رواية اعطيت لحبك فرصة فخدعتني
🌻الفصل الحادي والعشرون 🌻
كنا قفلنا الفصل أللي فات علي اغماء ملك في المستشفي وتجمع وصدمة الجميع عندما سقطت ارضاً ..وكنا قولنا حاجات كتير وقولنا ايه اللي هيحصل !! تعالوا بينا يلا نكمل !! قراءة ممتعة
٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭
حركة سريعة في هذا المكان والجميع يجري بسرعة هنا وهناك ..وتحديدًا في هذه الغرفة يقف الدكتور ويلتف حوله بعض الممرضين والممرضات ..وبيده هذا الجهاز ليضعه علي منطقة القلب ويسحبه بقوة ويضغط بقوة عدة مرات وبعد مجهود كبير عاد القلب يعمل من جديد وتم إنقاذه وكُتب له عمر آخر ..وبعد الانتهاء خرج الدكتور وهو يمسح وجهه من التعب
شاهين بقلق: طمني يادكتور ابني عامل ايه !!
حسين: اهدي ..اهدي ياشاهين وسيب الدكتور يتكلم
أدهم: ماتتكلم يادكتور حضرتك ساكت ليه !!
الدكتور بتعب: الحمد لله انقذناه والقلب اشتغل من جديد اتكتبله عمر جديد ..ادعوله
الجميع: الحمد لله ..الحمد لله
شاهين بقلق: وهو عامل ايه دلوقتي !!
الدكتور: الحمد لله ادعوله بس هو مش محتاج غير دعائكم
٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭
وكانت قد نُقلت ملك الي غرفة بالمستشفي وكانت بدأت أن تفوق ملك بعد مرور بعض الوقت
ملك بنوم وتمتمة: أحمد .. أحمد ماتسبنيش
سهير: ملك حبيبتي !!
ملك بنوم: أحمد .. احمد
سهير وهي تحاول إيقاظها: ملك ..ملك اصحي
ملك بفزع: احمد
سهير: اهدي ..اهدي يابنتي أحمد كويس
ملك وهي تحاول النهوض: احمد ياماما احمد بيروح ياماما
سهير ببكاء: اهدي يابنتي اهدي
ملك بعصبية وصريخ: احمد ..لا مش هيسيبني هو قالي مش هيسيبني ..ودخل الدكتور علي صوتها واعطاها حقنة مهدئة جعلتها تخلد للنوم مرة أخري وهي تخترف باسم احمد ..ثم تركها الدكتور وخرج
سهير: طمني يادكتور
الدكتور: هي عندها انهيار عصبي بس مش اكتر باين انها بتحبه اوي
سهير ببكاء: ربنا يقومهم الاتنين بالسلامة يارب ..هو حالته ايه دلوقتي !!
الدكتور: الحمد لله قدرنا اننا نلحقه بفضل ربنا سبحانه وتعالي
سهير: الحمد لله ..الحمد الله ..ثم وجهت نظرها لياسمينا وادهم: هي فين مدام سوسن صحيح !!
الدكتور: مدام سوسن ضغطها وطي فجأة واغمي عليها ونقلناها لغرفة وإن شاء الله تكون كويسة
سهير: يارب إن شاء الله ..شكرا جدا لحضرتك يادكتور تعبناك معانا
الدكتور: ولا تعب ولا حاجة وربنا يطمنكم عليهم يارب
٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭
وفي صباح اليوم التالي
حازم بوجع: اه .. ثم ينظر حوله: ايه دة انا فين وايه اللي جابني هنا !!
الممرضة بإبتسامة: صباح الخير ..حمد لله علي سلامتك
حازم: الله يسلمك هو ايه اللي حصل وانا هنا ليه !!
الممرضة: ولا حاجة خبطة بسيطة بس ..اتفضل فطارك والدكتور جاي لحضرتك حالا
الدكتور وهو يدخل: صباح الخير..حمد لله علي سلامتك
حازم: الله يسلمك يادكتور ..بس انا مش فاهم انا بعمل هنا ايه ولا جيت هنا ازاي !!
الدكتور بإبتسامة: ولا حاجة حادثة بسيطة عربية خبطتك وصاحبة الحادثة هي أللي جابتك هنا وانقذتك .. كان مغمي عليك وعندك هبوط في ضغط الدم ودة اللي ادي لشعورك بالدوخة وحالة الاغماء اللي جاتلك وكمان مابتكلش كويس ومناعتك ضعيفة جدا وضغطك واطي جدا ولازم تخلي بالك من صحتك وانا كتبتلك علي شوية أدوية كدة تاخدها وإن شاء الله تبقي كويس
حازم: شكرا لحضرتك يادكتور ..بس هو انا هخرج من هنا امتي !!
الدكتور: تقدر تخرج النهاردة لو تحب ..انت دلوقتي احسن وسهل اكتبلك علي خروج ..وسمعوا الباب بيخبط فأذن الدكتور بالدخول ليتفاجئ حازم بالفتاة
حازم: انتي !! ايه جابك هنا !!
الدكتور: دي الاستاذة حنين اللي خبطتك وجابتك هنا
حنين بقلق: عامل ايه دلوقتي !!
حازم ببرود: الحمد لله كويس
الدكتور: طيب عن اذنكم اسيبكم انا
"وخرج الدكتور وتركهم وسحبت حنين كرسي وجلست بجانبه"
حنين: انا اسفة بجد مكنش قصدي والله انا اسفة
حازم: تخبطيني وتقوليلي مكنش قصدك !!
حنين: بجد مكنتش اقصد وبعتذرلك مع اني عارفة اعتذاري مالوش لازمة ولا يعمل حاجة ..وعلي العموم شوف أللي يريحك واعمله برضو الظابط كدة كدة هاييجي يحقق معاك واعمل أللي انت شايفه دة حقك وانا غلطت واتحمل نتيجة غلطي
حازم وحس بخوفها وطيبتها: ولا يهمك حصل خير وانا كويس ..وشكرا انك لحقتيني
"الدكتور وهو يدخل ومعه الضابط"
الدكتور: سيادة الرائد جاي ياخد كلمتين منك يااستاذ حازم
حازم: اتفضل حضرتك انا تحت امرك
الظابط: قولي الانسة خبطتك ازاي وهل كانت مقصودة !!
