رواية الزمني حبها
الفصل الخامس عشر والسادس عشر والسابع عشر
بقلم الكاتبة المجهولة
البارت الخامس عشر
..... الووو
... اسف
امل : عادي محصلش حاجة
يوسف : قبلتي اعتذاري؟!
امل : ماانت عارف اني مباقاومش الشوكولاتة
يوسف : ههه طيب افطري كويس وخدي بالك من نفسك
امل : حاضر وانت كمان خد بالك من نفسك وركز في شغلك كويس
يوسف : اوك مع السلامة
امل : باي
امل قفلت مع يوسف وفضلت باصة للبوكس بابتسامة وبعدين قامت صلت فرضها ودعت ليوسف ان ربنا يوفقه في شغله وبعدها قامت غيرت هدومها وراحت تقعد مع هدي شوية
امل : ازيك ياماما عاملة ايه
بقلم الكاتبة المجهولة
هدي حضنتها : كويسة لما شوفتك ياحببتي
امل : تسلمي ياماما هو بابا مش هنا ولا ايه
هدي : لا نزل يتمشي ويشم شوية هوا
امل : اه
هدي : يلا اهي فرصة لينا نقعد ندردش مع بعض شوية
امل : علي رايك
هدي : قوليلي بقا يوسف عامل معاكي ايه
امل : كويس ياماما
هدي : يعني مش مزعلك في حاجة قوليلي وانا احاسبه
امل اتوترت : ل.. لا ياماما يوسف بيعاملني كويس خالص
هدي : طب مفيش حاجة جاية في الطريق
امل بغباء : حاجة زي ايه
هدي خبطتها بخفة في رسها : ياهبلة افهمي بقا يعني مفيش حفيد جاي ولا حاجة
امل : لسه بدري ع الموضوع دا
هدي : بدري ايه ياامل انتو متجوزين بقالكو شهر ياحببتي وانا عايزة اشوف احفادي قبل ما اموت
امل : بعد الشر عليكي ياماما ربنا يخليكي لينا
هدي : ياحببتي الموت علينا حق وكل واحد اكيد هيقضي اجله وانا كبرت ومحدش عارف في ايه بكرة
امل : متقوليش علي نفسك كدا انتي لسه صغيرة وشباب
هدي : ماشي يابكاشة بس برضو حتي لو صغيرة عايزة احفاد
امل بتوتر : ان شاء الله.. انا هروح بقا عشان اعمل الاكل لحد مايوسف يجي
هدي : ماشي ياختي اهربي اهربي
امل روحت بيتها وعملت الاكل وكانت بتفكر في كلام حماتها عيلتها كلهم موهومين انها هيا ويوسف بيحبو بعض وبيبنو احلام علي الاساس دا بس هما هيهدو احلامهم
...... عند يوسف ومروان......
يوسف : الحمد لله يامروان الشغل بدأ بتظبط وان شاء الله نرجعها زي الاول قريب
مروان : ان شاء الله ياصحبي انت تعبت في الشركة دي وربنا مش هيضيع تعبك ع الفاضي متخافش
مروان فونه رن : مكالمة مهمة هرد وارجع
يوسف بسخرية : امم عارفها انا المكالمة المهمة دي
مروان : ملكش دعوة يابارد ولا عشان مبيجلكش مكالمات مهمة زيي... سابه وطلع
بقلم الكاتبة المجهولة
ريم : الوو
مروان : مراتي يامرتي
ريم : ايه ياض ياجوزي مكلمتنيش النهاردة ليه ولا انت بتخوني
مروان : اسف ياسطا بس عندي شغل مهم والله
ريم : اه ماتلقاك بتصيع مع وحدة من اللي تعرفهم صح؟صح؟
مروان : صح ياروحي
ريم بزعل : بتخوني ياض ياجوزي
مروان : وهو حد يبقي معاه القمر دا كله ويبص لغيره
ريم بفخر : عارفة اني قمر اصلا
مروان : يخربيت تواضعك ياشيخة متصلة عايزة ايه
ريم : هات معاك عيش وشبسي وجبنة واندومي وشوكولاتة وزبادي و.......
مروان : ريم ياحببتي انت دخلتي في الدور بسرعة كدا فوقي ياماما احنا معملناش فرح لسه وانتي لسه قاعدة عند ابوكي
ريم : اه صحيح تصدق نسيت
مروان : قولي انك متصلة عشان وحشتك قولي قولي متتكسفيش
ريم : لا موحشتنيش انا... انا عندي شغل باي
مروان : وانتي كمان وحشتيني علي فكرة بااي
مروان خلص المكالمة ودخل مكتب يوسف وكملو شغل باقي اليوم
اليوم خلص وكل واحد راح بيته يوسف دخل كانت امل واقفة في البلكونة وسرحانة
يوسف حضنها من ضهرها : وحشتيني
امل من غير وعي : وانت اكتر
وبعدين انتبهت للي بيحصل وانتفضت ولسه هتضرخ يوسف حط ايده علي بوقها : اهدي اهدي دا انا
امل : هووووف خضتني
بقلم الكاتبة المجهولة
يوسف : شكلك حلو وانتي سرحانة كدا
امل : انا هروح اجهز الاكل
دخلت المطبخ ويوسف غير هدومه وقعدو ياكلو مع بعض امل كل شوية ترفع راسها وعايزة تقول حاجة بس مترددة يوسف حس بيها
يوسف : عايزة تقولي ايه ياامل
امل : يوسف بصراحة انا كنت عايزة اطلب منك طلب
يوسف : طلباتك اوامر بالنسبالي قولي عايزة ايه
امل : انا.. اناعايزة اشتغل
يوسف مسك ايديها : انا حارمك من حاجة!
