أعطيت لحبك فرصة فخدعتني
الفصل السادس
بقلم صباح وحيد
ملك: بس يوم امبارح كان حلو والله.. وصدفة غريبة أوي أللي بتجمعنا كدة علطول وكل مرة
أحمد: كان حلو بيكي وعشان كنت معاكي وبس.. ومهما جت صدف وقابلت صدف هتفضل صدفة حبك ووجودك ف حياتي هي اجمل صدفة شوفتها
ملك بكسوف: ربنا يخليك ليا يارب ويديملي وجودك ف حياتي..بس تقريبًا كدة القدر بيعرفني بعيلتك واحد واحد ومش سايبهم ليوم الخطوبة نتعرف
أحمد بضحك: بيعرفك بيهم !! لا انا اكتشفت إن أنتي كدة كدة عارفاهم أصلاً مش محتاجة تتعرفي عليهم لسة..دة انا شاكك إنك ممكن تطلعي تعرفي عيلتي كلها أللي انا ممكن اكون مش عارفهم
ملك وخبطته ف كتفه: بس بقي ي أحمد بطل تريقة..ولا اقولك انا غلطانة اني بتكلم معاك أصلاً
أحمد بضحك ومسك إيديها قبل ماتقوم: استني بس ماتبقيش قفوشة كدة أومال..تعالي اقعدي..انا بهزر معاكي
ملك بإبتسامة: انا مش قفوشة..واديني قعدت أهو
★★★★★صباح وحيد★★★★★
في شركة المهدي تحديدًا مكان البريك ع احدي الطرابيزات
مصطفي: ادينا قعدنا أهو ي بشمهندسة..اتفضلي انا سامعك
ياسمينا بتوتر: بص بصراحة كدة ي مصطفي ومن غير لف ولا دوران أنا فكرت ف كلامك امبارح أما روحت ولقيته إنه منطقي الي حد ما..وقررت اديك فرصة نتعرف بس بشرط
مصطفي بسعادة: بجد ولا بتهزري !! وبعدين شرط !! شرط ايه دة !!
ياسمينا: لا انا بتكلم بجد..وشرطي هو إنك تيجي تتقدملي وتقرأ الفاتحة مع بابا وبيتهيألي كدة سهل إنك تيجي تتقدم لأن أولاً انت يعتبر كدة واخد موافقتي ثانيًا بقي معتقدش انك نسيت عنوان بيتنا !!
مصطفي: انا طبعًا هاجي اتقدملك بس مش دلوقتي..اكون بس جهزت نفسي واكون جاهز كدة واجي طبعًا إن شاء الله..ونكون عرفنا بعض اكتر
ياسمينا: دي مجرد قراية فاتحة بس زي ملك وأحمد كدة والخطوبة بعدين ولا اقولك ممكن كمان بلاش خطوبة ونخليها ع الضيق كدة ف البيت تبقي فاتحة وخطوبة وتلبيس الدبل علطول
مصطفي: ياسمينا افهميني..انا مش هقدر دلوقتي حتي لو قراية فاتحة و...وقاطعه صوت جرس البريك الذي يعلن عن انتهاء البريك
مصطفي: طيب نكمل كلامنا بعدين بعد ماتخلصي شغل
ياسمينا: هي كدة شكلها مش هيبقي فيها كلام تاني خلاص
مصطفي: ياسمينا..لو سمحتي متحكميش من قبل ماتسمعيني اسمعي أللي عندي الاول وبعد كدة احكمي براحتك بلاش تتسرعي من فضلك عشان ماتخسريش كتير..مش يمكن عندي ظروف !! لازم تسمعيني وتسمعي أسبابي وبعدين احكمي براحتك
ياسمينا بخجل من طريقتها معه: أنا آسفة مقصدش ح..قاطعها مصطفي قائلاً: خلاص حصل خير..بس بعد كدة ماتتسرعيش عشان التسرع وحش..يلا ع شغلك بقي
★★★★★صباح وحيد★★★★★
حازم طالع لمكتب أدهم خبطت فيه فتاة بدون قصد منها وهي مسرعة
حنان وهي بتلم ورق من ع الأرض: أنا آسفة بجد مقصدش خالص والله..بس انا كنت مستعجلة ومخدتش بالي..انا آسفة
حازم: لا عادي ولا يهمك حصل خير..بس بعد كدة خدي بالك
حنان وقد تذكرت صوته وبصتله بسرعة وبصدمة: هو أنت عاوز مني ايه ي جدع أنت..كل حتة ورايا حتي ف شغلي
حازم ببرود: وهعوز ايه منك يعني..وسبق وقولتلك وهو انا يوم أما اعوز حاجة يعني هعوز منك أنتي !! وبعدين ليه ماتكونيش أنتي اللي ورايا ف كل حتة !! وبعدين أنتي فهمتي كدة انتي حرة انتي عاوزة تفهمي كدة مش ذنبي انا بقي .. مش يمكن انتي اللي كل شوية تعملي نفسك خبطتي فيا غصب عنك وانتي أللي قاصدة تخبطي فيا عشان تقفي تتكلمي معايا !!
حنان بعصبية مكتومة: وانا اعرفك منين عشان ابقي عاوزة اقف اتكلم معاك !! بص انا مش عاوزة أعلي صوتي عشان دة مكان شغل ومينفعش فيه اللي بيحصل دة ياريت يعني تحترم المكان اللي انت فيه..وبعدين ايه جايبك ورايا هنا !! جاي كمان تهزقني ف مكان شغلي !! ايه اللي جايبك هنا !!
حازم: هتقولي تاني ايه أللي جايبك ورايا..ي بنتي وهو انا اعرفك منين عشان اجي وراكي ولا اعرف مكان شغلك منين !! بطلي بقي تفكري ف وهم وتقنعي نفسك بوهم لأن كل أللي ف دماغك دة وهم..وهم وبس ماتقنعيش نفسك أكتر من كدة ي شاطرة..وعلي فكرة أنا محترم وعارف إن دة مكان شغل مش مستني واحدة زيك تيجي تعرفني الاحترام.. وبعدين بيتهيألي بقي إن ايه أللي جايبني هنا دي حاجة ماتخصكيش خالص ولا تفرق معاكي ف حاجة..وعن اذنك بقي..وتركها وذهب وهو يبتسم بانتصار دون أن يسمع ردها أو يترك لها فرصة للرد عليه..وذهبت حنان لمكتبها بعصبية تستعيد نفسها..
أروي: ايه ي حنان مالك ف ايه !!
