أعطيت لحبك فرصة فخدعتني
✨الفصل العاشر✨
★٭★٭★٭★٭★ صباح وحيد ★٭★٭★٭★٭★
حازم: ايه سكتي ليه !!
حنان بكسوف: مش عارفة أرد اقول ايه بصراحة
حازم: قولي اي حاجة موافقة ولا مش موافقة
حنان بإبتسامة: موافقة ..موافقة ي حازم
حازم بإبتسامة: تمام يلا بينا بقي نرجع الشغل عشان افتكرت اني ناسي ملف مهم جدا لازم أدهم يمضي عليه وبعد كدة ابقي اوصلك
★٭★٭★٭★٭★ صباح وحيد ★٭★٭★٭★٭★
آمال بدلع: وحشتني ي دومي
أدهم بصدمة: آمال !!!
آمال بدلع وقربت منه وحطت ايديها ع كتفه: اه آمال ي حبيبي آمال حبيبتك مالك مستغرب كدة ليه !! ماوحشتكش ولا ايه !!
أدهم ومسك ايديها نزلها من عليه: راجعة عاوزة ايه تاني ي آمال !!
آمال: تؤ تؤ حبيبي بقي دي مقابلة تقابلني بيها بعد الغياب دة كله بدل ماتقولي اتفضلي ولا وحشتيني تقولي عاوزة ايه ..دي مقابلة دي تقابل بيها حبيبتك بعد الغيبة الطويلة دي !!
أدهم: وانتي كنتي منتظرة مني ايه !! اني اول أما اشوفك هجري عليكي واقولك وحشتيني وارجعيلي !! آسف ي آمال انا دلوقتي مش شايفك غير أختي وبس ومش هعرف اشوفك غير كدة وبيتهيألي دي كانت رغبتك وانا احترمتها ونفذتها
آمال: أختك !! للدرجة دي مابقتش فارقة معاك ولا بقيت تحس بحاجة ناحيتي !! معقولة تكون نستني !! معقولة يكون حبي مات جواك ومابقاش موجود قدرت تنساني بالسرعة دي !!
أدهم بعصبية: واشمعنا انتي قدرتي ها !! اشمعنا انتي بعدتي وجرحتيني بوجودك مع غيري !! أيوة ي آمال مبقتش احبك زي زمان ولا بقيت بكن اي مشاعر ليكي جوايا ولا بحس حاجة ناحيتك غير مشاعر أخوة وبس لأن لسة عامل حساب انك بنت خالتي
آمال: أدهم افتكرلي أي حاجة حلوة معاك معقولة تكون نسيت ذكرياتنا وايامنا مع بعض !! معقولة مش فاكر حاجة !! معقولة وجودي بقي مش فارق معاك ولا فارق انك تشوفني !! أدهم انا لسة بحبك
أدهم وضحك بصوته كله: بت ايه !! بتحبيني !! ههههه لا ضحكتيني بجد أنتي مفكراني عيل صغير هتقدري تضحكي عليه بكلمتين يقوم مصدقك علطول !! انتي ماتعرفيش عن الحب حاجة ي آمال لأنك عمرك ماحبيتي والذكريات أللي بتتكلمي عنها انا نسيتها ومش فاكرها ولا عاوز افتكر منها حاجة لأنها كانت كلها ذكريات وجع ومش فاكر منها غير الوجع وكل أما بشوفك مش بفتكر ذكرياتنا لا بفتكر وجعي منك ووجودك مش بيفرق معايا لأن بفتكر الوجع أللي كنتي السبب فيه وبتوجع كأني لاول مرة مش عاوز اشوفك تاني عشان مش عاوز افتكر حاجة لأن وجودك بيفكرني بذكرياتك اه بس ذكريات الوجع بيفكرني بالوجع وبس ومابقتش عاوز اشوفك لأن وجودك بقي وجع بالنسبة ليا بعد ماكان راحة ..وكان نفسي تكوني عملتيلي حاجة حلوة عشان افتكرها إنما للأسف انتي ماعملتيش غير كل حاجة وحشة افتكرهالك
آمال بدموع: أدهم عشان خاطري سامحني أللي بيحب بيسامح وأنت بتحبني وانا بحبك افتكرلي حاجة حلوة عملتهالك افتكر ايامك معايا حبك ليا أللي بيحب لازم يسامح وعشان كدة لازم نسامح الناس أللي بنحبهم
أدهم: افتكرلك حاجة حلوة عملتهالي !! كان نفسي يبقي ف حاجة عشان اقدر افتكرها يمكن ساعتها كنت اقدر اسامحك لو كنت لقيت حاجة عملتيها عشاني ..ومش عاوز افتكر ايامي معاكي لأنها كانت كلها وجع انا ماتوجعتش من حد اد مااتوجعت منك ولا حبيت حد أد ماحبيتك وعلي اد حبي ليكي كان وجعي بس انتي ماتعرفيش عن الحب حاجة قتلتيني بكلامك وبرودك معايا قتلتيني أما روحتي لغيري وبقيتي معاه قتلتي حبك جوايا بإيديكي بعد دة كله راجعة تقوليلي انك بتحبيني انهي حب دة أللي بتتكلمي عنه ها !! هو الحب بقي ف وجهة نظرك الوجع والجرح هو اني اوجع أللي بحبه واروح لغيره وارجعله اقوله سامحني هو دة الحب من وجهة نظرك !! اسامحك علي ايه ولا ايه ي آمال ها !! اسامحك ع وجعي أللي كنتي السبب فيه !! ولا اسامحك ع تعبي وحالتي ببعدك عني بوجودك مع حد غيري وانا واقف مش قادر اعمل حاجة !! اسامحك ع جرحك ليا وكسرة قلبي !! اسامحك علي ايه من دول ولسة ف اكتر من كدة بعد دة كله راجعة تقوليلي بتحبيني فين الحب دة وبأمارة ايه !! عملتيلي ايه تثبتيلي بيه حبك دة انا أللي كنت بعمل علطول وانتي كنتي بتوجعي وبس هو دة الحب أللي بتتكلمي عنه !! وأما روحتي الديسكو من ورايا وتقوليله انك زهقتي مني وانك شايفاني زي اخوكي بتحبيني برضو ودة برضو بتسميه حب !! هو دة الحب !! آمال واتصدمت جامد وبان ع وشها فكمل أدهم وقال: ماتتصدميش وتبصيلي اوي كدة انا سمعت وشوفت كل حاجة محدش قالي ومارضتش اقولك حاجة ولا أسألك عشان مستنيكي تيجي تحكيلي من نفسك قولت اشوف هتعمل ايه وبصراحة رديتي عليا باقوي رد وكان خطوبتك قولت مش هقولك حاجة ولا هعرفك اني عرفت حاجة تعرفي ليه !! عشان كل أما اجي اسامحك الاقي سبب يخليني مقدرش اسامحك فارجع انساكي تاني ومفكرش فيكي عشان كل أما اجي احن ليكي ارجع افتكر فأقسي من تاني وبدل ماكان قلبي بيحب ويتأثر بقي عبارة عن حجر ولا بيحب ولا بيتأثر بحد ولا بحاجة وكله بفضلك طبعا بعد دة كله ولسة برضو بتحبيني !! انسيني ي آمال لاني نسيتك خلاص ومش عاوز افتكرك ولا عاوز وجودك في حياتي تاني لأن وجودك بيفكرني بوجع وبس
آمال بصدمة وبكاء: انا مكنتش فاكرة انك شايل كل دة جواك من ناحيتي وساكت افتكرت أما اجيلك وتشوفني تسامحني وتنسي أللي حصل زمان ونرجع زي ماكنا بس شكلي كنت غلطانة .. أنت طلعت شايل مني وساكت وكاتم جواك معقولة تكون كرهتني للدرجة دي !! لدرجة إنك شايل سبب ماتسامحنيش بيه ويخليك كل ماتيجي تحنلي تقسي وكل أما تيجي تسامحني يبقي دة سبب يخليك ماتسامحنيش !! معقولة كرهتني كدة ولا تكون حبيت واحدة غيري !!