امل : ابدا والله بس كل الحكاية اني بزهق لما اقعد وحدي في البيت وعايزة اسلي وقتي بأي حاجة
يوسف : انا مش موافق يا امل لما ابقا مش قادر اصرف عليكي ابقي انزلي اشتغلي
امل : افهمني انا والله مقصدش كدا انا بس عايزة اسلي وقتي بأي حاجة انا دلوقتي اتخرجت وواخدة امتياز يعني يعتبر بقيت دكتورة جراحة وأي مستشفي ممكن تقبل بيا بسهولة
يوسف : انا مش عايزك تتعبي ولا عايز حد يشوفك اصلا غيري انا لو بايدي احبسك في البيت هعملها
امل : طب بص انا ممكن انزل الشغل اعمل عمليتين بس في اليوم يعني اشتغل تلت ساعات في اليوم مش اكتر
بقلم الكاتبة المجهولة
يوسف : مش هتكوني صدقات مع دكاترة ولا تكلمي مرضي رجالة
امل : خالص خالص
يوسف : ماشي موافق بس لو سمعتك بتقولي دكتور زميلي او عرفت انك بتكلمي حد هقعدك في البيت
امل حضنتة بفرحة : مرسي يااحلي يوسف في الدنيا انا بحبك اوووي
يوسف فرح : ههه لو اعرف اني هاخد الحضن دا كنت وافقت من زمان
امل اتكسفت وبعدت عنه : اسفة
يوسف شدها تاني لحضنه : متعتزريش انا حضني كله ملكك
امل حاولت تطلع بره حضنه بس هو كان ماسكها جامد فاستسلمت وفضلت في حضنه
مرت الايام لحد ماعدي سنة في السنة دي يوسف قدر يرجع شركته وبقت من اكبر الشركات في العالم وعمل مجموعة شركات تانية في كل المجالات وبقا مشهور جدا اصبح اصغر رجل اعمال في العالم دا كله بفضل ربنا وبعدين امل او ملاكه زي ما اتعود يناديها بس لحد دلوقتي مقدرش يخليها تسامحه ولا ينسيها الماضي كل يوم حبه ليها بيكبر اكتر لحد ما اتحول لعشق بل جنون يوسف بقا مغرم بيها واتعود علي وجودها قهوتها اللي بيعشقها وكل صوتها اللي يدوب قلبه وجنانها اللي هو سبب الضحةكة في حياتهم مبقاش متخيل حياته من غيرها ومستعد يعمل المستحيل عشان تسامحه
امل اللي بقت دكتورة جراحة معروفة والكل بيطلبها في العمليات بس هيا عند وعدها ليوسف انها تشتغل تلت ساعات بس..... علاقتها مع يوسف اتحسنت اتفقو يعيشو مع بعض كاصدقاءو بس.... هيا مش قادرة تنسي الماضي وعارفة انه بيحاول يعوضها بس مش قادرة تسامحه
بقلم الكاتبة المجهولة
مروان وريم اللي حبهم كل يوم بيزيد وعلاقتهم بتحلو اكتر طبعا مبتخلاش من الخناقات ونكد ريم ع مروان ومروان مستحمل كلها كام يوم ويعملو فرحهم وتبقي في بيته وهيطلع النكد دا كله عليها
امل : ياريم بقا انا تعبت دا كله ولسه معجبكيش ولا فستان حرام عليكي
ريم : ايه رايك في دا
امل : تحفة يلا جربيه
ريم : هاااه حلو
امل : قمر ياروحي
ريم : احجزيلنا دا لو سمحتي
الموظفة : تمام يافندم
امل وريم حجزو الفستان وروحو
مروان : ايه رايك ف البدلة
يوسف : زفت
مروان : ياحقود انت غيران عشان انا احلي منك
يوسف : انا محدش احلي مني اصلا
مروان : نينينينينيني مغرور
يوسف وقف وقرب عليه
مروان : خلاص ياعم بهزر
يوسف : تعالي
مروان : ياعم انا فرحي بكرة حرام عليك هتجوز ازاي
بقلم الكاتبة المجهولة
يوسف : بطل رغي وتعالي في حضني
مروان : نعم ياخويا
يوسف : حضن اخوي ياحمار بطل دماغك اللي بتحدف شمال دي
يوسف حضنه : مبروك ياصحبي فرحانلك من قلبي
مروان : الله يبارك فيك يا برووو انا مش عارف من غيرك كنت هعمل ايه انت بجد اخويا مش صحبي
