رواية الزمني حبها
الفصل الثامن عشر والتاسع عشر
بقلم الكاتبة المجهولة
البارت الثامن عشر
رأفت : الشركة اللي كنت عامل معاها الصفقة لغت العقد واتعاقدت مع يوسف السيوفي انا لو خسرت الصفقة دي حفلس انا هتجنن ارجوكي ساعديني يابسنت
بسنت : طبعا هساعدك يارأفت متقلقش كل حاجة هتبقا كويسة
رأفت حضنها : انا متشكر اوي ياحببتي
بسنت في نفسها : رأفت لو عرف حاجة عن اللي عملته زمان هروح في داهية وهطلق وكمان رأفت مينفعش يخسر الصفقة دي لو خسرها احنا هنترمي في الشارع انا لازم اتصرف
..... في برج السيوفي.....
يوسف : ودي ياستي اوضتنا هااا ايه رأيك في البيت
أمل بفرحة : تحفة زوقك حلو جدا علي فكرة
البرج كان مصمم علي اعلي مستوي الطابق الاول غرف للخدم والمطبخ وفيه سلم داخلي بيطلع للطوابق اللي فوق كل دور فيه غرف كتير والدور اللي فيه غرفة امل ويوسف كان اجمل دور كان كل حاجة فيه باللون الاسود اكتر لون امل بتحبه
يوسف بغمزة : طب ايه هنقضي اليوم كله كلام
امل بغباء : فعلا معاك حق انا جعانة اوي
يوسف : نعم! وهو احنا ينتكلم ياناكل
امل : ايوا يعني هنعمل ايه غير كدا مااحنا فاضيين مش ورانا حاجة
يوسف حط ايده علي ختفها وبص في عيونها : عايزين نشوف حياتنا ياملاكي
امل : مش فاهمة
يوسف اتنهد وابتسم : يلا عشان ناكل
نزلو تحت والخدم جهزو ليهم الاكل السفرة كان عليها كل الاكلات اللي امل بتحبها قعدو كلو ويوسف اكلها بايده
خلصو اكل وطلعو اوضتهم
امل : انا ازاي نسيت حاجة زي دي كل هدومي في البيت القديم وانا مش معايا هدوم
يوسف ابتسم : كل حاجة هتحتاجيها في الدولاب دا خدي هدوم وغيري في الحمام وانا هغير هنا
امل : اوك.... راحت عند الدولاب كان فيه هدوم كتير احتارت تلبس ايه
يوسف من وراها : محتارة؟!
امل هزت براسها يوسف مد ايده وطلع قميص نوم موف جميل اوي لحد الركبة
امل بشهقة : انا مستحيل البس دا هتكسف البسه
يوسف : انا جوزك ياملاكي يعني متتكسفيش مني
امل : بس.....
يوسف : من غير بس لو ملبستهوش هزعل منك
امل كانت هترفض بس بعدين افتكرت انه جوزها وحقه يشوفها بيه عادي هزت راسها ودخلت الحمام تلبس
بعد شوية امل طلعت وكانت لابسة القميص وفاردة شعرها وحاطة روج خفيف كانت مكسوفة ووشها في الارض
يوسف اول ماشهفها انبهر بجمالها راح عندها ومسك وشها باطراف صوابعه : ارفعي راسك ياملاكي
رفعت راسها وبصت في عيونه وهو بص في عيونها اللي بيغرق فيهم باسها برقة من خدها وشالها وراح علي السرير حطها بخفة وباسها من خدها وبعدين جنب شفايفها وفي شفايفها وامل كانت زي المتنومة ومستسلمة ليه تماما وراحو لعالمهم الجميل مع بعض لحد مابقت امل ملك ليوسف السيوفي قولا وفعلا
...... الصبح......
