✨الفصل الثامن✨
أدهم: ودلوقتي هنعلن عن اسم صاحب احسن تصميم وأللي هيبقي مسئول عن تسليم تصميمات المشروع بتاعت الموظفين لينا وهيبقي هو المسئول
قدامنا عن كل حاجة وكل صغيرة وكبيرة بخصوص المشروع .. وطبعًا دي مسئولية كبيرة يعني اللي هيقع عليه الاختيار لازم يكون اد المسئولية
الموظفين بتوتر: اتفضل ي أدهم بيه سامعين حضرتك
أدهم: مش معني كدة باقي التصاميم مش حلوة بالعكس كلكم تعبتوا وعملتوا حاجة حلوة وانا مقدر تعبكم دة
الموظفين: شكرًا لحضرتك ي فندم
أدهم: ودلوقتي بقي وقع الاختيار ع البشمهندسة حنان صلاح صاحبة احسن تصميم .. مبروك ي بشمهندسة
حنان بفرحة وتوتر: الله يبارك ف حضرتك ي فندم وشكرا جدا لحضرتك بجد
أدهم: حضرتك هتقدري تبقي اد المسئولية !!
حنان بارتباك: ا..اه.. إن شاء الله..ا.. اكون عند حسن ظن حضرتك
أدهم: تمام حضرتك هتابعي الموظفين وانتي المسئولة عن استلام التصاميم منهم وتسليمها لينا ومراجعتها قبل تسليمها لينا طبعا واي غلط حضرتك أللي هتتحمليه وتبقي مسئولة قدامي .. وبص لياسمينا نظرة سريعة وقال: ومش عاوز إهمال يعني اتمني حضرتك ماتكونيش مهملة لأن أي خطأ انتي أللي هتتحمليه
ياسمينا بضيق من طريقة كلامه: عن اذن حضرتك انا هروح اكمل شغلي مادام الاجتماع انتهي
أدهم باستفزاز: انا لسة ماخلصتش ي بشمهندسة ولا نهيت الاجتماع ومسمحتش لحضرتك بالخروج ومينفعش تغادري الاجتماع من غير أما آذن ليكي .. وبص لحنان وقال: وحضرتك هتبقي مع بشمهندس حازم خطوة بخطوة هو المسئول معاكي وهتروحي معاه دلوقتي عشان هو يفهمك ع كل حاجة ومش عاوز أي غلط
"وقع الكلام ع مسامع حنان كالصاعقة والتي انصدمت عندما عرفت انها سوف تعمل مع حازم الذي لاتقل صدمتها عن صدمة حازم أيضًا كيف يعملان مع بعضهما وهما لايطيقان بعضهما وقاطع شرودها هذا صوت حازم وهو يقول: واشمعنا انا وانت مش هتبقي معانا ولا ايه !!
أدهم: لا انا مش فاضي المشروع دة هيبقي مهمتك أنت بقي
حنان: طيب اقدر اعرف انا هعمل ايه وهنبدأ أمتي !!
أدهم: هتروحي دلوقتي مع بشمهندس حازم وهو هيفهمك ع كل حاجة .. اتفضلوا الاجتماع انتهي
★٭★٭★٭★٭★ صباح وحيد★٭★٭★٭★٭★
مصطفي: خلاص بقي ي ياسمينا ماتضايقيش نفسك ي حبيبتي أللي حصل حصل الحمد لله انتي اشتغلتي وتعبتي وعملتي أللي عليكي خلاص
ياسمينا: انا هتجنن فلاشة تصميمي كانت بتعمل ايه ع مكتب حنان حاجة هتنجنني .. وماشوفتش بصلي ازاي وأتكلم ازاي وكان قصده عليا انا عشان كدة كنت همشي
مصطفي: سيبك من كلامه خالص ولا يهمك وماتفكريش بقي الحمد لله وبعدين ي ستي حتي لو كنتي أنتي خدتي احسن تصميم وبقيتي أنتي المسئولة أكيد كان هيقرفك ومسئولية اكبر كمان إنما كدة انتي مرتاحة ومش شايلة هم حاجة ولا حاجة ضاعت ولا كدة يشيلك مسئوليتها ولا ايه بقي !!
ياسمينا بإبتسامة: علي رأيك والله عندك حق فعلاً والله
مصطفي بإبتسامة: المهم بقي سيبك انتي من الكلام دة كله أنتي وحشتيني .. وقوليلي بقي انتي ايه حكايتك بقي كل يوم تحلوي اكتر من اليوم أللي قبله ليه كدة
ياسمينا بكسوف: مصطفي أنت بتكسفني كدة والله ومش بعرف أرد
مصطفي: طيب بذمتك ماوحشتكيش !! وبذمتك أنتي مش شايفة نفسك بتحلوي الايام دي كل يوم اكتر من اليوم أللي قبله
ياسمينا بكسوف: لا وحشتني .. أنت أللي عيونك حلوة عشان كدة دايما بتشوفني حلوة ربنا يخليك ليا يارب
مصطفي بضحك: حتي قمر وانتي مكسوفة .. أيوة اضحكي كدة علطول مش عاوز اشوفك زعلانة تاني عشان مابيليقش ع وشك غير الضحكة وبس عشان بتنور وشك
ياسمينا: أنا قولتلك قبل كدة اني بحبك اوي !! ربنا يخليك ليا يارب ي حبيبي ويقدرني واقدر اسعدك زي مانت دايما كدة بتسعدني وتفرحني
مصطفي وهو يقبل يديها: ويخليكي ليا يارب ي حبيبتي
ياسمينا بكسوف: طب ايه بقي مش هتغدينا ولا ايه !!
مصطفي: بس كدة انتي تؤمري ثانية واحدة والغدا يكون عندك
★٭★٭★٭★٭★ صباح وحيد★٭★٭★٭★٭★
في بيت آمال
آمال: حنين ممكن اتكلم معاكي شوية !!
حنين: عاوزة تتكلمي وتقولي ايه تاني ي آمال هو بعد أللي حكتيه وعرفته لسة عندك كلام تاني عاوزة تقوليه !!
آمال: اه ي حنين لسة عندي كلام كتير ومحتاجة حد يسمعني ومش هلاقي غيرك يسمعني لأنك أختي
حنين: قولي عاوزة تقولي ايه ي آمال انا سامعاكي اهو قولي أللي عندك
آمال بتوتر: عا..ع.. عاوزة..ا..اش..
حنين: آمال اتكلمي علطول .. عاوزة ايه !!
آمال: حاضر..عاوزة ا.. اشوف..ا..أدهم
حنين: نعم !! تشوفيه ليه إن شاء الله ها !! مش مكفيكي أللي عملتيه فيه !! عاوزة منه ايه تاني !! سيبيه ف حاله بقي وانسيه
آمال ببكاء: مش قادرة .. مش قادرة أنساه ي حنين حاولت بس ماعرفتش واحشني اوي ي حنين ونفسي اشوفه .. انا بحبه اوي ي حنين ومش قادرة ع بعده عني دة
حنين: أنتي بتضحكي ع مين ي آمال عليا ولا ع نفسك !! ازاي مش قادرة تنسيه يعني !! ولو فعلاً زي مابتقولي كدة كان معاكي وبين ايديكي وانتي أللي روحتي لغيره وسيبتيه راجعة بقي دلوقتي تقولي أصل مش قادرة ع بعده ومش عارفة انساه انتي بتضحكي ع نفسك لانك لو فعلاً زي مابتقولي كدة وبتحبيه مكنتيش عملتي أللي عملتيه دة .. قوليلي ي آمال قدرتي ع بعده ازاي وانتي مع واحد غيره ها !! قدرتي تنسيه ازاي !! ماوحشكيش زي ماهو واحشك دلوقتي !!
