أعطيت لحبك فرصة فخدعتني
الفصل الرابع
كنا قفلنا الفصل أللي فات ع إن ياسمينا كانت خارجة من الشركة مع منال صحبتها
وأما خرجت قدام باب الشركة واقفة مستنية مواصلات عشان تروح فجأة لقت حد بينده عليها ف دهشة وتعجب وكنا قولنا ي تري مين أللي نده ع
ياسمينا تعالوا يلا نكمل مع بعض ونشوف اي أللي هيحصل★قراءة ممتعة★
★★★★★صباح وحيد★★★★★
ياسمينا بصدمة: صاااافي !! معقولة أنتي !!
صافي وقد اندفعت إلي ياسمينا لتحتضنها بقوة: وحشتيني اوي ي ياسو والله
ياسمينا وهي تبادلها الحضن: أنتي أكتر والله وحشاني أوي ووحشتني القاعدة معاكي
صافي: حبيبتي ي ياسو بس قوليلي انتي بتعملي ايه هنا ولا جاية منين كدة !!
ياسمينا بإبتسامة: أنا بشتغل هنا ي صافي ف الشركة دي شركات المهدي
صافي: ربنا معاكي يارب ي حبيبتي ويوفقك انتي تستاهلي كل خير..انا اخ.. قاطعها صوت رنين هاتفها قائلة: ثواني أرد ع ماما
ياسمينا: تمام وسلميلي ع طنط كتير
منال: مين دي ي ياسمينا !!
صافي:معلش ماما كانت بتطمن عليا بس
ياسمينا: ولا يهمك..اعرفك بقي دي منال صحبتي معايا هنا ف الشغل ودي صافي صحبتي من ايام الثانوي ي منال
منال بإبتسامة: أهلا وسهلا اتشرفت بمعرفتك ي صافي
صافي بإبتسامة: الشرف ليا اكيد ي منال
ياسمينا: قوليلي بقي انتي هنا ليه وبتعملي ايه وجاية منين كدة ها
صافي بضحك: ايه كل دة حاضر هقولك أهو كل حاجة..بصي ي ستي انا كنت هنا بجيب شوية حاجات كدة ف مول قريب من هنا كدة بعد الشركة كدة بشوية فقولت أما انزل اتفرج فيه كدة واجيب شوية حاجات بقي واديني مروحة اهو
ياسمينا: هههههه كدة براءة خلاص
صافي: ههههههه الحمد لله..انا لازم امشي بقي عشان اتأخرت واتشرفت وسعيدة بمعرفتك ي منال ومبسوطة أوي أني شوفتك بجد ي ياسمينا وإن شاء الله تتعوض تاني ونتقابل ونخرج بقي مع بعض
منال: ربنا يخليكي انا اسعد
ياسمينا: حبيبتي انا اتبسطت اكتر والله اني شوفتك وخلي بالك من نفسك وإن شاء الله هكلمك كدة ونظبط يوم مع بعض ننزل فيه
صافي: إن شاء الله ي حبيبتي..وخلي بالك من نفسك بقي وسلميلي ع ملك كتير بقي
ياسمينا: حاضر ي حبيبتي الله يسلمك يوصل
وسلمت ياسمينا ع صافي ليودعا بعضهما ع وعد بينهما أنهما سوف يلتقيا مرة أخري بإذن الله وسلمت صافي ع منال وذهبت
★★★★★ صباح وحيد ★★★★★
طبعًا عارفة السؤال أللي بيدور ف دماغكم دلوقتي صافي وياسمينا يعرفوا بعض ازاي ومنين ؟! ومصطفى ماشفهمش وهما واقفين مع بعض؟! مش كان واقف مستني حسام صاحبه برة؟! هجاوب ع كل الأسئلة أللي ف دماغكم دي دلوقتي حاضر 😂
أولاً: ياسمينا وصافي صحاب من ايام الثانوي وكانوا مع بعض طول الوقت وطبعًا جت الكليات فرقتهم ياسمينا دخلت كلية الهندسة وصافي دخلت كلية الصيدلة
ثانيًا بقي: مصطفي ماشفهمش وهما واقفين مع بعض عشان كان طلع الشركة يشوف حسام صاحبه أتأخر لي كدة ومانزلش لي لحد دلوقتي.. تعالوا يلا نشوف مع بعض..😂
★★★★★ صباح وحيد ★★★★★
مصطفي: ايه ي بني بتعمل اي دة كله !!