أدهم: لو انا ي آمال كنت خطبت واحدة غيرك وبقيت معاها ورجعتلك بعد أما سيبنا بعض وطلبت منك تسامحيني كنتي ساعتها هتقدري تسامحيني !! حكاية ف واحدة غيرك بقي ولا لا فدي بيتهيألي حاجة ماتخصكيش ولا بقت تفرق معاكي في حاجة لأني مش ليكي لأي واحدة غيرك بس مش أنتي
آمال بعصبية: أدهم لا ارجوك بلاش كدة انت ليا انا وبس ومفيش واحدة هتقدر تاخدك مني انا مقدرش اعيش من غيرك ولا قادرة ع بعدك
أدهم: واشمعنا انتي !! هههههههه مش ايه !! مش قادرة تعيشي من غيري ولا قادرة ع بعدي !! هههههه راجعة تضحكي عليا عشان اصدقك تاني صح !! وكنتي هتقدري تعيشي من غيري ازاي لو كنتي اتجوزتي ها !! وقدرتي ع بعدي ازاي وانتي مع غيري ها !! انتي كدابة ي آمال ولا عمرك حبيتي ولا تعرفي عن الحب حاجة عارفة ي آمال انا غلطت غلطة واحدة فى حياتي وندمان عليها تعرفي ايه هي !! انتي ي آمال أيوة انتي الغلطة أللي غلطتها وندمان عليها ومش هكررها تاني انتي اكبر غلطة ف حياتي انسيني ي آمال لأني مش ليكي ولا عمري هكون ليكي ماتحلميش بكدة ي آمال انا نسيتك خلاص ي آمال ومش عاوزك ف حياتي تاني لاني مش عاوز اغلط تاني لأن البني آدم منا بيغلط مرة واحدة والتانية بيتعلم لو غلط مرتين نفس الغلطة يبقي غبي ..وعشان ترتاحي ي آمال أيوة انا بحب واحدة تانية وبموت فيها وبعشقها ومعنديش استعداد اخسرها لأي سبب أو عشان اي حد وعوضتني عنك ي آمال وخلتني انساكي
آمال بعصبية ومسكته: أدهم قولي انك بتهزر صح !! قول انك بتهزر مش بتتكلم بجد أدهم انا بحبك بلاش تجرحني
أدهم بعصبية: واشمعنا انتي جرحتيني جربي ..جربي الوجع والجرح والألم أللي عيشتيني فيه ولو حتي مفيش حد ي آمال مش هرجعلك برضو لو اخر واحدة ف الدنيا مش هرجع للي وجعتني وجرحتني أللي قبلت تبقي مع غيري قبل الجواز وبعد حب ٣ سنين خدعتني عشان تروح لغيري ماقدرش آمن ليها بعد الجواز تعمل ايه !! اطلعي برة ي آمال ومش عاوز اشوفك تاني وخليني فاكر انك لسة بنت خالتي واختي زي ماقولتيلي .. لأن احيانًا أما بيكون الوجع كبير بيكون صعب إننا نسامح أو ننسي الوجع بين يوم وليلة ..اطلعي برة ي آمال ومش عاوز اشوفك تاني ..وبزعيق: قولتلك اطلعي برة ..برة ..برة
"آمال خرجت وبتعيط جامد ومنهارة من العياط وطلعت تجري عشان تخرج من الشركة خالص وتبعد خالص عشان تنسي الكلام أللي سمعته هاهي الآن في مكان أدهم وشعرت بنفس الاحساس والشعور الذي شعر به هو وكانت هي من تسببت ف ذلك وجربت نفس الألم الذي عاش فيه كثيرًا وكانت هي سبب ف ذلك الألم الكبير والجرح العميق الذي لاعلاج له نعم إنه احساس وشعور صعب ولكن من وَجع يُوجَع ومن جَرح يُجرح ومن ألمَ يُؤلم فكل منا يشرب من نفس الكأس الذي سقي به غيره فإن كان خيرًا فيلقي خيرًا وإن كان شرًا فيلقي شرًا .. فإن الدنيا كأس وداير علينا جميعا ونحن من نختار بماذا نملئه لكي نشرب منه بعد وقتًا طويلاً عندما يأتي دورنا .."
★٭★٭★٭★٭★ صباح وحيد ★٭★٭★٭★٭★
مصطفي: ايه ي حبيبتي كنتي بتكلمي مين ف الموبايل كدة !!
ياسمينا: دي البت أمل بنت خالتي ..انت كنت فين كدة !!
مصطفي: كنت بجيب الغدا لسيادتك عشان نتغدي ولا مش عاوزة براحتك
ياسمينا: لا هات انا هموت من الجوع
مصطفي وضحك ع طريقتها وتحدث وهو يتناول الطعام: مبروك لملك ع الشبكة والخطوبة بقي وربنا يتمم بخير يارب وعقبالنا احنا كمان بقي
ياسمينا: الله يبارك فيك بس عرفت منين اننا جيبنا الشبكة !!
