رواية القدر
الفصل الاول1
بقلم هايدي ياسر
في ارقي بيت في التجمع تسكن به فتاه جميله ذات شعر بني
وعيون عسليه خمريه اللون وهي بطلت قصتنا ميرال تبلغ من السن 22 سنه
يعني ندخل في المفيد علشان مبحبش المقدمات 😂
داده انعام : اصحي ياميرال هتتاخري علي الكليه
نقف لاحظه انعام هي اللي مربيه ميرال لان اهلها متوفين في
حادثه من زمان وليها اخ واحد بس مسافر بره مع اسرته
نرجع تاني
ميرال : ياداده سبيني ونبي يعني هستفاد ايه لو متاخرتش
انعام : يابنتي قومي هتتاخري علي اصحابك
ميرال : لا بصي اصحابي دول بيعشقوا التأخير
انعام بضحك : طب علي فكره دارين تحت وكانت هتطلع تصحيكي بس انا قولتها حرام صعبتي عليا بس يارتني كنت سبتها
ميرال : يالهوي دي هتبهدلني ونبي ابقي دافعي عني ياجميل انت ياجميل
انعام : دلوقتي بقت جميل يلا يابكاشه
ميرال وهي تحتضنها : ده انا بحبك والله يانعومه
انعام : طب يلا ياختي كل شويه تضحكي عليا بكلمتين خدي شاور وانزلي علي محضرلكوا فطار
ميرال : لا متحضريش أنتي عايزه البت ريتال تموتنا لما تعرف اننا فطرنا من غيرها هنفطر سوا
انعام : طيب
تذهب ميرال اللي الخزانه تبحث عن ماذا سترتدي استقرت علي فستان طويل من اللون الروز وطرحه اسود ذهبت الي الحمام تاخذ حمامها ثم صلت ونزلت للاسفل
ميرال : لا لا دارين بنفسها عندي علي الصبح كده يانهار ابيض
دارين : ايه ياست الحسن والجمال ساعه علشان تصحي وساعه علشان تنزلي
ميرال : متكشريش كده طب سلمي عليا الاول
دارين وهي تحتضنها : كده حلو
ميرال بابتسامه: فل الفل ... يلا نمشي
يرحلوا الفتيات الي بيت ريتال
ميرال في السياره : ماهي علي متخرج يكون اليوم خلص
دارين : اهي جات
ريتال : صباح الخير ياكتاكيت
ميرال : صباح الخير ياكلب البحر
ريتال : الله يكرم اصلك
دارين بضحك : اتخانقوا ك العاده يلا
انطلقوا الفتيات الي كليه اعلام فهم في سنه تالته
ميرال : عندنا ايه النهارده بقي
دارين : عندنا محاضره واحده بعد ساعه
ريتال : انا جعانه
ميرال بضحك : يخربيتك فصلتيني تعالي ناكلها يابنتي قبل المحاضره هتفضحنا
ريتال : هيه هناكل
دارين بضحك : يلا ياهطله
ذهبوا اللي الكافيتريا وبداو يفكروا هياكلوا ايه
ميرال : ها هناكل ايه
دراين : مش فارقه معايا براحتكوا
ريتال : لا اعلم
ميرال : انا غلطانه اني بسالكوا
طلبت ميرال ساندوتشات انتهوا من طعامهم وذهبوا إلى
المحاضره دخل الدكتور وبدا بشرح ولكن كان هناك شخص يراقبهم من قرب
ميرال : الداده بتحسسني ان انا جايه اصنع المجد في المخروبه دي
دارين : هي فاكره ان احنا هنبقي زي احمد زويل مثلا
ريتال : احمد زويل مين ياماما احنا اكبر من كده بكتير
ميرال : طب اسكتوا بدل منطرد ونشيل الماده
ضحكت ريتال ك عادتها بصوت عالي مع هدوء القاعه اذا بالدكتور يقومها
الدكتور : انا كنت بقول ايه
ريتال : ـــــ
الدكتور : اتفضلي اطلعي برا علشان تضحكي كويس
ريتال : يادكتور انا اسفه
دكتور : براااااا
يقوم شاب : يعني حضرتك بتزعقلها كده ليه مش هي لوحدها
اللي كانت بتتكلم ولا بتضحك ولما مسكت مسكت فيها هي
علي كده بقي حضرتك مضطر تخرج الدفعه كلها ولا ربنا ميرضيش بالظلم
صدم الجميع من رده فعل الشاب الذي لا يعرفها
الدكتور في صمت تام لم اغراضه وخرج من القاعه
خرج الجميع من القاعه وقد علموا ان الدكتور لن يفوت ما حدث بكل هذه البساطه
ميرال : الله يخربيتك ياشيخه شيلتي الدفعه كلها الماده
ريتال في صمت تام مصدومه من ما حدث
دارين : بس انا مش مصدقه اللي حصل ده وهو ليه يعمل كده
ميرال : يلا نمشي علشان انا تعبت
دارين : اه وانا كمان يلا
شاب من الخلف هو ذاته نفس الشاب الذي دافع عن ريتال في المحاضره
الشاب : انسه ميرال.... مش ميرال بردو
ميرال : ايوه انا خير في حاجه
الشاب : لا بس كنت عايز اتكلم معاكي في موضوع بس
رواية القدر
الحلقه التانيه 📖
بقلم هايدى ياسر
ميرال : اسفه بس انا مش بكلم شباب
الشاب : والله مش هضايقك انا بس عايز اتكلم معاكي في
