ﻗﺼﺔ : { ﺣﻨﻴﻦ } 🤍✨
ﺍﻟﺤﻠﻘﺔ التاسعة { ٩ } 👰🏻 والعاشرة
والحادية عشر والثانية عشر
ﻳﻮﺳﻒ : ﻳﺎ ﻋﻢ ﺑﺮﺍﺣﺔ ﺧﺪ ﻭﺍﺩﻯ ﻣﻌﺎﻳﺎ ﻑ ﺍﻟﻜﻼﻡ
ﺍﺳﻼﻡ : ﻡﻫﻮ ﺍﻧﺎ ﻣﺶ ﻧﺎﻗﺺ ﻏﺒﺎﺀ ﻭﺭﺑﻨﺎ ﻣ ﻨﺎﻗﺺ 🤷🏻♂️
ﻳﻮﺳﻒ : ﻃﺐ ﺍﺗﻜﻠﻢ ﺑﺎﻟﺮﺍﺣﺔ ﻭﺍﻧﺎ ﻫﺎﻓﻬﻢ ﻉ ﻃﻮﻝ
ﺍﺳﻼﻡ : ﺣﻨﻴﻦ ﻳﺎ ﻳﻮﺳﻒ ﺣﻨﻴﻴﻴﻴﻦ
ﻳﻮﺳﻒ : ﺩﺓ ﺍﺳﻢ ﻭﻻ ﺻﻔﺔ طيب 🤔
ﺍﺳﻼﻡ : ﺩﺓ ﺧﺮﺓ ﻉ ﺩﻣﺎﻏﻚ ﺭﺑﻨﺎ ﻳﺨﺪﻙ ﻗﻔﻠﺘﻨﻰ ﺑﺠﺪ 🙅🏻♂️
ﻳﻮﺳﻒ : ﻟﻴﻪ ﺑﺲ ﺩﺓ ﺣﺘﻰ ﺍﺍﻩ ﺍﻩ ﺍﻓﺘﻜﺮﺕ ﺣﻨﻴﻨﻴﻴﻴﻴﻦ
ﺍﺳﻼﻡ : ﺣﻤﺪﻟﻠﻪ ﻉ ﺍﻟﺴﻼﻣﺎﺍﺍﺍ 😃
ﻳﻮﺳﻒ : ﺍﻟﻠﻪ ﻳﺴﻠﻤﻚ ﻟﺴﺔ ﻭﺍﺻﻞ 😃
ﺍﺳﻼﻡ : نورت مصر ﻭﺭﺑﻨﺎ
ﻳﻮﺳﻒ : ﺍﻟﻠﻪ ﻳﺨﻠﻴﻚ .. ﺍﻧﺖ ﻟﺴﺔ ﺣﺎﻃﻂ ﺍﻟﺒﺖ ﺩﻯ ف ﺪﻣﺎﻏﻚ ؟
ﺍﺳﻼﻡ : ﻣﺘﻘﻠﺶ ﻋﻠﻴﻬﺎ ﺑﺖ
ﻳﻮﺳﻒ : ﺍﻟﺒﺮﻧﺴﻴﺴﺔ ﺩﻯ ﺍﻳﻪ ﺍﻟﻰ ﺩﺧﻠﻬﺎ ﺩﻣﺎﻏﻚ ﺗﺎﻧﻰ ؟
ﺍﺳﻼﻡ : ﺍﻭﻻً ﻫﻰ ﻣﺨﺮﺟﺘﺶ ﻋﺸﺎﻥ ﺗﺪﺧﻞ .. ﺛﺎﻧﻴﺎً ﻫﻰ ﻣﺶ ﻑ ﺩﻣﺎﻏﻰ ﺩﻯ ﻑ ﻗﻠﺒﻲ ❤😅
ﻳﻮﺳﻒ : ﻋﻴﻨﻰ ﻳﺎ ﻋﻴﻨﻰ .. ﻓﻮﻕ ﻳﺎ ﻣﻌﻠﻢ ﺩﻯ ﻣﺨﻄﻮﺑﺔ ﻭﻫﺗﺘﺠﻮﺯ
( ﻳﻔﺘﻜﺮ ﺍﺳﻼﻡ ﻛﺘﺐ ﺍﻟﻜﺘﺎﺏ )
ﺍﺳﻼﻡ : ﻛﺘﺐ ﻛﺘﺎﺑﻬﺎ ﺑﻌﺪ ﺑﻜﺮﺓ 💔
ﻳﻮﺳﻒ : ﻛﻤﺎﻥ !!! ﺩﺓ ﺍﻧﺖ ﻑ ﻣﻼﻛﻮﺕ ﺗﺎﻧﻰ ي عم
ﺍﺳﻼﻡ : ﺑﺤﻠﻢ ﻧﺮﺟﻊ ﺯﻯ ﺯﻣﺎﻥ 😟
ﻳﻮﺳﻒ : ﺍﻧﺴﻰ ﺑﻘﻰ .. ﻫﻰ ﻋﺎﻳﺸﺔ ﺣﻴﺎﺗﻬﺎ ﻭﻣﺒﺴﻮﻃﺔ ﻭﻫﺗﺘﺠﻮﺯ ﺧﻼﺹ ﻭﺍﻧﺖ ﻋﺎﻳﺶ ﻣﻴﺖ
ﺍﺳﻼﻡ : 😔
( ﻳﻮﻡ ﻛﺘﺐ ﺍﻟﻜﺘﺎﺏ ، ﻋﻤﺎﺕ ﺣﻨﻴﻦ ﻭﺧﻼﺗﻬﺎ ﻭﺍﻫﻠﻬﺎ ﻛﻠﻬﻢ ﻑ ﺍﻟﺸﻘﺔ ﻭﺻﺤﺎﺑﻬﺎ ﻭﻛﻞ ﺍﻟﺒﻨﺎﺕ ﻣﻌﺎﻫﺎ ﻑ ﺍﻭﺿﺘﻬﺎ ﻣﺸﻐﻠﻴﻦ ﺍﻏﺎﻧﻰ ﻭﻣﺒﺴﻮﻃﻴﻦ )
ﺟﻮﺩﻯ : ﻫﻮ ﺍﺑﻦ ﺧﺎﻟﺘﻚ ﻫﻳﻴﺠﻰ ؟
ﺣﻨﻴﻦ : ﻣﻌﺮﻓﺶ .. ﺑﺘﺴأﻟﻰ ﻟﻴﻪ ؟
ﺟﻮﺩﻯ : ﻋﺎﺩﻯ 🌚
ﺑﺴﻤﺔ : ﺍﻛﻴﺪ ﻣﺶ ﻫﻳﻔﻮﺕ ﻛﺘﺐ ﻛﺘﺎﺏ ﺑﻨﺖ ﺧﺎﻟﺘﻪ ﻃﺒﻌﺎً ☺
ﺭﻭﺍﻥ : ﻫﻮ ﻋﻠﻖ ﻣﻌﺎﻛﻮﺍ ﻭﻻ ﺍﻳﻪ ؟
ﺟﻮﺩﻯ : ﻭﺩﺓ ﻣﻴﻦ ﻣﻴﻌﻠﻘﺶ ﻣﻌﺎﻩ ﺍﺣﻴﻪ 😍
ﺑﺴﻤﺔ : ﺧﺮﺍﺷﻲ ﻉ ﺿﺤﻜﺘﻪ ﻭﻻ ﻃﺮﻳﻘﺔ ﻛﻼﻣﻪ ﻳﺎ ﻧﻬﺎﺭ ﺍﺳﻮﺩ 😆
ﺭﻭﺍﻥ : ﺍﺛﺒﺘﻰ ﺍﺑﺖ ﺍﻧﺘﻰ ﻭﻫﻰ ﺍﻭﻣﺎﻝ ﻟﻤﺎ ﻳﻴﺠﻰ ﻫﺘﻌﻤﻠﻮﺍ ﺍﻳﻪ 🤷
ﺑﺴﻤﺔ : ﺍﻧﺎ ﻫﺗﺸﺠﻊ ﻭﺍﺩﻳﻠﻮﺍ ﺭﻗﻤﻰ ✋
ﺟﻮﺩﻯ : ﺍﻧﺎ ﻫﺎﺩﻳﻠﻮﺍ ﺭﻗﻢ ﺑﺎﺑﺎ ﻋﺸﺎﻥ ﻣﺒﻀﻴﻌﺶ ﻭﻗﺖ 😂
ﺭﻧﺎ : ﻭﺍﻧﺎ ﻫﺎﺩﻳﻜﻮﺍ ﻗﻔﺎ ﻳﻨﺰﻝ ﻳﺰﻏﺮﻁ 👋
ﺑﺴﻤﺔ : ﻳﺎ ﻓﻘﺮ ﺍﻧﺘﻰ ﺳﺪﻳﺘﻰ ﻧﻔﺴﻨﺎ 😑
( ﺗﻄﻠﻊ ﺣﻨﻴﻦ ﻭﻛﻞ ﺍﻟﺒﻨﺎﺕ ﻳﻘﻌﺪﻭﺍ ﺑﺮﺓ ﻣﻊ ﺍﻟﻤﻌﺎﺯﻳﻢ ﻣﺴﺘﻨﻴﻴﻦ ﺍﻣﻴﺮ ﻭﺍﻫﻠﻪ ﻳﻮﺻﻠﻮﺍ ، ﺗﺘﺼﻞ ﺣﻨﻴﻦ ﺏ ﺍﻣﻴﺮ )
ﺣﻨﻴﻦ : ﺍﻧﺖ ﻓﻴﻦ ؟
ﺍﻣﻴﺮ : ﺍﺣﻨﺎ ﻑ ﺍﻟﺴﻜﺔ ﺍﻫﻮ ﻗﺮﺑﻨﺎ
ﺣﻨﻴﻦ : ﺍﻭﻙ ﻉ ﻣﻬﻠﻚ
ﺍﻣﻴﺮ : ﺭﺑﻨﺎ ﻳﺴﺘﺮ .. ﺑﺎﻱ
ﺣﻨﻴﻦ : ﺑﺎﻱ
( ﺗﻘﻔﻞ ﺣﻨﻴﻦ ﻣﻊ ﺍﻣﻴﺮ ، ﺍﺳﻼﻡ ﻳﺪﺧﻞ ﺍﻟﺒﻨﺰﻳﻨﺔ ﻋﺸﺎﻥ ﻳﻤﻠﻰ ﻋﺮﺑﻴﺘﻪ ، ﻗﺎﻋﺪ ﺍﺳﻼﻡ ﻑ ﺍﻟﻌﺮﺑﻴﺔ ﻣﺴﺘﻨﻰ ﺍﻟﺮﺍﺟﻞ ﻳﺨﻠﺺ ، فجأة ﺗﺪﺧﻞ ﻋﺮﺑﻴﺔ ﻧﻘﻞ ﻛﺒﻴﺮﺓ ﻣﻓﻴﻬﺎﺵ ﻓﺮﺍﻣﻞ ﺗﺨﺒﻂ ﻑ ﻋﺮﺑﻴﺔ ﺍﺳﻼﻡ ﺗﺸﻘﻠﺒﻬﺎ )
( ف بيت حنين ، يرن فون خالتها )
ﺍﻣﺎﻝ : ﺍﻳﻮﺓ ﻳﺎ ﺍﺳﻼﻡ ؟
ﺷﺎﺏ : ﺣﻀﺮﺗﻚ ﻣﺎﻣﺖ ﺻﺎﺣﺐ ﺍﻟﻤﻮﺑﺎﻳﻞ ؟
ﺍﻣﺎﻝ : ﺍﻳﻮﺓ ﻣﻴﻦ ﺣﻀﺮﺗﻚ ﻭﻓﻴﻦ ﺻﺎﺣﺐ ﺍﻟﺘﻠﻴﻔﻮﻥ ؟؟؟
ﺷﺎﺏ : ﺣﺼﻠﺘﻠﻪ ﺣﺎﺩﺛﺔ ﺍﺣﻨﺎ ﻃﺎﻟﻌﻴﻦ ﺑﻴﻪ ﻉ ﻣﺴﺘﺸﻔﻰ ******
( ﺗﺼﺮﺥ ﺧﺎﻟﺔ ﺣﻨﻴﻦ ﻣﺮﺓ ﻭﺍﺣﺪﺓ ، ﺍﻟﻜﻞ ﻳﺘﺨﺾ )
ﺍﻣﺎﻝ : ﺍﺑﻨﻴﻴﻴﻲ .. ﺍﺑﻨﻰ ﻳﺎ ﻧﺎﺱ 😨
( ﺗﺠﺮﻱ ﺧﺎﻟﺔ ﺣﻨﻴﻦ ﻉ ﺗﺤﺖ ﻭﺍﻟﻜﻞ ﻳﺠﺮﻱ ﻭﺭﺍﻫﺎ ، ﺗﻘﻮﻟﻬﻢ ﻉ ﺍﻟﻰ ﺣﺼﻞ ﻭﺗﻨﺰﻝ ﺗﺮﻛﺐ ﻋﺮﺑﻴﺘﻬﺎ ﻭﺗﻤﺸﻲ ، ﻳﻮﺻﻞ ﺍﻣﻴﺮ ﻭﺍﻫﻠﻪ ﻳﻼﻗﻮﻫﻢ ﻛﻠﻬﻢ ﻑ ﺍﻟﺸﺎﺭﻉ ﻗﺪﺍﻡ ﺍﻟﻌﻤﺎﺭﺓ ﺑﻴﺮﻛﺒﻮﺍ ﻋﺮﺑﻴﺎﺗﻬﻢ ﻋﺸﺎﻥ ﻳﻤﺸﻮﺍ ، ﺣﻨﻴﻦ ﻭﺍﻗﻔﺔ ﺑﺘﻌﻴﻂ منهارة ، ﻳﻨﺰﻝ ﺍﻣﻴﺮ ﻭﺍﻫﻠﻪ ﻡ ﺍﻟﻌﺮﺑﻴﺔ ، ﻳﻘﺮﺏ ﻉ ﺣﻨﻴﻦ ..، ﺣﻨﻴﻦ ﻭﺍﻗﻔﺔ ﻣﺶ ﻋاﺮﻓﺔ ﺗﻌﻤﻞ ﺍﻳﻪ )
ﺍﻣﻴﺮ : ﻓﻲ ﺍﻳﻪ ﻳﺎ ﺣﻨﻴﻦ ؟!!!
ﺣﻨﻴﻦ ﺏ ﻋﻴﺎﻁ : ﺍﺳﻼﻡ ﻋﺎﻣﻞ ﺣﺎﺩﺛﺔ ﻭﻓ ﺍﻟﻤﺴﺘﺸﻔﻰ 😣
ﺍﻣﻴﺮ : ﻃﺐ ﺍﻫﺪﻯ ﻃﻴﺐ .. ﺍﺭﻛﺒﻲ ﻧﺮﻭﺡ
( ﺗﺮﻛﺐ ﺣﻨﻴﻦ ﻣﻊ ﺍﻣﻴﺮ ﻭﻳﺮﻭﺣﻮﺍ ﺍﻟﻤﺴﺘﺸﻔﻰ ، ﻛﻞ ﺍﻟﻤﻌﺎﺯﻳﻢ ﻳﺒﻘﻮﺍ ﻑ ﺍﻟﻤﺴﺘﺸﻔﻰ ﻣﺴﺘﻨﻴﻴﻦ ﻳﻄﻤﻨﻮﺍ ﻉ ﺍﺳﻼﻡ ، ﺍﺳﻼﻡ ﻑ ﺍﻟﻌﻤﻠﻴﺎﺕ ، ﺣﻨﻴﻦ ﻗﺎﻋﺪﺓ ﺟﻨﺐ ﻣﺎﻣﺘﻬﺎ ﻑ ﺣﻀﻨﻬﺎ ﻋﻤﺎﻟﺔ ﺗﻌﻴﻂ ، ﺍﻣﻴﺮ ﻭﺍﻗﻒ ﻣﺴﺘﻐﺮﺏ ﻋﻴﺎﻁ ﺣﻨﻴﻦ ﺍﻟﻰ ﺑﺬﻳﺎﺩﺓ ﺍﻭﻱ ودة مضايقه ، ﻳﺨﺮﺝ ﺍﻟﺪﻛﺘﻮﺭ )
ﺍﺑﻮ ﺍﺳﻼﻡ : ﺧﻴﺮ ﻳﺎ ﺩﻛﺘﻮﺭ ﻋﺎﻣﻞ ﺍﻳﻪ ؟
ﺍﻟﺪﻛﺘﻮﺭ : ﺍﻟﺤﺎﺩﺛﺔ ﻛﺎﻧﺖ ﺟﺎﻣﺪﺓ ﺍﺛﺮﺕ ﻉ ﺩﻣﺎﻏﻪ ﺟﺎﻣﺪ .. ﻫﻮ ﻑ ﺍﻟﻌﻨﺎﻳﺔ ﻻﻧﻪ ﻟﻼﺳﻒ ﺩﺧﻞ ﻑ ﻏﻴﺒﻮﺑﺔ .. ﻋﻦ ﺍﺫﻧﻜﻢ
( ﻳﻤﺸﻲ ﺍﻟﺪﻛﺘﻮﺭ )
ﺍﺑﻮ ﺍﺳﻼﻡ : ﻻ ﺣﻮﻝ ﻭﻻ ﻗﻮﺓ ﺍﻻ ﺑﺎﻟﻠﻪ 🤦
ﺍﺑﻮ ﺣﻨﻴﻦ : ﺍﻥ ﺷﺎﺀ ﺍﻟﻠﻪ ﻳﻘﻮﻡ ﺑﺎﻟﺴﻼﻣﺔ .. ﺍﺳﺘﻬﺪﻯ ﺑﺎﻟﻠﻪ
ﺍﺑﻮ ﺍﺳﻼﻡ : ﻭﻧﻌﻤﺔ ﺑﺎﻟﻠﻪ
( ﻳﺬﻳﺪ ﻋﻴﺎﻁ ﺣﻨﻴﻦ ، ﻳﻤﺸﻲ ﺍﻣﻴﺮ ﻣﻦ ﻏﻴﺮ ﻡ ﻳﻘﻮﻝ ﻟﺤﺪ )
ﺍﻣﺎﻝ ب عياط : ﻋﺎﻭﺯﺓ ﺍﺷﻮﻑ ﺍﺑﻨﻰ 😣
ﺍﺑﻮ ﺍﺳﻼﻡ : ﻫﻨﻄﻠﻌﻠﻪ ﺍﻫﺪﻯ
( ﺍﻟﻜﻞ ﻳﻄﻠﻊ ﻳﻘﻒ ﻗﺪﺍﻡ ﺍﻟﻌﻨﺎﻳﺔ ، ﻓﻲ ﺍﺯﺍﺯ ﻛﺒﻴﺮ ﻣﺒﻴﻦ ﺍﻟﻰ ﺟﻮﺓ ﺷﺎﻳﻔﻴﻦ ﺍﺳﻼﻡ ، ﺣﻨﻴﻦ ﻣﻦ ﻛﺘﺮ ﺍﻟﺰﺣﻤﺔ ﻣﺶ ﻋﺎﺭﻓﺔ ﺗﺸﻮﻓﻪ ، ﺗﻠﻤﺤﻪ ﻧﺎﻳﻢ ﻉ ﺍﻟﺴﺮﻳﺮ ﻭﺩﻣﺎﻏﻪ ﻣﺮﺑﻮﻃﺔ ﻭﺍﻳﺪﻩ ﻣﺮﺑﻮﻃﺔ ﻭﺣﺎﻃﻴﻨﻠﻪ ﺟﻬﺎﺯ ﺍﻟﺘﻨﻔﺲ ، ﺍﻭﻝ ﻡ ﺗﺸﻮﻓﻪ ﺗﻌﻴﻂ ، ﻳﺒﺪأ ﺍﻟﻨﺎﺱ ﻳﻤﺸﻮﺍ ﺣﺒﺔ ﻭﺭﺍ ﺣﺒﺔ ﻟﺤﺪ ﻣ ﻳﻔﻀﻞ ﺍﺑﻮ ﺍﺳﻼﻡ ﻭﺍﺑﻮ ﺣﻨﻴﻦ ﻭﺍﻡ ﺣﻨﻴﻦ ﻭﺍﻡ ﺍﺳﻼﻡ ﻭﺍﺧﺘﻪ ، ﻳﻘﻒ ﺍﺑﻮ ﺍﺳﻼﻡ ﻭﺍﺑﻮ ﺣﻨﻴﻦ ﻉ ﺟﻨﺐ ﻳﺘﻜﻠﻤﻪ ، ﺍﻡ ﺍﺳﻼﻡ ﻗﺎﻋﺪﺓ ﻣﻐﻤﻀﺔ ﻋﻴﻨﻬﺎ ﻧﺎﻳﻤﺔ )
ﺣﻨﻴﻦ : ﻣﻴﻨﻔﻌﺶ ﻧﺪﺧﻠﻪ ؟
ﺳﻤﺎ : ﺑﻴﻘﻮﻟﻮﺍ ﻣﻤﻨﻮﻉ .. ﺑﺲ ﺗﻌﺎﻟﻰ نجرب
( ﺗﻘﻮﻡ ﺍﺧﺖ ﺍﺳﻼﻡ ﻭﺣﻨﻴﻦ ﻳﺪﺧﻠﻮﺍ ﺍﻟﻌﻨﺎﻳﺔ )
ﺣﻨﻴﻦ : ﻫﻴﺰﻋﻘﻮﺍ ﻛﺪﺓ !!!