"آمال ماعرفتش ترد عليها فسكتت"
حنين: كنت متوقعة إنك مش هتعرفي تردي لأن ماعندكيش رد ولا كلام تقوليه مش عارفة هتقولي ايه لانك انتي نفسك عارفة انك مش عاوزة ترجعيله عشان بتحبيه إنما عاوزة ترجعيله عشان اهتمامه وحبه ليكي سد خانة يعني .. لانك مش قادرة تتخيلي إن ممكن الاهتمام والحب دة كله يكون لواحدة تانية غيرك لانك انانية.. أنانية ي آمال مابتحبيش إلا نفسك وعاوزة كل حاجة لنفسك عاوزة تتحبي ويهتم بيكي إنما انتي ماتعمليش كدة عاوزة توجعي إنما ماتتوجعيش عاوزة تتحبي إنما ماتحبيش عاوزة كل حاجة لنفسك عاوزة تاخدي إنما ماتديش بطلي أنانية بقي..وانسيه بقي وسيبيه يشوف حياته بعيد عنك هو مش ليكي ومش هيكون ليكي
آمال بعصبية: بس خلاص ي حنين اسكتي انا غلطانة اني بتكلم معاكي أصلاً
حنين: زعلتي عشان قولتلك الحقيقة اللي انتي عارفاها بس مش عاوزة تشوفيها ولا تصدقيها معلش ماهي الحقيقة ساعات بتوجع وعصبيتك دي عشان انتي عارفة إن هي دي الحقيقة بس مش عاوزة تشوفيها ولا عاوزة تصدقيها وبتعملي لنفسك مبررات تبرري بيها تصرفاتك عاوزة تصدقي نفسك وبس ومش عاوزة تصدقي أي حد تاني غير نفسك عاوزة تبقي أنتي الصح وبس
آمال بعصبية: بس خلاص كفاية ي حنين كفاية مش عاوزة اسمع حاجة تاني .. أنتي مش حاسة بيا ولا بإحساسي أصلك ماجربتيش تحبي وتجربي وجع الحب وهتحسي بيا ازاي ولا تقدري احساسي وانتي عمرك ماحبيتي ولا عمر حد قالك أنه بيحبك اهو بقالك ٤ سنين ف الكلية وقربتي تتخرجي ولا واحد جيه اتقدملك ولا حد بص ف وشك ولا حد قالك أنه بيحبك فهتحسي بيا ازاي بقي وانتي ماجربتيش أصلاً !! هتعرفي احساسي ازاي وانتي عمرك مااتحبيتي من حد ولا حبيتي حد .. أنتي غيرانة مني عشان أدهم كان بيحبني واتخطبت وانا ف كلية وكان بيحبني كتير إنما انتي طول ال٤ سنين محدش بيعبرك ولا شوفنا حد جالك فعشان كدة مش عاوزاني ارجع لأدهم عشان ابقي زيك
حنين بصدمة من كلام اختها ليها وبدموع: أنا !! أنا ي آمال !! انا ي آمال أغير منك انتي !! بس فعلاً أنتي عندك حق انتي كانوا بيجروا وراكي كتير والف واحد كان نفسهم تبقي ليهم إنما أنا لحد دلوقتي محدش أُعجب بيا ولا قالي أنه بيحبني إنما انتي أللي قالك كتير بس هما فين دلوقتي ها !! بس ي آمال ليه مافكرتيش إن ممكن يكون فيه حد بيحبني بس محترم ومش عاوز يقولي لانه خايف عليا !! ليه مافكرتيش إن اكيد ف حد بس مش كل حد معجب بحد أو بيحبه لازم يروح يقوله !! ليه مافكرتيش أنهم ممكن يكونوا بيخافوا ييجوا يتكلموا معايا عشان خايفين احرجهم أو احترامي لنفسي هو أللي بيحرجهم أنهم ييجوا يتكلموا .. ليه ماتقوليش أنهم بيحترموني !! ليه مافكرتيش إن كل أللي قالولك أنهم بيحبوكي كانوا بيحبوكي فعلاً !! واهو خطيبك كان واحد منهم وفي الاخر سابك فين بقي أللي كانوا هيموتوا عليكي دلوقتي ها !! مش كانوا بيقولوا انهم بيحبوكي هما فين بقي مجوش ليه !! انا عمري مافكرت كدة ي آمال وعمري ماغيرت ولا هغير منك لأي سبب لأنك أختي واتمنالك تكوني أحسن مني بس انتي شايفاني كدة فشكرا ليكي ولكلامك .. بس ع فكرة أنا الموضوع دة مش ف دماغي ولا عمري فكرت كدة زي مابتقولي .. واه علفكرة انا مش حكاية مش عاوزاكي ماترجعيش لادهم انا بقولك كدة لأني خايفة عليكي وبكرة تعرفي معني كلامي دة أما تتأكدي أنه مش ليكي فعلاً .. وقبل مامشي بقي مش اي حد يقولك أنه بيحبك يبقي بيحبك بجد ومش معني إن محدش جالك وقالك يبقي مفيش حد بيحبك هو بس احترامك الزيادة دة بيحرجه أنه ييجي يتكلم معاكي لانه باختصار بيكون بيحترمك لدرجة أنه مابيقدرش ييجي يكلمك إنما مش حكاية محدش شايفك أو محدش معبرك .. وماتظلميش أللي حواليكي بسبب وجعك أللي انتي السبب فيه أصلاً انتي أللي عملتي الجرح دة لنفسك يبقي استحملي بقي وزي ماعملتيه لنفسك اقفليه لنفسك برضو .. "وتركتها حنين وذهبت تجلس بمفردها مبتعدة عنها وهي تبكي بشدة من كلام اختها الجارح لها فهي تنصحها من أجل خوفها عليها وليس كما قالت فأخذت تبكي بشدة بإحساس اختها لها انها لاشيء ومعايرتها لها فهي حقًا جرحتها بكلامها الجارح هذا ولم تتوقع منها هذا الكلام أبدًا "
★٭★٭★٭★٭★ صباح وحيد ★٭★٭★٭★٭★
أحمد: بقولك ايه ي حبيبتي رتبي نفسك يوم كدة انتي ومامتك عشان ننزل ننقي الشبكة بقي
ملك: طيب انت مستعجل ليه كدة خليها أما تكون فاضي اي وقت عشان ماتزنقش نفسك بس
أحمد: مستعجل ايه ي ملك الخطوبة خلاص فاضلها اسبوعين وبعدين ي ستي ماتقلقيش كرم ربنا واسع ومستورة والحمد لله
ملك: حاضر هبقي أقول ماما كدة بس ي أحمد مش لازم تجيب حاجة غالية انا أللي يفرق معايا هو أنت وبس مش حاجة تانية
أحمد وهو يقبل يديها: والشبكة دي بتبقي هدية من العريس للعروسة تقريبًا وتقدير ليها وبيعرفها مقامها عنده وانتي مقامك وغلاوتك ف قلبي اكبر من اي حاجة ف الدنيا ولو اطول اجبلك الدنيا كلها مش هتأخر
ملك بإبتسامة: ربنا يديمك ليا ويقدرني واقدر اسعدك
★٭★٭★٭★٭★ صباح وحيد★٭★٭★٭★٭★
حازم: بصي مبدئيًا كدة ماتعمليش اي حاجة ولا تتصرفي إلا أما ترجعيلي الأول ولازم أعرف بكل صغيرة وكبيرة وياريت يعني يبقي ف احترام شوية لأني أنا دلوقتي مديرك
حنان بعدم اهتمام: اوكي ماشي ف أي أوامر تانية !!
حازم: احنا طبعًا هنباشر تصاميم الموظفين بنفسنا يعني هنقعد معاهم ونشوف عندهم أفكار ايه وعاوزين يعملوا ايه وحضرتك طبعًا المسئولة عن استلام التصاميم منهم ومراجعتها وتسليمها واي حاجة ترجعيلي نشوفها كدة ومش محتاج أقولك طبعًا المشروع دة مهم عند أدهم بيه ازاي يعني لازم تكوني أد المسئولية وماتكونيش مهملة تصميم من التصاميم يضيع وتضيعي تعب الموظفين وكمان لازم تكوني حريصة وتخلي بالك تصميم من التصاميم يتسرق أو يتبعت للشركات المنافسة والحاجات دي كلها طبعًا اللي انتي عارفاها
حنان بإبتسامة: إن شاء الله اكون اد المسئولية
حازم: إن شاء الله .. ودلوقتي بقي اتفضلي ع شغلك وتيجي الصبح بدري عشان نشوف هنعمل ايه بقي ولا هنبتدي ازاي لأن تسليم تصاميم المشروع بعد شهر من دلوقتي والافتتاح بتاع المشروع الجديد بعد أما نكسبه إن شاء الله هيكون بعدها بأسبوع علطول
حنان: تمام .. عن اذنك هروح اكمل شغلي
★٭★٭★٭★٭★ صباح وحيد ★٭★٭★٭★٭★
سامية: مالك ي سوزان ي حبيبتي قاعدة لوحدك ليه كدة !!
