رواية اعطيت لحبك فرصة فخدعتني الفصل الاول والثانى بقلم صباح وحيد
ياسمينا فتاة جميلة تبلغ من العمر ٢٣عامًا وهي من أسرة صغيرة متوسطة ياسمينا فتاة
محترمة وذات اخلاق عالية جدًا فهي محجبة وتمتلك عينان بنيتان وبشرة لونها قمحي
ليست ببيضاء كلبن الحليب وليست بسمراء فهي فتاة غاية ف الجمال وهي خريجة كلية
الهندسة..فجمالها جعل كل من يراها ينظر لها بإعجاب شديد من شدة جمالها
★★★★★صباح وحيد★★★★★
تستيقظ ياسمينا من نومها علي صوت منبه هاتفها فقامت بغلق المنبه واكملت نومها
واستيقظت مرة أخري علي صوت والدتها التي تيقظها من نومها قائلة لها:
سهير (والدة ياسمينا): ياسمينا حبيبتي اصحي بقي كفاية نوم يلا عشان ماتتأخريش علي شغلك
ياسمينا بنوم:حاضر ي ماما سيبيني شوية كمان بس عشان خاطري عشان عاوزة انام اوي
سهير: لا يلا بقي قومي وبطلي كسل
ياسمينا بكسل: حاضر.. ي ماما روحي انتي وانا جاية وراكي علطول اهو
سهير: طيب يلا بسرعة بطلي كسل بقي وقومي عشان تلحقي تفطري وتنزلي ع شغلك
ياسمينا وقد قامت من ع السرير: حاضر ي ست الكل اديني قومت اهو
قامت ياسمينا دخلت حمامها وتوضأت وصلت وارتدت ملابسها والذي كانت عبارة عن فستان
طويل باللون النبيتي الرائع وبه حزام بيچ شكله جميل من عند الوسط وارتدت حجابها عبارة
عن طرحة باللون البيچ الهادئ فأصبحت ياسمينا غاية في الجمال ثم خرجت من
غرفتها تلقي السلام علي عائلتها الصغيرة والتي كانت عبارة عن والدها ووالدتها واختها
ملك التي تكبرها بسنة واحدة فقط
لحظة مين هو والد ياسمينا؟! حسين هو والد ياسمينا وهو رجل طيب جدًا يعمل موظفًا بإحدي الشركات الكبيرة وهو يبلغ من العمر خمسون عام..متزوج بسهير والدة ياسمينا وهي ست طيبة جدًا وتبلغ من العمر ٤٣ عام ولم ينجبا من الأبناء سوي ملك وياسمينا فقط وقاموا بتعليمهم ودخولهم أفضل الكليات
مين ملك؟! ملك هي الاخت الأكبر لياسمينا وتكبرها بسنة واحدة وهي تعمل موظفة بإحدي الشركات الكبيرة فهي خريجة كلية الألسن وهي مخطوبة لزميل معها بالعمل أُعجب بها وبأخلاقها كثيرًا فتقدم لخطبتها وقرأ فاتحتها واتفق مع والدها علي أن يجعل الخطوبة بعد شهر من قراءة الفاتحة حتي يكون قام بشراء الشبكة وقام بتجهيز كل شيء. وملك هي فتاة جميلة جدًا وقمة في الاحترام والأخلاق وهذا هو مادفع خطيبها يحبها ويتعلق بها ويتقدم لخطبتها فهي فتاة في غاية الجمال والأدب وتمتلك عيون عسلية جميلة وبشرة بيضاء جميلة وليست بيضاء كالحليب فبشرتها بيضاء هادئة وملامحها هادئة جميلة جدًا وهي ترتدي الحجاب فجمالها يجعل كل من يراها ينبهر بها وبجمالها وهي تبلغ من العمر ٢٤ عام
ياسمينا بإبتسامة وهي تقبل والديها: صباح الخير
حسين(والد ياسمينا) بإبتسامة: صباح النور ي حبيبتي تعالي بقي اقعدي يلا عشان تفطري
ياسمينا: حاضر ي بابا
وجلست ياسمينا لتناول وجبة افطارها
ياسمينا: مش رايحة شغلك ولا اي ي ملك؟!
ملك (أخت ياسمينا): لا مكسلة النهاردة والله
ياسمينا: اممممم....ماشي ي ست ملك.
انا هقوم انا بقي عشان ألحق الشغل
سهير: ي بنتي اقعدي كملي فطارك دة مش فطار انتي مالحقتيش تاكلي حاجة
ياسمينا وهي تقبل والدتها: فطرت ي ماما والله عشان ألحق شغلي بقي ادعيلي ي ست الكل
سهير: ربنا معاكي يارب ي بنتي
★★★★★صباح وحيد ★★★★★
في احدي الشركات الضخمة والتي لها اسم كبير
تدخل ياسمينا إلي مكتبها وهي تلقي التحية علي منال صديقتها وجميع زملائها بالعمل
منال: بت ي ياسمينا في اجتماع النهاردة مع المدير البشمهندس أدهم المهدي
ياسمينا: يالهوي صحيح دة انا كنت ناسية خالص كويس انك فكرتيني
وهنا دخل شاب في عمر ٢٧ عام وهو شاب وسيم يمتلك عيون خضراء جميلة وبشرة هادئة وطويل القامة
مصطفي: صباح الخير.... ي جماعة
جميع الموظفين بالمكتب: صباح النور
مصطفي: ازيك ي أنسة ياسمينا
ياسمينا بتعجب: الحمد لله تمام بخير
مصطفي: بعد اذنك كان في ورق ومستندات هنا المفروض أني هستلمها منك النهاردة عشان المفروض انها خلصت النهاردة عشان أسلمها !!
ياسمينا: اه..حاضر ثانية واحدة اجيبهم لحضرتك.
اتفضل انا خلصتهم فاضل بس البشمهندس أدهم المدير يبص عليهم عشان يوقع عليهم بس
مصطفي: تمام ماشي...شكرًا ليكي
منال: بس اي ي بت ي ياسمينا الواد زي القمر ماشاء الله
ياسمينا: اسكتي والنبي ي منال
منال: هو انا ليه حاسة انك مش طايقاه؟!
ياسمينا: مش حكاية مش طايقاه هكرهه ليه هو عاملي حاجة !!
منال بضحك: ماشي ي ست ياسمينا خلينا نركز ف شغلنا احسن وناكل عيش بدل مانتطرد
★★★★★صباح وحيد★★★★★
وهنا يدخل شاب وسيم جدًا من باب الشركة بكل ثقة وغرور في عمر ٢٧ عام ذات هيبة كبيرة يقف له كل من بالشركة لاستقباله وهو شاب في قمة الوسامة والجمال فهو يمتلك عيون عسلية فاتحة وشعر أسود كثيف به خصلات بنية قليلة جدًا فشعره الأسود هذا يعطيه وسامة فوق وسامته وهو طويل القامة وكان يرتدي بدلة باللون الأسود زادته وسامة علي وسامته فأصبح غاية في الجمال ينظر له كل من بالشركة بإعجاب شديد من شدة جماله هذا..وهو كان يمشي بكل ثقة بنفسه وبعض الغرور حتي وصل إلي مكتبه
منال: بت ي ياسمينا شايفة المدير يالهوي عليه دة قمر
ياسمينا بضحك: هههههه ي بت أهدي شوية انتي كل ماتشوفي حد حلو شوية تقعدي تعاكسيه كدة
منال: لا بس دة غير اي حد دة جماله عدي الكل انتي مش شايفة عامل ازاي
ياسمينا: ي شيخة اتلهي بقي دة شكله مغرور ومتكبر
منال: هو انتي دايمًا كدة مفيش حد عاجبك خالص. بس برضو هو قمر هو في كدة
ياسمينا: ربنا يهديكي ي منال يلا ي حبيبتي ركزي في شغلك عشان الاجتماع هيبتدي دلوقتي
★★★★★صباح وحيد★★★★★
في مكتب المدير (أدهم المهدي)
أدهم: آنسة هدير تعاليلي حالا
طرقت هدير الباب ثم دخلت
هدير: تحت أمرك ي فندم
أدهم: نبهي علي كل الموظفين بالشركة إن في اجتماع مهم جدًا النهاردة ولازم الكل يحضر
هدير: حاضر ي فندم..حضرتك تؤمر بحاجة تانية !!
