أعطيت لحبك فرصة فخدعتني
الفصل الخامس
بقلم صباح وحيد
ياسمينا بصدمة: ايه دة هو انتو تعرفوا بعض..أنتي تعرفيه ي صافي ؟!
صافي: اه طبعًا دة مصطفي أخويا ي بنتي
ملك بذهول: ايه..اخوكي.. !!
صافي بعدم فهم: أيوة..ي جماعة اخويا والله مالكم في ايه مستغربين ليه كدة !!
أحمد: مفيش حاجة ي صافي اصل مصطفي وياسمينا مع بعض ف الشغل وعشان كدة كانوا مستغربين زي مانا كدة استغربت إنك صاحبة ياسمينا وملك أللي اكيد انتي كمان مستغربة اني أنا خطيب ملك أخت صحبتك
صافي: ايه دة بجد !! يعني انتو تعرفوا بعض هي فعلاً صدفة وفعلاً انا اتفاجئت أما عرفت انك خطيب ملك
مصطفي: أيوة..بجد ي صافي انا والبشمهندسة مع بعض في الشغل
ياسمينا: سبحان الله معايا ف الشغل واتفاجئ مرة بوجوده ف البيت وأنه ابن خالة خطيب أختي لا ودلوقتي كمان اتفاجئ أنه اخو أعز صحابي..مش كفاية مفاجآت بقي ولا ايه !! ياتري هتفاجئني بإيه تاني بقي وبمين !!
مصطفي بضحك: هههههه هي أللي بتيجي صدف والله وانا اعرف منين مانا بتفاجئ زيك برضو مرة أما كنت عندكم ولقيتك داخلة واكتشفت إنك أخت خطيبة ابن خالتي أللي المفروض كنت رايح عشان اتعرف عليهم..ودلوقتي صاحبة أختي
ملك بضحك: للمرة التانية بتفاجئنا ياتري ف مفاجآت تاني ولا كدة خلاص بقي !!
مصطفي بضحك: هي بتيجي صدفة والله..والله اعلم بقي يمكن تطلعوا تعرفوا حد تاني انا اعرفه فنتقابل تاني
ياسمينا: عن اذنكم هروح التواليت وجاية
صافي: المهم انتي عاملة ايه ي ملك وحشاني اوي وكدة تتخطبي ومحدش يقولي وكمان ايه يطلع ابن خالتي ومعرفش إن انتي العروسة كمان ومجش ف بالي خالص أما الاسم اتقال قدامي تكوني انتي
ملك بضحك: انتي اكتر والله..والله دي لسة مجرد قراية فاتحة بس .. وكانت ع الضيق كدة والله ولسة ماعملناش الخطوبة لسة شوية كدة واكيد هتكوني اول الناس دة لو محتاجة عزومة يعني
صافي: ربنا يتمملكم بخير يارب ي حبيبتي
وهنا كان قد رن هاتف مصطفي
مصطفي: طيب عن اذنكم ثانية واحدة أرد ع التليفون وأجي
أحمد: وخالتي عاملة ايه ي صافي !!
صافي: الحمد لله تمام كويسة بتسلم عليك وكان نفسها تتعرف ع خطيبتك وأما تعرف إنها ملك هتفرح اوي لأنها هي عارفة ياسمينا وبتحبها اوي وانا كنت دايما احكيلها عن ملك وياسمينا كتير
أحمد: الله يسلمها سلميلي عليها كتير..هههه خليها مفاجأة عشان تتفاجئ هي كمان جت عليها
صافي بضحك: أيوة..ع رأيك جت ع ماما يعني..لا بس بجد عرفت تنقي مش هتلاقي أجمل ولا أحلي من ملك
ملك: ي حبيبتي ربنا يخليكي يارب دي عيونك الحلوة ومفيش أحلي منك والله
أحمد: ربنا يخليكي يارب ي صافي وعقبالك كدة إن شاء الله
صافي: ربنا يخليكم يارب..ويخليكم لبعض يارب
★٭★٭★٭★٭★ صباح وحيد ★٭★٭★٭★٭★
ياسمينا وهي ذاهبة إليهم فتقابلت مع مصطفي الذي أوقفها صوته وهو ينادي عليها قائلاً:
مصطفي: ياسمينا..ياسمينا..ممكن نتكلم شوية
ياسمينا: تحت أمرك ي بشمهندس اتفضل خير ف ايه !!
مصطفي: انا مش عارف أنتي ليه واخدة مني موقف كدة ومش مدياني فرصة اتكلم ولا تفهميني حتي
ياسمينا ببرود: معلش أصلي أنا مفترية..وبعدين يعني أنت كل أللي مزعلك أنك حاسس أني واخدة منك موقف ماتزعلش المرة الجاية اوعدك هبقي اخد جراچ..وبعدين كلام ايه احنا مفيش بينا كلام أصلاً عشان نتكلم وكمان وقفتنا دي كدة مش لطيفة فياريت حضرتك تقول ف ايه علطول
مصطفي بنفاذ صبر: ياسمينا انا مش بهزر
ياسمينا: ولا انا كمان بهزر ي بشمهندس حضرتك موقفني عشان تقولي أنك حاسس أني واخدة منك موقف ومش عارفة ايه عاوزني أقولك ايه يعني !! اقولك لا والنبي ماتاخدش مني موقف كدة ومقدرش ع زعلك ولا ايه بالظبط يعني مش فاهمة !!
مصطفي: أنا مش عارف أنتي ليه مش عاوزة تصدقي أني بحبك فعلاً واني عاوزك فعلاً مش عارف ليه مش عاوزة تديني فرصة وتدي لنفسك فرصة مش عارف ليه خايفة كدة ورافضة الموضوع مع اني جيت اعترفتلك يعني من غير لف ولا دوران..مش عارف اعمل ايه تاني يعني عشان تصدقيني وتديني فرصة !!
ياسمينا بهدوء: بص ي بشمهندس ا..قاطعها مصطفي قائلًا: ممكن بلاش الرسمية اوي دي في الكلام بينا احنا مش في الشغل وتقريبًا هنبقي أهل قريب دة زائد كمان انك صاحبة أختي
ياسمينا: انا اتعودت احترم أللي قدامي في طريقة كلامي معاه وماندهش حد بأسمه طول ماهو مفيش تعامل بينا
مصطفي: الكلام دة لو احنا في الشغل إنما احنا دلوقتي مش في الشغل عشان الألقاب دي يعني فمالهاش لازمة الألقاب دي بقي وقريب هنبقي أهل
ياسمينا: تمام..بص ي مصطفي أنت شاب كويس جدًا وألف من تتمناك وربنا يرزقك ببنت الحلال أللي تستاهلك
مصطفي: وليه ماتبقاش بنت الحلال دي انتي !!