سوزان: أبدًا ي ماما مفيش حاجة
سامية: لا مفيش حاجة ازاي !! مالك ي حبيبتي احكيلي هتخبي عني !! وجوزك مانزلش معاكم ليه انتو متخانقين ولا حاجة ي حبيبتي !!
سوزان بدموع: متخانقين !! ياريت كنا متخانقين زي مابتقولي ي ماما ماكنش دة بقي حالي .. انا تعبانة ي ماما تعبت من كتر مابحاول اضحك عشان أداري وجع جوايا تعبت من كتر مابحاول ابقي قوية بس ضعيفة تعبت ي ماما من كتر مانا شايلة الحمل لوحدي ومحدش حاسس بيا ولا باللي جوايا تعبت من كتر مانا بمثل اني كويسة وانا من جوايا متحطمة
سامية وهي تسرع لاحتضانها: أهدي بس ي حبيبتي وفهميني ايه اللي حصل عمل فيكي كدة انا مش فاهمة حاجة خالص
سوزان: شاكر ي ماما
سامية: ماله شاكر عملك حاجة أو زعلك !!
سوزان بدموع: ياريت ي ماما ياريت .. شاكر ي ماما اتجوز عليا
سامية بصدمة: نعم !! اتجوز عليكي !! حصل أمتي الكلام دة واتجوزها أمتي دي !!
سوزان بدموع: قبل أما نسافر بفترة كدة كنت ماسكة موبايله بالصدفة لقيت نمرة واحدة وأما سألته قالي دي السكرتيرة بتاعت مكتبي بتبلغني بالمواعيد وكدة المهم انا صدقته لأني بحبه وبثق فيه حتي لو جوايا احساس أنه بيكدب عليا كنت بسكت احساسي واصدقه عارفة ي ماما زي أللي عارف الحقيقة بس مش عاوز يشوفها ومتعمد مايشوفهاش مع أنه عارف إن دي الحقيقة لأنه عارف أنه لو شافها هتوجعه وانا مكنتش عاوزة اتوجع وعشان كدة أنا كنت كدة بقي كنت ببررله كل حاجة وادورله ع اي مبرر احطهوله حتي لو بالكدب وعارفة الحقيقة كنت بتعمد ماشوفهاش لأني كنت بحبه كان حبي عامي عنيا عن عيوبه وكنت عشان عاوزة أحافظ ع بيتي وعيالي وماخربش بيتي بإيدي لحد أما جاتله فرصة السفر دي وقبل أما نسافر بأسبوعين..وتنهدت ثم أكملت كلامها.. لقيته جاي بيقولي أنه هيتجوز وأنه اتفق ع كل حاجة خلاص وكتب الكتاب بكرة
#فلاش_باك
شاكر: سوزان..سوزان..
سوزان وهي تسلم عليه: أنت جيت ي حبيبي حمد لله ع السلامة ثواني والغدا يكون جاهز
شاكر وهو يشدها: لا تعالي انا عاوزك ف حاجة كدة
سوزان وهي تجلس بقلق: خير ي شاكر ف ايه !!
شاكر: خير..خير إن شاء الله..ب..بصي ب..ص..راحة..
سوزان بقلق: بصراحة ايه !! اتكلم .. شاكر اتكلم علطول انت قلقتني ف ايه !!
شاكر: بصراحة كدة انا قررت اتجوز
سوزان بصدمة وقفزت من جانبه: ت..ت..تت.ايه !! تتجوز !!
شاكر وهو يشدها يجلسها بجانبه: انا خلاص اتفقت ع كل حاجة وكتب الكتاب بكرة وطبعًا مارضتش اخبي عليكي ولا اتجوز من وراكي لأني مش بعمل حاجة غلط ولا حرام
سوزان بدموع وهي تضحك وتسقف: لا والله بجد برافو وكتر خيرك والله إنك قولتلي .. بس المفروض انا دلوقتي اعمل ايه ها !! ازغرط ولا ارقص !! ولا تكونش عاوزني احضر فرحك انا وعيالك واقولهم بصوا شوفوا ابوكم بيتجوز ع امكم اهو .. قولي عاوزني اعمل ايه ها !! عاوزني اباركلك مثلاً وافرحلك !! وبزعيق: قول عاوزني اعملك ايه ها !! المفروض اني اعمل ايه انا دلوقتي !!
شاكر: انا مش عاوزك تعملي حاجة خالص غير انك ترضي بالأمر الواقع .. وانا أما قولتلك مش عشان بستأذنك أو خايف منك لا انا قولتلك عشان ماتتفاجأيش وعشان مش خايف منك وعشان مش بعمل حاجة غلط عشان اعملها ف السر واستخبي
سوزان بضحك: هههههه ارضي بإيه !! ههههه بالأمر الواقع !! جوزي أللي حبيته وعيشت معاه جاي يقولي أنه هيتجوز وأنه اتفق ع كل حاجة خلاص وكتب الكتاب بكرة يعني معناها واخد القرار وخلاص .. أمر واقع ايه أللي ارضي بيه ها !! ع العموم أنت حر وزي مانت حر انا كمان حرة وزي مانت اختارت ازاي تعيش حياتك ومع مين انا كمان من حقي اختار اعيش حياتي بالطريقة أللي تعجبني .. طلقني ي شاكر
شاكر بضحك: ههههه اطل..ايه !! أطلقك !! ههههه.. انا مش هطلقك ي سوزان وهتعيشي معايا أنتي وعيالي ولازم ترضي بالأمر الواقع دة ولو مش عاجبك أطلقك بس مالكيش دعوة بالعيال .. يإما ترضي بالأمر الواقع وتعيشي معانا انا وعيالك يإما لو عاوزة تتطلقي أنتي حرة بس مش هتاخدي العيال ولا ليكي دعوة بيهم
سوزان: طب كويس انك لسة فاكر أنهم عيالك والله .. عيالي هاخدهم ومفيش قوة تقدر تمنعني أني اخدهم أو تمنعني عنهم حتي لو كنت أنت .. هاخدهم ولو منعتني هاخدهم بالمحكمة والقانون..وقربت من وشه وقالت: وانا بتمني مانوصلش للمرحلة دي ونقف قصاد بعض ف المحاكم عشان العيال مايشوفوش ابوهم وأمهم وهما واقفين قصاد بعض ف المحاكم ..وبصتله من فوق لتحت: وعشان كمان عاملة حساب للعيشرة أللي بينا والحب الكبير أللي بينا.. لا اللي بينا ايه بقي ..قصدي أللي كان بينا
شاكر: مش هتاخديهم ي سوزان وعيالي هيفضلوا ف حضني وأعلي مافي خيلك اركبيه .. يإما بقي ترضي بالأمر الواقع وتعيشي معانا من غير مشاكل دة لو عاوزة تبقي مع عيالك يعني وماتبعديش عنهم
سوزان: اه ارضي بالأمر الواقع .. هتطلق منك ي شاكر وهاخد عيالي يعيشوا معايا سواء بمزاجك أو غصب عنك هاخدهم وبالقانون .. وهربيهم تربية كويسة بعيد عنك عشان مايطلعوش زيك
شاكر وصفعها ع وجهها بقوة: اخرسي ي حيوانة ي قليلة الرباية انا احسن منك وعيالي معايا وابقي وريني هتاخديهم ازاي .. وطلاق مش مطلق عشان ترتاحي وهتعيشي معانا غصب عنك وترضي بالأمر الواقع .. عاجبك عاجبك مش عاجبك اتفلقي ووريني تقدري تعملي ايه
سوزان بصدمة وبكاء: بتضربني !! بتضربني انا ي شاكر !! دة انت عمرك ماعملتها .. وحياة عيالي لأدفعك تمن أللي عملته دة غالي اوي ولأندمك ع اللي عملته دة واخليك تندم ندم عمرك انك تمد ايدك عليا