ﺳﻤﺎ : ﺷﻮﻓﻴﻪ ﺑﺲ ﻭﺍﻧﺎ ﻫﺮﺍﻗﺐ ﺍﻟﻲ ﺑﺮﺓ
( ﺗﺮﻭﺡ ﺣﻨﻴﻦ ﺗﻘﻒ ﺟﻨﺐ ﺍﺳﻼﻡ ﻭﺗﻤﺴﻚ ﺍﻳﺪﻩ ﻭﺗﻨﺰﻝ ﺩﻣﻮﻋﻬﺎ )
ﺳﻤﺎ : ﻳﻼ ﺍﻧﺠﺰﻯ
( ﺗﺒﻮﺱ ﺍﻳﺪﻩ ﻭﺗﺨﺮﺝ ﻡ ﺍﻟﻌﻨﺎﻳﺔ ﻫﻰ ﻭﺳﻤﺎ ، ﺑﻌﺪ ﺷﻮﻳﺔ ﻳﻨﺰﻝ ﺍﻫﻞ ﺣﻨﻴﻦ ، ﺗﻤﺸﻲ ﺣﻨﻴﻦ ﻣﻌﺎﻫﻢ ﺗﺮﻭﺡ ﺍﻟﺒﻴﺖ ﺗﻨﺎﻡ ﻭﺩﻣﻮﻋﻬﺎ ﻉ ﺧﺪﻫﺎ ، ﻳﻄﻠﻊ ﺍﻟﺼﺒﺢ ، ﺗﻘﻮﻡ ﺣﻨﻴﻦ ﺗﻠﺒﺲ ﻭﺗﺮﻭﺡ ﻝ ﺍﺳﻼﻡ ﺍﻟﻤﺴﺘﺸﻔﻰ ، ﺗﻼﻗﻲ ﺧﺎﻟﺘﻬﺎ ﻭﺑﻨﺖ ﺧﺎﻟﺘﻬﺎ ﻫﻨﺎﻙ ، ﺗﺴﻠﻢ ﻋﻠﻴﻬﻢ ﻭﺗﻘﻌﺪ ﺟﻨﺒﻬﻢ )
ﺣﻨﻴﻦ : ﻣﺎﻓﻴﺶ ﺟﺪﻳﺪ ؟؟
ﺳﻤﺎ : ﻓﺎﻕ
ﺣﻨﻴﻦ : ﻻ ﺑﺠﺪ 😃
ﺳﻤﺎ : ﺍﻩ ﺑﺲ ﻣﻤﻨﻮﻉ ﺣﺪ ﻳﺪﺧﻞ ﻭﻛﻤﺎﻥ ﻗﺎﻓﻠﻴﻦ ﺍﻟﺴﺘﺎﻳﺮ ﻭﺣﺎﺟﺔ ﻗﺮﻑ 🙄
ﺣﻨﻴﻦ : ﺍﻟﻤﻬﻢ ﺍﻧه ﻓﺎﻕ .. ﺍﻟﺤﻤﺪﻟﻠﻪ
( ﺍﻡ ﺍﺳﻼﻡ ﻗﺎﻋﺪﺓ ﺑﺘﻨﺎﻡ )
ﺳﻤﺎ : ﻗﻮﻣﻰ ﻳﺎ ﻣﺎﻣﺎ ﺭﻭﺣﻰ ﺍﻧﺘﻰ ﻣﻦ ﺍﻣﺒﺎﺭﺡ ﻣﻨﻤﺘﻴﺶ
ﺍﻣﺎﻝ : ﻻ ﺍﺣﺴﻦ ﻳﻄﻠﻊ ﻡ ﺍﻟﻌﻨﺎﻳﺔ ﻻﺯﻡ ﺍﺑﻘﻰ ﺟﻨﺒﻪ 😟
ﺳﻤﺎ : ﻗﻮﻣﻰ ﺑﺲ ﻧﺮﻭﺡ ﺍﻟﺒﻴﺖ ﺗﻨﺎﻣﻰ ﺳﺎﻋﺘﻴﻦ ﻉ ﺍﻻﻗﻞ ﻭﻫﻧﺮﺟﻊ ﺗﺎﻧﻰ ﻭﻛﻤﺎﻥ ﻗﺎﻟﻮﺍ ﻣﻤﻨﻮﻉ ﺍﻟﺪﺧﻮﻝ ﻭﻣﺸﺪﺩﻳﻦ ﺍﻛﺘﺮ .. ﻗﻮﻣﻲ ﻳﻼ
ﺍﻣﺎﻝ : ﻃﻴﺐ
( ﺗﻘﻮﻡ ﺍﻡ ﺍﺳﻼﻡ ﻭﺍﺧﺘﻪ ﻳﻤﺸﻮﺍ ، ﺣﻨﻴﻦ ﻗﺎﻋﺪﺓ ﻟﻮﺣﺪﻫﺎ ، ﻧﺴﻴﺖ ﻣﻮﺑﺎﻳﻠﻬﺎ ﻑ ﺍﻟﺒﻴﺖ ﻭ ﺍﻣﻴﺮ ﻋﻤﺎﻝ ﻳﺮﻥ ﻋﻠﻴﻪ ، ﺗﺮﺩ ﻋﻠﻴﻪ ﺭﻭﺍﻥ )
ﺭﻭﺍﻥ : ﺍﻟﻮ
ﺍﻣﻴﺮ : ﺭﻭﺍﻥ ؟!!
ﺭﻭﺍﻥ : ﺍﻩ روان
ﺍﻣﻴﺮ : ﻓﻴﻦ ﺣﻨﻴﻦ ؟؟
ﺭﻭﺍﻥ : ﻣﺶ ﻫﻨﺎ ﻧﺴﻴﺖ ﻣﻮﺑﺎﻳﻠﻬﺎ
ﺍﻣﻴﺮ : ﺭﺍﺣﺖ ﻓﻴﻦ ؟!!!
ﺭﻭﺍﻥ : ﺭﺍﺣﺖ ﺗﺰﻭﺭ ﺍﺳﻼﻡ ﻑ ﺍﻟﻤﺴﺘﺸﻔﻰ
ﺍﻣﻴﺮ : ﻻ ﻭﺍﻟﻠﻪ !!!
ﺭﻭﺍﻥ : ﺍﻩ ﻭﺍﻟﻠﻪ .. ﺷﻜﻠﻬﺎ ﻣﻘﺪﺭﺗﺶ ﺗﻘﺎﻭﻡ ﺍﺷﺘﻴﺎﻗﻬﺎ ﻭﺧﻮﻓﻬﺎ ﻋﻠﻴﻪ 😊
( ﻳﻘﻔﻞ ﺍﻣﻴﺮ ﺍﻟﺴﻜﺔ ﻑ ﻭﺵ ﺭﻭﺍﻥ ، ﺭﻭﺍﻥ ﻓﺮﺣﺎﻧﺔ ﺍﻧﻬﺎ ﻗﻮﻣﺖ ﺍﻟﺪﻧﻴﺎ 🔥 ﻳﻨﺰﻝ ﺍﻣﻴﺮ ﻣﻦ شغله ﻳﺮﻛﺐ ﻋﺮﺑﻴﺘﻪ ﻭﻳﻤﺸﻲ ، ﻳﺨﺮﺝ ﺍﻟﺪﻛﺘﻮﺭ من ﻋﻨﺪ ﺍﺳﻼﻡ )
ﺣﻨﻴﻦ : ﺩﻛﺘﻮﺭ
ﺍﻟﺪﻛﺘﻮﺭ : ﺍﻳﻮﺓ ؟
ﺣﻨﻴﻦ : ﻫﻮ ﻋﺎﻣﻞ ﺍﻳﻪ ؟
ﺍﻟﺪﻛﺘﻮﺭ : ﺍﻟﺤﻤﺪﻟﻠﻪ عدى مرحلة الخطر وبقا ﺍﺣﺴﻦ
ﺣﻨﻴﻦ : ﺍﻟﺤﻤﺪ ﻟﻠﻪ .. ﻃﺐ ﻫﻮ ﺍﻧﺎ ﻳﻨﻔﻊ ﺍﺷﻮﻓﻪ ؟
ﺍﻟﺪﻛﺘﻮﺭ : ﻣﻤﻨﻮﻉ ﺣﺪ ﻳﺪﺧﻞ ﺍﻟﻌﻨﺎﻳﺔ ﺩﻟﻮﻗﺘﻰ ﻫﻨﻄﻠﻌﻪ ﻉ ﺍﻭﺿﻪ ﻓﻮﻕ ﻭﺗﻘﺪﺭﻱ ﺗﺸﻮﻓﻴﻪ ﺑﺮﺍﺣﺘﻚ
ﺣﻨﻴﻦ : ﺍﻭﻙ .. ﻣﻴﺮﺳﻲ ﻱ ﺩﻛﺘﻮﺭ
ﺍﻟﺪﻛﺘﻮﺭ : ﺍﻟﻌﻔﻮ ﻋﻦ ﺍﺫﻧﻚ
ﺣﻨﻴﻦ : ﺍﺗﻔﻀﻞ
( ﻳﻤﺸﻲ ﺍﻟﺪﻛﺘﻮﺭ ، ﺑﻌﺪ ﺷﻮﻳﺔ ، ﺗﺪﺧﻞ ﻣﻤﺮﺿﺔ ﺍﻟﻌﻨﺎﻳﺔ ، ﺗﻄﻠﻊ ﺍﻟﻤﻤﺮﺿﺔ )
ﺣﻨﻴﻦ : ﻟﻮ ﺳﻤﺤﺘﻰ
ﺍﻟﻤﻤﺮﺿﺔ : ﻧﻌﻢ ؟
ﺣﻨﻴﻦ : ﺍﻟﺪﻛﺘﻮﺭ ﻗﺎﻝ ﺍﻧه ﺍﻟﻤﺮﻳﺾ ﺍﻟﻲ ﻫﻨﺎ ﻫﻳﻄﻠﻊ .. ﺍﻟﻜﻼﻡ ﺩﺓ ﻣﻦ ﺣﻮﺍﻟﻰ ﺗﻠﺖ ﺳﺎﻋﺔ ﻭﻣﻄﻠﻌﺶ !!!
ﺍﻟﻤﻤﺮﺿﺔ : ﻣﻴﻦ ﻗﺎﻝ ﺍﻧه ﻣﻄﻠﻌﺶ .. ﺍﻟﻌﻨﺎﻳﺔ ﻓﺎﺿيﺔ 🤷
ﺣﻨﻴﻦ : ﺍﺯﺍﻯ ﺍﻧﺎ ﻣﺘﺤﺮﻛﺘﺶ ﻣﻦ ﻣﻜﺎﻧﻰ ﻣﺤﺪﺵ ﻃﻠﻊ 😕
ﺍﻟﻤﻤﺮﺿﺔ : ﻃﻠﻌﻨﺎﻩ ﻣﻦ ﺑﺎﺏ ﺍﻟﻌﻨﺎﻳﺔ ﺍﻟﺘﺎﻧﻰ ﻣﺤﺪﺵ ﺑﻴﻄﻠﻊ ﻣﻦ ﻣﻤﺮﺍﺕ ﺍﻟﻤﺴﺘﺸﻔﻰ
ﺣﻨﻴﻦ : ﻃﺐ ﻫﻮ ﻑ ﺍﻧﻬﻰ ﺩﻭﺭ ؟
ﺍﻟﻤﻤﺮﺿﺔ : ﺍﻟﺪﻭﺭ ﺍﻟﺘﺎﻟﺖ
ﺣﻨﻴﻦ : ﺍﻭﻙ ﺷﻜﺮﺍً
( ﺗﻄﻠﻊ ﺣﻨﻴﻦ ﺗﺪﺧﻞ ﻋﻨﺪ ﺍﺳﻼﻡ ، ﺍﺳﻼﻡ ﻗﺎﻋﺪ ﻧﺺ ﻗﺎﻋﺪﺓ ، ﺗﻘﻌﺪ ﺣﻨﻴﻦ ﺟﻨﺒﻪ ﻉ ﺍﻟﺴﺮﻳﺮ )
ﺣﻨﻴﻦ : ﺣﻤﺪﻟﻠﻪ ﻉ ﺍﻟﺴﻼﻣﺔ 😐
ﺍﺳﻼﻡ ب تعب : ﺍﻟﻠﻪ ﻳﺴﻠﻤﻚ
ﺣﻨﻴﻦ : ﺍﻧﺖ ﻛﻮﻳﺲ .. ﺣﺎﺳﺲ ﺏ ﻭﺟﻊ ؟؟
ﺍﺳﻼﻡ : ﻭﺟﻌﻰ ﺭﺍﺡ ﺍﻣﺎ ﺷﻮﻓﺘﻚ ♥️
( ﺗﻨﺰﻝ ﺩﻣﻮﻉ ﺣﻨﻴﻦ وتمسحها بسرعة )
ﺍﺳﻼﻡ : ﺣﺴﻴﺖ ﺏ ﻟﻤﺴﺔ ﺍﻳﺪﻙ ﺍﻣﺒﺎﺭﺡ .. ﻭﻛﻨﺖ ﺳﺎﻣﻊ ﻋﻴﺎﻃﻚ .. ﻛﺎﻥ ﻧﻔﺴﻲ ﺍﻗﻮﻡ ﺍﻣﺴﺢ ﺩﻣﻮﻋﻚ ﺑﺲ ﻣﻌﺮﻓﺘﺶ .. ﺑﺲ ﻛﻨﺖ ﺣﺎﺳﺲ ﺑﻴﻜﻲ 😕
ﺣﻨﻴﻦ : ﺑﺲ ﺍﻧﺖ ﻛﻨﺖ ﻧﺎﻳﻢ .. ﻋﺮﻓﺖ ﺍﻧه ﺍﻧﺎ ﺍﺯﺍﻯ ؟!!!
( ﻳﻮﺻﻞ ﺍﻣﻴﺮ ﺍﻟﻤﺴﺘﺸﻔﻰ ، ﻳﻘﻒ ﻉ ﺑﺎﺏ ﺍﻭﺿﺔ ﺍﺳﻼﻡ ﺳﺎﻣﻊ ﻛﻞ ﺣﺎﺟﺔ ﺑﺲ ﻣﺤﺪﺵ ﺷﺎﻳﻔﻪ ﺑﺲ ﻫﻮ ﺷﺎﻳﻔﻬﻢ ، ﺍﺳﻼﻡ ﻳﻤﺴﻚ ﺍﻳﺪ ﺣﻨﻴﻦ )
ﺍﺳﻼﻡ : ﻋﻤﺮﻯ ﻡ ﺍﺗﻮﻩ ﺍﺑﺪﺍً ﻋﻦ ﻟﻤﺴﺔ ﺍﻳﺪﻙ
( ﻳﻤﺸﻲ ﺍﻣﻴﺮ ﻉ ﺍﺧﺮﻩ ، ﺣﻨﻴﻦ ﺗﺸﻴﻞ ﺍﻳﺪﻫﺎ ﻣﻦ ﺍﺳﻼﻡ )
ﺍﺳﻼﻡ : ﻟﻴﻪ ﺑﺘﺒﻌﺪﻯ ﻋﻨﻰ ﺩﺍﻳﻤﺎً !!
ﺣﻨﻴﻦ : ﻋﺸﺎﻥ ﻣﻴﻨﻔﻌﺶ ﺍﻛﻮﻥ ﻗﺮﻳﺒﺔ ﻣﻨﻚ .. ﺍﺑﺪﺍً
ﺍﺳﻼﻡ : ﻟﻴﻪ ؟
ﺣﻨﻴﻦ : ﺩﺍﻳﻤﺎً ﻫﻳﺒﻘﻰ ﻓﻲ ﺣﺪﻭﺩ ﺑﻴﻨﺎ ﻣﻬﻤﺎ ﻛﻨﺎ ﻗﺮﻳﺒﻴﻦ .. ﺍﻧﺎ ﺍﻩ ﺧﻔﺖ ﻋﻠﻴﻚ ﻭﺟﻴﺖ ﺍﻧﻬﺎﺭﺩﺓ ﻋﺸﺎﻥ ﺍﻃﻤﻦ ﻋﻠﻴﻚ ﻭﻛﻨﺖ ﻓﻌﻼً ﻣﺤﺘﺎﺟﺔ ﺍﺷﻮﻓﻚ .. ﺑﺲ ﺍﻧﺎ ﻫﺘﺠﻮﺯ .. ﻃﻮﻟﺖ ﻗﺼﺮﺕ ﻫﺘﺠﻮﺯ ﺍﻣﻴﺮ .. ﻳﻌﻨﻰ ﺑﻴﻨﻰ ﻭﺑﻴﻨﻪ ﺭﺑﻨﺎ ﻣﺶ ﺣﺪ ﺗﺎﻧﻰ .. ﻭﻣﻬﻤﺎ ﻗﻠﺖ ﺍﻧﺖ ﺍﺑﻦ ﺧﺎﻟﺘﻰ ﺑﺮﺩﻭﺍ
ﺍﺳﻼﻡ : ﻋﺎﻭﺯﺓ ﺗﻔﻬﻤﻴﻨﻰ ﺍﻥ ﺧﻮﻓﻚ ﻋﻠﻴﺎ ﻛﺎﻥ ﻋﺸﺎﻥ ﺍﺑﻦ ﺧﺎﻟﺘﻚ .. ﺑﺲ ؟!!
ﺣﻨﻴﻦ : ﺍﻩ ي اسلام
ﺍﺳﻼﻡ : ﺍﻧﺘﻰ ﺑﺘﻀﺤﻜﻰ ﻉ ﻣﻴﻦ ﻣﻔﻜﺮﺍﻧﻲ ﻫﺼﺪﻗﻚ 🤷🏻♂️
ﺣﻨﻴﻦ : ﻣﺶ ﻛﻞ ﺣﺎﺟﺔ ﺍﻋﻤﻠﻬﺎ ﻳﺎ ﺍﺳﻼﻡ ﺗﻔﻜﺮ ﺍﻧﻬﺎ ﻋﺸﺎﻥ ﻟﺴﺔ ﺑﺤﺒﻚ .. ﺍﺣﻨﺎ ﺍﺧﻮﺍﺕ .. ﻣﺶ ﺩﺓ ﻛﻼﻣﻚ ؟؟
ﺍﺳﻼﻡ : ﺑﺎﻳﻦ ﻋﻠﻴﻜﻰ ﺍﻟﻜﺪﺏ 😐
ﺣﻨﻴﻦ : ﻳﺒﻘﻰ ﺍﻧﺖ ﻛﻤﺎﻥ ﻛﺪﺑﺖ 💁🏻♀️
ﺍﺳﻼﻡ : ﻳﻌﻨﻰ ﻓﻌﻼً ﺍﻧﺘﻰ ﻛﺪﺍﺑﺔ !!!