حسام: معلش اتأخرت عليك شوية بس كنت بشطب الشغل والله واديني خلصت خلاص أهو كان شغل كتير
مصطفي: شوية بس قول شويتين تلاتة أربعة خمسة كدة..خليك كريم كدة
حسام بضحك: ههههه خلاص ي عم المهم اديني خلصت اهو خلينا نروح بقي
مصطفي بضحك: ي بني انا شخصية مهمة ورايا مشغوليات ومسؤليات كتير مش فاضي
حسام بضحك: اه مانا عارف انك مهم فعلاً وماعندكش وقت ودة كرم أخلاق منك انك قاعد معانا عادي كدة وواقف معايا وأي حد يتمني أنه يشوفك بس صح
مصطفي بضحك: هههههه فصلتني ضحك لا ناصح وكويس انك عارف ي بني احمد ربنا اني واقف معاك
حسام بضحك: لا امشي ي عم انت هتذلني ولا ايه وبعدين ليه يعني رئيس الوزراء حضرتك يعني ولا ايه
مصطفي: ي بني رئيس وزراء ايه بس دة تحت ايدي
حسام: يلا ي مصطفي نروح احسن عشان انت حالتك بقت صعبة اوي الصراحة
مصطفي بضحك: هههههه أنا بقول كدة برضو
★★★★★ صباح وحيد ★★★★★
ملك تدخل من باب البيت تقابلها سهير
سهير: حمد لله ع السلامة ي ملك
ملك: الله يسلمك ي ماما معلش اتأخرت شوية بس كنت مع أحمد والله
سهير: ولا يهمك ي حبيبتي انا كنت قلقت بس عشان ماتصلتيش تعرفيني
ملك: انا اسفة ي ماما معلش والله..بس هي جت فجأة كدة والله
سهير: ولا يهمك ي حبيبتي اهم انك كويسة وبخير
ملك: ربنا يخليكي ليا يارب ي ماما..هي ياسمينا لسة ماجتش ولا اي ؟!
سهير: لا لسة هي بتخلص شغل ع ٥:٠٠ كدة وع بال أما تيجي فيها ل ٦:٠٠ بقي ولا حاجة..تلاقيها زمانها جاية ف الطريق
ملك وقد رن هاتفها: طيب ي ماما انا هبقي اكلمها كدة اشوفها عن اذنك
سهير: اتفضلي ي حبيبتي
أحمد: حمد لله ع السلامة ي ست البنات
ملك بإبتسامة: الله يسلمك ي زين الشباب..روحت ولا لسة !!
أحمد: هههههه زين الشباب مرة واحدة..اه داخل ع البيت أهو خلاص نص ساعة كدة
ملك: ههههههه اه طبعًا مش أنت بتقولي ست البنات يبقي أنا كمان لازم أقولك ي زين الشباب..توصل بالسلامة إن شاء الله
أحمد: هههههه عشان انتي ف عيني فعلاً ست البنات
جهزي نفسك بكرة هنتغدي مع بعض بعد الشغل عرفيهم ف البيت بقي عشان مايقلقوش
ملك: ربنا يخليك ليا..ايه دة ليه في ايه ؟!
أحمد: وهو عشان اعزم خطيبتي ع الغدا لازم يبقي ف سبب ولا اي؟! عشان عاوز اقعد معاكي لازم يبقي ف سبب
ملك: ههههه لا خلاص حاضر هقول ماما واعرفها عشان ماتقلقش زي النهاردة
أحمد: تمام..انا قولت اكلمك واقولك عشان مانساش وترتبي نفسك بقي
ملك: تمام هقول ماما واعرفهم ف البيت حاضر
★★★★★ صباح وحيد ★★★★★
تدخل ياسمينا من باب البيت
ياسمينا: طابخلنا ايه النهاردة ي ست الكل اي الروايح الحلوة دي بس شماها من ع أول الشارع وانا جاية
سهير بضحك: هههههه كلي بعقلي حلاوة ي بت
ياسمينا: وأنا أقدر برضو ي ست الكل..ملك جت ولا لسة؟!
