رواية اعطيت لحبك فرصة فخدعتني
🌛الفصل الثالث عشر 🌜
٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭
وبعد مرور أسبوع خرج شاكر من المستشفي وذهب إلي البيت وسوزان بجانبه ترعاه حتي في يوم من الايام يجلسان وسمعا جرس الباب يدق فذهبت سوزان لتفتح الباب لتنصدم بمن علي الباب .....
شيري ببجاحة وبرود: سوزان هانم بنفسها أللي بتفتحلي الباب
سوزان بصدمة: انتي ايه جابك هنا !!
شيري وهي تدفعها وتدخل وتنظر للشقة: ايه ياسوزان انتي ناسية ياحبيبتي اننا متشاركين في نفس الراجل ولا ايه !! واني ليا فيه زي مانتي ليكي بالظبط وليا حق عليه زيك ..جاية لجوزي ياعنيا مش من حقي دة !! بس حلوة الشقة أهي
سوزان بعصبية: امشي اطلعي برة ومتعتبيش باب البيت دة تاني واخرجي من حياتنا بقي
شيري بضحكة وهي تجلس علي أحد الكراسي وتضع ساق فوق ساق: هدي اعصابك بس عشان نعرف نتفاهم احنا ضراير ماتنسيش دي ..وقامت وهي تبحث: اومال شاكر فين دة وحشني اوي والله ونفسي اشوفه
سوزان ومسكتها: قولتلك اطلعي برة حالا ومش عاوزة اشوفك هنا تاني واطلعي برة حياتنا خالص بقي ..وجودك فيها بوظها
شيري: ماقولتلك اهدي شوية كدة اومال .. انا جاية لجوزي لانه جوزي زي ماهو جوزك
شاكر وكان قام وطلع بتعب: عاوزة ايه ياشيرين !!
سوزان وجريت عليه تسنده: شاكر أنت ايه قومك انت لسة تعبان ياحبيبي ومينفعش تقوم من السرير دلوقتي
شاكر وينظر لها بحب ويحتضنها: ماتقلقيش عليا ياحبيبتي انا كويس ..ووجه نظره لشيري الواقفة: ها جاية عاوزة ايه ياشيرين اخلصي
شيري: مفيش ياحبيبي جاية اطمن عليك اصلك غايب بقالك كام يوم ومعرفش عنك حاجة بس هي بتطردني ..وكمان اما عرفت برجوعك لسوزان هانم(قالتها باستهزاء) قولت لازم اجي اباركلها بنفسي مينفعش ..وبعد دة كله تطردني
شاكر: لا كتر خيرك والله هاتي من الاخر ياشيرين
شيري وهي تقترب منه وتضع يديها علي كتفيه: مفيش ياحبيبي قلقت عليك بقالك كام يوم مختفي من الشركة ومن كل مكان ومعرفش عنك حاجة قلقت عليك فيها حاجة دي !!
شاكر وهو ينزل يديها من علي كتفيه: لا مافيهاش حاجة خالص بس اعملي حسابك بقي إنك ماتقلقيش عليا تاني لأن من هنا ورايح مش هتعرفي عني حاجة
شيري بعدم فهم: يعني ايه !! تقصد ايه !! هو انا مش مراتك زي مالهانم مراتك ولا ايه !!
شاكر: الحكاية بكل بساطة أنتي طالق ياشيرين طالق
شيرين بصدمة: ا..ايه..ا..انت ط..طل..طلقتني ..طلقتني انا !! ازاي طيب وازاي قدرت تقولها ومسكته جامد وبعصبية: ازاي تطلقني انا وليه وبصت لسوزان: وعشان مين عشان دي !! عشان ست هانم حبيبة القلب اللي رفضت ترجعلك وذلتك ذل مالوش أول من آخر وطلبت الطلاق منك يعني المفروض لو حد هيتطلق فتكون هي مش انا قالتلك أنها عاوزة تتطلق ومش عاوزة تعيش معاك تاني ورغم كدة برضو فضلت تذل في نفسك قدامها وتتحايل عليها بس اقولك ايه مانت ماعندكش دم ولا كرامة عشان تعيش مع واحدة مش عاوزاك وهي كمان زيك عشان تقبل تعيش معاك وواحدة تانية بتشاركها فيك
شاكر وصفعها علي وجهها بقوة: اخرسي يازبالة اللي بتتكلمي عنها دي تبقي مراتي وام ولادي وقبل دة كله فهي حبيبتي وعمري ماحبيت ولا هحب حد غيرها يعني أما تيجي تتكلمي عنها بعد كدة تتكلمي عنها باحترام لانها مش زيك ولو هي ماعندهاش دم زي مابتقولي انتي أللي ماعندكيش دم مش هي لانك انتي قبلتي تاخدي واحد متجوز ومخلف وخدتيه من مراته وعياله يعني واخداه منها يبقي مين أللي ماعندوش دم بقي !! امشي اطلعي برا وماشوفش وشك تاني ولا في الشركة ولا في اي مكان
سوزان بقلق: شاكر اهدي عشان خاطري تهدي شوية ..وبصت لشيرين: وانتي اتفضلي اطلعي برة مش قالك اطلعي برا يلا بقي مستنية ايه !!
شيري بزعيق: انت بتضربني أنا ياشاكر انا !! والله لأدفعك تمن أللي عملته دة غالي اوي وبكرة تشوف إن ماخلتكش ترجعلي راكع تحت رجلي وتتمني مني السماح مابقاش انا شيري
شاكر بضحك جامد: عاجبني ثقتك بنفسك اوي دي .. أللي تقدري تعمليه اعمليه انا مابتهددش اقولك علي حاجة كمان أعلي مافي خيلك اركبيه ودلوقتي بقي اتفضلي برة لأن وقتك خلص واحنا بصراحة مش فاضيين
شيري: ماشي ..ماشي ياشاكر هتشوف انا هعمل ايه ..وذهبت ورزعت الباب خلفها بقوة
سوزان وجلست بجانب شاكر: شاكر أنا خايفة لتأذيك ولا تعمل فيك حاجة
شاكر وهو يضمها إليه ويقبل رأسها: ماتخافيش ياحبيبتي ولا تقدر تعمل حاجة ماتقلقيش
سوزان واعتدلت ورفعت وجهها في وجهه: انت طلقتها ليه ياشاكر !! وكنت اتجوزتها ليه أصلا !! وتعرف ايه عنك مخليها تتكلم بثقة كدة !! انا مش فاهمة حاجة خالص
شاكر: هجاوبك علي كل أسألتك بس قبل أما اجاوبك علي حاجة عاوز أسألك سؤال
سوزان: سؤال ايه !!