ياسمينا: بص ي مصطفي أنا..وقاطعها مصطفي قائلاً: أنتي ايه؟! أقولك أنا أنتي ايه !! أنتي مش مدية لحد فرصة يقرب منك ويتعرف عليكي أنتي خايفة تدخلي في أي علاقة جديدة أنتي بتحكمي علي العلاقة بالفشل من قبل أما تبتدي وقبل أما تدخليها مشكلتك أنك خايفة تدخلي في حاجة وتخسري فيها لأنك متوقعة إن الناس كلها وحشة بس ي بشمهندسة صوابعك مش زي بعضها وعشان كدة كمان الناس مش زي بعضها..تقدري تقوليلي هترفضي لحد أمتي !! طيب ونهايتها ايه بقي؟! ليه خايفة تدخلي وتخوضي معركة جديدة ليه دايما متوقعة الوحش وليه تحكمي عليها بالفشل من قبل ماتبتدي وتدي لنفسك فرصة طيب ماتحاولي تحكمي عليها بالنجاح كدة !! وخايفة ليه ومن ايه؟وهيفضل خوفك دة لحد أمتي؟ ولو فضلتي بالخوف دة يبقي عمرك ماهتحققي حاجة ولا هتوصلي لحاجة من أللي بترتبيلها عارفة ليه؟! بسبب خوفك دة ماتخليش خوفك يسيطر عليكي ويعمي عينيكي عن حاجات كتير
ياسمينا: اقولك انا ليه انا كدة لأن اهلي ربوني علي كدة ربوني علي أللي عاوزني بجد بييجي لحد باب بيتي ويخبط عليا ويكلم اهلي علموني أللي عاوزك وبيحبك بجد هيحبك قدام أهلك مش من وراهم بيبقي عاوز علاقتكم تبقي في النور مش في الضلمة ويقول الناس كلها أيوة هي دي حبيبتي وهي دي أللي اختارها قلبي وهي دي أللي هكمل معاها حياتي ويفتخر بيكي قدام الناس يمكن في ناس بتشوفني معقدة واكيد انت منهم شوفتني كدة كمان بس لو كان بيتقال علي البنت المحترمة ف الزمن دة أنها معقدة فأنا معقدة ويتقال عليا معقدة..وكلامك صح جدا بس الحكاية مش حكاية خوف خالص قد ماهي حكاية مبدأ وأخلاق
مصطفي: انا ماقولتش انك معقدة ومعاكي حق ف كل كلمة انتي قولتيها وانا أللي شدني ليكي هو احترامك وأخلاقك بس هي الفكرة مينفعش اجي أتقدم دلوقتي واحنا لسة مانعرفش بعض مينفعش اجي أتقدم واترفض مثلاً مينفعش اجي أتقدم وانا مش عارف أنتي ايه ميولك اتجاهي انا صارحتك بميولي اتجاهك عشان نتعرف ع بعض الاول ونشوف هل هننفع مع بعض نكمل ولا لا إنما مجيش اتقدم وبعد شهر افركش مثلاً عشان مارتحناش مع بعض لازم قبل أما اجي ابقي عارفك وعارف شخصيتك وطبعك وانتي كذلك الأمر برضو عشان نعرف نتعامل مع بعض بعد كدة ولازم نبقي فاهمين بعض عشان نشوف هل هنقدر نكمل ولا لا.. انتي فاهماني !!
ياسمينا: أيوة..فاهماك وكلامك صح ومنطقي بس انا خايفة اكون بعمل حاجة غلط او بخون ثقة أهلي فيا والحرية أللي هما ادوهالي اتصرف بيها زي مايعجبني خايفة اخذلهم وخايفة اكون بعمل حاجة تغضب ربنا غير دة كله كمان مش عاوزة اعلق نفسي بحد ويرجع يخذلني في الاخر ويكسرني ويكسر قلبي وانا مش اد كسرة القلب
مصطفي: أنا مش هضغط عليكي وهسيبك علي راحتك بس ارجع واقولك مش هنخسر حاجة لو ادينا لبعض فرصة نعرف بعض فيها..واكيد عمري ماهكسرك ولا هتسبب في حاجة تأذيكي لأني حبيتك بجد
ياسمينا: أللي فيه الخير يقدمه ربنا إن شاء الله
★٭★٭★٭★٭★ صباح وحيد ★٭★٭★٭★٭★
في منزل أدهم المهدي
أدهم: صباح الخير
محمود: صباح ايه بقي قول مساء الخير الساعة 3:00 العصر يابشمهندس كل دة نوم
سميحة: في ايه يامحمود مش يوم إجازته يرتاح فيه شوية بقي بدل طول الأسبوع وهو مطحون في الشغل كدة ياعين أمه مش بينام حرام يرتاح حتي في يوم إجازته
محمود: دي كلمة قولتها طلعتي فيا ليه كدة بالراحة شوية طيب..شايف أمك ياعم بتدافع عنك أهي وخايفة عليك
سميحة: مش ابني ماخفش عليه ازاي
أدهم بضحك: ههههه دي ست الحبايب في قلبي من جوة..ربنا يخليكم ليا يارب
سميحة: ويخليك لينا يارب ياحبيبي وتريح قلبي ونطمن عليك
أدهم: انا تاعب قلبك ياماما !! ايه أللي مخليكي مش مطمنة بس ياست الكل
سميحة: أنت مفيش حد تاعب قلبي غيرك
أدهم: ليه بس ياماما أنا عملت ايه بس قوليلي طيب
سميحة: نفسي اطمن عليك ياحبيبي
أدهم: مانا كويس اهو ياماما قدامك تطمني عليا ازاي
سميحة: أدهم أنت عارف انا أقصد ايه كويس أوي بلاش تستعبط عليا
أدهم بضحك: احنا مش كنا اتكلمنا في الموضوع دة ياماما وكنا قفلناه وخلصنا منه..وبعدين ي ستي هو انا كنت لقيت العروسة وقولت لا يعني
سميحة: لا ماقفلنهوش ي أدهم ومش هيتقفل إلا أما اطمن عليك..ولو علي العروسة موجودة بس أنت وافق وأنوي
أدهم بتفكير: مين دي ياماما !! أنتي شايفالي عروسة ولا ايه !!