أدهم: اطلبيلي فنجان قهوة
هدير: تحت أمرك ي فندم..حضرتك تؤمر بحاجة تانية !!
أدهم: لا خلاص شكرًا...روحي أنتي بقي نفذي أللي قولتلك عليه
هدير: حاضر..بعد اذن حضرتك ي فندم
★★★★★صباح وحيد★★★★★
ملك: ألو..ازيك ي أحمد عامل اي
أحمد: الحمد لله تمام ي حبيبتي..انتي عاملة ايه !!
ملك: بخير طول مانت بخير
أحمد: ربنا يخليكي ليا..مجتيش الشغل ليه النهاردة !!
ملك: كسلت والله ومقدرتش أنزل بقي..في حاجة ولا اي !!
أحمد: لا مفيش حاجة أصلك وحشتيني قولت اشوفيك في الشغل بقي لقيتك مجتيش ومش عادتك يعني قولت اطمن عليكي كدة ليكون في حاجة.
ملك: ربنا يخليك ليا..لا ي حبيبي مفيش حاجة انا كسلت أنزل بس إنما أنا كويسة الحمد لله ماتقلقش
وهنا كانت دخلت سهير
سهير: اي ي ملك بتكلمي مين !!
ملك: دة أحمد ي ماما بيطمن عليا ماجتش الشغل ليه النهاردة
سهير: طيب هاتي أسلم عليه ي بنتي
ملك: أحمد خد ماما عاوزة تسلم عليك
أحمد: حاضر ي حبيبتي ادهاني
ملك: اتفضلي ي ماما
سهير: ألو..ازيك ي أحمد ي بني عامل ايه؟!
أحمد: الحمد لله تمام ي ست الكل..انتي عاملة ايه !!
سهير: يارب دايما بخير ي بني..انا الحمد لله تمام
أحمد: ربنا يخليكي لينا ي ست الكل
سهير: ربنا يخليك ي حبيبي..بس انا زعلانة منك
أحمد: لي كدة بس مقدرش علي زعلك
سهير: عشان بتكلم ملك علطول ومش بتسألها عني ولا تقولها هاتي ماما اسلم عليها ولا اي حاجة
أحمد بضحك: ههههه بسأل عليكي دايمًا والله وببعتلك السلام دايمًا هي مابتقولكيش حاسبيها هي بقي انا مقدرش علي زعلك ي ست الكل دة انتي الخير والبركة
سهير بضحك: هههه لا ي بني بتقولي ربنا يخليك ي بني صحيح بقي تخلص شغلك وتيجي عشان تتغدي معانا بقي النهاردة..انا عازماك النهاردة
أحمد: معلش ي طنط انا م..ولم يكمل أحمد كلامه حتي قاطعته سهير قائلة:
سهير: لا مفيش أعذار خلاص انا قولت هاتيجي تتغدي معانا النهاردة هنستناك علي الغدا خلاص
أحمد: معلش ي طنط بلاش النهاردة عشان عندي شغل كتير ي دوبك اخلصه وألحق أروح..خليها يوم تاني إن شاء الله
سهير: خلص شغلك وتعالي هنستناك..ولا عاوزني ازعل منك بقي !!
أحمد: لا خلاص حاضر مقدرش علي زعلك..هخلص شغل واجي علطول إن شاء الله
سهير: واحنا في انتظارك ي بني تنور اي وقت البيت بيتك..خد ملك معاك أهي
ملك: أيوة ي حبيبي..ليك نصيب تشوفني النهاردة بقي مش كنت عاوز تشوفني !!
أحمد: هاجي عشان اشوفيك بس والله عشان وحشتيني
ملك: وأنت كمان والله..مستنياك النهاردة علي الغدا بقي إن شاء الله
أحمد:إن شاء الله ي حبيبتي
*لحظة* مين أحمد؟! أحمد هو خطيب ملك أخت ياسمينا وهو شاب وسيم جدًا وفي غاية الجمال يمتلك عيون عسلية جميلة جدًا وشعر أسود كثيف ولحية خفيفة جدًا وهو شاب محترم وذو اخلاق نبيلة ويبلغ من العمر ٢٧ عام
★★★★★صباح وحيد ★★★★★
تجمع كل الموظفين ودخلوا إلي قاعة الاجتماعات حيث يجلس المدير البشمهندس أدهم المهدي وقد أذن لهم بالجلوس للتحدث معهم في أمور هامة للشركة
منال: شايفة ي بت ي ياسمينا وسامته هو في كدة !!
ياسمينا: ي بت اسكتي بقي شوية دة المدير بتاعنا مهما كان مينفعش كدة أللي بتعمليه دة
منال: ماهو أللي حلو اوي بصراحة بس خلاص هسكت خالص اهو
أدهم: انا الحقيقة جمعتكم النهاردة كلكم عشان أناقش معاكم أمور مهمة جدًا تخص الشركة ولازم كلكم تعرفوها عشان كل واحد يبقي عارف شغله وهيعمل ايه..وزي مانتو عارفين طبعًا إن شركات المهدي من أكبر الشركات الموجودة ولازم نحافظ عليها وعلي اسم المهدي عشان منقعش ونخسر كل حاجة
أحد الموظفين: احنا تحت أمرك ي أدهم بيه
أدهم: الفترة دي أصعب فترة بتمر علينا عاوز كل واحد فيكم يبذل اكبر مجهود في شغله عشان نعدي الفترة دي..في مشروع مهم جدًا لازم نكسبه عشان هيكبر شركتنا وهيساعدنا كتير.
مصطفي: إن شاء الله الفترة دي تعدي علي خير ي أدهم بيه ونكسب المشروع
أدهم: إن شاء الله ي مصطفي..المهم كل واحد فيكم يشتغل علي المشروع دة علي اد مايقدر ويصمم ويوريني التصاميم وانا في الاخر هختار أحسن تصميم من التصاميم دي بس كله يشتغل عليه ويطلع أفكاره..عشان في منافسة بينا وبين الشركات التانية ولينا أعداء كتير زي مانتو عارفين يتمنوا إن شركتنا تقع. وعاوز استلم منكم التصاميم دي خلال أسبوع
حنان: تمام ي أدهم بيه احنا مع حضرتك وهنبذل أقصي جهدنا إن شاء الله في المشروع عشان ينجح
أدهم: شكرًا جدًا ليكم..الاجتماع انتهي تقدروا تتفضلوا علي أشغالكم
خرج الجميع من قاعة الاجتماعات
منال: المشروع كبير هنلحق نخلصه في أسبوع !! دة محتاج وقت اكبر من كدة وأسبوع قليل جدًا عليه
ياسمينا: إن شاء الله ي منال هنلحق نخلصه
مصطفي: آنسة ياسمينا
ياسمينا: افندم
منال: طيب عن اذنك انا بقي ي ياسمينا
ياسمينا: استني ي منال انا جاية معاكي
مصطفي: انا مش هاخد من وقتك كتير
ياسمينا: اتفضل طيب..خير في ايه !!
مصطفي: ممكن اعزمك علي فنجان قهوة واقعد معاكي نتكلم !!