مصطفي: احدفك بالكوباية دي طيب ولا اعمل ايه !! ي بنتي انتي ناسية إن أحمد خطيب أختك تقريبا يبقي ابن خالتي وصاحبي الانتيم !!
ياسمينا وضحكت: اه خلاص خلاص افتكرت صحيح دة يبقي ابن خالتك ..ايه دة ولاد خالة واخدين أختين سبحانه الله
مصطفي بضحك: ياسمينا ي حبيبتي كلي وانتي ساكتة احسن عشان ورانا شغل
★٭٭★٭٭★٭٭★٭٭صباح وحيد★٭٭★٭٭★٭٭★٭٭
حازم: أدهم بقولك ايه والنبي كنا محتاجين إنك تمضي ع ال..ولم يكمل كلامه حين رأه بتلك الحالة فتحدث قائلاً: أدهم مالك ف ايه !! حصل ايه !!
أدهم وهو باين ع وشه الصدمة: جاية عاوزة ترجعلي ي حازم جيالي برجليها وبكل برود طالبة مني اسامحها ونرجع فاكرة الموضوع سهل كدة مش مهم قلبي اللي اتجرح واتوجع
حازم بعدم فهم: هي مين دي ي أدهم !! انا مش فاهم حاجة
أدهم: آمال .. آمال ي حازم ..كنت قولت اني نسيتها خلاص راجعة تفكرني بنفسها تاني راجعة تفكرني بالوجع
حازم: طيب احكيلي ايه أللي حصل وكانت جاية ليه !!
أدهم: انا هحكيلك كل حاجة
★٭★٭★٭★٭★ صباح وحيد ★٭★٭★٭★٭★
آمال دخلت البيت وجريت ع اوضتها منهارة من العياط شافتها حنين فدخلت وراها
حنين: آمال مالك انتي كويسة !!
آمال ببكاء: لا ي حنين انا مش كويسة خالص
حنين جريت عليها اول أما شافتها كدة وحضنتها: طيب اهدي بس شوية وفهميني حصل ايه خلاكي كدة وكنتي فين خلاكي راجعة بالمنظر دة !!
آمال بشهقات البكاء: انا هحكيلك كل حاجة ي حنين بس توعديني محدش يعرف حاجة
حنين بقلق: حاضر ..حاضر .. اوعدك ..اوعدك محدش هيعرف حاجة
★٭★٭★٭★٭★ صباح وحيد ★٭★٭★٭★٭★
أدهم: بس هو دة كل أللي حصل من ساعة أما دخلت عليا مكتبي لحد اما خرجت منه
حازم: بس أنت بجد ف واحدة تانية وكدة ولا ايه !!
أدهم: مفيش حد ي حازم مانت عارف انا قولتلها كدة عشان اخليها تجرب نفس الوجع أللي عيشتني فيه وتجرب يعني ايه تتوجع وتتجرح من أقرب ناس ليك وعشان تنساني بقي لأن وجودها بيفكرني بكل ذكريات الوجع وانا عاوز انسي
حازم: فهمتك ي صاحبي خلاص ..طيب وناوي ع ايه !!
أدهم: مش عارف ي حازم انا ناوي ع ايه بس اكيد مش هديها فرصة تانية عشان تخدعني وتوجعني تاني ماضحكش عليك انا كل أما بشوفها قدامي ببقي نفسي انتقم منها نفسي اوجعها لأن اول أما بشوفها بفتكرلها كل حاجة وبتوجع كأن الوجع اول مرة يبقي ازاي هقدر اديها فرصة تانية واسامحها ازاي هقدر ارجع اثق فيها بعد ماباعتني وخدعتني !!
حازم: بص ي صاحبي هقولك ع حاجة ..اوعي تغلط نفس الغلطة مرتين انت بتغلط مرة عشان تتعلم وتخلي بالك ماتغلطش التانية اوعي تكرر نفس الغلط تاني عشان مايبقاش الوجع مضاعف وأوعي تحاول ترجع حاجة ربنا بعدها عنك مجرد حبك ليها لأن لو ربنا كان شايفها خير مكنش بعدها ولانك انت ماتعرفش تأثيرها عليك ايه لو بقت موجودة ولو خير ليك هتلاقي ربنا بيقربها منك وهيرجعهالك مهما كانت قوة رفضك ..وصدقني ي صاحبي لو ليك نصيب فيها هتاخدها حتي لو بعد ١٠٠ سنة ولو انت رافض والدنيا كلها رافضة وليك نصيب فيها هتاخدها رغم استحالة الأسباب .. أنت ف واحدة مكتوبة ع اسمك محجوزة ليك مش انت اللي بتختارها بس ربنا أللي بيجمعكم رغم كل حاجة انت ممكن تبقي شايفها صعبة اطمن لأن حياتك ف ايد ربنا مش ف ايد بشر عشان تخاف اطمن لأن نصيبك محجوزلك ولسة وقته مجاش ..ياما بنشوف ناس بينهم بلاد وبلاد والقدر بيجمعهم ونستغرب ونقول ازاي معقولة دة !! معقولة بينهم البلاد دي كلها ومايعرفوش بعض ويتجمعوا ونفضل نسأل ف نفسنا ازاي اتجمعوا وناسيين إن ربنا هو أللي مرتب كل حاجة وهو أللي جمعهم عشان يتقابلوا ويتجوزوا لأنهم من نصيب بعض تفتكر ربنا أللي مرتب جوازهم مش هيبقي مرتب مقابلتهم !! دة نصيب ومكتوب ولازم هنشوفه
أدهم: كلامك كله صح وعندك حق فعلا ف كل كلمة قولتها ..بس احنا بشر لازم بنتوجع ونزعل وبعد كدة بنتعود وبنتعلم ماهي الدنيا دي يإما تعلم عليك يإما تعلم عليها وهي أللي دايما بتعلم علينا لأنها بتعلمنا دروس الحياة عشان نفهم ونتعايش مع الواقع أللي حوالينا ..ماهو عمرك ماهتتعلم صح إلا أما تتوجع أوي وعشان كدة الدنيا لازم تديك دروس صعبة اوي وتوجعك عشان تعلمك صح ..وانا واثق ف ربنا إن اختياراته كلها خير ليا الحمد لله ع كل شيء
★٭★٭★٭★٭★ صباح وحيد ★٭★٭★٭★٭★
حنين بصدمة: انتي برضو عملتي أللي ف دماغك ي آمال !! شوفتي بنفسك وارتاحتي كدة خلاص !! ياما حذرتك وقولتلك بلاش ماصدقتيش كلامي
