رواية الزمني حبها
الفصل الثالث والرابع والخامس
بقلم الكاتبه المجهولة
البارت_التاني
... ازيك ياأمل
رفعت راسي بهدؤ لأول مرة بعد سبع سنين اشوف وشه يااه
اتغير اوي دقنه طلعت وبقاله عضلات وحاجة قمر اوي يعني
دقيقة ورجعت لزكرياتي وهو بيرفضني مش قادرة انسي فوقت من تفكيره ع صوته
يوسف... ايه يابنتي روحتي فين!
امل.. هاا انا كويسة الحمد لله
سكتنا مرة تانيه وانا جوايا الف سؤال مقدرتش افضل ساكتة اكتر من كده اتكلمت بهدؤ
امل.. ايه اللي جابك يايو... احم ياابيه يوسف
يوسف ضحك... ابيه ايه ياامل احنا هنتجوز قريب ان شاء الله
امل... ايه اللي جابك!
يوسف...يعني انتي مش عارفة انا جاي ليه طيب ياستي انا ليا امانة عند عمي وجاي اخدها.. احم انا جاي اطلب ايدك
امل... طلبك مرفوض يايوسف انا مش موافقة
يوسف اتصدم شويه...ممكن اعرف ايه اللي يخليكي ترفضي
امل... انا اسفة يايوسف بس انا مش حابة اتكلم
يوسف... امل في حد في حياتك انتي بتحبي حد
امل اتعصبت... ايه اللي بتقوله دا انت ازاي تفكر فيا كدا
يوسف... انا اسف بس دا وارد يحصل الحب مش غلط
امل... ايه اللي غير نظرتك للحب.. بسخرية.. هو مكانش تخاريف
يوسف... امل انتي ب....
اهلنا دخلو
محمد.... هاه ياولاد اتفقتو
يوسف رد بسرعة....بصراحة ياعمي انا موافق باقي بس نعرف رأي امل
حسن....طيب يامحمد هنمشي احنا خدو وقتكو لحد ما العروسة تقرر تبقا تكلمني
محمد... ماانتو قاعدين ياجماعة لدسه بدري
حسن.. لا ياحبيبي يادوب يلا سلام عليكم
مشيو وبعدهم ريم سلمت عليا وروحتهيا كمان بصيت لبابا لقيت عيونه بتلمع من الفرحة ومبتسم ابتسمتله بخفة ودخلت اوضتي غيرت وطلعت احضر عشاا بعد مااكلنا قعدنا لميت الاطباق وعملت كوبيتين شاي وقعدنا انا وبابا ف البلكونة زي عادتنا
محمد... هاا ياحبيببتي ايه رايك ف يوسف
لقيت فرحة وحب في عيونه لا توصف وكلها رجاء اني اقبل الموقف كان صعب عليا اني اشوفه فرحان كدا وبكلمة وحدة دا كله يتهد شافني ساكتة اتكلم هو بهدؤ
محمد...بصي ياامل انتي قبل ماتكوني بنتي انتي اختي وصحبتي انا عارف ان صعب عليكي تفارقيني وانا والله مضايق جدا من الفكرة دي بس انا عارف ان دا الافضل ليكي لولا اني متاكد ان يوسف شاب كويس وهيحافظ عليكي مكنتش هقبل ابدا ف النهاية القرار ليكي فكري كويس بس حاولي متصغرنيش قدام اخويا
بابا خلص كلامه وباسني من راسي ودخل ينام كلامه فرق معايا جدا هو اغلي حد في حياتي وانا هعمل اي حاجة عشان افرحه حتي لو علي حساب سعادتي
دخلت صليت قيام الليل وقرات وردي وصليت استخارة حسيت اني مرتاحة شوية
تاني يوم صحيت بدري جهزت فطار وصحيت بابا وقعدنا ناكل
امل....بابا انا موافقة اتجوز يوسف
عيط من الفرحة وخدني ف حضنه
محمد... بجد ياامل بجد ياحبيبتي انتي موافقة
بابا بيعيط دا كله عشان وافقت ياااه قد ايه كنت غبية كنت هرفض كنت هكسر فرحته
بابا اتصل بعمي وبلغه قراري وعمي ومراته فرحو جدا وحددو معاد الخطوبة واتخطبنا بعدها باسبوع فضلنا شهرين مخطوبين علاقتي مع يوسف كانت سطحية كنت بعامله برسمية كبيرة نادرا ما نخرج سوا الكلام مابينا قليل جدا مش قادرة انسي اذيته ليا دا حتي مفكرش يعتذر ع اللي عمله زمان في فترة الخطوبة اكتشفت فيه حاجات جديدة طموح جدا وبيشتغل ليل نهار عشان يبني نفسه ويعمل شركته الخاصة كان بعيد عن ربنا ودا شئ ضايقني جدا
حددنا معاد الفرح وكتب الكتاب كنت من جوايا فرحانة بس كالعادة زكارياتي هيا اللي ماثرة علي عقلي
... بارك الله لكما وبارك عليكما وجمع بينكما في خير.....