شاكر: يعني انتي متأكدة إن جوازي منها كان ليه سبب مش كدة !! عشان لو مش متأكدة يبقي مالوش لازمة احكي بقي لانك مش هتصدقيني إنما لو حاسة حتي بنسبة واحد في المية هحكي وانا واثق ومتأكد انك هتصدقيني
سوزان: طول الوقت وأنا قلبي بيقولي إن في سبب يخليك تعمل كدة بس مش عارفة سبب ايه أللي يخليك تعمل حاجة زي كدة توجعني بيها ايه أللي يخليك تعمل حاجة وانت واثق ومتأكد أنها هتدمرني مش هتوجعني وبس طول عمرك ماتبعد عن اي حاجة مهما كانت ايه وانت عاوزها مجرد أنها ممكن توجعني بس المرة دي بقي انت عملت الحاجة وانت واثق أنها هتوجعني ومابعدتش عنها زي كل مرة بالعكس قربت منها اللي يخليك تعمل حاجة وأنت عارف ومتأكد انها ممكن تبعدني عنك وتكون سبب في اننا نبعد عن بعض كل الحاجات دي اكيد كان وراها سبب وسبب قوي اوي كمان اللي يخليك تعمل حاجة توجعني يبقي اكيد وراها سبب فكرت كتير بس مالقتش سبب بقي في صراع بين قلبي وعقلي قلبي اللي يقولي هو بيحبك ومستحيل يستغني عنك وعقلي اللي يقولي انتي لسة عاوزة تبرريله تاني وبتدوري علي مبرر تسامحيه بيه مابقتش عارفة اعمل ايه لحد ماوصلت لحل وسط يرضي قلبي وعقلي مع بعض وارتاح من الصراع دة وهو اني اسمع منك انت ايه خلاك تعمل كدة وتجرحني بالشكل دة
شاكر براحة: وانا هحكيلك كل حاجة ..كدة اتطمنت اني اقدر احكيلك كل حاجة وانتي هتصدقيني
سوزان: دلوقتي تقوم ترتاح شوية وأما تصحي ونتغدي نتكلم وتحكي براحتك بس دلوقتي لازم تاخد العلاج وترتاح وتهدي اعصابك عشان ماتتعبش انا سلامتك عندي اهم من الحقيقة نفسها واهم من اي حاجة
٭٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭٭
أدهم: فهمتي بقي شغلك ايه
هند بإبتسامة: اه دة بسيط جدا .. أدهم بس ممكن اطلب منك طلب !!
أدهم: اه طبعا اتفضلي تحت امرك
هند: ممكن نبقي صحاب يعني لو احتاجت اي حاجة تقولي وانا برضو كدة انت عارف اني لسة ماليش صحاب وحابة يبقي في علاقة صداقة بينا مش علاقة شغل وبس أو قرابة وبس يعني خلينا صحاب واخوات حسيت نفسك مخنوق ومحتاج تتكلم تعالي اتكلم معايا
أدهم بإبتسامة: اه طبعا معلش انا يمكن مش بتكلم كتير بس دة عشان الشغل انتي فاهمة اكيد
هند: بص يا أدهم بعيدا عن الشغل أنت مخبي حاجة جواك ومريت بحاجة في حياتك هي اللي خليتك كدة وكونت منك شخصيتك الحالية وانا طبعا مش هسألك ايه هي الحاجة دي إلا لو جيت انت بنفسك وعاوز تحكي وساعتها هسمعك واساعدك كمان بس عاوزة اقولك حاجة مهما كانت تجربتك أللي مريت بيها ماتخليهاش تأثر فيك ولا تغير منك ولو غيرت فيك فيكون للأفضل مش للأسوأ وكلنا بنمر بتجارب بس مختلفة واتاكد كل ماكانت التجربة أللي مريت بيها صعبة هتعمل منك شخص عظيم اوي لأنها هتعلمك صح ..زي لو عندك طالب مثلا مابيذاكرش وجيت كلمته بالراحة من غير أما تعمله حاجة هيجيلك برضو مش مذاكر بعكس مثلاً لو ضربته جامد هيجليك مذاكر كويس اوي وهيجيب درجة كويسة كمان في الامتحان طيب ودة ليه !! لانه خاف يتضرب تاني فاتعلم وعشان كدة كل ماكانت التجربة صعبة ماتزعلش لأنها بتعلمك وتفتح عينيك علي حاجات يمكن مكنتش واخد بالك منها
أدهم بإبتسامة: كلامك كله صح فعلاً ..وبهزار: انتي كنتي ناوية تبقي دكتورة نفسية ولا ايه
هند بضحك: حاجة زي كدة ..المهم التجربة أللي تمر بيها تقويك مش تكسرك واستغل فرصة انك تتعلم منها اي حاجة وتعمل منك شخص اقوي عارف كل حاجة ..ولولا التجارب مكناش اتعلمنا حاجات كتير اوي في حياتنا
أدهم: صح كلامك كله صح التجارب هي أللي بتعلمنا فعلا بس وهي بتعلمنا لازم تاخد مننا سواء طاقة بقي أو خذلان أو اي حاجة بس المهم بتاخد حاجة عشان تديكي قصادها حاجة لانها لو مخدتش منك حاجة يبقي مش هتتعلمي خالص ومفيش حد بيتعلم ببلاش
هند: بالظبط كدة ..كلامك مظبوط عشان نتعلم صح لازم يتاخد مننا حاجة لأنها أما تتاخد هنعرف قيمتها فهنحافظ ونخلي بالنا بعد كدة بس دورنا هنا بقي اننا مانقعدش نحاول نرجع الحاجة دي تاني لا احنا نحاول نعمل غيرها وتكون هي نقطة قوة لينا نبدأ من جديد مش نزعل ونقعد نفكر فيها