آمال ببكاء: كنت فاكرة ي حنين أني كدة بكفر عن ذنبي وبريح ضميري مكنتش اعرف انه شايل مني اوي كدة وكرهني بالطريقة دي لدرجة أنه يدورلي ع اي حاجة عشان مايسامحنيش ماتوقعتش أنه ممكن يكرهني كدة ي حنين
حنين: اومال انتي كنتي فاكرة ايه ي آمال أنه أول أما يشوفك هيجري عليكي ويترمي تحت رجليكي ويقولك الحياة من غيرك ولا حاجة !! وقولتلك ي آمال لو روحتي واتكلمتي هيكون الوجع كبير بس هيكون فيكي وليكي انتي وهتكوني السبب في جرح ووجع نفسك وقلبك ماصدقتيش وفكرتيني بقول كلام وفكرتي إنه لسة بيحبك وهيسامحك دة مش جرح ولا وجع ف صباعه ي آمال هيخف وينسي أللي حصل الوجع والجرح ف قلبه ي آمال عارفة يعني ايه !! ومش بس كدة ي آمال لا دة كمان من أقرب الناس ليه انتي اهو موجوعة من كلمتين قالهملك وسمعتيهم منه وإنه قالك أنه بيحب غيرك مابالك هو بقي أما شافك مع غيره انتي مجرد سمعتي منه كلمتين هو قالهم وشوفي عاملة ازاي تفتكري بقي أنه يقدر يسامحك بعد كدة !! راحتك وراحته ف بعدكم عن بعض ي آمال لازم تفهمي دة .. آمال بتعيط ومش بترد فأكملت حنين قائلة: اهدي كدة ونامي دلوقتي وارتاحي وأنسي أللي حصل وأما تصحي نتكلم بس دلوقتي لازم تنامي عشان ترتاحي عشان ماما ماتشوفكيش كدة ولا حد ياخد باله وماتقلقيش انا مش هحكي حاجة لحد بس اما تصحي نكمل كلامنا
★٭★٭★٭★٭★ صباح وحيد ★٭★٭★٭★٭★
شيري: انت جيت حمد لله ع السلامة
شاكر وبصلها ورجع بص ف الأرض: الله يسلمك
شيري وقعدت جمبه: انا نسيت خناقتنا وهعتبر انك ماقولتش حاجة ولا حصل حاجة عشان مازعلش بس وانا زعلي وحش ومش عاوزاك تجربه ولا تشوفه
شاكر: أللي بتتكلمي عنها دي ي شيري لسة مراتي وغير دة كله تبقي ام عيالي
شيري: يووه كل شوية مراتي مراتي زهقت من الاسطوانة الحمضانة دي أللي كل شوية تقولهالي ماتكونش السفيرة عزيزة وانا معرفش عمال طالعلي بيها السما وأما أنت بتحبها اوي كدة ومش مستحمل عليها كلمة كنت اتجوزتني ليه !!
شاكر: هترجعي تغلطي تاني اهو ..طلعيها من دماغك ي شيري ومالكيش دعوة بيها ..وهفضل احبها طول حياتي كلها وجوازي كان غلطة وندمان عليها
شيري بعصبية: غلطة !! بتسمي جوازك مني غلطة ي شاكر !! وكل دة ليه وبسبب مين عشان السنيورة بتاعتك أللي مش عاوزاك أصلاً
شاكر: قولتلك ي شيري ماتجبيش سيرتها علي لسانك عشان ماتزعليش بس وياريت أما تيجي تتكلمي عنها تتكلمي عنها باحترام
شيري بدلع وحطت ايديها ع كتفه: حبيبي انا من حقي تبقي ليا لوحدي انا وبس ومن حقي كمان ابقي ام ..وبعدين ي حبيبي ماهي أللي طالبة الطلاق ماتطلقها وتخلص وريح دماغك من وجع الدماغ دة أنت عاوزها ليه تاني وخلينا بقي نعيش مع بعض ونتبسط
شاكر وهو ينزل يديها: انسي ي شيري ..انسي اني أطلق سوزان دي مراتي وحبيبتي وام عيالي ومش هلاقي زيها عمري عمرها مازعلتني ولا قصرت ف حقي ولا عمرها ردت عليا وعلت صوتها عليا مهما كنت اعمل
شيري بتريقة: وأما هي دة كله كنت سيبتها ليه وبصيت لغيرها واتجوزت عليها !! كنت اتجوزتني ليه بقي ي عنيا !!
شاكر وبصلها: قولتلك غلطة وندمان عليها ..وقلة عقل بقي ..كنت غلطان أما فكرت اتجوز عليها كنت غلطان أما اتجوزتك انتي عليها
شيري بعصبية: قصدك ايه بالكلام دة !! لا ي حبيبي اصحي وفوق كدة واعرف انت متجوز مين دة انا شيري ي عنيا مش ست سوزان هانم بتاعتك ومش كل شوية تجيبلي ف سيرتها احنا ضراير ي عومري وإلا اروحلها واخليها تبعد عن هنا خالص وماتعرفلهاش طريق
شاكر بعصبية ومسكها من شعرها: اقسم بالله ي شيري لو قربتي ناحيتها ليكون اخر يوم ف عمرك واندمك ع اليوم أللي شوفتيني وقابلتيني فيه أنا قولتلك
شيري: طيب خلاص شعري ورقبتي ي شاكر أنت كدة بتوجعني ..شاكر سابها وكان لسة هيمشي مسكت ايده: شاكر أنت هتمشي !!
شاكر: عاوزة ايه ي شيري !!
شيري وهي تمسك بياقة قميصه: انت كل خناقة كدة تسيبني وتمشي خليك قاعد معايا واعتبر ماحصلش اي حاجة ولا قولت اي حاجة بس خليك معايا انت واحشني ي شاكر ونفسي نقعد مع بعض
شاكر ومسك ايديها نزلها: قعدتي هنا فيها حرقة دمي ودايما خناقات طول الوقت فأحسن حاجة امشي عشان ماتصرفش تصرف مايعجبكيش
شيري: خلاص بقي ي حبيبي انا آسفة ماتزعلش مني مقدرش ع زعلك
شاكر: ماشي ي شيري تمام ..عن اذنك بقي انا تعبان ومحتاج ارتاح شوية
شيري: شاكر أنت هتنام وتسيبني معقولة
شاكر: بقولك تعبان ي شيري ومحتاج ارتاح بلاش ارتاح يعني !!