استنيت اليوم دا من وانا صغيرة بس مش بالطريقة دي
حضنت بابا جامد وعيطت كتير مش متقبلة فكرة اني هبعد عنه هو كل حاجة ف حياتي.
خلص الفرح وودعت بابا وسلمت ع اهله وروحنا بيتنا
اول ما دخلت واتقفل علينا بابا واحد قلبي اتقبض حاسة ان في حاجة مش مظبوطة
يوسف... ادخلي ياامل الاوضة دي فيها هدومك غيري فستانك
دخلت من غير كلام غيرت الفستان ولبست اسدال الصلاة وطلعت لقيته قاعد علي الكنبة وراسه بين ايديه استغربت في الاول بس محطتش ف بالي
امل... احم القبلة ناحية ايه
يوسف رفع راسه.... انتي هتصلي ايه!
امل... قيام الليل..
.
يوسف.. بس دا مش فرض
امل.... مش لازم يكون فرض عشان اصليه...... تعرف انا كنت بقول زيك كدا بس سمعت الشيخ محمد حسن يعقوب بيقول "القيام! مستحيل ربنا يرزق القيام لمسلم الا لما يكون بيحبه".. جملة الشيخ حازم شومان "كذب من ادعي محبة الله حتي اذا جن عليه الليل نام وتركه"
في عبارة بتقول "وبيوت قائمين الليل تترآي للملائكة مكا تترآي النجوم في السماء الينا"
يوسف.... للدرجادي طلع قيام الليل مهم دا انا كنت بصلي الخمس فروض بالعافية
امل.... ايوا مهم جدا دا يعتبر فرض سادس لو انتظمت عليه هتشوف معجزات
يوسف.... ممكن تستنيني اقوم اغير ونصلي سوا
امل.... طبعا يلا انا مستنياك
حسيت بفرحة ف عيونه انا كمان فرحت اني اقنعته يعمل حاجة كويسة غير هدومه وطلع وامم بيا وصوته كان جميل مع انه حافظ قصار السور بس ان شاء الله نختم القران مع بعض خلصنا صلاة وقعدت اعلمه ازاي يقول ازكار اعرفه حاجات اكتر عن الصلاة واكلمه عن ربنا
بعد ماخلصنا كنت هدخل انام بس لقيته نده عليا
يوسف... امل ممكن نتكلم
افتكرته هيعتزر ويقول ان اللي حصل زمان كان غصب عنه بس حصل عكس اللي متوقعاه وياريته مااتكلم
امل.. اتفضل
يوسف.... امل انا.. انا مبحبكيش........
....... يتبع.......
البارت_التالت
يوسف... امل انا.....انا مبحبكيش
امل... ان.. انت بتقول ايه!
يوسف... امل انا اسف والله بس دا مش بايدي
امل بزعيق...ايه اللي بتقوله دا.. انت مستوعب الكلام اللي بتقوله ولما مبتحبنيش اتجوزتني لييه هاااه... اتكلم
يوسف... امل اهدي ارجوكي انا هفهمك كل حاجة
قعدني وانا كنت منهارة حرفيا تاني مرة يعمل فيا كده ولما هو مبيحبنيش اتجوزني ليه علقني بيه تاني ليه
يوسف... من سبع سنين لما جيتي واعترفتيلي بحبك ف الوقت دا كنت بحب بسنت اللي كانت معايا في الثانوية انا كنت بحبك ياامل بس زي اختي مش اكتر روحت اعترفت بحبي لبسنت وقولت لبسنت اني هسافر اكمل تعليمي برا وابني نفسي قالت انها مستعدة تستناني لحد مااكون نفسي بعد ماسافرت كنت بكلمها علي طول لحد مافي يوم عرفت ان جالها عريس هيا قالت ان باباها غاصبها كلامنا اتقطع وبعد كام شهر عرفت انها اتجوزت زعلت جدا بس اهتميت بشغلي عشان اثبت لابوها ان انا الاحسن من كام شهر عرفت انها اطلقت قررت انزل مصر واتقدملها بس اهلي كانو رافضينها وكانو عايزنك انتي تكوني مراتي بابا قال اني مش هتجوز غيرك وان دا محصلش هيتبري مني...