حازم ونظر لحنين ليجد الخوف في عينيها ثم وجه نظره الظابط: لا حضرتك انا الغلطان هي كانت ماشية وانا أللي جيت قدامها وهي جاية بسرعة كنت مستعجل يعني انا الغلطان وهي كان غصب عنها
حنين واتصدمت من كلامه وبصتله وسكتت ..وبعد أن انهي الظابط التحقيق قال: عندك اي أقوال تانية حابب تضيفها !!
حازم: لا شكرا لحضرتك انا قولت كل اللي عندي
الظابط للدكتور: حالته عاملة ايه دلوقتي !!
الدكتور: الحمد لله احسن كتير هو كسر بسيط في دراعه ورجله ومع الوقت هيلم وهيتحسن
الظابط: طب كويس ..حمد علي سلامتك ياحازم بيه ..ونظر لحنين: وحضرتك كدة مفيش اي حاجة بس بعد كدة خلي بالك وانتي ماشية ..وتبقي تعدي عليا عشان نقفل المحضر
حنين بتوتر: ح..حاضر
الدكتور: اتفضل ..اتفضل حضرتك
حنين وجلست بجانبه علي الكرسي: انت ليه عملت كدة !!
حازم: معرفش الصراحة بس حسيتك بنت ناس ومش وش بهدلة ولا كان قصدك ..وكمان عشان طلعتي جدعة معايا ومسبتنيش ونقلتيني المستشفي حد غيرك كان خبطني وسابني وجري عشان يخاف يودي نفسه في داهية إنما انتي ماعملتيش كدة وانقذتيني وكمان جيالي النهاردة
حنين: حمد لله علي سلامتك ..واتفضل دي نمرتي لو في اي حاجة كلمني ..وحمد لله علي سلامتك مرة تانية
#استوب
يبقي كدة عرفنا البنت أللي خبطت حازم هي حنين ..طيب يعرفوا بعض منين !!
#فلاش_باك
في خطوبة أدهم
حازم واقف وفجأة لقي حد خبط فيه
حازم وهو ينظر إلي ملابسه: ايه دة !! مش تفتحي !!
حنين بتوتر: انا اسفة بجد مقصدش
حازم: ماتقصديش ايه !! انتي تبوظيلي هدومي وتقوليلي مقصدش !! اصرفها منين دي !!
حنين: انا قولت لحضرتك اسفة ومقصدش وبعدين هدومك مجاش عليها حاجة
حازم وهو يشاور علي رجل بنطاله: اومال دة ايه !! جيه لوحده كدة !!
حنين: دي حاجة بسيطة ومش مستاهلة دة كله
حازم: انتي كمان بتبرري لنفسك !! دة ايه البجاحة دي !!
حنين بعصبية: لا بقي لحد هنا ومسمحلكش انت زودتها اوي اعتذرتلك وقولتلك غصب عني ومش قصدي اعملك ايه تاني !!
حازم بعصبية: والمفروض اني اقولك ايه خلاص حصل خير ومحصلش حاجة !!
حنين: ماقولتش تقول كدة .. وبعدين انت بتعلي صوتك ليه !!
حازم: انا حر اعلي صوتي انا حر انتي مالك
حنين: انا فعلا غلطانة اني وقفت معاك ..عن اذنك
#باك
كدة عرفنا هما يعرفوا بعض منين حازم ياعيني متبهدل 😅
٭٭٭٭٭٭٭٭٭ صباح وحيد ٭٭٭٭٭٭٭٭٭
استيقظت سوسن لتنظر حولها لتري نفسها بمكان غريب لتتذكر سريعا ماحدث وتتذكر ابنها لتبكي بشدة والدموع تسيل من عينيها بغزارة وتحدث نفسها: ليه ياأحمد ليه ياحبيبي توجع قلبي عليك !! قلبي واكلني عليك وعاوزة اطمن عليك وفي نفس الوقت مش قادرة خايفة الرد يوجعني ومش هستحمله .. ثم حاولت النهوض ونجحت في ذلك إلي أن خرجت وعندما رآها الجميع ذهبوا إليها مسرعين
سهير: ايه قومك بس ياسوسن !!
سوسن ببكاء: ابني ..ابني ياسهير فين !!
سهير: اهدي ..اهدي احمد كويس والله ماتقلقيش
سوسن: عاوزة اشوفه ..عاوزة اشوفه ياسهير
سهير: طيب ادخلي ارتاحي بس الاول وانا هخليكي تشوفيه وتطمني عليه إنما مينفعش تشوفيه وانتي في الحالة دي
سوسن ببكاء: انا مش هرتاح غير أما اشوف ابني خلوني اشوفه
سهير: طيب ارتاحي وانا هندهلك الدكتور يخليكي تشوفيه
"ودخلت سوسن مع سهير للغرفة في حين ذهبت ياسمينا لاخبار الطبيب ليأتي"
الدكتور: حمد لله علي سلامتك يا مدام سوسن
سوسن: انا عاوزة اشوف ابني يادكتور لو سمحت
الدكتور: صدقيني ابنك كويس الحمد لله وهخليكي تشوفيه بس مش دلوقتي
سوسن ببكاء: ليه مش دلوقتي !! أرجوك يادكتور خليني اشوفه
الدكتور: مينفعش وانتي بالحالة دي أما تبقي كويسة هخليكي تشوفيه ..وكمان هو في العناية المركزة
سوسن: خليني اشوفه يادكتور وانا هبقي كويسة والله ارجوك يادكتور دة ابني الوحيد وماليش في الدنيا غيره
سهير: خلاص يادكتور لو سمحت خليها تشوفه
الدكتور بقلة حيلة: تحت امرك اتفضلي معايا ..بس مش اكتر من دقيقة عشان غلط عليه
"ودخلت سوسن وهي تستند ودموعها تسيل علي وجهها الي أن دخلت عند أحمد وجلست بجانبه تقبل رأسه ويده"
سوسن ببكاء: ماتوجعش قلبي عليك يااحمد ماتوجعش قلبي عليك ياحبيبي قوم وشوف كلنا بنحبك ازاي ومستنينك ترجع تقف علي رجليك من تاني ..عشان خاطري يااحمد عشان خاطر امك أللي مالهاش في الدنيا غيرك وابوك بلاش توجع قلبنا عليك ياحبيبي وخطيبتك ياعيني أللي هتموت عليك ..قوم عشان تشوف كام واحد بيحبك ومستنيك وعشان تتجوز وتملالي البيت عيال
الدكتور: كفاية كدة بعد اذنك
سوسن وهي تقبل يده: مش قادرة اسيبك ياحبيبي بس إن شاء الله هتقوم وترجع وسطينا من تاني
"وخرجت سوسن وهي تبكي"
سهير وهي تحتضنها: اهدي ..اهدي وإن شاء الله هيبقي كويس
سوسن ببكاء: يارب ..يارب إن شاء الله ..هي فين ملك !! وعاملة ايه دلوقتي !!