شاكر: ابقي وريني تقدري تعملي ايه وأعلي مافي خيلك اركبيه.. "وذهب وتركها تبكي بشدة من شدة الألم الذي تشعر به ف قلبها أهذا هو حبيبها !! أهذا هو حب عمرها !! أهذا هو زوجها الذي اختارته من وسط الرجال جميعهم !! أهذا هو زوجها الذي ضحت بالدنيا كلها من أجله وعاشت معه كثيرًا ف حب وسعادة !! " فأخذت تحدث نفسها قائلة باكية: ليه دايما الضربة أما بتجيلنا بتجيلنا من أقرب الناس لينا ليه دايما بتيجي من اكتر ناس بنحبها ليه بتكون من الناس أللي عمرنا ماتوقعنا منهم الأذي ولا جيه ف بالنا أنهم يأذونا ليه دايما بتيجي من أقرب شخص لقلبي واكتر واحد انا حبيته ف حياتي .. ليه ي شاكر كدة كنت عملتلك ايه عشان تعمل كل دة فيا !! بس هقول ايه ربنا يسامحك لأني أنا مش هقدر اسامحك ع كسرة قلبي .. وأخذت تبكي بشدة دون توقف من صدمتها بزوجها وحب عمرها .. هل هذا هو الحب !! هل هذا الجرح والألم هو الحب !! هل كل هذه التضحية من أجل هذا الحب !! هل يستحق هذا الحب كل هذه التضحية !! وإن كان هذا حب فأي حب من هذا النوع !! "
#باك
سامية وهي تبكي وتحتضن ابنتها: كل دة جواكي ي سوزان وساكتة ومش بتتكلمي ولا بتحكي حاجة .. دة زبالة مايستاهلش دمعة واحدة من عيونك ي حبيبتي تنزل عليه ولا يستاهلك ولا يستاهل انك تزعلي عليه
سوزان ببكاء: ولو قعدت سنين كمان مكنتش هحكي حاجة بس كنت تعبت ي ماما كنت تعبت ومش قادرة أشيل الحمل لوحدي خلاص فكان لازم اتكلم لو كنت اقدر اسكت كنت سكتت وماتكلمتش بس انا موجوعة من جوايا ووجعي مالوش علاج
سامية: أهدي ي حبيبتي ماتعمليش ف نفسك كدة دة مايستاهلكيش ولا يستاهل دمعة واحدة من عينك تنزل عليه .. قومي ارتاحي دلوقتي ونكمل كلامنا بليل تكوني هديتي وارتاحتي
سوزان: راحة !! انا نسيت طعم الراحة ي ماما نسيت يعني ايه راحة .. انا الوجع مش ف جسمي عشان ارتاح ي ماما ولا انام ساعتين واصحي ابقي كويسة لا انا الوجع أللي جوايا اكبر من كدة بكتير مالوش علاج وجع واحدة اتخدعت واتصدمت ف جوزها بعد عيشرة سنين ومش بس جوزها حب عمرها وحياتها وأللي ياما ضحت عشانه واستحملت معاه كتير .. وجع واحدة مضروبة ف قلبها بسيخ والجرح عمال بينزف ومش عارفة توقفه والسبب ف الجرح هو أقرب انسان ليها بدل مايوقف النزيف ويقفل الجرح لا بيكمل وبيخليه ينزف اكتر وبيفتح ف الجرح اكتر بضوافره لحد اما بقي جرح كبير مابيتقفلش خلاص .. عندك علاج ليا بقي ي ماما !! وأخذت تبكي بشدة ف حضن والدتها التي تبكي هي الأخري ع الحالة التي أصبحت ابنتها بها ولا تستطيع لها فعل شيء.. "هل كل هذا الوجع والألم بسبب الحب فأي حب من هذا النوع الذي به كل هذا الوجع !! "
★٭★٭★٭★٭★ صباح وحيد ★٭★٭★٭★٭★
ملك: ازيك ي ماما
سهير: ازيك ي حبيبتي حمد لله ع السلامة .. عقبال أما تغيري هدومك وتصلي كدة اكون جهزتلك الغدا
ملك: تعالي بس ي ماما وسيبك من الغدا انا عاوزاكي ف موضوع كدة
سهير: خير ف حاجة !! اوعي تكوني اتخانقتي انتي وأحمد !!
ملك بضحك: لالالا ي ماما ماتخنقناش انا عاوزاكي ف حاجة تانية
سهير: اومال ايه !! قلقتيني .. اتكلمي علطول ي ملك وقولي ف ايه
ملك: حاضر ي ماما ماتقلقيش اوي كدة بس .. احمد كان عاوزنا نرتب نفسنا يوم نكون فاضيين فيه كدة عشان ننقي الشبكة وقالي اقولك عشان نحدد يوم
سهير بإبتسامة: كبرتي ي ملك وهتتخطبي خلاص وهتتجوزي وأحضر فرحك .. شوفي أنتي فاضية أمتي ي حبيبتي وننزل
ملك: مهما كبرت ي ماما هفضل طفلة محتاجة لحضنك وأول أما اجي ف حضنك بحس اني لسة طفلة محتاجة ليكي ربنا يخليكي ليا يارب ي ماما
سهير بدموع: ويخليكي ليا يارب ي حبيبتي وافرح بيكي واطمن عليكي ف بيتك مع جوزك واشيل عيالك
ملك وهي تمسح دموعها: دموعك دي أغلي من حياتي ومحبش اشوفها ع وشك هي الضحكة وبس أللي اشوفها ع وشك
سهير: دي دموع الفرح ي حبيبتي .. المهم ايه رأيك ننزل يوم الجمعة يوم اجازتكم
ملك: حلو يوم الجمعة هبقي اكلم احمد واقوله بقي
سهير: ربنا يتمملكم بخير يارب ي حبيبتي
★٭★٭★٭★٭★ صباح وحيد ★٭★٭★٭★٭★
آمال: حنين انتي لسة زعلانة مني !! مقصدش ازعلك
حنين من غير أما تبصلها: لا خالص وازعل منك ليه !! هو انتي قولتي ولا عملتي حاجة تزعل !! انتي بس مجرد انك قولتي إن مفيش حد شايفني ولا بص ف وشي وإني غيرانة منك وعاوزاكي تبقي قاعدة زيي ومعني كلامك أني بايرة ومش حلوة عشان حد يفكر أنه يبصلي صح !! بس أنا تقريبا لسة هتم ال٢٢ سنة يعني لسة صغيرة ماكبرتش أوي .. والنصيب كدة كدة جاي جاي يعني استعجل عليه ليه بقي !!
آمال: حنين انا جاية اصالحك مش جاية نتخانق فياريت بلاش طريقتك دي معايا
حنين وقامت وقفت قدامها: وانا مارضلكيش إنك تتعاملي مع واحدة أنتي حاسة أنها بتغير منك ومارضالكيش برضو انك تتعاملي مع واحدة بايرة محدش بيبصلها
آمال: حنين انا غلطت ومقصدش ازعلك سامحيني بقي انتي اختي واتمني تكوني أحسن مني وبعدين ايه الكلام أللي بتقوليه دة انتي قمر ي حبيبتي وألف مين يتمناكي
حنين: الكلام أللي بقوله دة هو كلامك أللي انتي قولتهولي من شوية تقريبًا .. وتركتها وقبل أن تخرج وقفت فجأة ثم قالت: اه نسيت اقولك ي آمال إن ف 5 متكلمين عليا وعاوزين ييجوا يقابلوا بابا وقالوا لصحابي يقولولي لأنهم مكسوفين يتكلموا معايا عشان خايفين عليا من كلام الناس ونظرتهم وع سمعتي وقاللهم كمان احترامها لنفسها هو اللي مخلينا مش قادرين نقربلها فقرروا يقولوا لصحابي يقولولي اقعد معاهم يتفقوا معايا ييجوا يقابلوا بابا واحددلهم معاه ميعاد .. وعاوزين ميعاد بعد التخرج عشان مايعطلونيش عن مذاكرتي وعن دراستي .. ماتوقعتش ألاقي حد يحبني اوي كدة بصراحة ويخاف عليا للدرجة دي .. وتركتها وذهبت دون أن تسمع منها شيء
★٭★٭★٭★٭★ صباح وحيد ★٭★٭★٭★٭★
ودق الجرس يعلن عن موعد انتهاء العمل
حنان خارجة من باب الشركة قابلها حازم بعربيته وهو بينده عليها
حنان: افندم ي بشمهندس حضرتك ندهت عليا !!
حازم: اه تعالي اركبي اوصلك
حنان بارتباك: لا شكرا لحضرتك انا هروح زي مابروح كل يوم لوحدي
حازم: ي بنتي اركبي اخلصي هوصلك مش هاكلك ماتقلقيش
"حنان ركبت معاه وفضلت قاعدة ساكتة مابتتكلمش وقطع هذا الصمت حازم وهو يقول:"
حازم: قاعدة ساكتة ليه !!
