رواية زفاف بدون عريس
الفصل الأول
بقلم هدى زايد
أنا منامتش كويس أو تقدروا
تقولوا منامتش أثلاً ههههه
صباح الخير أنا عروس
المستقبل أنا فرحِ بعد يومين
وكل حاجه فوق دماغي
يعني انهاردة مثلاً المفروض نعمل الكشف الطبي أنا و حبيبِ عشان المأذون طلبه مننا
وكمان لازم أروح للكوفير
والأهم من ده كله إن لازم أخد شاور
صح نسيت أعرفكم بنفسي
أنا لمار وعندي 18سنه ومعايا دبلوم صنايع قسم زخرفه
وطبعًا عايزين تعرفوا منين جه اسم لمار صح ؟!
هههههه ماما هي اللي شافت إعلان عن منتجات لمار ومن
ساعتها راسها وألف سيف تكتبيني لمار
من هواياتي الرسم على الإزاز وكمان التصوير بالموبايل
وأعمل فيديوهات زي مانا بعمل معاكم دلوقتِ أصل أنا وحيدة
ومعنديش أخوات حتى بابا معندوش أخوات
ماما بس اللي عندها أخ واحد وبنته المجنونه زي كده ويعتبرها
اختِ اسمها منار إحنا قريبين
من بعض جداً حتى الأسماء على نفس الوزن لمار ومنار ههههه
معلش مضطرة أسيبكم وأروح اخد شاور خمسه وهرجع تاني
عشان أعرفكم على باقي عيلتي الصغيرة
طبعًا بتقولوا مين المجنون
اللي بيعمل زي حبيبته ده صح ؟!
هههههههه أنا محمد خطيبها
واللي حالف يبقى حبيبها طول العمر
أنا دلوقتِ بلبس عشان انزل
ونروح الكشف الطبي اللي طلع عيني في
صحيح نسيت أعرفكم بنفسي صح
أنا محمد عندي 25سنه شغال محاسب في الإمارات لسه راجع
من أسبوع عشان خلاص هتجوز
أنا خاطب بقالي سنه كانت آخر سنه لـ لمار في الدبلوم
طبعًا مستغربين ازاي واحد محاسب ياخد واحدة معاها دبلوم
أناشايف إن الموضوع مش أزمه يعني صح ولاإيه ؟!
انا بحبها وهي كمان بتحبني وهي ماشاء الله عليها حلوة
وذكيه ومتفتحه رغم إن تعليمها مش عالي وأنا مبسوط بيها
كده أنا فاكر اول مره شفت فيها لمار
عندكم وقت تعرفوا ولالأ ؟
هههههههه طب يالا نتكلم وإحنا ماشين عشان الوقت
ميسرقناش وإحنا بنتكلم
أنا أول مره شفت فيها لمار كنت بشتري "لاب توب" عشان
شغلي كانت هي واقفه عايزة تشتري تليفون ليها
طبعًا أنا مش هتكلم عن قلبي اللي خرج من مكانه ولا على
عقلي اللي متحكمش في قلبي فجاة وبدون مقدمات
لقيت نفسي بكلمها وهي ولا هي هنا
ده شئ طبيعي إحنا في مجتمع شرقي بيحرم كلام البنت مع الولد
هو المفروض إن أحاول معاها وكده بس ده مش طبعي
قررت إن البنت دي تكون مراتي والسبب هو إن حبيبتها بجد
بس كان في دماغي ألف سؤال هي مين ؟ بنت مين ؟ هقول
إيه في البيت عندي لما أقولهم إن شفت البنت دي في الشارع
كان موضوع ملعبك خاالص بس المخاطرة والمغامرة في تستاهل بصراحه
فضلت معلقه في دماغي وقلبي نفسي أشوفها تاني وتالت
ومليون بس ازاي بس ؟ًمكنتش عارف
الوقت بيمر والإجازة قربت تخلص ولسه مش عارف أشوفها
تاني هتجنن وفِي يوم دخلت الحاجه وقَعَدت جنبي على السرير وقالت
-يامحمد حضر نفسك انهاردة فرح لمياء بنت خالك ولازم تكون
موجود أنا إن أنت مبتحبش تكلمهم بس ده أخويا ومينفعش
أروح من غيرك
طبعًا عايزين تعرفوا أنا مش بكلم خالي ليه ؟!
