الحلقه السادسه
بقلم الكاتبه المجهوله
(رواية لص السعاده)
عرفنا الحلقه الي فاتت ان نورا بتفكر هتحضر عيد الميلاد ولا
لاء وكانت بتقول لنفسها(اروح ولا لاء ؟وليه لاء احمد عمل
علشاني حجات كتير ودا اول طلب يطلبه مني تبقي قله زوق
مني لو رفضت وبعدين هو عمل علشاني ال مفيش اخ يعمله مع اخته
اخ؟ هو احمد بالنسبالي اخ؟ بس انا بحس انه
.............لاءلاءلاء فوقي احمد مجرد اخ او يمكن تكوني
صعبانه عليه شويه هو اخ مش اكتر من كداوبعدين انا هروح
علشان ميزعلشي وهقعد ربع ساعه بس مش اكتر من كدا)
في النهايه وبعد طول تفكير نورا بتقرر انها تروح عيد الميلاد
بتقوم وتخرج لبسها كله علشان تختار منه وتحرب كل اللبس
لحد ما بتلاقي الفستان الي حست انه عليها حلو
نورا واقفه قدام المرايا بتعدل شعرها وبتبص فيالمرايا وبتقول
(هو انا ليه بعمل كدا ؟ انا عمري ما اهتميت بنفسي كدا كان
اخر حاجه بفكر فيها هي شكلي ومظهري يمكن,,,,,,,,,,,,,,
لاء يمكن ايه انا قولت احمد مجرد اخ .اخ وبس)
بتدخل ناديه علي نورا الاوضه
ناديه: ايه دا كله ايه دا كله ؟ايه الحلاوه دي بركاتك ياعم احمد
نورا: تقصدي ايه
ناديه: مقصدشي
نورا: تقصدي ان انا لبس كدا علشان احمد لاء انا مش لبسه
علشانه انتي فهمتيني غلط
ناديه: علي فكره انا مقولتش كدا انتي الا قولتي وبعدين
واضح اني فعلا فهمت غلط بس انا ملاحطه انه معجب شويه
وميال ليكي شويتين ونقدر نقول انه بيح..................
نورا: (بتقاطع ناديه وبتقول) بصي يا ناديه انا خلاص مش هروح
ناديه: لاء وعلي ايه نروح احسن علشان ميزعلشي
نورا : مش هروح
ناديه : كدا احمد هيزعل يا نورا
..وفي النهايه نورا بتكرر تروح العيد ميلاد بتاع احمد
نورا بتدخل الحفله هي وناديه وبتلفت النظر ليها لانها هي
كانت احمل واحده في الحفله كلها
احمد كان واقف مع اصحابهواول ما شاف ناديه ونورا بص
لنورا بصه غريبه لانه اول مره يشوف نورا بالحمال دا كله وانها
اجمل بنت عنيه شافتها بيروح لها ويبص في عنيها ويقولها
احمد: ايه الجمال دا كله
ناديه : متكسهفهاش بقي ياحمد
احمد: ايه دا ؟ دا وشها احمر
نورا : وبعدين بقي
احمد: خلاص خلاص. انا ليا طلب
نورا: اتفضل
احمد: ممكن ترقصي معايا
نورا : اسفه مش هقدر
احمد: علشان خاطري
نورا: بحد اسفه
بينادوا علي احمد علشان يطفي الشمع وبيقولوا لاحمد اتمن
امنيه قبل ما نطفي الشمع
احمد: اتمن ارقص مع نورا
الكل بيطلب من نورا انها ترقص مع احمد وفي النهايه بتوافق ترقص معاه
احمد بيمسك ايديها ويضمها ليه ويرقصوا وهما بيرقصوا
بيقرب ليها ويهمس في ودنها ويقولها
احمد:بحبك
نورا: ايه
احمد: بحبك
نورا : وشها بيحمر وضربات قلبها بتزيد وبتقول )انا.............
احمد: ششششششششششششششششش متقوليش حاجه
خالص سيبي الوقت يبينلك ادي ايه انا بحبك
..........نورا بتفرح اوي والفرحه مش سايعاها لدرحه ان الربع
ساعه الي هي محدداها بقيت ساعتين ونورا مش حاسه بالوقت
ناديه:مش يالا بقي يا نورا احنا اتاخرنا اوي بقالنا ساعتين
نورا: ايه ساعتين؟
ناديه : ايوه يالا
بتمشي ناديه ونورا وطول الطريق نورا متكلمتش كلمه واحده
هي مبتسمه وبس
ناديه: مالك يانورا؟ في ايه؟
نورا؟مفيش
ناديه: طيب احمد كان بيقولك ايه وانتوا بترقصوا
نورا: مكنش بيقول حاجه وسكتي بقي الله
ناديه: ماشي ياستي هسكت
بتوصل نورا وناديه البيت وبيدخلوا الاوضه ويناموا بس نورا
طول الليل بتفكر في الكلام الي احمد قاله ونظرته ليها
وبتقول( معقوله يكون حبني ؟ وليه لاء .الحب مبيفرقش بين
غني وفقير بس ياتري انا بحبه ولا لاء انا معرفش يعني ايه
حب .بس لو الحب يبقي اني ابقي اسعد واحده في الدنيا وانا
معاه يبقي بحبه بس انا هنام علشان يعدي الوقت بسرعه
واشوفه بكره
وبتحاول نورا طول الليل انها تنام بس هي من كتر الفرحه مش عرفت تنام
وبكدا خلقه النهارده خلصت
بس ايه هو الخبر الي هيسعد نورا اكتر من السعاده الي هي فيها ؟
وليه نورا هتخبي علي ناديه علاقتها باحمد؟
دا الي هنعرفه الحلقه القادمه ان شاء الله