حنان: هتكلم أقول ايه !!
حازم: اكيد يعني مش هخمن عنوان بيتك لوحدي مش مكشوف عني الحجاب انا .. ولا هفضل ماشي كدة وخلاص
حنان: العنوان ...........
حازم: تمام .. انا بعتذرلك ع المواقف أللي حصلت مني وكلامي أللي قولته
حنان: ولا يهمك حصل خير .. وانا نسيت مش فاكرة حاجة أصلاً
حازم: احنا وصلنا أهو .. بيتك قريب من الشغل يعتبر مش بعيد اوي يعني .. يعني ماشوفكيش جاية متأخرة بيتك قريب ومالكيش حجج
حنان بإبتسامة: إن شاء الله .. شكرًا تعبتك .. تعالي اتفضل
حازم: لا العفو ع ايه دة الواجب ومفيش تعب ولا حاجة .. ربنا يخليكي مرة تانية إن شاء الله
حنان: شكرًا ليك .. مع السلامة
حازم: سلام .. ومش عاوز تأخير بكرة ورانا شغل كتير
حنان: إن شاء الله مش هتأخر
★٭★٭★٭★٭★ صباح وحيد ★٭★٭★٭★٭★
سامية: سوزان .. سوزان حبيبتي .. اصحي يلا ي حبيبتي
سوزان وهي تنهض: نعم ي ماما ف حاجة ولا ايه !! الولاد كويسين !!
سامية: اهدي ي حبيبتي الولاد بخير ماتقلقيش وقاعدين مع صافي تحت وبيلعبوا .. قومي يلا عشان تتعشي معانا ومع اخواتك
سوزان باطمئنان: الحمد لله .. حاضر ي ماما هصلي كدة وانزل وراكي علطول
سامية: تقبل الله ي حبيبتي .. مستنياكي تحت عشان نتعشي كلنا مع بعض .. "وخرجت سامية وتركتها لتنهض"
"ونهضت سوزان بعد أن تركتها والدتها وذهبت ودخلت إلي حمامها لكي تتوضأ وتؤدي فرضها ولكنها عندما دخلت نظرت للمرآة الموجودة في الحمام لتنظر إلي وجهها العابث الباهت وإلي تلك المرحلة التي وصلت إليها باكية وهي تحدث نفسها قائلة: ايه الحالة أللي انا بقيت فيها دي !! بقي انا زعلانة ومقطعة نفسي عليه وهو ولا ع باله وعايش حياته ومبسوط مع مراته الجديدة لا لازم ارجع سوزان القوية فوقي بقي ولازم ترجعي اقوي من الاول عشان خاطر عيالك حتي .. مكنتش أتمني اننا نوصل للمرحلة دي ي شاكر ماتوقعتش منك تعمل فيا اللي عملته دة كله ماتوقعتش منك كل الوجع دة ماتوقعتش أول ضربة واول صدمة هاخدها ف حياتي هتكون منك أنت ربنا يسامحك ع أللي عملته فيا وف نفسك وف عيالك وفينا كلنا وانا هربي عيالي عشان مايطلعوش زيك هربيهم ع الحب والخير والأصول وعمري ماهقدر اسامحك ع أللي عملته فيا دة وكسرة قلبي ونفسي أللي اتسببت فيها عمري ماهقدر اغفرلك كل دة وع اد حبي ليك ع اد زعلي منك وعدم مسامحتي ليك رغم دة كله إلا أني ماقدرتش اكرهك لاني أما حبيتك حبيتك بجد حبيتك عشان عاوزة احبك حبيتك لشخصك أنت مش عشان حاجة تانية ربنا يسامحك لأني انا مش هقدر اسامحك .. وظلت تبكي كثيرًا ع الحالة التي وصلت إليها ولم تتوقع الوصول إليها يومًا ما
"هل هذا هو الحب !! هل يستحق الحب الشعور بكل هذا الوجع !! هل الحب هو أن يجرح الحبيب من يحب !! هل الحب هو الوجع !! ولكن أين الحب وأين ذهب !! وإن لم يكن أن هذا كان حب فما هو الحب !!
★٭★٭★٭★٭★ صباح وحيد ★٭★٭★٭★٭★
ملك: ياسو بقولك ايه
ياسمينا: قولي ي ستي
ملك: أحمد كان قالي اننا نحدد يوم عشان ننزل ننقي الشبكة وكدة وقولت لماما وماما حددت يوم الجمعة عشان اجازتنا يعني وكدة فعايزاكي معايا بقي ف يوم زي دة
ياسمينا بسعادة: مبروووك ي لوكا ويارب يتمملك بخير انتي وأحمد يارب .. طبعًا ي حبيبتي جاية معاكي وانا ليا مين غيرك اتعبله وابقي معاه خطوة بخطوة ف ترتيبات الجواز كلها ها !!
ملك وهي تحتضن أختها: ربنا يخليكي ليا يارب ولا يحرمني منك ابدا وعقبالك كدة يارب واتعبلك يوم فرحك
ياسمينا بإبتسامة: إن شاء الله ي لوكا ربنا يخليكي ليا يارب
★٭★٭★٭★٭★ صباح وحيد ★٭★٭★٭★٭★
أدهم: ماما .. ي ماما .. ماما ..
سعدية وهي تخرج من المطبخ: حمد لله ع السلامة ي أدهم بيه ثواني والعشا يكون جاهز
أدهم: دادة سعدية حمد لله ع السلامة وحشتينا ايه الغيبة الطويلة دي كلها
سعدية: الله يسلمك ي بني .. معلش بقي بس غصب عني والله .. استأذنك بس عشان الأكل سايباه ع النار
أدهم ودخل وراها المطبخ وقعد ع كرسي الطرابيزة: اومال ماما فين ي دادة خرجت ولا ايه !!
سعدية: ست سميحة خرجت هي ومحمود بيه
أدهم: وماقالوش راجعين امتي ولا رايحين فين !!
سعدية: لا ي أدهم بيه والله ماقالوش
أدهم: ايه أدهم بيه دي ي دادة أللي عمالة تقولهالي من الصبح !! ماتقوليش أدهم بيه دي تاني ي دادة
سعدية: اومال اقول ايه بس ي بني المقامات محفوظة برضو.