( ﺗﻘﻮﻡ ﺣﻨﻴﻦ ﻋﺸﺎﻥ ﺗﻤﺸﻲ ، ﻳﻤﺴﻚ ﺍﻳﺪﻫﺎ )
ﺣﻨﻴﻦ : ﺍﺳﻼﻡ ﻟﻮ ﺳﻤﺤﺖ ✋
ﺍﺳﻼﻡ : ﻫﺴﺄﻟﻚ ﺑﺲ ﺳﺆﺍﻝ ﻭﺑﻌﺪﻳﻦ ﺍﻣﺸﻲ
ﺣﻨﻴﻦ : ﺍﺗﻔﻀﻞ 😒
ﺍﻟﺤﻠﻘﺔ العاشرة { ١٠ } 👰🏻
ﺍﺳﻼﻡ : ﺍﻧﺘﻰ ﻟﺴﺔ ﺑﺘﺤﺒﻴﻨﻰ ؟؟
ﺣﻨﻴﻦ : ﻗﻠﺘﻠﻚ ﻗﺒﻞ ﻛﺪﺓ ﺑﻼﺵ ﺗﻔﺘﺢ ﻑ ﺍﻟﻘﺪﻳﻢ 💔
ﺍﺳﻼﻡ : ﺩﺓ ﻣﺶ ﻗﺪﻳﻢ ﻱ ﺣﻨﻴﻦ ﺍﻧﺎ ﺑﺴﺄﻟﻚ ﺩﻟﻮﻗﺘﻰ
( ﺗﺴﻜﺖ ﺣﻨﻴﻦ )
ﺍﺳﻼﻡ : ﺑﺎﻟﻠﻪ ﻋﻠﻴﻜﻲ ﺭﺩﻱ 😟
ﺣﻨﻴﻦ : ﺍﺳﻼﻡ ﺍﺣﻨﺎ ﻣﺒﻘﻨﺎﺵ ﻟﺒﻌﺾ ﺍﻭﻙ
ﺍﺳﻼﻡ : ﺩﻯ ﻣﺶ ﺍﺟﺎﺑﺔ ﻝ ﺳﺆﺍﻟﻲ !!
ﺣﻨﻴﻦ : ﻫﺘﺴﺘﻔﺎﺩ ﺍﻳﻪ ﻣﻦ ﺍﺟﺎﺑﺘﻰ 🤷
ﺍﺳﻼﻡ : ﺭﺩﻱ ؟
ﺣﻨﻴﻦ : ﺍﻧﺎ ﺑﺤﺐ ﺍﻣﻴﺮ
ﺍﺳﻼﻡ : ﺑﺲ ﺍﻧﺎ ﺑﺤﺒﻚ ﻭﻋﺎﺭﻑ ﺍﻧﻚ ﻟﺴﺔ ﺑﺘﺤﺒﻴﻨﻰ .. ﺻﺢ ؟؟؟
ﺣﻨﻴﻦ : ﻣﺶ ﺻﺢ .. ﻗﻠﺘﻠﻚ ﺑﺤﺐ ﺍﻣﻴﺮ ﺍﻟﻰ ﻫﻳﺒﻘﻰ ﺟﻮﺯﻯ ﻭﻛﻔﺎﻳﺔ ﺑﻘﻰ ﺑﺎﻟﻠﻪ ﻋﻠﻴﻚ 😑
( ﻳﺴﻴﺐ ﺍﻳﺪﻫﺎ )
ﺍﺳﻼﻡ : ﻣﺎﺷﻲ ﻳﺎ ﺣﻨﻴﻦ .. ﺍﻧﺎ ﺍﺳﻒ .. ﻣﻦ ﺑﻌﺪ ﺍﻧﻬﺎﺭﺩﺓ ﻣﺶ ﻫﻀﺎﻳﻘﻚ ﺗﺎﻧﻰ ﻭﻻ ﻫﻓﺘﺢ ﻣﻌﺎﻛﻰ ﻣﻮﺍﺿﻴﻊ ﺗﺎﻧﻰ .. ﺑﺲ ﻳﺎﺭﻳﺖ ﺗﻜﻮﻧﻰ ﻋﺎﺭﻓﺔ ﺍﻧﺘﻰ ﺑﺘﻌﻤﻠﻰ ﺍﻳﻪ ﻭﻣﺘﺮﺟﻌﻴﺶ ﺗﻨﺪﻣﻰ
ﺣﻨﻴﻦ ﺏ ﺍﺑﺘﺴﺎﻣﺔ : ﺷﻜﺮﺍً انا عارفة كويس بعمل ايه 🙂
ﺍﺳﻼﻡ : ﻃﻮﻝ ﻋﻤﺮﻙ ﻗﻮﻳﺔ .. ﺣﺘﻰ ﻑ ﻋﺰ ﻭﺟﻌﻚ ﺑﺘﻌﺮﻓﻲ ﺗﺪﺍﺭﻱ 🙂
ﺣﻨﻴﻦ : ﻋﺎﺭﻑ ﻟﻴﻪ .. ﻋﺸﺎﻥ ﺍﻟﻲ ﺯﻳﻲ ﻟﻮ ﺿﻌﻔﺖ ﻑ ﻟﺤﻈﺔ ﺯﻯ ﺩﻯ .. ﻫﺘﺪﻣﺮ ﻧﺎﺱ ﻛﺘﻴﺮ ﺑ ﻀﻌﻔﻬﺎ 💔
( ﺗﻤﺸﻲ ﺣﻨﻴﻦ ، ﺗﻮﺻﻞ ﺍﻟﺒﻴﺖ ، ﺗﻼﻗﻲ ﺍﻣﻴﺮ ﻗﺎﻋﺪ ﻣﻊ ﺍﺑﻮﻫﺎ ﻭﺍﺧﻮﻫﺎ ، ﺗﺪﺧﻞ ﺗﺴﻠﻢ ﻋﻠﻴﻪ ﻭﺗﻘﻌﺪ )
ﺣﻨﻴﻦ : ﻣﻘﻠﺘﺶ ﺍﻧﻚ ﺟﺎﻯ ﻳﻌﻨﻰ !!!!
ﺍﻻﺏ : ﺍﻣﻴﺮ ﺟﻪ ﻋﺸﺎﻥ ﻧﺤﺪﺩ ﻣﻴﻌﺎﺩ ﺗﺎﻧﻰ ﻝ ﻛﺘﺐ ﺍﻟﻜﺘﺎﺏ
ﺣﻨﻴﻦ : ﻭﺣﺪﺗﻮﻩ ﺍﻣﺘﻰ ؟
ﺍﻻﺏ : ﺍﻧﻬﺎﺭﺩﺓ ﺑﺎﻟﻠﻴﻞ
ﺣﻨﻴﻦ : ﺏ ﺍﻟﺴﺮﻋﺔ ﺩﻯ !!!
ﺍﻣﻴﺮ : ﺍﻳﻪ ﺍﻟﺴﺮﻋﺔ ﻑ ﻛﺪﺓ ﺍﻧﺘﻰ ﻧﺴﻴﺘﻲ ﺍﻧﻪ ﻛﺎﻥ ﺍﻟﻤﻔﺮﻭﺽ ﻳﺒﻘﻰ ﺍﻣﺒﺎﺭﺡ ﻭﻻ ﺍﻧﺘﻰ ﻏﻴﺮﺗﻰ ﺭأﻳﻚ ؟؟
ﺣﻨﻴﻦ : ﻻ ﻃﺒﻌﺎً ﻫﻏﻴﺮ ﺭأﻳﻲ ﻟﻴﻪ 😕
ﺣﺴﺎﻡ : ﺍﻧﺎ ﻣﻦ ﺭأﻳﻲ ﻣﺘﻌﺰﻣﻮﺵ ﺣﺪ
ﺍﻻﺏ : ﺍﺯﺍﻯ ﻳﻌﻨﻰ !! !!
ﺣﺴﺎﻡ : ﻳﻌﻨﻰ ﺍﺑﻮ ﺍﻣﻴﺮ ﻭﺍﻣه ﻭﺍﺧﻮﺍﺗﻪ ﺑﺲ ﻭﻧﻔﺲ ﺍﻻﻣﺮ ﻋﻨﺪﻧﺎ ﻣﺎﻓﻴﺶ ﺩﺍﻋﻲ ﻟﻠﺒﻬﺮﺟﻪ ﻭﻓ ﺍﻻﺧﺮ ﺑﺘﺤﺼﻞ كارثة
ﺣﻨﻴﻦ : ﺍﻧﺎ ﺭأﻳﻲ ﻣﻦ ﺭأﻱ ﺣﺴﺎﻡ .. ﻳﻤﻜﻦ ﺍﻟﺒﺴﺎﻃﺔ ﺗﻌﺪﻯ ﺍﻟﻤﻮﺿﻮﻉ ع خير 🤷
ﺍﻣﻴﺮ : تمام ﻭﺍﻧﺎ ﻣﻌﻨﺪﻳﺶ ﻣﺎﻧﻊ
ﺍﻻﺏ : ﻣﺎﺷﻲ ﺍﻟﻲ ﻳﺮﻳﺤﻜﻮﺍ .. ﻫﻨﺴﺘﻨﺎﻛﻮﺍ ﺑﺎﻟﻠﻴﻞ ﺍﻥ ﺷﺎﺀ ﺍﻟﻠﻪ
ﺍﻣﻴﺮ : ﺍﻥ ﺷﺎﺀ ﺍﻟﻠﻪ .. ﻫﻣﺸﻲ ﺍﻧﺎ ﺩﻟﻮﻗﺘﻰ ﻋﺸﺎﻥ ﻋﻨﺪﻯ ﺷﻐﻞ
( ﻳﻘﻮﻡ ﺍﻣﻴﺮ )
ﺍﻻﺏ : ﻣﻊ ﺍﻟﺴﻼﻣﺔ
( ﻳﻤﺸﻲ ﺍﻣﻴﺮ ، ﺗﺪﺧﻞ ﺣﻨﻴﻦ ﺍﻭﺿﺘﻬﺎ ﺗﻐﻴﺮ ﻫﺪﻭﻣﻬﺎ ، ﻭﻫﻰ ﺑﺘﻘﻔﻞ ﺩﻭﻻﺑﻬﺎ ﺗﺸﻮﻑ ﺍﻟﺼﻨﺪﻭﻕ ﺍﻟﻰ ﻓﻴﻪ ﻫﺪﻳﺔ ﺍﺳﻼﻡ ، ﺗﻄﻠﻊ ﺍﻟﺼﻨﺪﻭﻕ ﻭﺗﺤﻄﻪ ﻉ ﺍﻟﺴﺮﻳﺮ ﻭﺗﻘﻌﺪ ﺟﻨﺒﻪ ، ﺗﻘﻮﻡ ﺗﻘﻔﻞ ﺑﺎﺏ ﺍﻭﺿﺘﻬﺎ ﺏ ﺍﻟﻤﻔﺘﺎﺡ ﻭﺗﺮﺟﻊ ﺗﻄﻠﻊ ﺍﻟﻔﺴﺘﺎﻥ ﺍﻟﻰ ﻑ ﺍﻟﺼﻨﺪﻭﻕ ﻭﺗﻠﺒﺴﻪ ، ﺗﺒﺺ ﺣﻨﻴﻦ ﻑ ﺍﻟﺼﻨﺪﻭﻕ ﺗﻼﻗﻲ ﻭﺭﻗﺔ )
ﺍﻟﻤﻜﺘﻮﺏ : ﻫﻳﺒﻘﻰ ﺍﺟﻤﻞ ﻋﻠﻴﻜﻰ ✨
( ﺗﻘﻒ ﺣﻨﻴﻦ ﻗﺪﺍﻡ ﺍﻟﻤﺮﺍﻳﺔ ، ﺗﺴﺮﺡ ﻭﻫﻰ ﺑﺘﺒﺺ ﻑ ﺍﻟﻮﺭﻗﺔ ﻭﺗﻔﺘﻜﺮ )
*( ﻓﻼﺵ ﺑﺎﺍﺍﺍﻙ 👉 ﻣﻦ 5 ﺳﻨﻴﻦ )*
( ﺣﻨﻴﻦ ﻭﺍﺳﻼﻡ ﻣﺎﺳﻜﻴﻦ ﺍﻳﺪ ﺑﻌﺾ ﻭﻣﺎﺷﻴﻴﻦ ﻑ ﺍﻟﺸﺎﺭﻉ ، ﻳﻘﻔﻮﺍ ﻗﺪﺍﻡ ﺍﺗﻴﻠﻴﻪ فساتين ﻳﺘﻔﺮﺟﻮﺍ )
ﺣﻨﻴﻦ : ﺗﺤﻔﺔ ﺍﻟﻔﺴﺘﺎﻥ ﺩﺓ ﻣﺶ ﻛﺪﺓ 😍
ﺍﺳﻼﻡ : ﻣﺶ ﺑﻄﺎﻝ 😕
ﺣﻨﻴﻦ : ﺑﻼﺵ ﺑﻮﺍﺧﺔ ﺩﺓ ﺟﻤﻴﻞ ♥️
ﺍﺳﻼﻡ : ﻫﺎﻳﺒﻘﻰ ﺍﺟﻤﻞ ﻋﻠﻴﻜﻰ ♥️
ﺣﻨﻴﻦ : ﻟﻤﺎ ﻧﺘﺠﻮﺯ ﺍﻧﺎ ﻋﺎﻭﺯﺓ ﻓﺴﺘﺎﻥ ﺯﻳﻮﺍ 👉
ﺍﺳﻼﻡ : ﺍﻋﺘﺒﺮﻳﻪ ﺑﺘﺎﻋﻚ 🙂
*( بااااااك 👉 )*
( ﺣﻨﻴﻦ ﻭﺍﻗﻔﺔ ﻗﺪﺍﻡ ﺍﻟﻤﺮﺍﻳﺔ ﺑﺘﻌﻴﻂ ، ﻻﺑﺴﺔ ﻧﻔﺲ ﺍﻟﻔﺴﺘﺎﻥ ﺍﻟﻰ ﺷﺎﻓﺘﻪ ﻣﻊ ﺍﺳﻼﻡ ﻣﻦ 5 ﺳﻨﻴﻦ ، ﺗﺴﻨﺪ ﻉ ﺍﻟﺴﺮﻳﺮ ﻭﺗﻘﻌﺪ ﻑ ﺍﻻﺭﺽ ، ﺣﻨﻴﻦ ﻣﺎﺳﻜﺔ ﺍﻟﻮﺭﻗﺔ ﺿﻤﺎﻫﺎ ﻋﻠﻴﻬﺎ ﺏ ﺍﻳﺪﻫﺎ ﺍﻻﺗﻨﻴﻦ )
ﺣﻨﻴﻦ : ﻫﻳﺒﻘﻰ ﺍﺟﻤﻞ ﻣﻌﺎﻙ 💔
( ﺍﺳﻼﻡ ﻑ ﺍﻟﺒﻴﺖ ﻭﺍﻗﻒ ﻑ ﺍﻟﺒﻠﻜﻮﻧﺔ ، ﺻﺪﻯ ﺻﻮﺕ ﺣﻨﻴﻦ ﻑ ﺩﻣﺎﻏﻪ ﻭﻫﻰ ﺑﺘﻘﻮﻟﻪ ﺍﻧﺎ ﺑﺤﺐ ﺍﻣﻴﺮ ، ﻳﻔﺘﻜﺮ ﺍﺳﻼﻡ ﺣﻨﻴﻦ ﻭﻫﻰ ﺑﺘﻘﻮﻟﻪ ﺑﺤﺒﻚ ، ﺗﻨﺰﻝ ﺩﻣﻮﻋﻪ ، ﻳﻴﺠﻰ ﺍﻟﻠﻴﻞ ، ﺗﻠﺒﺲ ﺣﻨﻴﻦ ﻭﺗﺴﺘﻨﻰ ﺍﻣﻴﺮ ﻋﺸﺎﻥ ﻛﺘﺐ ﺍﻟﻜﺘﺎﺏ ، ﻳﻮﺻﻞ ﺍﻣﻴﺮ ﻭﻣﻌﺎﻩ ﺍﺑﻮﻩ ﻭﺍﻣﻪ ورنا ، ﻳﻮﺻﻞ ﺍﻟﻤأﺫﻭﻥ ﻭﻳﻜﺘﺒ ﺍﻟﻜﺘﺎﺏ ، ﻳﻤﺸﻲ ﺍﻟﻤﺎﺫﻭﻥ )
ﺍﺑﻮ ﺍﻣﻴﺮ : ﺑﺺ ﻳ ﺣﺞ ﺍﺣﻨﺎ ﻋﻤﻨﻠﻬﻢ ﻓﺮﺡ قبل كدة ﻭﻣﺘﻤﺶ ﻭﻟﺴﺔ شهور ﻋﺒﺎﻝ ﻣ ﻨﻔﻜﺮ ﻑ ﻓﺮﺡ ﺗﺎﻧﻰ ﻋﺸﺎﻥ ﺣﺎﻟﺔ ﺍﻟﻮﻓﺎﻩ ﺍﻟﻰ ﻋﻨﺪﻧﺎ .. ﻑ ﺍﻧﺎ ﺑﻘﻮﻝ ﺍﻟﻜﺘﺎﺏ ﺍﺗﻜﺘﺐ ﻭﻣﻤﻜﻦ ﻓﻠﻮﺱ ﻓﺮﺣﻬﻢ ﻳﺨﺪﻭﻫﺎ ﻭﻳﺴﺎﻓﺮ ﺍﻯ ﺑﻠﺪ ﺗﻌﺠﺒﻬﻢ ﻳﻘﻀﻮﺍ ﺷﻬﺮ ﺍﻟﻌﺴﻞ ﻫﻨﺎﻙ ﻭﻫﻧﺒﻘﻰ ﻧﻌﻤﻠﻬﻢ ﺣﻔﻠﺔ ﻋﺎﻧﻠﻴة .. ﺍﻳﻪ ﺭأﻳﻚ ؟
ﺍﺑﻮ ﺣﻨﻴﻦ : ﺍﻧﺖ ﺯﻱ ﻡ ﻗﻠﺖ ﺍﻟﻜﺘﺎﺏ ﺍﺗﻜﺘﺐ ﻑ ﺍﻧﺎ ﻣﺎﻟﻴﺶ ﺭأﻱ ﻑ ﺣﻮﺍﺭﺍﺕ ﺍﻻﻓﺮﺍﺡ ﻭﺍﻟﻜﻼﻡ ﺩﺓ ﺩﻯ ﺣﺎﺟﺔ ﺗﺨﺺ ﺍﻟﻮﻻﺩ ﻳﺸﻮﻓﻮﺍ ﻫﻤﺎ ﻋﺎﻭﺯﻳﻦ ﺍﻳﻪ 🤷🏻♂️
ﺍﺑﻮ ﺍﻣﻴﺮ : ﺍﻳﻪ ﺭﺍﻳﻜﻢ ؟
ﺍﻣﻴﺮ : ﺍﻧﺎ ﻣﻌﻨﺪﻳﺶ ﻣﺎﻧﻊ
( ﺣﻨﻴﻦ ﺳﺮﺣﺎﻧﺔ ﻣﺶ ﻣﻌﺎﻫﻢ )
ﺍﺑﻮ ﺍﻣﻴﺮ : ﻭﺍﻧﺘﻰ ﻳﺎ ﺣﻨﻴﻦ ؟
ﺍﻣﻴﺮ : ﺣﻨﻴﻦ !!!