سهير: اه لسة جاية أهي بقالها بتاع ربع ساعة كدة تقريبًا ودخلت ع اوضتها
ياسمينا: لسة جاية دلوقتي؟! اتأخرت لي كدة مش عوايدها أما أدخل اشوفها كدة
سهير: ماشي ي حبيبتي وع بال أما تغيري هدومك كدة وتصلي يكون الأكل جهز إن شاء الله
قبّلت ياسمينا والدتها ودخلت لتطرق باب الغرفة ع ملك
ياسمينا: ست ملك هانم قاعدة وقافلة ع نفسها ليه كدة ولسة بهدوم الشغل مش معقولة ومش عوايدها تتأخر كدة ف الشغل
ملك: ثواني ي أحمد خليك معايا..ايه ي بنتي في ايه خضتيني مش شايفاني بتكلم في التليفون
ياسمينا بضحك: اتخضيتي بجد ههههههه أنا آسفة ي ستي ومخدتش بالي انك بتتكلمي في التليفون قوليلي بقي بتكلمي مين
ملك: هكون بكلم مين يعني بكلم أحمد
ياسمينا: وانا اش عرفني قولت يمكن بتكلمي حد من صحابك عشان احمد كان لسة معاكي ف الشغل
ملك: لا ي ستي مش بكلم حد من صحابي بكلم أحمد عرفتي وارتاحتي كدة
ياسمينا: سلميلي عليه طيب
ملك: حاضر الله يسلمك.. ياسمينا بتسلم عليك ي أحمد
أحمد: الله يسلمها سلميلي عليها
ملك: الله يسلمك.. أحمد بيسلم عليكي ي ياسمينا
ياسمينا: الله يسلمه..انتي هتشتغلي مرسال هاتي أكلمه واسلم عليه احسن
ملك: أنا عارفة مادام جيتي لازم ترخمي عليا ومتخلنيش أعرف اتكلم..خد ي احمد ياسمينا عاوزة تكلمك وتسلم عليك بنفسها..خدي أهو ي أخرة صبري
ياسمينا: السلام عليكم...ازيك ي أحمد عامل ايه؟!
أحمد: وعليكم السلام...الحمد لله تمام ي ياسمينا أنتي عاملة ايه ؟!
ياسمينا: انا اهو الحمد لله بخير..خطيبتك دي عصبية اوي ي عم ايه دة مش ناويين بقي تتجوزوا وتخلصونا
أحمد بضحك: ههههههه يلا وايدي علي كتفك اهو
ياسمينا بضحك: ههههه لا أنت شكلك مستعجل اوي
أحمد بضحك: ههههه اه اوي الصراحة
ياسمينا بضحك: ههههه طيب يلا انجزوا بقي عشان تاخدها وتخلصنا منها بقي ونفرح فيكم قصدي بيكم ههههه
أحمد: هههههه ياريت اخدها من دلوقتي والله..تفرحوا فينا ولا بينا مش هتفرق المهم نبقي مع بعض
ياسمينا: لا أنا بهزر أنت صدقت ولا ايه دي حتة مني مقدرش استغني عنها واعيش من غيرها
أحمد: ربنا يخليكم لبعض يارب..بس انا كدة كدة هاخدها أصلاً ههههه
ياسمينا: هههههه ربنا يخليك يارب ويخليكم لبعض ويتمملكم ع خير يارب..اه مانا عارفة ومش متخيلة بصراحة أنها تبعد عني وأنه هاييجي اليوم أللي تتجوز فيه وتمشي وتسيبني
أحمد: أنتي تيجي تنوري اي وقت ي ياسمينا وتقعدي معاها براحتك البيت بيتك اي وقت
ياسمينا: ربنا يخليك يارب ي أحمد..اتفضل ملك معاك اهي
ملك: أيوة ي أحمد رخمت عليك شوية معلش
أحمد بضحك: هههههه لا براحتها ربنا يخليكم لبعض يارب ي حبيبتي
ملك: ويخليك ليا يارب.. دي عينيها دمعت أما قولتلها بس أنا كدة كدة هاخدها أصلاً وعشان كدة راحت مدياني التليفون
أحمد: اوعي تكون زعلت مني أو اكون قولت حاجة زعلتها من غير أما اقصد مقصدش ازعلها
ملك: لا مش كدة ي أحمد هي مش زعلانة منك.. بص ياسمينا متعلقة بيا أوي ففكرة جوازي دي وأني ممكن ييجي اليوم أللي اتجوز فيه وابعد عنها هي مش مستوعباها أصلاً ومش متخيلة إن ممكن حد ياخدني منها فاهمني !!