حنان: مفيش حاجة ي أروي ماتشغليش بالك انتي
أروي: مشغلش بالي ازاي..انتي مش شايفة داخلة عاملة ازاي
حنان بعصبية وقد سمعها كل من ف المكتب: يوووووه بقي ي أروي..دي حاجة ماتخصكيش وقولتلك خلاص يعني خلاص مفيش حاجة بطلي زن بقي وسيبيني عشان انا مش طايقة نفسي دلوقتي
أروي بدموع: أنا آسفة اني ضايقتك بسؤالي وآسفة كمان أني عاوزة اطمن عليكي..وانا فعلاً هسكت ومش هزن عليكي تاني لأنها فعلاً حاجة ماتخصنيش انتي عندك حق عن اذنك..وتركتها وذهبت دون أن تسمع منها حرفًا واحدًا
ياسمينا: حنان ممكن تهدي وتوطي صوتك..أروي ماغلطتش ف حاجة عشان تزعليها بالشكل دة هي بس خايفة عليكي مش أكتر
حنان: مالكيش دعوة ازعلها ولا لا احنا صحاب وبيتهيألي دي حاجة ماتخصكيش تتدخلي فيها ي بشمهندسة
منال: حنان ف ايه ماتهدي شوية ع نفسك كدة..هي ياسمينا ماغلطتش ف حاجة لدة كله يعني
حنان: غلطت بقي ولا ماغلطتش كل واحد يخليه ف حاله..اقولك ع حاجة انا سايبالكم المكتب كله وخارجة
منال: ياسمينا سيبك منها ماتاخديش ع كلامها احنا كلنا عارفين انها مدب كدة ومتحبش حد إلا نفسها
ياسمينا بإبتسامة: مين دي أللي اخد ع كلامها ي بنتي..انا عارفة انها بتكرهني أصلاً وبتتلككلي ع اي حاجة واي كلمة فسيبك منها
منال: بس تعالي هنا احكيلي بقي مالك..طول الوقت كدة سرحان استعجالك وقت البريك نزلتي جري..مش مظبوطة كدة النهاردة حساكي فيكي حاجة
ياسمينا: هو انا باين عليا اوي كدة !! بس عادي ي بنتي
منال: لا هو مش اوي الصراحة دة جدا..عادي ايه لا دة مش عادي خالص..احكيلي بقي ف ايه
ياسمينا بضحك: حاضر هحكيلك كل حاجة
★★★★★صباح وحيد★★★★★
في مكتب أدهم
أدهم: أهلاً..أهلاً..حازم باشا بنفسه ف مكتبي..ايه لحقت اوحشك بسرعة كدة من امبارح ولا ايه !!
حازم بضحك: قال ايه وتقولي انا أللي اعقل طيب قول نفسك الاول ياخويا
أدهم: خش ف الموضوع علطول وبلاش تتوه
حازم: احم..احم..دايما فاهمني كدة..كنت عاوز أسيب شغلي ف الشركة أللي انا فيها
أدهم: مانا ياما قولتلك ي بني تعالي اشتغل معايا هنا أنت أللي مارضتش وعملتلي إنك مهم وعندك كرامة
حازم: ماتقعدش تبكت فيا كدة بقي
أدهم: بس ايه أللي خلاك عاوز تسيب شغلك فجأة كدة !!
حازم: ماهو دة بقي أللي انا جايلك عشانه
أدهم: أللي هو ايه بقي !!
حازم: عماد الدسوقي صاحب شركات الدسوقي نازل المشروع الجديد دة ونازل بتقله كله وعاوز المشروع بأي طريقة وهيموت عليه وبينافس كل أللي ف المشروع دة وعاوز ياخده من اي حد هيقف قدامه..وانا طبعًا عارف إنك نازل المشروع دة أنت كمان فقولت اجي انبهك واقولك واسيب الشغل عنده واجي اشتغل هنا معاك وتبقي ايدي ف ايدك مش ف ايد الغريب
أدهم: هو عاوز ينافسني ويتحداني يعني..هو مش عارف انا مين وممكن اعمل ايه !!هو مش قدي عشان يدخل معايا ف تحدي
حازم: ي أدهم افهم..هو مش نازل يتحداك خالص ولا يقصد كدة خالص وانت عارف إن مفيش أي عداوة بينكم عشان يبقي عاوز يتحداك ولا يعمل مشاكل لنفسه ع الفاضي
أدهم: اومال نازل المشروع ليه قصادي وعارف أني نازله !!
حازم: هو ايه اللي نازل المشروع ليه !! زي اي مهندس صاحب شركات كبيرة نازل زيه زيك ولا أنت لوحدك اللي ف المشروع دة !! ماهو ف ناس كتير معاك فيه..وبعدين أنت نازل ليه بقي ها !!
أدهم: اه خلاص تمام..لو كدة مفيش مشكلة انا فكرته نازل عندًا فيا أو يحاربني كان هيكون هو اللي ابتدي الحرب معايا..وقاطع كلامهم صوت طرقات ع الباب فرد أدهم قائلاً: ادخل
حنان: أدهم بيه..حضرتك مشغول !! اجي لحضرتك وقت تاني !!
أدهم: في حاجة ولا ايه !!
حنان: لا كنت عاوزة بس أعرض ع حضرتك تصميم المشروع تشوفه كدة زي ماحضرتك طلبت مننا
أدهم: اه طيب تعالي اتفضلي ابص عليه كدة
حنان: لو حضرتك مش فاضي أجي لحضرتك وقت تاني مفيش مشكلة
أدهم: لا خالص تعالي اتفضلي
حنان ذهبت لمكتب أدهم واتصدمت لما شافت حازم قاعد وهو كان ماسك تليفونه ماشفهاش وماعرفتش تعمل ايه تمشي ولا تفضل وقاطع تفكيرها صوت أدهم الصارم
أدهم: ماتوريني ي بشمهندسة فين التصميم عشان ابص عليه
حنان بتوتر: لا خلاص هاجي لحضرتك وقت تاني عن اذنك
أدهم بنفاذ صبر: هو حضرتك جاية لحد مكتبي ومعطلاني وف الاخر عشان تقوليلي لا وقت تاني..اومال جيتي ليه بقي ماتوريني خلصي عشان اشوفه واخلص بقي
حازم وكان قد انتبه لصوت صديقه الذي يظهر عليه بعض العصبية: أهدي بس في ايه !!
أدهم: الهانم جاية لحد مكتبي معطلاني عشان اراجع تصميم المشروع وبعد دة كله تقولي لا خلاص هاجي لحضرتك وقت تاني مفكراني بلعب
حازم وقد انتبه لها وبصلها وببرود: ماتوريه تصميم المشروع وتخلصي..ولا انتي مكنتيش جاية عشان كدة أصلاً وقولتي تاخدي التصميم دة حجة
حنان بعصبية: انا مسمحلكش تكلمني بالشكل دة
حازم وضحك جامد: ماتسمحليش !! وهو انتي مين أنتي عشان تسمحيلي ولا ماتسمحليش أصلاً
حنان: لو سمحت احتر..وقاطعها صوت أدهم العالي: خلاص خلصتوا انتو الاتنين !! ممكن افهم بقي ف ايه !! وانتي اتفضلي وريني الزفت بتاعك عشان اراجعه واخلص
حنان بخوف: ا..ات..اتفضل اهو
حازم بتريقة: اخس عليك ي أدهم كدة تخوفها وتخليها تتهته ف الكلام كدة ومش عارفة تتكلم
أدهم بغيظ:حازم مش ناقصك دلوقتي خالص ياريت تقعد ساكت أحسن..وبص لحنان أللي كانت واقفة بتترعش من الخوف من صوت زعيق أدهم: وانتي بعد كدة أما تكوني جاية عاوزة حاجة مالكيش دعوة باللي معايا كلامك بيبقي معايا أنا..وياريت تبقي تحترمي وجودي..مش انتو الاتنين كدة اتفتحتوا وكل واحد بيغلط ف التاني تغلطوا وتردوا ع بعض قدامي ومش عاملين اي حساب لوجودي معاكم
حنان بخوف: أدهم بيه..انا بج..قاطعها أدهم قائلاً: خلاص مش عاوز اسمع حاجة وبعد كدة أبقي احترمي المكان اللي شغالة فيه واعملي حساب أني مديرك..ودلوقتي اتفضلي ع شغلك
حازم: روق بقي كدة ي أدهوم
أدهم: أنت تخرس خالص مسمعش صوتك..ممكن افهم ايه أللي حصل دلوقتي دة !!