سهير بحزن: ملك اغمي عليها ونقلوها لاوضة هنا ومن ساعتها وهي مغيبة عن الوعي
سوسن: انا هدخل اشوفها
"ودخلت سوسن لحجرة ملك"
سوسن وهي تمسك بيديها: مكنتش اعرف انك بتحبي احمد اوي كدة كان عنده حق أنه يقول عليكي انك ماتتعوضيش وكان عنده حق أنه يحبك الحب دة كله ..احمد إن شاء الله هيبقي كويس ويقوم بالسلامة وتعملوا فرحكم وتتجوزوا ..ماتقلقيش ياحبيبتي هو إن شاء الله هيبقي كويس وربنا مش هيوجعنا فيه لأن ربنا بيقول "إن الله لايكلف نفسًا إلا وسعها" صدق الله العظيم
يعني ربنا مابيحملش حد فوق طاقته ولا بيبتليه بشيء إلا أما بيكون واثق أنه أده ويقدر يتخطاه واللي احنا فيه دة ابتلاء واختبار من ربنا فلازم نكون قده وربنا عارف اننا مش هنستحمل فيه حاجة وحشة فعشان كدة مستحيل ربنا يعمل حاجة وحشة ..بس احنا لازم نثق في ربنا لأن الثقة في ربنا قادرة انها تغير كل شيء فاحنا لازم نبقي واثقين في ربنا أنه هيقومه لينا بالسلامة إن شاء الله .. وبدأت تشعر سوسن بضغط يد ملك عليها فابتسمت بدموع: الحمد لله
ملك بتعب وعدم وعي: ا..انا..ا..انا فين !!
سوسن: مش مهم انتي فين المهم انتي كويسة
ملك وبدأت تفتح عينيها لتنظر لوجه سوسن: ماما سوسن !!
سوسن: أيوة ياحبيبتي
ملك بتعب وتمتمة: أحمد .. أحمد ياماما سوسن احمد هيسيبني
سوسن بدموع: احمد الحمد لله بقي كويس
ملك بدموع: بجد !! بجد ياماما سوسن ولا بتضحكي عليا !!
سوسن: انا عمري ضحكت ولا كدبت عليكي في حاجة !!
ملك بتعب وهي تحاول النهوض: ط..طيب انا عاوزة اروحله
سوسن: ارتاحي الاول وأما تبقي كويسة هخليكي تروحيله
ملك بتعب: لا انا عاوزة اروحله دلوقتي اطمن عليه عشان خاطري وديني عنده انا كويسة صدقيني بس وديني عنده
الدكتور وهو يدخل: حمد لله علي سلامتك ياآنسة ملك
ملك بتعب: انا عاوزة اروح لأحمد يادكتور بعد اذنك
الدكتور: لا انتي لسة تعبانة ومينفعش تروحيله دلوقتي
ملك: عشان خاطري يادكتور صدقني انا بقيت كويسة وديني عنده
الدكتور: انا آسف بس مش هينفع لانك لسة تعبانة
سوسن: خلاص ياملك بكرة إن شاء الله تبقي كويسة والدكتور هيدخلك ليه
٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭
حازم: ايه يا أدهم انت فين مجتش النهاردة ليه !!
أدهم: لا انا مش جاي النهاردة ياحازم خلي بالك انت
حازم: خير في حاجة ولا ايه !!
أدهم: انا مع ياسمينا في المستشفي عشان احمد عمل حادثة
حازم بصدمة: ايه !! احمد عمل حادثة حصل امتي دة !!
أدهم: امبارح بليل
حازم: طب وهو عامل ايه دلوقتي !!
أدهم: مش عارفين والله لسة بس إن شاء الله يبقي كويس
حازم: يارب إن شاء الله ..بس ياسمينا ايه علاقتها بالموضوع !!
أدهم: احمد يبقي خطيب ملك اختها
حازم: لا اله الا الله ربنا يصبرهم يارب ويقومه بالسلامة ..اقفل طيب انا جايلك
أدهم: يارب ادعيله .. لا خليك انت وبعد أما تخلص ابقي تعالي
حازم: يارب يشفيه يارب ..خلاص تمام هخلص واجي علطول
"وبعد أن أغلق الهاتف مع حازم رأي ياسمينا أتت إليه"
ياسمينا: مش تقوم تروح بقي وتريح شوية وتروح شغلك
أدهم وهو ينظر إليها: اريح !! وهاتيجي منين الراحة !!
ياسمينا: انت بايت هنا من امبارح ومانمتش ولازم تريحلك شوية
أدهم: انا مش هرتاح إلا أما اشوف أحمد واقف علي رجليه من تاني
ياسمينا: إن شاء الله هيبقي كويس
أدهم بلمعان دموع: لأول مرة احس اني عاجز كدة ومش قادر اعمل حاجة ..صاحبي واخويا وعيشرة عمري قدام عنيا ومش قادر اعمله حاجة ..عارفة ياياسمينا احمد مايبقاش صاحبي من زمان وبس احمد اخويا وقف معايا كتير وسندني كتير وكان دايما يسأل عليا تعرفي ايه اكتر حاجة ماثرة فيا !! اني كنت في فترة مقصر في حقه جامد ومكنتش بسأل عليه بس كان غصب عني وكان دايما هو اللي يكلمني ويقولي يابني أسأل انت مش ضامن انا معاك بكرة ولا لا انا معاك النهاردة لكن احتمال مكنش معاك بكرة وترجع تندم وتقول ياريتني .. وانا دلوقتي بندم فعلا علي كل لحظة فوتها بعيد عنه .. يقوم بس وانا والله هسأل عليه علطول بس هو يقوم بس
ياسمينا بدموع: أدهم انت بتعيط !! اهدي .. اهدي ..هو إن شاء الله هيبقي كويس ويقوم بالسلامة
أدهم: يارب ..يارب
ياسمينا: المهم قوم روح انت دلوقتي انت تعبت ولازم تريح وابقي تعالي الصبح
أدهم: صدقيني لو روحت مش هرتاح برضو وهنزل تاني
ياسمينا: عشان خاطري ريحني قوم استريح وابقي ارجع بليل حتي بس استريح شوية
أدهم: حاضر ..حاضر ..تيجي اوصلك معايا !!