أحمد: اه فاهمك..ربنا يخليهالك يارب ويخليكم لبعض ويديم المحبة بينكم ومايفرقوش عن بعض أبدًا يارب
ملك: اللهم أمين يارب ربنا يخليك..ويخليك ليا يارب
أحمد: ويخليكي ليا يارب ي حبيبتي
ملك: يارب..روحت ولا لسة؟!
أحمد: اه ي حبيبتي روحت اهو بقالي بتاع خمس دقايق أما كنت بكلم ياسمينا كنت لسة داخل البيت
ملك: حمد لله ع السلامة ي حبيبي
أحمد: الله يسلمك ي حبيبتي..سلميلي ع طنط كتير بقي وكل أللي عندك
*ملك:* حاضر الله يسلمك يوصل وانت كمان سلملي ع كل أللي عندك
أحمد: حاضر الله يسلمك..مش عاوزة حاجة ؟!
ملك: لا سلامتك وخلي بالك من نفسك.
أحمد: حاضر ي حبيبتي الله يسلمك.. يلا مع السلامة
★★★★★ صباح وحيد ★★★★★
ياسمينا وكانت قد أنهت صلاتها
ملك: حرمًا ي ياسمينا
ياسمينا: جمعًا إن شاء الله ي حبيبتي
ملك: أقدر أعرف بقي كنتي بتعيطي ليه وعيونك الحلوة دي ليه دمعت فجأة كدة وانتي بتكلمي أحمد ؟!
ياسمينا وقد نهضت لتجلس ع السرير: مفيش حاجة ي لوكا والله ماتقلقيش
ملك: لا عينيكي دمعت ليه قالك حاجة زعلتك؟!
ياسمينا: لا بالعكس خالص والله ماقالش حاجة تزعلني خالص والله
ملك: اومال في ايه بقي؟! انتي عارفة محبش اشوف دموعك
ياسمينا وقد تجمعت الدموع في عينيها: أصل حسيت إن ف حد هيقدر ياخدك مني وأنه ليه فيكي اكتر مني.. هاييجي اليوم أللي تمشي وتسيبيني فيه عارفة ع اد مانا مستنية اليوم دة ييجي عشان اشوفك بالفستان الابيض بس وأشوف ضحكتك وفرحتك ع وشك بس واشوفك فرحانة من قلبك بجد علي اد مانا مش عاوزاه ييجي عشان ماتسبنيش وتمشي وابقي لوحدي
ملك بدموع: مفيش حد يقدر ياخدني منك انتي فاهمة !! انتي عارفة أنتي عندي ايه ومقدرش استغني عنك ولا اقدر ابعد عنك..ومحدش ليه فيا اكتر منك ومحدش هيوصل لنفس مكانتك
ياسمينا بدموع: ربنا يخليكي ليا يارب.. بس أنا مش متخيلة أنه ممكن ييجي اليوم دة اليوم أللي اصحي فيه اجي رايحة شغلي مالاقكيش وارخم عليكي ونفطر مع بعض قبل أما ننزل.. أللي ابقي راجعة من شغلي مالاقكيش مستنياني ع الغدا مش متخيلة أني ممكن أقدر أعيش من غيرك لحظة مش متخيلة أني ممكن أنام من غير أما اتكلم معاكي واحكيلك كل حاجة حصلت معايا طول اليوم بالتفصيل وأخد رأيك في حاجات كتير مش متخيلة أني هنام كل يوم لوحدي بليل وأنتي مش معايا مش متخيلة يومي من غيرك وحياتي من غيرك هتبقي عاملة ازاي .. مش متخيلة البيت من غيرك هيبقي فاضي ازاي .. بس هي دي الدنيا وهي دي سُنة الحياة