أدهم: عندك حق فعلاً
هند: معلش بقي انا طولت عليك اسيبك بقي تشوف شغلك وانا كمان اروح اشوف شغلي وزي ماقولتلك لو احتاجت اي حاجة انا موجودة
أدهم بإبتسامة: لا خالص والله انا اتبسطت بكلامي معاكي شكرا ليكي بجد ..وانتي كمان لو احتاجتي اي حاجة اي وقت انا موجود
هند بإبتسامة: دة اكيد ..عن اذنك
٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭
شاكر: سوزان تعالي اقعدي عشان نتكلم
سوزان وذهبت تجلس بجانبه: سامعاك ياحبيبي
شاكر وهو يتنهد: علاقتي بدأت بشيرين من سنة تقريبا أما جت تشتغل عندي في الشركة سكرتيرة وكانت مجرد موظفة وبس مش اكتر لحد من ٥ شهور بس لاحظت تصرفاتها بدأت تتغير وحركاتها وكنت موقفها عند حدها بس بدأت تزيد فيها لحد في يوم سمعتها بتتكلم في التليفون مع واحد وبتقوله كله تمام ياحبيبي انا وقتها شكيت فيها بس قولت وانا مالي مايمكن خطيبها ولا حبيبها المهم ماحطتش في دماغي اوي ..جيت يوم لقيتها واقفة مع واحد واديتله ورق ومشي علطول وهي كانت متوترة وباين عليها وبرضو ماحطتش في دماغي لحد بقي ماجيه يوم وكان عندنا صفقة مهمة اوي وببص عشان اطلع الورق بتاعها مالقيتوش بقيت هتجنن صفقة مهمة زي دي بملايين راحت فين بقيت هتجنن وندهتلها وسألتها وطبعا اتوترت وقالت إنها ماتعرفش ومخدتش حاجة وفجأة تاني يوم لقيتها بتتكلم في التليفون بخوف وبعد كدة خرجت قررت اراقبها اشوفها رايحة فين وتقابل مين ومشيت وراها فعلا لحد اما وصلت لشقة في عمارة شيك في الدور الأول ودخلت وقعدت شوية وبعدها بشوية واحد دخل برضو وكان فريد الشامي صاحب شركات الشامي واكبر منافس ليا قعدت للحظة في العربية برة عمال بفكر ياتري ايه علاقة شيرين بفريد ويعرفها منين !! لحد اما قررت انزل واحاول اعرف ايه علاقتهم ببعض واحاول اسمع اي حاجة ومن حسن حظي إن الشقة في اول دور ومش عالية اوي فنطيت من البلكونة وسمعتهم من البلكونة ومن غير اما يحسوا بوجودي نهائي
#فلاش_باك
فريد وهو يقترب منها: خير ياشيري جايباني ليه
شيري وهي تبعده: مش وقته دلوقتي ..شاكر عرف إن ورق الصفقة مش موجود ودور عليه مالقهوش وانا مش عارفة اعمل ايه ولا اتصرف ازاي
فريد ويقترب منها: طيب وانا اعملك ايه !!
شيري: فريد ماتهزرش انت قولت عاوزه هتصوره وتجيبوا تاني عشان ترجعه بقاله اسبوع معاك ولسة ماجبتوش واما سألني عليه ماعرفتش اقوله ايه ولا اعمل ايه
فريد: وانتي مالك قلقانة كدة ليه اهدي شوية بس وهنرجعه إن شاء الله بس قبل أما نرجعه مضي علي الورق أللي قولتلك لازم يمضي عليه !!
شيري: أيوة مضي ..وفتحت الحقيبة وهي تعطيه الورق: اتفضل اهو الورق بس انا مش فاهمة ورق ايه دة وهتعمل بيه ايه !!
فريد: دة ياحياتي ورق بضاعة سلاح ومخدرات ووصلات أمانة بأمن نفسي يعني
شيري: ولزمته ايه دة كله مش فاهمة وايه لزمتها المشاكل دي كلها !!
فريد: هتفضلي طول عمرك هبلة ..دلوقتي هو أما يعرف ان ورق الصفقة اتسرق من مكتبه ومفيش حد غيرك فطبيعي هيشك فيكي وممكن يضغط عليكي تتكلمي غصب عنك وأما تتكلمي ويعرف أنه انا ورا دة كله فيقوم عاوز ينتقم مني فأنا لازم اكون مأمن نفسي عشان لو عمل اي حاجة اقدم الورق دة للحكومة ويتحبس بيه وابقي خلصت منه
شيري وهي تقترب منه وتحاوط عنقه بيديها: لا فعلاً معاك حق مأمن نفسك جامد انت
فريد وهو يقربها إليه: طيب انتي وحشتيني
شيري بتردد وبعدت عنه بسرعة فنظر لها قائلا: ايه مالك بعدتي ليه !!
شيري بتردد وخوف: ا..انا..ع..عاوزة اقولك علي حاجة
فريد بقلق: حاجة ايه !! في ايه !!
شيري بتردد: هو انت هتكتب عليا رسمي امتي !!
فريد بتهرب: مش دلوقتي اصبري شوية وبعدين مانا كاتب عليكي عرفي
شيري بتوتر: ا..اص..اصل ..ا..قاطعها فريد: اصل ايه اتكلمي علطول
شيري بتوتر أكبر: ا..اصل ا..انا..اصل انا حامل
فريد بعصبية: نعم ياختي انتي ايه !! حامل !! ودة من امتي بقي إن شاء الله !!