يوسف : دا واجبي يابغل انت اخويا ياض
مروان : عامل ايه انت وامل
يوسف اتنهد بحزن : مش راضية تسامحني يامروان
مروان : اعزرها يا اخويا ما اللي عملته فيها مش سهل برضو
بقلم الكاتبة المجهولة
يوسف : وهيا اصيلة ومسابتنيش وحدي وقفت جنبي لحد مارجعت كل حاجة وبقيت زي ماانت شايف كدا كل دا بفضلها من بعد ربنا
مروان : ربنا يسعدكوا ان شاء الله تسامحك
يوسف : يارب يامروان يارب
يوسف روح البيت ودخل كان فيه هدؤ مش طبيعي دخل البلكونة المكان اللي متعود يلاقيها فيه
يوسف حضنها : وحشتيني
امل : هدخل احضرلك الاكل... ودخلت
يوسف حس انها متغيرة في العادة بتعرف انه هو اللي حضنها تلف وتحضنه هيا كمان بس المرادي كانت معاملتها بجمود
قعدو اكلو مع بعض خلصو وامل لمت الاطباق وكل ولبست الاسدال عشان يصلو ويقراو قراان زي ما اتعودو
{رَبَّنَا لَا تُؤَاخِذْنَا إِن نَّسِينَا أَوْ أَخْطَأْنَا ۚ رَبَّنَا وَلَا تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا ۚ رَبَّنَا وَلَا تُحَمِّلْنَا مَا لَا طَاقَةَ لَنَا بِهِ ۖ وَاعْفُ عَنَّا وَاغْفِرْ لَنَا وَارْحَمْنَا ۚ أَنتَ مَوْلَانَا فَانصُرْنَا عَلَى الْقَوْمِ الْكَافِرِينَ} صدق الله العظيم
امل : احنا كدا ختمنا القران الكريم مبارك
يوسف : الحمد لله.. شكرا شكرا اوي ياملاكي انا عمري ماكنت اتخيل اني اتقرب اوي كدا من ربنا شكرا
امل : الحمد لله دا بفضل ربنا وبفضل اصرارك ع التقرب وحبك لربنا
يوسف : ملاكي مالك حاسس انك متغيرة النهاردة
امل : يوسف ممكن نتكلم
يوسف مسك ايدها : اكيد احكي عايزة تقولي ايه انا سامعك
امل حابسة دموعها بصعوبة : يوسف احنا خلاص لازم نتطلق
بقلم الكاتبة المجهولة
........... يتبع........
البارت السادس عشر
امل حابسة دموعها بصعوبة : يوسف احنا خلاص لازم نتطلق
يوسف بصدمة : انتي بتقولي ايه
امل : انا وعدت اني هفضل معاك لحد ماترجع زي الاول انت دلوقتي بقيت من اشهر رجال الاعمال في العالم وعدتك اني هساعدك تقرب لربنا دلوقتي بقيت خاتم القران ومنتظم في صلاتك انا كدا دوري خلص يايوسف وجودي مبقاش له لزوم في حياتك واحنا اتفقنا سنة وهنسيب بعض
يوسف : بس انا مقدرش اعيش من غيرك وجودك بقا حاجة اساسية في يومي متسبنيش هعوضك عن اي وجع عشتيه بسببي بس متسبنيش ارجوكي
امل دموعها نزلت : مش قادرة يايوسف مش قادرة انسي خاينتك ليا كل ما ابص في وشك بفتكر الصور بفتكر كل حاجة صدقني مش هقدر اعيش معاك انا اسفة
يوسف : يعني دا اخر قرار عندك!
امل : بكرة فرح ريم ومروان مينفعش نبوظ عليهم فرحتهم بعدها بيوم هنروح للمأذون ونطلق
دخلت اوضتها مدتوش فرصة يرد
امل سندت ع الباب ودموعها نزلت : سامحني بس انا مش هقدر اعيش معاك انا اسفه
نامت ع السرير وفضلت تعيط لحد ما راحت في النوم
..... برة عند يوسف.....
يوسف في نفسه : تمام ياامل قولي اللي انتي عايزاة وانا هعمل اللي انا عايزه.... يارب متحرمنيش منها هيا كل حياتي
يوسف قام وغير هدومه وراح عند اوضتها فتح الباب بهدؤ ودخل لقاها نايمة نام جنبها واخدها في حضنه ودفن راسه في شعرها اللي ادمن ريحته
يوسف بهمس : مش هسمحلك تبعدي عني
...... تاني يوم الصبح...