طلعت الشمس بتداعب وشها فضلت تتقلب بضيق من اشعة الشمس وهو باصص لها مبتسم علي طفولتها حط كف ايده قدام وشها لمنع اشعة الشمس من مضايقتها
فضل باصص لها ولملامحها البريئة قرب عليها وباس شفايفها برقة في الوقت دا هيا صحيت واتكسفت اوي وخدها اتورد
يوسف بهيام : مبروك ياملاكي
امل اتكسفت وخبت وشها في حضنه : الله يبارك فيك
باسها من خدها : بعشق الفراولة اللي في خدك
امل : احم... مش هتروح الشغل
يوسف : والله لو عليا عايز افضل معاكي علي طول ومتحركش من جنبك
امل : بطل كسل يايوسف
يوسف بغيظ : رايح اهووو ياستي خلاص
قام من جنبها ودخل الحمام خد دوش وغير هدومه وطلع
لقيها لسه نايمة علي السرير وخدودها لسه حمرة
باسها من خدها : قومي خدي دش والبسي يلا عشان نصلي الصبح ونفطر
يوسف طلع الاسدال من الدولاب وامل خدته و لبست قميصها وقامت جريت علي الحمام وهيا هتموت من الكسوف
يوسف ضحك عليها ووقف قدام المراية يظبط الجرافت بتاعته ويحط برفان
امل خدت دش ولبست اسدالها وطلعت يوسف باس راسها
يوسف : قمر.... واخدها وقفها قدام المراية ووقف وراها وطلع من جيبه سلسلة فضة جميلة شكل قلب ولبسها ليها
ولفها ليه مسك وشها بحنية : متقلعيهاش ابدا
امل : مقدرش استغني عن حاجة منك
صلو الصبح ويوسف باس راسها وودعها وراح الشركة
..... في بيت مروان.......
مروان باس ريم من راسها : خدي بالك من نفسك ياحببتي
ريم : وانت كمان خد بالك من نفسك
مروان : اه ريم نسيت اقولك حاجة
ريم : حاجة ايه
مروان : طبعا انتي شايفة شغلي اتحسن اوي فكنت بفر ننقل فيلا جديد انتي ايه رايك
ريم : لا
مروان : ليه ياحببتي لا مايوسف نقل واحنا ظروفنا كويسة والحمد لله
ريم : مروان انا عارفة ان البيت دا غالي عليك اوي عشان اتربيت فيه واهلك عاشو فيه وعارفة انك مش عايز تسيبه بس بتعمل كدا عشاني انا موافقة اقعد في البيت دا معنديش مانع مش عشان معانا فلوس او يوسف وامل نقلو احنا كمان ننقل انا مبسوطة هنا والبيت عاجبني جدا
مروان باس راسها :انا مش عارف اقول ايه انا بجد معايا جوهرة غالية ربنا يخليكي ليا
ريم : ويخليك ليا ويلا بقا عشان اتاخرت ع الشغل
مروان : سلام خدي بالك من نفسك
ريم : حاضر باااي
......... في فيلا الصياد.........
رأفت : هااااه يابسنت شوفتيلي حل في المصيبة دي
بسنت بخبث : اسمعني يارأفت كل اللي هقولك عليه تنفذه بالحرف الواحد
رأفت : اكيد هنفذ اي حاجة المهم مخسرش ثروتي
بسنت : يوسف كان عامل حفلة امبارح عشان يعتزر لامل علي غلطه و...
رأفت باستغراب : وانتي عرفتي منين اسم مرات يوسف السيوفي وغلط ايه اللي يعتذر عنه
بسنت بتوترر: ما انا شوفت الحفلة ع السوشيال ميديا والتلفزيون وعرفت اسم مراته وكان بيعتزر لها يبقا اكيد متخانقين
رأفت : امم تمام.. قولي خطتك
بسنت : من الواضح انه بيحب مراته اوي احنا هنستخدمها نقطة ضعف ضده ونخليه يتنازل عن الصفقة
رأفت : ازاي
بسنت : انت هتكلف رجالتك يخطفو مراته ونحبسها عندنا ونهدده بيها عشان يتنازل عن الصفقة واكيد هو مش هيحط حياة مراته مقابل صفقة
رأفت : دماغك سم حلو اوي بس انا هغير حاجة بسيطة في الخطة
بسنت : حاجة ايه
رأفت : هستفز يوسف واخليه يتنازل عن الصفقة وعن املاكه كلها ليا
بسنت : لينا ياحبيبي انت ناسي مين العقل المدبر
رأفت بطمع : طبعا طبعا ياحببتي دا انتي الاساس هههه يوسف السيوفي نهايتك علي ايدي ههههه
بسنت ابتسمت بخبث وفي نفسها : والله وهتوقي تحت ايدي ياامل ومش حرحمك هضرب عصفرين بحجر اخد فلوس يوسف واخد حقي من امل
رأفت : الخطة لازم تتم في اسرع وقت انا هكلم الرجالة يجو دلوقتي وافهمهم كل حاجة وبكرا مرات يوسف السيوفي هتكون عندي
بسنت : تمام اوي كلمهم يلا
رأفت كلم رجالته واتفق معاهم يخطفو امل في اول فرصة تسمحلهم
........ في الليل في بيت يوسف.......
