رواية ( اخر العنقود )
الفصل الثاني والثالث والرابع
الاء : انا سمعتك وانت بتكلم ماما تلاقيها ميته من العياط عليا
احمد : قالتلي اقتلها و لو مسكتتيش هريحها منك وهريح
البشريه كلها منك يا الاء
- احلف ..امي دي قره عيني عارف وانا صغيرة ضربت مريم
اختي على وشها وفضلت اعيط جت ماما قولتلها مريم
ضربتني وانا اللي ضرباها تقوم امي تعمل ايه تخيل
_ اسكتي بالله عليكي مش قادر انتي مبتفصليش انا ازاي كنت بحبك
- هكملك استنى بس ولا اقولك هاتلنا لب وكاجو وهات ابراهيم عشان واقف لوحده
_ يا ابرااااااهيم هات السكينه
- اد ايه انت حنين هتقشرلي برتقان
_ برتقان؟ د انا هقشرك انتي
اتصلي على خطيبك يجيبلي الفلوس
- خطيبي وه وه ده طلع بخيل كان بياكلني 6 مرات في اليوم بس وكان بيجي عندنا ب علبتين شكولاتة بس نادي ابراهيم يحكم ده بخيل ولا لا
طب اقولك اتصل ب امي وانا هقنعها تبعتلك فلوس تمشي بيها نفسك بس سيبني لوحدي عشان اعيط
اتصلها ب امها ووقف برا يسمع من ورا الباب
الاء : ماما
امها : مين انا معرفكيش
الاء : استني بس د انا مخطوفه يا ست الكل
- ما تتخطفي انا مالي دي عامله تعمليها تسرقي العشرين جنيه من الدولاب لو مرجعتيش بيهم متجيش ولا اقولك خليكي قاعدة عندهم اسبوع وحلال عليكي العشرين جنيه
الاء : طب ايه رايك بقى اني مخدتش عشرين جنيه خدت اربعين ومش هرجعهم
دخل احمد وخد التليفون و بصوت عالي اسكتي انتي وهي
الاء : تعبتي الواد يماما كنتي شوفيلو معاكي عشره جنيه حتى 😒
- احمد من الاخر كده اتجوزني ونحطهم قدام الأمر الواقع وفي الأصل انا منك وانت مني
_ اه عشان اتدبس فيكي د انتي كنتي بتخلصيلي الرصيد وبتاكلي اكلي
- طب نادي ابراهيم يتجوزني وانا مسامحه
_ بصي كلمه كمان وهطلعك صدقه وعليكي خمسه جنيه هديه
- اتجوزني بجد ومش هتندم د انا ههينك 🙄سوري قصدي ههنيك
_اخر محاوله معاكي هتصل على ابوكي لو رفض حقيقي هعمل اللي محدش عملو
- هتتجوزني 😌
_ اتجوزك ايه انا عمري ما هنسى اللي عملتيه معايا انسي
- طب خلي هيما يتجوزني اصلهم في البيت أدوني مهله اسبوعين اتجوز فيهم لاما هيطردوني
_ 🙂🙂
- طيب بجد عندي ليك فكره انت عارف ان بابا معاه فلوس وانا عارفة انك عارف ايدا انا بقول ايه ،المهم اعمل نفسك عايز تتجوزني وانا هقول اني بحبك وشارك بابا وانصب عليه سهله اهو
_ وانتي فكراني اهبل عشان ادبس فيكي
- انت الخسران يا احمد روحني بقى عشان جعانه .......
الفصل الثالث
البارت الثالث
(اخر العنقود)
اتصل احمد على ابوها : الو
_ مين
- انا خطفت الاء
_ بتهزر انا فاضي لهزارك ده مش عارف ايه الناس الرخمه دي
- لا بجد انا خطفتها وعايز فديه نص مليون جنيه
_ طب سمعني صوتها لو مش بتكذب
- اتكلمي يا زفته
الاء : ازيك يا بابا عامل ايه انا مخطوفه
_ انتي كويسه يعني عملوا فيكي حاجه والصوت ده مش
غريب عليا هو ده احمد اللي ضربتك مرتين عشانه في ثانوي
اللي كنتي مسمياه بتاع الاكل
الاء : 🙄اه هو وخطفني وعايز فلوس اديلو يا بابا عشان هيقتلني
_ الحمدلله اني اطمنت عليكي يابنتي
- بابا ،بابا 🙄🙄 انت قفلت بابا
ابوها : الاء مش سامعك طب انتي فين الو الو
الاء :شكلو قفل يا احمد انا بقول تقتلني ونخلص الحوار ده
_ لا انا هرجعك ليهم اهو يتعذبو بيكي
- طب و هتديني عشرين جنيه اصلي قولت لماما اني اخدت أربعين وانا خدت عشرين بس
_ انا هنتحر انتي ايه يا بنتي مفيش دم مفيش خوف
- لو كان حد تاني كنت خوفت بس انت لا عارف ليه !