سميحة: آمال بنت خالتك كوثر ايه رأيك !! بنت كويسة ومعاها كلية صيدلة ومتعلمة تعليم عالي وأخلاق وأدب وغير دة كله تبقي بنت خالتك
أدهم: آمال بنت خالتي ايه بس ياماما دي في منزلة أختي
سميحة: شوف ابنك بقي يامحمود انا تعبت معاه خلاص
محمود: اشوفه هعمله ايه يعني الجواز مش بالعافية..وهو عارف مصلحته وبعدين هو بيقولك إن بنت خالته في منزلة أخته يبقي سيبيه براحته بقي هو أللي هيتجوزها مش انتي..مش عشان هي بنت أختك عاوزة تجوزهاله
أدهم: ياسلام عليك يابابا ياللي دايمًا ناصفني كدة وواقف في ضهري..قولها..قولها..إن الجواز مش بالعافية
محمود: عد الجمايل بس هههههه..طيب ايه رأيك في هند بنت عمتك سماح ومعاها كلية هندسة وتبقوا انتو الاتنين مهندسين زي بعض وبت كويسة وبنت عمتك
أدهم بضحك: قول كدة بقي يابابا أنك بتدافع عني مش عشاني بقي دة عشان انت عاوز تديني بنت أختك دة انا لسة بشكر فيك مالحقتش اخلص الكلمة حتي..هو انتو داخلين سباق مع بعض عليا مين فيكم أللي يفوز يجوزني بنت أخته...طيب أحب اريحكم بقي انا مش هتجوز من العيلة خالص أصلاً ارتاحوا..انا هروح اكلم الواد حازم احسن اشوفه فين نخرج احسن مانتو داخلين سباق كدة عليا وكل واحد فيكم عاوز هو اللي يفوز ويجوزني بنت أخته
★٭★٭★٭★٭★ صباح وحيد ★٭★٭★٭★٭★
حازم بضحك: أدهم باشا المهدي بنفسه أللي بيكلمني لالالا مش مصدق نفسي
أدهم بضحك: ههههه يابني أنت مش ناوي تعقل بقي شوية
حازم: أعقل ايه بس ياعم لا بعيد الشر كانوا العاقلين خدوا ايه بس..وبعدين ياعم انا فرفوش وبحب الهزار اضحك للدنيا تضحكلك الدنيا حلوة
أدهم: خلاص ي عم الفرفوش أنت يافيلسوف عصرك خليك تافه زي مانت كدة
حازم: المهم أنت عامل ايه وأخبارك ايه واحشني ياأدهوم والله
أدهم: الحمد لله تمام انت اخبارك ايه؟ واحشني اكتر والله وبعدين لو واحشك بجد كنت سألت إنما أنت اللي مابتسألش بقي ي عم المهم
حازم: الدنيا تلاهي بقي وضغط الشغل بقي وكدة قلة فضي بس والله بس انت عارف اني ماتأخرش عنك
أدهم: اعملنا إنك مهم بقي ومش فاضي ومشغولياتك كتير..أومال أنا أعمل إيه ي بني اللي شايل الشركة كلها ع اكتافي لوحدي
حازم: ربنا يكون في عونك ي صاحبي بس أنت أقوي من كدة وأنت قدها وتقدر تتحمل وتعمل اكتر من كدة كمان انت ناسي اننا كنا بنعتمد عليك أنت ف كل حاجة لأنك اعقل واحد فينا كنت مصدر قوتنا أللي بنستمد قوتنا منه ومازلت مصدر قوتنا برضو لحد الآن
أدهم: كانت أحلي ايام والله فاكرها مش ناسيها..المهم بقولك ايه..ماتيجي نتقابل النهاردة نروح النادي شوية النهاردة إجازتي وقاعد ف البيت مفيش شغل وعاوز أخرج وأهي فرصة نتقابل ونقعد مع بعض
حازم: اشطا..موافق..تحب ننزل امتي؟!
أدهم: كمان نص ساعة لو يناسب حضرتك يعني ولو الباشا سيادته مش مشغول يعني
حازم بضحك: سيبني افكر كدة شوية..فكرت خلاص موافق كمان نص ساعة..وكمان هو احنا نطول نقعد مع أدهم باشا بنفسه اللي الناس كلها بتعمله ألف حساب ويتمنوا بس يسلموا عليه وأللي البنات كلها هتموت عليه وهو غروره مانعه ومش عارفين يطولوه
أدهم ضحك جامد: دة أنت طلعت مركز معايا اوي بقي..هلاقيها منك ولا من أبويا وأمي..المهم يلا عشان مانقعدش نرغي وتتأخر وتقولي أنا أللي أخرتك وأنا السبب وكلامك دة
حازم ضحك: أنت لسة فاكر انا وصلت وقاعد ف النادي أهو وهطلب الغدا كمان
أدهم: وصلت امتي ولبست أمتي ونزلت أمتي..بقيت سريع كدة أمتي !!
حازم بضحك: ههههه ي بني احنا دلوقتي ف عصر السرعة..انا بصراحة كنت برة وقريب من النادي وأما كلمتني روحت علطول بقي..خليك ارغي معايا وضيع الوقت ومش هتنزل وتتأخر وتقول إن أنا أللي أخرتك..اقفل يلا وروح ألبس وانزل وانجز يلا
أدهم: مانت غفلتني أهو..المهم يلا عشان ألحق أنزل واجيلك بقي..سلام
لحظة: مين حازم؟؟ حازم هو الصديق المقرب لأدهم وصحاب من زمان ويعتبروا متربيين مع بعض وبيحب أدهم اوي وادهم كمان بيحبه جدا..عرفنا مين حازم نكمل بقي 😂
🌸🌸🌸🌸🌸صباح وحيد🌸🌸🌸🌸🌸
في النادي
حازم وهو داخل النادي وماسك التليفون بتاعه وكان بيقفل مع أدهم وباصص في التليفون ومش واخد باله خبط في واحدة من غير قصده
الفتاة: ايه دة في ايه مش حضرتك تفتح !!
حازم: معلش أنا آسف والله مخدتش بالي كنت باصص في التليفون ومخدتش بالي خالص معلش انا آسف بعتذر لحضرتك
الفتاة: حصل خير خلاص..بس بعد كدة ياريت تاخد بالك..وبدل ماتركز في التليفون ركز في الطريق
حازم بإبتسامة: حاضر..أوعدك بعد كدة هاخد بالي ومش همسك التليفون خالص ولا أبص فيه طول مانا ماشي..وآسف مرة تانية
الفتاة بإبتسامة وهي بتلم أوراقها من علي الارض: مفيش داعي للاعتذار حصل خير خلاص..وشكرًا لذوق حضرتك
حازم: أقدر أساعد حضرتك في حاجة !!
الفتاة: لا متشكرة لحضرتك مش محتاجة مساعدة
حازم: سؤال معلش..هو حضرتك بشمهندسة !!
الفتاة: أفندم !! بيتهيألي دي حاجة ماتخصش حضرتك ولا تفرق معاك !!