يوسف صحي قبلها كانت نايمه وحضناه زي الاطفال فضل باصص لها شوية وبيلعب في شعرها باسها في خدها برقة وحاول يقوم من جنبها بالراحة عشان متصحاش لحد مانجح وطلع بهدؤ
يوسف اخد دوش وغير هدومه وطلع من الاوضة
امل صحيت طلعت من اوضتها وشافت يوسف
يوسف بابتسامة : صباح الجمال
امل : صباح النور
امل بنعاس : انت رايح فين
يوسف : شكلك لسه نايمة فوقي ياملاكي النهاردة فرح مروان وريم انا رايح لمروان
امل : يالنهاااري انا ازاي نسيت كان لازم اكون مع ريم دلوقتي
يوسف : اهدي ياحببتي لسه بدري ادخلي البسي وانا هستناكي اوصلك في طريقي
امل : اوك... اوعي تمشي وتسبني
يوسف بابتسامة علي برائتها : مقدرش اسيبك يلا بسرعة
امل : فوريرة
يوسف : في فستان في الدولاب ابقي البسيه النهاردة
امل : بس انا اشتريت واحد
يوسف : لا اللي انا جايبه احلي ويلا بقا عشان اخرتيني ولا امشي واسيبك
امل : لا لا استني عشر دقايق واكون قدامك
امل دخلت ويوسف ضحك علي برائتها
خدت دش سريع وغيرت هدومها واخدت الفستان حطته في شنطة وطلعت
يوسف : يلا
نزلو وركبو العربية ويوسف كان بيتكلم عادي وبيهزر
امل في نفسها : هو بيتصرف عادي ولا كاننا اتكلمنا امبارح في حاجة معقول يكون مبسوط انه هيطلقني!
يوسف : وصلنا..... خدي بالك من نفسك ياملاكي
باسها في خدها : هتوحشيني
امل : هاااه وانت كمان... باي
امل كانت مكسوفة ونزلت بسرعة من العربية ويوسف ابتسم ومشي علي بيت مروان
امل بفرحة وصوت عالي : مبرووووك ياريموووووو
ريم : اتاخرتي ليه ياكلب البحر
امل : اسفين ياباشا راحت عليا نومة والله
ريم : طيب يلا بسرعة عشان نروح البيوتي سنتر
امل : يلا
ريم وامل راحو البيوتي سنتر وريم وبداو يجهزو ريم ويحطولها ميك اب
.... في بيت مروان......
مروان : ياعم يعني هيا طالبت تطلقها امبارح جاي تنكد عليا انا ليه دا النهاردة فرحي انا مالي
يوسف : انا هتجنن يامروان امل لو بعدت عني انا هطربقا علي دماغكو كلكو
مروان : الله وانا مالي يالمبي
يوسف بزعيق : مرواااااااان
مروان : خلاص يابرنس كل حاجة جاهزة متقلقش
يوسف : كويس.... يلا قوم اجهز عشان النهاردة فرحك
مروان : والله!! كويس ان البعيد طلع بيفهم وخد باله
يوسف : عدي يومك علي خير عشان مش تروح لمراتك سليم
مروان : الله ع الظالم يااخي
الليل جه وريم جهزت مروان كان لابس بدلة سودة وجزمة سودة ومصفف شعره وواقف قدام البيوتي سنتر مستني ريم لحد ماطلعت بفستانها الابيض ومكياجها الخفيف كانت شبه الاميرات وسحرت مروان بجمالها
مروان قرب عليها وخلها في حضنه ولف بيها
مروان : مبرووووك يامراااتي
ريم : الله يبارك فيك ياد ياجوزي
مروان : هتبطلي طولة لسانك دي امتي
ريم : بحبك
مروان باسها من خدها برقة : بعشقك
يوسف كان لابس بدلة رمادي لون عيونه وواقف مستني امل واخيرا ظهرت بفستانها الموف كانت شبه الملايكة يوسف قرب عليها ومسك ايدها وباسها : جميلة كالعادة
امل بكسوف : وانت كمان جميل
يوسف بفخر : طبعا انا طول عمري قمر اصلا
امل : يخربيت تواضعك ياشيخ
يوسف ضحك : هههه طبعا انا في التواضع معنديش ياما ارحميني
امل : طب مش يلا ولا ايه
يوسف غمز : يلا ياملاكي
ركبو العربيات وعملو لمروان وريم زفة كبيرة لحد ما وصلو القاعة
الفرح كان كبير اوي وفيه رجال اعمال كبار والصحافة لان مروان شريك يوسف في جزء من شركاته
مروان وريم نزلو من العربية ودخلو القاعة وهو ماسك ايدها وكله بيبص عليهم بفرحة واعجاب طلعو قعدو علي طاولتهم الخاصة والناس بدات تباركلهم
يوسف دخل القاعة ماسك ايد امل والكل انبهر بجمالهم هما كمان يوسف اخدها وقعدو علي طاولة بعيدة عن المعازيم وفضل باصص لها بحب
امل بكسوف : انت هتفضل باصصلي كدا كتير علي فكرة انا بتوتر
يوسف : مش مصدق ان الجمال دا كله ليا لوحدي
امل : انت قعدتنا بعيد عن الناس ليه