شيري بتردد: حامل في شهر ونص ومكنتش اعرف ومش عارفة اعمل ايه ولا اتصرف ازاي
فريد: يعني ايه مش عارفة تعملي ايه لازم تنزليه طبعا
شيري وحطت ايدها علي بطنها: لا طبعا دة مستحيل وانت لازم تتجوزني وتكتب عليا رسمي قدام الناس كلها وتعترف بيه
فريد بضحكة عالية: هي دي لعبتك فاكرة بحملك هتقدري تخليني اتجوزك !! انا مش كاتب عليكي أصلا عشان اكتب عليكي رسمي
شيري بصدمة: ايه !! يعني ايه !! يعني كل دة كنت عايشة معاك في الحرام ومعرفش !! طيب وورقة جوازنا العرفي ودة كله ايه !!
فريد: اهدي شوية كدة بس ياروحي وهدي اعصابك ..الورقة دي مزورة مش حقيقية لعبة وقررت ألعبها عليكي عشان تثقي فيا واقدر اخد اللي انا عاوزه من الشركة وحتي لو كدة هو انتي فكرك يعني الجواز العرفي هو أللي حلال !! هي هي برضو
شيري وترفع يدها لتضربه: اه ياحيوان
فريد وأمسك يدها بسرعة: انتي اتجننتي عاوزة تمدي ايدك عليا هي حصلت لكدة نسيتي نفسك ولا ايه !! علي العموم أنا عندي حل كويس
شيري بعصبية: حل !! حل ايه !! الحل الوحيد انك تتجوزني وتعترف باللي في بطني
فريد: يبقي بتحلمي ياشيري ..اسمعيني كويس ونفذي كل أللي هقولك عليه انتي هتتجوزي شاكر وهتفهميه إن أللي في بطنك دة منه وتهدديه أنه لو رفض هتروحي وتقولي لمراته علي كل حاجة وطبعا هو هيخاف وهيتجوزك
شيري ببكاء: وانا هعمل حاجة زي دي ازاي !!
فريد بإبتسامة خبيثة ويقترب منها ويطبطب علي خديها: تعجبيني أما تبقي هادية كدة وتسمعي الكلام
شيري ونفضت يديه من علي وجهها: انا بكرهك بكرهك
فريد بخبث: مش مهم المهم اني نفذت أللي في دماغي ولو ماعملتيش أللي هقولك عليه هقوله كل حاجة وانك اشتركتي معايا وهلبسك الليلة كلها وانك انتي جيتيلي وبعتيلي ورق الصفقة مقابل ٥ مليون جنيه واني اتجوزك وانا طبعا رفضت وجيت عشان انبهه وهيصدقني ويطردك
شيري ببكاء: انت حقير ..حقير..
فريد ببرود: عارف وعشان كدة عرفتك ..المهم هتعملي أللي هقولك عليه ..هتاخديه وتسهروا في أي كازينو وتخليه يشرب كتير لحد اما يبقي مش داري بحاجة
شيري ببكاء: شاكر مش بيسهر برة البيت ولا بيروح الاماكن دي فمستحيل ييجي معايا في مكان
فريد ببرود: محلولة مفيش مشكلة نجيبله الكازينو لحد عنده مش لازم هو أللي يروح ..وطلع حبوب من جيبه واداها لشيري: خدي دول
شيري: ايه دول وهعمل بيهم ايه !!
فريد: دي حبوب لتوهان الوعي هتحطيله حباية في مج النسكافيه أو القهوة أو اي حاجة وهيشربه وبعد أما يشربه هيبقي كأنه سقران ومش داري بحاجة خالص وأما يفوق طبيعي مش هيبقي فاكر حاجة فتيجي انتي بقي بعد كدة تطلبي منه أنه يتجوزك لانك حامل منه ولو رفض تهدديه انك هتقولي لمراته وطبيعي مراته أما تعرف حاجة زي كدة هتطلب منه الطلاق علطول وساعتها بقي اخدها انا
شيري ببكاء: انت حقير حقير حقير ..عاوز تدبسه في ابن مش ابنه وكمان عاوزه يطلق مراته عشان انت تتجوزها
فريد: ايه ياشيري ياحبيبتي اهدي شوية مش كدة وبعدين انا هتجوز مراته عشان اكسره وعشان مراته حلوة بصراحة وانا مستخسرها فيه
شيري: طيب انا موافقة بس بشرط
فريد: شرط ايه !!
شيري: ورق الصفقة أللي معاك يبقي معايا أنا ووصلات الأمانة وورق البضاعة وكل حاجة تبقي معايا ووصل الأمانة اللي كاتبه عليا يبقي معايا
فريد بضحكة عالية: ورق ايه اللي عاوزاه معاكي !! اخليه معاكي عشان تبيعيني ليه وتغدري بيا !! انتي بتحلمي ياشيري بتحلمي ياحبيبتي انا مش عبيط عشان اخلي الورق دة معاكي عشان ترجعيه وتقوليله وتوديني انا في داهية وبالنسبة لوصل الأمانة بتاعك فدة عشان لو فكرتي تعملي حاجة كدة ولا كدة هسجنك بيه
شيري: وانا ايه أللي يضمنلي انك ماتخدش الورق دة وتعمل أللي قولت عليه دة وتوديني انا في ستين داهية !!