حازم: ......
أدهم: هو انا مش بكلمك !! رد عليا
حازم بهزار: هو انت مش قولتلي اني اخرس خالص وانك مش عاوز تسمع صوتي !! فأنا بعمل زي ماقولتلي بقي
أدهم بنفاذ صبر: يارب صبرني..حازم مش وقت هزار دلوقتي انا مش فايقلك
حازم: الله مش انت اللي قولت كدة وانا مالي بقي..وبعدين اهدي كدة وهدي اعصابك مفيش حاجة مستاهلة تضايق نفسك عشانها..اجبلك ليمون تهدي بيه اعصابك !!
أدهم كان بصله بغيظ وكان هينفجر فيه من غيظه منه
حازم: ايه دة لا خلاص هقولك ع كل حاجة بس بلاش البصة دي والنبي عشان بخاف..فاكر البت بتاعت النادي أللي كنت حكيتلك عنها !!
أدهم باستغراب: أيوة مالها..وبعدين دي ايه اللي جاب سيرتها دلوقتي !!
حازم: ايه انا بقول عليك ذكي
أدهم بعصبية: حازم أنجز مش فايقلك فانجز بقي
حازم: حاضر خلاص اهدي بس بلاش عصبية..البت بتاعت النادي أللي كنت حكيتلك عنها طلعت هي البت دي وانا جايلك قابلتني خبطت فيا وأما شافتني قعدت تقول اني جاي وراها وكدة
أدهم: اه وأنت قولت فرصة تاخد حقك منها بقي..وعشان كدة هي استغربت اول ماشافتك
حازم: لا اخد حقي ايه انا خدته برة قبل أما ادخلك ماشوفتش وشها أنت
أدهم: سبحان الله تقابلها ف النادي وتيجي تلاقيها شغالة هنا وكمان ايه أنت هتشتغل هنا يعني هتتقابلوا علطول وكتير..وبخبث: تفتكر دة ليه بقي ها !!
حازم: لا مش اللي ف دماغك خالص انا يوم ماابص هبصلها هي لا يعني اصوم اصوم وافطر ع بصلة دة كفاية لسانها اللي عاوز قطعه دة
أدهم بتقليد طريقته: مش دي بتاعت اصل بصراحة البت حلوة اوي ي أدهم البت زي القمر اوي ي أدهم البت مش عارف ايه ي أدهم..دلوقتي مش عاجباك هي لسانها عاوز قطعه وانت لسانك عاوز ايه ها !!
حازم بتوتر: خلاص بقي ي أدهم..نزوة وراحت لحالها خلاص
أدهم بضحك: نزوة وراحت لحالها برضو..انت شكلك بتحبها بس مش عاوز تعترف بتحب تستفزها
حازم: حب !! لالالا حب ايه بس مش لدرجة الحب لا..بصراحة اه بحب استفزها عشان هي مستفزة..وبعدين اقفل بقي السيرة دي وخلينا ف موضوعنا هتشغلني معاك ولا لا
أدهم بضحك: حاضر هقفله بس أنت هتحب البت دي وبكرة هتقول أدهم قال.. أنت بتسأل يعني !! شوف عاوز تستلم الشغل امتي وتعالي
حازم: أما نشوف ياخويا..تسلملي ي صاحبي ي ابو الجدعنة كلها..اسيبك انا بقي..سلام
&&&&&&&&&صباح وحيد&&&&&&&&&
منال: ياه أخيرًا ي ياسمينا هتديه فرصة..بس هو شكله بيحبك اوي علي فكرة
ياسمينا: أصل بصي بصراحة فكرت ف كلامك وفكرت ف كلامه قولت لنفسي مش هخسر حاجة يعني لو اديته فرصة مانا لو فضلت أرفض كدة هرفض لحد أمتي !! هفضل أرفض لحد مش هلاقي حد يعبرني تاني
منال: ربنا يسعدك يارب ي حبيبتي ويجعله نصيبك الطيب
ياسمينا: يارب ادعيلي ي منال..عشان خايفة اتجرح أوي وانا مش اد جرح القلب ولا اد كسرته وهيكون ساعتها ع اد الحب أللي ادتهوله وحبتهوله ع اد الكره أللي هكرهوله بعد كدة وانا مش عاوزة كدة
منال: ي حبيبتي إن شاء الله خير ومفيش ولا جرح ولا كسرة قلب تفائلي خير ماتحكميش ع الحكاية بالفشل من قبل أما تبتدي وتتفرجي عليها وتخوضيها
ياسمينا: يارب ي منال يارب.. إن شاء الله يكون خير
$$$$$$$$صباح وحيد $$$$$$$$$$$$
حنان خرجت من مكتب أدهم متعصبة اوي من طريقة حازم معاها وزعيق أدهم ليها مع انها ماغلطتش وهي قاعدة سرحانة وبتفكر فجأة لقت صوت جاي من وراها انتفضت من مكانها بسرعة ووقفت بصتله
حازم: ايه مالك اتخضيتي كدة ليه..شوفتي عفريت !!
حنان: أنت عاوز مني ايه !! سيبني ف حالي بقي
حازم ضحك جامد: تاني هتقولي عاوز منها ايه..ي بنتي قولتك مليون مرة قبل كدة وهو انا اعرفك منين عشان اعوز منك حاجة !! ويوم أما اجي اعوز حاجة هعوز منك أنتي !!
حنان بعصبية: أومال حضرتك جاي ورايا ليه مكفكش اللي حصل ف المكتب فجاي تكمل هنا !!
حازم: لا خالص كنت جاي اقولك اتعودي ع وجودي بقي مش كل أما تشوفيني تتخضي كدة لأنك هتشوفيني كتير اوي الأيام الجاية دي وهنتقابل كتير..وهو ماشي وقف فجأة: واه نسيت اقولك ياريت بعد كدة تاخدي بالك وانتي ماشية عشان ماتفضليش تعتذري كتير كدة لأني مش كل مرة هعديهالك..وضحك جامد وسابها ومشي
∆∆∆∆∆∆∆∆∆صباح وحيد∆∆∆∆∆∆∆∆∆∆
في بيت أدهم المهدي
سميحة: أهلاً..أهلاً..ي كوثر تعالي اتفضلي نورتيني
كوثر: ازيك ي سميحة ي ختي وحشتيني
سميحة: الحمد لله..انتي عاملة ايه طمنيني عنك..ازيك ي آمال ي حبيبتي عاملة ايه
آمال: الحمد لله ي خالتو..انتي عاملة ايه
سميحة: الحمد لله ي حبيبتي بخير
آمال: يارب دايما بخير ي خالتو..ايه ي خالتو اومال فين أدهم هو مش هنا ولا ايه !!