حضنها : وحشتيني اوي علي فكرة
امل : انت كلمتني فوق المية مرة لحقت اوحشك امتا بقا
يوسف : انتي بتوحشيني في كل دقيقة وكل ثانية
امل : وانت وحشتني اكتر علي فكرة
يوسف باسها في خدها : طب يلا ناكل عشان همووت من الجوع
امل : الاكل جاهز تحت يلا ننزل
يوسف شالها ونزل وكل الخدم اول ما شفوهم نزلو راسهم زي ما يوسف فهمهم في تعليماته
امل بكسوف : يوسف نزلني عيب الخدم يشفونا كدا
يوسف : متخافيش محدش يقدر يرفع راسه انا مفهمهم كويس
يوسف قعد علي الكرسي قدام السفرة وقعدها علي رجله وبدأ ياكل ويأكلها
خلصو اكل وشالها وطلعو فوق غيرو هدومهم ونام علي السرير واخدها في حضنه ودفن راسه في شعرها ونامو
........ الصبح.......
يوسف صحي وخد دش وغير هدومه وباس امل من خدها وهيا لسه نايمة ونزل ركب عربيته متجه للشركة
امل صحيت ملقتش يوسف جنبها قامت بسرعة تدور عليه ملقتوش واتصلت بيه
يوسف : قبل ماتقولي اي حاجة كان عندي اجتماع مهم بدري وانتي كان باين عليكي نعسانة اوي مرضتش اصحيكي
امل : خضتني علي فكرة افتكرتك مشيت وسبتني
يوسف : في حد يسيب روحه
امل : احم... كنت عايزة اقولك ريم هتيجي تقعد معايا شوية
يوسف : من غير ماتستأذني البيت بيتك واللي تحبيه يجي يجي
امل : ماشي خد بالك من نفسك
يوسف : وانتي كمان. قفل
مروان : انا عايز افهم بقا انا مش بتجوز ليه
يوسف : ماانت متجوز يابني
مروان : ايه دا بجد اومال باجي الشغل ليه فين الاجازة
يوسف : اجازة ايه يابو اجازة ملكش اجازات عندي
مروان : يابني حرام عليك انا عريس وعايز اقعد مع مراتي
يوسف : خلاص صعبت عليا ابقا خدلك اسبوع اجازة
مروان بفرحة : ايه دا بجد انت احلي يوسف في الدنيا يلا سلام يابروووو
يوسف : سلام ايه ياض انت هتقعد تخلص شغل الاسبوع النهاردة
مروان : طب ليه سدت النفس دي
يوسف : علي مكتبك ومشوفش وشك غير وشغل اسبوع خلصان
مروان : حسبي الله.... من حق يايوسف عملت ايه في الصفقة اللي انت خدتها من الصياد
يوسف : ولا اي حاجة الصفقة ماشية تمام والشغل كويس
مروان : حذر من رأفت الصياد جامد لانه راجل شراني وشغله شمال
يوسف : متخفش انا واخد احتياطي في حرس عند بيت اهلي وبيت حمايا وفي عند بيتك كمان
مروان : انت بتراقبني بقا وانا مش عارف
يوسف : حاجة زي كده بس اللي متأكد منه ان الصياد هيأذيني في عيلتي وبالاخص امل لان دلوقتي الكل عارف انها اغلي حاجة عندي
مروان : ربنا يستر ياصحبي
مروان راح مكتبه ويوسف فضل يشتغل هو كمان بس من الصبح حاسس باحساس غريب وقلبه مقبوض
...... في بيت يوسف..........