ﺣﻨﻴﻦ : ﻫﻪ .. ﺍﻳﻮﺓ ؟!
ﺍﺑﻮ ﺣﻨﻴﻦ : ﺍﻳﻪ ﺭأﻳﻚ ؟
ﺣﻨﻴﻦ : ﻣﺶ ﻣﻬﻢ
ﺍﺑﻮ ﺍﻣﻴﺮ : ﻳﻌﻨﻰ ﻣﻮﺍﻓﻘﻴﻦ ﺧﻼﺹ ؟
ﺣﻨﻴﻦ ﻭﺍﻣﻴﺮ : ﺍﻩ .. ﺍﻭﻙ
ﺍﺑﻮ ﺍﻣﻴﺮ : ﺧﻼﺹ ﺍﻟﺨﻤﻴﺲ ﺍﻟﺠﺎﻯ ﺑأذﻥ ﺍﻟﻠﻪ
ﺍﺑﻮ ﺣﻨﻴﻦ : ﺍﻥ ﺷﺎﺀ ﺍﻟﻠﻪ .. ﻳﻼ ﺍﻟﻒ ﻣﺒﺮﻭﻙ
ﺣﻨﻴﻦ : ﺩﺓ ﺑﺘﺎﻉ ﺑﻌﺪ ﺑﻜﺮﺓ ؟
ﺍﻣﻴﺮ : ﺍﻩ .. ﻋﻨﺪﻙ ﺍﻯ ﻣﺎﻧﻊ ؟
ﺣﻨﻴﻦ ﻻ .. ﻣﻌﻨﺪﻳﺶ 😕
( ﻳﻮﻡ ﺍﻟﻔﺮﺡ ، ﺣﻨﻴﻦ ﺑﺘﺤﻀﺮ ﻫﺪﻭﻣﻬﺎ ﻑ ﺷﻨﻄﺔ ﻋﺸﺎﻥ ﺗﻮﺩﻳﻬﺎ بيت ﺍﻣﻴﺮ ، ﺗﺪﺧﻞ ﺍﻡ ﺣﻨﻴﻦ )
ﺍﻻﻡ : ﺟﻬﺰﺗﻰ ﻳﺎ ﻋﺮﻭﺳﺔ ؟
ﺣﻨﻴﻦ : ﺍﻩ
ﺍﻻﻡ : ﺭﺑﻨﺎ ﻳﺴﻌﺪﻙ ﻳﺎ ﺑﻨﺘﻰ ﻭﻳﺒﻌﺪ ﻋﻨﻚ ﺍﻯ ﺷﺮ
ﺣﻨﻴﻦ : ﺍﻣﻴﻦ ﻳﺎ ﺍﻣﻰ
ﺍﻻﻡ : ﻫرﻭﺡ ﺍﺟﻬﺰ ﺑﺎﻗﻲ ﺍﻟﺤﺎﺟﺔ
ﺣﻨﻴﻦ : ﺍﻭﻙ
( ﺗﻄﻠﻊ ﺍﻡ ﺣﻨﻴﻦ ﻭﻳﺪﺧﻞ ﺣﺴﺎﻡ )
ﺣﺴﺎﻡ : ﺻﺒﺎﺡ ﺍﻟﻔﻞ
ﺣﻨﻴﻦ : ﺻﺒﺎﺡ ﺍﻟﻨﻮﺭ
ﺣﺴﺎﻡ : ﺧﻼﺹ ﻫﺘﺴﻴﺒﻴﻨﺎ .. ﻫﻮﻧﺎ ﻋﻠﻴﻜﻰ ﻳﺎ ﻗﺎﺳﻴﺔ 🥺
ﺣﻨﻴﻦ : ﻫﻬﻬﻬﻪ ﻭﺍﻧﺎ ﺍﻗﺪﺭ ﺑﺮﺩﻭﺍ 😄
ﺣﺴﺎﻡ : ﻫﺭﺧﻢ ﻉ ﻣﻴﻦ ﺑﻌﺪ ﻛﺪﺓ ﻳﺎﺭﺑﻲ 🤷🏻♂️
ﺣﻨﻴﻦ : ﻛﻔﺎﻳﺔ ﻋﻠﻴﻚ ﺳﻤﺎ
ﺣﺴﺎﻡ : ﻫﻴﻴﻴﻴﻴﻴﺢ ﻣﺘﻔﻜﺮﻧﻴﺶ ﻟﺴﺔ ﻋﺎﻣﻞ ﻓﻴﻬﺎ ﻣﻘﻠﺐ
ﺣﻨﻴﻦ : ﻻ ﺑﺠﺪ ليه !!!
ﺣﺴﺎﻡ : ﻗﻄﻌﺖ ﻋﻼﻗﺘﻰ ﺑﻴﻬﺎ ﻙ ﺣﺒﻴﺒﺔ ﻭﺑﻨﺖ ﺧﺎﻟﺔ 😊
ﺣﻨﻴﻦ : ﺣﺮﺍﻡ ﻋﻠﻴﻚ ﻳﺎ ﺭﺯﻝ 🙄
ﺣﺴﺎﻡ : ﻻ ﻡ ﺍﻧﺎ ﺑﻌﺮﻑ ﺍﺻﺎﻟﺤﻬﺎ ﺑﻌﺪ ﻛﺪﺓ ﻣﺘﻘﻠﻘﻴﺶ 😄
( ﺗﻘﻔﻞ ﺣﻨﻴﻦ ﺷﻨﻄﺔ ﻫﺪﻭﻣﻬﺎ )
ﺣﻨﻴﻦ : ﺧﺪﻫﺎ ﻧﺼﻴﺤﺔ ﻣﻦ ﺍﺧﺘﻚ .. ﺍﻭﻋﻰ ﺗﻀﻴﻌﻬﺎ ﻣﻦ ﺍﻳﺪﻙ وﻣﺘﺒﻌﺪﺵ ﻋﻨﻬﺎ .. ﻭﻟﻮ ﻫﻰ ﺑﻌﺪﺕ ﺧﻠﻴﻚ ﺑﺮﺩﻭﺍ ﻣﺘﻤﺴﻚ ﺑﻴﻬﺎ .. ﻣﺶ ﻛﻞ ﺍﻟﻨﺎﺱ ﺑﺘﻌﺮﻑ ﺍﻟﻰ ﻑ ﻗﻠﻮﺑﻨﺎ ﺑﺎﻟﺬﺍﺕ ﺍﻟﻰ ﻣﺤﺘﺎﺟﻨﻬﻢ ﻳﻌﺮﻓﻮﺍ .. ﻣﺘﺘﺨﻼﺵ ﻋﻨﻬﺎ ﻣﻬﻤﺎ ﻛﺎﻥ .. ﺍﻭﻙ 🙂💔
ﺣﺴﺎﻡ : ﺍﻭﻙ 🙂♥️
( ﺗﻘﻔﻞ ﺣﻨﻴﻦ ﺩﻭﻻﺑﻬﺎ ﺑﺎﻟﻤﻔﺘﺎﺡ ﻭﺗﺎﺧﺪ ﺍﻟﻤﻔﺘﺎﺡ ﻭﺷﻨﻄﻬﺎ ﻭﺗﻨﺰﻝ ﻫﻰ ﻭﺣﺴﺎﻡ ، ﺗﺮﻛﺐ ﻋﺮﺑﻴﺘﻬﺎ ﻭﺗﺮﻭﺡ الشقة ﺍﻟﻰ ﻫﺘﺘﺠﻮﺯ ﻓﻴﻬﺎ ﺗﻮﺩﻯ ﺍﻟﺸﻨﻂ ﻭﺗﺮﺟﻊ ، ﻳﻴﺠﻰ ﺍﻟﻠﻴﻞ ، ﺗﻠﺒﺲ ﺣﻨﻴﻦ ﻓﺴﺘﺎﻥ ﺳﻬﺮﺓ ﺍﺑﻴﺾ ﻭﻣﺘﺮﺿﺎﺵ ﺗﻠﺒﺲ ﻓﺴﺘﺎﻥ ﻓﺮﺣﻬﺎ ﻭﺗﺴﺘﻨﻰ ﺍﻣﻴﺮ ، ﻳﻮﺻﻞ ﺍﻣﻴﺮ ﻳﺴﻠﻢ ﻉ ﺍﻫﻠﻬﺎ ﻭﻳﺎﺧﺪﻫﺎ ﻭﻳﻤﺸﻮﺍ ، ﻳﺮﻭﺣﻮﺍ ﺑﻴﺘﻬﻢ ، ﻳﺪﺧﻠﻮﺍ ﺍﻭﺿﺘﻬﻢ ، ﻛﻞ ﺍﻟﻮﻗﺖ ﺩﺓ ﺍﻣﻴﺮ ﻣﺒﻴﺘﻜﻠﻤﺶ ﻣﻊ ﺣﻨﻴﻦ ﻭﺣﻨﻴﻦ ﻣﺴﺘﻐﺮﺑﺔ ، ﻳﻘﻌﺪ ﺍﻣﻴﺮ ﻳﻮﻟﻊ ﺳﺠﺎﻳﺮ ﻭﻫﻮ ﻣﺶ ﺑﻴﺪﺧﻦ ﺍﺻﻼً )
ﺣﻨﻴﻦ : ﻣﺎﻟﻚ ﻳﺎ ﺍﻣﻴﺮ !!!!
( ﻳﻄﻔﻲ ﺍﻣﻴﺮ ﺍﻟﺴﺠﺎﻳﺮ ﻭﻳﻘﻒ ﻳﻘﺮﺏ ﻉ ﺣﻨﻴﻦ باين ﻉ ﺍﺧﺮﻩ ، ﺣﻨﻴﻦ ﻭﺍﻗﻔﺔ متوترة )
ﺣﻨﻴﻦ : ﻓﻲ ﺍﻳﻪ ؟!!!
ﺍﻣﻴﺮ : ﺗﻌﺮﻓﻲ ﺍﻧﺎ ﺍﺗﺠﻮﺯﺗﻚ ﻟﻴﻪ ؟
ﺣﻨﻴﻦ : ﻋﺸﺎﻥ ﺑﺘﺤﺒﻨﻲ 😕
ﺍﻣﻴﺮ : ﻻ ﻣﺶ ﻋﺸﺎﻥ ﺑﺤﺒﻚ ﻻ .. ﺍﻧﺎ ﺍﺻﻼً ﺯﻫﻘﺖ ﻣﻦ ﻛﺘﺮ ﻣ اﺴﺘﻨﻴﺘﻚ ﺣﺒﻲ ﺍﺗﺒﺨﺮ ﺧﻼﺹ 🙅🏻♂️
ﺣﻨﻴﻦ ب استغراب : ﻳﻌﻨﻰ ﺍﻧﺘﻰ ﻣﻌﺪﺗﺶ ﺑﺘﺤﺒﻨﻰ ؟!!!!!!
ﻣﻴﺮ : ﻋﺎﺭﻓﺔ ﺣﺐ ﺍﻻﻣﺘﻼﻙ .. ﺍﻫﻮ ﺍﻧﺎ ﺑﺤﺒﻚ ﺣﺐ ﺍﻣﺘﻼﻙ ﺍﻭ ﺑﻘﻴﺖ ﺏ ﻣﻌﻨﻰ ﺍﺻﺢ .. ﻋﺸﺎﻥ ﻋﻤﺮﻯ ﻡ ﻫﺳﻴﺒﻚ تبقي معاه ﺑﻌﺪ ﻛﻞ ﺩﺓ ف ﻣﻄﺮ ﺍﻧﻚ ﺗﺒﻘﻰ ﻟﻴﺎ ﺭﻏﻢ ﺍﻧﻰ ﻋﺎﺭﻑ ﺍﻧﻚ ﺑﺘﺤﺒﻴﻪ ﻫﻮ 💁🏻♂️
( ﺣﻨﻴﻦ ﺗﺘﺨﺾ ﻣﻦ ﻛﻼﻡه )
ﺣﻨﻴﻦ : ﺍﻳﻪ ﺍﻟﻰ ﺑﺘﻘﻮﻟﻪ ﺩﺓ 😦
ﺍﻣﻴﺮ ﺏ ﺯﻋﻴﻖ : ﺍﺭﺑﻊ ﺳﻨﻴﻦ ﻭﺍﻧﺎ ﻋﻤﺎﻝ ﺍﺣﺐ ﻭﺍﻓﺮﺡ ﻭﺍﺳﺘﻨﻰ ﻭﺍﺻﺒﺮ نفسي ﺑﺎﻟﻜﻼﻡ .. حتى ﺍﻳﺪﻙ ﻣﺒﻠﻤﺴﻬﺎﺵ ﻭﻑ ﺍﻻﺧﺮ ﺍﻋﺮﻑ ﺍﻧﻚ ﻛﻨﺘﻰ ﻣﻘﻀﻴﺎﻫﺎ ﻣﻌﺎﻩ .. ﻭﻣﻌﺎﻳﺎ ﺍﻧﺎ ﺍﻟﻤﺤﺘﺮﻣﺔ ﻭﺍﻻﻣﻴﺮﺓ ﻭﺍﻟﺸﻴﺨﺔ ﻣﺶ ﻛﺪﺓ 😡
ﺣﻨﻴﻦ : ﻻ ﻣﺶ ﻛﺪﺓ ﺍﻧﺎ ...........
( ﺍﻣﻴﺮ ﻳﻘﻄﻊ ﻛﻼﻡ ﺣﻨﻴﻦ ﺑﻀﺮﺑﺔ ﻗﻠﻢ ﻳﻮﻗﻌﻬﺎ ﻑ ﺍﻻﺭﺽ ، ﻳﻨﺰﻝ ﺍﻣﻴﺮ ﺟﻨﺒﻬﺎ ﻑ ﺍﻻﺭﺽ )
ﺍﻣﻴﺮ : ﺍﻯ ﺣﺎﺟﺔ ﻫﺘﻘﻮﻟﻴﻬﺎ ﻛﺪﺍﺑﺔ ﻓﻴﻬﺎ ﻣﻬﻤﺎ ﻗﻠﺘﻰ .. ﺍﻭﻋﺪﻙ ﺃﻥ ﺍﻥ ﺷﺎﺀ ﺍﻟﻠﻪ ﻣﻦ ﺑﻌﺪ ﺍﻧﻬﺎﺭﺩﺓ ﻫﺘﺸﻮﻓﻲ ﻣﻌﺎﻳﺎ ﺍﻳﺎﻡ ﺳﻮﺩﺓ ﻱ ﺣﻨﻴﻦ عشان مش انا الي يتقرطس 🙂
( ﻳﻘﻮﻡ ﺍﻣﻴﺮ ﻳﻐﻴﺮ ﻫﺪﻭﻣﻪ ﻭﻳﻨﺎﻡ ﻭﻳﺴﻴﺐ ﺣﻨﻴﻦ ﻗﺎﻋﺪﺓ ﺑﺘﻌﻴﻂ ﻣﺼﺪﻭﻣﺔ ﻭﻣﺮﻋﻮﺑﺔ ﻣﻨﻪ ، تقوم ﺗﻨﺎﻡ ﻉ ﺍﻟﻜﻨﺒﺔ ، ﻳﻄﻠﻊ ﺍﻟﺼﺒﺢ ، ﺍﺳﻼﻡ ﻳﻘﻮﻡ ﻡ ﺍﻟﻨﻮﻡ ﻳﺮﻭح ﺍﻟﻨﺎﺩﻯ ، ﻳﻘﺎﺑﻞ ﺭﻭﺍﻥ ﻫﻨﺎﻙ ، ﺗﻘﻮﻡ ﺗﺘﻤﺸﻰ ﻣﻌﺎﻩ )
ﺭﻭﺍﻥ : ﺣﻨﻴﻦ ﺍﺗﺠﻮﺯﺕ ﺍﻣﺒﺎﺭﺡ
ﺍﺳﻼﻡ : ﻋﺎﺭﻑ 😒
ﺭﻭﺍﻥ : ﺭﺑﻨﺎ ﻳﺴﻌﺪﻫﻢ
( ﺍﺳﻼﻡ ﻉ ﺍﺧﺮﻩ ﻭﻣﺶ ﺣﻤﻞ ﻛﻼﻡ )
ﺭﻭﺍﻥ : ﻋﻘﺒﺎﻟﻚ 😏
( ﻳﻤﺪ ﺍﺳﻼﻡ ﻗﺪﺍﻡ ﺭﻭﺍﻥ )
ﺭﻭﺍﻥ : ﺑﺘﺠﺮﻱ ﻛﺪﺓ ﻟﻴﻪ .. ﺍﺳﺘﻨﻰ !
( ﻳﺠﺮﻱ ﺍﺳﻼﻡ ﻣﺮﺓ ﻭﺍﺣﺪﺓ ﺑﺴﺮﻋﺔ ﺭﻫﻴﺒﺔ ﻭﻳﻔﻀﻞ ﻳﺠﺮﻱ ﻑ ﺗﺮﺍﻙ ﺍﻟﻨﺎﺩﻯ ﻟﺤﺪ ﻧﻔﺴﻪ ﻣ ﻴﺘﻘﻄﻊ ، ﻳﻘﻒ ﻳﻤﺴﻚ ﺩﻣﺎﻏﻪ ﻭﻳﻘﻌﺪ ﻑ ﺍﻻﺭﺽ ﻳﻌﻴﻂ )
ﺍﺳﻼﻡ : ﺍﺍﺍﺍﺍﻩ .. ﺍﻧﺖ ﺯﻋﻼﻥ ﻟﻴﻪ .. ﻡﻫﻰ ﺳﺎﺑﺘﻚ .. ﻣﻦ ﺯﻣﺎﻥ ﺳﻴﺒﺎﻙ ﻟﻮﺣﺪﻙ ﻭﻑ ﺣﻀﻦ ﻏﻴﺮﻙ ﺩﻟﻮﻗﺘﻰ .. ﻳﻌﻨﻰ ﺍﻧﺖ ﻣﺶ ﻓﺎﺭﻕ ﻣﻌﺎﻫﺎ ﺍﺻﻼً .. ﻣﺶ ﻓﺎﺭﻕ 😔💔
( ﻳﻘﻮﻡ ﺍﺳﻼﻡ ﻡ ﺍﻻﺭﺽ ﻭﻳﻤﺴﺢ ﺩﻣﻮﻋﻪ )
ﺍﺳﻼﻡ : ﻫﻰ ﻛﻤﺎﻥ ﻣﺶ ﻫتﻔﺮﻕ ﻣﻌﺎﻳﺎ
( ﺗﻘﻮﻡ ﺣﻨﻴﻦ ﻣ ﺍﻟﻨﻮﻡ ، ﺍﻣﻴﺮ ﻑ ﺍﻟﺤﻤﺎﻡ ، ﺗﺪﻭﺭ ﺣﻨﻴﻦ ﻉ ﻔﻮﻧﻬﺎ ﻣﺶ ﻟﻘﻴﺎﻩ ، ﻳﻄﻠﻊ ﺍﻣﻴﺮ )
ﺍﻣﻴﺮ : ﺑﺘﺪﻭﺭﻯ ﻉ ﺍﻳﻪ ؟
ﻗﺼﺔ : { ﺣﻨﻴﻦ } 🤍✨
ﺍﻟﺤﻠﻘﺔ الحادية ﻋﺸﺮ { ١١ } 👰🏻
ﺣﻨﻴﻦ : ﺗﻠﻴﻔﻮﻧﻰ 😟
ﺍﻣﻴﺮ : ﻣﺶ ﻫﺘﻼﻗﻴﻪ 🙆🏻♂️
ﺣﻨﻴﻦ : ﻳﻌﻨﻰ ﺍﻳﻪ ﻣﺶ ﻫﻼﻗﻴﻪ ؟؟!!!!
