رواية لص السعاده
الحلقه الاخيره
بقلم الكاتبه المجهوله
عرفنا الحلقه الي فاتت ان ابراهيم قدر يقنع شروق انهم يتجوزوا في السر
وفعلا اتجوزا وكانا بيتقابلوا في شقه جدها (نفس الشقه ال نورا واحمد كانوا بيتقابلوا فيها من اكتر من 20 سنه )
وعرفنا كمان ان نورا عرفت ان شروق لسه علي علاقه بابراهيم وان نورا قررت انهم يسافروا وميرجعوش تاني خالص
_شروق اتصلت بابراهيم وقابلتها وطلبت منه انها يتقابلوا وحكتله علي السفر
ابراهيم : احنا لازم نروح لاحمد ونعرفه اننا متجوزين وهو يتصرف
.......................النهارده هنعرف ايه الي هيحصل ......................
ابراهيم وشروق بيروحوا لاحمد الشركه
ابراهيم : بيسال السكرتيره (احمد موجود )
السكرتيره : ايوه موجود ثواني ابلغه
ابراهيم : طيب بسرعه
السكرتيره بتدخل تبلغ احمد
السكرتيره : اتفضلوا
ابراهيم بيدخل هو وشروق
احمد : شروق ! وانا اقول الشركه نورت ليه ؟
شروق: دا من زوق حضرتك
ابراهيم : احنا جايينلك في موضوع مهم
احمد : خير ؟
شروق : قبل ما نتكلم في الموضوع المه احب اسالك سؤال واتمن تجاوبني بصراحه
احمد : اتفضلي وانا ياستي هجاوب بصراحه
شروق : انت تعرف ماما منين ؟ وايه الي بينك وبينها ؟
احمد : اسبق وقلتلك ان احنا كنا مجرد اصدقاء في الجامعه
شروق : بس كدا ؟
احمد : ايوه بس كدا
شروق : قلبي بيقولي ان في حاجه تانيه انت وماما مخبينها علينا
احمد : بصراحه احنا كنا بنحب بعض زمان وكنا هنرتبط بس محصلش نصيب
ابراهيم : علشان كدا مامتك عاوزه تفرق بينا ؟ علشان هي واحمد حكايتهم مكملتشي عاوزه تكرر نفس الحكايه تاني ؟ ايه الانانيه دي ؟
شروق: ابراهيم لوسمحت متقولش الكلام دا علي ماما
ابراهيم : يعني انتي عاجبك الي بيحصل دا
احمد : خلاص خلاص متقلقوش ان شاء الله الحكايه متتكررش تاني وتتجوزا
شروق : ازاي بس وماما عاوزانا نسافر ومنرجعش مصر تاني
احمد : ايه ؟
بتدخل السكرتيره ( في واحده بره بتقول انها عاوزه حضرتك في موضوع مهم )
احمد : موضوع مهم ؟ مين دي؟
السكرتيره : اسمها مدام نورا
احمد : نورا !
شروق : ماما ! دي لو عرفت ان انا هنا مش عارفه ايه الي هيحصل
احمد : طيب الباب دا بيدخل علي غرفه الاجتماعات ادخلوا ولما تمشي ابقوا اخروجوا
وفعلا بيدخلوا يستخبوا ونورا بتدخل
احمد : نورا اتفضلي . تشربي ايه ؟
نورا ك انا مش جايا اضايف انا جايا اقول كلمه واحده ابعد اخوك عن بنتي
احمد : انتي مصره تفرقي بينهم ؟
نورا : انا قولتلك وخلاص
احمد : مش هبعدهم هما بيحبوا بعض ومفيش قوه علي الارض هتبعدهم وتفرق بنهم
نورا : انت مش فاهم حاجه
احمد : فوقي بقي يا نورا متخليش النار الي جواكي تعمي عينك وتدمري حيات بنتك
نورا : لو مبعدوش حياتها هي الي هتتدمر ومش حياتها بس دي حياتنا كلنا
احمد: ليه كل دا ؟ يانورا احنا ممكن نرجع لبعض تاني و.............