حازم ببرود: لا بسأل عادي مافيهاش حاجة يعني..عشان شوفت حاجتك أللي واقعة وفيها تصاميم وشوفت الادوات الهندسية أللي معاكي فدة أللي خلاني أسأل يعني فضول عادي مش اكتر..وعلي العموم أنا آسف لو كنت ضايقتك بسؤالي..ولو حضرتك فهمتي حاجة تانية فدي مشكلتك مش مشكلتي أنا..وسابها ومشي من غير مايسمع ردها
★٭★٭★٭★٭★ صباح وحيد ★٭★٭★٭★٭★
سهير: يا أهلاً يا أهلاً..ي ناهد ي ختي تعالي اتفضلي نورتيني النهاردة..ايه المفاجأة الحلوة دي
ناهد: وحشتيني اوي ي سهير
سهير: وانتي أكتر والله طمنيني عليكي أنتي عاملة ايه والعيال عاملين ايه وإبراهيم جوزك عامل ايه؟؟
ناهد: كلنا كويسين وبخير والله الحمد لله..المهم انتي والولاد وحسين؟
سهير: الحمد لله كلنا بخير..اعملي حسابك بقي هتقعدي تتغدي معانا النهاردة دي ملك وياسمينا هيفرحوا اوي أما يعرفوا انك هنا
ناهد: هما فين صحيح وحشوني العيال دي اوي ونفسي اشوفهم زي زمان واقعد معاهم..فاكرة ي سهير الايام دي أما كانوا لسة صغيرين
سهير بإبتسامة: وهي دي ايام تتنسي برضو كانوا متعلقين بيكي اوي..هما خرجوا ياسمينا قابلت واحدة صحبتها من ايام الثانوي ماشافوش بعض وخدت اختها وخطيب أختها معاها بقي
ناهد: ييجوا بالسلامة إن شاء الله..صحيح ملك عاملة ايه مع خطيبها؟!
سهير: الحمد لله..أحمد خطيبها شاب محترم وبيحبها وبيخاف عليها وبيحاول يفرحها دايما وبيخاف ع زعلها
ناهد بإبتسامة: ربنا يسعدهم يارب ويتمملهم ع خير
سهير: يارب..وعقبال ماتفرحي بهشام وأمل كدة قريب يارب إن شاء الله
ناهد: يارب يارب..نفسي بقي ييجي اليوم أللي اطمن عليهم فيه وارتاح من همهم بقي
سهير: مين قالك إننا أما بنجوز عيالنا مش بنشيل همهم !! بالعكس ي ناهد دة احنا بنشيله أكتر من الأول كمان..مفيش حد بيقدر يشيل عياله من دماغه ي ناهد مهما كبروا ومهما بعدوا وبقوا ليهم حياة مستقرة بس برضو بنفضل شايفينهم قدامنا صغيرين وبنفضل شايلين همهم اكتر من الاول كمان..بس هي دي سُنة الحياة لازم يتجوزوا ويبقالهم حياتهم الخاصة بيهم بس برضو بنفضل شايلين همهم وهم عيالهم كمان ومشاكلهم..كل مابيكبروا مشاكلهم بتكبر معاهم
ناهد: عندك حق ي سهير ي ختي فعلاً عمرنا ماهنعرف نشيلهم من دماغنا مهما كبروا ومهما بعدوا بنفضل برضو شايلين همهم وقلقانين عليهم..بس نص الحمِل ولا الحمِل كله زي مابيقولوا..انا بس عاوزة اطمن عليهم كل واحد ف حياته وفي بيته في وسط عياله
سهير: ربنا يطمنك عليهم يارب ويفرحك بيهم يارب إن شاء الله..صحيح ماجبتهمش معاكي ليه مانتي عارفة ياسمينا وملك هما وأمل مش بيفارقوا بعض التلاتة
ناهد: عارفة والله دي أمل روحها فيهم وخصوصًا ياسمينا..مرة تانية إن شاء الله اجيبهم معايا ونيجي كلنا انا بس لقيت نفسي قريبة من هنا فقولت اعدي اشوفكم
سهير: تنوري اي وقت البيت بيتك من غير استئذان دة بيت اختك يعني بيتك
وهنا كان قد دخل حسين
حسين: أهلاً..أهلاً..ايه النور دة ي ناهد وانا اقول البيت منور ليه كدة..اومال فين إبراهيم والعيال ماجوش ليه !!
ناهد: دة نورك ي حسين والله تسلم ربنا يخليك والبيت منور بأهله طبعًا..والله هي جت صدفة كدة لقيت نفسي قريبة من هنا قولت اعدي اقعد معاكم شوية..تتعوض مرة تانية إن شاء الله اجيبهم ونيجي كلنا
حسين: تنوري ي ناهد اي وقت دة بيتك اي وقت..عن اذنك اخش اغير هدومي بس
ناهد: اه طبعا اتفضل براحتك انا مش ضيفة
سهير: أما اقوم اجهز الغدا بقي عشان الساعة بقت 4:00 أهي
ناهد: لا استني بس غدا ايه انا لازم ألحق اروح بقي خليها مرة تانية
سهير: بطلي هبل ي بت أنتي عبيطة ولا ايه ملك وياسمينا هيزعلوا اوي والله لو عرفوا انك جيتي ومشيتي من غير أما يشوفوكي وحسين هيزعل لو مشيتي من غير ماتتغدي معانا والله اقعدي بقي
ناهد بضحك: لسة دماغك ناشفة زي ماهي ماتغيرتيش ولسة بتقدري تقنعيني بطريقتك والحجج بتاعتك
★٭★٭★٭★٭★ صباح وحيد ★٭★٭★٭★٭★
في النادي
حازم: ايه ي هندسة كل دة تأخير
أدهم: اتأخرت فين دة بس ها؟ قولتلك كمان نص ساعة وجيتلك اهو علطول مش ذنبي بقي انك كنت قريب وجيت بدري
حازم: أجي متأخر مش عاجبك أجي بدري برضو مش عاجبك اعملك ايه طيب بس
أدهم: تقعد ساكت تعرف تقعد ساكت !!
حازم: سكتت اهو اتفضل بقي اطلبلنا الغدا عشان عصافير بطني بتصوصو خلاص
أدهم بضحك: دايما همك ع بطنك كدة
حازم: مانا مافطرتش طيب أعمل إيه وأللي كمل عليا كمان بقي بت مستفزة كان نفسي أخنقها
أدهم: انا كمان لسة صاحي مالحقتش أفطر..مين دي !!
حازم: اطلبلنا الغدا أبوس ايدك الأول وإلا هموت منك هنا وذنبي هيكون ف رقبتك انت حر
أدهم بضحك: خلاص..خلاص..حاضر هطلب الغدا اهو..وأما حضرتك جعان اوي كدة ومش قادر تصبر ماطلبتش ليه ع بال أما انا اجي ها !!
حازم: اقوله ايه يقولي ايه بقولك كان ف بت مستفزة كنت هخنقها والله..هحكيلك أللي حصل واحنا بنتغدي
أدهم: تلاقيك استظرفت مانا عارفك لازم تعمل نمرة وانك واد جامد بقي..يلا خلينا نشوف الغدا الأول دلوقتي
★٭★٭★٭★٭★ صباح وحيد ★٭★٭★٭★٭★
في الكافيه
ياسمينا: ي خبر الوقت جري والساعة بقت٤:٣٠ ولسة عقبال أما نروح تكون بقت٥:٠٠ وماما قالتلنا ماتتأخروش وهتلاقيها هترن دلوقتي
أحمد: طيب خلاص كفاية كدة ويلا عشان ألحق اوصلكم
ياسمينا: كان يوم...وقاطعها رنين هاتفها فقالت: مش قولتلكم ثواني أرد ع ماما
ياسمينا: أيوة ي ماما احنا لسة كنا قايمين ماشيين اهو وجايين
سهير: طيب ي حبيبتي يلا تعالوا بسرعة ماتتأخروش وعندي ليكم مفاجأة هنا ماتتأخروش يلا بسرعة
ياسمينا: مفاجأة !! مفاجأة ايه دي ي ماما !!