سميحة: لا ي حبيبتي أدهم ف الشغل لسة مجاش
كوثر: ييجي بألف سلامة إن شاء الله
سميحة: استنوا بقي اقوم اجهز غدا عشان نتغدي مع بعض وأدهم زمانه جاي دلوقتي
★★★★★صباح وحيد★★★★★
دق الجرس يعلن عن انتهاء العمل..ومصطفي نزل يستني ياسمينا تحت لحد ماتنزل
منال: اهو واقف مستنيكي روحي بقي عشان تكملوا كلامكم
ياسمينا بتوتر: خايفة لأكون بعمل حاجة غلط ي منال
منال: اسمعي منه عاوز ايه اسمعيه للآخر وبعد كدة أبقي احكمي بعد أما تكوني سمعتي أسبابه وظروفه من حقك ترفضي أو تقبلي بس لازم تسمعيه الأول عشان تعرفي تاخدي القرار وماترجعيش تندمي بعد كدة وتقولي ياريت كنت سمعته أو اديته فرصة..وإن شاء الله خير
ياسمينا: حاضر..حاضر ي منال يارب إن شاء الله ادعيلي
منال: إن شاء الله ي حبيبتي ماتقلقيش..يلا بقي روحيله عشان ماتتأخريش اسيبك انا بقي
منال مشيت وسابت ياسمينا وياسمينا راحت لعند مصطفي مكان ماهو واقف عند عربيته
مصطفي: ممكن نروح نقعد ف مكان عشان نعرف نتكلم بس !!
ياسمينا: تمام..بس مش عاوزة اتأخر
مصطفي: مش هأخرك إن شاء الله..اتفضلي
★★★★★★★صباح وحيد★★★★★★★
أدهم خلص شغل وروح ع البيت وداخل البيت قابل خالته وبنت خالته وسلم عليهم
كوثر: ازيك ي أدهم ي حبيبي عامل ايه واحشني
أدهم بإبتسامة: ربنا يخليكي ي خالتي انتي اكتر والله..انا الحمد لله تمام انتي عاملة ايه
كوثر: يارب دايما بخير ي حبيبي..الحمد لله تمام ي حبيبي مادام شوفتك واطمنت عليك
أدهم: ربنا يخليكي ي خالتي يارب..ازيك ي آمال عاملة ايه وأخبارك ايه
آمال بإبتسامة: الحمد لله..ازيك انت وعامل ايه ف شغلك
أدهم: الحمد لله تمام كله تمام..طيب أستأذنكم اطلع اغير هدومي
سميحة: ماتتأخرش ي أدهم عشان الغدا جاهز وهنتغدي كلنا مع بعض عشان تتغدي مع خالتك
أدهم: عنيا ي ست الكل حاضر هغير هدومي بسرعة وأصلي وانزل علطول..عن اذنكم
كوثر: هو برضو لسة رافض فكرة الجواز !!
سميحة بحزن: أيوة..أيوة ي كوثر وكل أما اجي أكلمه يغير الموضوع ويقولي وهو انا كنت لقيت بنت الحلال وقولت لا ي ماما..واجع قلبي عليه اوي
كوثر: ربنا يطمنك عليه يارب ي حبيبتي إن شاء الله
★٭★٭★٭★٭★صباح وحيد★٭★٭★٭★٭★
في أحد الكافيهات
ياسمينا: ادينا قعدنا أهو..اتفضل انا سامعاك
مصطفي: تشربي حاجة الأول طيب !!
ياسمينا: لا مالوش لزوم عشان مش عاوزة اتأخر بس وألحق أروح
مصطفي: تمام..بصي انا دلوقتي لو جيت اتقدمت هيبقي ف كلام مهر ومؤخر وفرح وشقة وحاجات كتير..وانا ماعييش اي حاجة دلوقتي اجي أتقدم وانا مش معايا حاجة اجي اقول لابوكي ايه !! اقوله أنا لسة معنديش شقة بس عاوز اتجوز بنتك !! طيب وافرضي جيت اتقدمت وقالي قدامك سنة زي أحمد اعمل ايه بقي ساعتها هلحق اخلص كل دة ف سنة !! مينفعش أجي اتقدم ي ياسمينا وانا معنديش حاجة هقابل ابوكي ازاي واقوله ايه !! زي بالظبط مينفعش تدخلي سوبر ماركت مثلاً وتاخدي منه حاجات وانتي مش معاكي فلوس تدفعي الحساب بتاع الحاجة أللي جبتيها فلو مش معاكي الفلوس مستحيل هتدخلي السوبر ماركت وتاخدي الحاجة دي..وانا زيك بالظبط مش جاهز دلوقتي ولا معايا حاجة تخليني اقدر اتكلم مع ابوكي بقلب جامد..فاهماني عاوز اقول اي !! وانا مش طالب منك غير شوية وقت بس اجهز نفسي وهاجس علطول اكيد واهو نكون عرفنا بعض أكتر وكدة
ياسمينا: أيوة فاهماك..وكلامك صح جدًا كمان بس أحمد أما شاف ملك وحبها جيه اتقدملها وقروا الفاتحة والخطوبة بعد شهر من قراية الفاتحة فأنا كنت عاوزة قراية فاتحة بس
مصطفي: ي حبيبتي افهمي..أحمد جيه واتقدم وقرأ فاتحة عشان عنده شقته أللي هيتجوز فيها..إنما أنا لسة مجبتش الشقة..واديكي قولتي الخطوبة بعد شهر من قراية الفاتحة انا دلوقتي مش ف مقدوري اجيب شبكة افرضي ابوكي عمل معايا زي أحمد اقوله لا أصل انا الايام دي مزنوق مش هقدر اجيب شبكة دلوقتي ولا لو سألني عندك شقة اقوله ايه لا معنديش !! دة مش بعيد يطردني من البيت ويقولي وايه أللي جايبك ويبقي عنده حق
ياسمينا: اه خلاص فهمتك..طيب هاتيجي تتكلم مع بابا امتي !!
مصطفي: أول أما اجيب الشقة اول حاجة إن شاء الله هاجي علطول اتقدملك..عشان هبقي جاي وانا راسي مرفوعة واشرفك..مش أجي وانا لسة معنديش اي حاجة هاجي اعمل ايه بقي
ياسمينا: خلاص تمام أول أما تبقي جاهز قولي عشان أحددلك معاد مع بابا تيجي تقابله
مصطفي: تمام..المهم انتي موافقة تديني فرصة نتكلم الفترة دي ونتعرف ع بعض اكتر لحد اما اجي اتقدملك !!