نورا : افهم بقي مينفعش يتجوزا مينفعش
احمد : لاء هيتجوزا براضاكي او غصب عنك هيتجوزا وانا بنفسي هساعدهم
نورا : تبقي انت الي بتهد المعبد علي راسنا كلنا ولو دا حصل انت الي هتشيل الذنب لوحدك
احمد : زنب ؟ علشان عاوزهم ميتعذبوش زي ما احنا اتعذبنا تقوليلي زنب لو كدا انا موافق اشيل الزنب لوحدي
نورا : مينفعش يتجوزا مينفعش
احمد : ليه ؟
نورا : علشان نورا تبقي بنتك
احمد : ايه ؟ نورا بنتي؟ازاي؟؟؟؟؟؟؟؟؟؟؟؟؟؟
نورا : ايوه بنتك
زمان لما ضحكت عليه واستغليت ضعفي واني وحيده مليش حد واتراهنت عليه انت وصاحبت عمري ناديه واتجوزنا عرفي بحجه اننا لو متجوزناش مش هتقدر تركز في المزاكره ووعدتني اننا اول ما نخلص امتحان هنعلن جوازناوانا صدقتك ووثقت فيك وامنتك علي نفسي وبعد كدا عرفت اني حامل وقولتلك
احمد : ايوه فاكر بس الطفل احنا نزلناه انا فاكر كدا كويس دا .دا انا الي اخدك المستشفي وفضلت معاكي لحد ما خرجتي وعرفت انك نزلتيه
نورا : صح انت الي اخدتني المستشفي وفعلا دخلت العمليات واخدت البينج
بس الدكتور قبل ما يدخل علشان يعمل العمليه وقف معاك واتكلم وحس اد ايه انت قلقان وخايف كان بيحسبك خايف عليه بس انت كنت خايف من الي هيحصل لو حد عرف اننا متجوزين
ساعتها الدكتور لقي ان حالتي خطر ولو نزلت الطفل ممكن مخلفش تاني وعلشان كدا منزلش الطفل وقال ان هو هيقنعك تخلي الطفل دا
بس هو سمعك وانت بتهددني انك هتقتلني لو قربت ليك او قلت لاي حد اننا متجوزين وطلقتني
احمد : بس انتي جيت عندنا الفيلا وقولتي لبابا اننا كنا متجوزين وانك نزلتي الطفل
نورا : انا لحد الوقت دا كنت فاكره اني نزلت الطفل ومعرفتش ان لسه الطفل موجود غير بعد ما بعتلي ناس تضربني وكنت هموت ساعتها ملقتش قدامي غير الدكتور الي وعدني انه هيقف جانبي لحد ما اجيب حقي منك اتصلت عليه وجالي وساعتها قالي انه عاوزني في موضوع مهم وعرفني انه منزلش الطفل وقالي انه عمل غلطات كتير في حياته وان الاوان يكفر عنها وطلب اننا نتجوز ويسمي الطفل علي اسمه
وفعلا اتجوزنا وسافرنا بس للاسف هو مات بعده بفتره قصيره وانا فضلت هناك بدير المستشفي بتاعته بمساعده الدكاتره الي هو كان مقربهم ليه ولما خسرنا جزء كبير من الثروه قررنا اننا نزل مصر علشان اعيش فيها انا وبنتي وعلشان ادفن مع بابا وماما بس القدر عملها معانا وخلا بنتي الي هيا بنتك تقابل اخوك وتحبه
علشان السر الي مخبياه طول العشرين سنه يتكشف
احمد : يعني شروق بنتي
نورا : ايوه
بتخرج شروق من غرفه الاجتماعات
نورا : ايه ؟ شروق!!!!!!!!!!!!!!!!!:(
شروق : ايوه شروق يا ماما ليه كدا ليه خبيتي عليه ؟
نورا : مكنش ينفع يا بنتي اقول مكنش ينفع كنت هقولك ايه اقولك ان باباكي الي فاكراه باباكي مش باباكي وان باباكي الحقيقي طلع احكر خلق الله وسابنا وكان عاوز يقتلك زمان وبعدين خفت
شروق : خفتي؟ ياه اتاري الخوف دا اسوء احساس في الدنيا زص مانتي خفتي تقوليلي ان انا مش بنت دكتور امجد مدكور وان انا بنت واحد مقدرش اي حاجه وان مفيش حد يتمن ان دا يكون اب ليه لانه ميعرفش اصلا يكون اب وبسبب الخوف برده انا خفت تفرقي بينا انا وابراهيم ولا اقول عمي فتجوزنا وخفت اقولك علشان متزعليش علي امل اننا هنقدر نقنعك بجوازنا