ياسمينا بغضب: آسفة جدًا ي بشمهندس انا مابقعدش مع حد ومفيش بينا كلام اصلا عشان نقعد..اقعد معاك بصفة اي !! احنا أللي بينا شغل وبس مش اكتر من كدة عاوز حاجة في الشغل تحت امرك غير كدة لا انا اسفة عن اذنك.
ولم تعطيه ياسمينا فرصة للرد بل تركته وذهبت
منال: مالك ي بنتي في ايه؟! داخلة متعصبة لي كدة
ياسمينا بغضب: مفيش حاجة ي منال ماتشغليش بالك انتي
منال: مفيش ازاي انتي مش شايفة نفسك عاملة ازاي
ياسمينا بعصبية: البشمهندس أللي اسمه مصطفي دة اتجرأ وطلب مني قال ايه عاوز يعزمني علي فنجان قهوة ويقعد معايا فاكرنا صحاب هنقعد نرغي مع بعض
منال: هو دة كل أللي معصبك طيب اهدي بس..يمكن مش قصده حاجة وحشة يعني ممكن كان عاوز يتكلم معاكي ف شغل أو كدة.. اهدي بقي
ياسمينا: انا مش عارفة هو عاوز مني ايه بالظبط..شغل ايه أللي بيني وبينه عشان يقعد معايا واشمعنا انا يعني
منال: خلاص معلش حصل خير ممكن تهدي بقي شوية وكفاية عصبية
★★★★★صباح وحيد★★★★★
أحمد: ألوو..ازيك ي بابا
شاهين(والد أحمد): ازيك ي بني..انا الحمد لله تمام
أحمد: الحمد لله تمام ي بابا..بقولك انا هخلص شغل واطلع علي عند ملك مش هاجي علي البيت
شاهين: خير ي بني في حاجة !! ملك كويسة !!
أحمد: لا ي بابا اطمن مفيش حاجة مامتها بس عزمتني علي الغدا ومسكت فيا
شاهين: خلاص ي بني مفيش مشكلة
أحمد: انا قولت اعرفكم بقي عشان ماتستنونيش علي الغدا وكدة ابقي قول ماما بقي
شاهين: خد هي معاك أهي
سوسن(والدة أحمد): ازيك ي حبيبي..مش هتتغدي معانا النهاردة لي !!
أحمد: الحمد لله تمام ي ماما..والله ي ست الكل مامة ملك كلمتني وعزمتني ع الغدا ومسكت فيا فمحبتش ازعلها واقولها لا
سوسن: لا وماله ي بني روح مفيش مشكلة وسلملي ع ملك كتير وعليهم كلهم
أحمد: الله يسلمك ي ست الكل يوصل
مش عاوزة حاجة ي ماما
سوسن: عاوزة سلامتك ي حبيبي
أحمد: تسلميلي ي ست الكل..يلا سلام
سوسن: مع السلامة ي بني
★★★★★صباح وحيد★★★★★
سهير: ي ملك..ملك ي حبيبتي
ملك: نعم ي ماما
سهير: رني ع أحمد كدة شوفيه فين كدة ورني ع ياسمينا اختك شوفيها اتأخرت لي كدة وهتخلص شغلها امتي
ملك: حاضر ي ماما عن اذنك
★★★★★صباح وحيد ★★★★★
ملك: أيوة ي أحمد خلصت شغل ولا لسة !!
أحمد: أيوة ي حبيبتي خلصت اهو وفي الطريق ربع ساعة بالظبط واكون عندك
ملك: ماشي واحنا في انتظارك أهو..خلي بالك من نفسك.
أحمد: حاضر ي حبيبتي
ملك: طيب هسيبك بقي دلوقتي عشان اتصل بياسمينا أختي بقي اشوفها فين كدة
أحمد: ماشي ي حبيبتي سلميلي ع طنط كتير بقي لحد اما اجي
ملك: ههههه حاضر ي حبيبي يوصل.. يلا سلام
أحمد: مع السلامة ي حبيبتي
★★★★★صباح وحيد★★★★★
منال: اي ي ياسمينا مش هتمشي بقي ولا اي !!
ياسمينا: لا ي منال ماشية بس بخلص آخر حاجة ف ايدي ثواني معلش
منال: طيب يلا انجزي شوية دي الشركة كلها مشيت
ياسمينا: حاضر ي منال بخلص شغل ف ايدي اهو بس والله آخر حاجة ونمشي علطول..وبعدين لسة ف ناس قاعدة أهي فين أللي كله مشي !!
منال: طيب يلا خلصي..ي بنتي دول ٥ولا٦ العمال أللي بينضفوا والناس أللي هتقفل وتمشي مواعيدنا خلصت خلاص والمفروض معاد مرواحنا وعدي ع معادنا بتاع ربع ساعة أهو واحنا لسة قاعدين
ياسمينا:ماشي ي ستي انا خلاص خلصت اهو يلا..هي الساعة كام !!
منال: الساعة ٥:١٥
ياسمينا: تمام..يلا ي ستي انا خلصت خلينا نروح بقي
واثناء خروج ياسمينا مع منال صديقتها رن هاتفها فأمسكت به فوجدت اختها ملك فقامت بالرد
ياسمينا: أيوة ي لوكا
ملك: خلصتي شغلك ولا لسة ي بنتي..اتأخرتي لي كدة !!
ياسمينا: اه لسة مخلصة حالا اهو وطالعة..كان عندي شغل كتير بس..كنت بخلصه..غصب عني معلش
ملك: طيب خدي ماما عاوزاكي
سهير: أيوة ي ياسمينا اتأخرتي اوي لي كدة ي حبيبتي !!
ياسمينا: معلش بقي ي ماما كان عندي شغل كتير بس والله ودة أللي أخرني لسة مخلصة حالا اهو وطالعة هركب واجي علطول بقي إن شاء الله
سهير: طيب ي حبيبتي يلا بسرعة عشان أحمد خطيب أختك جاي ع الغدا النهاردة
ياسمينا: حاضر ي ماما هركب واجي علطول أهو
★★★★★صباح وحيد★★★★★
يدخل أدهم المهدي البيت فيجد والده ووالدته يجلسان فيلقي عليهما السلام
محمود(والد أدهم): حمد لله ع السلامة ي أدهم ي بني
أدهم: الله يسلمك ي بابا
محمود: اي طمني ايه اخبار الشغل !!
أدهم: كل حاجة تمام ماتقلقش أنت ي بابا
محمود: الحمد لله طمنتني ي بني..أنا واثق فيك ي أدهم
أدهم: ماتقلقش ي بابا كل حاجة ماشية تمام وزي مانت عايز بالظبط
سميحة(والدة أدهم): ربنا معاك ي بني ويوفقك يارب ويعينك
أدهم: يارب ي ماما ادعيلي
سميحة: بدعيلك ي بني دايمًا ربنا يوفقك يارب ويعينك
أدهم وهو يقبل رأس والدته: ربنا يخليكي ليا ي ست الكل
سميحة: ويخليك ليا يارب ي حبيبي..احضرلك الغدا بقي !!
أدهم: ماشي ي ماما انا هطلع اغير هدومي بس الاول بسرعة
سميحة: ماشي..ي حبيبي ع بال مانت تغير هدومك يكون الأكل جهز
★★★★★صباح وحيد★★★★★
سهير: ملك...ي ملك...شوفي مين أللي بيرن الجرس
ملك: حاضر ي ماما..طالعة اهو
فتحت ملك الباب وجدته أحمد وكان يرتدي بدلة باللون الأسود الجميل فزداته وسامة ع وسامته مما جعل ملك تنظر له بإعجاب شديد من شدة وسامته وكانت ترتدي ملك فستان باللون الأزرق الجميل به رسومات ورد من الاعلي وعلي الأكمام باللون الأبيض فكان الفستان غاية في الجمال عليها وكانت ترتدي طرحة باللون الدهبي مما زادها جمال ع جمالها وجعل أحمد ينظر لها بإعجاب شديد.