ياسمينا بإبتسامة: اه موافقة
مصطفي بسعادة: أخيرًا..المهم خدي اكتبي رقمي اهو ...٠١١
ياسمينا: تمام هرن عليك اهو وسجله
مصطفي: تمام..يلا عشان اروحك
★★★★★صباح وحيد★★★★★
في بيت أدهم المهدي
كوثر: يدوم يارب ي سميحة ي ختي
سميحة: ربنا يخليكي ي كوثر..بألف هنا وشفا
محمود: نورتونا النهاردة والله بس مش كنتو جبتوا مختار وحاتم وحنين معاكم بقي
سميحة: أيوة صحيح كنا قعدنا كلنا مع بعض
كوثر: والله مختار ف الشغل وحاتم كمان..وحنين اخر سنة ليها بقي ف الكلية فمش فاضية خالص والله..تتعوض مرة تانية إن شاء الله
محمود: إن شاء الله البيت بيتكم اي وقت تنوروا
كوثر: ربنا يخليك ي محمود دة العشم برضو..نستأذن احنا بقي
سميحة: تستأذنوا فين ما لسة بدري..ماتتكلم ي محمود
محمود: ايه ي جماعة انتو مستعجلين ليه ماتقعدوا
كوثر: معلش بقي عشان العيال ومختار..مرة تانية بقي إن شاء الله
سميحة: سلميلي عليهم كتير
محمود: المرة الجاية بقي جيبي مختار والولاد ونقعد كلنا
كوثر: حاضر والله إن شاء الله..عن اذنكم
سميحة: استني أدهم يوصلك..ي أدهم قوم وصل خالتك وبنت خالتك يلا
كوثر: سيبيه ي سميحة هو جاي من الشغل تعبان خليه يرتاح احنا هنروح
سميحة: لا مينفعش تمشوا لوحدكم..وبعدين ماهو قاعد اهو
كوثر: عشان مانتعبوش بس
أدهم: لا مفيش تعب ولا حاجة ي خالتي..تعالي اتفضلي اوصلك
★★★★★صباح وحيد★★★★★
في سيارة أدهم
كوثر: ايه ي أدهم ي حبيبي تاعب قلب أمك عليك ليه !!
أدهم: تاعب قلبها فين دة بس ي خالتي..هي اشتكتلك مني ف حاجة ولا ايه !!
كوثر: أمك نفسها تطمن عليك ي حبيبي وتشوفك ف بيتك وسط مراتك وعيالك سعيد ومبسوط
أدهم: وهو انا كنت لقيت بنت الحلال وقولت لا بس ي خالتي
كوثر: ي واد بلاش تعملهم عليا والحجج الفارغة دي أنت لو عاوز ي أدهم هتدور وتلاقيها لو ليك مزاج إنما أنت الموضوع مش ع مزاجك فمتجبش الحجة بقي ف انك مش لاقي بنت الحلال..ولو كان زي مانت بتقول بنات الحلال كتير اوي بس أنت شاور ونجبلك بدل الواحدة ألف
أدهم: اديكي قولتيها أهو ي خالتي انا مش عاوز ومش مستعد دلوقتي
كوثر: وايه ذنب أمك الغلبانة دي أللي هتموت وتشوفك عريس ببدلة ف الكوشة جمب عروستك..ليه مش عاوز تفرحها..بص ي أدهم ي حبيبي كل أم بيبقي حلم حياتها أنها تطمن ع ولادها وبيبقي يوم فرحهم احسن يوم ف عمرها كله يوم أما بتلاقي ابنها بالبدلة كدة جمب عروسته ف الكوشة بتشوف ابنها بقي راجل وكبر وبيتجوز ابنها أللي كان لسة صغير بيجري ويتنطط بيلعب قدامها بتكون شايفاه بقي راجل ملوي هدومه وبيتجوز وهيفتح بيت ويوم أما تشوف وتشيل عياله بقي بتبقي الفرحة مش سايعاها بتحس أنها ملكت السعادة كلها والدنيا كلها بين إيديها..مش هتفهم الكلام دة غير أما تتجوز وتخلف ساعتها بس هتحس أد ايه ولادك غاليين عليك ولو تطول تجبلهم حتة من السما مش هتتأخر
أدهم: والله ي خالتي انا نفسي افرحها وعارف أنها زعلانة عليا بسبب كدة لأن نفسها تطمن عليا وتشوفني مرتاح ولو لفيت الدنيا كلها مش هلاقي حد يخاف عليا زيها كدة ويحبني أدها..بس انا مش ف ايدي حاجة دلوقتي اعملها يمكن مش جاهز دلوقتي بس
كوثر: فرحها ي أدهم فرحها ي حبيبي ع أد ماتقدر ماهي ياما ضحت عشان تفرحك جيه بقي الوقت اللي تفرحها فيه أنت وتقولها شكرًا لكل حاجة عملتيها عشاني
أدهم: حاضر..حاضر ي خالتي ادعيلي بس..احنا وصلنا أهو
كوثر: ربنا يسعدك يارب ي حبيبي..وبصت لبنتها: آمال اطلعي أنتي وانا جاية وراكي
آمال: مش طالعة معايا ولا ايه ي ماما !!
كوثر: هو انا بتكلم لغات !! بقولك اطلعي أنتي وعقبال ماتطلعي وتفتحي اكون انا طلعت وراكي عاوزة ابن خالتك ف كلمتين
آمال: خلاص حاضر ي ماما عن اذنكم..شكرًا ي أدهم تاعبناك
أدهم: مفيش تعب ولا حاجة وبعدين مفيش شكر مابين الاخوات واحنا أخوات..وطلعت آمال وسابتهم
كوثر: أنساها..أنساها ي أدهم..أنساها ي حبيبي وعيش أنت حياتك
أدهم باستغراب: قصدك ايه ي خالتي مش فاهمك !! وأنسي مين !!
كوثر: آمال..آمال ي أدهم أنساها..بصلها باستغراب فكملت هي كلامها: ماتبصليش اوي كدة وتستغرب انا عارفة كل حاجة شوفتك يوم أما جيت خطوبتها ومادخلتش وشوفت نظرة الصدمة والألم أللي كانوا ف عينيك شوفت نظرة الكسرة والحزن ف عيونك والنظرات دي مابتظهرش إلا لو كان الإنسان بيحب حد أوي واتوجع منه شوفت ف عينيك اد ايه أنت بتحبها من نظرتك ليها .. سألتها وكدبت عليا مديت ايدي عليها وحكتلي كل حاجة بعد أما هددتها انها مش هتروح الجامعة تاني وهتتحبس ف البيت..
بنتي ماتستاهلش واحد زيك ولا تستاهل حبك ليها
أدهم بألم: حاولت..حاولت ي خالتي كتير لحد أما بدأت اتعود ع غيابها خلاص..واطمني ي خالتي انا مابقتش شايفها غير أختي وبس ومش هعرف اشوفها غير كدة
كوثر بحزن: ربنا يعوضك بالأحسن والأصلح يارب ي حبيبي وأللي تصونك وتحافظ عليك وتعرف قيمتك..بنتي ماتستاهلكش ولا تستاهل حبك
أدهم: ربنا يعوضها ي خالتي ويسعدها
★★★★★صباح وحيد★★★★★
سوسن: أحمد ي حبيبي نمت !!
أحمد: لا ي ماما تعالي
سوسن: طب كويس..بقولك ايه أنا رايحة عند خالتك بكرة خلص شغلك وتجيب ملك وتيجي تعرفها ع
خالتك..وخالتك هتجنن عليك وتشوفك وتشوف خطيبتك
أحمد: حاضر ي ماما هكلم ملك دلوقتي أقولها
★★★★★★★صباح وحيد★★★★★★★
ملك: اي ي ياسمينا مش هتنامي ولا ايه !!