ريم راحت لامل وسلمو علي بعض وقعدو مع بعض
ريم : بقولك ايه يا امل انا زهقت اوي ماتيجي نطلع
امل : نروح فين
ريم : نروح اي كافية نغير جو بدل الحبسة دي
امل : ماشي هكلم يوسف استاذنه
ااتصلت بيه
يوسف : الووو خير ياملاكي فيه حاجة
امل : لا مفيش حاجة بس كنت عايزة استأذنك نطلع انا وريم نروح اي كافية ونغير جو
يوسف باعتراض : لا ياملاكي
امل : ليه يايوسف انا زهقانة وعايزة اخرج
يوسف : قولت لا ياملاكي لما ارجع انا هخرجك
امل : عشان خاطري ريم هنا واحنا من زمان مطلعناش مع بعض عشان خاطري بليييز وافق
يوسف حس برغبتها الشديدة وكمان حلفته بخاطرها بس هو خايف عليها
يوسف : طيب بس ساعة ترجعي ولو حصل اي حاجة تكلميني والحرس هيكونو معاكو
امل بفرحة : اوكية شكرا اووووي بكبك مووووت
قفلت وهو ابتسم بس لسه حاسس بنفس الاحساس وخايف
يوسف : يارب احميهالي وعديها علي خير يارب
امل لبست وطلعت هيا وريم ركبو العربية والحراس وراهم
اول ما بعدو عن البرج حسو ان عربية الحراس اختفت وفي عربية غريبة بتلاحقهم
امل : ايه العربية اللي ورانا دي ياعم محمود
عم محمود السواق : مش عارف والله ياست هانم العربية دي ماشية ورانا من اول ما طلعنا من البرج
ريم : امل انا بدأت اتوتر
امل : متخافيش انا هكلم يوسف وربنا يستر
امل اتصلت بيوسف مردش اول مرتين اتصلت تالت مرة رد
يوسف : حببتي انا في اجتماع خير في حاجة
امل بخوف : يوسف في عربية ماشية ورانا غريبة من اول ماطلعنا وعربية الحراس اختفت انا خايفة
يوسف الخوف بدأ يدخل لقلبه : اهدي ياحببتي متخافيش
امل قاطعته بدموع : بيضربو علينا نار يايوسف انا خايفة
يوسف بجنون : ملاكي متخافيش انا جايلك قوليلي انتي فين
امل صرخت : يوساااااااااااف
البارت التاسع عشر
امل صرخت : يوساااااف
يوسف اتجنن : امل...حببتي فيه ايه.... امل... الوووو
مروان : فيه ايه يايوسف
يوسف : الاجتماع خلص كل واحد علي مكتبه يلاااااا
الكل انتفض من مكانه طلعو من غرفة الاجتماعات الا مروان
يوسف : امل حصلها حاجة يامروان انا لازم اروحلها
مروان : اهدي بس وفهمني فيه ايه
يوسف : امل وريم كانو رايحين الكافية مع بعض ووراهم الحرس بس بعد شوية عربية الحراس اختفت وعربية غريبة مشيت وراهم و.... سكت
مروان خاف وزعق : وايه يايوسف انطق حصلهم حاجة
يوسف : العربية بدأت تطلق عليهم نار امل صرخت وبعدين المكالمة خلصت
مروان بزعيق : حد حصله حاجة
يوسف بغموض : هما اكيد نجوا من ضرب النار
مروان : وايه اللي خلاك متاكد كدا يوسف فوق دا ضرب نار يعني ممكن يكون حدا اتصاب افهم بقا
يوسف بغموض : اللي عمل كدا عايز يخطفهم ويهددنا بيهم مش هيستفاد حاجة من قتلهم
مروان : مين اللي ممكن يعمل كدا احنا لازم ننقذهم
يوسف : هو مفيش غيره رأفت الصياد
يوسف وهو بيجمع اغراضة من ع المكتب : مش هرحمه هقتله
مروان بزعيق ومسكه : استني انت رايح فين احنا لازم نبلغ البوليس
يوسف : تعالي معايا بسرعة
نزلوا وكل واحد هيموت من الخوف علي حبيببته يوسف ركب العربية ومروان جنبه
مروان : هنعمل ايه
يوسف بهدؤ : متقلقش هنلاقيهم في اسرع وقت
مروان : ايه البرود دا يا اخي مراتك مخطوفة وانت ولا همك
يوسف بوجع : انا هادي يامروان بس من جوايا مرعوب لو رأفت الصياد لمس منها شعراية انا هقتله واشرب من دمه
مروان : اهدي ياصاحبي لازم نفكر دلوقتي هنساعدهم ازاي
يوسف فتح الاب توب بتاعه : انا اعطيت امل سلسلة حاطط فيها GPS كلها نص ساعة وهنعرف مكانهم