فريد: لاني أنا مش زيك وانتي بالنسبالي ولا حاجة ولا تفرقي معايا في حاجة اصلا فمفيش سبب يخليني اعمل معاكي كدة إلا لو انتي اضطرتيني اعمل كدة
شيري: تمام ..تمام يافريد بس عارف لو غدرت بيا مش هقولك انا ممكن اعمل فيك ايه
فريد: مانا قولتلك انك ولا حاجة ماتفرقيش في حاجة عشان أفكر فيكي للدرجة دي ..المهم بقي من بكرة تنفذي اللي اتفقنا عليه قبل أما حاجة تتكشف ومنعرفش نتصرف
شيري ببكاء: حسبي الله ونعم الوكيل فيك انا بكرهك بكرهك
فريد: جاية تعرفي ربنا دلوقتي !! تكرهيني تحبيني مش فارقة كتير المهم انك هتنفذي اللي اتفقنا عليه والا انتي عارفة بقي ..مع السلامة ياروحي ..وتركها وذهب
شاكر واستخبي بسرعة عشان مايشوفوش وأما مشي نزل وركب عربيته بسرعة ومشي ووقف في مكان فجأة وهو يتحدث بعصبية ويضرب علي دركسيون السيارة: طول عمرك حقير يافريد طول عمرك حقير هي حصلت انك تبص لمراتي طيب إن ماوريتك مابقاش انا شاكر ..طيب وسوزان هعمل ايه عشان احميها !! لازم احميها من اي حاجة ومن اي حد ومش لازم يحسوا اني عرفت حاجة عشان مايئذوهاش ياربي اعمل ايه بس ساعدني يارب ..سوزان مش لازم تعرف حاجة ومش هقولها علي حاجة خالص
#باك
شاكر: وجت شيرين الشركة تاني يوم وهي ماتعرفش اني عرفت حاجة وطبعا عشان تنفذ خطتها القذرة مع فريد ودخلت المطبخ ومن حسن الحظ انها ماخدتش بالها إن الطرقة أللي قدام البوفيه فيها كاميرا بتجيب البوفيه والبوفيه برضو انا عامله كاميرات وكان باين عليها التوتر اوي وعمالة بتبص حواليها وحطت فعلا البرشام في مج النسكافيه ودخلته ليا وطبعا كانت الساعة ١٠ بليل وانا سهران بخلص شغل عشان تبقي الطبخة مسبوكة صح مكتبي في كاميرات بتسجل صوت وصورة
فلاش_باك
شيري: اتفضل ياشاكر بيه النسكافيه بتاع حضرتك
شاكر: متشكر ياشيرين لو عاوزة تروحي انتي تقدري تتفضلي وانا ساعة بالكتير وهمشي
شيري: لا يافندم عادي مفيش مشكلة انا لسة ورايا شغل بخلصه..عن اذن حضرتك
شاكر اما أتأكد إن شيري خرجت فعلاً قام ناحية الشباك ورمي النسكافيه وكأنه شربه ومثل أنه تايه فعلا لحد اما دخلتله شيري تاني عشان تتأكد إن كل حاجة تمام
شيري: شاكر بيه ..شاكر بيه أنت كويس
شاكر بتمثيل: انا اه كويس بس عاوز انام وارتاح
شيري: هو حضرتك هتنام هنا !!
شاكر وهو يذهب لنوم عميق: اه هنام هنا
#باك
شاكر: وخرجت شيرين وسابتني ورجعتلي تاني يوم فعلاً وقالتلي إن حصل بينا حاجة ولازم اصلح غلطتي دي وإلا هتقولك كل حاجة وأما قولتلها اني مش خايف أنها تقولك هددتني بقتلك وهي ماتعرفش اني عرفت حاجة وعشان كدة قررت اني اتجوزها عشان اكشفها واحاول اخد الورق أللي معاها وعشان خوفت عليكي وعشان احميكي منهم لأني خوفت يعملوا فيكي اي وسهل جدا يعملوا فيكي اي كان كل هدفي احميكي وابعدك عنهم
سوزان ببكاء: وماخوفتش انها تدبسك في البيبي فعلاً ازاي قدرت تعمل كدة وأنت عارف انها ممكن توديك في داهية
شاكر: الدنيا مش سايبة كدة ياسوزان ياحبيبتي انا أما اتجوزتها ماقربتش منها أصلا غير دة كله في حاجة اسمها تحليل DNA بيكشف كل حاجة وإن كان ابني فعلاً ولا لا
سوزان: وافرض زورت في التحليل هي والزفت التاني دة
شاكر: لا اولا ماتقدرش لاني واخد تحليل منها إثبات أنها كدابة عشان لو حصل حاجة هيلاقوا التحاليل مختلفة ساعتها هما بقي أللي هيحللوا ليها وتظهر الحقيقة ثانيا بقي كل مكالماتها مع الزفت فريد متسجلة حتي كلامهم أللي سمعتهم دة متسجل لاني صورتهم يعني لو فكرت تعمل حاجة هوديهم في ستين داهية
سوزان: طيب وبعدين ايه أللي حصل تاني
شاكر: جاتلي شيرين بعدها بأسبوع
#فلاش_باك
شيري بتردد: انا عاوزاك في موضوع مهم
شاكر: خير في ايه !!
شيري بتوتر: ا..انا حامل منك
شاكر بصدمة: نعم دة أللي هو ازاي يعني !! هو انا قربتلك !!
شيري: اليوم أللي كنت سهران فيه وطلبت مني امشي وقولتلك اني لسة ورايا شغل حضرتك في اليوم دة مكنتش في وعيك خالص وحصل اللي حصل بقي واتفاجئت اني حامل بعد كدة ..وعشان كدة جيتلك بطلب منك تتجوزني وحضرتك رفضت
شاكر: أيوة وانا اعملك ايه دلوقتي يعني مش فاهم
شيري: تتجوزني وتعترف باللي في بطني أنه ابنك
شاكر بعصبية: انتي اتجننتي ولا ايه اتجوز مين !! هو اكيد محصلش حاجة وانتي حد قالك تعملي كدة
شيري: دة اللي حصل وهتتجوزني وإلا هروح للمدام واقولها علي كل حاجة واقولها كمان اننا متجوزين في السر
شاكر بعصبية: اخرسي وماتجبيش سيرتها علي لسانك واتفضلي امشي اطلعي برا برا ياحيوانة
#باك
شاكر: واتجوزت شيري عشان اخد حقي منها واحميكي منهم وابعدهم عنك لحد في يوم نزلت شيري وراحت لشركة فريد وانا مراقبها وماعرفتش هي رايحة ليه وعشان ايه فضلت مستنيها لحد اما نزلت وبعد كدة مشيت ولقيتها روحت علي البيت فطلعت انا كمان وكأني لسة جاي من الشغل وشوفتها وهي بتخبي الورق لحد مافي يوم نزلت وانا كنت في البيت وقومت ادور علي الورق لحد اما لقيته وخدته بسرعة وخبيته في البيت هنا وطبعا انا بقي بعد أما خدت الورق وآمنت نفسي خلاص واتاكدت أنه معملش منه نسخ تانية ودة كان بسبب أنه كلمها في التليفون وشدوا مع بعض وعرفت أنه مش عامل نسخ تانية بس أللي متأكد منه أنه مش هيسكت وهيحاول مع شيرين تاني ..بس كدة وهي دي كل الحكاية وسبب جوازي من شيرين
سوزان ببكاء: ياه كل دة وساكت طيب كنت تعالي قولي واحكيلي اخفف عنك واقف جمبك في وقت زي دة إنما دة كله وساكت مش بتتكلم وتسيبني انا موجوعة وعياط ليل ونهار طول اليوم هونت عليك كدة !!