ﺍﻣﻴﺮ : ﻳﻌﻨﻰ ﻣﻦ ﺑﻌﺪ ﺍﻧﻬﺎﺭﺩﺓ ﻣﻠﻜﻴﺶ ﺗﻠﻴﻔﻮﻧﺎﺕ ﻭﻻ ﺧﺮﻭﺝ ﻣﻦ ﻫﻨﺎ ☝️
ﺣﻨﻴﻦ : ﺍﻧﺖ ﺳﺎﺟﻨﻰ ﺑﻘﺎ 🤷
ﺍﻣﻴﺮ : ﺗﻘﺮﻳﺒﺎً ﻛﺪﺓ 🤔
ﺣﻨﻴﻦ : ﻣﺎﺷﻲ
( ﺗﻔﺘﺢ ﺣﻨﻴﻦ ﺍﻟﺪﻭﻻﺏ ﺗﻄﻠﻊ ﻫﺪﻭﻣﻬﺎ ، ﻳﺮﻭﺡ ﺍﻣﻴﺮ ﻳﻤﺴﻜﻬﺎ ﻣﻦ ﺷﻌﺮﻫﺎ )
ﺍﻣﻴﺮ : ﺑﺘﻌﻤﻠﻲ ﺍﻳﻪ ؟
ﺣﻨﻴﻦ ب وجع : ﺍﺍﻩ ﺳﻴﺒﻨﻰ 😦
ﺍﻣﻴﺮ : ﻋﺎﻭﺯﺓ ﺗﻤﺸﻲ ؟
ﺣﻨﻴﻦ : ﺍﻳﻮﺓ ﻫمﺸﻲ ﻫﺭﻭﺡ ﺑﻴﺖ ﺍﻫﻠﻲ .. ﺳﻴﺐ ﺷﻌﺮﻱ ﺑﻘﺎﺍﺍﺍ
ﺍﻣﻴﺮ : ﺍﻧﺘﻰ ﺭﺟﻠﻚ ﻣﺶ ﻫﺗﻄﻠﻊ ﺑﺮﺓ ﺍﻟﻤﻜﺎﻥ ﺩﺓ .. ﻓﺎﻫﻤﺔ
ﺣﻨﻴﻦ : ﻻ ﻣﺶ ﻓﺎﻫﻤﺔ .. ﺍﻧﺎ ﺍﺗﺠﻮﺯﺗﻚ ﻋﺎﺭﻓﺔ ﺍﻧﻰ ﻫﻋﻴﺶ ﻣﻊ ﺑﻨﻰ ﺍﺩﻡ ﺑﺤﺒﻪ ﻭﺑﺤﺘﺮﻣﻪ .. ﻣﺘﻮﻗﻌﺘﺶ ﻫﻌﻴﺶ ﻣﻊ ﺣﻴﻮﺍﻥ كدة
ﺍﻣﻴﺮ : ﺣﻴﻮﺍﻥ .. ﻣﺎﺷﻲ ﺍﻧﺎ ﻫﻮﺭﻳﻜﻰ ﻋﻴﺸﺔ ﺍﻟﺤﻴﻮﺍﻧﺎﺕ ﺍﻟﻰ ﺑﺠﺪ
( ﺍﻣﻴﺮ ﻳﻤﺴﻚ ﺩﻣﺎﻍ ﺣﻨﻴﻦ ﻳﺨﺒﻄﻬﺎ ﻑ ﺍﻟﺪﻭﻻﺏ ، ﺗﻨﻜﺴﺮ ﺩﺭﻓﺔ ﺍﻟﺪﻭﻻﺏ ﻣﻦ ﻗﻮﺓ ﺍﻟﺨﺒﻄﺔ ﻭﺗﻘﻊ ﺣﻨﻴﻦ ﻑ ﺍﻻﺭﺽ ، ﻳﻨﺰﻝ ﺍﻣﻴﺮ ﻳﻜﻤﻞ ﺿﺮﺏ ﻋﻠﻴﻬﺎ ، ﺣﻨﻴﻦ ﻣﺪﺍﺭﻳﺔ ﻭﺷﻬﺎ ﻭﻫﻮ ﺑﻴﻀﺮﺑﻬﺎ ﻭﻋﻤﺎﻝ ﻳﺰﻋﻖ ﻓﻴﻬﺎ ، ﻑ ﺑﻴﺖ ﺣﻨﻴﻦ )
ﺍﻻﻡ : ﻣﺶ ﺍﻟﻤﻔﺮﻭﺽ ﻛﻨﺎ ﺭﺣﻨﺎ ﺯﻭﺭﻧﺎ ﺣﻨﻴﻦ ﺍﻧﻬﺎﺭﺩﺓ ؟
ﺍﻻﺏ : ﺳﻴﺒﻨﻬﻢ ﺑﺮﺍﺣﺘﻬﻢ
ﺣﺴﺎﻡ : ﻗﺪﻳﻢ ﺍﻭﻱ ﺠﻮ الصباحيات ﺩﺓ 🙄
ﺍﻻﻡ : ﺍﻧﺎ ﻗﻠﺒﻲ ﻭﺍﺟﻌﻨﻰ ﻣﺶ ﻋﺎﺭﻓﺔ ﻟﻴﻪ 💔
ﺍﻻﺏ : ﺍﺯﺍﻯ ﻳﻌﻨﻰ ؟!!!
ﺍﻻﻡ : ﻣﻌﺮﻓﺶ .. ﻃﺐ ﺍﺗﺼﻞ ﺑﻴﻬﺎ ؟
ﺍﻻﺏ : ﺍﺗﺼﻠﻲ
( ﺗﺘﺼﻞ ﺍﻡ ﺣﻨﻴﻦ ﺏ ﺭﻗﻢ ﺣﻨﻴﻦ ﺗﻼﻗﻴﻪ ﻣﻘﻔﻮﻝ )
ﺍﻻﻡ : ﺩﺓ ﻣﻘﻔﻮﻝ ﺍﻧﺎ ﻛﺪﺓ ﺍﺗﻮﺗﺮﺕ ﺍﻛﺘﺮ 😕
ﺣﺴﺎﻡ : ﻣﺶ ﻋﺮﺳﺎﻥ ﻳ ﺠﺪﻋﺎﻥ ﻃﺒﻴﻌﻲ ﻳﻘﻔﻠﻮﺍ ﺍﻟﻤﻮﺑﻴﻼﺕ 🤷🏻♂️
ﺍﻻﺏ : ﻫﺘﺼﻞ ﺏ ﺍﻣﻴﺮ ﻃﻴﺐ
( ﻳﺮﻥ ﻓﻮﻥ ﺍﻣﻴﺮ ، ﻳﻮﻗﻒ ﺿﺮﺏ ﻑ ﺣﻨﻴﻦ ﻭﻳﻘﻮﻡ ﻳﺮﺩ ﻉ ﺍﻟﻤﻮﺑﺎﻳﻞ )
ﺍﻣﻴﺮ : ﺍﻳﻮﺓ ﻳﺎ ﻋﻤﻰ .. ﺍﻟﺤﻤﺪﻟﻠﻪ .. ﺍﻟﻠﻪ ﻳﺒﺎﺭﻙ ﻓﻴﻚ
( ﺣﻨﻴﻦ ﻑ ﺍﻻﺭﺽ ﻭﻻ ﻋﺎﺭﻓﺔ ﺗﺘﻜﻠﻢ ﻭﻻ ﻋﺎﺭﻓﺔ ﺗﻘﻮﻡ م الوجع )
ﺍﻣﻴﺮ : ﺍﺓ ﺣﻨﻴﻦ ﻛﻮﻳﺴﺔ .. ﺍﺣﻨﺎ ﺗﻤﺎﻡ ﺍﺓ .. ﻻ ﻧﺎﻳﻤﺔ ﺍﻧﺎ ﺳﺎﻳﺒﻬﺎ ﺑﺮﺍﺣﺘﻬﺎ .. ﻣﺎﺷﻲ ﻳﺎ ﻋﻤﻰ ﺍﻟﻠﻪ ﻳﺴﻠﻤﻚ .. ﻣﻊ ﺍﻟﺴﻼﻣﺔ
( ﻳﻘﻔﻞ ﺍﻣﻴﺮ ﻣﻊ ﺍﺑﻮ ﺣﻨﻴﻦ )
ﺍﻣﻴﺮ : ﻧﺠﺪﻙ ﻣﻦ ﺍﻳﺪﻯ .. ﺩﺓ ﺍﻧﺎ ﻫﻃﻠﻊ ﻋﻴﻦ ﺍﻫﻠﻚ 😡
( ﺍﻡ ﺣﻨﻴﻦ ﻗﺎﻋﺪﺓ ﻗﻠﻘﺎﻧﺔ )
ﺍﻻﺏ : ﺍﻫﻢ ﻛﻮﻳﺴﻴﻦ ﺍﻃﻤﻨﻰ ﺑﻘﺎ
ﺍﻻﻡ : ﺍﻟﺤﻤﺪ ﻟﻠﻪ .. ﺭﺑﻨﺎ ﻳﻬﺪﻳﻬﻢ ﻝ ﺑﻌﺾ
( ﻳﻠﺒﺲ ﺍﻣﻴﺮ ﻭﻳﻤﺸﻲ ﻭﻳﻘﻔﻞ الشقة ﻉ ﺣﻨﻴﻦ ، ﺣﻨﻴﻦ ﺑﺘﺤﺎﻭﻝ ﺗﻘﻮﻡ ﻡ ﺍﻻﺭﺽ ، ﺗﺴﻨﺪ ﻉ ﺍﻟﺴﺮﻳﺮ ﻭﺗﻘﻮﻡ ﺗﺪﺧﻞ ﺍﻟﺘﻮﺍﻟﻴﺖ ﺗﻐﺴﻞ ﻭﺷﻬﺎ ﻡ ﺍﻟﺪﻡ ﻣﻄﺮﺡ ﻣ اﺘﻌﻮﺭﺕ ﻣﻦ ﺿﺮﺏ ﺍﻣﻴﺮ ، ﺗﺪﻭﺭ ﻉ ﺗﻠﻴﻔﻮﻥ ﻑ ﺍﻟﺒﻴﺖ ﺗﻼﻗﻲ ﺍﻟﺘﻠﻴﻔﻮﻥ ﺍﻻﺭﺿﻲ ، ﺗﺮﻭﺡ ﻋﺸﺎﻥ ﺗﺘﺼﻞ ﺍﻣﻴﺮ ﻓﺎﺻﻞ ﻛﻞ ﺍﻟﺘﻠﻴﻔﻮﻧﺎﺕ ، تقعد ف الارض وتنزل دموعها )
حنين : ي اسلام 😣💔
( ﻳﻴﺠﻰ ﺍﻟﻠﻴﻞ ، ﻳﻮﺻﻞ ﺍﻣﻴﺮ ﺍﻟﺒﻴﺖ ، ﺣﻨﻴﻦ ﻧﺎﻳﻤﺔ ﻉ ﺍﻟﻜﻨﺒﺔ ، ﺍﻣﻴﺮ ﻳﻐﻴﺮ ﻫﺪﻭﻣﻪ ﻭﻳﻨﺎﻡ ﻉ ﺍﻟﺴﺮﻳﺮ ، ﻳﻄﻠﻊ ﺍﻟﺼﺒﺢ ، ﺗﻘﻮﻡ ﺣﻨﻴﻦ ﻡ ﺍﻟﻨﻮﻡ ﻭﺗﺴﺘﻨﻰ ﺍﻣﻴﺮ ﻳﺼﺤﻰ ، ﻳﺼﺤﻰ ﺍﻣﻴﺮ )
ﺣﻨﻴﻦ : ﺍﻧﺎ ﻋﺎﻭﺯﺓ ﺍﻣﺸﻲ ﻣﻦ ﻫﻨﺎ
ﺍﻣﻴﺮ : ﺍﺻﻄﺒﺤﻨﺎ ﻉ ﺍﻟﺼﺒﺢ .. ﻗﻠﻨﺎ ﻣﺎﻓﻴﺶ ﺧﺮﻭﺡ ﻣﻦ ﻫﻨﺎ 🙄
( ﺗﻌﻴﻂ ﺣﻨﻴﻦ )
ﺣﻨﻴﻦ : ﺍﻧﺖ ﻣﺶ ﺷﺎﺭﻳﻨﻰ ﺍﻧﺎ ﺑﻨﻰ ﺍﺩﻣﺔ ﺣﺮﺍﻡ ﻋﻠﻴﻚ ﺍﻧﺖ ﻟﻴﻪ ﺑﺘﻌﻤﻞ ﻣﻌﺎﻳﺎ ﻛﺪﺓ 😧
ﺍﻣﻴﺮ : ﻋﺸﺎﻥ ﺍﻧﺘﻰ ﻭﺍﻃﻴﺔ ﻭﺧﺎﻳﻨﺔ ﻭﻛﺪﺍﺑﺔ
ﺣﻨﻴﻦ : ﻛﺪﺑﺖ ﻋﻠﻴﻚ ﻑ ﺍﻳﻪ .. ﻭﻓﻴﻦ ﺍﻟﺨﻴﺎﻧﺔ ﺍﻟﻰ ﺧﻨﺘﻬﺎﻟﻚ ﻭﻟﻮ ﻛﻨﺖ ﻭﺍﻃﻴﺔ ﻓﻌﻼً ﻛﺎﻥ ﺯﻣﺎﻧﻰ ﺑﻘﻴﺖ ﻣﻌﺎﻩ ﻫﻮ ﺩﻟﻮﻗﺘﻰ .. ﺍﻧﺎ ﻓﻀﻠﺘﻚ ﻋﻠﻴﻪ .. ﺍﺧﺘﺮﺗﻚ ﺍﻧﺖ 😥
ﺍﻣﻴﺮ : ﺑﻌﺪ ﺍﻳﻪ ﺍﻥ ﺷﺎﺀ ﺍﻟﻠﻪ .. ﺑﻌﺪ ﺍﻣﺎ ﻋﺮﻓﺘﻰ ﺍﻧﻰ ﺍﻧﺎ ﺍﻟﻰ ﺑﺎﻗﻴﻠﻚ ﻑ ﺍﻻﺧﺮ .. ﻭﻻ ﺍﺳﺘﻐﻠﺒﺘﻰ ﺍﻟﻔﺘﺮﺓ ﺍﻟﻰ ﺍﺗﺨﻄﺒﻨﺎ ﻓﻴﻬﺎ ﺍﻧﻚ ﺗﻀﻴﻌﻴﻬﺎ ﻉ ﺍﻟﻔﺎﺿﻲ ﻭﺍﻟﻠﻪ ﻓﻴﻜﻰ ﺍﻟﺨﻴﺮ 🤷🏻♂️
ﺣﻨﻴﻦ : ﺍﻧﺎ ﻣﺶ ﻣﺼﺪﻗﺔ ﺍﻧﻰ ﺑﻜﻠﻢ ﺍﻣﻴﺮ ﺍﻟﻰ ﺣﺒﻴﺘﻪ 💔
ﺍﻣﻴﺮ ب انفعال وهو بيقرب عليها : ﺣﺒﻴﺘﻰ ﻣﻴﻦ ﻳﺎ ﺭﻭﺡ ﺍﻣﻚ ﺍﻧﺘﻰ ﻫﺘﺸﺘﻐﻠﻲ ﺍﻫﻠﻰ 😡
( ﻳﻀﺮﺑﻬﺎ ﺑﺎﻟﻘﻠﻢ ، ﺗﺮﺩﻫﻮﻟﻮﺍ )
امير : طب تعالي بقا 😡
( ﻳﻤﺴﻜﻬﺎ يجرها من شعرها يحدفها ع السرير ويقرب عليها يبوسها غصب وهي تصرخ ، ﺗﻤﺴﻚ ﺍﻻﺑﺎچﻮﺭﺓ ﺍﻟﻰ ﺟﻨﺒﻪا وتضربه ﺑﻴﻬﺎ ﻑ ﺩﻣﺎﻏﻪ ، ﻳﻨﺰﻝ ﺍﻣﻴﺮ ﻑ ﺍﻻﺭﺽ ﻣﺎﺳﻚ ﺩﻣﺎﻏﻪ ، ﺗﻘﻮﻡ ﺣﻨﻴﻦ ﻋﺎﻭﺯﺓ ﺗﻄﻤﻦ ﻋﻠﻴﻪ ﻣﻜﻨﺶ ﻗﺼﺪﻫﺎ ﺑﺲ ﻋﺸﺎﻥ رعبها ، ﻳﺰﻋﻖ ﺍﻣﻴﺮ ﻑ ﺣﻨﻴﻦ )
ﺍﻣﻴﺮ : ﻭﺣﻴﺎﺕ ﺍﻣك ﻡ ﻫ ﺳﻴﺒﻚ 😡
( ﺗﺠﺮﻱ ﺣﻨﻴﻦ تفتح باب الشقة وتمشي ﻉ ﺗﺤﺖ ، ﺍﻣﻴﺮ ﻭﺭﺍﻫﺎ ﻟﻜﻦ ﻣﺶ ﻋﺎﺭﻑ ﻳﻤﺸﻲ ﺍﻟﺪﻡ ﻣﻐﺮﻕ ﻭﺷﻮﺍ ، ﺗنزل الشارع وﺗﻔﻀﻞ ﺗﺠﺮﻱ ﻟﺤﺪ ﻣ ﺘﻄﻠﻊ ﻉ ﺍﻟﺸﺎﺭﻉ ﺍﻟﻌﻤﻮﻣﻰ ، ﺗﺒﺪأ ﺗﻤﺸﻲ ﺑﺎﻟﺮﺍﺣﺔ ﻣﺶ ﻋﺎﺭﻓﺔ ﺗﺮﻭﺡ ﻓﻴﻦ ﻭﻻ ﻣﻴﻦ ﻫﻴﻮﺻﻠﻬﺎ ﻭﻫﻰ ﻣﺘﻌﺮﻓﺶ ﺣﺪ ﻭﻧﺎﺯﻟﺔ ﺑﺎﻟﺒﻴﺠﺎﻣﺔ ، ﺗﻤﺸﻲ ﺣﻨﻴﻦ ﺑﺘﻌﻴﻂ ﻭﻛﻞ ﺷﻮﻳﺔ ﺗﺒﺺ ﻭﺭﺍﻫﺎ ﺧﺎﻳﻔﺔ ﻟﻴﻴﺠﻰ ﺍﻣﻴﺮ ، ﻓﺠأة ﺣﺪ ﻳﻤﺴﻚ ﺍﻳﺪﻫﺎ ، ﺗﻠﻒ ﺣﻨﻴﻦ ﻣﺨﻀﻮﺿﺔ )
ﺳﻤﺎ : ﺣﻨﻴﻦ ﺍﻳﻪ ﺍﻟﻰ ﻣﻨﺰﻟﻚ ﻛﺪﺓ !!!!!!
ﺣﻨﻴﻦ : ﺳﻤﺎ ﻭﺍﻟﻨﺒﻲ ﺭﻭﺣﻴﻨﻰ 😧
ﺳﻤﺎ : ﺗﻌﺎﻟﻰ .. ﺍﺭﻛﺒﻲ
( ﺗﺮﻛﺐ ﺣﻨﻴﻦ ﻣﻊ ﺳﻤﺎ )
ﺳﻤﺎ : ﺣﺼﻞ ﺍﻳﻪ ﺍﺯﺍﻯ ﻧﺎﺯﻟﺔ ﻛﺪﺓ ﻭﻓﻴﻦ ﺟﻮﺯﻙ ؟؟
( ﺗﺤﻜيلها ﻉ ﻛﻞ ﺣﺎﺟﺔ )
ﺳﻤﺎ : ﻣﻌﻘﻮﻝ ﻛﻞ ﺩﺓ ﻳﻄﻠﻊ ﻣﻦ ﺍﻣﻴﺮ .. ﻭﻟﻴﻪ ﻃﻴﺐ !!!!