يوسف : عشان مش عايز حد يشوف الجمال دا غيري عشان انتي ملكي انا وبس وانا اللي ليا الحق ابصلك وبس
امل اتكسفت وخدودها اتوردت يوسف لاحظ كدا ابتسم علي برائتها وحيائها
مروان : بقولك ايه هو احنا لازم نحضر الفرح دا متيجي نروح
ريم : عيب ياجوزي الناس هيقولو علينا ايه
مروان : مليش دعوة بالناس يامراتي انا عايزك انتي
ريم : اتلم ياسطا الناس بتبص علينا
مروان : ايوا كدا طلعي جعفر اللي جواكي خلي الناس تعرف اني متجوز واحد صحبي
ريم : عدي يومك علي خير عشان منكدش عليك ياد ياجوزي
مروان : كلها كام ساعة ونبقا مع بعض واطلع عليكي كل النكد وطولة اللسان دي
ريم بدلع : قلبك ابيض ياماااارووو
مروان : دلوقتي بقيت مااااروو....... بقولك ايه قومي نرقص
ريم : لا انا مكسوفة
مروان : مكسوفة ايه ياهبلة انا مش شاقطك ياختي انتي مراتي
مروان مسك ايديها وطلعو علي الاستيج وبداو يرقصو سلوو
يوسف مد ايده لامل : تسمحيلي بالرقصة دي
امل بحرج : بس انا مبعرفش ارقص
يوسف : هعلمك
مسك ايدها وبدأ يرقصو وكل الكابلز طلعو يرقصو معهم
في الاول امل كانت مكسوفة بس بعدين اندمجت معاه واتعلمت بسرعة وبدات ترقص
يوسف باصص في عيونها : عيونك لون البحر بتخليني اغرق فيهم لما ابصلهم خدودك اللي بتبقا زي الورد لما تتكسفي بيجننوني شفايفك اللي زي الفراولة ببقا نفسي اكلها جمالك عدي الوصف ياملاكي حبي ليكي عدي مراحل العشق انا ادمنتك خلاص مش متخيل لحظة في حياتي من غيرك بعشك ياملاكي بعشقك
امل كانت باصة في عيونه وهو بيتكلم مقدرتش تتكلم ولا ترد عليه بس قلبها كان هيقف من الفرحة ابتسمت ودفنت وشها في صدره وكملو الرقصة وهيا في حضنه
مروان : مش متعود عليكي مكسوفة كدا
ريم بتقلد بيكا : ماهو عشان في لمة كتشير اديني بس عشر دقايق وهظبطكو كلكو
مروان : ههههه يخرب عقلك مش قادر هههههه
ريم : انا اسمي الحقيقي نعنوشة اصلا
مروان : بحبك بكل تفاصيلك بحب جنانك ضحكتك ومشاغبتك وبرائتك بحبك يااحلي حاجة في حياتي
ريم : وانا كمان بحبك يا مرموري
مروان : احلي مرموري دي ولا ايه
ريم ابتسمت وحضنته وكملو الرقصة وهيا في حضنه
الرقصة خلصت وكل اللي في القاعة سقفو والشاب كانو بيصفرو والناس بتبص عليهم باعجاب
شغلو مهرجنات وريم ومروان كانو بيرقصو والشاب انضمو ليهم والبنات كمان والفرح ولع علي الاخر
يوسف بعد الرقصة ماخلصت مسك ايد امل وقعدو علي طاولة تانية في واحد من رجال الاعمال راح يسلم علي يوسف
هاني : يوسف باشا ازيك
يوسف سلم عليه : اهلا هاني باشا اخبارك
هاني : تمام جدا
هاني انتبه لوجود امل وانبهر بجمالها ومد ايده يسلم عليها
هاني : ايه الجمال دا معقول فيه كدا اهلا اهلا ياهانم
يوسف حس بنظراته لامل مسك ايده واتكلم بغيظ وهو بيجز علي سنانه : معلش ياهاني المدام مبتسلمش علي رجالة
هاني بتالم : اها اسف جدا
امل : حصل خير
هاني : تشرفت بمعرفتك ياهانم عن اذنكو
يوسف كان نفسه يضرب هاني بس تمالك اعصابه وقعد بعصبية
يوسف : الفرح دا هيخلص امتا بقا انا زهقت
امل : ليه يايوسف دا الفرح جميل وكله مبسوط
يوسف : انتي مش شايفة الناس بتبصلك ازاي دا ناقص يطلبو ايدك مني
امل ضحكت : هههههههه
يوسف : متضحكيش
امل بتكتم ضحكتها : حاضر ههه حاضر
بعد شوية يوسف نده علي الفتوجرافر وراح عنده
امل : عايز ايه منه يايوسف
يوسف : مش انتي بتحبي التصوير يلا هنتصور
امل : بس الناس هت.....
يوسف : مليش دعوة بحد قومي
الفتوجرافر بدا ياخد لهم صور وتغفيلات تحفة في اوضاع مختلفة وكانت الصور جميلة اوي
الفتوجرافر : بجد انتو احلي كابلز اصوره
يوسف : دا من زوقك الصور دي ابعتها عندي ع البيت
الفتوجرافر : امرك يا يوسف بيه
مروان وريم كمان اتصورو صور جميلة ويوسف وامل اتصور معاهم ومع عيلتهم وخدو صورة جماعية كانت روعة
السهرة خلصت وكل واحد راح علي بيته
..... في بيت يوسف........