_ ليه يا اختى اطربيني
- عشان انت بتحبني يا احمد 🙈
_ كنت بحبك ده قبل ما تسيبيني و توافقي على قريبك الغني
- امال خطفتني ليه مش عشان وحشتك
_ لا ده عشان انا كنت محتاج فلوس مش اكتر ويلا عشان ارجعك لأهلك
- طب هتجيبلي شكولاتة واحنا راجعين 😌د انت اللي في القلب يا كابتن 😁
_ كلمه كمان وهسيبك هنا لوحدك وامشي
- مش عارفة انت قفوش ليه فاكر الشاورما اللي كنت بتجيبهالي
_ بيسرح احمد ويفتكر بكل رومانسيه
الاء : دي كان طعمها يقرف كنت بتخلي اختك تعملهالي بدل ما تشتريلي عشان توفر
_ أما واحده تكون بتاكل اكل أربعة لازم اوفر يا ام كرش
- فين ده الكرش د انا حتى هفتانه ومخطوفة من الصبح
مفطرتش غير مرتين بس 🤥
_ طب اسكتي صدعتيني تعالي أما افكك
- وتتعب نفسك ليييييه نادي هيمااا يفكني 😁😁
_ اووووف ابراهيم ابراهيم راعي اني كنت بحبك زمان
- اه فعلا كنت بتحبني 😒لو كنت بتحبني كنت اكلتني
_ بقول كنت ، انا مكنتش متخيل انك تعملي فيا كده كنتي آخر
واحده ممكن اتخيل انها تعمل كده عشان الفلوس
- عملت ايه انا معملتش حاجه إن كنت عملت حاجه ووافقت
على العريس فكل ده بسببك
_ بسببي 🙂اه دي شماعتك الجديدة عشان تهربي
- لا روح شوف انت خونتني مع مين ومنزل صورك معاها البت
ام شفايف كبيرة دي وال كنت ماسك ايديها كنت هواجهك بس
سمر قالتلي ميستاهلش د حتى اسمه احمد 😒
....................
البارت الرابع
( اخر العنقود )
_احمد : بخونك اه فعلا وسمر قالتلك ايه تاني غير كفايه اني
اسمي احمد واني لازم اخونك ؟
- مقالتش دي كانت بتقول كل خير 🙂
_ طب تمام اسمعي انا ولا مره خونتك والبنت اللي شفايفها
كبيرة دي تبقى اختي من والدي وكانت مسافرة ولسه راجعة
الاء : 🙄🙄دي مزه اوي
_ وانتي مهزقه اوي
- ليه طيب قله القيمه دي , يعني سمر طلعت مش فاهمة حاجه
طب ده برضوا ميمنعش انك احمد وكل اللي اسمهم احمد ملهمش امان
دخل ابراهيم : احمد انا همشي ورجعها انت بقى
الاء : ماشي يا هيما هنتقابل يا قمر انت طب هات رقمك حتى
ابراهيم : اقولك موتها أو أحرقها
الاء : ليه كده يا عسل استنى رايح فين يا عم الأصفر ده
ميسبنيش ويمشي كده
احمد : يارب خدها عشان دي حرام اني ادخل فيها السجن
فكها وركبها تاكسي ورجعت الاء لأهلها
كان ابوها بلغ البوليس وناس كتير في البيت
الاء : ايدا مين دول
امها حضنتها وقالتلها حد عملك حاجه
- حد عملي حاجه ! د على أساس أنهم اتصلوا عليكي قولتيلهم اقتليها
_ يا بنتي د احمد كنت فاكره أنه بيهزر بس لما ابوكي قالي
بلغنا البوليس علطول
- كتر خيركم
_ طب هاتي العشرين جنيه اللي اخدتيها
- لا أصل احمد خدهم مني 🙄
_طيب ملكيش مصروف الشهر ده
- هاخد من بابا
خرج البوليس من عندهم بعد م الموضوع اتقفل وفات
اسبوعين على الموضوع ده
كان اليوم ده راجعة الاء من الجامعة وكان عندهم ضيوف
فتحت الباب لقيت احمد وأبوه قاعدين مع ابو الاء
الاء :😳احمد انتو جايين تخطفوا بابا ولا ايه ده مش معاه
فلوس انا كنت بضحك عليك
احمد : اسكتي يا الاء لاما همشي
الاء : هموت عليك انا ها ما تمشي يا كابتن بس سيب عمو منور البيت 😁
ابوها : احمد اعتذر ووضحلي كل حاجه وجاب الحج معاه
عشان يعتذر عن اللي حصل
احمد : عمي انا كنت بحب الاء من زمان وعايز اتقدملها
ابوها : مش هتنبسط
احمد :لا هبسطها والله يا عمي انا هشيلها في عن...
ابوها : تشيل مين انا بقولك انت مش هتنبسط 😶
الاء : يا بابا انت بتبوظ الجوازة
ام الاء وبصوت عالي زغرطت :خدها يابني وخلي بالك على
نفسك قصدي عليها ...........