سهير: أيوة عايزاكي تضيعي الوقت ف الرغي دة..وبعدين وهو انا لو عاوزاكي تعرفي كنت قولتلك أنها مفاجأة !! لو عاوزة اعرفك ماكنت قولتلك علطول !! وبعدين لو قولتلك مش هتبقي مفاجأة..المهم يلا هاتي اختك وتعالوا بسرعة..واه صحيح ابقي خلي أحمد يطلع معاكم
ياسمينا: حاضر ي ماما هقوله وهقول ملك ومش هنتأخر إن شاء الله
سهير: يلا مع السلامة ي حبيبتي
ياسمينا: مع السلامة ي ماما..وقد أغلقت ياسمينا الهاتف مع والدتها
ياسمينا: طيب يلا نروح عشان ماما مستعجلانا بقي
صافي: خلاص تمام..كان يوم جميل معاكم والله واتبسطت جدا اني شوفتك ي ملك واتمنى انها تتكرر تاني
ملك: حبيبتي ي صافي ربنا يخليكي واكيد هتتكرر تاني كتير إن شاء الله..ومستنياكي ف الخطوبة طبعا تنوريني
صافي: أكيد طبعا إن شاء الله ي حبيبتي
أحمد: طب يلا عشان ألحق اوصلكم وأروح بقي عشان ماتتأخروش..وشكرا ع الصدفة أللي جمعتنا دي
ياسمينا: هههه العفو عدوا الجمايل بقي..اه صحيح ي أحمد ماما قالتلي أما توصلنا عاوزاك تطلع معانا
أحمد: اشمعنا في حاجة ولا ايه؟!
ياسمينا: معرفش والله بس هي قالتلي ف مفاجأة وعامللنا مفاجأة وقالتلي أما تيجوا قولي لأحمد يطلع معاكم
ملك: مفاجأة !! مفاجأة ايه دي !! وعاوزة أحمد !! يلا ي عم مين قدك حماتك بتحبك أهي حتي ف المفاجآت عاوزاك تكون معانا
أحمد بضحك ع طريقة ملك: ربنا يستر ونشوف مفاجأة ايه دي
ياسمينا: والله انا زيي زيكم معرفش حاجة واما سألتها قالتلي وهو انا لو عاوزة اعرفك ماكنت قولتلك وخلاص
مصطفي: طيب يلا ي جماعة عشان ماتتأخروش أنتو وكان يوم لطيف وإن شاء الله يتعوض تاني
ملك بضحك: ربنا يخليك..ويارب ماتفجآناش تاني بقي كفاية مرتين كدة هتفاجئنا اي تاني بقي !! كفاية مفاجآت
مصطفي بضحك: ليه مش عاوزين تصدقوا اني بتفاجئ زيكم بالظبط والله وأنها بتبقي مجرد صدفة بس والله
ياسمينا: هي صدفة فعلاً..احنا بس بنهزر..المهم يلا بقي عشان اتأخرنا
وسلمت ياسمينا وملك ع صافي وذهبوا لسيارة أحمد
وذهبت صافي مع أخيها لسيارته
★٭★٭★٭★٭★ صباح وحيد ★٭★٭★٭★٭★
صافي: بس صدفة غريبة اوي فعلاً
مصطفي: قصدك إن أحمد خطيب ملك يعني ؟!
صافي: أيوة..وكمان أنت وياسمينا تعرفوا بعض ومع بعض ف الشغل وانا ماجاش ف بالي خالص
مصطفي: وانتي كنتي تعرفي منين أصلا اننا مع بعض ف الشغل !!
صافي: كان يوم كنت ف المول أللي عند الشركة عندكم دة وكنت مروحة ومعدية من قدام الشركة بالصدفة عشان اركب وأروح وقابلت ياسمينا قدام الشركة مستنية تركب وتروح هي كمان طبعا انا اتفاجئت أما شوفتها وقالتلي أنها بتشتغل ف شركات المهدي..بس ماجاش ف بالي خالص الموضوع دة انكم تعرفوا بعض لأن الشركة كبيرة والناس فيها كتيرة فمجاش ف بالي خالص أنكم ممكن تكونوا تعرفوا بعض وبتشتغلوا مع بعض
مصطفي: واتصدمتي زيي أما عرفتي طبعا..بس انا اتصدمت مرتين مرة أما روحت مع احمد ابن خالتك أما كان معزوم هناك عندهم وخدني معاه واتفاجئت بيها داخلة البيت استغربت مين دي !! ومرة تانية النهاردة أما اكتشف انها أنتيمة اختي ويا عالم ايه تاني وهتفاجئ بيها فين تاني ومع مين
صافي بخبث: الصدف بتجمعكم دايما الله اعلم ايه أللي هيحصل بقي
مصطفي: هيحصل ايه يعني مش هيحصل حاجة..وبضحك: بطلي رغي بقي وخليني اركز ف الطريق
★٭★٭★٭★٭★ صباح وحيد ★٭★٭★٭★٭★
في النادي
أدهم بضحك: ههههه احسن تستاهل والله أكتر من كدة كمان
حازم: اضحك..اضحك..اضحك ياخويا اضحك وانت ع بالك ايه..انا كنت عارف انك هتفرح فيا والله وتسمعني كلمتين انا مش عارف أنا حكيتلك ليه أصلاً انا غلطان أني حكيتلك والله
أدهم بضحك: عشان مفيش غيري هيفرح فيك وكمان لو ماحكتليش هتحكي لمين ها؟ مينفعش ماتحكيليش
حازم: اديني حكيتلك استفادت منك ايه بقي غير انك قاعد تضحك وبس
أدهم بضحك: أصله موقف تافه وبيضحك الصراحة مضحكش ليه..المهم أنت ايه أللي خلاك تسألها أصلاً هي مهندسة ولا لا وتقف تتكلم معاها ليه كنت اتأسفت وخلاص مشيت إنما أنت دايما جايبلنا الكلام وجايب لنفسك التهزيق يبقي استحمل بقي وماتشتكيش
حازم: أصل البت حلوة أوي بصراحة ي أدهم
أدهم بتريقة: أصل البت حلوة اوي ي أدهم ايه بس ونيلة ايه انت مش هتبطل طريقتك دي ي بني بقي