يوسف حدد مكان مكانهم وساق بالعربية بأقصي سرعة لما وصل المكان كان فيه ناس كتير متجمعة عند عربية يوسف ومروان خافو وجريو ع العربية بسرعة بعدو الناس
العربية مكانش فيها غير السواق وكانت راسه مجروحة وفاقد الوعي حاولو يفوقوه مفاقش اتصلو بالاسعاف ويوسف بص ف العربية لقي سلسلة امل واقعه ع الكرسي دب الرعب في قلبه وخاف
يوسف : السلسلة وقعت من امل يامروان
مروان : هنعمل ايه هنعرف المكان ازاي
يوسف : مفيش حل غير اننا نبلغ البوليس ونستني لحد ما عم محمود يفوق
الاسعاف جت واخد السواق ويوسف ومروان راحو وراه المستشفي
الدكتور طلع من اوضة عم محمود
يوسف : هاااه يا دكتور عم محمود عامل ايه
الدكتور : متخافوش الجرح كان سطحي وهو دلوقتي فاق تقدرو تدخلو تشوفوه
يوسف ومروان دخلو بسرعة
يوسف : حمد لله علي سلامتك ياراجل يا طيب
عم محمود : الله يسلمك يابني انا اسف يا يوسف بيه مقدرتش احمي الهانم
يوسف : متقولش كدا انت عملت اللي عليك قولي بس ايه اللي حصل
عم محمود : احنا كنا طالعين من البيت وورانا عربية الحرس اول ما بعدنا شوية ببص ف المراية لقيت عربية الحرس اختفت وفي عربية غريبة ماشية ورانا شكيت فيها والهانم وصحبتها خدو بالهم من العربية وخافو امل هانم اتصلت عليك بعدين اللي في العربية بدأو يضربو نار علينا لحد ما الكوتشات نامت بصعوبة وقفت العربية وراسي اتخبطت وبدأت الرؤية تتشوش قدامي بس شوفت ناس معاهم سلاح قربو علي العربية وفتحو الباب ونومو الهانم وصحبتها وخدوهم وبعدين اغمي عليا
مروان : قدرت تعرف حد من الناس دول ياعم محمود
عم محمود : لا والله يابيه بس شكلهم ناس خطر اوي
يوسف : طب ياعم محمود ارتاح انت وانا هتكفل بكل مصايف علاجك لحد ما تخف
عم محمود : ربنا يخليك لينا يابيه
يوسف ومروان طلعو من المستشفي وركبو العربية ويوسف ساق علي بيته
..... في مكان مهجور......
مربوطين عينيهم متغمية امل بدأت تفوق وكانت مش شايفة غير ضلمة وبس بدأت تخاف وتصرخ
امل : طلعوني من هنا انتو مين وعايزين مني ايه
ريم فاقت علي صوتها : امل.... امل احنا فين وليه مربوطين كدا
امل اطمنت شوية لما حست بوجود ريم : ريم انتي كويسة
ريم : ايوا ايوا كويسة انتي كويسة
امل : اه الحمد لله احنا لازم نطلع من هنا بسرعة
ريم : طب هنعمل ايه وهنطلع ازاي واحنا مربوطين كدا
امل : انا عندي فكرة انا هقرب منك وحاولي تفكيني
ريم : تمام
....... برة الاوضة اللي هما فيها.......
رأفت : هاااه عملتو ايه جبتوها
واحد من رجالته : الاتنين جوة ياباشا
رأفت بعصبية : اتنين ايه يا اغبية انا قايل مرات يوسف السيوفي وبس
الشخص : يابااشا احنا منعرفش شكلها انت قولتلنا اول ما مراته تطلع من البيت اخطفوها واحنا راقبنا البيت وطلع اتنين جبناهم
بسنت : خلاص يارأفت اهدي مش مشكلة هناخد مراته ونرمي التانية في اي شارع
رأفت : تمام خلاص انتو انزلو تحت وراقبو المكان اي حد يقرب من هنا تعرفوني فاهمين
الحراس : تمام يا باشاا
بسنت : يلا ندخل نشوفها
رأفت : تمام يلا
في الوقت دا امل وريم كانو فكو بعض ولسه طالعين من الاوضة الباب اتفتح
رأفت عجبه امل وجمالها بس مبينش عشان بسنت : علي فين ياحلوين هيا الاقامة عندنا معجبتكوش ولا ايه
بسنت دخلت وكانت مفكرة ان امل عيونها متغمية ومش هتشوفها بس امل شافتها وبسنت بدأت تتوتر
امل اول ما شافتها انصدمت : بسنت!!