بقلم الكاتبة المجهولة
املبدموع محبوسة..... ايوا انت دلوقتي ازاي هتعيش معايا وانت قلبك مع واحدة تانية
يوسفاتنهد...احنا هنعيش مع بعض لمدة سنة وبعدين حنقول اننا حولنا بس مش متفاهمين ونطلق وانا حتقدم لبسنت ساعتها ابويا مش هيقدر يرفض
امل... وانا اروح فين... انت ايه مبتحسش عملتني لعبة ف ايدك تتجوزني وقت ماتحب وترميني لما تزهق مني ليه تلعب بمشاعري
يوسف.. امل اهدي انا كنت مضطر اعمل كدا ارجوكي ساعديني محدش لازم يعرف حاجة
املبسخرية... متخافش يايوسف مش انا اللي اطلع اسرار بيتي برة وبعدين انا هعمل كدا عشان بابا مش عشانك
سبته ودخلت اوضتي وقفلت علي نفسي عيطت كتير اوي لتاني مرة يجرحني ويكسرني دا حتي مكلفش نفسه واعتذر عن اللي عمله زمان كنت بدات اسامحه واعامله طبيعي يااه لو كان بيحبني كنت اديته حب كبير اوي وعملتله كل اللي يتمناه كنا هناخد بايد بعض للجنة وقربته من ربنا نمت وانا مكسورة لاول مرة اتمني اني انام ومش اصحي تاني استغفرت ربنا كتير ونمت
بقلم الكاتبة المجهولة
الصبح بابا الاوضة خبط
يوسف.... امل امل اصحي اهلنا واقفين ع الباب
قومت وفتحت بابا الاوضة كان مغير ولابس لبس بيتي
يوسف... صباح الخير
امل... صباح النور
يوسف.... اهلنا برا غيري هدومك واطلعي وانا هفتح ليهم
امل... تمام
يوسف.... امل ممكن اطلب منك طلب
امل.... متخفش يا يوسف قولتلك امبارح مش انا اللي اطلع اسرار بيتي برا
يوسف... شكرا
دخلت خدت دش سريع ولبست عباية بيتي ولفيت الطرحة وطلعت اسلم عليهم
اول ماشوفت بابا اترميت في حضنه وعيطت جامد بابا اتخض من منظري ويوسف بدا يقلق
محمد... امل مالك ياحبيبتي بتعيطي ليه!
امل مسحت دموعها... مفيش يابابا بس انت وحشتني اوي وانا مش متعودة اقعد من غيرك
محمد... ياحبيبتي انتي دلوقتي متجوزة وبعدين يوسف معاكي وهيعوضك عن وجودي
سلمت علي عمي ومرات عمي وقومت جبت عصير وقعدو شوية
هدي... يوسف عامل معاكي ايه ياامولة اوعي يكون مزعلك
املبصتله بحزن.... لا ياماما متخافيش يوسف يوسف بيعاملني حلو اوي
هدي...ربنا يسعدكو ياحبيبتي واشوف ولادكو قريب
بقلم الكاتبة المجهولة
يوسف... ان شاء الله ياماما
محمد....نسيب العرسان يرتاحو شوية بقا يلا مع السلامة ياامل
امل... افضلو شوية يابابا لسه بدري
محمد.... لا ياحبيبتي مرة تانيه بقا
مشيو وانا دخلت احضر فطور ليوسف حطيت الاكل علي السفرة
امل...اتفضل الفطور جاهز
يوسف ابتسم وقعد علي السفرة... مش هتاكلي
امل...شكرا مش جعانة
كنت داخلة اوضتي تاني فجأة دوخت وسندت علي الحيطة ووقعت علي الارض محستش بحاجة بعدها.
يوسف اتخض... امل.... امل مالك.. فوقي امل....
..... يتبع...
البارت_الرابع
يوسف... امل فوقي... مالك..