شاكر وهو يحضتنها ويقبل رأسها: ياحبيبتي حقك علي رأسي والله وكنت كل لحظة بعيدة عني انا كنت بتقطع وآسف انا كنت بتوجع اكتر منك ..كل مرة كان نفسي اجري عليكي واقولك الحقيقة بس ماكنش ينفع احكيلك حاجة أولا لاني كنت خايف عليكي ومهدد بيكي يعتبر أنهم ممكن يأذوكي أو يعملوا فيكي حاجة ويؤذوني فيكي لو كنت رفضت أو بلغت والتحاليل كانت هتثبت الحقيقة ومكنش ينفع اقولك عشان الأمور تبان طبيعية لأنك لو كنتي عارفة مكنتيش ولا روحتي قعدتي عند باباكي ولا طلبتي الطلاق فأنا حبيت احسسهم إن خطتهم ماشية زي ماهما عاوزين وانا عامل حسابي علي كل حاجة
سوزان: انا اسفة بجد اسفة اني قسيت عليك وآسفة اني مادتكش فرصة واسفة اني اتسرعت عليك في الحكم من غير حتي أما اسمع السبب دة القاضي قبل مايحكم علي المتهم بيسمعه الاول كان لازم اسمعك واحس بيك واقف جمبك
شاكر وهو يرفع وجهها: هش بس خلاص كفاية عياط وماتتأسفيش علي حاجة وانا معاكي اهو خلاص بقي
سوزان ببكاء: انا كنت ممكن اخسرك واندم عليك العمر كله
شاكر: ومين قالك اني كنت هطلقك من الأساس ..ويرفع وجهها بين يديه: مش قادر افهم انتي ازاي اصلا صدقتي اني ممكن اتجوز عليكي ولا ابص لواحدة غيرك وانتي عارفة اني عمري مابصيت لحد غيرك ومستحيل ابص لغيرك ازاي شكيتي في حبي ليكي وانتي عارفة انك عندي أغلي من حياتي
سوزان ببكاء: مكنتش مصدقة وكان احساسي يقولي لا بس خوفت اكون بضحك علي نفسي ولقيتك اتجوزت فعلاً
شاكر بضحك: طيب بس بس خلاص بطلي عياط ..دة جواز علي الورق بس ..المهم قومي بقي كدة اغسلي وشك واضحكي كدة وبطلي عياط بقي دموعك عندي أغلي من اي حاجة
سوزان بإبتسامة: ربنا يخليك ليا
٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭
منال بإبتسامة: انتي لسة جديدة هنا صح !!
هند بإبتسامة: أيوة صح انا لسة جديدة لسة اول يوم شغل ليا هنا معاكم
ياسمينا بإبتسامة: أهلا وسهلا بيكي نورتي ..انا ياسمينا
هند بإبتسامة: وانا هند واكيد هنبقي كلنا صحاب
منال بإبتسامة: اكيد طبعا بصي انا وياسمينا اعتبرينا اخواتك اي حاجة تحتاجيها احنا تحت امرك
هند بإبتسامة: اكيد طبعا شرف ليا وربنا يخليكم يارب
٭٭٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭
شيرين ودخلت الشقة وارتمت علي السرير تبكي بشدة وهي تحدث نفسها قائلة: بقي بتطلقني انا ياشاكر انا !! وعشان خاطر حبيبة القلب بتاعتك إن ماحرقت قلبك عليها مابقاش انا شيري وبعدين هو فين فريد هو كمان انا لازم اكلمه اعرفه أللي حصل يمكن يقدر يتصرف ويخلصنا بقي ..وامسكت بهاتفها تتصل بفريد وتنتظر الرد
فريد: أيوة ياشيري في ايه خير
شيري بعصبية: مش خير ابدا انا في مصيبة ولازم نتقابل عشان نتكلم
فريد: النهاردة صعب جدا بكرة نتقابل
شيري بعصبية: المهم ماتتأخرش الموضوع مهم
فريد: في ايه ياشيري ماتفهميني
شيري: شاكر طلقني ورجع لمراته
فريد بصدمة: ايه !! يعني ايه طلقك !! انا بكرة هكون عندك عشان افهم ايه الموضوع ..اقفلي يلا مع السلامة
٭٭٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭٭٭
أدهم أمام باب الشركة بسيارته: هند ..هند..
هند وتتجه نحوه وبإبتسامة: نعم يا أدهم ندهت عليا وبضحك: ولا قررت انك تحكيلي ونبقي اخوات ايه السرعة دي
أدهم بضحك: تعالي اوصلك في طريقي وخالك ياستي عاوز يشوفك
هند وهي تركب: احنا كنا جايين ليكم النهاردة فعلاً وماما كلمتني قالتلي انها هناك وانا كنت هروح اغير كدة واجي بس انت قفشتني بقي
أدهم: والله طب كويس يلا بينا بقي
٭٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭
في احد الكافيهات
حازم: خديلي ميعاد مع باباكي بكرة عشان اجي اطلبك منه رسمي بقي
حنان بصدمة: انت بتتكلم جد ياحازم !!