ياسمينا: لا انا قاعدة عشان ماما بقي وملك وطنط سوسن
أدهم: تمام ..لو في اي حاجة أو احتاجتي حاجة كلميني
ياسمينا: اكيد ..خلي بالك من نفسك
أدهم: حاضر ..يلا سلام
٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭
وقد حل المساء والهدوء يعم المكان وكان قد ذهب الجميع الي منازلهم ..فخرجت ملك من حجرتها بهدوء وهي تستند علي عكاز لعدم توازن جسدها الي أن وصلت إلي الغرفة التي يوجد بها احمد لتدخل بهدوء وتجلس بجانبه وتمسك بيديه وتتحدث بصمت: مش هتقوم بقي !! طب أنت وحشتني انا ماوحشتكش !! أنا عارفة أنه اختبار من ربنا بس اختبار صعب اوي بس اقولك علي حاجة !! انا واثقة في ربنا ..أيوة واثقة فيه اوي أنه مستحيل يخذلنا ولا يردنا مكسورين الخاطر حاشاه الله أن يفعل ذلك ..هو ابتلاء بيختر قوة صبرنا وتحملنا بيه وحب من ربنا لينا كمان فإن الله اذا أحب عبدًا ابتلاه وبيكون الابتلاء علي اد الحب وقوة الايمان بالله سبحانه وتعالي وكمان ربنا مابيحملش حد فوق طاقته ولا بيديله حاجة هو عارف أنه مش هيقدر يتحملها وهو عارف اننا مش هنقدر نتحمل فراقك عشان كدة مستحيل يبتلينا بيه وهو عارف اننا مش هنتحمله .. مبعملش حاجة غير اني بدعيلك ومتأكدة إن ربنا مستحيل يردني من غير إجابة دة ربنا كريم اوي وهيكرمنا ويدينا من كرمه انا متأكدة بس احنا نثق فيه .. وإن شاء الله هتقوم وتشوف كلنا بنحبك ازاي ومستنينك ترجع من تاني وتقف علي رجليك ونحقق أحلامنا أللي قعدنا نحلم بيها وحياتنا اللي قعدنا نرتبها سوا ونقول هنعمل ايه ومش هنعمل ايه قوم بقي عشان نحقق دة كله زي ماتفقنا .. انا من غيرك ومن يوم أللي حصل وانا جسد بلا روح اوعي تسيبني وتوجعني ..اختبار من ربنا بس اختبار صعب اوي .. وكانت قد بدأت تشعر بقبضة يديه علي يديها فابتسمت من وسط دموعها وهي تقول بصمت: احمد ..احمد
احمد بتعب وتمتمة: م..ما.. ماما ..ب..ب..بابا
ملك بإبتسامة: هما كويسين ..كويسين اوي ياحبيبي وهيفرحوا اوي أما يعرفوا انك فوقت
أحمد وهو ينظر إليها بصعوبة وتعب شديد: م..ملك
ملك: أيوة انا معاك اهو وجمبك
أحمد بتمتمة: انا فين !! وايه اللي حصل !!
ملك: مش مهم انت فين المهم انت كويس وهتبقي كويس ياحبيبي بس اهم حاجة دلوقتي ترتاح وماتتعبش نفسك
أحمد: انا حاسس نفسي تعبان اوي ياملك
ملك: سلامتك من التعب ..نام واستريح وماتتعبش نفسك في الكلام عشان خاطري
"وقد خلد أحمد للنوم سريعًا مرة أخري بتعب شديد وابتسمت ملك ورفعت يديها لتحمد الله سبحانه وتعالي علي شفاء حبيبها وحبيب عمرها وقريبا سيكون زوجها الذي دعت الله به كثيرا ثم ذهبت ملك وتركته بعد أن اطمئنت عليه وأنه بخير وهي بداخلها شعور من السعادة لايوصف وذهبت الي غرفتها لتغض في نوم عميق هي الأخري ولكن هذه المرة وهي سعيدة ..وفجأة وقبل أن تذهب للسرير شعرت بدوار شديد برأسها جعلها تستند علي الحائط وشعرت بعدم توازن في جسدها مما جعلها تسقط علي هذا السرير فاقدة للوعي"
٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭
وقد حل الصباح وتشرق الشمس من جديد واستيقظ الجميع وذهبوا إلي المستشفي
سوسن: من فضلك يادكتور طمني عن ابني عامل ايه دلوقتي !!
الدكتور بإبتسامة: لا دة اتكتبله عمر جديد وبدأ أنه يتحسن ونقلناه كمان لاوضة عادية بس هيفضل معانا كام يوم لحد اما حالته تستقر ونطمن عليه
سوسن بسعادة: بجد يادكتور !! الله يباركلك ..اقدر ادخل اشوفه !!
الدكتور: اه بس ياريت بلاش تطولوا عليه ولا تخلوه يتكلم كتير
سهير بإبتسامة: حمد لله علي سلامته شوفتي ربنا كبير ازاي
سوسن بدموع: اللهم لك الحمد
سهير: طمني يادكتور ياسمينا بنتي عاملة ايه !!
الدكتور: بنت حضرتك بقالها تقريبا ٣ ايام مابتاكلش ومع الزعل جسمها نزل خالص دخلنا الصبح عشان نقيس ليها الضغط لقينا ضغطها واطي جدا ودة طبعا ادي لهبوط في الدورة الدموية خلاها تحس بدوخة وتفقد الوعي بس حاولنا نفوقها بتفوق بس بتخش في نوم عميق تاني لأنها ماكنتش بتنام برضو فعلقنا ليها محاليل تعوض الايام أللي ماكنتش بتاكل فيها وتعوض ليها الغذاء أللي جسمها فقده
سهير: يعني هي كويسة يادكتور !! وهتفوق امتي !!