رأفت باستغراب : انتو تعرفو بعض
بسنت بتوتر : لا يا حبيبي وانا هعرفها منين
أمل : ازاي دا انتي تعرفيني عز المعرفة انت جوزها؟!
رأفت لسه مستغرب : ايوا انتي تعرفي بسنت منين
أمل : مراتك يااستاذ كانت بت....
بسنت قاطعتها وضربتها بالقلم : اخرسي انتي تعرفيني منين انا معرفكيش
امل وقعت علي الارض من قوة القلم وريم جريت عليها وقومتها وبعدين راحت عند بسنت بعصبية ومسكتها من دراعها جامد : انتي ازاي تمدي ايدك عليها
بسنت مسكت ريم من حجابها : وانتي بقا ياحلوة حتعملي فيا ايه
ريم : اه ابعدي ياحيوانة
رافت : خلاص يابسنت سبيهم
بسنت : صح دا مش موضوعنا.. بصت لامل : يلا ياحلوة مش عايزة تكلمي جوزك
امل : يوسف مش هيسبكو واكيد هينقذنا
رأفت : لا خوفتينا.. اسكتي يابت مش عايز اسمع صوتك
....... في بيت يوسف.......
يوسف رايح جاي ودماغه هتنفجر من التفكير : مش هسيبه هجيبه وهقتله انا هعرفه ازاي يلعب مع يوسف السيوفي
مروان : الشرطة هتاخد وقت لحد ماتلاقيهم كمان تلفوناتهم مقفولة يعني مش هنقدر نحدد موقعهم
يوسف : انا مش قادر دماغي هتنفجر لازم افكر في حل
في الوقت دا تلفونه رن برقم غريب رد بسرعة وفتح الاسبيكر
يوسف : الووو
رأفت : ايه يا يوسف السيوفي خايف
يوسف اتعصب بس اتحكم بغضبه واتكلم ببرود : مبخافش من نسوان
رأفت بغيظ : حاسب علي كلامك ياسيوفي مراتك معايا واقدر اقتلها في اي لحظة
يوسف : متقدرش تعمل حاجة انت بق بس وبعدين انا مش خايف علي مراتي لانها مرات يوسف السيوفي ومرات يوسف السيوفي مبتخافش عليها
رأفت باستفزاز : لابس عرفت تنقي يايوسف مراتك بطل
يوسف بعصبية مكتومة : لو لمست منها شعراية وحدة بقول علي نفسك يارحمن يارحيم
رأفت خاف بس مبينش : اسمع بقا يابن السيوفي لو عايز تشوف مراتك تاني انت تتنازل عن الصفقة وكمان تتنازل عن كل املاكك ليا يأما بقا انا مش ضامن هعمل ايه في مراتك دا غير انها حلوة اوي وعجباني
يوسف بصوت دب الرعب في قلب رأفت : هجيبك وهقتلك يارأفت ياصياد فاهم هقتلااااااك
رأفت : خد كلم حبيبة القلب يمكن تكون اخر مكالمة بينكو
رأفت اعطاها التلفون
امل بدموع وصوت مكتوم : يوسف
يوسف بارتياح : اوعي تعيطي ياملاكي متخافيش انا هجيلك بس اوعك تعيطي او تضعفي قدامهم مرات يوسف السيوفي طول عمرها قوية
امل : بحبك اوي
يوسف : وانا بحبك اكتر متخافيش هجيلك
مروان : ريم فين يا امل
ريم بسرعة ودموع : مروان
مروان : ياقلب مروان متخافيش هجيلك وانقذك
رأفت شد الفون منهم : مكفياكو دلع بقا اسمع يايوسف في ظرف ٣ساعات تكون نقلت كل حاجة باسمي والا هتودع مراتك ومرات صحبك فاهم
رأفت قفل المكالمة وبص علي امل وريم اللي كانو مبتسمين ابتسامة مستفزة بيحاولو يظهرو قوتهم وانهم مش خايفين
رأفت نادي علي واحد من رجالته : اربطوهم وخلو عينكم عليهم اياكو واحدة منهم تهرب
الحارس : تمام يا رأفت بيه
رأفت وبسنت طلعو والحارس ربطهم وقفل الباب كويس ووقف برا قدام الباب
....... في بيت يوسف.........