أدهم: قولي أدهم علطول من غير بيه ومقامات ايه أللي بتتكلمي عنها دي دة انتي أللي مربياني انا كبرت وانتي هنا ف البيت بشوفك من وانا صغير وكبرت وانتي لسة معانا كبرت لقيتك قدامي أنا ابنك وانتي مش مجرد دادة شغالة عندنا لا احنا بنعتبرك واحدة مننا
سعدية بدموع: ربنا يخليك ي بني يارب أنا كمان بعتبرك زي ابني لا مش زي ابني أنت ابني فعلاً .. طيب قولي بقي مالك فيك ايه أنت مش عاجبني خالص
أدهم: لسة بتحسي بيا ي دادة زي مانتي مش هنسي كنت أما اعمل حاجة غلط وماما تزعقلي أو تيجي تضربني واجي استخبي وتخبيني وتدافعي عني وتشهدي ف صفي وتداري عليا وكنتي دايما تحسي بيا لو اتغيرت وكنت اما اكون متضايق اجي احكيلك وتسمعيني لسة زي مانتي ماتغيرتيش
سعدية: أنت مش لسة بتقول إن أنا اللي يعتبر مربياك يعني انت ابني واكتر كمان حاسة بيك ومش عاوزة أسألك وقولت اسيبك تيجي أنت وتحكيلي بنفسك زي زمان بس مجتش قلقت عليك قولت أسألك اشوفك فيك ايه مغيرك كدة
أدهم ويأخذ نفس عميق: تعبان أوي ي دادة ومن كتر التعب أللي جوايا وحاسس بيه مابقتش عارف أحدد انا تعبان من ايه ولا عاوز ايه
سعدية: ومن ايه دة كله ي بني احكيلي فضفض معايا ماتخبيش عني اتكلم وفضفض يمكن ترتاح أما تطلع أللي جواك نزل الهم من ع كتافك شوية
أدهم: هحكيلك كل حاجة ي دادة يمكن تقدري تخففي عني شوية
سعدية: احكي ي بني انا سامعاك
أدهم وقد قص عليها كل ماحدث: وماما ماكنتش تعرف حاجة ومكنتش عاوزها تعرف حاجة زي كدة لأنها ف الآخر برضو تبقي بنت اختها اللي هي خالتي ومش عاوزها تكره اختها بسببي وابقي سبب ف مشاكل بينهم بس كدة كدة لازم كانت هتعرف سواء دلوقتي أو بعدين كانت هتعرف مني أو من غيري بس مكنتش اعرف انها هتعرف بدري اوي كدة لو كانت تعرف الحقيقة عمرها ماكانت ضغطت عليا ولا فتحت معايا الموضوع دة .. بس تعرفي ي دادة أما فتحت معايا الموضوع أنا كنت فاكر نفسي أني نسيت وأنه لو اتفتح تاني مش هتأثر لأن الجرح اتقفل بس اكتشفت إن الجرح لسة مفتوح وماتقفلش والجرح كبير ومش سهل أنه يتقفل مهما عدي عليه وقت اكتشفت أني أنا أللي كنت بقنع نفسي أنه اتقفل وهو مفتوح أصلاً كنت بحاول اتجاهله عشان اثبت لنفسي اني نسيت ومش فارق معايا واني قوي اتاري دة كله وهو مفتوح وانا بقنع نفسي أنه اتقفل خلاص زي واحد اتصاب وجرحه بينزف وسايب النزيف مش بيوقفه انا بقي كنت كدة اختارت أني أكون نسيت عشان كدة اتهيألي أني نسيت وانا مانستش ماهو انتي أما يتهيألك حاجة أو تكوني عاوزة حاجة تحصل بيتهيألك أنها حصلت وانك شوفتيها بس ساعتها بتكون وهم من كتر مانتي كان نفسك فيها
سعدية: كل دة جواك ي أدهم ي بني شايله لوحدك وساكت مابتتكلمش .. بص ي بني هقولك حاجة ربنا عمره مابيعمل لحد حاجة وحشة ولا بيبعد حاجة عن عبده هو كان بيحبها إلا لو مكنتش خير ليه وكانت ممكن أنها تضره لو كانت فضلت موجودة وهتعرف حكمة ربنا من أللي حصل بس مش دلوقتي أما تقابل واحدة بنت حلال تكون بتحبك بجد وأنت كمان هتكون بتحبها ساعتها بس هتحمد ربنا إن أللي حصل دة حصل عشان تقابلها لأنه لو مكنش حصل مكنتش قابلتها حتي لو كنت قابلتها مكنتش هتعرف تعمل حاجة اطمن لاختيارات ربك ليك لأنها مفيش اجمل ولا احسن منها ربنا هو أللي عارف الخير ليك وبيعمله والشر ليك وبيبعده فامتزعلش أما ربنا يبعد عنك حاجة أنت ماتعرفش لو كانت فضلت موجودة كان ممكن يحصل ايه .. اطمن عشان حياتك ف ايد ربنا مالك الكون مش ف ايد بشر عشان تخاف
أدهم: ياه كلامك ريحني كتير وكلامك كله صح فعلاً أنا كنت فقدت الأمل ف أني أحب تاني واتجوز واعيش حياتي مع إنسانة اكون بحبها وبتحبني إنسانة عارفة يعني ايه حب مش مجرد كلمة بتتقال وخلاص إنسانة بتقدر المشاعر
سعدية: لو كل واحد حب وماحصلش نصيب ومكملش وقرر يقفل ع قلبه ومايحبش تاني ولا يدي فرصة تاني وياخد الناس كلها بذنب أللي كان بيحبه ويفكر بالطريقة دي مكنش حد اتجوز خالص بقي .. وبعدين من أكبر النعم أللي ربنا انعم علينا بيها هي نعمة النسيان عشان ننسي كل حاجة كانت حصلت ووجعتنا واتجرحنا منها وننسي كل ذكرياتنا المؤلمة
أدهم: عندك حق ي دادة بس مش كل حاجة سهل تتنسي ف حاجات مابتتنسيش وبتاخد وقت عشان تتنسي وممكن ماتتنسيش خالص ونفضل عايشين بجروحها ووجعها كل أما نفتكرها نتوجع كأنها لسة حاصلة مع إن ممكن يكون عدي عليها وقت بس تأثيرها لسة موجود ماراحش
سعدية: صدقني ي بني كل حاجة بتتنسي مفيش حاجة مابتتنسيش مهما طالت مدتها ومهما طال تذكرنا ليها بس بييجي يوم وبننساها ومش بنفتكرها وحتي لو افتكرناها مش بتفرق معانا لأن زي ماربنا انعم علينا بنعمة النسيان عشان ننسي برضو ربنا بيبعتلنا ناس عوض لينا عشان ينسونا ويبقوا هما سبب ف سعادتنا ونسياننا للحاجات أللي وجعتنا كتير ف حياتنا بيعوضنا بناس ينسونا أللي راح مننا ويخلونا نفكر في اللي معانا وأللي جايلنا .. فكر ف أللي عندك وأنسي أللي راح منك لو كان خير ماكنش ربنا بعده عنك ربنا احن علينا اكتر من نفسنا فكر ف حكمة ربك وارجعله وقرب منه وادعيله بالخير وماتركزش ع أللي ضاع منك لانك لو ركزت ع أللي ضاع منك عمرك ماهتشوف أللي مستنيك والحياة كلها تجارب ودروس بنتعلم منها ف منها السهل وف منها الصعب وكل واحد فينا بياخد ع اد طاقته ومحدش بياخد اكتر من طاقته وربنا بيقول "إن الله لايحمل نفسًا إلا وسعها" "صدق الله العظيم" يعني ربنا عمره ماهيديك حاجة إلا أما يكون واثق انك قدها وتقدر تتحملها مستحيل يديك حاجة فوق طاقتك ويحملك فوقها ربنا أحن من كدة بكتير ثق ف ربك واطمن لحكمته .. حياتك مترتبة مش لسة هتترب أو بتترتب هي مترتبة وجاهزة وكل حاجة بتحصل وبتمر بيها هي مكتوبالك
أدهم بارتياح: ياه ي دادة كمية الراحة أللي حسيت بيها دلوقتي من كلامك دة وفعلاً عندك حق ف كل كلمة قولتيها ربنا عمره مابيعمل حاجة وحشة لحد .. ربنا يخليكي ليا يارب ي دادة
سعدية بإبتسامة: أنت ابني ومصلحتك تهمني واكيد هخاف عليك ربنا يسعدك يارب ويعوضك خير ويرزقك ببنت الحلال أللي تستهالك وتصونك وتحافظ عليك وتحبك وتحبها .. وبضحك: وتكون قمر زيك كدة مش احلي منك لأن انت مفيش أحلي منك
أدهم وهو يضحك: ههههه ضحكتيني ي دادة وانا مكنتش قادر اضحك
سعدية بضحك: ضحكتك بالدنيا ومافيها ي بني وكانت وحشتني ضحكتك وحبيت اشوفها
أدهم وهو يقبل رأسها: ربنا يخليكي ليا يارب ي دادة انتي أمي التانية
سعدية: ربنا يخليك يارب ي بني دة شرف ليا اني اكون ام ليك
أدهم: والله دة الشرف ليا أنا أني يكون عندي ام زيك
سعدية: ربنا يحفظك يارب ي حبيبي .. اطلع يلا غير هدومك وصلي كدة وثواني ويكون العشا بقي جاهز
أدهم بإبتسامة: حاضر هنزل نتعشي مع بعض
★٭★٭★٭★٭★ صباح وحيد ★٭★٭★٭★٭★
سامية: سوزي حبيبتي نمتي !!
سوزان وهي تمسح دموعها: لا تعالي اتفضلي ي ماما أنا لسة صاحية أهو مانمتش
سامية: طيب أما انتي صاحية ليه مابتجيش تقعدي معانا ومع اخواتك بدل مانتي قاعدة لوحدك كدة وقافلة ع نفسك
سوزان: لا عادي ي ماما مفيش حاجة بس..قاطعتها سامية قائلة: بس ايه !! ومسكت وشها بترفعه بيديها: سوزان انتي كنتي بتعيطي !!