الدكتور: هي كويسة ماتقلقيش بس هي محتاجة راحة بس مش اكتر عشان تعوض أللي فات دة وحالة الاغماء اللي بتجيلها دي حاجة بسيطة يعني ماتخوفش بسبب إرهاق وإهمال في صحتها وهبوط في الدورة الدموية حاولنا نفوقها للأسف ماعرفناش فعلقنالها محاليل عشان تعوض الهبوط دة والضغط يتظبط عندها واول أما الضغط يتظبط عندها هي هتفوق وكل اللي هي فيه دة تعب بتعوضه
سهير: يارب يادكتور يارب ..ربنا يطمن حضرتك وشكرا جدا لحضرتك تاعبينك معانا
الدكتور: ماتقوليش كدة يامدام انا تحت امركم اي وقت وربنا يطمنكم عليهم يارب
٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭
سوسن وهي تدخل لغرفة احمد لتجده ينام بتعب وقدمه متجبسة وأحد ذراعيه وعلي فمه جهاز تنفس وأسلاك متصلة بجسده لتذهب إليه وتجلس بجانبه وهي تبكي بصمت: حمد لله علي سلامتك ياحبيبي
أحمد وهو يتجه بوجهه إليها لينظر إليها بتعب شديد: الله يسلمك ياحبيبتي ..هو ايه أللي حصل !!
سوسن: محصلش حاجة ياحبيبي المهم انت كويس دلوقتي ماتتعبش نفسك عشان الدكتور قال الكلام الكتير غلط عليك
احمد بتعب: اومال بابا فين مجاش معاكي ولا ايه !!
"وقاطع حديثهما دخول سهير"
سهير وهي تجلس بجانبه من الجهة الأخري: حمد لله علي سلامتك يا أحمد يابني
أحمد وهو يلتفت إليها: الله يسلمك ياطنط سهير
سهير: شد حيلك بقي كدة يلا عشان تخرج من هنا بقي عشان وحشتنا
أحمد بتعب: انا مش فاكر ايه اللي حصل وجابني هنا
سهير: مش مهم ..مش مهم ياحبيبي المهم انك كويس وماتتعبش نفسك في الكلام ياحبيبي عشان غلط عليك
أحمد بتعب: إلا صحيح هي ملك فين !! مجتش معاكم ليه !!
سوسن وسهير بصوا لبعض وسكتوا وماعرفوش يقولوا ايه فقاطع هذا الصمت صوت احمد الضعيف: انتو مش بتردوا ليه !!
سهير: ارتاح ياحبيبي الكلام غلط عليك
احمد: ملك حصلها حاجة وانا معرفش !!
سوسن وسهير بصوا لبعض وسكتوا تاني
أحمد: هو انا كل أما اسألكم عليها تبصوا لبعض وتسكتوا !! انتو مخبيين عني ايه !! وهو يحاول النهوض بصعوبة: انا هقوم اعرف بنفسي ايه اللي حصل
سوسن بسرعة وهي تمسك به: اهدي يااحمد اهدي ياحبيبي انت مينفعش تقوم ولا تتحرك من مكانك انت لسة تعبان ..ملك كويسة ماتقلقش
أحمد: وأما هي كويسة اومال هي فين !! مجتش معاكم ليه !!
سهير: هي جاية ورانا عشان روحنا امبارح بليل متأخر فراحت عليها نومة فنزلنا وسيبناها وهي قالت هاتيجي ورانا علطول ماتقلقش
أحمد: انتو بتضحكوا عليا ..هي جرالها حاجة وانتو مش عاوزين تقولوا
سوسن: هنضحك عليك ليه بس يابني هي كويسة ماتقلقش عليها وشوية وهتلاقيها داخلة علينا
"وقاطع حديثهما دخول أدهم وياسمينا"
أدهم: حمد لله علي سلامتك يا أبو حميد
أحمد: الله يسلمك ياحبيبي
ياسمينا: حمد لله علي سلامتك يااحمد وان شاء الله ترجع احسن من الاول
أحمد: الله يسلمك ياياسمينا تسلمي
"ورن هاتف سوسن فاستأذنت منهم لتذهب لترد علي الهاتف"
سوسن: الو ياسامية عاملة ايه
سامية: ايه ياسوسن فينك كدة ومابتسأليش عليا ليه
سوسن: غصب عني ياسامية سامحيني
سامية: مال صوتك ياسوسن حصل حاجة !!
سوسن: احمد عمل حادثة وكان بين الحياة والموت وانا دماغي مش فيا
سامية بخضة وقامت من مكانها: حصل امتي الكلام دة !!
سوسن: اول امبارح بقاله بتاع يومين اهو ولسة فايق النهاردة وملك خطيبته ياعيني منهارة ومش دارية بحاجة
سامية بعتاب: اخس عليكي ياسوسن بقي دة كله يحصل وماتقولليش بس انا كلامي مش معاكي دلوقتي كلامي معاكي بعدين
سوسن: دماغي مكنتش فيا اول أما الخبر جالي وتعب ملك بقي كمان واغمي عليها هي كمان مكنتش في وعيي والله
سامية: طيب انتو في انهي مستشفي انا جيالك
سوسن: مستشفي .....
سامية: تمام اقفلي انا جاية مسافة السكة واكون عندك
"سامية وهي تنادي علي سوزان"
سامية: سوزان ..سوزان
سوزان: نعم ياماما
سامية: بقولك ايه انا رايحة لخالتك وجاية لو عوزتي حاجة كل حاجة عندك اهي وماتمشيش إلا أما جوزك ييجي ياخدك
سوزان: ليه هو في ايه !! حصل حاجة !!
سامية: احمد ابن خالتك عمل حادثة وهما دلوقتي في المستشفي فأنا رايحة عشان اطمن عليه وعشان كمان ماسبش خالتك لوحدها
سوزان بخضة: ايه !! احمد عمل حادثة !! طب استني ياماما انا جاية معاكي
سامية: لا خليكي انتي عشان العيال
سوزان: العيال هسيبهم مع صافي وسما كدة كدة نايمة
سامية: خلاص ماشي شوفي اخوكي فين عشان ييجي معانا خليه يوصلنا
سوزان: حاضر ..حاضر ياماما انا طالعة ألبس علطول
٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭
سوسن: هي لسة مافقتش برضو !!
سهير: لا الدكتور بيقول سيبوها نايمة هي بتعوض أما صدقت تنام
سوسن: ياحبيبتي خست خالص ومابقاش فيها حاجة
سهير: مابتاكلش من ساعة أللي حصل
سوسن: ربنا يقومهم بالسلامة يارب ..احمد لو شافها كدة هيعرف
سهير: صح باين علي وشها التعب اوي
"ملك وبدأت تستيقظ"
سهير: ملك ..ملك ..اصحي ياحبيبتي
ملك وهي تفتح عيناها بهدوء: ماما
سهير: أيوة ياحبيبتي
سوسن: حمد لله علي سلامتك ياحبيبتي
ملك بسعادة: احمد فاق ياماما احمد فاق ياماما سوسن
سهير: وانتي عرفتي منين أنه فاق !!