ياسمينا: نوم ايه بس دلوقتي والنبي سيبيني باللي انا فيه دة
ملك: ي بنتي نامي دلوقتي وابقي كملي بكرة الدنيا ماطارتش يعني..عشان تقدري تصحي لشغلك
ياسمينا: مش هينفع أنام لا..تسليم المشروع كمان ٣ أيام ولازم يخلص مشروع كبير زي دة يخلص ف اسبوع ازاي معرفش
ملك: ربنا معاكي يارب ي حبيبتي ويوفقك..وهنا كان قد رن هاتف ملك
ياسمينا: دة مين أللي بيرن عليكي دلوقتي دة الساعة ١٠
ملك: هو اكيد أحمد..بس احمد هيرن دلوقتي ليه ليكون ف حاجة..أما اشوف مين ليطلع مش هو.. ملك ومسكت تليفونها وبصت لقت أحمد
ملك: أيوة ي أحمد..ازيك
أحمد: الحمد لله..بقولك كنت عاوز اقولك ع حاجة كدة
ملك: خير ي أحمد ف ايه !! قلقتني
أحمد: ماتقلقيش مفيش حاجة..ماما كانت رايحة عند خالتي بكرة وكانت عاوزانا نروح يعني وقالتلي اجيبك معايا بعد الشغل فقولت اعرفك من دلوقتي عشان تعملي حسابك
ملك: حاضر هقول ماما وبابا بكرة كدة قبل أما انزل اعرفهم وأرد عليك ف الشغل
أحمد: تمام ي حبيبتي..خدي ماما أهي عاوزة تكلمك
سوسن: ازيك ي لوكا ي حبيبتي وحشاني..بقي كدة تكلميه كل يوم وتتكلموا كل شوية بالساعات وماتقوللوش هات ماما أسلم عليها حتي..طيب بلاش اتصلي بيا اسألي عليا حتي
ملك: مقدرش ي ماما والله انتي عارفة معزتك عندي..بس هي قلة فضي والله وغصب عني..إنما أنا مقدرش ع زعلك
سوسن بضحك: أيوة لحد عندي ومش فاضية إنما لحد أحمد فاضية..المهم انتي كويسة ي حبيبتي
ملك: الحمد لله ي ماما انا كويسة مادام سمعت صوتك
سوسن: ربنا يخليكي ي حبيبتي..المهم بقي هستناكي تيجي مع أحمد بكرة نتغدي كلنا مع بعض عند خالته عشان خالته هتجنن عليه ونفسها تشوفك
ملك: اه طبعا ي ماما إن شاء الله هعرف ماما وبابا هنا وأجي إن شاء الله
سوسن: في انتظارك حبيبتي..سلامي لماما وبابا وياسمينا كتير
ملك: الله يسلم حضرتك..يوصل إن شاء الله..وسلامي لعمو كتير
سوسن: تسلمي حبيبتي..الله يسلمك ي حبيبتي يوصل..اتفضلي أحمد معاكي أهو ولا زهقتي منه كفاية رغي بقي كدة
ملك ضحكت: لا خلاص مش لازم بقي
سوسن: هههههه ماتقدريش تستغني عنه..ربنا يخليكم لبعض يارب ي حبيبتي ويكملكم ع خير
ملك: ههههه اه اكيد..يارب ي ماما إن شاء الله ادعيلنا
سوسن: بدعيلكم والله من قلبي ربنا يحفظكم لبعض ويتمملكم بخير
ملك: ربنا يخليكي لينا
سوسن: ويخليكم ليا يارب.. أحمد معاكي أهو
أحمد: بقي كدة تقولك تاخدي احمد ولا كفاية تقوللها لا مش لازم بقي خلاص
ملك ضحكت: وأنت تعرف برضو أني ممكن أقدر استغني عنك
أحمد: مانتي قدرتي بقي اهو وأللي كان كان
ملك: عمري..عمري ماستغنيت عنك ولا عمري هقدر استغني عنك لأي سبب من الأسباب خليك متأكد من دة
أحمد: انا كنت بس عاوز اسمع الكلمتين الحلوين دول منك..ربنا يخليكي ليا
ملك: ويخليك ليا..اسيبك عشان تنام بقي
أحمد: تمام ي حبيبتي..مع السلامة
★★★★★صباح وحيد★★★★★
أدهم يدخل من باب البيت ويصعد إلي حجرته ليدخل ليستلقي ع السرير..وفجأة سمع الباب بيخبط
أدهم: ادخلي ي ماما تعالي
سميحة: وصلت خالتك وبنت خالتك واطمنت عليهم !!
أدهم: اه ي ماما وصلتهم لحد باب البيت
سميحة: تسلم ي حبيبي..ها ايه رأيك بقي ف آمال بنت خالتك اديك شوفتها أهو وقعدت معاها
أدهم: ماما سبق واتكلمنا ف الموضوع دة قبل كدة وقفلناه وقولتلك آمال ف منزلة أختي ومش هعرف اشوفها غير كدة مش شايفها زوجة ليا
سميحة: لا ماتقفلش ي أدهم..وعاوزة اعرف مالها آمال بنت خالتك يعني وليه لا !!
أدهم بعصبية: عاوزة تعرفي ي ماما !! انا هعرفك ي ماما حاضر..عشان آمال ي ماما كسرتني كسرة عمري ماهنساها ولا هقدر واعرف أنساها كسرت قلبي معاها قتلت الحب أللي كان جوايا خلت قلبي بدل ماكان بيحب ويعشق بقي بيكره وميعرفش يعني ايه حب بقي حجر ولا بيتأثر بحاجة ولا بحد
سميحة بصدمة: أنت بتقول ايه انا مش فاهمة اي حاجة ومالها آمال ومال الكلام دة كله انا مش فاهماك..هي عملت ايه !!