شيري بضيق: اتفضل ي شاكر ادخل نام خلاص
★٭★٭٭★٭★٭٭★صباح وحيد★٭٭★٭★٭٭★٭★
سوسن: ازيك ي سامية اخبارك ايه
سامية بصوت مخنوق: الحمد لله ي سوسن انتي عاملة ايه
سوسن: لا انتي مش كويسة انتي فيكي حاجة مالك ي سامية ف ايه !!
سامية: مفيش حاجة ي سوسن انا كويسة اهو
سوسن: انتي اختي وانا عارفاكي فيكي حاجة احكيلي مالك
سامية: مش هينفع ف التليفون الموضوع كبير
سوسن: نص ساعة واكون عندك مسافة السكة..يلا مع السلامة
★٭٭★٭★٭٭★٭★صباح وحيد★٭★٭٭★٭★٭٭★
أمل: احكيلي بقي ي ياسمينا عاملة ايه ف موضوعك دة ووصلتي لفين !!
ياسمينا بحب وتوهان: دة الحب طلع حلو اوي ي بت ي أمل وانا مكنتش اعرف ..كنت فاكرة نفسي مش هحبه بس وقعت في حبه ي ختي واتعلقت بيه
أمل بنفاذ صبر: لا مش وقته خالص دلوقتي التوهان دة وفوقي معايا كدة
ياسمينا: فصيلة اوي يعني فصلتيني من اللحظة الرومانسية أللي كنت فيها
أمل: مش وقته ي حبيبتي دلوقتي وقوليلي وبعدين يعني اخرتها !!
ياسمينا: اخرتها خير إن شاء الله ادعيلي انتي بس
أمل: إن شاء الله ..بس البيه هاييجي يتقدم أمتي !!
ياسمينا: بعد خطوبة ملك إن شاء الله عشان انتي شايفة كلنا مشغولين مع ملك اهو ومش وقته خالص دلوقتي يعني
أمل: هو قالك كدة يعني أنه هاييجي خلاص !!
ياسمينا: لا هو لسة ماقالش حاجة هو قالي أول أما ابقي جاهز هقولك تحدديلي ميعاد مع باباكي مانا حكيالك ي بت
أمل: اه والبيه هيبقي جاهز امتي بقي ها !!
ياسمينا: الله اعلم بظروفه بقي ي أمل
أمل: بصي ي ياسمينا انتي اختي مش بنت خالتي وانا هنصحك لأني خايفة عليكي وانتي عارفة معزتك عندي ..بلاش تعلقي نفسك بحبال دايبة وياريت كفاية لحد كدة واتعرفتوا خلاص ولو هو عاوزك بجد هاييجي لحد عندك ويطلبك من أهلك
ياسمينا: ماتقلقنيش بقي ..انا مكنتش موافقة ع الخطوة دي من الاول ي أمل وانتي عارفة بس قولت مش هخسر حاجة لو اديته فرصة نتعرف وكدة وهفضل معقدة كدة لحد أمتي وكمان حكيتلك كلام منال صحبتي ليا
أمل: انا فاهماكي وخلاص أللي حصل حصل مش هنعرف نرجعه بس المهم دلوقتي نركز ف أللي جاي ونخلي بالنا وأسأليه هيجيلك امتي وربنا يقدم أللي فيه الخير يارب
★٭٭★٭★٭٭★٭★صباح وحيد ★٭٭★٭★٭٭★٭★
سوسن: السلام عليكم ..ازيك ي صافي ي حبيبتي
صافي وهي تسلم عليها: ازيك ي خالتو تعالي اتفضلي
سوسن: الحمد لله ي حبيبتي ..ماما فين اومال موجودة !!
صافي: اه ي خالتو ماما موجودة قاعدة ف اوضتها تعالي اتفضلي
سوسن: طيب ي حبيبتي انا هدخلها
صافي: اتفضلي ي خالتو دة بيتك
"سوسن وطرقت الباب عدة طرقات ثم دخلت"
سامية وقامت تسلم عليها: ازيك ي سوسن ي ختي وحشاني
سوسن: الحمد لله ..مالك بقي ف ايه صوتك ماعجبنيش ف التليفون ومال عينك كدة انتي كنتي بتعيطي !!
سامية ببكاء: سوزان ي سوسن
سوسن: مالها سوزان فيها ايه !!
سامية: سوزان جوزها اتجوز عليها وجاية ومصممة ع الطلاق
سوسن وخبطت بإيدها علي صدرها: يالهوي اتجوز عليها !! دة ليه وحصل امتي وازاي !! وسوزان عاملة ايه دلوقتي !!
سامية: اهي ي عين أمها ليل نهار عياط حالها كله اتبدل يلا بقي ربنا يسامحه ..انا هحكيلك كل حاجة
★٭٭★٭★٭٭★٭★صباح وحيد★٭٭★٭★٭٭★٭★
سميحة: حمد لله ع سلامتك ي حبيبي اتأخرت ليه كدة !!
أدهم: معلش ي ماما كان ورايا شغل كتير بس ..عن اذنك اطلع بس اغير هدومي وأصلي وانزل
سميحة ومسكت ايده وهو طالع: مالك ي أدهم فيك ايه ي حبيبي !!
أدهم: هنزل ونتعشي مع بعض واحكيلك ع كل حاجة ي ست الكل بس دلوقتي اطلع اغير وأصلي
سميحة: ماشي ي حبيبي
سعدية: العشا جاهز ي ست سميحة اجيبه دلوقتي !!
سميحة: ماشي ي دادة حضريه وادهم طلع يغير هدومه ويصلي ونازل
سعدية: تحت أمرك ي هانم ..بس كنت عاوزة أسألك ع حاجة كدة ومكسوفة
سميحة: ومن أمتي وأنتي بتتكسفي مني ي دادة ولا كان ف فرق !!