يوسف شالها ودخل الاوضة حطها ع السرير بخفة وجاب ازازة برفان رش علي قميصه وقربه من انفها وجاب كوباية ماية وبدا يمسح وشها لحد مافاقت
امل بتعب.... ااه... هو ايه اللي حصل
يوسف... الحمد لله انك فوقتي انتي كويسة
امل... اه بس دايخة شوية
يوسف... طبعا ماهو من قلة الاكل انتي ماكلتيش حاجة من امبارح
امل... مكنتش جعانة
يوسف... شش خلاص ولا كلمة انا هقوم اجبلك حاجة تاكليها
قام قبل مااقول اي كلمة ياريته كان بيهتم بيا عشان بيحبني لكن هو دلوقتي بيهتم بيا لانه حاسس ان دا واجبه
يوسف.... يلا افتحي بقك هاكلك
امل. مفيش داعي انا هاكل لوحدي
يوسف... يلا. من غير كلام كتير
قعد ياكلني وانا من جوايا طايرة من الفرحة معقول ف السنة دي يقدر يحبني ياريت
بقلم الكاتبة المجهولة
امل... انت اكلت
يوسف... اه اه كلت يلا كملي اكلك انتي
امل.. انت كداب علي فكرة عشان لما انا دوخت ووقعت كنت كنت لسه مابداتش اكل يلا كل معايا
يوسف... كلي انتي انتي تعبانة انا هاكل بعدين
امل... لو مكلتش معايا مش هاكل
يوسف... انتي ازاي كدا
امل... كدا اللي هو ايه
يوسف... يعني بعد كل اللي عملته وبعمله معاكي بتتعاملي معايا كويس
امل اتوترت... كل الموضوع اننا هنعيش مع بعض سنة كاملة اكيد مش هنقضيها خناق
خلصنا اكل وهو شال الصنية ودخلها المطبخ وقعد علي الااب توب يشتغل ووصاني مقومش من السرير ولا اعمل اي مجهود وطلب الغدا من برا واكلنا
بقلم الكاتبة المجهولة
قضينا باقي اليوم ف هدؤ في الليل قومت عملت لنفسي كوباية قهوة ولبست اسدالي واخدت روايتي وطلعت قعدت البلكونة
رواية احببتها في انتقامي بحب الرواية دي جدا فيها مقطتفات دينيه ومفيدة ياااه لو يوسف كان بيعشقني زي ماادم بيعشق يارا كانت حياتنا دلوقتي هتكون مختلفة
.. عند يوسف قاعد بيشتغل بس مش مركز خالص
يوسف في نفسه... يوووه دي رابع مرة اراجع الملف ومفهمش حاجة بفكر فيها ليه دلوقتي كنت قلقان عليها ليه لما وقعت اوووف انا اقوم اشملي شوية هواا واهدا كدا وارجع اكمل شغل
كنت مندمجة مع الرواية وبشرب قهوتي
يوسف... ممكن اقعد معاكي
امل... اتفضل
يوسف... ريحة القهو جميلة
امل... شكرا اعملك واحدة
يوسف.... لا انا هاخد الشوية دول بتقري ايه بقا
امل... رواية
يوسف... بتحبي الروايات
امل.... جدا بس اللي منها مغزي وفيها مقتطفات دينية
يوسف.... امل انتي... انتي لسه بتحبيني
اتوترت وحبست دموعي دا حتي مش شايف حبي ليه
امل.... لا يايوسف دي كانت فترة مراهقة وعدت
بقلم الكاتبة المجهولة
مش عارف ليه زعلت من جوايا من كلامها..... تمام
قعدنا طول الليل نتكلم لحد ما الوقت اتاخر قومنا صلينا القيام والحمد لله خليت يوسف ينتظم عليه خلصنا وكل واحد راح اوضته ينام فضلت افكر ف كلامه معقول شاكك اذا كنت لسه بحبه ولا لا نفسي حبه يطلع من قلبي بقا عشان ارتاح بس مش قادرة اكرهه
يوسف لنفسه... يوووه بطل تفكير فيها بقا انت بتحب بسنت وبس بتفكر فيها ليه كنت قلقان عليها ليه
تاني يوم صحيت وصحيت يوسف ولبس عشان ينزل الشركة لان كان في شغل كتير لازم يتم وهيا لسه ف اولها فطرنا وبعدين الباب خبط لفيت الطرحة وروحت افتح