حازم: دة انت لو شوفتها هتغير رأيك علطول
أدهم: بيتهيألي أنت عارف رأيي كويس ف الموضوع دة
حازم بحزن: عارف..بس لحد أمتي ي صاحبي ماهو أكيد هاييجي اليوم دة مش هتفضل كدة يعني
أدهم: بقولك ايه مش هتبقي عليا انت وابويا وامي انتو متفقين عليا ولا ايه ارحموني شوية
حازم: لا ي عم ولا متفقين ولا حاجة..بس شكلها كدة حد تاني خالص غيرنا هو أللي بيتفق
أدهم: حد تاني مين؟! انت ي بني باصص فين وع ايه ركز معايا هنا دة انت مش معايا خالص
حازم: بص جمبك كدة وأنت تعرف
أدهم بص جمبه يشوف صاحبه بيبص ع ايه مخليه مش مركز معاه كدة: ها بصيت وبعدين يعني ف ايه مش فاهم برضو
حازم: نعم ياخويا !!..البنات أللي ع الطرابيزة..دول عينيهم هتطلع عليك وعمالين يتكلموا عنك ويبصولك اوي..شكلهم بيتفقوا مين أللي هتوقعك
أدهم بنبرة تحذير: حازم..فكك منهم بقي وريح نفسك عشان أللي ف دماغك دة مش هيحصل وأنت عارف كدة كويس
حازم: طيب ي صاحبي ولحد امتي هتفضل رافض كدة مش عشان..وقاطعه أدهم قائلاً:
أدهم: حازم !! أنت عارف محبش اتكلم ف الموضوع دة وعارف كمان أني رافض الارتباط ع الأقل دلوقتي..وبعدين انا خارج عشان افك عن نفسي شوية مش عشان تقعد تبكت فيا بكلامك دة وتضايقني..وبعدين ي عم بدل ماتنصحني أنا اتجوز وخايف عليا وع مصلحتي انصح نفسك وخاف ع نفسك واتجوز أنت وطلعني من دماغك بقي كفاية زن ابويا وأمي عليا وكلامهم معايا دايما ف الموضوع دة مش هتبقي انت وهما عليا..مش أهرب من البيت من كلامهم اجي الاقيك انت
حازم بضحك: خلاص ي عم انا مقصدش اهدي شوية مالك ف ايه..ياريت ي اخويا..بس البنات كلها بتجري وراك أنت وعايزاك انت ياريتهم يجروا ورايا زيك كدة
أدهم بضحك: خدهم كلهم مفيش حد يعجبني منهم لا ..يعني عاوز تقنعني مفيش حد بيبصلك كدة ولا كدة بذمتك ها
حازم: بس بقي ماتكسفنيش ي أدهم
أدهم: ومش مكفيك وعاوز تاني وتقول مفيش حد معبرك ايه طمعك دة ي أخي..كمل أكل وأنت ساكت يلا مسمعش صوتك
★٭★٭★٭★٭★ صباح وحيد ★٭★٭★٭★٭★
في سيارة أحمد
أحمد: طبعا انتي لسة مصدومة ي ياسمينا من المفاجأة دي تاني مرة تلاقيكي افتكرتي أنه مراقبك
ملك: تصدق انا حسيت كدة فعلاً والله مرة ف البيت عندنا ومرة ف الكافيه اللي خارجين فيه ويطلع اخو صحبتها حاجة غريبة اوي فعلاً وياتري هيطلعلها فين تاني
أحمد بضحك: ههههه الصدف بقي بتجمع الناس..هي ياسمينا ساكتة ليه مش بترد ف حاجة !!
ملك: لا مفيش حاجة..ياسمينا...ياسمينا..وبصتلها وشاورت بإيديها ناحية وشها: انتي ي بنتي
ياسمينا بتركيز: ها نعم ي ملك ف ايه ؟!
ملك: أنتي أللي ف ايه بقالنا ساعة بنكلمك وانتي ولا هنا
أحمد: لا دة انتي مش معانا خالص بقي ي ياسمينا
ياسمينا: معلش أنا آسفة مكنتش مركزة والله فمخدتش بالي..كنتو بتكلموني بتقولوا ايه؟!
ملك: مكناش بنقول حاجة..أحمد كان بيقولك تلاقيكي لسة مصدومة من المفاجأة كل ماتروحي مكان تلاقي مصطفي فيه وتتقابلوا..لدرجة ممكن تشكي أنه مراقبك
ياسمينا بضحك: اه والله مرة ف البيت واكتشف بالصدفة أنه ابن خالة خطيب أختي ومرة تانية ف الكافيه أللي خارجة فيه واكتشف أنه اخو صحبتي أللي خارجة معاها وياعالم المرة الجاية ايه بقي..مش كفاية أنه معايا ف الشغل طول اليوم وطول الاسبوع لا كمان ف الخروجات معايا مش عارفة اعمل ايه والله
أحمد بضحك: ههههههه أنا نفسي بتفاجئ والله اومال انتي بقي..انا لو حد معايا ف الشغل وكل أما اروح مكان الاقيه ويطلع قريب حد اعرفه انا هشك أنه مراقب تحركاتي..بس هي صدف فعلاً أللي بتجمعنا ببعض وبتجمع الناس كلها ببعضها اقتنعت دلوقتي
ياسمينا: يعني أنت عرفت ملك صدفة؟!
أحمد وبص لملك ورجع ركز للطريق: وكانت أحلي وأجمل صدفة حصلتلي ف حياتي..هي تحكيلك بقي اتعرفنا ازاي وحبينا بعض ازاي
ياسمينا: ربنا يخليكم لبعض يارب ويكمل فرحتكم ع خير يارب ويسعدكم
ملك: ربنا يخليكي ليا يارب وعقبالك يارب واتعبلك اليوم دة وألبسك فستانك بإيدي
أحمد: ربنا يخليكي ي قمر وعقبالك يارب مع أللي يستاهلك..يلا عشان وصلنا أهو
ونزلوا كلهم وطالعين وفتحت ياسمينا بمفتاحها ودخلوا
ياسمينا وملك اول أما دخلوا بفرحة كبيرة: خالتو ناهد !!