أحمد: ملك هانم بنفسها أللي بتفتحلي الباب لالالا مش مصدق
ملك: هههههه وأحمد باشا بنفسه عندنا في البيت لالالا مش مصدقة
أحمد: هههههههه وحشتيني ي ست البنات..بس اي الحلاوة دي
ملك: أنت كمان بس بقي ماتكسفنيش..تعالي ادخل اتفضل واقف برة ليه !!
سهير: مين ي ملك !!
ملك: دة أحمد ي ماما
سهير: ي أهلاً وسهلاً..ي أهلاً وسهلاً..تعالي ي بني اتفضل انت مش غريب دة بيتك.. دة البيت كله نور النهاردة والله
أحمد: ازيك ي طنط عاملة اي !! وربنا يخليكي يارب والبيت منور بصحابه وأللي قاعدين فيه
سهير: الحمد لله تمام ي حبيبي..بلاش كلمة طنط دي بقي قولي ي ماما علطول انت زي ملك وياسمينا عندي
أحمد: حاضر ي ماما...اتفضلي دي حاجة بسيطة كدة
سهير: لي ي بني تاعب نفسك كدة هو انت غريب يعني
أحمد: ولا تعب ولا حاجة والله ي ماما دي حاجة بسيطة. وبعدين انتي مش لسة بتقولي دلوقتي اهو أني أنا زي ملك وياسمينا يعني مفيش فرق بقي.
سهير: تسلم ي بني..ربنا يخليك..تعالي اتفضل
★★★★★صباح وحيد★★★★★
في فيلا أدهم المهدي
أدهم: الحمد لله..تسلم ايدك ي ماما
سميحة: كل ي بني انت ماكلتش حاجة..انت كدة لحقت تاكل !!
أدهم: كلت والله ي ماما انا كنت جعان والأكل كان جميل تسلم ايدك
سميحة بإبتسامة: بألف هنا ي حبيبي
أدهم: اومال هي فين دادة سعدية صحيح !! ماشوفتهاش النهاردة..ولا قابلتني تسلم عليا زي كل يوم
سميحة: واخدة إجازة ي حبيبي
أدهم: لي ف حاجة ولا اي !!
سميحة: لا ي حبيبي مفيش حاجة ماتقلقش..هي بس كانت محتاجة لإجازة بس هي ماطلبتهاش انا أللي ادتهالها عشان ترتاح شوية برضو هي بتتعب اوي معانا كتر خيرها..شايلة البيت كله ع دماغها فقولت اديها إجازة تستريح شوية بقي
أدهم: فعلا ي ماما والله هي بتتعب ربنا يقدرك ع فعل الخير يارب
★★★★★صباح وحيد★★★★★
في المطبخ ف بيت ياسمينا
سهير: رني ع ياسمينا أختك كدة شوفيها فين
ملك: حاضر ي ماما
ملك: أيوة ي ياسمينا انتي فين كل دة !!
ياسمينا: انا خلاص داخلة ع البيت أهو ي ملك دقيقتين بالظبط واكون عندك
ملك: ماشي يلا بسرعة..يلا مع السلامة
سهير: ها قالتلك فين وقدامها اد ايه !!
ملك: بتقول داخلة ع البيت خلاص أهو ودقيقتين وتكون هنا
سهير: كويس..عقبال أما نحط الغدا ونقعد تكون هي جت بقي
ملك: اه يلا ي ماما
وحضرت سهير وملك السفرة ووضعوا عليها الطعام وذهبت سهير لتنادي عليهم وتخبرهم بأن الطعام جاهزًا للذهاب
سهير: يلا ي جماعة الغدا جهز أهو
حسين: حاضر جايين أهو
جلسا الجميع ع السفرة حول الطعام
وهنا كانت قد جاءت ياسمينا ففتحت بمفتاحها ودخلت إلي البيت وذهبت إلي مكان الطعام حيث يجلسون وكادت أن تتحدث لتلقي السلام ع
الجميع ولكنها رأت شيء جعلها تنصدم ولم تتحدث فلم تلقي السلام ولكنها ظلت واقفة مكانها منصدمة من هول المفاجأة
الفصل الثاني
ياسمينا بصدمة: بشمهندس مصطفي !!
مصطفي بنفس الصدمة: آنسة ياسمينا !!
الجميع بتعجب وعدم فهم: أنتو تعرفوا بعض !!
ياسمينا: أيوة..بشمهندس مصطفي يبقي زميلي معايا ف الشغل
حسين: بشمهندس مصطفي يبقي ابن خالة أحمد خطيب أختك وأما عرف أنه جاي عندنا النهاردة حب أنه ييجي معاه عشان يشوفنا ويتعرف علينا
ياسمينا بصدمة وبصت لأحمد: ابن خالتك !!
أحمد: أيوة ي ياسمينا ابن خالتي انا عارف انك مستغربة وحقك طبعًا
سهير: ياااه ي ولاد..الدنيا ع اد ماهي كبيرة كدة بس هي صغيرة أوي
ملك: يلا ي ياسمينا بقي اقعدي اتغدي ونبقي نكمل كلام بعدين ي جماعة بعد الغدا
★٭★٭★٭★صباح وحيد★٭★٭★٭★
في بيت أدهم المهدي
أدهم: بابا كنت عاوز اكلمك ف موضوع كدة بخصوص الشركة
محمود: خير ي أدهم..تعالي اقعد
أدهم: خير ي بابا ماتقلقش
محمود: اتكلم ي بني انا سامعك
أدهم: بص ي بابا ف مشروع مهم جدًا ولازم نكسبه لأنه هيرفع شركتنا وكل شركات المهدي دة بالإضافة كمان أنه داخل تنافس مع بقية الشركات والمشروع دة حلم كل شركة من الشركات الكبيرة فأنا عملت اجتماع النهاردة للموظفين كلهم وطلبت منهم إن كل واحد فيهم يشتغل ع اد مايقدر ويبذل اكبر جهده ف المشروع دة ويصمم ويوريني وأللي يخلص يسلمني التصاميم اشوفها وانا أللي هختار أحسن تصميم من التصميمات دي كلها وهقدمه وهما بقي هيختاروا أحسن تصميم من كل الشركات أللي قدمت ويبقي هو أللي كسب المشروع وصاحب أحسن تصميم انا هختاره هو أللي هيكمل معايا المشروع للنهاية
محمود بسعادة: طب دة كويس جدًا ربنا معاك ي بني يارب ويوفقك..وأنت بتختار أحسن تصميم ابقي تعالي نشوف مع بعض كدة
أدهم: يارب ي بابا ادعيلي..اه طبعًا حاضر ي بابا
محمود: بدعيلك ي بني ربنا يوفقك يارب
★٭★٭★٭★صباح وحيد★٭★٭★٭★
في بيت ياسمينا
انتهي الجميع من تناول الطعام وجلسا معًا يتناولوا بعض المشروبات وهم يتحدثون
ياسمينا: منورنا ي أستاذ أحمد انت وبشمهندس مصطفي
أحمد: ربنا يخليكي ي ياسمينا دة نورك..وبلاش أستاذ دي بقي خليها أحمد علطول انا خطيب أختك وزي اخوكي الكبير
ياسمينا: اه طبعًا دة شرف ليا
أحمد: ربنا يخليكي..وانا عارف انك لسة مستغربة وجود مصطفي معايا هنا
ياسمينا: هههه لا خالص والله أنا بس اتفاجئت اننا كنا لسة ف الشغل مع بعض وشايفاه ف الاجتماع الصبح وفجأة أروح البيت ألاقيه عندي ف البيت فاتفاجئت أللي هو عرف بيتي منين وكدة وجاي ليه !! وفجأة بابا قالي أنه ابن خالتك وكدة وأول مرة اعرف يعني شغالين مع بعض ف نفس المكان وأول مرة اعرف انه قريبك فكانت مفاجأة بس بالنسبالي