سوزان ببكاء: بعيط عشان ممكن ارتاح ي ماما شوية من الوجع أللي حاسة بيه
سما: تيتة هي ماما بتعيط علطول ليه !! كل سوية تعيط ليه .. انا معلفش ليه كل سوية تعيط وانا اتعد اتولها أنا وملوان اخويا انتي زعلانة من حد تؤلي لا ي سما وملوان اتولها تولي بس وانا مس اخيله يزعلك تاني عسان ماتعيطيس تاني بس هي بلضو تل سوية تعيط معلفش ليه تدة ي تيتة انتي تعلفي ليه !! (الترجمة😂: تيتة هي ماما بتعيط علطول ليه كل شوية تعيط ليه .. انا معرفش ليه كل شوية تعيط وانا اقعد اقولها انا ومروان اخويا انتي زعلانة من حد تقولي لا ياسما ومروان اقولها قولي بس وانا مش اخليه يزعلك تاني عشان ماتعيطيش تاني بس هي برضو كل شوية تعيط معرفش ليه كدة ي تيتة انتي تعرفي)
مروان: اه ي تيتة خليها مس تعيط تاني عسان انا مس بحب اسوفها بتعيط عسان هي تمان مس بتحب تسوفنا بنعيط انا وسما وتتعد تؤلنا مس تعيطوا خالث عسان مس ازعل منكم احنا بقي مس بنعيط ونسمع تلامها عسان مس تزعل مننا واحنا مس بنحبها تزعل مننا إنما هي بقي عمالة تعيط ونتولها مس تعيطي عسان مس نزعل منت بلضوا تعيط ومس تسمع التلام زينا اسمعنا تؤلنا مس تعيطوا وهي تعيط واحنا بنسمع تلامها ومس نعيط بس هي مس بتسمع تلامنا وبتفضل تعيط تل سوية
(الترجمة😂: اه ي تيتة خليها مش تعيط تاني عشان انا مش بحب اشوفها بتعيط عشان هي كمان مش بتحب تشوفنا بنعيط انا وسما وتقعد تقولنا مش تعيطوا خالص عشان مش ازعل منكم احنا بقي مش بنعيط ونسمع كلامها عشان مش تزعل مننا واحنا مش بنحبها تزعل مننا إنما هي بقي عمالة تعيط ونقولها مش تعيطي عشان مش نزعل منك برضو تعيط ومش تسمع الكلام زينا اشمعنا تقولنا مش تعيطوا وهي تعيط واحنا بنسمع كلامها ومش بنعيط بس هي مش بتسمع كلامنا وبتفضل تعيط كل شوية)
سوزان وقد أخذت أبنائها بين أحضانها وشددت ع احتضانهما وقالت: انا خلاص مش هعيط تاني عشان خاطركم وعشان مازعلكوش انتو أغلي حاجة موجودة ف حياتي وماليش غيركم ومش بحب ولا هحب حد قدكم ربنا يخليكم ليا يارب
سامية بإبتسامة: أهي ماما قالتلكم بنفسها أنها مش هتعيط تاني خلاص عشان ماتزعلوش .. ممكن بقي تنزلوا تقعدوا مع خالتو صافي عشان اتكلم مع ماما شوية !!
سما ومروان: ماسي ي تيتة بس خليها مس تعيط ماسي ولو عيطت توللها مس تعيطي عسان مس ازعل منت هتستت علطول (ماشي ي تيتة بس خليها مش تعيط ماشي ولو عيطت قوللها مش تعيطي عشان مش ازعل منك هتسكت علطول)
سامية وتضحك ع طريقتهم: هههههه حاضر هقولها كدة
سوزان: خير ي ماما ف ايه !!
سامية: ماقولتليش وصلتي انتي لشاكر لإيه ولا اتفقتوا ع ايه !!
سوزان: اتفقنا ع الطلاق ي ماما
سامية بصدمة وضربت بإيديها ع صدرها بقوة: ايه طلاق !! هي وصلت للطلاق !! وهو موافق كدة عادي وسابك تنزلي مصر كدة عادي لوحدك أنتي والعيال مش فارق معاه يعني
سوزان: اومال انتي فاكرة ايه ي ماما فاكرة اني ممكن اعيش معاه تاني ف بيت واحد بعد أللي عمله دة !! دة يبقي انا رخيصة اوي وماعنديش دم
سامية: طب وعيالك ذنبهم ايه يتربوا بعيد عن ابوهم
سوزان: ذنبهم أنه ابوهم وعيالي انا هربيهم بعيد عنه عشان مايطلعوش زيه
سامية: ي حبيبتي العيال ف السن دة بيبقوا محتاجين يبقوا ف حضن ابوهم وأمهم مينفعش يبقوا بعيد عن حد فيكم وبعدين ماتنسيش أنهم عياله وليه حق فيهم ولا هتمنعيه عن عياله بقي كمان !! استحملي عشان خاطر عيالك هما ماذنبهمش حاجة
سوزان ببكاء: انا ماستحملتش إلا عشان خاطر عيالي وكنت مستعدة استحمل اذي الدنيا كلها عشانهم برضو عشان مايبعدوش عن حضني انا سافرت معاه ي ماما وكان اتجوز واتحملت عشان خاطر عيالي قبلت فكرة أنه هيتجوز واحدة تانية غيري ويكون معاها عشان خاطر عيالي قبلت إن واحدة تانية تيجي وتشاركني فيه برضو عشان خاطر عيالي واحدة تانية بتشاركني ف جوزي أللي المفروض هو ملكي وليا انا وبس فجأة الاقي واحدة بتشاركني فيه احساسي كان ايه ساعتها !! ورغم دة كله جيت ع نفسي واستحملت كتير واقول عشان خاطر عيالي برضو بس الإنسان ليه طاقة وانا طاقتي خلصت ومابقتش قادرة استحمل تاني خلاص وعيالي ف حضني اهو مش بعيد عني ومش هيقدر ياخدهم مني ويبقي يوريني وهاخدهم بالمحكمة والقانون ماهي البلد مش سايبة كدة برضو
سامية ببكاء وتحتضن ابنتها: اهدي ي حبيبتي اهدي ماتعمليش ف نفسك كدة هو مايستاهلش اللي عاملاه ف نفسك عشانه دة
سوزان: انا مش بعيط عليه انا صعبان عليا نفسي اوي صعبان عليا اتوجع من اكتر حد انا حبيته صعبان عليا اول صدمة اخدها ف حياتي تكون منه هو للدرجة دي انا كنت مغفلة !! صعبان عليا عيالي أنهم يتربوا بعيد عن ابوهم كنا عايشين مبسوطين ي ماما والله وفجأة كل حاجة اتبدلت ١٨٠ درجة وبدل ماكانت حياتنا كلها حب وسعادة وضحك بقت عبارة عن خناق ونكد وعياط كل يوم كان نفسي نفضل زي ماحنا نربي عيالنا مع بعض ونكبرهم ف وسطنا ونعلمهم الحب ونحكيلهم عن قصة حبنا ونعلمهم كل حاجة حلوة كان نفسي نعمل كل دة مع بعض بس هو استعجل اوي وماصبرش يلا ي ماما ربنا يسامحه بقي انا عاوزة انسي..عاوزة انسي اني حبيته عاوزة انسي كل حاجة مش عاوزة افتكر حاجة عاوزة ارجع اقف من تاني عشان خاطر عيالي مالهمش ذنب ف أللي بيحصل عاوزة اقف من تاني عشانهم
سامية: إن شاء الله كل حاجة هتتحل ي حبيبتي وهترجع احسن من الاول كمان ربنا موجود قادر ع كل شيء
سوزان: ونعم بالله .. ونعم بالله ي ماما
في اليوم التالي
كوثر: مالك ي حنين ي حبيبتي قاعدة لوحدك سرحانة ليه كدة !!
حنين: لا مفيش حاجة ي ماما قلقانة شوية بس عشان الامتحانات قربت بقي وكدة
كوثر: ماتقلقيش ي حبيبتي خير إن شاء الله سيبيها ع ربنا
حنين: ونعم بالله ي ماما
كوثر: لو ف حاجة مضايقاكي قوليلي وماتخبيش عليا
حنين بإبتسامة: صدقيني ي ماما لو كان ف حاجة كنت قولتلك ماتقلقيش عليا انا كويسة
كوثر: هحاول اني اصدقك عشان مش عاوزة اضغط عليكي تحكي حاجة غصب عنك
حنين وهي تحتضنها: انا كويسة ي ماما طول مانتي جمبي ومعايا
كوثر وهي تحتضن ابنتها: ربنا يخليكي ليا يارب انتي واخواتك انا ماليش غيركم ف الدنيا
حاتم وهو يدخل: ايه بقي وانا ماليش من الحب جانب ولا ايه بقي ي ست ماما ولا عشان حنين هي آخر العنقود بقي
كوثر وهي تضحك: أنت بتطلع امتي فجأة كدة .. خلصت شغل بدري النهاردة ولا ايه !!