ملك: انا كنت عنده امبارح وفاق وأتكلم معايا ورجع نام تاني وسألني عليكي ياماما سوسن انتي وعمو شاهين
سوسن: الحمد لله يابنتي هو فاق ونقلوه لاوضة تانية واحنا اطمننا عليه ولسة جايين من عنده
ملك: ودوني عنده انا عاوزة اطمن عليه
سهير: هو دلوقتي نام ياحبيبتي عشان يرتاح
سوسن: وبعدين ينفع تروحيله وانتي تعبانة كدة !! لازم تاكلي الاول
ملك: حاضر ..حاضر
٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭
ياسمينا: أدهم انت بقالك يومين مابتروحش الشغل
أدهم: حازم هناك
ياسمينا: طيب احنا اطمننا عليه تقدر انت تروح وترتاح وتنزل شغلك من بكرة
أدهم: انا مش هرتاح إلا أما اشوفه قام قدامي من تاني ..انتي فاكرة إن احمد خطيب اختك وصاحبي بس !! أحمد دة اخويا قبل مايكون صاحبي
سامية وهي تدخل ناحية ياسمينا: ازيك ياياسمينا ياحبيبتي ..الف سلامة علي ملك وأحمد وربنا يقومهم بالسلامة يارب
ياسمينا: الله يسلم حضرتك ياطنط
سوزان: الف سلامة ياحبيبتي وربنا يقومهم بالسلامة يارب
ياسمينا: اللهم آمين يارب
مصطفي: ازيك ياآنسة ياسمينا والف سلامة
ياسمينا: شكرا الله يسلمك
مصطفي: ازي حضرتك يامستر أدهم
أدهم: الحمد لله
ياسمينا: ثانية واحدة ياطنط هنده لحضرتك طنط سوسن حالا
مصطفي: انا اسف نسيت اعرفك ..ماما ..سوزان اختي الكبيرة ..ودة مستر أدهم المهدي ياماما صاحب الشركة اللي بشتغل فيها
أدهم: أهلا وسهلا بيكم تشرفنا
سامية: ربنا يخليك يابني الشرف لينا اكيد
سوسن وهي تخرج وتسلم علي سامية: أهلا اهلا ياسامية ياختي
سامية: الف سلامة عليه وربنا يطمنك عليه يارب
سوسن: يارب ياسامية يارب ..ازيك ياسوزان ازيك يامصطفي
سوزان: الحمد لله ياخالتو الف سلامة علي احمد وربنا يقومه بالسلامة يارب
سوسن: الله يسلمك ياحبيبتي
مصطفي: هو عامل ايه دلوقتي !!
سوسن: الدكتور بيقول أنه الحمد لله بقي احسن
سامية: طيب ندخله ولا ايه !!
سوسن: اه بس هو دلوقتي نايم مش هتعرفوا تدخلوا
سامية: لا مادام نايم خلاص سيبيه عشان مانتعبوش ..وملك عاملة ايه دلوقتي !!
سوسن: الحمد لله .. تعالوا ادخلولها
سوسن وهي تدخل: خالتك سامية جاية تطمن عليكي ياملك
ملك بإبتسامة وهي تحاول النهوض وتمسكها سامية: زي مانتي خليكي مرتاحة ماتتحركيش
ملك: اعذريني اني مقدرتش اقوم
سوسن: دي مدام سهير والدة ملك ..دي اختي سامية وولادها سوزان ومصطفي ومعاها صافي
سهير: أهلا وسهلا تشرفت بحضرتك
سامية: تسلمي الشرف ليا اكيد
٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭
ياسمينا: مالك واقف لوحدك بعيد كدة ليه !!
أدهم بزهق: مفيش عادي
ياسمينا: مالك يا أدهم في ايه !!
أدهم: تعرفي اللي اسمه مصطفي دة منين !!
ياسمينا: يبقي ابن خالة احمد ومعانا في الشركة ..ومفيش اي تعامل بينا
أدهم: وأما هو كدة نظراته دي ليه ليكي !!
ياسمينا: انت بتشك فيا يا أدهم !!
أدهم: انا مش بشك فيكي انا بسألك كان بيبصلك كدة ليه ؟!
ياسمينا: وانت شايف إن دة وقته ومكانه إننا نتكلم في حاجة زي كدة !!
أدهم: صح انتي صح بس انا عاوز افهم
ياسمينا: تفهم ايه يا ادهم مفيش حاجة عشان تفهمها ومش وقت كلام في الموضوع دة دلوقتي
أدهم: صح دة مش وقته ولا مكانه
ياسمينا: انت رايح فين !!
أدهم: شيء مايخصكيش
ياسمينا: لا يخصني ..طيب ممكن تهدي وبعد أما نفوق من اللي احنا فيه دة هبقي افهمك كل حاجة !!
أدهم: ماشي ..ممكن امشي بقي !!
ياسمينا: هتمشي رايح فين يا أدهم ماتخليك قاعد
أدهم: تعبان هروح اريح ساعتين
ياسمينا: ماشي يا أدهم روح
٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭
سامية: حمد لله علي سلامتك يااحمد يابني وربنا يطمنا عليك يارب
أحمد: الله يسلمك ياخالتي
سوزان: الف سلامة عليك يااحمد وربنا يقومك بالسلامة يارب
أحمد: الله يسلمك ياسوزان ربنا يخليكي يارب
مصطفي: الف سلامة عليك ياحبيبي وربنا يتم شفاك علي خير يارب
أحمد: الله يسلمك يامصطفي ربنا يخليك يارب
٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭
سوسن: عاملة ايه دلوقتي ياملك ياحبيبتي
ملك: الحمد لله احسن ..مش هتخلوني اشوف أحمد بقي واطمن عليه !!
سوسن: لا طبعا هنخليكي تشوفيه هو بيسأل عليكي ..قومي يلا
"وذهبت سوسن وسهير وملك لغرفة أحمد"
ملك وهي تدخل ببطئ: حمد لله علي سلامتك ياحبيبي ..وحشتني
أحمد: ملك ..كنتي فين دة كله !!