حازم بإبتسامة ويمسك يديها: طبعا ياقلب حازم اومال هفضل كدة مش لازم اجي واقعد مع الحاج واطلبك منه بقي
حنان بإبتسامة: حاضر ياحبيبي هقول بابا واخدلك منه ميعاد وتيجي تقابله
حازم: تمام ياحبيبتي وبكرة إن شاء الله هجيب أدهم معايا ونيجي نطلبك رسمي بقي ونظبط كل حاجة ونتفق علي ميعاد الجواز
حنان: هتجيب أدهم !! اشمعنا أدهم يعني !!
حازم: ايه ياحنان في ايه !! أدهم اخويا مش صاحبي واقرب واحد ليا فلازم يكون معايا في يوم زي دة
حنان: مفيش ياحبيبي انا اتفاجئت بس مش اكتر
حازم بإبتسامة: تمام ..نتغدي بقي ولا ايه !!
حنان بإبتسامة: نتغدي ياحبيبي
٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭٭
سوسن: حمد لله علي سلامتك ياحبيبي
أحمد: الله يسلمك ياماما ..لابسة ورايحة علي فين كدة !!
سوسن: رايحة لخالتك ومستنياك توديني عشان ابوك لسة مجاش كنت هاخد تاكسي بس ابوك قالي لا استني احمد يوديكي
أحمد: لا ياماما تاخدي تاكسي ليه وانا موجود ..اديني خمس دقايق بس اغير هدومي واجي معاكي ..بس هو حصل حاجة ولا ايه !!
سوسن: اه جوز سوزان بنت خالتك بعد خطوبتك تعب وكان دخل في غيبوبة وجلطة في المخ بس الحمد لله لحقوه وانا بكلم خالتك بالصدفة ومعرفش حاجة حكيتلي بقي
أحمد بصدمة: يانهار ابيض لا احنا لازم نروح لخالتي حالا ونروح لسوزان نطمن علي جوزها يلا ياماما
٭٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭٭
ياسمينا: ماقولتليش يامصطفي هاتيجي تقابل بابا امتي
مصطفي: كنت لسة عاوز اكلمك في الموضوع دة واقولك خديلي ميعاد من بابا بس مش دلوقتي لأن انتي عارفة الظروف أللي عندي وتعب شاكر جوز أختي فشوية كدة بس علي بال أما الدنيا تروق شوية
ياسمينا: حبيبي انا اسفة مقصدش نسيت خالص والله موضوع سوزان دة ..هو عامل ايه دلوقتي !!
مصطفي: ولا يهمك ياحبيبتي ..هي سوزان بتقول أنه بدأ يتحسن الحمد لله
ياسمينا: إن شاء الله يبقي كويس
٭٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭٭٭
أدهم ويدخل هو وهند للبيت: أهلا أهلا ياعمتي وانا اقول الدنيا منورة ليه
سماح بضحكة وتحتضنه: وحشتني يا أدهم كبرت ماشاء الله وبقيت راجل ملوي هدومك لا احنا نجوزك بقي
أدهم بضحك: ربنا يخليكي ياعمتي ..لسة الجواز شوية أما ألاقي بنت الحلال
سماح: لا دة بنات الحلال كتير اوي انوي انت بس
سميحة: قوليله قوليله حاكم انا قلبي تعب معاه
هند بهزار: خلصتوا سلامات خلاص ممكن اسلم انا بقي انا معاكم هنا والله
محمود بإبتسامة ويضمها له: هند حبيبة خالو أللي وحشاني كبرتي وبقيتي عروسة زي القمر
هند بإبتسامة: وحضرتك واحشني اكتر والله ياخالو ..والتفتت لسميحة بإبتسامة تحتضنها: وحشتيني ياطنط سميحة عاملة ايه
سميحة بإبتسامة: الحمد لله ياحبيبتي انتو نورتونا النهاردة والله ونورتوا مصر كلها ..كفاية غربة بقي واستقروا هنا
سماح بضحكة: ماتقلقيش احنا خلاص مش هنسافر تاني وقررنا نستقر هنا بقي
سعدية بإبتسامة: العشا جاهز ياست سميحة
سميحة بإبتسامة: اتفضلوا يلا علي السفرة نتعشي
٭٭٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭٭٭
وذهب أحمد لبيت خالته مع والدته فخرجت لتقابلهم
أحمد: اركبي ياخالتي عشان نروح لسوزان
سامية: حاضر ..وركبت سامية ووصلوا لبيت سوزان بعد ربع ساعة تقريبا وذهبت سامية في المقدمة تدق الجرس لتقوم سوزان بفتح الباب فترحب بهم
سوسن: الف سلامة علي جوزك ياسوزان
سوزان: الله يسلمك ياخالتو تعالوا اتفضلوا اقعدوا اخش بس اعملكم حاجة تشربوها وانده شاكر
سوسن: احنا مش عاوزين حاجة ياسوزان ماتتعبيش نفسك احنا جايين نطمن علي جوزك
سوزان: ماينفعش ياخالتو ثواني بس وجاية
أحمد: سوزان ممكن اخش لشاكر !!
سوزان: اه طبعا يا أحمد اتفضل انت مش محتاج استئذان
سامية: انا مش عارفة اقولك ايه ياسوسن ياختي كتر خيرك والله
سوسن: انتي هبلة ولا ايه سوزان بنتي زي ماهي بنتك وجوزها يبقي جوز بنتي وواجب اجي اطمن عليه أما يكون تعبان ..بس قوليلي سوزان كدة شالت فكرة الطلاق من دماغها ولا ايه ؟!