سعدية: ربنا يخلي حضرتك يارب ي ست سميحة
سميحة: ايه ست سميحة دي وسميحة هانم ايه الألقاب دي !! قوليلي ي سميحة ي بنتي زي ماكنتي بتقوليلي دايما زمان انتي واحدة من اهل البيت وواحدة مننا بلاش الألقاب دي بينا
سعدية: ربنا يخليكي ي سميحة ي بنتي
سميحة بإبتسامة: أيوة كدة كانت وحشاني منك ..تعالي اقعدي وقوليلي بقي كنتي عاوزاني ف ايه
سعدية: حساكي كدة ف حاجة مضايقاكي ومش عاوزة تحكي وشايلة جواكي انا حاسة بيكي ونفسي اساعدك واخفف عنك
سميحة بإبتسامة: انتي جميلة اوي ي دادة والله ..مفيش غير أدهم ابني أللي تاعب قلبي وقلقانة عليه اوي ومش مريحني
سعدية: يارب يطمنك عليه ..بس بلاش تضغطي عليه ف موضوع الجواز دة وسيبيه براحته وهو نصيبه هيجيله لحد عنده بلاش نستعجل عليه ولازم تكوني جمبه ف الفترة دي تحسسيه بحنان الام وتحسسيه إنك معاه مش عليه دة هيساعده كتير يعدي الفترة دي صدقيني
سميحة واحتضنتها: يارب ي دادة يارب ..ربنا يخليكي لينا يارب
★٭★٭★٭★٭★ صباح وحيد ★٭★٭★٭★٭★
سهير: انتو الاتنين هتفضلوا قاعدين كدة ترغوا مابتعملوش حاجة
ياسمينا وأمل: نعمل ايه بس طيب ماهو مفيش حاجة نعملها
سهير: لا لو ع مفيش حاجة ماتشيلوش هم دة ف كتير اوي قوموا يلا انتو الاتنين ورايا
ياسمينا: انا افتكرت حاجة مهمة جدا تبع الشغل لازم اخلصها دلوقتي حالاً
أمل: وانا كمان افتكرت إن ورايا مشوار مهم جدا بكرة ولسة ماخلصتش حاجته وكمان شغل كتير جدا
سهير: طيب براحتكم نتعشي احنا ونسيبكم بقي مادام مش فاضيين عشان مانعطلكوش بس
ياسمينا وأمل وقاموا بسرعة: لا احنا افتكرنا إن مش ورانا حاجة مهمة خلاص وأننا مخلصين كل اللي ورانا وفاضيين
سهير بضحك: يعني مش وراكم حاجة وانا كمان افتكرت أني لسة ماحضرتش العشا وعاوزاكم تحضروه يلا عشان تحضروا العشا بقي وقعتوا خلاص
ياسمينا وأمل بصوا لبعض: ماشوفناش ف حياتنا ذكاء كدة
★٭٭★٭★٭★٭٭★صباح وحيد★٭٭★٭★٭★٭٭★
سوسن: كل دة وماتحكيليش حاجة ي سامية كل دة شايلاه جواكي وساكتة
سامية: غصب عني ي سوسن انا عارفة انك مشغولة مع أحمد برضو وعندك همك ازود عليكي !! كفاية عليكي همك انتي مش ناقصة هم فوق همك
سوسن ومسكت ايد اختها: ي سامية احنا اخوات انتي فاهمة معني الكلمة دي ولا لا !! اخوات يعني سر بعض يعني أما واحدة تحس انها مخنوقة شوية أو متضايقة تحكي لأختها وتفضفض معاها وتشاركها همها اومال اخوات ازاي !! أخوات يعني أول أما واحدة فيهم بتقع ف مشكلة بتجري علي اختها تستنجد بيها وتطلب منها تقف جمبها مش تقول عندها همها ..اخوات يعني متشاركين ف كل حاجة وف الحزن قبل الفرح حتي ف هم عيالهم بيتشاركوا فيه سوا عيالك يعني عيالي ومشاكلهم يعني مشاكلي وهمهم هو همي اوعي تقولي كدة تاني احنا مالناش غير بعض ولازم أقف جمبك وجمب بنتك ف وقت زي دة لو ماوقفتش جمبك دلوقتي هقف امتي بقي وابقي اختك ازاي !!
سامية: ربنا يخليكي ليا يارب ي سوسن انتي فعلاً مش بس أختي لا انتي كمان امي بشوف فيكي حنيتها وطيبة قلبها
سوسن: ربنا يخلينا لبعض يارب ..طيب ليه سوزان مش عاوزة باباها يعرف ولا اخواتها
سامية بضحكة مكسورة: لأنها مش عاوزة صورته تبوظ ف نظرهم ويفضلوا شايفينه زي ماهما مايقلش ف نظرهم ويفضل ف نظرهم بالصورة الحلوة أللي عرفوه وشافوه بيها وعارفينه بيها
سوسن: ياه اد كدة كانت بتحبه ومخلصة ليه كدة مفيش كدة دلوقتي عرفتي تربي ي سامية وصدقيني ربنا عمره ماهيعملها حاجة وحشة ومحدش عارف الخير فين بس انتي لازم تبقي جمبها وتقويها عشان ماتحسش أنها لوحدها لازم تحسسيها انك معاها ومش سايباها وبلاش تضغطي عليها ف حاجة وسيبيها تفكر براحتها وهي أللي تقرر
سامية: انا معاها علطول والله بس قلبي وجعني أوي عليها ..دلوقتي بس قدرت تصرفات ماما معانا وخوفها علينا عرفت دلوقتي أما جربت مع سوزان ..احساس الخذلان وحش اوي ي سوسن احساس بنتك عمالة بتتوجع قدامك وانتي مش قادرة تعمللها حاجة طول الوقت دموعها نازلة وانتي حاسة انك عاجزة مش قادرة تعمللها حاجة انا حاسة بيها وباللي جواها بس مش عارفة اعمل ايه وهو دة أللي واجع قلبي عليها اكتر بشوفها بتتعذب قدامي وانا واقفة ساكتة مش بعمل حاجة
سوسن: اهدي بس ي سامية مش كدة مينفعش تبقي قدامها كدة ولا تباني قدامها بالضعف دة ..نصيبها كدة ونقول الحمد لله ونلجأ لربنا نشكيله أللي جوانا وهو حاسس وعالم بينا وباللي جوانا
سامية: ونعم بالله ونعم بالله ي سوسن
★٭★٭★٭★٭★ صباح وحيد★٭★٭★٭★٭★
أدهم: الله اومال بابا فين ي ماما مش هيتعشي معانا ولا ايه !!
سميحة: أبوك خرج ي سيدي يسهر مع صحابه ..مش هتحكيلي مالك بقي فيك ايه مغيرك كدة من ساعة أما جيت
أدهم وهو يتناول طعامه: آمال جاتلي الشركة النهاردة
سميحة بصدمة: ايه !! بتقول ايه !! آمال جاتلك !! جاية راجعة عاوزة ايه تاني مش مكفيها أللي عملته راجعالك بأنهي وش تاني !!