... امولة
املحضنتها... اسماااء عاملة ايه وحشتيني
اسماء....وانتي كمان مبرووووك ياحبيبتي
امل.. الله يبارك فيكي ياسيموو عقبالك
اسماء.... مخلاص قربت اوووي
يوسف.... ازيك يااسماء عاملة ايه
اسماء.... الحمد لله مبروك يايوسف
اسماء.... الله يبارك فيكي عقبالك
اسماء.... ايوا منا جاية عشان عقبالي دي
امل.... ازاي ياختي
اسماء.... فرحي الخميس الجاي ولازم تحضرو
امل... مبروووك ياقلبي
يوسف.... مبروك يااسماء واكيد هنحضر منقدرش نفوت فرح اختنا
اسماء.... الله يبارك فيكو يلا استاذن انا
امل... ماانتي قاعدة يابنتي
اسماء... لا عشان لسه قدامي تحضيرات كتير مع السلامة
امل ويوسف... الله يسلمك
اسماء تبقا بنت عمنا انا ويوسف انا وهيا صحاب اوي وكمان يوسف بيعتبرها اخته زي مابيعتبرني اخته كدا
عدا اسبوع وانا ويوسف علاقتنا زي ماهيا قدرت اقنعه يحفظ معايا قران كان بيبقا مشغول كتير بسبب الشركة وانها لسه ف الاول ومحتاجة مجهود اتعودت علي وجوده اني اقوم الصبح اعمله كوباية القهوة بايدي اللي بقت بالنسباله ادمان وريحتها اللي بتصحيه كل يوم
يوسف... يلا ياامل دا كله بتلبسي هنتاخر علي الفرح
امل... حاضر خلصت اهو
اول ماطلعت لقيته بحلق فيا اتوترت
امل... ايه فيا حاجة غلط
يوسف... انتي ازاي جميلة كدا
امل بكسوف.... شكرا... احم يلا
يوسف... اه اه يلا
روحنا الفرح وكان جميل اوي قابلت كل قرايبي ويوسف قابل صحابه القدام لان اسماء من سن يوسف قعت مع مرات عمي وبقيت العيلة ويوسف قعد مع الرجالة برا في جنينة القاعة
يوسف..... اه معلش انا اسف
.... لا عادي.... ايه دا يوسف....
يوسف بصدمة..... بسنت!!
البارت_الخامس
... ااه...انا اسف..
... عادي محصلش حاجة... يوسف !
....بسنت!! ...ازيك عاملة ايه
... كويسة.. اخبارك !
... الحمد لله تمام... انت ايه اللي جابك الفرح
... ايه يابني انت ناسي ان اسماء نفس دفعتي ولا ايه
... اه.. اه معلش نسيت
... ولا يهمك
.... بسنت ممكن اتكلم معاكي شويه
... طبعا تعالي نقعد علي هنا
... تمام
....... عند امل في القاعة....
...امل ياحبيبتي دي تبقا هدي بنت عمي ودي ياهدي امل مرات يوسف ابني
حضنتني.... عرفتي تنقي ياجميلة البنت قمر ماشاء الله
..... تسلمي ياطنط
.... مبروك ياحبيبتي اومال فين يوسف عشان اباركله هو كمان
.... الله يبارك فيكي هو بره مع الشباب صحابه
... اطلعي ياامل خليه يجي معلش عشان عمتك هدي ماشيه دلوقتي
... حاضر ياماما
طلعت الجنينة فضلت ادور علي يوسف لحد مالمحته قاعد هو وبسنت بيتكلمو وماسك ايدها وبيضحكو سواا قلبي وجعني اوي مقدرتش استحمل دخلت القاعة وانا حابسه دموعي بصعوبة روحت عند الترابيزة اللي كنا قاعدين عليها واخدت شنطتي
.... ايه ياامل اومال فين يوسف مجاش معاكي ليه
.... هو برة ياماما عن ازنك انا لازم امشي
.... فيه ايه ياحبيبتي انتو اتخانقتو طب هو زعلك في حاجة
.... لا ياماما انا تعبانة شوية بس وعايزة اروح عن ازنك
طلعت برة القاعة بسرعة وسمحت لدموعي تنزل لو مكنتش عيطت كنت متت
....... عند يوسف وبسنت.......