سامية بإبتسامة: أيوة الحمد لله ورجعت لجوزها
سوسن بإبتسامة: الحمد لله ربنا يهدي سرها يارب
"عند أحمد وشاكر"
أحمد: سلامتك ياشيكو
شاكر بإبتسامة وهو يعتدل: الله يسلمك يا ابو حميد تعالي اقعد
أحمد وهو يمسكه: زي مانت ماتتحركش ولا تتعب نفسك ..ايه أللي حصل يابني انت مش كنت كويس في الخطوبة ايه أللي حصل فجأة كدة
شاكر: معرفش والله انا فجأة لقيت نفسي دوخت ودماغي وجعتني اوي واغمي عليا مافوقتش إلا وانا في المستشفي بقي
أحمد: سلامتك ياحبيبي وان شاء الله تكون احسن ..قولي طيب عامل ايه دلوقتي !!
شاكر: الحمد لله أحسن كتير
سوزان ودخلت عليهم بالعصير: بطلوا رغي بترغوا في ايه انتو أما صدقتوا
أحمد: مراتك خايفة عليك ياعم
سوزان وضحكت: انت اخبارك ايه يا أحمد وملك عاملة ايه !!
أحمد: الحمد لله تمام والله وملك كويسة
سوزان بإبتسامة: ربنا يخليكم لبعض يارب ويتمملكم علي خير سلملي عليها كتير
أحمد بإبتسامة: الله يسلمك يوصل
سوزان: حبيبي ماما وخالتو هيدخلوا يطمنوا عليك دلوقتي
شاكر: اه طبعا خليهم ييجوا
وخرجت سوزان ندهت سامية وسوسن ودخلوا
سوسن: الف سلامة عليك ياشاكر يابني وربنا يتم شفاك علي خير يارب وترجع بألف سلامة لمراتك وعيالك ومايحرمهمش منك ابدا
شاكر بإبتسامة: الله يسلمك وربنا يخلي حضرتك يارب وشكرا لتعب حضرتك ومجيتك لحد هنا علي راسي من فوق والله
سوسن: ماتقولش كدة يابني انت زي ابني سوزان بنتي مش بنت أختي وانت جوز بنتي يعني ابني ماهو جوز البنت زي الابن
شاكر: دة شرف كبير اوي ليا والله ربنا يخلي حضرتك يارب
سامية بإبتسامة: حمد لله علي سلامتك يابني
شاكر بإبتسامة: الله يسلمك ياماما ربنا يخليكي يارب
٭٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭٭٭٭٭
في اليوم التالي
منال: بقولك ايه ياسمينا كنت عاوزة اتكلم معاكي في موضوع كدة
ياسمينا: خير موضوع ايه دة !!
منال بتردد: حسام صاحب مصطفي
ياسمينا بتعجب: ماله حسام صاحب مصطفي !!
منال بتردد: كان طلب مني اننا نقعد ونتكلم عشان عاوزني في موضوع مهم وأما قعدنا واتكلمنا ق..قالي ..قالي ..
ياسمينا: قالك ايه انجزي
منال بتردد وبسرعة: قالي ..قالي أنه بيحبني وعاوز ييجي يطلبني بس عاوز يعرف رأيي الاول ونتعرف علي بعض الاول
ياسمينا بفرحة: يعني احنا صحاب وهناخد اتنين صحاب لا حلوة دي ..طيب وانتي قولتيله ايه !!
منال: ماقولتش حاجة قولتله أني هفكر وارد عليه ..وقاطعها جرس البريك
ياسمينا: طيب نكمل كلامنا بعدين ويكون بعيد عن الشغل
منال: تمام وهيكون كدة احسن برضو
"وذهبت ياسمينا وقابلت مصطفي فذهبوا لمطعم أمام الشركة وجلسوا علي احدي الطرابيزات"
مصطفي وهو ينظر في المنيو: ها تحبي تاكلي ايه بقي !!
ياسمينا: اي حاجة عادي
مصطفي: يعني ايه اي حاجة ..قولي عاوزة ايه يلا
ياسمينا وتأخذ منه المنيو لتنظر بها: خلاص هاخد واحد برجر وواحد هندوج وبطاطس طبعا والكاتشب
مصطفي: تمام وانا كمان زيك
ياسمينا: طيب علي بال مانت تطلب الغدا اروح الحمام بسرعة واجي بس
"وذهبت ياسمينا وطلب مصطفي الغداء ومسك بهاتفه يتجول به ثم شعر بأن شيء وقع بجانبه فمد يديه يأخذه فإذ هي بشنطة فالتف قائلا للفتاة الذي تجلس خلفه وهو يعطيها الشنطة دون النظر إليها
مصطفي: اتفضلي يافندم شنطة ح..ولم يكمل كلامه عندما رآها قائلاً بصدمة: هند !!!
هند بصدمة: مصطفي !!!
٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭٭
شاكر وراح شقته عند شيرين عشان ياخد حاجته أللي هناك وقبل أما يفتح ويدخل سمع صوت كلام جوة ففتح براحة ودخل ليقول ببرود
شاكر ببرود: والله مانتو قايمين زي مانتو انتو كدة حلو اوي
شيري وفريد بصدمة: شاكر !!!!
٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭
وقفلنا الفصل الثالث عشر علي صدمة شيري وفريد أما شافوا شاكر
تعالوا بقي نتعرف علي الشخصيات الجديدة أللي معانا في الرواية ..♥️✨
هند ..مين هند !! هند تبقي بنت عمة أدهم وكانت مسافرة برة مع مامتها وباباها عشان شغل باباها خلصت جامعتها وسافرت ولسة راجعة بقي وهي خريجة كلية الهندسة وعندها ٢٣ سنة وبشرتها بيضاء وذات عيون خضراء ملونة جميلة وشعر اصفر يزيد من جمالها فهي جميلة بالفعل فلم اتحدث معكم كثيرا عن جمالها فسوف اترك لكم تتخيلونها في خيالكم بتلك الصفات ..♥️✨
سماح ..تبقي مامة هند واخت محمود ابو ادهم يعني عمة أدهم وهي ست جميلة وطيبة وتبلغ من العمر ٤٥ عام
فريد ..رجل اعمال كبير وليه اسمه ووزنه ويبلغ من العمر ٥٠ عام كل مايهمه هو المال والسعادة لنفسه فقط ويسعي من أجل المال فقط