أحمد بضحك: ههههههه حقك والله فعلا ان يبقي حد معاكي ف الشغل وفجأة كدة تلاقيه عندك ف البيت وكمان يطلع قريب خطيب أختك عندك حق تتصدمي والله..هي الحكاية كلها جت صدفة والله ومكنتش مترتبة خالص انا كنت بكلم ملك الصبح اطمن عليها مجتش ليه وطبعًا مامتك كلمتني وعزمتني بقي وكدة وبعد أما قفلت مع ملك لقيت التليفون بيرن بقي ولقيته مصطفي
#فلاش_باك
مصطفي: ايه ي عم..هو كل أللي قرأ فاتحة بقي نسي صحابه ولا اي ولا العروسة واخداك مننا ربنا يوعدنا بقي وننشغل زيك كدة
أحمد بضحك: ههههههه طيب والله واحشني وكنت لسة عاوز أكلمك
مصطفي بضحك: اها مانا عارف حسيت اني واحشك وانك هتكلمني قولت اسبقك انا بقي
أحمد: هههههه عامل اي ي صاحبي..واحشني والله
مصطفي: الحمد لله تمام.. أنت أكتر والله..مختفي بقالك فترة فين كدة !! الخطوبة واخداك مننا
أحمد: معلش والله غصب عني عليا ضغط شغل والله وف مليون حاجة ف دماغي والله ولسة عاوز اخد ملك وننزل عشان تنقي الشبكة أللي تعجبها ولسة عاوز اودب الشقة وحاجات كتيرة والله مليون حاجة ف دماغي انا مقصر معاك معلش انا عارف سامحني بس غصب عني والله ماتزعلش مني
مصطفي: ربنا يكون ف عونك يارب ويتمملكم ع خير يارب ومقدرش ازعل منك انت اخويا وانا عارف والله انك مضغوط بس كنت بهزر معاك بقي ولو أي وقت احتاجت اي حاجة كلمني هجيلك واقف معاك
أحمد: ربنا يخليك يارب ي مصطفي..يارب ادعيلنا شايلك للتقيل ي ابن خالتي ههههه
مصطفي: ههههه حبيبي ي أبو حميد طب بقولك ماتيجي نتقابل النهاردة بعد الشغل نتغدي مع بعض
أحمد: النهاردة مش هينفع للأسف مامة ملك كلمتني وعزمتني ومصممة اتغدي معاهم النهاردة خليها يوم تاني اكون فاضي وننزل
مصطفي: أيوة بقي ي عم مين قدك معزوم عند خطيبتك مين مصطفي دة بقي سيبك منه
أحمد: ههههه يلا عقبالك بقي وافرح بيك
مصطفي: طب تصدق والله أنا نفسي أتعرف ع خطيبتك وعيلتها عاوز اعرف مين أللي قدرت تخطف قلبك كدة وخليتك تحبها كدة
أحمد: طب ماتيجي معايا النهاردة صحيح اعرفك عليهم
مصطفي: اجي فين !! انت بتهزر ي أحمد لا هما عازمينك انت خطيب بنتهم اجي انا بقي اعمل ايه !!
أحمد: ي بني عادي ابن خالتي وجاي معايا عشان يتعرف عليهم وكدة مافيهاش حاجة يعني
مصطفي: هتحرج والله وكمان هدخل عليهم فجأة كدة من غير مايعرفوا عيب مينفعش
أحمد: تتحرج من اي مانت هتبقي معايا ي بني وبعدين ي عم انا هكلم ملك دلوقتي اقولها ماتخافش وبعدين عندها اخت اصغر منها يمكن نخدهالك بقي ونخلص منك ونبقي احنا الاتنين مع بعض بقي
مصطفي: دماغك ناشفة أوي خلاص ماشي قولها الاول بقي عشان بجد نفسي أتعرف عليهم من كلامك عنها وعن عيلتها ويمكن اختها تبقي من نصيبي وابقي وراك وراك ههههه
أحمد: ههههه حاضر اقفل بقي عشان اكلمها
مصطفي: ههه ماشي يلا سلام
★٭★٭★٭★صباح وحيد★٭★٭★٭★
أحمد: ألو ازيك ي حبيبتي بقولك !!
ملك: الحمد لله تمام..قول !!
أحمد: مصطفي ابن خالتي كان عاوزنا نخرج النهاردة نتغدي مع بعض يعني وكدة بس قولتله لا مش هينفع فهو نفسه يتعرف عليكي وع مامتك وباباكي وكدة فقولتله ييجي معايا النهاردة وأعرفه عليكم
ملك: وماله ي حبيبي خليه ييجي أهلا وسهلا بيه ف اي وقت وانا هبلغ ماما.. أنت بتستأذن !! دة بيتك اي وقت
أحمد: تسلمي ي حبيبتي أصله نفسه يتعرف عليكم بس كان مكسوف ييجي النهاردة معايا فقالي اقولك الأول
ملك: لا يتكسف لي !! يشرف وينور أي وقت البيت بيتكم مش محتاج استئذان
أحمد: تسلميلي ي حبيبتي اسيبك دلوقتي بقي مش عاوزة حاجة !!
ملك: لا سلامتك خلي بالك من نفسك
أحمد: حاضر ي حبيبتي وانتي كمان يلا مع السلامة
★٭★٭★٭★صباح وحيد★٭★٭★٭★
#باك
أحمد: بس كدة ي ستي هي دي كل الحكاية وجت صدفة كلها كدة سبحان الله وطلعتوا تعرفوا بعض
ياسمينا: الدنيا صغيرة أوي فعلاً شغال معايا ف نفس المكان ومعايا كل يوم واتفاجئ أنه ابن خالة خطيب أختي سبحان الله
سهير: منورنا ي بني أهلا وسهلا بيك ف اي وقت البيت بيتك اي وقت ماتتكسفش
مصطفي: ربنا يخليكي يارب ي طنط انا بجد مبسوط أني اتعرفت عليكم ودة طبعا شرف كبير اوي ليا
سهير: ربنا يخليك ي بني اكيد الشرف لينا احنا
أحمد: عن اذنكم انا هخرج اقعد برة ف البلكونة ف الهوا شوية
سهير: اتفضل ي بني البيت بيتك مش محتاج استئذان وانا هقوم اعملكم حاجة تشربوها
أحمد: ماتتعبيش نفسك ي ماما وتعملي حاجة..احنا شوية وماشين
سهير: ماشيين دة ايه !! لسة بدري اقعد يلا ومفيش تعب ولا حاجة والله ادخل اقعد انت بس
حسين: وانا هقوم أصلي انا كمان واجي
ياسمينا: اتفضل ي بابا
ملك: عن اذنكم
ياسمينا: رايحة فين ي ملك !!
ملك: خارجة البلكونة لأحمد اقعد معاه عشان ميقعدش لوحده
ياسمينا: اممممم ماشي ي لوكا
مصطفي: انا بعتذرلك جدًا ع الموقف أللي حصل مني الصبح ف الشركة لو كنت ضايقتك
ياسمينا: لا عادي ولا يهمك حصل خير..وانا أللي بعتذرلك عن طريقتي في الأسلوب معاك..وشوف سبحان الله جيت لقيتك ف البيت عندي شكلك ليك نصيب تشرب معايا فنجان القهوة
مصطفي: هههههه انا اتفاجئت زيك بالظبط والله أما شوفتك
ياسمينا: ههههه يلا حصل خير هي جت صدفة كدة بقي..نورتنا النهاردة ي بشمهندس
مصطفي: ربنا يخليكي دة نورك
★٭★٭★٭★صباح وحيد★٭★٭★٭★
ملك: قاعد لوحدك لي كدة !!