وجريوا الاتنين عليها يحضنوها جامد
ناهد بسعادة: حبايبي وحشتوني أوي عاملين ايه طمنوني عليكم
ياسمينا وملك بسعادة: الحمد لله تمام ي خالتو انتي عاملة ايه
سهير: ها ايه رأيكم بقي ف المفاجأة الحلوة دي
ملك: دي أحلي مفاجأة ي ماما
ياسمينا: هي فعلاً مفاجأة ومعاكي حق ي ماما ماتقوليش عشان تبقي حلوة كدة أحلي مفاجأة ف الدنيا..بس صحيح ي خالتو فين البت أمل دي وحشاني اوي الجزمة دي ماجبتهاش معاكي ليه؟
ناهد: والله هي ماتعرفش اني جاية دي لو تعرف مكنتش سايبتني إلا أما تيجي معايا مانتي عارفة هي متعلقة بيكم ازاي وخصوصا انتي ي ياسمينا..بس انا جيت صدفة والله كنت معدية من هنا قولت اعدي اقعد معاكم شوية
ياسمينا: وحشتني البت بنت اللذينا دي أوي..دة انتي نورتينا ونورتي الدنيا كلها ي خالتو دة النهاردة أحلي يوم ف عمري كله انك معايا دلوقتي والله وحشتيني اوي ووحشتني قعدتك ي خالتو
سهير: ي بت كفاية بقي سيبي خالتك تتعرف ع أحمد خطيب أختك خلي عندك ذوق بقي ماهي كدة كدة معاكي اهي مش هتطير انتي أما صدقتي لاقتيها ماسكة فيها ومش عاوزة تسيبيها
ياسمينا: معلش ي ماما بس خالتو كانت وحشاني اوي
ناهد لملك: اه صحيح مش هتعرفيني ع خطيبك بقي ولا ايه..احنا اتلهينا وسيبناه واقف لوحده كدة عيب
ملك: اه طبعا ي خالتو تعالي اعرفك عليه..بصي ي خالتو دة أحمد خطيبي ومعايا ف الشغل..أحمد دي خالتو ناهد أللي ياما كلمتك عنها خالتو ناهد دي قبل أما تكون خالتي فهي أمي التانية وصحبتي وكانت أقرب حد ليا انا وياسمينا وعشان كدة احنا متعلقين بيها اوي واكيد أنت عارفها لأنها كانت موجودة في الفاتحة بس مجتش فرصة تتعرفوا ومعاها أمل وهشام عيالها
أحمد: اه فاكرها بس للأسف مجتش فرصة نتعرف بس ادينا اتعرفنا أهو.. أهلاً بحضرتك وتشرفت جدا بمعرفة حضرتك
ناهد: أهلاً بيك ي بني واكيد الشرف ليا أنا..خلي بالك من ملك وحطها جوة عينيك وأوعي ف يوم تزعلها وإلا هتلاقيني فوق راسك علطول ههههههه دي بنتي التانية مش بنت أختي
أحمد بضحك: لا مقدرش ازعلها وماتقلقيش عليها دي ف عنيا من جوة
ناهد: ربنا يخليك ي بني..وربنا يسعدكم ويتمملكم ع خير يارب ويفرحنا بيكم قريب يارب إن شاء الله
أحمد: يارب ي طنط يارب ادعيلنا
ياسمينا بضحك: دة انت مستعجل اوي شكلك مش عارفة مستعجل ع ايه كدة خدها من دلوقتي لو عاوزها
الجميع ضحك ع طريقة ياسمينا
ملك: بقي كدة عاوزة تخلصي مني !!
ياسمينا بضحك: انا اقدر برضو بس هو اللي مستعجل اوي الصراحة وانتي كمان شكلك مستعجلة فمادام مستعجلين بقي خلصونا واتجوزوا خلينا نفرح
ناهد بضحك: هههههه بكرة تتخطبي ونشوفك بقي ونشوف خطيبك
سهير: قومي ي ياسمينا يلا ساعديني ف المطبخ وبطلي رخامة ع اختك وخطيب اختك
ياسمينا: انا بحب اهزر معاهم ي ماما انا غلطانة يعني أني عاوزة افرفشهم !!..يعني ماهزرش معاهم تاني يعني؟!
سهير: لا مش غلطانة هزري..انا عارفة اني مش هخلص معاكي..يلا بقي قومي تعالي ساعديني ف المطبخ عشان خطيب أختك يلحق يتغدي معانا بقي قبل أما يمشي
أحمد: لا استني بس ي ماما غدا...قاطعته سهير قائلة:
سهير: بس مفيش اعتذار هتتغدي معانا خلاص الغدا جاهز
ناهد: ماتقعد تتغدي معانا ي بني ف اي دة أنت حتي اول مرة تقعد معايا يبقي بينا عيش وملح بقي ولا انت مش عاوز يبقي بيني وبينك عيش وملح ؟!
أحمد: لا طبعا دة شرف ليا اني اقعد مع حضرتك والله
ناهد: خلاص يبقي تقعد تتغدي معانا بقي..يلا ي سهير جهزي الغدا
سهير: يلا ي ياسمينا قومي تعالي هاتي الأكل من ورايا
ياسمينا: ماتقولي لملك ماأهي قاعدة اهي
سهير: وانتي مالك ومال ملك انا بقولك انتي مالكيش دعوة بملك..وبعدين هو من باب الذوق يعني إن اقول ملك تقوم وتسيب خطيبها !!
ياسمينا بهزار وضحك: وانا قاعدة مع خالتو ومينفعش اسيبها وأقوم مش من باب الذوق اسيب خالتو وأقوم
ناهد: لا مالكيش دعوة بيا قومي انتي..اقولك حاجة عشان اريحك انا قايمة معاكي انا كمان اهو يلا
ياسمينا بضحك: ايه ي خالتو ف اي انا لسة بقول مينفعش اسيبك وأقوم تكسفيني كدة يعني انتي مش عاوزاني اقعد معاكي صدمتيني خلاص..مينفعش اسيب أحمد خطيب أختي ضيف عندنا وأقوم عيب
سهير: ي بت بطلي هزار بقي وقومي يلا..وبعدين أحمد مش غريب مالكيش دعوة بيه ماتتحججيش
ياسمينا بضحك: طيب مادام هو مش غريب ماتخلي ملك تقوم معايا هي كمان
ناهد بضحك: ي حول الله يارب انتي مالك ومال ملك هي عاوزة تقعد مع خطيبها لوحدهم مالك ومالهم انتي بقي يلا قدامي ع المطبخ...وقومت ياسمينا ودخلوا ع المطبخ
ملك بضحك: ههههه بتحب الهزار اوي ياسمينا
أحمد بضحك: هههههه هي عسل والله ودمها خفيف ربنا يخليهالكم ودايما مبسوطة ومالية البيت عليكم سعادة كدة بهزارها وخفة دمها
ملك: ربنا يخليك ي حبيبي..ويخليك ليا يارب
أحمد بضحك: ي ايه !!. قولتي ي ايه !! قوليها تاني كدة
ملك بكسوف: ايه..ايه..ماقولتش حاجة خلاص..
أحمد بضحك: هههههه مكسوفة
ملك بكسوف: بس بقي ي أحمد مكنتش كلمة قولتها
أحمد: ههههه حاضر خلاص هسكت أهو
ياسمينا دخلت وبضحك: يلا عشان الغدا جاهز ولا انتو مش ناويين تتغدوا لو مش ناويين قولوا ماتتكسفوش..بس حتي لو مش ناويين كدة كدة هتتغدوا يعني مش باخد رأيكم أنا
أحمد ضحك ع طريقة ياسمينا: لا جايين اهو ي حضرة البشمهندسة ياسمينا
ملك: ي بنتي انتي جاية تندهينا عشان نتغدي وتعرفينا الغدا جهز ولا جاية تطفشينا..يلا.. يلا..ي أخرة صبري..يلا تعالي ي أحمد اتفضل
★٭★٭★٭★٭★ صباح وحيد ★٭★٭★٭★٭★
في النادي
أدهم: اسبقني أنت وأنا هدفع الحساب كدة وأجي..ومش عاوز أجي ألاقيك عامل مصيبة
حازم: لازم تثق فيا اكتر من كدة انا صاحبك أنت تعرف عني كدة برضو
أدهم: ماهي المشكلة انك صاحبي والمشكلة أني عارفك
حازم بهزار: شكرا ع الجرح خلاص الصحاب ف إجازة..انا طالع استناك وماتتأخرش
★٭★٭★٭★٭★ صباح وحيد ★٭★٭★٭★٭★
وخرج حازم وقف قدام النادي مستني أدهم وماسك تليفونه بيقلب فيه فجأة حد معدي من جمبه خبط فيه واتدلقت عليه كوباية عصير
الفتاة: انا آسفة جدا مقصدش والله آسفة بجد مخدتش بالي والله
حازم من غير مايبصلها وباصص لهدومه أللي اتبهدلت: آسفة !! آسفة ايه وبتاع ايه انتي تبهدليني كدة وترجعي تقوليلي آسفة..آسفة ع اي !! اعمل اي انا دلوقتي يعني !! اصرفها منين آسفة دي !! ماتبقو تركزوا شوية بقي
الفتاة: انا آسفة بجد غصب عني والله مكنتش مركزة بعتذر لحضرتك جدا والله
حازم وكان بصلها: اص..اي دة هو أنتي !! انتي عاوزة مني ايه !!