أدهم: جاية عاوزاني اسامحها وارجعلها من تاني
سميحة بقلق: وانت قولتلها ايه ولا عملت ايه !!
أدهم وبصلها: تفتكري أني ممكن أقدر اسامحها بعد أللي عملته فيا !! ولا اني أصدقها بعد اللي حصل !! تفتكري ي ماما إن ف حد يقدر يسامح حد كان سبب في وجعه وجرحه !!
سميحة: طيب قولتلها ايه ولا ايه أللي حصل
أدهم وقص عليها كل ماحدث: بس وقولتلها أني نسيتها ومابقتش احبها ومابقتش شايفها غير أختي وبس مش اكتر من كدة
سميحة: انا مش عارفة راجعة ازاي بعد أللي عملته ..ماتضايقش نفسك ي حبيبي وربنا هيعوضك بالأحسن
★٭★٭★٭★٭★ صباح وحيد ★٭★٭★٭★٭★
سامية: مبروك لأحمد وربنا يتمم بخير يارب ..الخطوبة امتي !!
سوسن: الله يبارك فيكي وعقبال مصطفي وصافي يارب ..كمان اسبوعين إن شاء الله ف....
سامية: ربنا يتمم بخير يارب ويسعده
"وقاطعهما صوت طرقات ع الباب والتي كانت سوزان"
سامية: تعالي ي حبيبتي ف حاجة !!
سوزان: ازيك ي خالتو عاملة ايه وأحمد عامل ايه وخطيبته !!
سوسن: الحمد لله ي حبيبتي كله بخير يلا بقي جهزي نفسك كدة عشان الخطوبة كمان اسبوعين خلاص وتيجي بقي كدة وتفرفشي
سوزان بإبتسامة: بجد !! ألف مبروك وربنا يتمم بخير يارب ويفرحه واكيد انا مش محتاجة عزومة دة انا اخت العريس
سوسن: طبعًا ي حبيبتي أخوات مانتو أخوات ف الرضاعة بقي وأخوات من غير رضاعة برضو يعني ف كل الحالات أخوات غصب عن اي حد ههههه
سوزان بضحك: ضحكتيني ي خالتو وانا مكنتش قادرة اضحك ولا ليا نفس اضحك
سوسن بإبتسامة: اضحكي ي حبيبتي وسيبي الحزن لأوانه هو لسة مجاش وقته انتي لسة صغيرة ووشك القمر دة مينفعش يبان عليه غير الضحكة وبس مش حاجة تانية
سوزان: الحزن هو أللي جالي ي خالتو مش انا أللي روحتله والضحكة خلاص مابقتش تطلع لانها مابقتش موجودة ولو طلعت بتطلع ضحكة هم ومن غير نفس عشان ننسي بيها وجع جوانا حاسين بيه بس لو كانت الضحكة بتنسينا همومنا فعلاً مكناش بطلنا ضحك عشان ننسي ..الحمد لله دة نصيبي وانا راضية بيه الحمد لله
سوسن ومسكت ايدها قعدتها جمبها: ومن أمتي وأنتي ضعيفة كدة ي سوزان ولا حاجة بتقدر تأثر فيكي ومن أمتي وأنتي بتستسلمي لمشاكلك كدة بكل سهولة وتخليها تتغلب عليكي !! مامتك حكتلي ع كل حاجة بس أنا واثقة انك قدها وانك هتاخدي القرار الصح وانك هتقدري تعدي المرحلة دي
سوزان: أنا مش ضعيفة ي خالتو ولا مستسلمة زي مانتي فاكرة بس ساعات الظروف بتبقي اكبر مننا واكبر من قدراتنا وقوتنا واكبر من اننا نتغلب عليها أو نواجهها حتي لو حاولنا نعمل دة ..انا صعبان عليا نفسي أوي أني اتخدع ف اكتر انسان انا حبيته وعيشت معاه واستحملت معاه ومرينا مع بعض بالسهل والصعب ورغم دة كله ماقدرناش نسيب ايد بعض بعد دة كله وبعد أللي وصلناله مع بعض دة كله ييجي هو ويسيب ايديا بكل سهولة كدة !! بس رغم دة كله ي خالتو جوايا احساس بيقولي مستحيل شاكر يعمل كدة مستحيل يعمل فيا انا كدة واكيد عنده سبب للي حصل دة جوايا احساس بيقولي أنه عمل كدة غصب عنه بس برضو ف نفس الوقت مش قادرة اقولك إذا كنت اسمع لاحساسي واصدقه ولا اسمعله وأكدبه !! خايفة امشي ورا احساسي يكون مجرد احساس بوهم نفسي بيه عشان بحبه وخايفة مصدقش واعاند اكون خسرته وارجع اندم اني اتسرعت ومش عارفة اعمل ايه ولا اتصرف ازاي
سوسن: بصي ي سوزان اللي بيحب بجد وواثق من أللي بيحبه بيحس بيه وانتي ي سوزان بتحبي جوزك بجد وعشان كدة جواكي احساس أنه مستحيل يأذيكي بالشكل دة وأنه اكيد عنده سبب يخليه يعمل كدة فإحساسك ممكن يكون صح فلازم تقعدي معاه وتديله فرصة يشرحلك ..أللي بيحب بجد بيحس بكل حاجة بيعملها حبيبه بيحس بصدقه بيحس بكدبه لو كان بيكدب عليه بيحس بمشاعره لأنهم باختصار بيكونوا عبارة عن روح واحدة إحساسهم واحد وشعورهم واحد فكري ي بنتي كويس وخدي قرارك واستخيري ربك سبحانه وتعالي هو أللي عالم بيكي وعارف الخير ليكي فين وخليكي واثقة مهما كانت النتيجة فتاكدي انها هي الخير ليكي
سوزان: كلامك كله صح ي خالتو فعلاً أللي بيحب بيحس وبيعرف عكس حد مش بيحب بجد طبيعي مش هيحس بأي حاجة بس انا خايفة يكون مجرد احساس أو مبرر انا بحطهوله عشان اقدر اسامحه ..ادعيلي ي خالتو ربنا يقدملي الخير وانا راضية باختيار ربنا ليا مهما كان صعب فهو الاحسن والافضل من اختياري لنفسي
سوسن: يارب يسعدك يارب ي بنتي ويريح قلبك ويوفقك للقرار الصح أللي هيكون فيه راحتك
★٭★٭★٭★٭★ صباح وحيد ★٭★٭★٭★٭★
وتشرق شمس يوم جديد معلنة عن بداية يوم جديد
وفي فيلا أدهم المهدي حيث تجلس سميحة والدته وسمعت جرس الباب لتذهب سعدية لفتح الباب قائلة بإبتسامة: أهلاً أهلاً ست كوثر تعالي اتفضلي
كوثر بإبتسامة: ازيك ي دادة سعدية وحشاني
سعدية بإبتسامة: الله يسلمك ي بنتي انتي وحشاني اكتر ..تعالي اتفضلي
كوثر: سميحة اختي موجودة ولا برة !!