امل : اليوم كان جميل اوي
يوسف : انتي اللي حليتيه جميل بوجودك
امل : النهاردة اخر ليلة لينا مع بعض بكرة هنروح للمأذون ونطلق
يوسف : تمام
كل واحد دخل اوضته بيفكر في اللي حيحصل بكر امل بتفكر في تصرف يوسف وانه مش زعلان انهم هيطلقو ولا اتمسك بيها لاخر لحظة ويوسف بيفكر فيها واللي هيعمله عشان متبعدش عنه لحد ماغلبها النوم
يوسف دخل اوضتها بهدؤ ونام جنبها واخدها في حضنه
..... في بيت مروان........
اول ما دخلو البيت مروان قفل الباب وبص علي ريم بخبث
مروان : قوليلي بقا كنتي بتنكدي علي مين كل يوم
ريم : انا عايزة اروح لابويا ودوني لبابا
مروان : دا احنا لسه في الاول هو انا لسه عملت حاجة
ريم : اهدي ياسطا ما احنا كنا لسه حلوين مع بعض
مروان قرب عليها بسرعة وخدها في حضنه
مروان : بحبك يامجنونة
ريم : وانا كمان
مروان : طب ايه
ريم : ايه
مروان : ادخلي غيري فستانك ويلا عشان نصلي ركعتين نبدا بيهم حياتنا مع بعض
ريم بفرحة : حاضر
ريم دخلت غيرت الفستان ولبست اسدالها وطلعت كان مروان كمان غير صلو ودعو ربنا يبارك لهم في حياتهم
ريم قلعت الاسدال وكانت لابسة بيجامة شتوي جميلة وشهرها مفرود مروان بصلها بحب وقرب منها وطبع بوسة رقيقة علي خدها وراحو لعالمهم الخاص مع بعض
...... الصبح في بيت يوسف.........
امل صحيت لقت نفسها في حضنه بصتله كتير كنها بتتاكد من ملامحه ورفت ايدها ولمست وشه بحنية
امل بدموع محبوسة : حتوحشني اوي
يوسف وهو بيفتح عينه : وانتي مش هتوحشيني لاني مش هسمحلك تبعدي
امل اتوترت : انت ازاي تدخل اوضتي وتنام جنبي. و....
يوسف قطع كلامها بقبلة في شفايفها وامل خدودها كانت هتنفجر من الكسوف
امل : انت قليل الادب
يوسف بخبث وهو باصص لشفايفها لو اتكلمتي تاني هسكتك بطريقتي
باسها من خدها : صباح الجمال يا اجمل ملاك
سابها وقام من جنبها طلع من الاوضة وراح اوضته اخد دوش وغير هدومه وطلع
امل كانت طالعة من اوضتها وقابلته اتكسفت وحطت وشها في الارض : متتاخرش في الليل عشان نروح للمأذون
يوسف مردش عليها وطلع ببرود ولاكانه سمع حاجة
امل بغيظ : اعااااا مستفز
..... عند مروان..........
مروان : صباح الورد يااحلي وردة في حياتي
ريم : صباح النور.... هقوم اجهز الفطار لحد ماتاخد دش
مروان : هو انا مقولتلكيش
ريم : لا مقولتليش
مروان : اصل في اجتماع مهم في الشركة وانا لازم اروح
ريم بغيظ وقفت علي السرير : هتروح الشغل وتسبني تاني يوم فرحي يامرواااان
مروان : اهدي ياحببتي مش هتأخر والله ححضر الاجتماع وارجع علي طول
ريم بعند : لا مش هتروح
مروان : عشان خاطري صدقيني انا عايز ابقي معاكي بس غصب عني
ريم : مش هتتاخر
مروان : مقدرش
ريم : اوكيه بس المرة دي بس
مروان باسها من خدها : المرة دي بس.... اسف وعد هعوضك
.......
الشمس بدأت تغيب وامل متفقة مع يوسف انه يجي الساعة ٦ عشان يروحو للمأذون يوسف اتاخر
امل في نفسها : انا قايلاله يرجع الساعة ٦ معقول يكون حصله حاجة... لا لا ان شاء الله هيكون كويس
... الووو
يوسف : هتدخلي اوضتي في فستان علي سريري هتلبسيه نص ساعة ولاقيكي تحت مفهوم
امل : احنا هنتطلق ع فكرة لو مش واخد بالك
يوسف : نص ساعة لو ملقتكيش قدامي انتي عارفة هعمل ايه اعتقد ملحقتيش تنسي عملت ايه الصبح
قفل في وشها ومدهاش مفرصة تتكلم
امل بعصبية : ااااعاااا بارد ومستفز
..... الووو
يوسف : هاااه عملت ايه
الشخص : كله تمام ياباشا
...... يتبع......
البارت السابع عشر
.... كله تمام ياباشا
يوسف : تمام نص ساعة وتنفذ
.... اوامرك يايوسف بيه
.... عند امل.....