أحمد: لا عادي بحب اقعد ف الهوا بس
ملك بإبتسامة: اممممم طب تسمحلي اقعد معاك !!
أحمد بإبتسامة: اها طبعًا هو انا اطول القمر بنفسه جاي يقعد معايا
ملك بكسوف: ماتكسفنيش بقي ي أحمد
أحمد بضحك: ههههههه اي دة حبيبي طلع بيتكسف
ملك: اها اومال انت فاكر ايه..حصلت حاجة مهمة ف الشغل النهاردة !!
أحمد: لا محصلش اي حاجة كان شغل عادي زي كل يوم
ملك: الحمد لله بحسب ف شغل جديد
أحمد: لا ي حبيبتي مفيش انا لازم امشي بقي
ملك: ماتخليك قاعد شوية ي أحمد هتمشي ليه دلوقتي !! لسة بدري
أحمد: معلش ي حبيبتي بقي عشان متأخرش بس وألحق أروح هبقي اجيلك يوم تاني والله إن شاء الله
ملك: طيب ماشي استني بس ماما قامت تعمل الشاي اشرب الشاي الاول طيب وبعد كدة امشي
أحمد: خلاص حاضر ي حبيبتي نقعد نشرب الشاي
حسين: اومال فين ملك وأحمد !!
ياسمينا: قاعدين ف البلكونة ي بابا
حسين: أما اروحلهم كدة اشوفهم
ياسمينا: اتفضل ي بابا
حسين: تسمحولي أقعد معاكم شوية ولا مينفعش !!
أحمد: اها طبعًا ي عمي دة أنت تنورنا اتفضل
ملك: حضرتك بتستأذن ي بابا !! اتفضل طبعًا
حسين بضحك: اها طبعًا لازم استأذن افرضي خطيبك عاوز يقعد معاكي ع انفراد وانتي عاوزة تقعدي معاه اجي انا ادخل كدة
ملك: هههه انت تيجي تقعد معانا اي وقت ي بابا حتي لو كدة زي مابتقول
حسين: ربنا يخليكي ليا ي بنتي ويحفظك يارب ويفرحك وأشوفيك أحلي عروسة يارب
ملك: ويخليك ليا يارب ي بابا
سهير: يلا ي جماعة الشاي جاهز
حسين: يلا عشان مامتك بتنادي بقي بدل ماتيجي تزعقلنا هنا
أحمد بضحك: ههههه يلا نخش ي عمي بدل ماتزعل
مصطفي: انا مش عارف حضرتك تاعبة نفسك ليه كدة
سهير: مفيش تعب ولا حاجة والله..دي حاجة بسيطة والله
أحمد: ليه كدة بس ي ماما تعبتي نفسك احنا مش ضيوف والله مكنش ليه لزوم التعب دة كله
سهير: ولا تعب ولا حاجة والله هو انا هيجيلي أعز منكم يعني..وبعدين دي كيكة وحلويات عشان نحلي بعد الأكل بس مش اكتر فين التعب بقي !!
أحمد: ربنا يخليكي لينا ي ست الكل
سهير: يلا اتفضلوا بقي ماتتكسفوش
أحمد: اها صحيح عشان مانساش ي ماما انتي وملك حضروا نفسكم يوم كدة فاضيين فيه عشان تنزلوا تنقوا الشبكة أللي تعجبكم
سهير: ي بني اي حاجة منك حلوة ربنا يخليك
أحمد: ربنا يخليكي ي ماما بس برضو خليها تنقي أللي تعجبها هو انا عندي أعز منها يعني
سهير: ربنا يخليكم لبعض ويتمملكم ع خير يارب ي بني
أحمد: يارب ي ماما ادعيلنا..طيب احنا لازم نمشي بقي دلوقتي عشان اتأخرنا
سهير: تمشوا تروحوا فين لسة بدري
أحمد: معلش بقي ي ماما تتعوض مرة تانية إن شاء الله وعشان شغلي الصبح بقي
حسين: اقعد ي أحمد لسة بدري مستعجل ليه
أحمد: معلش بقي ي عمي عشان ألحق أروح بس عشان ورايا شغل الصبح والله
مصطفي: شكرًا جدًا ي جماعة ع استقبالكم دة ومعرفة سعيدة..واتشرفت بمعرفتكم
حسين: ماتقولش كدة ي بشمهندس انت زي أحمد عندنا
مصطفي: ربنا يخليك ي عمي انا مبسوط أني اتعرفت عليكم والله وكان ليا الشرف أني اتعرفت عليكم والله وكان يوم جميل اوي معاكم
سهير: ربنا يخليك ي بني ونورتنا وشرفتنا النهاردة والله
مصطفي: ربنا يخليكي ي طنط
أحمد: يلا مع السلامة بقي ي جماعة وتتعوض مرة تانية إن شاء الله
الجميع: مع السلامة نورتونا النهاردة
وذهبت ملك وياسمينا معهم لتوصيلهم للباب
مصطفي: فرصة سعيدة ي أنسة ياسمينا واتشرفت بمعرفتك..وبعتذر لحضرتك مرة تانية لو كنت ضايقتك
ياسمينا بإبتسامة خفيفة: ميرسي ربنا يخليك...انا اسعد..ولا يهمك حصل خير
أحمد: مش عاوزة حاجة ي حبيبتي
ملك: عاوزة سلامتك وخلي بالك من نفسك
أحمد: حاضر ي حبيبتي أول أما أروح هكلمك
ملك: حاضر ي حبيبي
حسين: ي خبر بسرعة الساعة بقت ١٠:٠٠ يلا ي بنات انا داخل انام بقي عشان ورايا شغل الصبح
سهير: وانا كمان هدخل انام عشان خلاص مش قادرة تعبت طول اليوم وهموت وانام
ملك وياسمينا: اتفضلوا أنتو تصبحوا ع خير
حسين وسهير: وانتو من أهل الخير ي حبايبي
★٭★٭★٭★صباح وحيد★٭★٭★٭★
مصطفي: كويسين أوي أهل خطيبتك دول وطيبين جدًا
أحمد: ربنا يخليك ي مصطفي
مصطفي بخبث: بس عسولة اوي خطيبتك دي وأمورة ماشاء الله وأخلاق ومحترمة لا حقك انك تحبها اكتر من كدة كمان وحقك تقع فعلاً
أحمد بغيرة: اتلم ياض أنت بدل أما ألمك انا انت بتعاكس خطيبتي قدامي
مصطفي: مش بقول رأيي..فيها حاجة دي !! وبعدين انا مش جيت عشان اشوفها واعرفها وكدة لازم اقول رأيي فيها
أحمد: خلاص ي عم روميو أنت متشكرين ي عم مصطفي: ربنا يخليكم لبعض يارب ويتمملكم ع خير يارب
أحمد: يارب ي مصطفي ادعيلنا وعقبالك بقي كدة يارب
مصطفي: ربنا يخليك ي أبو حميد
أحمد: بس خد هنا قولي انت استغربت اوي ليه كدة اما شوفت ياسمينا أخت ملك وهي كمان برضو
مصطفي: واحدة معايا ف الشغل وكنت لسة شايفها الصبح ف الشغل قبل أما اجي..معزوم مع ابن خالتي عند خطيبته فجأة الاقيها داخلة البيت فطبيعي كانت مفاجأة بالنسبالي
أحمد: ههههه هي فعلا صدمة
★٭★٭★٭★ صباح وحيد ★٭★٭★٭★
ملك: احكيلي بقي تعرفي مصطفي قريب أحمد دة بقي منين واتصدمتي لي أول أما شوفتيه !!
ياسمينا: انا ماعرفوش لاني ماليش تعامل معاه
ملك: اومال اتصدمتي لي أول أما شوفتيه !!