.... بجد يابسنت يعني انتي موافقة
بخبث.... طبعا يايوسف انا لسه بحبك ومستعدة استناك عمري كله
.... انا بجد مبسوط اوي شكرا يابسنت
ابتسمت بخبث وسرحت في حاجة وتعابير وشها كلها شر
يوسف دخل القاعة وراح عند مامته
... اومال امل فين ياماما
بضيق.... يعني زعلتها ومش عارف راحت فين وكمان سيبتها تمشي لوحدها
.... انت بتقولي ايه ياماما انا مش فاهم حاجة
... امل يااستاذ بعتها تناديك عشان تسلم علي عمتك هدي ولما رجعت عانت عيونها مليانة دموع وقالت انها تعبانة وهتروح
...ازاي تمشي لوحدها من غير ماتقولي
.... هو دا كل اللي هامك اسمع يايوسف كله الا امل امل دي بنتي واغلي عندي منك كمان اياك تفكر تزعلها
.... عارف ياماما انك بتحبيها بس والله مااعرف هيا مالها ولا شوفتها من اول ماجينا.
.... هيا روحت يايوسف روحلها وشوفها زعلانة من ايه والا هيكون لينا كلام تاني
طلعت من القاعة وانا مش فاهم حاجة هيا مشيت ليه طب يمكن حد قالها حاجة زعلتها معقول تكون شافتني انا وبسنت مع بعض لا يارب انا لازم اتكلم معاها وافهمها كل حاجة
مش عارف انا مضايق ليه مع اني المفروض افرح لان بسنت طلعت لسه بتحبني بس امل ماما بتقول انها كانت معيطة ياااربي دماغي هتنفجر من التفكير
....... عند امل......
ماسكة صورة مامتعا وبتعيط
..... وحشتيني اووي ياماما سبتيني ليه انا محتجالك اوي محتاجة اترمي في حضنك انا تعبانة اوي ياماما يارب خدني عند امي بقا يارب انا تعبانة اوي
استغفرت ربنا من كلامي وقومت اتوضيت ولبست اسدالي وصليت وانا بصلي عيطت كتير اوي وشكيت لربنا همي بس مدعتش علي يوسف ابدا مقدرش ادعي عليه لو هو اتاذي انا اللي هتعب
خلصت صلاة ومسكت المصحف وبدات اقرأ قران وانا بعيط
.....
سوقت عربيتي باقصي سرعة وكل الي ف دماغي بتخيلها وهيا بتعيط قلبي بيوجعني اكتر دموعها بتحرق قلبي
وصلت البيتكان هادي والنور مطفي ومفيش حركة ولا نفس قربت من اوضتها وسمعتها وهيا بتقرا قران صوتها جميل اوي بس صوتها مخنوق بالعياط شكلها بتعيط وهيا بتقرا
{ ولقد نعلم انك يضيقُ صدرك بما يقولون * فسبح بحمد ربك وكن من الساجدين * واعبد ربك حتي يأتيك اليقين}.
... مقدرتش استحمل اسمع صوتها مخنوق اكتر من كدا فتحت الباب بسرعة وجريت عليها وضميتها جامد وبدات امشي ايدي علي شعرها بحنان
كنت محتاجة الحضن دا اوي اترميت في حضنه ومسكت ف قميصه جامد وفضلت اعيط وارتجف وهو بيهديني حتي لو هو سبب زعلي هيفضل اماني وملجئ الوحيد
... امل اهدي ياحبيبتي وقوليلي مالك
.... ليه يايوسف.. ليه تجرحني طب حتي اعمل حساب لمشاعري احترمني اني لسه علي زمتك
.... انتي فاهمه غلط
بزعيق... لا مش فاهمة غلط لما اشوف جوزي مع وحدة تانية وماسك ايديها وبيضحكو وحتي هو مش عامل حساب اني ع زمته ابقا مش فاهمة غلط ابدا...
...امل لتاني مرة هسالك انتي لسه بتحبيني!
بعياط وصوت عاليانت ايه مبتحسش بعد دا كله وشاكك ان كنت لسه بحبك او لا انا عمري مانسيتك عشان انسي حبي ليك كنت مستعدة اعمل اي حاجة تتمناها مقابل اني اسمع منك كلمة حلو وانت في المقابل عملت ايه جرحتني وكسرتني بدل المرة الف ومع ذلك باجي ع نفسي وبقول هيتغير بس انت عمرك ماتتغير يايوسف
انت اناني ومبتحبش غير نفسك ابعد عني انا بكرهك حرام عليك بكرهااااك........
اخر حاجة شوفتها اني وقعت بين ايده ومش قادرة اتنفس وهو كان قلقان جدا وبيحاول يفوقني
بس انا كنت اخترت طريقي ياريت دي تكون النهاية واروح عند ربنا
امل.. امل قومي والنبي انا اسف ابوس ايدك قومي... متسبنيش والنبي... اماااااااال