ملك وهي تجلس بجانبه وتحاول حبس دموعها: انا موجودة اهو وجمبك طول الوقت
أحمد: مالك ياملك فيكي ايه !!
ملك: مالي !! انا كويسة اهو ..كنت قلقانة عليك بس ومكنتش مستحملة اشوفك كدة
أحمد: لا انتي فيكي حاجة ..ووشك خاسس اوي ليه كدة
ملك: دة من القلق عليك بس ..اصل اتخضيت عليك اوي ..المهم سيبك انت من دة كله بقي واجمد كدة عشان تقوم بقي
أحمد: ادعيلي
ملك: بدعيلك في كل وقت ربنا يقومك ليا بالسلامة
أحمد: ربنا يخليكي ليا
ملك: انت كويس !! حاسس بأي حاجة !!
أحمد: انا كويس ماتقلقيش المهم تكوني أنتي كويسة
ملك: انا كويسة طول مانت كويس
٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭
في المساء بالمستشفي
حازم: ايه الاخبار يا أدهم
أدهم: الحمد لله احسن ..تعالي ادخل اطمن عليه
حازم وهو يدخل مع أدهم: حمد لله علي سلامتك يا أبو حميد
أحمد وهو يحاول النهوض: الله يسلمك ياحزوم واحشني
حازم: ايه اللي حصل دة يابني
أحمد: قدر الله وماشاء فعل ..الحمد لله ..المهم طمني عليك انت اخبارك
حازم: انا الحمد لله تمام اهو
أحمد: واتجوزت ولا لسة ولا خطبت ولا ايه ظروفك
حازم وهو ينظر لادهم ويعيد نظره لأحمد: لا دة موضوع كبير أما تقوم بالسلامة إن شاء الله نقعد كدة واحكيلك كل حاجة
٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭
هند: ايه يامصطفي فينك
مصطفي: معلش ياهند معرفتش اكلمك النهاردة
هند: انت كويس طيب !!
مصطفي: اه أنا كويس ماتقلقيش
هند: اومال مالك في ايه !! ومال صوتك !!
مصطفي: احمد .. أحمد ابن خالتي عمل حادثة
هند: لا اله الا الله ربنا يقومه بالسلامة يارب
مصطفي: يارب إن شاء الله
٭٭٭٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭٭
ياسمينا: انت مخاصمني ولا ايه !!
أدهم وهو ينظر لها ثم يعيد نظره للهاتف: لا خالص ليه بتقولي كدة
ياسمينا وهي تجلس بجانبه: اومال مالك !!
أدهم: مفيش انا كويس
ياسمينا: انت لسة متضايق من موضوع الصبح دة !!
أدهم: لا خالص هتضايق ليه يعني هو حصل حاجة عشان اتضايق !!
ياسمينا: أدهم بلاش الطريقة دي معايا لو سمحت
أدهم وهو يلتفت إليها: انهي طريقة ها !! واحد جاي يسلم عليكي وبيبصلك اوي وعينيه مانزلتش من عليكي وغير دة كله يبقي خطيب هند أللي هي المفروض بنت عمتي عاوزاني اعمل ايه !!
ياسمينا: ممكن توطي صوتك عشان احنا في مستشفي
أدهم: حاضر اديني وطيت صوتي ممكن تفهميني بقي
ياسمينا بتنهيدة: انا ومصطفي كنا مرتبطين وكنا المفروض هنتخطب لحد ماظهرت هند في حياتنا فجأة ومن يوم أما ظهرت وكل حاجة باظت انا مكنتش اعرف انهم يعرفوا بعض هند جت بقت معانا في المكتب واتعرفنا وبقينا زمايل عادي مفيش مشكلة لحد في يوم لقيتها بتكلمني تعزمني علي خطوبتها وروحت الخطوبة عادي واتفاجئت هناك إن العريس يبقي مصطفي حسيت ساعتها قلبي اتقسم اتنين ومابقتش عارفة اعمل ايه ولا اتصرف ازاي يإما امشي يإما اقعد وخصوصا إن مصطفي ابن خالة احمد يعني كنا كلنا هناك حاولت اهدي وحاولت اسيطر علي نفسي عشان مايبانش عليا اي حاجة ونجحت في دة فضلت اكتر من شهر انا مش عارفة ارجع لحياتي الطبيعية ولا اعيش زي الاول لحد اما قابلتك جيت اتقدمتلي ..عرفت بقي انا ساعتها رفضت ليه !! رفضت عشان مكنش فيا مكان للوجع تاني وخوفت اظلمك معايا ومقدرش اديك نفس الحب .. خصوصا إن كنت لسة طالعة من علاقة حب فاشلة يعني أثرها لسة موجود طبيعي ..بس اقولك علي حاجة لأول مرة اقولها لحد ..أما حصل اللي حصل دة مش هضحك عليك واقولك مانهارتش وكنت سترونج لا اكيد زعلت والموضوع أثر فيا كام يوم بس بعد كدة فكرت بالعقل والمنطق وقولت طيب ماهو دة نصيب وافتكرت ربنا وهو بيقول " وإذا رضيت ياعبدي بما قسمته لك ارحت قلبك وبدنك وكنت عندي محمودًا وإن انت لم ترضى بما قسمته فعزتي وجلالي لاسلطن عليك الدنيا تركض فيها ركض الوحوش في البارية ثم لايكون لك منها إلا ماقسمته لك" ودة معناه انك لو رضيت باللي ربنا اختاره ليك هيزيدك ولو اعترضت هتتعب في الدنيا وبرضو مش هتاخد غير اللي مكتوبلك ..فحسيت انها رسالة من ربنا اني اصبر وربنا هيعوضني وصبرت ورضيت بنصيبي ..وبقيت أصلي وادعي ربنا يشيل حبه من قلبي وصبرت لحد اما انت جيت وتممنا الخطوبة حسيت إن ربنا بيعوضني وكانت رسالة قوية اوي إن اللي عاوزك بجد هيجيلك من الباب مش من ورا الستارة وطعم الحلال أحلي بكتير
أدهم: أنا آسف اني فكرتك ..وربنا يقدرني واسعدك واعوضك عن كل حاجة
ياسمينا: ربنا يخليك ليا وجودك جمبي ومعايا اكتر حاجة قادرة أنها تفرحني
أدهم: بحبك
ياسمينا: وانا كمان اوي
٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭٭
حسين: حمد لله علي سلامتك يابني
أحمد: الله يسلمك ياعمي
شاهين: حمد لله علي سلامتك ياحبيبي ربنا يتم شفاك علي خير يارب
أحمد: الله يسلمك يابابا
شاهين: عامل ايه دلوقتي !!