نورا : ايه ؟ اتجوزتوا
احمد : ايه ؟
شروق :اه اتجوزنا وهو دا الموضوع المهم الي كنا عاوزينك فيه .طبعا انتوا الاتنين اتفاجئتوا بس ابراهيم لاء علشان احنا متجوزين بس محدش احسن من حد زي ما انا اتفاجئت ان انا بنت الراجل دا وهما الاتنين اتفاجؤا اننا متجوزين احب افاجئك انت كمان واقولك يا ابراهيم اني حامل وهو دا الموضوع الي خلاني استعجلك علشان نقول لاحمد علشان يشوف حل فعلا كما تدين تدان
وبتخرج شروق تجري التلاته بيجروا وراها بس وهي نازله من الشركه بتصدمها عربيه وبتتنقل المستشفي
وهناك بتدخل العمليات وواقف بره نورا _ احمد _ ابراهيم
بيمر الوقت بصعوبه الدقيقه كاءنها سنه
نورا ______________ شايفه عمرها الي عاشته مع بنتها وشيفاها وهي بتكبر قدام عنيها
احمد _______________ بيدعي ربنا انه يشفيها علشان يقدر يعوضها علي العمر الي فات كله ويسمع منها كلمه بابا الي عاش محروم منها طول عمره
ابراهيم ________________ بيتمن انها تفوق وتعيش لان هي دي البنت الي هو حبها بس هي دلوقتي بنت اخوه
لحد ما الدكتورا بيخرج
نورا : طمني يا دكتور بنتي عامله ايه ؟
الدكتور: احنا عملنا الي علينا بس للاسف مقدرناش ننقذ الجنين وفقدناه
احمد : المهم البنت
الدكتور: ادعولها
نورا : ممكن اشوفها ؟
الدكتور: لاء مش هينفع
نورا : علشان خاطري يا دكتور انا امها علشان خاطر
الدكتور: طيب لما تفوق شويه
وبعد فتره دخلو ا ليها
نورا : بنتي سامحيني يا بنتي
شروق: مسامحكي يا امي هو في حد يزعل من مامته برضه انا الي اسفه مكنش ينفع اكلمك بطريقه دي
احمد : بنتي اسف يا بنتي قومي انتي بس وانا هعوضك عن كل الي راح بس قومي علشان اسمع منك كلمه بابا الي عشت محروم منها طول عمري
شروق: عشت محروم منها طول عمرك و حرمتني انا كمان منها ههه
شوف ربنا تبق عاوز تموتني وانا لسه مخرجتش للدنيا ودلوقتي مش عاوزني اموت
كنت زمان هتكون السبب في موتي بس دلوقتي هيتحقق مرادك وتكون السبب في موتي برده يااااااه علي حكمه يارب
ماردش اني اموت زمان علشان عارف انك مش هتحس بيها واراد اني اموت في اليوم الي تعرف ان بنت عايشه علشان تحس بيها وفعلا زي ما ربنا قال كما تدين تدان __________________________(وبتموت )
نورا :شروووووووووووووووووووووووق يابنتيييييييييييييييييييييي يا حرقه قالبي عليكي يا بنتي انت السبب انت السبب
بيخرج احمد زي المجنون وبلاقي نفسه رايح علي قسم الشرطه يقدم محضر في نفسه ان هو لص السعاده الي سرق السعاده من نفسه ومن نورا ومن ابراهيم ومن شروق ومن حسن
الضابط حسام : ياه علشان كدا جاي تقدم بلاغ
احمد : ايوه انا استاهل الاعدام اعدموني وريحوني
الضابط حسام : للاسف في دنيتنا دي منقرش نعاقبك وعقابك عند ربنا بس مش عندنا لان احنا عندنا اللص هو الي يسرق حاجه ماديه مش معنويه
بس لازم القانون يتغير لان لو الي اتسرق حاجه زي فلوس ذهب مجوهرات اي حاجه زي دي ممكن تتعوض بس السعاده عمرها متتعوض
قوم قوم روح وادعي لبنتك وادعي ربنا يسمحك ويرضي عنك
لان بقانون دنيتنا انت مش مذنب اما قانون ربنا هو واحده اعلم بيه
تمت