يوسف خلص المكالمة ومقدرش يمسك اعصابه وبدا يكسر كل حاجة حتي الخدم اتجمعو علي صوت التكسير
يوسف بعصبية وزعيق : بتتفرجوا علي ايييه كل واحد علي شغله يلااااااا
مروان : اهدي يايوسف العصبية مش هتحل حاجة احنا لازم نفكر في حل
يوسف بزعيق : ابن الكلب بيهددني بيها والله لوريه لو لمسها هيكون اخر يوم في عمره
مروان : اكيد هنحاسبه بس لازم نعرف مكانه قبل ما الوقت يخلص
يوسف هدي وقعد وبدأ يفكر فضلو حوالي عشر دقايق ساكتين يوسف وكل واحد بيفكر في حل
مروان افتكر حاجة : يوسف فاكر لما بعتنا واحد من رجالتنا يراقب رأفت
يوسف : ودا وقت ذكريات يامروان احنا بنشوف المصيبة اللي احنا فيها دي
مروان : غبي وهتفضل طول عمرك غبي
يوسف : مروااااان اسكت خلينا نعرف نفكر
مروان : مش بقولك غبي لما رقابناه عرفنا انه بيشتغل في صفقات مشبوهه وشغل شمال
يوسف : طب وايه يعني
مروان : احنا ساعتها اكتشفنا انه بيعمل صفقاته دي في بيت بعيد مهجور ممكن يكون حابس البنات هناك
يوسف : تصدق صح ازاي راحت عن دماغي اكيد هو حابسهم هناك برافو عليك يامروان طلعت بتفهم
مروان بفخر : انا طول عمري زكي بس انت اللي مبتشوفش
يوسف : بطل كلام ويلا عشان تروح للبوليس
مروان : لا انا هاجي معاك
يوسف بمقاطعة : لا انا هسبقك علي هناك ومعاكي سلاحي متخفش وانت كمان خد السلاح بتاعك
مروان : تمام
يوسف : اه وابعتلي الفديو بتاع الواد اللي اعترف علي بسنت
مروان : ودا وقته
يوسف : رأفت يبقا جوز بسنت
مروان : بتهزر
يوسف : لازم اعرفه حرمه المصون كانت بتعمل ايه زمان
مروان حضنه : ربنا معاك ياصحبي لا اله الا الله
يوسف : محمد رسول الله
طلعو من البيت ويوسف ركب عربيته ووراه عربية الحرس ومروان ركب عربيته وراح القسم
يوسف كان بيسوق بأقصي سرعة زي ما يكون بياكل الطريق عشان يوصل عايز يشوفها وحشته ووحشه حضنها عايز يوصل قبل مايحصل حاجة تبعدهم عن بعض
........ في المكان المهجور......
بسنت دخلت الاوضة بعد ما اتاكدت ان رأفت مش واخد باله
قربت من امل ومسكتها من فكها : وقعتي تحت ايدي وهاخد حقي منك
امل : انتي اقزر انسانة عرفتها في حياتي
بسنت : ليه انتي.... ليه بتاخدي كل حاجة احسن مني في ايه هاااه... خدتي كل حاجة قلب يوسف وفلوسه وحبه ليييه هاااه ناقصني ايه انا
امل : ناقصك كتير عايزة تعرفي ليه انا عشان انا نيتي صافية مش حقودة مش بجري ورا الفلوس عشان انا عارفة ربي كويس وبخافه مش زيك بدور علي راجل متجوز واضحك عليه عشان الفلوس
بسنت اتعصبت منها وهجمت عليها وضربتها بالقلم واحد ورا التاني والغضب عاميها : انا الاحسن انا انا احلي منك.... انا احلي..... انا احلي
امل منزلتش ولادمعه بالرغم من وجعها ولا اتكلمت بصتلها ببرود ودا ضايق بسنت اكتر وخلاها تضرب اكتر
ريم كانت باصة علي امل اللي وشها بدأ ينزل دم وبدات تفقد الوعي ريم صرخت بصوت عالي : ابعدي عنها الحقوناااا هتموتها.... ابعدي عنها سيبيها ياحقيرة
رأفت دخل بسرعة اول ماسمع الصويت وجري علي بسنت بعدها عنها : اهدي يابسنت فيه ايه اهدي
شدها معاه لبرا وطلع وقفل الباب ريم قربت علي امل
ريم بعياط : امل حببتي قومي يوسف ومروان هيجو وينقذونا متخافيش قومي ياامل
.... برة....