هو كان عايزني لبنته بس بصراحه أنا مش حاببها المهم إن
لازم أروح عشان ماما متزعلش مني وخصوصًا إن مسافر
خلاص يوم الجمعه
وروحت الفرح ويمكن كنت متضايق وقتها الجو زحمه ودوشه
وانا مبحبش الدوشه أو تقدروا تقولوا إن مش حابب المكان
خرجت في الجنينه بتاعت القاعه وقلت اشرب سيجارة
كان نفسي أقابلها تاني لو مره واحدة معرفش ليه كنت متعلق بيها كده
افتكرت الكلمتين اللي قالتهم ليا وابتسمت
فجاة سمعت دوشه بصيت عليهم لقيت
بنتين ومجموعه من الشباب عاملين زي دايرة حوليهم
مكنش ينفع اسكت مشيت ناحيتهم
ولقيت اللي بقالي ايّام وليالي بحلم أشوفها ولو مرة واحدة
بصت لي وقالت برجاء
-أرجوك خليهم يسكتوا
مش عايز اقولكم الكلمه عملت فيا إيه عايزين تعرفوا صح ههههه ؟؟
كانت الشرارة اللي اتسببت في نار ولعت المكان كله نار محدش عرف يسيطر عليها
اتكلمت معاهم بالذوق منفعش ومكنش قدمي غير إن
استخدام القوة معاهم
طبعًا الناس أتلمت وعم محمد اللي هو باباها
جه وقالي شكراً ياابني ربنا يستر عرضك
والكلام ده وأول ماقال مش عارف اعوضك ازاي عن اللي حصل
مسكت في الكلمه زي مايكون عيل صغير
قلت بص من الآخر كده أنا عايز اتجوز بنتك
طبعًا كانت صدمه عليهم مره واحدة كده طب ازاي
قعدنا وشرحت الموضوع وإمتى وإزاي حبيتها
وبعد حوارات كتييير اتخطبنا وسافرت ورجعت بعد سنه
عشان أتجوز وأرجع شغلي وابعت لها
وأخيراً هيحصل وبكره كتب كتابي عليها وبعده الفرح
بس خلاص وهي دي كل حكايتنا
طبعًا اتعلمت منها حاجات كتير زي التصوير والفيديوهات
اللي بتخليك تحس إن أنت واحد مجنون
بس بصراحه أنا لما بعمل كده بحس إن جبل وراح من على صدري
لمار بنت جدعه ولذيذة وبتحب الضحك
أنا مش عارف كُنت من غيرها عامل ازاي أصلي بصراحه نسيت
تااااتاااا
رجعت من جديد وحشتوني الجو جميل انهاردة ويمكن أنا
شايفة كده أنا جاهزة
تعالوا أعرفكم على الحاجه والحاج وبعدها ننزل عشان محمد
مبطلش رن عليا
ده بقى السكره والبركة بتاع البيت
بابا اللي مليش غيره
الحاجه بتزعل قوووي لما أقول حبيبِ قدمها
قال إيه بتغييير ؟!!