دخلت اوضة يوسف لقيت فستان علي سريره لونه بيبي بلو لون عينيها ضيق لحد الصدر وواسع من تحت طبقتين الطبقة اللي فوق شيفون ومعاه طوق فضة علي شكل ورد
انبهرت من جمالهم ولبستهم ولبست طرحة نفس لون الفستان ولبست الطوق كانت زي الاميرات
عدي نص ساعة وامل منزلتش يوسف اتصل عليها
يوسف : النص ساعة عدت اعتبره تصريح واطلعلك وانتي عارفة لو طلعت هعمل حاجة هموت واعملها
امل : لا خلاص انا نازلة
يوسف ضحك عليها : هههه اوكيه مستنيكي
امل نزلت تحت وكان يوسف ساند علي عربيته كان لابس قميص اسود وبدلة سودة اول ماشافها اتعدل بنبهار كأنها حورية من الجنة قرب عليها وباس ايدها وبص في عيونها وبعدين حضنها جامد
يوسف كمان خطف قلب امل بشياكته وهي كمان حضنته
يوسف طلعها من حضنه وباسها في خدها برقة : طالعة زي الحوريات ياملاكي
امل : وانت كمان زي القمر
يوسف بخبث : بجد
امل اتوترت وبعدين اتكلمت بغيظ : احنا اتفقنا هنروح للمأذو......
حط صباعة علي شفايفها : شششش ياريت متتكلميش خالص
يوسف اعطاها بوكية الورد وطلع من جيبه شريط ازرق وربط علي عيونها بالراحة
يوسف بهمس في ودنها : دلوقتي هتمشي معايا من غير كلام
مسك ايدها وبدأ يحركها وهيا زي المنومة مغناطيسي مستجيبة لكل كلامه ركبها العربية وبدأ يسوق لمكان معين
بعد شوية وصلو المكان يوسف نزلزمن العربية ولف الناحية التانية وساعدها تنزل ومشيوا خطوات قليلة لحد ما وقفو في مكان معين
يوسف بهمس : دلوقتي تقدري ترفعي الشريط من ع عيونك
امل رفعت الشريط وبربشت بعنيها كتير لحد ما الرؤية وضحت لقيت نفسها قدام شركة كبيرة وعليها لافتة من فوق
امل بهمس : مجموعة شركات الامل... دا اسمي!
يوسف بهمس جنب ودنها : ملقتش اسم احلي منه الامل جروب ايه رايك
امل بامتنان : مكنش فيه داعي لكل دا دي شركاتك انت وتعبك انت
يوسف : تعبك قبل مايكون تعبي لولا دعمك ليا ووقفتك جنبي مكنتش حققت حاجة
امل : انا مقدرة اللي انت بتعمله بس....
يوسف : قبل ماتقولي اي حاجة اسمعي الفديو دا الاول
يوسف اعطاها تليفون مفتوح فيه فيديو وكان كالاتي:
موظف : اه انا اسف والله انا عملت كل اللي انطلب مني
مروان ضربه : اخلص ياض قول كل اللي تعرفه بالحرف الواحد لونقصت حرف مش حيحصلك كويس قووول
الموظف بالم : حاضر حاضر هقول...... انا اعرف بسنت هانم بقالي اكتر من سنة كنت بعملها مصالح مش كويسة مقابل اني اخد الفلوس اللي انا عيزها وفي مرة اتصلت بيا وقالت انها هتيجي ع الفندق اللي انا بشتغل فيه ومعاها واحد ووصتني احطله منوم في العصير بتاعه وانا وافقت مقابل انها تديني الفلوس اللي اطلبها وبعدين.......
مروان ضربه : اخلص ياض كمل
الموظف : حاضر حاضر... نفذت كل اللي طلبته مني لحد ماالشاب شرب العصير وحس نفسه دايخ طلبت مني اساعدها واسنده لاوضه فوق في الفندق وبالفعل عملت كدا وبعدها معرفش ايه اللي حصل هيا قابلتني وادتني الفلوس ومن يومها وانا مشوفتش وشها.... والله ياباشا انا مليش دعوة انا بعمل اللي يطلب مني واخد الفلوس وبس
مروان ضربه : واحنا بقا هنعلمك الادب ياروح امك
مروان للحراس : خدوه ع المخزن وروقوه لحد ما اقلكو تتصرفو معاه ازاي
الفديو خلص وامل كانت بتسمعه ودموعها بتنزل وكانت مضايقة من نفسها جدا : يعني انا ظلمت يوسف وكل الوقت دا بعاقبه علي حاجة معملهاش
التفت لورا : يوسف انا اس..... يوسف يايوسف
امل دورت عليه في المكان كله وهيا بتعيط ومش لقته
... .. لوسمحتي ياهانم اتفضلي معايا
امل : انت مين
.... انا السواق الجديد يوسف بيه بعتني اخدك
امل : طيب هو فين
..... معرفش ياهانم هو قالي اوصلك ع المكان وبس
امل : طيب يلا بسرعة
امل ركبت العربية وطول الطريق بتفكر يوسف راح فين معقول يكون زعلان منها
.... وصلنا ياهانم