أدهم بألم: أنا وآمال ي ماما كنا بنحب بعض ماحبتش ف الدنيا حد قدها وهي كمان كانت بتحبني أو كانت بتمثل أنها بتحبني..كنت دايما اقولها إن حياتي من غيرها مش حياة كنت ناوي أسعدها واحافظ عليها ي ماما بس كانت تحبني زي ماكنت بحبها
سميحة بصدمة: ايه !! كنتو بتحبوا بعض !! طيب وايه أللي حصل بعد كدة خلاك رافضها بعد الحب دة كله
أدهم بضحكة هم: ماتستغربيش كدة ي ماما..ماتستغربيش أني ممكن كنت ف يوم من الايام بحب ودلوقتي لا لأنها هي السبب في اني مش
عارف احب تاني..انما بقي بالنسبة ايه اللي حصل..اتخطبت..اتخطبت لغيري ي ماما وبقت معاه وسابتني ونسيت حبي ليها وكسرتني كسرة عمري ماهقدر أنساها ف يوم ولا اسامحها عليها
سميحة بصدمة: ايه !! اتخطبت !! طب مايمكن ي أدهم ي حبيبي كان غصب عنها تحت ضغط من ابوها ولا كدة
أدهم بألم: غصب عنها !! كان نفسي يبقي زي مابتقولي كدة ع الأقل كنت هلاقيلها عذر أقدر اسامحها ع أللي عملته..بس للأسف طلع بمزاجها وطلعت هي أللي جايبة العريس وكان زميلها بالكلية وراح اتقدملها كانت جت فترة واتغيرت فجأة وجت فترة ماكنتش بترد عليا روحتلها بيتها جايبلها ورد وعلبة جاتوه عشان اطمن عليها وافرحها باهتمامي بيها تخيلي ادخل ي ماما ألاقي واحد قاعد مكاني وماسك ايديها وبيلبسوا الدبل وهي بتضحك ومبسوطة واتصدمت أنها كانت خطوبتها تخيلي شعوري هيكون ايه وقتها !! أما ألاقي الإنسانة الوحيدة أللي حبيتها وقررت أكمل معاها حياتي تعمل فيا كدة..تفتكري أني ممكن أقدر أحب تاني أو أثق ف حد تاني !! عارفة ي ماما أما سألتها ليه عملتي كدة قالتلي ايه !! قالتلي انا اه كنت بحبك بس اكتشفت بعد كدة أنه كان مجرد اعجاب اعجاب بيك وبشخصيتك ووسامتك وشركاتك وشغلك الكبير.. قالتلي حبيت اهتمامك بيا كنت فرحانة أني لاقية حد بيهتم بيا كدة زيك .. كنت لسة ف سن مراهقة مكنتش اعرف يعني ايه حب وقالتلي أنت دلوقتي اخويا ومش هقدر اشوفك غير كدة
سميحة بعياط: ياه ي أدهم كل دة شايله جواك وساكت ي حبيبي ومش بتتكلم واحنا ولا حاسين بيك..طيب ايه اللي خلاها تعمل كدة حاجة هتجنني
أدهم: كانت بتتسلي ي ماما وبتسلي وقتها فرحت أما لقت حد مهتم بيها يبقي جايلها الاهتمام وتقوله لا !! احنا ارتبطنا وهي ف اولي كلية واتخطبت ف تالتة كلية وكنت متفق معاها اني هاجي اتقدملها وكل أما افتح معاها الموضوع تقولي لا استني شوية بابا مش هيوافق..لحد ماتفاجآت بخطوبتها ع واحد غيري..اتاريها كانت بتقولي كدة عشان كانت عاوزة غيري وبتحب وبتفكر ف غيري
سميحة: وايه أللي مخليك متأكد اوي كدة أنها هي أللي جايباه !!
أدهم بضحكة حزن: جيت ف يوم روحتلها الكلية عشان اخدها وعملتهالها مفاجأة..دخلت اشوفها لقيتها واقفة مع شلة كدة وف واحد واقف جمبها اوي وعمالة تهزر وتضحك معاه بصوت عالي ومبسوطة وماسك ايدها واتصوروا وهو حاطط ايده عليها وهي مبسوطة وبتضحك اتعميت مابقتش شايف قدامي روحت وشدتها جامد ف وسط الجامعة كلها ومشيت من غير ولا كلمة..كانت متغيرة معايا ف الوقت دة ودة الي حد ما وضحلي سبب تغيرها دة ومع ذلك سامحتها لأني كنت بحبها.. وبعدها اتصدمت الصدمة التانية اللي عمري ماهنساها ولا عمري هقدر اسامحها عليها..جت ف يوم طلبت مني أنها عاوزة تروح تسهر مع صحابها ف ديسكو وانا طبعًا رفضت ومنعتها بس هي مسمعتش الكلام وكنت عارف انها مش هتسمع الكلام بس مكنتش متخيل انها ممكن تعمل حاجة من ورايا .. لحد مافي يوم جيتي طلبتي مني اوديكي عند خالتي وانا طبعًا استغليتها فرصة وفرحت هشوفها بقي وكدة..ومارضتش أكلمها أقولها قولت خليها مفاجأة لحد اما وصلتك قدام البيت وقولتلك هركن وطالع وراكي علطول وانا بركن لقيتها بتوقف تاكسي وكان باين عليها مستعجلة اوي قررت أني أراقبها وأمشي وراها بعربيتي وطبعًا هي ماشافتنيش..ومشيت وراها فعلاً لحد مانزلت عند ديسكو كدة استغربت وفضلت واقف شوية بستوعب لحد ماقررت أنزل اشوفها بتعمل ايه جوة وقاعدة مع مين..ودخلت فعلاً ولقيتها بترقص مع الواد بتاع الجامعة وفي حضنه وعمالة ترقص ومبسوطة أوي وقفت للحظة مش مستوعب أللي بيحصل ومصدوم من أللي بشوفه معقولة هي دي آمال !! قربت شوية من غير ماتشوفني ولا تحس بيا عشان اسمع بيقولوا ايه ومن حسن حظي كانت اغنية هادية ع رقص سلو فسمعتها بتقوله أنها بتحبه ومش عاوزة من الدنيا غيره وبتسأله هاييجي يتقدملها أمتي زي ماوعدها..خرجت بسرعة ركبت عربيتي ودموعي نازلة مش مستوعب أللي شوفته وسمعته وأللي بيحصل مش قادر اصدق أنها تجرحني كدة معقولة هي دي اللي انا حبيتها !! ومشيت بسرعة جنونية بحاول ابعد وأنسي أللي شوفته وسمعته..وأللي وجعني أكتر إنه أما سألها عليا يوم أما خدتها من الجامعة قالتله...:
#فلاش_باك
شهاب: بس مين الواد أللي جيه خدك من الجامعة دة من وسطنا وشدك جامد كدة !!
آمال: دة يبقي ابن خالتي ف مقام اخويا وبيخاف عليا زي أخته
شهاب: بس نظراته ليكي كانت بتقول غير كدة مش حب اخ لأخته او غيرة اخ ع أخته
آمال: دة أخويا وانا عمري ماشوفته غير كدة هو بيحبني وانا كنت بحبه بس بعد أما شوفتك مابقاش فارق معايا غيرك ولا عاوزة غيرك ف حياتي أدهم بقالي معاه ٣ سنين زهقت منه خلاص كنت فرحانة باهتمامه بيا وخروجاته ليا وعزايمه والهدايا أللي كان بيجبهالي ومحاولاته وهو بيحاول يفرحني ويصالحني لو زعلني حتي لو انا أللي كنت غلطانة..بذمتك حد يلاقي حد بيحبه الحب دة كله ويهتم بيه الاهتمام دة ويسيبه !! بس اما قابلتك وشوفتك حبيتك ومشوفتش غيرك ومبقتش عاوزة حد غيرك معايا
شهاب بإبتسامة: يعني أنتي دلوقتي مش بتحبيه ولا ف دماغك ولا بتفكري فيه !!