ياسمينا: واحد معايا ف الشغل وكنت لسة شايفاه ف الشغل وكان معايا ف الاجتماع الصبح اجي البيت ألاقيه ف بيتي قاعد بيتغدي معانا فطبيعي لازم اتصدم اللي هو اي أللي جابك وازاي عرفت بيتي اصلا..عاوزة تقنعيني انتي لو مكاني مش هتتصدمي !!
ملك بضحك: ههههه لا حقك الصراحة ي سيمو هي صدمة فعلاً انا لو مكانك كنت هتصدم زيك برضو أصلها حاجة غريبة برضو
ياسمينا:وكمان اتفاجئ أنه ابن خالة خطيب أختي وانا معرفش وشغالين ف مكان واحد..دة غير كمان أنه الصبح بعد الاجتماع قال اي كان عاوز يقعد معايا ويعزمني ع فنجان قهوة وأنا رفضت طبعًا وبعد كدة سيبته ومشيت من غير مااديله فرصة يتكلم فأما شوفته هنا قولت اي دة معقولة يكون جاي هنا عشان يقعد معايا عشان رفضت الصبح اني اقعد معاه فجالي البيت اي البجاحة دي..ولا يكون جاي ينتقم مني عشان رفضت !! بس برضو عرف بيتي ازاي ومنين !!
ملك بضحك: ههههه يالهوي دة انتي تلاقيكي بقيتك ف نص هدومك من أللي عملتيه معاه الصبح وتيجي تلاقيه ف بيتك قاعد بيتغدي معانا
ياسمينا: اها والله فعلا وهو أنتي بتقولي فيها يعني..دة انا بقيت مكسوفة اوي والله من أللي انا عملته معاه
ملك: بس هو ليه كان عاوز يقعد معاكي أصلاً !!
ياسمينا: صدقيني ي ملك زيي زيك معرفش والله كان عاوزني ليه..انا بقولك مادتوش فرصة يتكلم ادتلوا الكلمتين وسيبته ومشيت من غير مااديه فرصة يتكلم أو اسمع رده.. لأني كنت خارجة من الاجتماع مش طايقة نفسي أصلاً وأما قالي طلعت عصبيتي عليه مادتش فرصة لنفسي حتي افهم هو كان عاوز ايه
ملك: اها مانا عارفاكي أما بتبقي متعصبة.. انتي هتقوليلي
★٭★٭★٭★ صباح وحيد ★٭★٭★٭★
أحمد يدخل إلي البيت ليجد والداه يجلسان يشاهدان التلفاز فألقي عليهما السلام
سوسن:؛حمد لله ع السلامة ي حبيبي..اتأخرت ليه كدة !! أما اقوم احضرلك العشا
أحمد: لا ماتتعبيش نفسك ي ماما انا مش جعان..ماتأخرتش ولا حاجة والله القاعدة خدتنا بس وكانوا ماسكين فيا وكان مصطفي ابن خالتي جيه معايا
سوسن: مصطفي !! ومصطفي ماله وراح لي يعني !!
أحمد: مفيش ي ماما هو كان عاوزنا نخرج ونتغدي مع بعض بس انا قولتله مش هينفع عشان معزوم عند ملك بقي وكدة فهو كان نفسه يشوفهم يعني وكدة ويتعرف عليهم فخدته معايا بقي وعرفت ملك وطلع هو وياسمينا اخت ملك يعرفوا بعض لأنهم مع بعض في الشغل
سوسن: اي دة بجد والله !! صدف فعلاً سبحان الله
أحمد: اها فعلا ي ماما معاكي حق الاتنين بقوا مصدومين مش بيتكلموا
سوسن: الدنيا صغيرة أوي فعلا ي بني والله والصدف بتجمع الناس ببعضها
شاهين: ماتقومي ي سوسن تحضرلنا العشا عشان أحمد يلحق يتعشي وينام عشان شغله بكرة بقي
أحمد: لا عشا اي بس ي بابا تعالي ي ماما ماتعمليش حاجة انا مش قادر اتنفس انا عاوز ادخل أنام عشان اقدر اصحي بدري بقي عشان الشغل
سوسن: ي بني استني اتعشي الأول طيب هقوم احضر العشا لقمة خفيفة كدة نتعشي وبعد كدة نام براحتك
أحمد: صدقيني ي ماما أنا ع أخري والله
شاهين: خلاص ي سوسن سيبيه براحته ماتضغطيش عليه ادخل أنت نام ي بني عشان تصحي لشغلك الصبح
أحمد: حاضر ي بابا تصبحوا ع خير
سوسن: وانت من أهل الخير ي بني ربنا يوفقك يارب ي حبيبي..ويتمملك ع خير يارب
★٭★٭★٭★ صباح وحيد ★٭★٭★٭★
ياسمينا: اي ي ست ملك أنتي مش هتنامي بقي ولا اي
ملك: لا قاعدة شوية لسة
ياسمينا: ليه مش رايحة الشغل بكرة تاني ولا ايه !!
ملك: لا رايحة أكيد إن شاء الله
ياسمينا: طيب أما انتي رايحة مش تنامي بقي عشان تصحي الصبح
ملك: ي بت عشان أحمد هيكلمني فمستنياه يكلمني بقي الاول عشان اطمن عليه وبعدين أنام
ياسمينا: اممممم قولي كدة بقي دة لو انا برة مش هتسهري تستنيني تطمني عليا كدة والله
ملك: لا اكيد هبقي عاوزة اطمن عليكي انتي أختي ي هبلة انتي
ياسمينا: حبيبتي ي لوكا ربنا يخليكي ليا يارب يلا نامي بقي عشان تقدري تقومي لشغلك الصبح تلاقيه نام أصلا وبعدين مانتو كدة كدة بكرة هتتقابلوا ف الشغل
ملك: لا هو قالي أول أما أروح هكلمك..فمينفعش انام عشان مايزعلش
ياسمينا: طيب ي ختي ربنا معاكي خليكي أنتي قاعدة..أنا هنام بقي عشان ورايا شغل الصبح بدري اقدر أقوم بقي عشان انتو الاتنين فايقين والله ورايقين دة لو أنا والله وعاوزة انام هنام ولا يهمني
ملك: بكرة تتخطبي ونشوف ي ختي هتسهري وتستنيه يكلمك زي ماقالك ولا هتنامي زي مابتقولي وهفكرك
ياسمينا: أما يبقي ييجي وقتها بقي بس لو عاوزة أنام هنام انا اهم حاجة النوم انتي عارفة بقي
ملك: ههههه هنشوف يلا بقي نامي ي ختي
وهنا رن هاتف ملك
ياسمينا: أهو رن ي ستي
ملك: نامي بقي انتي مش كنتي عاوزة تنامي
ياسمينا: فجأة النوم طار وقولت اقعد مع أختي حبيبتي ومينفعش اسيبها تسهر لوحدها وانام
ملك: ي سلام طيب سيبيني بقي عشان أرد ع أحمد
ياسمينا بحزن مصطنع: بقي كدة بقي احمد اهم مني عندك بقي انا اقول اسهر معاكي وأضحي بنومي عشانك ومانامش وأقول عشان اقعد معاكي وماتقعديش لوحدك وف الاخر تقوليلي سيبيني بقي عشان أرد ع أحمد الاهتمام مابيطلبش
ملك: معلش بقي ماتضحيش تاني واسكتي بقي عشان اكلمه
ياسمينا: سكتت اهو ي ختي اتفضلي اتكلمي
ملك: ألو ازيك ي أحمد
أحمد: بحسبك نمتي
ملك: لا مستنياك تكلمني زي ماقولتلي
أحمد: ي حبيبتي معلش اني اتأخرت عليكي
ملك: لا ماتقولش كدة ولا يهمك اهم حاجة أنت كويس !!