ﺣﻨﻴﻦ : ﻣﺸﻴﺖ ﻣﻨﻮﺍ ﺑﺎﻟﻌﺎﻓﻴﺔ ﻭﻣﻌﺮﻓﺶ ﺣﺼﻠﻮﺍ ﺍﻳﻪ ﻛﺎﻥ ﻏﺮﻗﺎﻥ ﻑ ﺩﻣﻪ .. ﺍﻧﺎ ﺧﺎﻳﻔﺔ ﻳﻜﻮﻥ ﺣﺼﻠﻪ ﺣﺎﺟﺔ 😟
ﺳﻤﺎ : ﻣﺘﻘﻠﻘﻴﺶ ﺍﻧﺎ ﻫﺗﺼﺮﻑ ﻑ ﺍﻟﻤﻮﺿﻮﻉ ﺩﺓ .. ﺑﺲ ﻛﺪﺓ ﺍﻧﺘﻰ ﻣﻴﻨﻔﻌﺶ ﺗﺮﻭﺣﻰ ﻋﻨﺪ ﺧﺎﻟﺘﻮا
ﺣﻨﻴﻦ : ﻟﻴﻪ ؟!!!
ﺳﻤﺎ : ﺍﻭﻝ ﻧﺎﺱ ﻫﻴﺮﻭﺡ ﻳﺸﻮﻓﻚ ﻋﻨﺪﻫﻢ ﻫﻤﺎ ﺍﻫﻠﻚ ﻭﻣﻦ ﺣﻘﻮﺍ ﻛﻤﺎﻥ ﻳﺠﺮﻙ ﻣﻦ ﺷﻌﺮﻙ ﻉ ﺑﻴﺘﻪ ﺗﺎﻧﻰ ﻻﻧﻪ ﺟﻮﺯﻙ ﻣﺤﺪﺵ ﻳﻘﺪﺭ ﻳﺘﻜﻠﻢ ﻣﻌﺎﻩ
ﺣﻨﻴﻦ : ﻃﺐ ﺍﻋﻤﻞ ﺍﻳﻪ ﺍﻧﺎ ﻫﺭﻭﺡ ﻓﻴﻦ ؟
ﺳﻤﺎ : ﻫنﺮﻭﺡ ﻋﻨﺪﻧﺎ
ﺣﻨﻴﻦ : ﻋﻨﺪﻛﻢ .. ﻻﻻ ﺑﻼﺵ ﻋﻨﺪﻛﻢ ✋
ﺳﻤﺎ : ﺍﺳﻤﻌﻰ ﺑﺲ ﻣﻘﺪﻣﻜﻴﺶ ﺣﻞ ﻏﻴﺮ ﻛﺪﺓ ﻫﻮ ﺍﺻﻼً ﻣﻴﻌﺮﻓﺶ ﻓﻴﻦ ﺑﻴﺘﻨﺎ ﻭﻣﺶ ﻫﻳﺘﻮﻗﻊ ﺍﻧﻚ ﻋﻨﺪﻧﺎ ﻭﻻ ﺍﻧﺘﻰ ﻋﺎﻭﺯﺓ ﺗﺮﺟﻌﻰ للرعب ﺩﺓ ﺗﺎﻧﻰ
ﺣﻨﻴﻦ : ﻻ ﻃﺒﻌﺎ ﻣﺶ ﻋﺎﻭﺯﺓ ﺍﺭﺟﻊ ﺑﺲ ﻣﺶ ﻋﺎﻭﺯﺓ ﺍﺩﺧﻠﻜﻢ ﻑ ﻣﺸﺎﻛﻞي
ﺳﻤﺎ : ﻭﻻ ﻣﺸﺎﻛﻞ ﻭﻻ ﺣﺎﺟﺔ ﻣﻠﻜﻴﺶ ﺍﻧﺘﻰ ﺩﻋﻮﺓ ﺑﺲ
( ﺳﻤﺎ ﺗﺘﺼﻞ ﺏ ﻳﻮﺳﻒ )
ﺳﻤﺎ : ﺍﻳﻮﺓ ﻳ ﻳﻮﺳﻒ .. ﺗﻤﺎﻡ ﺍﻟﺤﻤﺪﻟﻠﻪ ﺑﻘﻮﻟﻚ ﻛﻨﺖ ﻋﻮﺯﺍﻙ ﻑ ﻣﺸﻮﺍﺭ ﻛﺪﺓ
( ﺍﻣﻴﺮ ﻑ ﺍﻟﺒﻴﺖ ﻳﻐﺴﻞ ﺩﻣﺎﻏﻪ ﻭﻳﺮﺑﻄﻬﺎ ، ﻳﺨﺒﻂ ﺍﻟﺒﺎﺏ ، ﻳﺮﻭﺡ ﺍﻣﻴﺮ ﻳﻔﺘﺢ )
ﺍﻣﻴﺮ : ﻧﻌﻢ ؟
ﻳﻮﺳﻒ : ﻫﻰ ﺩﻯ شقة دكتور ﻋﺒﺪ ﺍﻟﻮﺍﺣﺪ ؟
ﺍﻣﻴﺮ : ﻋﺒﺪ ﺍﻟﻮﺍﺣﺪ ﻣﻴﻦ ﺍﻧﺖ ﻣﺶ ﺷﺎﻳﻒ ﻣﻜﺘﻮﺏ ﻋﻠﻴﻬﺎ ﺍﻣﻴﺮ ﻣﺤﻤﻮﺩ !!!
ﻳﻮﺳﻒ : ﺍﻩ ﻣﻌﻠﺶ ﻣﺨﺪﺗﺶ ﺑﺎﻟﻲ ﻻﻣﺆﺧﺬﺓ ﺍﻧﺎ ﺍﺳﻒ ﻣﻌﻠﺶ 😊
ﺍﻣﻴﺮ : ﺧﻼﺍﺍﺍﺍﺍﺹ 🙄
( ﻳﻘﻔﻞ ﺍﻟﺒﺎﺏ ﻑ ﻭﺵ ﻳﻮﺳﻒ ، ﻳﻤﺸﻲ ﻳﻮﺳﻒ ﻡ العمارة ﻭﻳﺘﺼﻞ ﺏ ﺳﻤﺎ ، ﺳﻤﺎ ﻉ ﺑﺎﺏ ڤﻴﻠﺘﻬﻢ ﻫﻰ ﻭﺣﻨﻴﻦ ﺩﺍﺧﻠﺔ ، ﻳﺮﻥ ﻔﻮﻧﻬﺎ ﺗﻘﻒ )
ﺳﻤﺎ : ﻋﻤﻠﺖ ﺍﻳﻪ .. ﻃﺐ ﺍﻟﺤﻤﺪﻟﻠﻪ ﻣﻴﺮﺳﻲ ﻳﺎ ﻳﻮﺳﻒ .. ﺑﺎﻯ
( ﺗﻘﻔﻞ ﺳﻤﺎ ﻣﻊ ﻳﻮﺳﻒ )
ﺣﻨﻴﻦ : ﺣﺼﻞ ﺍﻳﻪ ؟؟
ﺳﻤﺎ : ﻛﻮﻳﺲ ﻣﺘﻘﻠﻘﻴﺶ .. ﺍﻧﺎ ﻣﺴﺘﻐﺮﺑﺔ ﺍﻧﺘﻰ ﺑﻌﺪ ﻛﻞ ﺩﺓ ﻭﻟﺴﺔ ﺧﺎﻳﻔﺔ ﻋﻠﻴﻪ !!!!
ﺣﻨﻴﻦ : ﻣﺶ ﺍﻛﺘﺮ ﻣﻦ ﺧﻮﻓﻲ ﻣﻨﻪ 💔
ﺳﻤﺎ : ﻃﺐ ﻳﻼ ﻧﺪﺧﻞ
( ﺗﺪﺧﻞ ﺣﻨﻴﻦ ﻭﺳﻤﺎ ، ﺍﺳﻼﻡ ﻗﺎﻋﺪ ﻉ ﺍﻟﺴﻔﺮﺓ ﺑﻴﻔﻄﺮ ﻣﻊ ﺍﻣﻪ ﻭﺍﺑﻮﻩ ﻋﺸﺎﻥ ﻳﺮﻭﺡ ﺍﻟﺸﻐﻞ ، ﻳﺸﻮﻑ ﺣﻨﻴﻦ ﻳﺘﺨﺾ ﻭﻳﻘﻮﻡ ﻣﻦ ﻉ ﺍﻟﺴﻔﺮﺓ )
ﺍﻟﺨﺎﻟﺔ : ﻓﻲ ﺍﻳﻪ .. ﺍﻳﻪ ﺍﻟﻰ ﻋﻤﻞ ﻓﻴﻜﻲ ﻛﺪﺓ ؟؟!!!!
ﺍﺑﻮ ﺍﺳﻼﻡ : ﻓﻲ ﺍﻳﻪ ﻳﺎ ﺳﻤﺎ ؟!!
( ﺗﻘﻌﺪ ﺣﻨﻴﻦ ، ﺗﺤﻜﻰ ﺳﻤﺎ ﻉ ﺍﻟﻰ ﺣﺼﻞ )
ﺍﺑﻮ ﺍﺳﻼﻡ : ﺣﻨﻴﻦ ﻻﺯﻡ ﺗﺮﺟﻊ ﺑﻴﺘﻬﺎ
( ﺣﻨﻴﻦ ﺗﺒﺺ ﻝ ﺍﺑﻮ ﺍﺳﻼﻡ ﻣﺨﻀﻮﺿﺔ )
ﺣﻨﻴﻦ : ﻻ ﺍﻧﺎ ﻣﺶ ﻫﺭﺟﻊ ي عمو 😧
ﺍﺑﻮ ﺍﺳﻼﻡ : ﻻﺯﻡ ﺗﺮﺟﻌﻰ ﺩﺓ ﻣﻬﻤﺎ ﻋﻤﻞ ﺟﻮﺯﻙ ﺑﺮﺩﻭﺍ
( ﺗﺒﺘﺪﻯ ﺣﻨﻴﻦ ﺗﻌﻴﻂ )
ﺣﻨﻴﻦ : ﺑﺲ ﺍﻧﺎ ﻣﺴﺘﺤﻴﻞ ﺍﺭﺟﻊ ﻟﻠﻤﺮﺍﺭ ﺩﺓ ﺗﺎﻧﻰ ﻳﺎ ﻋﻤﻮ ﺍﻧﺎ ﻗﻌﺪﺕ ﻣﻌﺎﻩ ﻳﻮﻣﻴﻦ ﺑﻬﺪﻟﻨﻰ ﻣﺶ ﻫﻗﺪﺭ ﺍﺳﺘﺤﻤﻞ ﺍﻛﺘﺮ ﻣﻦ ﻛﺪﺓ 💔
( ﺍﺳﻼﻡ ﺑﺎﺻﺺ ﻝ ﺣﻨﻴﻦ ﺻﻌﺒﺎﻧﺔ ﻋﻠﻴﻪ ، ﻑ ﺑﻴﺖ ﺣﻨﻴﻦ ، ﻳﺨﺒﻂ ﺍﻟﺒﺎﺏ ، ﺗﻔﺘﺢ ﺍﻡ ﺣﻨﻴﻦ ، ﻳﺪﺧﻞ ﺍﻣﻴﺮ )
ﺍﻻﻡ : ﺍﻣﻴﺮ !!!
ﺍﻣﻴﺮ : ﻓﻴﻦ ﺣﻨﻴﻦ ؟؟
( ﻳﺪﺧﻞ ﺍﻣﻴﺮ ﻳﺪﻭﺭ ﻑ ﺍﻟﺸﻘﺔ )
ﺍﻻﺏ : ﻓﻲ ﺍﻳﻪ ﻳﺎﺑﻨﻰ ؟!!!
ﺍﻣﻴﺮ : ﺑﻘﻮﻝ ﻓﻴﻦ ﺣﻨﻴﻦ ﻣﺨﺒﻴﻨﻬﺎ ﻓﻴﻦ ؟؟
ﺣﺴﺎﻡ : ﻣﺨﺒﻴﻨﻬﺎ ﺍﺯﺍﻯ ﻳﻌﻨﻰ 😕
ﺍﻻﻡ : ﺍﻧﺘﻮﺍ ﻣﺘﺨﺎﻧﻘﻴﻦ ﻭﻻ ﺍﻳﻪ ؟
ﺍﻣﻴﺮ : ﻫﺘﻜﻮﻥ ﺭﺍﺣﺖ ﻓﻴﻦ ﻳﻌﻨﻰ !!!
ﺍﻻﺏ : ﺍﺣﻨﺎ ﺍﻟﻰ ﻧﺴﺄﻟﻚ ﺑﻨﺘﻨﺎ ﻓﻴﻦ 🤷🏻♂️
ﺍﻣﻴﺮ : ﻣﺴﻴﺮﻫﺎ ﺗﻴﻴﺠﻰ ﻭﻫﺮﺟﻌﻠﻬﺎ ☝️
( ﻳﻤﺸﻲ ﺍﻣﻴﺮ )
ﺍﻻﻡ : ﺍﻧﺎ ﻣﺶ ﻓﺎﻫﻤﺔ ﺣﺎﺟﺔ .. ﺑﻨﺘﻰ ﻓﻴﻦ ؟؟
( ﻳﻤﺴﻚ ﺍﺑﻮ ﺣﻨﻴﻦ ﺍﻟﻔﻮﻥ ﻭﻳﺘﺼﻞ ﺏ ﺣﻨﻴﻦ ﻳﻼﻗﻴﻪ ﻣﻘﻔﻮﻝ )
ﺍﺑﻮ ﺍﺳﻼﻡ : ﻱ ﺣﻨﻴﻨ ﺪﺓ ﺟﻮﺯﻙ ﻳﻌﻨﻰ ﻳﻘﺪﺭ ﻳﻄﻠﺒﻚ ﻑ ﺍﻯ ﻭﻗﺖ ﻣﻬﻤﺎ ﺭﺣﺘﻰ ﻭﺟﻴﺘﻰ ﻫﻴﺠﻴﺒﻚ ﻫﻴﺠﻴﺒﻚ .. ﺍﻟﻘﺎﻧﻮﻥ ﻳﺴﻤﺤﻠﻪ ﺏ ﻛﺪﺓ 🤷🏻♂️
ﺣﻨﻴﻦ : ﺍﻧﻬﻮا ﻗﺎﻧﻮﻥ ﺍﻟﻰ ﻳﺴﻤﺤﻠﻪ ﻳﻌﻤﻞ ﻓﻴﺎ ﻛﺪﺓ 😟
ﺍﺑﻮ ﺍﺳﻼﻡ : ﺍﻧﺘﻰ ﻋﻮﺯﺍﻩ ﻭﻻ ﻣﺶ ﻋﻮﺯﺍﻩ ﺍﻷﻭﻝ ؟
ﺣﻨﻴﻦ : ﻻ ﻃﺒﻌﺎً ﻣﺶ ﻋﻮﺯﺍﻩ ﺍﻧﺎ ﻣﺴﺘﺤﻴﻞ ﺍﻛﻤﻞ ﻣﻌﺎﻩ ﺑﻌﺪ ﻛﻞ ﺩﺓ 💔
ﺍﺑﻮ ﺍﺳﻼﻡ : ﻳﺒﻘﻰ ﻻﺯﻡ ﻧﺘﺼﻞ ﺏ ﺍﺑﻮﻛﻰ ﻧﻌﺮﻓﻪ ﺍﻟﻜﻼﻡ ﺩﺓ ﻭﻳﻴﺠﻰ ﻳﻘﻌﺪ ﻣﻌﺎﻛﻰ
ﺍﻟﺨﺎﻟﺔ : ﺍﻳﻮﺓ ﺍﻧﺎ ﻫتﺼﻞ ﺏ ﺍﻣﻚ ﺍﻗﻮﻟﻬﺎ
ﺣﻨﻴﻦ : ﻣﺎﺷﻲ ﻳﺎ ﺧﺎﻟﺘﻮﺍ
( ﺗﻘﻮﻡ ﺧﺎﻟﺔ ﺣﻨﻴﻦ ﺗﺘﺼﻞ ﺏ ﻣﺎﻣﺘﻬﺎ )
ﺳﻤﺎ : ﻗﻮﻣﻰ ﻣﻌﺎﻳﺎ ﺍﺷﻮﻓﻠﻚ ﺣﺎﺟﺔ ﺗﻠﺒﺴﻴﻬﺎ
( ﺗﻘﻮﻡ ﺣﻨﻴﻦ ﺗﻄﻠﻊ ﻣﻊ ﺳﻤﺎ ، ﺗﻘﺮﺏ ﺍﻟﺨﺎﻟﺔ )
ﺍﻟﺨﺎﻟﺔ : ﺯﻣﺎﻥ ﺍﺑﻮﻫﺎ ﻭﺍﻣﻬﺎ ﺟﺎﻳﻴﻦ
ﺍﺑﻮ ﺍﺳﻼﻡ : ﻛﻮﻳﺲ ﻫﻤﺎ ﻳﻘﺪﺭﻭﺍ ﻳﻘﻨﻌﻮﻫﺎ ﻋﻨﻨﺎ
ﺍﺳﻼﻡ : ﻳﻘﻨﻌﻮﻫﺎ ﺏ ﺍﻳﻪ 🤷🏻♂️
ﺍﺑﻮ ﺍﺳﻼﻡ : ﺍﻧﻬﺎ ﺗﺮﺟﻊ ﺑﻴﺖ ﺟﻮﺯﻫﺎ ﻭﻳﺸﻮﻓﻮﻩ ﺑﻴﻌﻤﻞ ﻣﻌﺎﻫﺎ ﻛﺪﺓ ﻟﻴﻪ !
ﺍﺳﻼﻡ : ﺗﺮﺟﻊ ﻝ ﻣﻴﻦ ﺩﺓ ﺣﻴﻮﺍﻥ
ﺍﻟﺨﺎﻟﺔ : ﻳ ﺑﻨﻰ ﺍﺣﻨﺎ ﻣﻠﻨﺎﺵ ﺩﻋﻮﺓ ﻫﻤﺎ ﻳﺘﺼﺮﻓﻮﺍ ﻣﻊ ﺑﻨﺘﻬﻢ
ﺍﺳﻼﻡ : ﺑﺲ ﺣﺮﺍﻡ ﻋﻠﻴﻨﺎ ﻧﺸﻮﻑ ﻏﻠﻂ ﻭﻧﺴﻜﺖ ﻋﻠﻴﻪ ﻛﺪﺓ 😕
ﺍﺑﻮ ﺍﺳﻼﻡ : ﻉ ﺍﻟﻌﻤﻮﻡ ﺭﺑﻨﺎ ﻳﺴﻬﻞ ﻟﻤﺎ ﺍﻫﻠﻬﺎ ﻳﻴﺠﻮﺍ ﻫﻨﺸﻮﻑ ﺭأﻳﻬﻢ ﺍﻳﻪ
ﺍﻟﺨﺎﻟﺔ : ﺍﻧﺖ ﻣﺶ ﻭﺭﺍﻙ ﺷﻐﻞ ﻳﻼ ﻗﻮﻡ ﻫﺘﺘأﺧﺮ
ﺍﺳﻼﻡ : ﺍﻭﻙ 😒
( ﻳﺮﻭﺡ ﺍﺳﻼﻡ ﺷﻐﻠﻪ ، ﻳﻴﺠﻲ ﺍﻟﻠﻴﻞ ، ﻳﻮﺻﻞ ﺍﻫﻞ ﺣﻨﻴﻦ ، ﻗﺎﻋﺪﻳﻦ ﻛﻠﻬﻢ )
ﺍﺑﻮ ﺣﻨﻴﻦ ب انفعال : ﻫﻮ ﻓﺎﻛﺮ ﺑﻨﺎﺕ ﺍﻟﻨﺎﺱ ﻟﻌﺒﺔ ﺩﺓ ﻻﺯﻡ ﻧﻮﻗﻔﻪ ﻋﻨﺪ ﺣﺪﻭﺍ 😡
ﺍﻟﺤﻠﻘﺔ الثانية ﻋﺸﺮ { ١٢ } 👰🏻
( ﺍﻡ ﺣﻨﻴﻦ ﻗﺎﻋﺪﺓ ﻭﻭﺍﺧﺪﺓ ﺣﻨﻴﻦ ﻑ ﺣﻀﻨﻬﺎ )
ﺣﻨﻴﻦ ب عياط : ﺍﻧﺎ ﻣﺶ ﻋﺎﻭﺯﺓ ﺍﺭﺟﻊ .. ﻭﺍﻟﻨﺒﻲ ﻣﺘﺮﺟﻌﻮﻧﻴﺶ ﻟﻴﻪ
ﺍﻡ ﺣﻨﻴﻦ : ﻣﺘﻘﻠﻘﻴﺶ ي حببتي ﻣﺶ ﻫﺘﺮﺟﻌﻴﻠﻪ ﺩﺓ ﺗﺎﻧﻰ 😟
ﺍﺑﻮ ﺍﺳﻼﻡ : ﻭﻫﺗﻌﻤﻠﻪ ﺍﻳﻪ ﺩﻟﻮﻗﺘﻰ ؟
ﺍﺑﻮ ﺣﻨﻴﻦ : ﻫﻴﻄﻠﻘﻬﺎ
ﺣﺴﺎﻡ : ﻭﻫﻮ ﺑﻤﻨﻈﺮﻩ ﺍﻟﻰ ﻛﺎﻥ ﺟﺎﻯ ﺑﻴﻪ ﻣﻠﻬﻮﻑ ﻋﻠﻴﻬﺎ ﺩﺓ ﻫﻳﺮﺿﻰ ﻳﻄﻠﻘﻬﺎ ؟!