رأفت بزعيق : انتي ازاي تضربيها كدا عملتلك ايه
بسنت اتوترت : هيا استفزتني بالكلام
رأفت : قالتلك ايه يعني
بسنت : خلاص يارأفت وانت خايف عليها اوي كدا ليه... انا هروح اغسل وشي
رأفت : تمام
بسنت نزلت ورأفت دخل عند امل وريم وقرب علي امل
رأفت بوقاحة : انتي حلوة اوي حتي وانتي مضروبة جميلة
ريم : ابعد عنها ياحيوان
رأفت؛ : اخرسي يابت مسمعش صوتك
وجاب قماشة وربط بوقها هيا خافت علي امل ودموعها نزلت وامل كانت مغمي عليها مش حاسة بحاجة
رأفت : لسه شوية لحد ماجوزك ينفذ الاتفاق هتسلي معاكي شوية
رأفت لسه بيقرب علي امل الباب اتكسر فجأة رأفت اتوتر
يوسف عينيه كانت بطلع شرار وهجم عليه زي الاسد لما يهجم علي فريسته بيضربه ويسبه بابشع الالفاظ
يوسف بزعيق : هقتلك يابن الكلب.. كنت هتقربلها..... واللله لقتلك يا **** يابن ال******
يوسف فضل يضرب فيه وبعدين انتبه لامل اللي مغمي عليها راح عندها بسرعة فك ريم وراح فك امل
يوسف : حببتي قومي ملاكي انا جيت ومش هسمحلهم يلمسوكي قومي ياروحي
امل بتعب : يوسف
يوسف : ايوا يروحي يوسف انا جيت اخدك يلا قومي
امل بدأت تفوق وريم سندتها
يوسف اتجه لرأفت وطلع فونه وفتح الفيديو
يوسف بسخرية : خد شوف مراتك المحترمة كانت بتعمل ايه قبل ماتتجوزك
رأفت اخد الفيديو وسمعه في الوقت دا بسنت كانت غسلت وشها وطلعت ملقتش الحرس راحت عند الاوضة بسرعة دخلت لقت رأفت ماسك الفون وبيسمع الفديو
بصلها بعيونه غاضبة
رأفت بعصبية : الكلام دا صح
بسنت : رأفت اسمعني
رأفت ضربها بالقلم : اخرسي عملتي كدا عشان الفلوس واتجوزتيني عشان الفلوس
بسنت فقدت اعصابها : ايوا عملت كدا عشان الفلوس مفيش فرق بيني وبينك ما انت خطفت مراته عشان الفلوس
رأفت وجه المسدس ناحيتها : خاينة هقتلك
بسنت بخوف :رأفت اسمعني انا... انا بحبك.... اه
رأفت اطلق طلقة في قلبها وماتت
امل وريم صرخو وخافو يوسف خاف عليها من المنظر
يوسف : ريم خدي امل واطلعو برة
ريم سندت امل ولسه هيطلعو رأفت شد امل عليه ووجه عليها المسدس : مش بالسهولة دي ياسيوفي
يوسف بجنون : اياك تعملها حاجة لو جرالها حاجة انا هقتلك
رأفت مانا مش هبقي الخسران الوحيد هنتقم منك يايوسف وححرق قلبك عليها
رأفت ضغط علي المسدس ولسه هيطلع الطلقة يوسف قرب عليه بسرعة عشان يمنعه
صوت الرصاصة ملي المكان كله غمض عينه خايف من اللي ممكن يحصل لو فتح
ريم صرخت وخافت ليكون يوسف او امل جرالهم حاجة
لحظة اتنين والصمت ملي المكان صوت الرصاصة بس اللي بيتردد في المكان كل واحد خايف من اللي هيشوفه لما يفتحو عينهم
عدي كام ثانية وفتحو عيونهم واتفاجأو باللي الدم اللي ملي المكان والشخص اللي الرصاصة جت فيه.....