ههههه طب ياستِ بكره اسيبه ليكِ خاااالص
طبعًا الحاجه بتصلي الضحى وأنا لازم أخلع بسرعه قبل ما
أسمع الوصايا العشر بتوع كل يوم
سلام ياحاج
-سلام يامجنونه
رواية زفاف بدون عريس
الفصل الثاني
بقلم هدى زايد
واحدة مخطوبة وفرحها بعد يومين وخرجه لوحدها
مع خطيبها يبقى لازم الوصايا العشر
أوعي يقولك اشربِ دي وتشربِ بلاش الأماكن الهادية روحي
مكان دوشه وزحمه بلاش تمسكِ إيده لو قالك تعالي نروح
نشوف الشقه ناقصه إيه تروحي
ههههههههه وغيره كتييير طبعًا معظمكم عنده الحاجه دي صح
بس ليا وجهه نظر مختلفه وهي إن اللي بيحب حد بيحافظ
عليه ومحمد أنا عارفه كويس جداً جدع وراجل
وبعدين هو لو فكر يعمل حاجه دي كده هيشوف وش تاااني خااالص
بقولكم إيه أنا هركب التاكسي معاه ومش هعرف اتكلم
ناخد خمسه هدوء لأن المركز الطبي قريب
المجنونه وصلت أخيراً حمدلله على السلامه
-الله يسلمك
-إيه رأيك نتمشى شويه
-اوك موافقه قول لي عملت إيه في الشقه
-كل حاجه تمام مش ناقص غير المكله تنور مملكتها
أخيرًا بقى
-ههههه طب يالا ندخل المركز متأخرين
دخلنا المركز وهو راح يستلم التحاليل وراح بيها عند الدكتور
مش عايزة اقولكم أنا متوترة قد إيه
أنا معنديش أي مشكله لو لقدر الله محمد طلع عنده حاجه أو
حاجه تمنعه من الخلفه هكمل معاه لأن أنا بحبه هو وأكيد هو
كمان زي مفيش أي مشكله لو في حاجه تمنعني من الخلفه
خرج من عند الدكتور وهو مبسوط إن التحاليل بتاعته كلها مظبوطه
الغريبه إن هو تحليل لكن أنا تحاليل وأشعه كتير مش عارفه
الموضوع بالظبط أول مره بمر بالموضوع ده
أنادلوقتِ منتظرة دوري عند الدكتورةوفي الوقت ده
كنت واقفه بهزر وبضحك معاه خلاص إطمن على نفسه وإنه
ممكن يخلف من غير أي مشاكل في المستقبل...!
جه دوري ودخلت للدكتورة
كنت واثقه إن مفيش حاجه تمنع الحمل زيه
وإن دي كلها مجرد إجراءات مش أكتر
قعدة على الكرسي وقلت للدكتورة
-خير يادكتورة نقدر ناخد التقرير عشان المأذون هيكتب بكره
الدكتورة كانت مش عارفه تبدءا منين !
لقيتها قُدمها ورق وتحاليل كتير غير اللي كُنت متوقعه إنها
تتعمل قلت وماله مايمكن ده مجرد تقارير
محمد فضل يبص للدكتورة اللي كانت مش عارفه تتكلم ازاي
وتقول كل حاجه تعرفها
أنا أعصابي كانت بايظه خالص من تعابير وشها ليا
أخيرًا هتتكلم أخيرًا هتقول في إيه
ياريتني ماسمعت كلامها اللي دمرني ودمر كل حاجه حلوة جوايا
قالت الدكتورة وهى بتمسح دُموعها
إحنا مؤمنين بالله وده شئ أكيد ولازم نرضى بكل حاجه
بيبعتها لينا أنا هكتب لك تحويل ولازم تتحركِ فورًا
سألها محمد وهو بيحاول يتحكم في غضبه
-على فين ؟!
كتبت الدكتورة وأتكلمت بصوت عَالِ
تُحول المريضه إلى معهد بهيه لاأورام الثدي
مش قادرة أقول إحساسي كان إيه
وقبل ماأتكلم لقيتها بتكتب تحويل تاني وبتقول بنفس النبرة
الحزينه المخنوقة من الدموع
تُحول المريضه إلى معهد الأورام 57357
طبعًا إنتوا فاهمين إن ده اللي كسرني صح ؟؟
لأ للأسف أنا اللي كسرني ردة فعل محمد معايا
واللي أول ماشاف الدموع في عيني قال
!!!!..........