أحمد: الحمد لله احسن
شاهين: الحمد لله
حسين: ربنا يطمننا عليك يارب
أحمد: انا كنت عاوز اتكلم معاكم في موضوع كدة بما انكم كلكم موجودين
سوسن: موضوع ايه ياحبيبي دلوقتي انت تعبان
شاهين: سيبيه ياسوسن ..قول يا احمد موضوع ايه خير !!
أحمد: كتب كتابي انا وملك
شاهين: ماله كتب كتابك انت وملك !!
أحمد: كتب كتابنا كان المفروض كمان شهرين تقريبا من دلوقتي فأنا كنت عاوز آجله شوية لحد اما اقدر اقف علي رجلي من تاني واكون بدأت ابقي كويس عشان الحادثة مش هتاخد أقل من ٦ ولا ٧ شهور عشان ارجع تاني
ملك: وليه يااحمد نأجل خلينا في معادنا عادي
أحمد: عشان اكون بقيت كويس بس
ملك: لا كتب الكتاب في معاده عادي مش هنأجل
أحمد: انتي بتهزري ياملك ايه اللي بتقوليه دة
ملك: لا مش بهزر
احمد: وهنعمل الفرح ازاي بقي وانا كدة !! بقول عشان الحادثة تخف مش اقل من ٦ ولا٧ شهور وانتي تقولي نكتب في معادنا
ملك: لا ماحنا مش هنعمل فرح ..هنأجل الفرح شوية
أحمد: انتي بتقولي ايه !! انتي اكيد بتهزري
ملك: عشان خاطري اسمعني وكلكم اسمعوني
أحمد: مش هسمع حاجة أللي بتقوليه دة مش هيحصل
ملك: أللي يخلينا نأجل كتب الكتاب دلوقتي لا نعمله في معاده ونتمم الموضوع من غير تأجيل ولا حاجة ..انا مش هقدر مابقاش جمبك في الظروف دي لازم اكون معاك في حاجة زي كدة مش هقدر اسيبك وانت كدة وانا بعيد عنك صدقني يا احمد ..فالحل اننا نكتب الكتاب في معاده
أحمد: ياحبيبتي مانتي معايا اهو ..وبعدين نكتب كتاب دلوقتي وتفضلي بعيد دة كله لحد الفرح اكتب كتاب قبل الفرح ب٦ولا٧ شهور ليه !!
ملك: مين قال إن هكون بعيد !! احنا نكتب الكتاب وبعد كتب الكتاب نطلع علي شقتنا ومش لازم فرح في الظروف دي .. احمد عشان خاطري اسمحلي ولو لمرة واحدة اكون جمبك واقف معاك عشان خاطري توافق بقي
أحمد: اتكلموا انتو بقي
ملك: ياحبيبي احنا نكتب الكتاب وعلي الضيق كدة ونفرح وابقي معاك في ظروفك دي وإن شاء الله أما تبقي كويس نبقي نعمل فرح براحتنا ونفرح كلنا ويبقي الفرحة فرحتين فرحة فرحنا وفرحة رجوعك بالسلامة .. خليني معاك في وقت زي دة صدقني انا مش هقدر ابقي عارفة انك تعبان وانك كنت هتروح مني وابقي بعيد عنك مش هقدر اتحمل بعدك عني وانت تعبان وأللي يخلينا نأجل نكتب احسن انا عاوزة ابقي معاك وجمبك في الفترة دي عشان خاطري
سوسن: انتي بنت اصول ياملك يابنتي ربنا يباركلك يارب
شاهين: والله انا ماعارف اقول ايه
أحمد: مفيش حاجة من الهبل دة هيحصل
ملك ببكاء وبعض العصبية: ليه دايما رافض اني أقف جمبك ليه دايما مش عاوزني اكون جمبك في أزماتك !! انت ليه مش حاسس بيا ولا بقلبي اللي بيتقطع كل يوم عليك ..انا دخلت في غيبوبة اما سمعتهم بيقولوا قلبك وقف وكنت هموت عاوزني ازاي اتحمل اني ابقي عارفة انك فيك حاجة وانا بعيد عنك !! واجبي اني هبقي مراتك اني ابقي معاك في الظروف دي مش بعد الظروف دي ..وتركتهم وذهبت تبكي بشدة
شاهين: ليه كدة يابني
أحمد: والله كل دة عشان بحبها
سوسن: وهي كمان بتحبك اوي يا احمد وعشان كدة عاوزة تقف جمبك
أحمد: ماشي تقف جمبي بس لازم يتعملها اكبر فرح وتفرح هي من حقها تفرح
سهير: ملك بنتي انا عارفاها كويس ولا يفرق معاها فرح ولا غيره اد مانت فارق معاها انا اول مرة اشوف بنتي في الحالة دي من يوم اللي حصل وهي علي الحال دة عياط وبس فعشان كدة هي عاوزة تبقي جمبك وقت ضعفك عشان تسندك
أحمد: بس هكون بظلمها معايا كدة وهي مالهاش ذنب في حاجة
سهير: كل ذنبها انها حبيتك وأللي بيحب بيضحي وبيفضل جمب أللي بيحبه وهي دي الاصول يابني
أحمد: يعني المفروض اعمل اللي بتقول عليه دة !!
سهير: هي كلامها صح مالوش لزوم التأجيل خصوصا في الظروف أللي زي دي لانها من حقها أنها هتبقي مراتك تبقي معاك في الفترة دي ..انتو تكتبوا الكتاب في معاده عادي ومالوش لزوم التأجيل
أحمد: واكتب الكتاب من دلوقتي والفرح لسة بدري عليه علي بال أما اقوم !!
سوسن: تكتبوا الكتاب وملك تيجي معاك وأما تقوم بالسلامة ابقوا اعملوا الفرح ..دة كان قصدها بدل أما نأجل تاني
أحمد: ربنا يقدم أللي فيه الخير
٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭
مريم تجلس وسمعت جرس الباب يدق فذهبت لتري من الذي اتي فتتفاجئ بوجود كريم
كريم: وحشتيني
مريم: .......