ﺍﺑﻮ ﺣﻨﻴﻦ : ﻏﺼﺐ ﻋﻨﻪ ﺑﺮﺿﺎﻩ ﻫﻴﻄﻠﻘهﺎ ﺍﻧﺎ ﻣﺴﺘﺤﻴﻞ ﺍﺭﺟﻊ ﺑﻨﺘﻰ ﻟﻠﺒﻨﻰ ﺍﺩﻡ ﺩﺓ ﺗﺎﻧﻰ ☝️
ﺍﻡ ﺣﻨﻴﻦ : ﻳﻼ ﺑﻴﻨﺎ ﻧﺮﻭﺡ
ﺣﺴﺎﻡ : ﺣﻨﻴﻦ ﻣﺘﺮﻭﺣﺶ ﻣﻌﺎﻧﺎ
ﺍﻡ ﺣﻨﻴﻦ : ﻟﻴﻪ ؟!
ﺳﻤﺎ : ﺍﻳﻮﺓ ﻳﺎ ﺧﺎﻟﺘوا ﻛﺪﺓ ﻫﻴﺮﺟﻌﻬﺎ ﻻﻧه ﻫﻴﻔﻀﻞ ﻧﺎﻃﻂ ﻋﻨﺪﻛﻢ ﻛﻞ ﺷﻮﻳﺔ ﺯﻯ ﻡ ﻗﺎﻝ ﻫﻴﺮﺟﻌﻠﻬﺎ
ﺣﺴﺎﻡ : ﺳﺎﻋﺘﻬﺎ ﻣﺤﺪﺵ ﻫﻳﻘﺪﺭ ﻳﺘﻜﻠﻢ ﻣﻌﺎﻩ ﺩﻯ ﻣﺮﺍﺗﻪ .. ﻑ ﻣﻦ ﺭأﻳﻲ ﺧﻠﻴﻬﺎ ﻫﻨﺎ ﻟﺤﺪ ﺍﻟﺠﻮ ﻡ ﻳﻬﺪﻯ
ﺍﻟﺨﺎﻟﺔ : ﻃﺐ ﺧﻠﻴﻬﺎ ﺗﺒﺎﺕ ﻣﻊ ﺳﻤﺎ ﻛﺪﺓ ﻛﺪﺓ ﺍﺳﻼﻡ ﻣﺒﻴﺠﻴﺶ ﻏﻴﺮ ﻉ ﺍﻟﻨﻮﻡ ﻭﺍﺑﻮ ﺍﺳﻼﻡ ﺯﻳﻮﺍ
( ﺍﻡ ﺣﻨﻴﻦ ﺗﺒﺺ ﻝ ﺍﺑﻮ ﺣﻨﻴﻦ )
ﺍﺑﻮ ﺣﻨﻴﻦ : ﺧﻼﺹ ﻣﺎﻓﻴﺶ ﻣﺸﻜﻠﺔ ﺧﻠﻴﻬﺎ ﻣﻊ ﺑﻨﺖ ﺧﺎﻟﺘﻬﺎ ﻟﺤﺪ ﻣ ﻨﺸﻮﻑ ﺣﻞ ﻟﻠﻤﻮﺿﻮﻉ ﺩﺓ .. ﻳﻼ ﺑﻴﻨﺎ
( ﺗﻘﻮﻡ ﺍﻡ ﺣﻨﻴﻦ ﻭﺍﺧﻮا ﺣﻨﻴﻦ )
ﺍﺑﻮ ﺍﺳﻼﻡ : ﺍﻥ ﺷﺎﺀ ﺍﻟﻠﻪ ﺧﻴﺮ
ﺍﺑﻮ ﺣﻨﻴﻦ : ﺍﻥ ﺷﺎﺀ ﺍﻟﻠﻪ
ﺍﺑﻮ ﺍﺳﻼﻡ : ﻭﻣﺘﻘﻠﻘﻮﺵ ﻟﻮ ﻣﺮﺿﺎﺵ ﻳﻄﻠﻖ ﺍﻧﺎ ﻫﺗﺼﺮﻓﻠﻜﻮﺍ
ﺍﺑﻮ ﺣﻨﻴﻦ : ﺍﺯﺍﻯ ؟
ﺍﺑﻮ ﺍﺳﻼﻡ : ﻓﻲ ﺻﺪﻳﻖ ﻟﻴﺎ ﻣﻦ ﺍﻛﺒﺮ ﻣﺤﺎﻣﻴﻦ ﻣﺼﺮ ﻣﻤﻜﻦ ﺍﻗﻮﻟﻮﺍ ﻳﺮﻓﻌﻠﻜﻢ ﻗﻀﻴﺔ ﺧﻠﻊ
ﺍﻡ ﺣﻨﻴﻦ : ﻭﺍﺣﻨﺎ ﻟﺴﺔ ﻫﻧﺴتﻨﻰ ﻗﻮﺍﺿﻲ ﻭﻣﺤﺎﻛﻢ 🤦
ﺍﺑﻮ ﺍﺳﻼﻡ : ﻫﻰ ﺟﻠﺴﺔ ﻭﺍﺣﺪ ﻑ ﺍﻗﻞ ﻣﻦ ﺍﺳﺒﻮﻉ ﺗﻜﻮﻥ ﻣﻄﻠﻘﺔ ﻣﻨﻮﺍ ﺩﺓ ﺍﺫﺍ ﻳﻌﻨﻰ ﺍﻻﻣﻮﺭ ﺍﺗﻌﻘﺪﺕ 🤷🏻♂️
ﺍﺑﻮ ﺣﻨﻴﻦ : ﻛﺘﺮ ﺧﻴﺮﻙ ﻳﺎ ﺟﻤﺎﻝ ﻛﻠﻚ ﻭﺍﺟﺐ ﺍﻟﻰ ﻓﻴﻪ ﺍﻟﺨﻴﺮ ﻳﻘﺪﻣﻪ ﺭﺑﻨﺎ
ﺍﺑﻮ ﺍﺳﻼﻡ : ﻭﻧﻌﻢ ﺑﺎﻟﻠﻪ
( ﻳﻤﺸﻲ ﺍﻫﻞ ﺣﻨﻴﻦ ، ﻳﻴﺠﻰ ﺍﻟﻠﻴﻞ ، ﻳﻮﺻﻞ ﺍﺳﻼﻡ ﺍﻟﺒﻴﺖ ﻳﺪﺧﻞ ﺍﻭﺿﺘﻪ ﻳﺎﺧﺪ ﺩﺵ ﻭﻳﻠﺒﺲ ، ﺣﻨﻴﻦ ﻗﺎﻋﺪﺓ ﻑ ﺍﻭﺿﺔ ﻭﺍﻗﻔﺔ ﻑ ﺍﻟﺒﻠﻜﻮﻧﺔ ﺑﺘﻌﻴﻂ ﺻﻌﺒﺎﻥ ﻋﻠﻴﻬﺎ ﻧﻔﺴﻬﺎ ﻭﺍﻟﻰ ﺣﺼﻞ ﻓﻴﻬﺎ ، ﻳﺨﺒﻂ ﺑﺎﺏ ﺍﻭﺿﺘﻬﺎ ، ﺗﻤﺴﺢ ﺣﻨﻴﻦ ﺩﻣﻮﻋﻬﺎ )
ﺣﻨﻴﻦ : ﺍﺩﺧﻞ
( ﻳﺪﺧﻞ ﺍﺳﻼﻡ ، ﻳﻘﺮﺏ ﻉ ﺣﻨﻴﻦ ﻳﻘﻒ ﻗﺪﺍﻣﻬﺎ )
ﺍﺳﻼﻡ : ﻋﺎﻣﻠﺔ ﺍﻳﻪ ؟
ﺣﻨﻴﻦ : ﺍﻟﺤﻤﺪﻟﻠﻪ
( ﺗﻨﺰﻝ ﺩﻣﻮﻋﻬﺎ ، ﻳﻤﺴﺤﻠﻬﺎ )
ﺍﺳﻼﻡ : ﺧﻼﺹ .. ﺍﻫﺪﻯ
ﺣﻨﻴﻦ : ﻳﺎﺭﻳﺘﻨﻰ ﻣ اﺘﺠﻮﺯﺕ .. ﻳﺎﺭﻳﺘﻨﻰ 😔
ﺍﺳﻼﻡ : ﻭﺍﻧﺘﻰ ﻳﻌﻨﻰ ﻛﻨﺘﻰ ﻋﺎﺭﻓﺔ ﺍﻳﻪ ﻣﺴﺘﺨﺒﻴﻠﻚ .. ﺩﻯ ﺣﺎﺟﺔ ﻑ ﻋﻠﻢ ﺍﻟﻐﻴﺐ 😕
ﺣﻨﻴﻦ : ﻣﺶ ﺩﺓ ﺍﺑﺪﺍً الانسان ﺍﻟﻰ ﻛﻨﺖ ﺍﻋﺮﻓﻪ 💔
ﺍﺳﻼﻡ : ﻃﺐ ﻭﻫﻮ ﻋﻤﻞ ﻣﻌﺎﻛﻰ ﻛﺪﺓ ﻟﻴﻪ .. ﺍﻳﻪ ﺧﻼﻩ ﻳﻘﻠﺐ ﻋﻠﻴﻜﻰ ؟
ﺣﻨﻴﻦ : ﺍﻧﺖ
ﺍﺳﻼﻡ : ﺍﻧﺎ ؟!!!!
ﺣﻨﻴﻦ : ﻋﺮﻑ ﺍﻟﻰ ﻛﺎﻥ ﺑﻴﻨﺎ ﻭﻣﻦ ﺳﺎﻋﺔ ﻡ ﻋﺮﻑ ﻭﻫﻮ ﻣﺘﻐﻴﺮ ﻣﻌﺎﻳﺎ ﻓﻜﺮﺕ ﻟﻤﺎ ﻧﺘﺠﻮﺯ ﻳﻌﺮﻑ ﺍﻧﻰ ..........
ﺍﺳﻼﻡ : ﺑﺘﺤﺒﻴﻪ ﻫﻮ ؟
ﺣﻨﻴﻦ : ﺍيوﻩ .. ﻣﺘﻮﻗﻌﺘﺶ ﺍﻧه ﻣﻴﺼﺪﻕ ﺍﺑﻘﻰ ﻟﻴﻪ ﻋﺸﺎﻥ ﻳﻨﺘﻘﻢ ﻣﻨﻰ .. ﻣﻊ ﺍﻧﻰ ﻭﺍﻟﻠﻪ ﻭﻣﺶ ﻣﻄﺮﺓ ﺍﺣﻠﻒ ﻗﺪﺍﻣﻚ ﺍﻧﺖ ﺍﺩﺭﻯ ﺑ ﻜﻼﻣﻰ .. ﺍﻧﺎ ﻋﻤﺮﻱ ﻣ ﺨﻨﺖ ﻭﺍﻟﻠﻪ ﻋﻤﺮﻯ ﻣ ﺨﻨﺖ ﺣﺪ ﻭﻻ ﺣﺒﻴﺐ ﻭﻻ ﻗﺮﻳﺐ 😥
ﺍﺳﻼﻡ : ﻣﺼﺪﻗﻚ .. ﺑﺲ ﻋﺸﺎﻥ ﺍﻧﺎ ﺍﻋﺮﻑ ﺣﻨﻴﻦ ﻟﻜﻦ ﻫﻮ ﻣﻴﻌﺮﻓﻬﺎﺵ
ﺣﻨﻴﻦ : ﻣﺶ ﻫﻨﻜﺮ ﻭﺍﻛﺪﺏ ﺍﻧي ﺣﻨﺘﻠﻚ ﻟﻤﺎ ﺭﺟﻌﺖ .. ﻟﻜﻦ ﻭﺍﻟﻠﻪ ﻋﻤﺮﻱ ﻡ ﻓﻜﺮﺕ ﻟﺤﻈﺔ ﺍﻧﻰ ﺍﺧﻮﻧﻪ .. ﻛﻨﺖ ﺩﺍﻳﻤﺎً ﺻﺎﻳﻨﺔ ﻏﻴﺎﺑﻪ ﺍﻛﺘﺮ ﻣﻦ ﻭﺟﻮﺩﻩ ﻭﺍﻟﻠﻪ ﻳﺎ ﺍﺳﻼﻡ 😣
ﺍﺳﻼﻡ : ﻋﺎﺭﻑ
ﺣﻨﻴﻦ : ﺍﻧﺎ ﻛﺎﻧﺖ ﺣﻴﺎﺗﻰ ﻛﻮﻳﺴﺔ ﻣﻌﺮﻓﺶ ﺍﻳﻪ ﻟﻐﺒﻂ ﺍﻟﺪﻧﻴﺎ ﻛﺪﺓ !!!
ﺍﺳﻼﻡ : ﺭﺟﻮﻋﻰ ﻣﺶ ﻛﺪﺓ ؟
( ﺗﺒﺼﻠﻪ )
ﺣﻨﻴﻦ : ﻷ .. ﻣﺶ ﺭﺟﻮﻋﻚ
ﺍﺳﻼﻡ : ﺍﻭﻣﺎﻝ ﺍﻳﻪ ؟
ﺣﻨﻴﻦ : ﺭﺟﻮﻋﻰ ﺍﻧﺎ
ﺍﺳﻼﻡ : ﻣﺶ ﻓﺎﻫﻢ .. ﺭﺟﻮﻋﻚ ﻣﻨﻴﻦ ؟؟
ﺣﻨﻴﻦ : ﺍﻧﺖ ﻟﻤﺎ ﺳﺎﻓﺮﺕ ﺍﻧﺎ ﻓﻜﺮﺕ ﺍﻧﻰ ﻧﺴﻴﺖ .. ﻟﻜﻦ ﻟﻤﺎ ﺭﺟﻌﺖ ﺭﺟﻌﺖ ﻛﻞ ﺣﺎﺟﺔ ﺍﻧﻴﻞ ﻡ ﺍﻻﻭﻝ 💔
ﺍﺳﻼﻡ : ﺍﻧﻴﻞ ﺍﺯﺍﻯ ؟!!!
ﺣﻨﻴﻦ : ﺍﻛﺘﺮ
ﺍﺳﻼﻡ : ﻣﻤﻜﻦ ﺍﺳألﻚ ﺳﺆﺍﻝ ﺑﺲ ﺗﺮﺩﻯ ﺏ ﺻﺮﺍﺣﺔ ؟
ﺣﻨﻴﻦ : ﺍﺳأﻝ
ﺍﺳﻼﻡ : ﺍﻧﺘﻰ ﻭﺍﻓﻘﺘﻰ ﺗﺘﺠﻮﺯﻯ ﺍﻣﻴﺮ ﻋﺸﺎﻥ ﺑﺘﺤﺒﻴﻪ ﻓﻌﻼً ؟
( ﺗﻨﺰﻝ ﺩﻣﻮﻉ ﺣﻨﻴﻦ )
ﺣﻨﻴﻦ : ﻟﻤﺎ ﺍﻣﻴﺮ ﻃﻠﺐ ﺍﻳﺪﻱ ﻟﻠﺠﻮﺍﺯ .. ﻣﺮﻳﺖ ﺍﻧﺖ ﻣﻦ ﻗﺪﺍﻡ ﻋﻴﻨﻰ ﻑ ﻟﺤﻈﺔ ﻣﻜﻨﺘﺶ ﻣﻊ ﺍﻣﻴﺮ ﻭﻫﻮ ﺑﻴﻜﻠﻤﻨﻰ .. ﺍﻓﺘﻜﺮﺗﻚ .. ﻭﺍﻓﺘﻜﺮﺕ ﺍﻟﻴﻮﻡ ﺍﻟﻰ ﻗﺪﻣﺘﻠﻰ ﻓﻴﻪ ﺍﻟﺨﺎﺗﻢ ﻭﺍﻟﻴﻮﻡ ﺍﻟﻰ ﺑﺎﺑﺎ ﻫﺪ ﻓﻴﻪ ﺣﻴﺎﺗﻰ ﺑ ﺮﻓﻀﻚ .. ﻧﺰﻟﺖ ﺩﻣﻮﻋﻰ ﻭﻗﻠﺖ ﻋﻤﺮﻯ ﻡ ﻫﻀﻴﻊ ﻣﻦ ﺍﻳﺪﻱ ﺣﺐ ﺗﺎﻧﻰ .. ﻭﻭﺍﻓﻘﺖ ﻉ ﺍﻣﻴﺮ .. ﺍﻧﺎ ﻛﺎﻥ ﻣﻤﻜﻦ ﺍﺟﺎﺯﻑ ﻣﻌﺎﻙ ﻭﺍﺗﻜﻠﻢ ﻭﺍﺑﻘﻰ ﺍﺷﺠﻊ ﻣﻦ ﻛﺪﺓ ﺑﺲ ﺍﺯﻣﺘﻰ ﺍﻧﻰ ﺧﻔﺖ ﻭﻣﺎﻳﻨﻔﻌﺶ ﻟﻤﺎ ﻧﺤﺐ ﻧﺨﺎﻑ ﻭﺍﻧﺎ ﺧﻔﺖ 💔
ﺍﺳﻼﻡ : ﻳﻌﻨﻰ ﻣﻮﺍﻓﻘﺘﻚ ﻣﻜﻨﺘﺶ ﻋﺸﺎﻥ ﺑﺘﺤﺒﻴﻪ .. ﻛﺎﻧﺖ ﺯﻯ ﺗﻌﻮﻳﺾ ﻝ ﺣﺒﻚ ﻟﻴﺎ ﻣﺶ ﻛﺪﺓ ؟
ﺣﻨﻴﻦ : ﻣﺶ ﻋﺎﺭﻓﺔ ﺑﺲ ..........