موضوع مهم لو سمحت
دراين تنظر لريتال وينظرون اليهم باستغراب
ميرال : مينفعش لو سمحت عن اذنك وتركته وذهبت
الشاب : لو سمحتي بس اسمعيني 5 دقايق بس وامشي لو سمحتي
ميرال : اللهم طولك ياروح.... نعم افندم اتفضل سمعاك
الشاب : نعد في حته ونتكلم هتكلم وسط الناس كلها كده عايز
اتكلم علي انفراد وهو ينظر الي دارين وريتال
دارين : طب احنا هنسبقك نشوف علينا ايه بكره .. يلا يا ريتال
ميرال بحرج : مكنش ينفع اللي عملته ده اتفضل عايز ايه بقي
الشاب : اولا انا مروان انتي ممكن تكوني عرفاني شكل لكن متعرفيش انا مين
ميرال وهي تنظر لاسفل: سوري انا مش بمشي ابص علي الولاد
ربنا امرنا اننا نغض بصرنا
مروان : اكيد طبعا ... كنت عايز اتكلم معاكي بخصوص ريتال صحبتك
ميرال : خير مالها
مروان : انا عارف ان انتي اقرب صديقه ليها حته الجامعه كلها
عارفه لحسن تفتكريني بتجسس عليكوا
ميرال : علي فكره الخمس دقايق خلصو ومينفعش اتاخر ادخل في الموضوع
مروان : بصراحه انا بحب ريتال وعايز اكمل معاها حياتي
ميرال : طب انا ايه دخلني ليه مروحتش اتكلمت معاها
مروان : ما انا محتاجك تساعديني يعني تقوليلي ازاي اقدر
اكلمها اي حاجه بس قبل كل ده عايز تعتبريني كاصديق ليكي
او اخ علشان ميبقاش في حرج في تعاملنا
ميرال : انا ايه يثبتلي انك كويس وممكن تسعدها وتكون
حياتها كويسه معاك انا ميهمنيش حاجه في حياتي اد انها تكون مبسوطه
مروان : انتي ممكن تسالي عليا حد من الجامعة وانا مش من
الشباب اللي بتعد علي القهوه وتاخد فلوس من بابي لا انا بنزل
اشتغل في شركه ابويا موظف عادي وباخد مرتب زي اي حد
موجود علشان هو علمني أكون راجل واعتمد علي نفسي
ميرال : طيب انا لازم امشي شوف عايزني اعمل ايه وانا اعمله
مشيت ميرال
دارين: كل ده تاخير كان عايز منك ايه
ميرال : ولا حاجه عايز ينضم لينا ويبقي صديق الشله
دارين : نعم ياختي
ميرال : اهو ده اللي حصل
ريتال : فعلا
ميرال دون ان تنظر في عيناها لانها تكشفها عندما تكذب : ايوه
يلا نمشي بقي ولا انتو عجبكوا الاعده هنا
يرحلوا الفتيات اللي منزلهم وك العاده ميرال توصلهم لم
ينطقوا باي كلمه طوال الطريق
رجعت ميرال الي منزلها
انعام : حمد الله علي السلامه يابنتي
ميرال : الله يسلمك ياداده .... هغير واجي ناكل علشان واقعه من الجوع
انعام : هحضر علي ما تنزلي يلا
صعدت ميرال الي غرفتها بدلت ملابسها واخذت تفكر فيما حدث اليوم
علي طاوله الغذاء
انعام : مالك شكلك مش مظبوط في حاجه مزعلاكي
ميرال : لا مفيش بالعكس انا فرحانه بس مش عارفه
اعمل ايه وخايفه
انعام : طب احكيلي يمكن اقدر اسعدك
بدات ميرال تحكي لها ما حدث
انعام : شكله بيحبها وشكله انسان كويس
ميرال : بس انا خايفه ادخل في الحوار تحصل مشاكل في المستقبل
انعام : قومي صلي صلاه استخاره وشوفي ربنا هيرشدك لايه
قبلت ميرال راسها وذهبت الي غرفتها تصلي وجلست تحدث ريتال
ميرال : روحي وحشتيني
ريتال : وانتي كمان ياعمري
ميرال : انتي ايه اخبارك
ريتال بضحك : لا مش واخده علي الجد مالك يابت
ميرال : عايزه اتكلم معاكي شويه
ريتال : اني استمع لكي
ميرال : جيبالك عريس
ريتال : ايه هتجوزيني للبواب ولا ايه
ميرال : لا مروان
ريتال : مروان مين
ميرال : اللي كان بيكلمني الصبح الحوار كان عليكي
ريتال : ازاي يعني
بدات ميرال تحكي لها كل ما حدث
ميرال : وبس ياستي هو عايز يبقي صديق الشله علشان يقرب منك اكتر
وقد انهو المحادثه سويا ليخلدوا الي سبات عميق
بصباح يوم مشرق وجميل
يرن جرس باب ريتال
تفتح وتجد صندوق امام الباب اخذته وفتحه وجدت به
سلسله عليها اسمها وورقه فيها رقم تلفون ومكتوب دعيني
ااخذ من وقتك خمس دقايق كي اعطي لحياتي طعم مختلف
بجانبك واذا وفقتي سوف تريني اقف امامك بكامل اناقتي كي
اخذ بيدك الي الجنه الذي صنعيتها لي دخل قلبي وعالمي
الصغير مع حبي مروان
صدمت ريتال من الكلام هل يوجد احد يحبها الي هذه الدرجه
اخذت تفكر ماذا تفعل هل تتصل به ام لا