الفتاة: اي دة انت تاني !! وهعوز منك ايه يعني أنت اللي عاوز مني ايه !!
حازم: هههههه ضحكتيني..يعني أنا يوم أما اعوز حاجة من حد هعوز منك أنتي !! يلا ي شاطرة روحي ألعبي بعيد مش فاضي انا لكلام العيال دة..واه صحيح ياريت تبقي تركزي ف الطريق بعد كدة عشان ماتضطريش تعتذري كتير كدة وياريت بلاش تمسكي الفون وانتي ماشية والافضل انك تركزي ف الطريق أحسن..واه صحيح ياريت قبل أما تنصحي حد بحاجة أنه مايعملهاش ابقي انصحي نفسك بيها أنتي الأول انك ماتعمليهاش وعدلي ع نفسك قبل أما تعدلي ع الناس..وسابها ومشي من غير مايسمع ردها أو يديها فرصة للرد ف وسط صدمتها من كلامه ليها وطريقته معاها
أدهم: ايه مالك مبسوط ليه كدة..وايه أللي بهدلك كدة ؟!
حازم بضحك: البت بتاعت الصبح أللي حكيتلك عنها هي أللي بهدلتني كدة
أدهم: وسيادتك مبسوط يعني أنها بهدلتك كدة؟!
حازم بضحك: هههه لا طبعا.. أصلك ماشوفتش شكلها وهي نازلة اعتذارات وصدمتها أما شافتني
أدهم: وأما هو لا طبعا اومال ايه اللي باسطك اوي كدة..أنجز ي حازم مش فاضيلك ماتتكلم علطول
حازم وقد قص عليه ماحدث: ماشوفتش وشها بقي وهي مصدومة ومش عارفة ترد عليا واديتها الكلمتين وسيبتها ومشيت علطول مادتهاش فرصة ترد أو تتكلم
أدهم بضحك: الله يخربيتك دايما فاضحني كدة..اسيبك 5دقايق بس ارجع ألاقيك عامل مصيبة
حازم: ههههه هتخرب بيتي ليه من قبل أما يتبني حرام عليك..وبعدين ي عم ماهي أللي دخلت فيا وبهدلتني بالعصير بتاعها دة..ذنبي ايه انابقي !!..ولا هو انا بقول شَكل للبيع يعني !!
أدهم بضحك: لا ازاي دة انت ملاك..يلا طيب ي اخويا عشان تغير هدومك أللي اتبهدلت دي
★٭★٭★٭★٭★ صباح وحيد ★٭★٭★٭★٭”
في صباح اليوم التالي
منال: بقولك ايه ي ياسو..ماتيجي نخرج النهاردة نروح النادي شوية كدة عشان بصي بقيت ع أخري خلاص من ضغط الشغل عاوزة اغير جو شوية.. بقت حياتي عبارة عن من البيت للشغل ومن الشغل للبيت وبس بقت حياتي كلها عبارة عن شغل..وطول مانا قاعدة ف البيت بشتغل ع المشروع لحد اما جبت أخري خلاص ليل نهار شغل ف المشروع أللي مش عاوز يخلص دة..حاسة اني تعبت نفسيًا والله
كانت منال تتحدث وياسمينا لم تكن تنتبه معها أبدًا ولم تستمعها
منال: ياسمينا..ياسمينا..انتي ي بنتي..وقربت يدها من وجه ياسمينا قائلة: انتي ي بنتي روحتي فين !!
ياسمينا بتوهان: ها..ي منال..بتقولي حاجة !!
منال: ها اي بس دلوقتي..بقول حاجة !! لا انا ماقولتش حاجة خالص..دة انا بقالي ساعة بتكلم ي بنتي..لا دة انتي مش معايا خالص..أللي واخد عقلك ي جميل
ياسمينا: آسفة ي منال سرحت شوية غصب عني..كنتي بتقولي ايه !!
منال: لا خلاص بقي سيبك مني أنا دلوقتي وخلينا فيكي أنتي..مالك النهاردة كدة !! احكيلي بقي مالك فيكي ايه !!
ياسمينا: بعدين..بعدين..أبقي احكيلك كل حاجة..قوليلي البريك فاضل عليه أد ايه !!
منال: فاضله.. قاطعها صوت جرس البريك..البريك جيه أهو ي ستي..كنتي سألتي من بدري طيب هههههه
ياسمينا بضحك: هههههه حاضر المرة الجاية..المهم اسيبك بقي دلوقتي وأنزل اجيب أكل عشان ميتة من الجوع مافطرتش وبطني بتصوصو ولو قعدت اكتر من كدة من غير أكل هفضحكم ف الشركة كلها هههههه
منال بضحك: ههههه لا يلا انزلي بسرعة قبل ماتفضحينا هنا و ييجي المدير يجازينا..ونتطرد كلنا بسببك..واحنا مش ناقصين
وضحكوا الاتنين ونزلت ياسمينا الكافتيريا تطلب أكل
★٭★٭★٭★٭★ صباح وحيد ★٭★٭★٭★٭★
ياسمينا وهي تقوم بشراء بعض الطعام من الكافتيريا تقابلت مع مصطفي
ياسمينا: بشمهندس مصطفي..ممكن اتكلم مع حضرتك شوية
مصطفي: أهلاً.بشمهندسة ياسمينا..اه طبعًا اتفضلي تحت أمرك
ياسمينا: ربنا يخليك الأمر لله وحده..مش هينفع هنا ممكن نطلع استراحة الشركة مكان مابنتغدي (مكان الغدا) نقعد ونتكلم
مصطفي: اه طبعًا تحت أمرك اتفضلي
وصعدا كل من ياسمينا ومصطفي لمكان الغداء بالفعل (الاستراحة)
مصطفي: ادينا قعدنا أهو ي بشمهندسة..اتفضلي انا سامعك
ياسمينا: .........