آمال بإبتسامة حب: لا كنت وخلاص بح..واكتشفت بعد كدة إنه كان مجرد اعجاب مش حب..وشيء كنت مفتقداه ف حياتي وهو الاهتمام والتضحية والحب وهو قدملي دة وفي سن مراهقة بقي كنت مبسوطة اوي بدة حاجة مفتقداها ومفتقدة الاحساس بيها احساس إنك مهم عند حد وبيعمل عشانك المستحيل مش الممكن عشان بس يفرحك ولقيت دة معاه..بس دلوقتي اكتشفت إنه خلاص كان مجرد احاسيس نفسي أحسها وحسيتها خلاص..بس أنت حاجة تانية حاجة كدة ف الخيال غير اي حد من يوم أما شوفتك وانا بحبك ومش قادرة استغني عنك
شهاب: بس هو شكله بيحبك أوي
آمال وهي ترقص معه بين أحضانه: وانا بحبك أنت ومش عاوزة غيرك انت ف حياتي..انت بقيت كل حاجة ليا وبقيت كل حياتي ومش عاوزة غيرك معايا
شهاب وهو يهمس بأذنها: وانا كمان بحبك..بحبك اوي
#باك
أدهم بألم: كلامها وجعني أوي ي ماما وجعني أكتر من اي حاجة ممكن توجع .. وجودها معاه ورقصها معاه وفي حضنه وجعني أكتر .. احساسي وانا شايفها مع غيري وبيلمسها وجعني دة انا عمري مالمستها ولا قربت منها القرب أللي هي كانت قريبة بيه دة كنت بخاف عليها حتي من نفسي ..واكتشفت ساعتها إن الوجع مش وجع جرح ظاهر بس لا دة ممكن يكون وجع جوانا اكبر من أللي برانا.. وجع جرح مالوش ظهور وبيكون اصعب من اي وجع تاني وجع القلب اصعب وجع ممكن الإنسان يتعرضله ف حياته خصوصًا لو كان سببه أقرب الناس ليه واكتر ناس ماتوقعش منهم كدة وكان فاكرهم أنهم شفاء لجروحه طلعوا هما سبب جروحه دي أصلاً.. وكسرة النفس اصعب حاجة ممكن الإنسان يشوفها ف حياته..جت بعدها اتغيرت معايا جامد وماتعرفش أني شوفتها لحد الآن ومعرفش ليه ماقولتلهاش يمكن عشان ألاقي سبب ماسمحهاش عليه !! يمكن خليت دة سبب أني مارجعش اسامحها ع أللي عملته وعشان كدة قررت اني مش هعرفها اني عرفت حاجة.. لحد ماقولتلك أني روحتلها ولقيتها خطوبتها وهو قاعد جمبها مبسوط وأول أما شافني ظهرت ع وشه ضحكة انتصار أو شماتة كأنه بيقولي خدتها منك واختارتني أنا وهي شافتني مارضيتش تبص ناحيتي حتي وفضلت تضحك ومبسوطة..نزلت وانا مقهور ومكسور وأول مرة أحس أني ضعيف كدة ومن يومها خدت وعد ع نفسي ولا احب حد تاني ولا ادخل ف حياتي حد تاني لأني مش اد جرح جديد لأن الجرح القديم لسة مفتوح مش هفتح ف جرح جديد قبل أما اعالج القديم
سميحة بعياط شديد: انا مش مصدقة أللي بسمعه دة مش مصدقة وداني إن كل دة يطلع منها..وكل دة يحصلك وكاتم ف قلبك وساكت.. فعلاً مش كل واحد بيضحك ومبسوط يبقي مبسوط بجد يمكن بيضحك بيداري بالضحكة دي ألم وجرح كبير جواه محدش غيره يعرفه ومش عاوز يعرف حد بيه
أدهم يمسح دموع والدته: هي ماتستاهلش دمعة واحدة من عينك تنزل بسببها دموعك عندي أغلي من اي حاجة ف الدنيا
سميحة تحتضن ابنها: ربنا هيعوضك بالأحسن منها ي حبيبي مش عاوزاك تزعل ولا تفكر فيها هي ماتستاهلش حبك ليها
أدهم: هي ماتستاهلش اني ازعل عليها.. أنا آسف ي ماما اني ضايقتك بس أنتي أللي فتحتي جرح قديم واصريتي تعرفي
سميحة: انا أللي آسفة اني ضغطت عليك وقلبت عليك جروحك..لو كنت اعرف الوجع دة كله جواك بسببها مكنتش ضغطت عليك بس هي أللي يبان ع شكلها غير كدة خالص قال ايه وتعليم عالي وشهادة
أدهم: مشكلتنا ي ماما بناخد بالمظاهر مش كل حاجة تتاخد بالمظاهر ف ناس بتظهر قدام الناس بعكس صورتها الحقيقية بتظهر أنها الملاك البريء وهي الشيطان الخبيث مينفعش احكم ع حد من شكله ولا من شهادته..لازم اقعد وأتكلم معاه واعاشره عشان افهم هو بيفكر ازاي وابتدي أفهمه ع حقيقته إذا كان كويس ولا بيمثل قدامي أنه كويس
سميحة: صح..انت صح ي حبيبي..مش عاوزة الموضوع دة ولا يأثر فيك وهتتجوز وتعيش حياتك مع إنسانة تستاهلك وتستاهل حبك وتقدرك..ماتخدش كله بذنبها الناس مش زي بعضها
أدهم: ماتقلقيش ي ماما انا الموضوع بقي بالنسبالي عادي ولا فارق معايا وبقيت شايفها بنت خالتي واختي وبس ومش هعرف ارجع اشوفها حاجة اكتر من كدة تاني وهي أللي قالتلي الكلام دة..حتي بعد أما فسخت خطوبتها هتصدقيني لو قولتلك إن الموضوع ولا فرق معايا أصلاً لأني كنت متوقع..هي ي ماما علمتني درس عمري ماهنساه وانا اتعلمت الدرس كويس اوي
سميحة: ربنا يعوضك بالأحسن منها وأللي تستاهلك وتسعدك وتريح قلبك يارب ي حبيبي
أدهم: إن شاء الله ي ماما ادعيلي انا مش حِمل جرح جديد..انا سهرتك ي ماما قومي نامي ي ماما
سميحة بإبتسامة: طيب دي أحلي سهرة عشان معاك وبعدين مين قالك اني عاوزة انام أو تعبت انا مبسوطة بالقاعدة معاك أما صدقت اعرف اقعد معاك بدل مانت طول الوقت ف الشغل تيجي ع معاد العشا تتعشي وتطلع اوضتك تشتغل شوية وتنام..وبعدين بقي انا هنام معاك هنا النهاردة لو مكنش عندك مانع يعني..وحشتني ايام زمان وانت صغير كنت باخدك ف حضني
أدهم: دي الاوضة كلها تنور بيكي ي ست الكل..وانا محتاج لحضنك جدا ي ماما محتاج اطمن
★★★★★★★صباح وحيد★★★★★★★
وجاء اليوم التالي وجاء معاد انتهاء عمل ملك وأحمد ومعاد ذهابهم للعزومة..وذهب أحمد وملك لبيت خالته كما طلبت منه والدته وخالته ودق جرس الباب لتذهب فتاة بسرعة تفتح الباب لهم واستقبالهم لتندفع نحو أحمد بسرعة وتحتضنه بقوة قائلة:
سوزان: أحمد..وحشتني اوي اوي اوي ي بيبي
أحمد: ......