وقبل أن ترد سعدية ردت سميحة قائلة: تعالي ي كوثر نورتينا ..هاتي حاجة ساقعة قوام ي دادة
كوثر ومسكت سعدية: لا استني بس مالوش لزوم انا جاية اطمن عليكي واقعد معاكي شوية وماشية علطول
سعدية: ودي تيجي برضة ثانية واحدة اجيب لحضرتك حاجة تشربيها
سميحة: تعالي ي كوثر اقعدي واقفة ليه كدة
كوثر وهي تجلس بجانبها: مالك ي سميحة ي ختي حساكي فيكي حاجة وكأن هم الدنيا كله عليكي
سميحة: شوية مشاكل كدة ي كوثر وان شاء الله هتتحل
كوثر: مشاكل ايه دي ومع مين !!
سميحة: مع أدهم ابني من ساعة ماعرفت بموضوع آمال وانا قلبي مش مطمن عليه حساه كاتم جواه وساكت
كوثر بصدمة: انتي عرفتي الموضوع دة !!
سميحة: أدهم حكالي كل حاجة آخر مرة كنتو هنا وطلع معاكم وصلكم وأما رجع بفتح معاه موضوع الجواز تاني من آمال رفض بعصبية وحكالي وعرفت كل حاجة ويارتني ماعرفت
كوثر بإحراج: انا بجد مش عارفة اقولك ايه ي سميحة ولا اعمل ايه مش عارفة اودي وشي منك فين من أللي عملته بنتي ف ابنك ..انا حاولت بقدر الإمكان أظهر قدامك عادي وطبيعية عشان ماتحسيش بحاجة واصريت ماتعرفيش حاجة عشان ماعنديش استعداد اخسرك لأي سبب من الأسباب وبنتي هتبقي هي السبب وماعنديش استعداد اخسرك بسببها
سميحة وترفع وش أختها: وانتي بتكلميني ي كوثر وشك مايبقاش ف الأرض تاني وشك يبقي مرفوع دايما انتي فاهمة !! وازاي جيه ف بالك أصلاً أني ممكن اخسرك أو استغني عنك لأي سبب من الأسباب ايا كان أللي حصل فأنتي هتفضلي أختي وانا هفضل اختك ومفيش حاجة هتقدر تفرقنا عن بعض ابدا مهما كانت صعبة الا الموت وأللي حصل دة نصيب انتي مالكيش دخل بيه ولو كنتي تعرفي بالموضوع انا متأكدة كنتي مستحيل توافقيها ع اللي عملته بس دة نصيب ومش عيالنا هما أللي هيخلونا نخسر بعض ي كوثر
كوثر بفرحة وتحتضنها: ربنا يخليكي ليا يارب ي سميحة ودايما نبقي مع بعض كدة وع رأيك مش عيال أللي يخلونا نخسر بعض
سميحة بسعادة: ماتفكريش كدة تاني وأوعي ييجي ف بالك ف يوم من الايام أني ممكن ازعل منك او ابعد عنك مهما كان السبب انتي فاهمة !!
سعدية وماسكة صنية الحاجة السقعة: ربنا يخليكم لبعض يارب
★٭★٭★٭★٭★ صباح وحيد ★٭★٭★٭★٭★
في مكتب أدهم المهدي
أدهم: أيوة بقي ي عم خطبت ومحدش هيعرف يكلمك بعد كدة
أحمد: عقبالك بقي ويبقي أنت كمان محدش يعرف يكلمك
أدهم: إن شاء الله ربنا يتمملك بخير يارب ي حبيبي
أحمد: ربنا يخليك ي أدهوم ..المهم انا جيتلك لحد عندك أهو بعزمك عشان مايبقاش ليك حجة أنك ماتحضرش الخطوبة واديك اهو عرفت المعاد والمكان ومعاك كل التفاصيل .. بس حاسس إنك متغير أو فيك حاجة مش عارف مالك بس أما افوق كدة لينا قاعدة مع بعض وتحكيلي عشان عارفك مستحيل تحكيلي حاجة دلوقتي
أدهم بإبتسامة: خلص أنت بس خطوبتك وبعدين نشوف الموضوع دة ركز دلوقتي في أللي انت فيه واكيد هحضر إن شاء الله من غير عزومة كمان دة انت اخويا ي بني في حد مايحضرش خطوبة اخوه و..قاطع حديثهما صوت طرق ع الباب فأذن أدهم بالدخول: ادخل
ياسمينا: حضرتك كنت بعتلي
أحمد من غير مايبص ناحية الباب: طيب اسيبك انا بقي تشوف شغلك وامشي وأوعي تنسي بقي ..وبيلف وراه ولسة هيمشي فتقابل مع ياسمينا الذي انصدمت عندما رأته قائلة بصدمة: أحمد !!!
★٭★٭★٭★٭★ صباح وحيد ★٭٭★٭٭★٭★٭٭★
سوزان جالسة لتسمع جرس الباب لتقوم لتفتح لتري شاكر الذي أتي
سوزان: ايه جابك تاني ي شاكر وجاي عاوز ايه !!
شاكر: ايه مش هتقوليلي اتفضل ولا ايه ي سوزان !!
سوزان من غير ماتبصله: اتفضل ي شاكر ..خير !!
شاكر: جاي اخدك زي ماتفقنا بعد ماتكوني فكرتي
سوزان: يعني أنت جاي دلوقتي ي شاكر عشان تعرف قراري صح !!
شاكر: أيوة بالظبط كدة وارجوكي ماتتسرعيش
سوزان بهدوء: تمام ي شاكر وانا فكرت وخدت القرار خلاص
شاكر بتوتر: واي..وايه..ه..هو ..!!
سوزان بهدوء: طلقني ي شاكر
شاكر: ...........