حاتم: اه ي ست الكل وجيت علطول اهو عشان هموت من الجوع عامللنا ايه حلو النهاردة بقي !!
كوثر: ثواني والغدا يكون جاهز .. وتشوف بنفسك
"وجلس حاتم بجانب أخته حنين بعد أن نهضت والدته"
حاتم: مالك ي حنون فيكي ايه ي حبيبتي !!
حنين: مفيش حاجة ي حاتم انا كويسة والله
حاتم: هو انا مش عارفك ولا ايه !! مالك احكيلي من أمتي وانتي بتخبي عني حاجة !!
حنين: أنت هتعمل زي ماما ولا ايه !! صدقني لو ف حاجة هحكيلك
حاتم: يعني ماما كمان لاحظت ماهو مش معقولة احنا الاتنين نلاحظ ويبقي مفيش حاجة
حنين: اتخانقت أنا وآمال بس كالعادة
حاتم بضحك: وهو دة أللي مخليكي قاعدة زعلانة كدة يعني !! اتخانقتوا ليه طيب !!
حنين بكذب: خناقة عادية مانت عارف احنا طول الوقت بنتخانق يعني .. عاوزة تاخد الطقم بتاعي تروح بيه الشغل بكرة قولتلها لا الطقم دة انا رايحة بيه الجامعة بكرة فاتخانقنا بقي شوفت موضوع تافه ازاي
حاتم بهزار: وهو دة أللي مزعلك يعني !! أقوم أنا دلوقتي اجبهالك من شعرها عشان ماتبقيش زعلانة كدة وتضحكي ولا ايه بقي !! وبعدين طقم ايه دة اجبلك ألف طقم فداكي واحسن منه كمان بس انتي ماتزعليش كدة تاني
حنين بإبتسامة: هههههه لالالا خلاص انا مش زعلانة وضحكت أهو خلاص .. ربنا يخليك ليا يارب وتعيش وتجيبلي
حاتم ويحتضن أخته: ضحكتك دي بالدنيا ومافيها وأجمل من اي حاجة اوعي اشوفك ف يوم زعلانة تاني .. وهو يرفع وشها بيديه: بصي ي حبيبتي أنتي أختي الصغيرة بس انا دايما كنت شايفك بنتي طول الوقت هو اه فرق سن مابينا ٧ سنين بس كنت طول الوقت بشوفك بنتي ومحبش حد يزعلك حتي لو بكلمة واي حاجة عاوزاها تعالي واطلبيها مني ومالكيش دعوة واي حد زعلك حتي لو آمال تعالي قوليلي وشوفي انا هعملك فيها ايه .. واي وقت عاوزة تتكلمي وتفضفضي خليكي واثقة أني اول واحد هيسمعك وهيقف جمبك ويسندك وطول مانا عايش محدش هيقدر يكلمك ولا يعملك اي حاجة وطول مانا عايش مش عاوز اشوف غير الضحكة ع وشك عشان تنور الوش القمر دة ياللي مفيش ف جمالك حد
حنين وتحتضن أخيها: انا بحبك اوي بجد انت أحلي اخ ربنا يخليك ليا يارب ودايما معايا وف ضهري وسندي وسري وكل حاجة ليا ف الدنيا
كوثر بضحك ودموع: أيوة بقي ع الحنية مين قدك ي ست حنين مرة مني ودلوقتي حاتم طيب مفيش شوية للست الغلبانة اللي واقفة تحضرلك ف الغدا دي !!
حاتم بضحك: انتي الخير والبركة ي ست الكل انتي ليكي الحب كله والحنية كلها
كوثر وتحتضن أبنائها: ربنا يخليكم لبعض وليا يارب
★٭★٭★٭★٭★ صباح وحيد ★٭★٭★٭★٭★
سوسن: هتنزل تشتري الشبكة امتي ي أحمد انت وملك !!
أحمد: يوم الجمعة الجاية إن شاء الله ي ماما
سوسن: ربنا يتمملكم بخير يارب ي حبيبي
أحمد: يارب ي ماما ادعيلنا
شاهين: مش محتاج اي حاجة ي أحمد قول ماتتكسفش
أحمد بإبتسامة: لا ربنا يخليك ي بابا مستورة والحمد لله
شاهين: ي بني قول ماتتكسفش
أحمد: صدقني ي بابا لو احتاجت هقولك ربنا يخليك ليا يارب
شاهين: ويخليك لينا يارب ي بني ويتمملك ع خير ويسعدك
★٭★٭★٭★٭★ صباح وحيد ★٭★٭★٭★٭★
حاتم: آمال مزعلة حنين اختك ليه !!
آمال بارتباك: انا مش مزعلاها هي قالتلك ايه !!
حاتم: هي ماقالتش حاجة بس انا ملاحظ باين عليها اوي وكمان مش قاعدة معاكي كالعادة يعني ف الاوضة واما سألتها قالت انكم اتخانقتوا ع طقم وكدة
آمال بارتياح: لا عادي دة موضوع تافه وبعدين الهبلة دي هتفضل زعلانة مني كدة عشان خاطر موضوع تافه زي دة .. أما اروح اصالحها
حاتم ومسكها من دراعها وهي خارجة: موضوع تافه فعلاً بس انا حاسس إن ف حاجة تانية غير كدة وهي مش عاوزة تقول فقولت اجي أسألك عملتلها ايه ولا قولتلها ايه خلتيها زعلانة كدة مانا عارفك
آمال: هيكون حصل ايه يعني بس ي حاتم !! مفيش حاجة صدقني ولو فيه كانت هي حكتلك
حاتم: ماشي ي آمال هصدقك .. بس حاولي ماتجيش ع اختك دي مهما كان اصغر واحدة فينا بلاش تزعليها وخلي عندك دم شوية بدل ماتحتويها وتقوللها مالك وتسمعيها تزعليها !! ياريت مش عاوز اشوفك مزعلاها تاني ي آمال لانك لو زعلتيها تاني انا أللي هتصرف معاكي بعد كدة .. وبعدين انتي عارفة حنين حساسة ازاي وأقل حاجة بتزعلها وبتأثر ف نفسيتها وتتعب فياريت براحة شوية عليها
آمال: دلعك ليها دة هو أللي هيبوظها
حاتم: مالكيش فيه انا حر .. انتي عارفة معزة حنين عندي اد ايه ودايما شايفها بنتي مش اختي .. وانتي كمان ي آمال غالية عندي ومحبش أنها تزعلك يعني لو زعلتك انا برضو هيكون ليا معاها تصرف تاني .. فاهماني !!
آمال بإبتسامة: فاهماك ي حبيبي ربنا يخليك لينا يارب
★٭★٭★٭★٭★ صباح وحيد ★٭★٭★٭★٭★
ومر اسبوع ع أبطالنا .. وفي يوم من الايام تجلس سوزان مع والدتها بيدها مج النسكافيه الخاص بها وأولادها يلعبون مع بعضهما أمامها
سامية: وبعدين ي سوزان !!
سوزان: وبعدين ايه ي ماما !!
سامية: أللي عاملاه ف نفسك دة ي بنتي حرام عليكي
سوزان: انا كويسة قدامك اهو ي ماما مالي بس !!
سامية: انتي بتحاولي تباني كويسة إنما من جواكي انتي مش كويسة وبعدين عيالك ذنبهم ايه ف اللي بيحصل دة كله
سوزان: نصيبي ونصيبهم كدة ي ماما الحمد لله ع كل حال .. وقاطع حديثهما جرس الباب فقالت سامية : مين أللي هيجيلنا دلوقتي اخواتك وابوكي لسة مش بيخلصوا شغل دلوقتي هيكون مين !!
سوزان: مش عارفة ي ماما والله هقوم اشوف مين
"وذهبت سوزان لكي تفتح الباب"
مجهول: وحشتيني ي سوزي
سوزان بصدمة: شاااااكر !!!!!!!