أحمد: اها الحمد لله انا تمام لسة مروح اهو بقالي تلت ساعة كدة يدوبك غيرت بس وكنت هنام وقولت أما اكلمك الأول كدة اشوفيك
ملك: حمد لله ع السلامة
أحمد: الله يسلمك ي حبيبتي جاية الشغل بكرة !!
ملك: اها ي حبيبي إن شاء الله اسيبك بقي عشان تلحق تنام عشان الشغل بكرة
أحمد: ماشي ي حبيبتي اشوفيك بكرة بقي إن شاء الله تصبحي ع خير
ملك: إن شاء الله ي حبيبي وأنت من أهل الخير يارب
ياسمينا: بقي قاعدة دة كله ومش عاوزة تنامي عشان الكلمتين دول دة انتي رايقة بشكل ي شيخة عشان ١٠د مكالمة
ملك: ي بت انتي مالك ومالي ي بنتي مالك ف اي
ياسمينا: لا مستغربة بس انك ماتناميش وتعذبي نفسك سهر ووراكي شغل الصبح بدري عشان هو هيكلمك وف الاخر هما ١٠د بعد دة كله كنتي تنامي أحسن والله دة لو انا مش هستني كدة لا هنام وهو وحظه بقي
ملك: ههههه بكرة نشوف ي ست ياسمينا وهفكرك
ياسمينا: لا هنام ويكلمني الصبح عادي يعني إنما مش هسهر استناه مش بستني حد أنا لا هههه
ملك: هههههه أما نشوف يلا نامي بقي عشان نصحي الصبح
ياسمينا: حاضر يلا تصبحي ع خير
ملك: وأنتي من أهل الخير يارب ي حبييتي
★٭★٭★٭★ صباح وحيد ★٭★٭★٭★
وفي صباح اليوم التالي
يستيقظ أدهم المهدي من نومه ع صوت منبه هاتفه فقام بإغلاقه ونهض من ع السرير يدخل إلي المرحاض ليأخذ شاور ويتوضأ ويصلي فرضه
محمود: اومال فين أدهم لسة مصحيش ولا اي !!
سميحة: لا أكيد صحي منبه تليفونه رن وقام قفله
محمود: ماهو ممكن يكون قفله ونام تاني ويتأخر ع شغله كدة اومال هو فين كل دة مجاش لي يفطر معانا
سميحة: هتلاقيه بيصلي وبيلبس ونازل
أدهم: اديني جيت اهو ي بابا وماتقلقش هلحق شغلي إن شاء الله
سميحة: صباح الخير ي حبيبي
أدهم: صباح الجمال ي ست الكل
محمود: اقعد افطر يلا ي بني عشان تلحق شغلك
★٭★٭★٭★ صباح وحيد ★٭★٭★٭★
تستيقظ ياسمينا من نومها ع صوت منبه الهاتف
ياسمينا بكسل: ملك..ملك..يلا ي ملك اصحي بقي
ملك بنوم: اي ي ياسمينا ف اي سيبيني شوية كمان معلش
ياسمينا: يلا ي بنتي عشان تلحقي شغلك بلاش كسل بقي ولسة هنصلي ونلبس ونفطر قومي يلا
ملك بنوم: حاضر...حاضر..هقوم أهو
ياسمينا: أما أنتو مش قد السهر بتسهروا ليه ها قومي أحمد بيرن عليكي اهو أرد عليه اقوله نايمة وقالتلي سيبيني شوية كلمها شوية كدة
ملك وقد قفزت من ع السرير وامسكت بهاتفها: لا هاتي انا هرد عليه
ياسمينا بضحك: ي بنتي مش كنتي عاوزة تنامي دلوقتي نامي
ملك: لا خلاص انا صحيت ومش عاوزة أنام
ياسمينا: دة انا بقالي ساعة بصحي فيكي
ملك: صباح الخير
أحمد: صباح النور صحيتي !!
ملك: اها لسة صاحية أهو
أحمد: وانا كمان اشوفيك النهاردة ف الشغل بقي إن شاء الله
ملك: إن شاء الله أحمد أنت كويس !!
أحمد: اها انا تمام ماتقلقيش
ملك: اومال مالك كدة ومال صوتك !!
أحمد: دة عشان لسة صاحي من النوم بس ومش مركز
ملك: اهم حاجة انك كويس وبخير
أحمد: اها ي حبيبتي انا تمام ماتقلقيش
ملك: اشوفيك ف الشغل بقي
أحمد: إن شاء الله ي حبيبتي
★٭★٭★٭★ صباح وحيد ★٭★٭★٭★
مصطفي يجلس ويتناول الفطار مع والده ووالدته وأخته الذي هي اصغر منه بأربع سنوات
سامية(والدة مصطفي): أنت كنت فين امبارح ي مصطفي كدة بعد الشغل ورجعت بليل كدة
صافي بضحك(أخت مصطفي): هتلاقيه ي ماما كان مع الموزة
مصطفي: لا ي لمضة هانم مفيش موزة ولا بتاع كنت مع أحمد ابن خالتي عند خطيبته ي ماما
سامية بتعجب: روحت تعمل اي !!
مصطفي: عادي ي ماما كنت حابب أني أتعرف عليهم وكدة وكنت بكلمه بالصدفة بقوله نخرج النهاردة وكدة قالي أنه معزوم عند خطيبته وكدة فخدني معاه بقي عشان أتعرف عليهم أما جت الفرصة والموضوع كله جيه صدفة
سامية: مفيش مشكلة ي بني انا كنت بطمن عليك بس
أيمن(والد مصطفي): كمل فطارك ي بني يلا عشان تلحق شغلك بقي
مصطفي: انا فطرت خلاص ي بابا الحمد لله
أيمن: فطرت اي بس !! اقعد كمل فطارك ي مصطفي
مصطفي: فطرت ي بابا والله عشان ألحق شغلي بقي
أيمن: ربنا معاك ي بني
★٭★٭★٭★ صباح وحيد ★٭★٭★٭★
منال: ايه ي ياسمينا مالك قاعدة لي كدة ي بنتي !!
ياسمينا: لا مفيش ي منال جعانة بس..هو البريك أمتي
منال: كمان ١٠د كدة
ياسمينا: طب كويس عشان جعانة اوي
منال بضحك: اها قولي كدة بقي
مصطفي: السلام عليكم آنسة ياسمينا ممكن ٥د في وقت البريك !!
ياسمينا: حاضر إن شاء الله ي بشمهندس
منال بضحك: ايه دة هتقعدي معاه عادي من غير أما تتعصبي زي امبارح..الحمد لله
ياسمينا بضحك: امبارح كنت خارجة من الاجتماع مش طايقة نفسي وعصبيتي طلعت عليه هو..دة كمان حصل حاجة بعد أما روحت هحكيلك بعدين كل حاجة بعد البريك
★٭★٭★٭★ صباح وحيد ★٭★٭★٭★
في وقت البريك
ياسمينا: خير ي بشمهندس قولت انك عاوزني اتفضل مصطفي: أولاً حابب اشكرك ع مقابلتكم امبارح
ياسمينا: ماتقولش كدة دة الواجب
مصطفي: ثانيًا كنت حابب اتكلم معاكي ف موضوع كدة بصراحة !!
ياسمينا: اتفضل تحت امرك
مصطفي بتوتر: بصي..بص..بصراحة..كد..كدة..ا..انا..
ياسمينا: أنت اي !! مالك بتقطع ف الكلام لي كدة اتكلم علطول
مصطفي: بص..راح.. بصراحة..ان..انا..
ياسمينا بنفاذ صبر: ممكن حضرتك تتكلم علطول وتقول أللي عاوز تقوله علطول من غير لف ولا دوران !!
مصطفي بتوتر: حاضر..بصراحة أنا معجب بيكي وبحبك وعاوز ارتبط بيكي