ﺍﺳﻼﻡ : ﺣﻨﻴﻦ ﺍﻧﺘﻰ ﻫﺗﻄﻠﻘﻲ ﻣﻦ ﺍﻣﻴﺮ ﻭﻻ ﻣﻤﻜﻦ ﺗﺮﺟﻌﻴﻠﻪ ؟
ﺣﻨﻴﻦ : ﻻ ﻃﺒﻌﺎً ﻋﻤﺮﻯ ﻣ اﺮﺟﻌﻠﻪ ﺍﻧﺎ ﻫﻃﻠﻖ ﻣﻨﻪ
( ﺗﺪﺧﻞ ﺳﻤﺎ )
ﺳﻤﺎ : ﺍﺣﻢ .. ﻫﺎﺟﻰ .. ﻛﻤﺎﻥ ﺷﻮﻳﺔ 😬
ﺍﺳﻼﻡ : ﺗﻌﺎﻟﻰ ﺗﻌﺎﻟﻲ
ﺳﻤﺎ : ﻋﺎﻣﻠﻴﻦ ﺍﻳﻪ ؟
ﺣﻨﻴﻦ ﻭﺍﺳﻼﻡ : ﺍﻟﺤﻤﺪﻟﻠﻪ
ﺳﻤﺎ : ﺭﻭﺍﻥ ﺗﺤﺖ
ﺣﻨﻴﻦ : ﺭﻭﺍﻥ .. ﺍﻳﻪ ﺍﻟﻰ ﺟﺎﺑﻬﺎ ﺩﻟﻮﻗﺘﻰ ؟!!!!
ﺳﻤﺎ : ﺑﺘﻘﻮﻝ ﻓﻲ ﺣﺎﺟﺎﺕ ﻛﺎﻥ ﺍﻟﻤﻔﺮﻭﺽ ﺗﺪﻳﻬﺎ ﻝ ﺍﺳﻼﻡ ﻑ ﺍﻟﺸﺮﻛﺔ ﺑﺲ ﻋﺸﺎﻥ ﻫﻰ ﻣﺮﺍﺣﺘﺶ ﺍﻧﻬﺎﺭﺩﺓ
ﺍﺳﻼﻡ : ﺍﻳﻮﺓ ﺍﺓ ﻛﻮﻳﺲ ﺍﻧﻬﺎ ﺟﺖ .. ﻫﻧﺰﻝ ﺍﻧﺎ ﺍﺷﻮﻓﻬﺎ
ﺣﻨﻴﻦ : ﺍﻭﻙ
( ﻳﻨﺰﻝ ﺍﺳﻼﻡ ﻝ ﺭﻭﺍﻥ )
ﺍﺳﻼﻡ : ﻋﺎﻣﻠﺔ ﺍﻳﻪ ؟
ﺭﻭﺍﻥ : ﺗﻤﺎﻡ .. ﺍﻣﺴﻚ
( ﺭﻭﺍﻥ ﺗﺪﻯ ﻝ ﺍﺳﻼﻡ ﻣﻠﻔﺎﺕ )
ﺍﺳﻼﻡ : ﻡ ﻛﻨﺘﻰ ﺳﺒﺘﻴﻬﻢ ﻝ ﺑﻜﺮﺓ ﺑﺪﻝ ﻡ ﺗﻌﺒﺘﻲ ﻧﻔﺴﻚ
ﺭﻭﺍﻥ : ﻣﻌﻠﺶ ﺍﻧﻬﺎﺭﺩﺓ ﻛﻨﺖ ﺗﻌﺒﺎﻧﺔ ﺷﻮﻳﺔ ﻋﺸﺎﻥ ﻛﺪﺓ ﻣﺠﺘﺶ
ﺍﺳﻼﻡ : ﻻ ﺍﻟﻒ ﺳﻼﻣﺔ ﻋﻠﻴﻜﻰ ﻛﺎﻥ ﻋﻨﺪﻙ ﺍﻳﻪ ؟
ﺭﻭﺍﻥ : ﺷﻮﻳﺔ ﺑﺮﺩ ﺍﻧﺖ ﻋﺎﺭﻑ ﺍﻟﺠﻮ
ﺍﺳﻼﻡ : ﺍﻟﻤﻬﻢ ﺍﻧﺘﻰ ﻛﻮﻳﺴﺔ ؟
ﺭﻭﺍﻥ : ﺍﻩ ﺍﻟﺤﻤﺪ ﻟﻠﻪ .. ﺣﻨﻴﻦ ﻋﻨﺪﻛﻢ ﻣﺶ ﻛﺪﺓ ؟
ﺍﺳﻼﻡ : ﺍﺓ ﻓﻮﻕ
ﺭﻭﺍﻥ : ﻫﻰ ﻋﺎﻣﻠﺔ ﺍﻳﻪ ؟
ﺍﺳﻼﻡ : ﺍﺣﺴﻦ ﻣ ﺍﻻﻭﻝ .. ﻣ ﺘﻄﻠﻌﻠﻬﺎ
ﺭﻭﺍﻥ : ﻻ ﻣﺎﻓﻴﺶ ﺩﺍﻋﻰ ﻫﺭﻭﺡ ﻋﺸﺎﻥ ﻣﺘأﺧﺮﺵ
ﺍﺳﻼﻡ : ﻃﺐ ﺍﺳﺘﻨﻰ ﺍﺟﻴﺐ ﺍﻟﻤﻔﺎﺗﻴﺢ ﻫﻭﺻﻠﻚ
ﺭﻭﺍﻥ : ﻻ ﺍﻧﺎ ﺟﺎﻳﺔ ﻣﻊ ﻭﺍﺣﺪﺓ ﺻﺎﺣﺒﺘﻰ ﻣﺴﺘﻨﻴﺎﻧﻰ ﻑ ﺍﻟﻌﺮﺑﻴﺔ .. ﻳﻼ ﺑﺎﻱ ﺳﻠﻤﻠﻲ ﻉ ﺣﻨﻴﻦ ﻭﺳﻤﺎ
ﺍﺳﻼﻡ : ﺍﻟﻠﻪ ﻳﺴﻠﻤﻚ .. ﺑﺎﻯ
( ﺗﻤﺸﻲ ﺭﻭﺍﻥ ، ﻳﻄﻠﻊ ﺍﺳﻼﻡ ﻋﻨﺪ ﺣﻨﻴﻦ )
ﺍﺳﻼﻡ : ﺭﻭﺍﻥ ﺑﺘﺴﻠﻢ ﻋﻠﻴﻜﻮﺍ
ﺣﻨﻴﻦ ﻭﺳﻤﺎ : ﺍﻟﻠﻪ ﻳﺴﻠﻤﻬﺎ
ﺍﺳﻼﻡ : ﻳﻼ ﻗﻮﻣﻮﺍ ﺍﻟﺒﺴﻮﺍ
ﺳﻤﺎ : ﻉ ﻓﻴﻦ ؟
ﺍﺳﻼﻡ : ﻫﻋﺸﻴﻜﻮﺍ ﺑﺮﺓ ﻳﻼ ﻗﻮﻣﻮﺍ ﻗﺒﻞ ﻣ ﺎﻏﻴﺮ ﺭأيي ☝️
ﺳﻤﺎ ب فرحة : ﻳﺎﻫﻮﻭﻭﻭﻭﻭ ﻫنﺨﺮﺝ ﻻ ﺩﺓ ﻛﺪﺓ ﻫﺟﻴﺐ ﺣﻨﻴﻦ ﻋﻨﺪﻧﺎ ﻉ ﻃﻮﻝ
( ﺗﻀﺤﻚ ﺣﻨﻴﻦ )
ﺍﺳﻼﻡ : ﺑﻄﻠﻲ ﺭﻏﻲ ﻧﺺ ﺳﺎﻋﺔ ﻭﺗﻜﻮﻧﻮﺍ ﺟﺎﻫﺰﻳﻦ
( ﻳﺮﻭﺡ ﺍﺳﻼﻡ ﺍﻭﺿﺘﻪ ﻳﻠﺒﺲ ﻭﺗﻠﺒﺲ ﺳﻤﺎ ﻭﺣﻨﻴﻦ ﻭﻳﻤﺸﻮﺍ ﻳﺮﻭﺣﻮﺍ ﻣﻄﻌﻢ ﻳﺘﻌﺸﻮﺍ ﻭﻳﻬﺰﺭﻭﺍ ﻭﻳﻀﺤﻜﻮﺍ ﻭﻳﻨﺴﻮﺍ ﻛﻞ ﺣﺎﺟﺔ ، ﻭﻓﺠﺄﻩ ﻳﺪﺧﻞ ﺍﻣﻴﺮ ﺍﻟﻤﻄﻌﻢ ﻭﻳﺸﻮﻓﻬﻢ ، ﻳﻘﺮﺏ ﻋﻠﻴﻬﻢ ﻭﻭﺷﻮﺍ ﻉ ﺍﺧﺮﻩ ، ﺗﻠﻤﺤﻪ ﺣﻨﻴﻦ ﺟﺎﻯ ﻋﻠﻴﻬﻢ ﺗﺘﺨﺾ ﻭﺗﻘﻮﻡ ﺗﻘﻒ ﻭﺗﺒﺺ ﻝ ﺍﺳﻼﻡ )
ﺳﻤﺎ : ﻗﻮﻣﺘﻰ ﻟﻴﻪ ؟!!
( ﻳﻘﺮﺏ ﺍﻣﻴﺮ ﻉ ﺣﻨﻴﻦ ﻳﻤﺴﻚ ﺍﻳﺪﻫﺎ ﻭﻳﺠﺮﻫﺎ ﻗﺪﺍﻣﻪ ﺑﺮﺓ ﺍﻟﻤﻜﺎﻥ ، ﺍﺳﻼﻡ ﻗﺎﻋﺪ )
ﺳﻤﺎ : ﻳﺎ ﺍﺳﻼﻡ ﺍﻟﺤﻖ ﺍﻧﺖ ﻗﺎﻋﺪ ﻛﺪﺓ ﻟﻴﻪ 😧
( ﻳﻘﻮﻡ ﺍﺳﻼﻡ ﻳﻤﺸﻲ ﻭﺭﺍ ﺍﻣﻴﺮ ، ﻳﻄﻠﻌﻮﺍ ﻛﻠﻬﻢ ﺑﺮﺓ ﺍﻟﻤﻄﻌﻢ ، ﺣﻨﻴﻦ ﻋﻤﺎﻟﺔ ﺗﺰﻕ ﻑ ﺍﻣﻴﺮ ، ﻳﻔﺘﺢ ﺍﻣﻴﺮ ﺍﻟﻌﺮﺑﻴﺔ ﻋﺸﺎﻥ ﻳﺪﺧﻞ ﺣﻨﻴﻦ ، ﻳﻘﻔﻠﻬﺎ ﺍﺳﻼﻡ )
ﺍﻣﻴﺮ : ﺩﺓ ﺍﻳﻪ ﺩﺓ ﺍﻥ ﺷﺎﺀ ﺍﻟﻠﻪ !!!!
ﺍﺳﻼﻡ : ﻣﺶ ﻫﺘﺎﺧﺪﻫﺎ 😐
( ﺍﺳﻼﻡ ﻳﻤﺴﻚ ﺍﻳﺪ ﺣﻨﻴﻦ ﻭﻳﺸﺪﻫﺎ ﻣﻦ ﺍﻣﻴﺮ ، ﺗﺮﻭﺡ ﺣﻨﻴﻦ ﺗﻘﻒ ﻣﻊ ﺳﻤﺎ ﻉ ﺟﻨﺐ )
ﺍﻣﻴﺮ : ﺍﻧﺖ ﺍﺗﻬﺒﻠﺖ ﺩﻯ ﻣﺮﺍﺗﻰ 😡
ﺍﺳﻼﻡ : ﻭﻫﻰ ﻣﺶ ﻋﺎﻭﺯﺓ ﺗﺮﻭﺡ ﻣﻌﺎﻙ .. ﺭﻭﺡ ﺑﻘﺎ 👋
( ﻳﻤﺸﻲ ﺍﺳﻼﻡ ﺍﻣﻴﺮ ﻳﺸﺪﻭﺍ ﻭﻳﺪﻳﻠﻪ ﺑﻮﻛﺲ ، ﺗﺘﺨﺾ ﺣﻨﻴﻦ ﻭﺳﻤﺎ ﻭﻳﺼﻮﺗﻮﺍ ، ﺍﺳﻼﻡ ﻳﻀﺮﺏ ﺍﻣﻴﺮ ﻭﻳﻮﻗﻌﻪ ﻑ ﺍﻻﺭﺽ ، ﻳﺮﺟﻊ ﻳﺎﺧﺪ ﺣﻨﻴﻦ ﻭﺳﻤﺎ ﻭﻳﺮﻛﺒﻪ ﺍﻟﻌﺮﺑﻴﺔ ، ﺍﻣﻴﺮ ﻭﺍﻗﻊ ﻑ ﺍﻻﺭﺽ ﻭﻭﺷﻪ ﺑﻴﺠﻴﺐ ﺩﻡ )
ﺍﻣﻴﺮ : ﻫﺟﻴﺒﻚ ﺑﺮﺩﻭﺍ .. ﻫﺘﺮﻭﺣﻮﺍ ﻣﻨﻰ ﻓﻴﻦ ﻱ ﺣﻨﻴﻦ 😡
( ﺍﺳﻼﻡ ﺳﺎﻳﻖ ﻭﺣﻨﻴﻦ ﺟﻨﺒﻪ ﻭﺳﻤﺎ ﻭﺭﺍﻫﻢ )
ﺣﻨﻴﻦ : ﺍﻧﺖ ﻛﻮﻳﺲ ؟؟
ﺳﻤﺎ : ﻭﺷﻚ ﺗﻤﺎﻡ ﻭﻻ ﺍﻳﻪ ؟
ﺍﺳﻼﻡ : أﻧﺎ ﻛﻮﻳﺲ ﻣﺘﻘﻠﻘﻮﺵ
ﺣﻨﻴﻦ : ﺍﻧﺎ ﻓﻜﺮﺗﻜﻮﺍ ﺳﻴﺒﺘﻮﻧي 😟
ﺍﺳﻼﻡ : ﻻ ﻃﺒﻌﺎً
ﺳﻤﺎ : ﺻﺤﻴﺢ ﺍﻧﺖ ﻗﻌﺪﺕ ﻭﻻ ﺍﺗﺤﺮﻛﺖ ﻣﻦ ﻣﻜﺎﻧﻚ ﻏﻴﺮ ﻟﻤﺎ ﻗﻠﺘﻠﻚ !!!
ﺍﺳﻼﻡ : ﻋﺸﺎﻥ ﺍﻛﻴﺪ ﻛﻨﺎ ﻫﻨﺘﺨﺎﻧﻖ ﺯﻯ ﻡ ﺷﻮﻓﺘﻮﺍ ﻛﺪﺓ ﻭﺳﺎﻋﺘﻬﺎ ﺍﻟﻤﻄﻌﻢ ﻛﺎﻥ ﻫﻴﺒﻠﻎ ﻭﻟﻮ ﺟﻪ ﺍﻟﺒﻮﻟﻴﺲ ﻫﻴﺎﺧﺪﻫﺎ ﻭﻫﻮ ﺣﺎﻃﻂ ﺭﺟﻞ ﻉ ﺭﺟﻞ ﻋﺸﺎﻥ ﻣﺮﺍﺗﻮﺍ ﻛﺎﻥ ﻻﺯﻡ ﺍﺳﺘﻨﻰ ﻟﻤﺎ ﻳﺨﺮﺝ ﻣﻦ ﻏﻴﺮ ﺷﻮﺷﺮﺓ
ﺳﻤﺎ : ﻃﺐ ﻫﻮ ﻛﺪﺓ ﻋﺮﻑ ﺍﻧﻬﺎ ﻋﻨﺪﻧﺎ .. ﻫﻧﻌﻤﻞ ﺍﻳﻪ ؟
ﺣﻨﻴﻦ : ﻳﺎﺭﺑﻲ ﻳﻌﻨﻰ ﺍﻭﻟﻊ ﻑ ﻧﻔﺴﻲ ﻭﺍﺭﺗﺎﺡ 🤦🏻♀️
ﺳﻤﺎ : ﺑﺲ ﻣﺘﻘﻮﻟﻴﺶ ﻛﺪﺓ 😕
ﺍﺳﻼﻡ : ﻫنﺮﻭﺡ ﺍﻟﺸﻘﺔ ﺑﺘﺎﻋﺘﻰ
ﺣﻨﻴﻦ : ﺍﻧﺖ ﻋﻨﺪﻙ ﺷﻘﺔ ؟!!
ﺍﺳﻼﻡ : ﺍﻟﻰ ﻫﺘﺠﻮﺯ ﻓﻴﻬﺎ
ﺣﻨﻴﻦ : ﺍﻩ
ﺍﺳﻼﻡ : ﺳﻤﺎ ﺍﺗﺼﻠﻲ ﺏ ﺑﺎﺑﺎ ﻗﻮﻟﻴﻠﻮﺍ ﺍﻟﻲ ﺣﺼﻞ
ﺳﻤﺎ : ﺍﻭﻙ
( ﺳﻤﺎ ﺗﺘﺼﻞ ﺏ ﺍﺑﻮﻫﺎ ﺗﻘﻮﻟﻪ ﻭﻫﻮ ﻳﺘﺼﻞ ﺏ ﺍﺑﻮ ﺣﻨﻴﻦ ﻭﻳﻄﻤﻨﻬﻢ ، ﻳﻮﺻﻠﻮﺍ ﺷﻘﺔ ﺍﺳﻼﻡ ، ﻳﻄﻠﻌﻮﺍ ﺍﻟﺸﻘﺔ ﻣﻔﻴﻬﺎﺵ ﻏﻴﺮ ﻛﻨﺒﺔ ﻭﺑﺎﻗﻴﺘﻬﺎ ﻓﺎﺿﻴﺔ )
ﺳﻤﺎ : ﺍﻳﻪ ﻳﺎ ﻋﻢ ﺍﻟﺼﺤﺮﺍ ﺩﻱ !!!
ﺍﺳﻼﻡ : ﺍﻧﺎ ﻫﺭﻭﺡ ﺍﺟﻴﺐ ﺍﻛﻞ ﻭﻛﺪﺓ .. ﻋﺎﻭﺯﻳﻦ ﺣﺎﺟﺔ ﻣﻌﻴﻨﺔ ؟
ﺳﻤﺎ : ﺍﻧﺖ ﺗﺮﻭﺣﻨﻰ ﻭﺗﺠﻴﺐ ﺍﻻﻛﻞ ﻭﺍﻧﺖ ﺭﺍﺟﻊ
ﺣﻨﻴﻦ : ﺍﻧﺘﻰ ﻫتﻤﺸﻲ ؟؟
ﺳﻤﺎ : ﺍﻩ ﺍﻧﺎ ﻭﺭﺍﻳﺎ ﺍﻣﺘﺤﺎﻥ ﺑﻜﺮﺓ ﻻﺯﻡ ﺍﺭﻭﺡ ﺍﻟﺤﻖ ﺍﺫﺍﻛﺮﻟﻲ ﻛﻠﻤﺘﻴﻦ 🤷
ﺣﻨﻴﻦ : ﺍﻭﻙ
ﺍﺳﻼﻡ : ﻃﺐ ﺍﻣﺸﻲ ﻳﻼ ﻗﺪﺍﻣﻰ
ﺳﻤﺎ : ﺍﻧﺖ ﻫﺗﺮﺟﻊ ﺗﺒﺎﺕ ﻣﻊ ﺣﻨﻴﻦ ﻣﺶ ﻛﺪﺓ ؟
ﺣﻨﻴﻦ ﺏ ﺧﻀﺔ : ﻷ 😬
ﺍﺳﻼﻡ : ﻫﺟﻴﺐ ﺍﻻﻛﻞ ﻭﺑﻌﺪﻳﻦ ﺍﺭﻭﺡ
ﺳﻤﺎ : ﻃﻴﺐ .. ﻉ ﻓﻜﺮﺓ ﻳﺎ ﻧﻮﻧﻮ .. ﺍﻟﺸﻘﺔ ﺩﻯ ﻣﺴﻜﻮﻧﺔ 😉
ﺣﻨﻴﻦ : ﻧﻌﻢ 😳