-طب أنا ها امشي عشان اتاخرت
-تمشي تروح فين أنا مش عارفه الدكتورة بتتكلم جد ولابتهزر
اصبر اكيد بتهزر صح يادكتورة ؟!
-لأ للأسف بتكلم جد أنتِ كانسر يا لمار
الدنيا كلها كانت بتلف بيهامش عارفه الكلام ده جد ولالأ حطت
إيدها على راسها عشان تستوعب كلام الدكتورة
رفعت وشها بعد ما الدكتورة خلصت كلامها واتفجئت إن محمد مشي فعلًا
خرجت بعد ما شكرت الدكتورة جريت كتير عشان توصل
لمحمد اللي كان بره المركز بسرعه كبيرة
مسكته من دراعه وقالت بـ استغراب
-محمد اللي عملته ده كان جد ولاهزار يعني أنت عايز تسبني فعلاً
محمد مش عارف يبص في عيناها حاسس بحزن وكسرة قلب
كبيرة عايز يقولها أيوه كان نفسي أكمل معاكِ بس لسانه قال
حاجه تانيه خااالص غير كده
-أنا أسف يا لمار مش هاأقدر أكمل معاكِ بصراحه كده صعب
عليا اتجوزك وبعدها أكون أرمل ! صعب قوي
لمار أتصدمت من كلامه حست بكسرة قلبها
حست إن هو مش طبيعي مش هو ده محمد اللي كان بيقول
هفضل طول العمر جنبك ولحد العمر ما يخلص
سابت دراعه وابتسمت بمراره عايزة تتكلم مش عارفه
حاسه إن لسانها في حاجه ويمكن يكون مشلوله من الصدمه
يمكن يكون خبر مرضها ما تعبهاش زي موقف محمد نفسه ؟!!
-محمد أنت أنت قاضي وجلاد أنت خلاص حكمت عليا إن
هااموت وكمان بعد مدة قصيرة طب سبني انا أقولك. امشي
سبني أنا أقولك هظلمك معايا لكن بلاش تدبحني
كده
محمد مشي بعد محاولات كتير جدا من لمار بـ إنه يفضل جنبها
من كتر الصدمه وقعت في الأرض قعدت على ركبتها
تبكي بقهر وحزن
ثواني او دقايق او حتى ساعات متعرفش كام من الوقت مر عليا كده
مسكت الفون واتصلت بـ منار تلحقني من المصيبه اللي وقعت فيها
مفيش عشر دقايق وكانت عندي وقفت تسمعني وهي
مصدومه يمكن تكون مصدومه من اللي عمله محمد اكتر من
خبر مرضي بالكانسر
كُنت عايزة أروح البيت بس مش قادرة
منار اقترحت عليا نروح للمستشفى الأول يمكن تكون الدكتورة غلطانه
اتمنيت ده فعلاً اتمنيت يكون الموضوع كله هزار حلم اي حاجه غير إن يكون حقيقه
أخدنا تاكسي وروحنا المستشفى وياريت ماروحت كل الدكاترة
أكدت كلام دكتورة الصحه والاسوء إن مافضلش في عمري
كتير شهر او اتنين بالكتير المرض منتشر في المخ
انا مش زعلانه على المرض انا زعلان على اللي سبني قبل
حتى يتأكد من الخبر
رجعت تاني على البيت وانا تعبانه ومش قادرة أقف على رجلي
دخلت أوضتي وانا متكلمتش كلمه واحدة
رميت جسمي بتعب على السرير ونمت يمكن اول مرة انام نوم
طويل كده نوم ماعرفش جه وإمتى وإزاي ؟!!
طبعًا بتقولوا عليا إن اناني ؟!
بس غصب عني أنا لسه شاب وعايز يفرح بحياته
معقول بقى هبدأ حياتي في المستشفى بين الكيماوي والإشعاع
ويمكن في الآخر ت....!؟
انا مش عارف اللي عملته صح ولالأ
أنا هروح اشوف رأي بابا وماما في الموضوع ده