه
وبيسمع صوت حد بيقرب منه
بس هو مش شايف مين الشخص دا
فجاءه بيسمع صوت صريخ
ااااااااااااااااااااااااااااااااااااااااااااااااااااااااااااااااااااه اااااااااااااااااااااااااااااه
احمد بيتفزع من الصوت لان الصوت بيقرب
بيتلفت حواليه مش شايف حاجه خالص
ضربات قلبه بتزيد لان بسمع اصوات غريبه اااااااااااااااااااااااااااااااه اااااااااااااااااااااااااااااااااه
بيسمع صوت عياط بيبتدس بطئ وبعد كدا بيزيد بيزيد اوي
اهئ
اهئ هئ
اهئئئئئئئئئئئئئئئئئئئئئئئئئئئئئئئئئئئئئئ اااااااااااااااااااااااااااااااااااه
وضربات قلبه بتزيد اكتر
وفجاءه بيلاقي واحده مسكته من رقبته
هو مش قادر يتنفس هيتخنق هيموت
اظافرها بتدخل في رقبته اكتر والوجع بيزيد
بيحاول يجري بس هو متكتف مش قادر بيصحي احمد من النوم مفزوع ونفس الحلم كل يوم بيتكرر
________________________________________
بس هو بيفسر الحلم ان البنت الي شافها شبه نورا اوي بتفكره بنورا
وطول العشرين سنه هو بيدور علي نورا علشان يحاول يعوضها عن الي حصل بس هو مش لقيها
---------------------------
من 3 شهور
احمد بيكون قاعد في مكتبه
ابراهيم بيدخل المكتب علي احمد
ابراهيم : احمد اخويا حبيي
احمد: ايه شكلك عاوز حاجه قول بسرعه متعطلنيش
ابراهيم : مش انا اخوك حبيبك
احمد: انا قولت كدا طلما بدات ببكش يبقي انا عرفت انك عاوز حاجه قول علي طول
ابراهيم : دايما ظالمني كدا
احمد : بقولك ايه خلص بقي
ابراهيم : اخوك كبر بقي وعاوز يستقر
احمد : يعني ايه ؟
ابراهيم : وانا ال بقول عليك زكي انا عاوز اتجوز
احمد : اخيرا هنخلص منك ومين بقي الي عليها العين ؟
ابراهيم : بنتي كدا زملتي في الجامعه بس هي اصغر مني بخمس سنين
احمد : اه يعني دكتوره برده ابراهيم : عليك نور لاء وباباها كمان كان دكتور مشهور الله يرحمه اسمه اسمه امجد مدكور
احمد : بتهياءلي سمعت الاسم دا قبل كدا
ابراهيم : معتقدش اصله كان مسافر متوفي بقاله 18 سنه
احمد : طيب خلاص نروح نخطبها بكره
ابراهيم : وبكره ليه انهارده هعدي عليك الساعه 9 تكون جاهز
احمد : انت مستعجل كدا
ابراهيم : انه الحب يا عزيزي
احمد انا هموت واشوف البنت الي عملت فيك كدا
ابراهيم : متستعجلش انهارده هتشوفها وتعرف ان انا عندي حق
وبيعدي ابراهيم علي احمد علشان يروحوا يخطبوا البنت الي ابراهيم عاوزها وبيحبها وهي كمان بتحبه
بيرنوا الجرس وبتفتح الشغاله وبتقولهم ثواني الهانم نازله
وبتنزل الهانم وهنا بيقف احمد ومش بينطق
بس ليه ؟ دا الي هنعرفه الحلقه القادمه