نزلت بسرعة لقيت نفسها قدام برج كبير بيطل علي النيل وقفت عند البوابة كان في لوحة مكتوب عليها (برج السيوفي)
الحراس فتحولها البوابة اول ماشافوها فضلت تبص حوليها بتوهان لحد ماوقفت عند البرج باب الطابق الاول اتفتح وامل دخلت بخوف كان المكان مظلم
امل بخوف : يوسف يوسف انت هنا
فجأة ظهر ضوء بسيط قدامها بصت تحت وكان يوسف قاعد علي ركبه ومادد ايده بعلبة
يوسف بحب : اسف اسف علي كل لحظة زعلتك فيها اسف علي كل مرة نمتي فيها ودموعك علي خدك بسببي اسف علي كل دمعه نزلت من عيونك
حبيتك من اول مرة شوفتك فيها ونسيت الدنيا كلها قلبي كان بيفرح لما يشوف ضحكتك يومي مبيكملش من غيرك ادمنتك وادمنت تفاضيلك جنانك وهدؤك والتزامك وبرائتك انا عديت مرحلة الحب من زمان وكنت اعمي لما مشفتش حبك بعشقك ياملاكي تقبلي تكملي باقي حياتك معايا وننسي الماضي اوعدك هعوضك عن كل حاجة وحشة عملتها فيكي
امل كانت سامعة كلامة وطايرة من الفرحة والدموع في عيونها : موافقة موافقة
يوسف وقف ولبسها الخاتم كان الماظ علي شكل تاج وشالها ولف بيها
في اللحظة دي النور نور وكان في ناس كتير وكل الموجودين صقفو ليهم والصحافة كانت بتصور الحدث دا وكل قرايبهم كانو موجودين
ريم : شايف الرومانسية شايف مش زيك سايبني تاني يوم فرحي ورايح الشغل
مروان : ياحببتي وانا هلحق اعملك دا كله امتا اذا كان فرحنا كان امبارح اديني فرصة وانا هخليكي اسعد انسانة في الدنيا
ريم بحب : وانا مش محتاجة من الدنيا غيرك كفاية عندي كلمة بحبك اللي بتقولهالي
مروان حضنها : كل يوم بتثبتيلي اني عرفت اختار صح ربنا يخليكي ليا
هدي : حبايبي طالعين زي القمر ربنا يخليهم لبعض
حسن ابو يوسف : عرفت اختار بصحيح ربنا يبارك فيهم ويهنيهم في حياتهم
محمد : انا كنت واثق ان يوسف حيحافظ علي بنتي ويسعدها
يوسف ماسك ايد امل والكل بيقرب منهم يسلمو عليهم والصحافة بتصورهم
امل بهمس : عملت كل دا امتا
يوسف بغمزة : دا متخططله من زمان ياملاكي
امل بدموع : اسفة اني موثقتش فيك انا فعلا وحشة اوي يا يوسف عاقبتك علي حاجة ملكش زنب فيها
يوسف : انتي عمرك ماكنتي وحشة ياملاكي انتي عملتي دا غصب عنك لان كل الامور كانت ضدي وقتها وبعدين من دلوقتي مش عايز اشوف دموعك دي تاني من النهاردة فرحة وبس
امل حضنته : ربنا يخليك ليا
يوسف : ويباركلي فيكي ياحببتي
الحفلة كانت جميلة اوي وعدي الوقت والحفلة خلصت وكل واحد راح بيته
مروان وريم ودعوهم واهل يوسف وابو امل كمان راحو يودعوهم
امل : متفضلو معانا هنا البرج كبير وفيه شقق كتير
يوسف : ايوا ياجماعة انا اصلا عامل حسابكو تعيشو معانا
والد يوسف : لا يابني انا مش هرتاح غير في بيتي عشت طول عمري فيه وهفضل فيه لحد ما اموت
ام يوسف : وانا كمان
امل : افضل انت يابابا
محمد : لا ياحببتي انا عشت انا وامك في البيت دا وكل زكرياتنا فيه مقدرش اسيبه دي الحاجة الوحيدة اللي باقية منها الله يرحمها
يوسف : زي ماتحبو بس تزرونا علي طول
محد : ان شاء الله يابني يلا مع السلامة خد بالك من امل يايوسف مش هوصيك عليها
يوسف : في عنيا ياعمي
اهل يوسف وابو امل مشيو وبقي يوسف وامل
يوسف : تعالي افرجك ع البيت
امل : يلا.
...... في فيلا الصياد........
كان بيتفرج علي الحفلة علي التلفزيون وفجأة قفل التلفزيون بعصبية ورمي الريموت
رأفت الصياد بزعيق : مش هتتهني يايوسف مش هسمحلك تدمرني وتدمر شركتي
..... فيه ايه يامحمود صوتك عالي ليه
رأفت : مش هسمحله يهدني يوسف السيوفي لازم يخسر كل حاجة
اول ماسمعت الاسم اتوترت : طيب اهدي يارأفت واحكيلي
رأفت : الشركة اللي كنت عامل معاها الصفقة لغت العقد واتاقدت مع يوسف السيوفي انا لو خسرت الصفقة دي حفلس انا هتجنن ارجوكي ساعديني يابسنت..