ملك بدموع وقد أسرعت إلي اختها لتحتضنها: ياه أنتي طلعتي بتحبيني اوي كدة بتحبيني الحب دة كله. بصيلي هنا ي ياسمينا مهما حصل مستحيل أقدر ابعد عنك أو استغني عنك أنتي فاهمة !! مستحيل حاجة تاخدني منك او حد ياخدني منك حتي لو كان أحمد أنا معنديش أغلي منك ف الدنيا وف حياتي أنتي أختي وبنتي وصحبتي وكل حاجة ليا ف الدنيا وهتفضلي أقرب واحدة ليا حتي بعد جوازي هتفضل معزتك ف قلبي زي ماهي ومفيش حاجة هتتغير وهنفضل مع بعض زي ماحنا ومفيش حاجة هتفرقنا عن بعض أبدًا انتي فاهمة ولا لا !! احنا اخوات كبرنا مع بعض مرينا بالصعب والسهل مع بعض بالحلو والوحش مع بعض فتحت عينيا لقيتك معايا مش جوازي هو أللي يبعدني عنك مفيش قوة ف الدنيا تقدر تبعدني عنك غير الموت .. امسحي دموعك دي بقي يلا ومش عاوزة اشوفها تاني عشان دموعك غالية عليا واضحكي بقي كدة عشان انتي ضحكتك حلوة ومينفعش تداريها وانا بحبها
ياسمينا ببكاء وقد ارتمت في حضن اختها: بعيد الشر عليكي..أنا بحبك اوي ربنا يخليكي ليا يارب ومايبعدكيش عني أبدًا يارب
ملك بإبتسامة وهي تمسح دموع ياسمينا: قولنا ايه بقي بلاش عياط عشان دموعك دي غالية عندي اوي .. ربنا يخليكي ليا يارب ي أغلي حاجة موجودة في حياتي..ويلا قومي بقي اغسلي وشك عشان نتغدي
سهير وكانت واقفة بالصدفة تستمع إليهم وقد تجمعت في عينيها الدموع: ربنا يخليكم لبعض يارب ي حبايبي ويخليكم ليا ولا يحرمني منكم أبدًا يارب ويحفظكم
ملك وياسمينا وقد أسرعا إلي والدتهما يحتضناها: ويخليكي لينا يارب ولا يحرمنا منك أبدًا يارب ي ست الكل ي أعظم أم ف الدنيا كلها والعالم كله
سهير وهي تحتضن بناتها: ويخليكم ليا يارب ويباركلي فيكم يارب ي أغلي حاجة ف حياتي.. يلا بقي عشان نتغدي الغدا جهز أهو
★★★★★ صباح وحيد ★★★★★
في فيلا أدهم المهدي
محمود: أدهم..تعالي ي بني عاوزك
أدهم: نعم ي بابا اتفضل تحت أمر حضرتك
محمود: الأمر لله وحده ي بني .. طمني ايه اخبار مشروعك وايه اخبار الشغل والشركة
أدهم: كله تمام ماتقلقش ي بابا وبالنسبة للمشروع لسة مدة التسليم أللي استلمه من الموظفين ع الاسبوع الجاي وادرسه كويس إن شاء الله
محمود: إن شاء الله ربنا يقويك يارب ي بني ركز ي أدهم كويس اوي الايام دي مش عاوزين نخسر المشروع دة ويضيع من إيدينا
أدهم: ماتقلقش ي بابا إن شاء الله خير وماتقلقش انا بعمل كل جهدي عشان المشروع دة
محمود: ربنا يباركلك ي بني.. كنت عاوز اتكلم معاك ف موضوع تاني كدة
أدهم: اها طبعًا اتفضل ي بابا
محمود: مش ناوي بقي تريح قلبي انا وامك عليك ي بني وتطمنا عليك عاوزين نفرح بيك بقي ونشيل عيالك
أدهم: لسة ماجاش الوقت المناسب ي بابا المسألة كلها مسألة وقت وحكاية نصيب وانا لسة نصيبي ماجاش استعجل عليه ليه بقي !! كل حاجة مترتبة وهاتيجي ف وقتها ي بابا بس احنا نصبر ومانستعجلش
محمود: لحد أمتي ي بني هتفضل كدة عاوزين نفرح بيك ونطمن عليك
أدهم: لحد اما ربنا يريدو إن شاء الله ي بابا بس زي ماقولت لحضرتك هي الحكاية كلها نصيب والنصيب لسة مجاش
سميحة: بصراحة بقي ي أدهم ابوك عنده حق عاوزين ي بني نفرح بيك ونطمن عليك هتفضل واجع قلبي كدة لحد أمتي نفسي اشيل عيالك قبل ماأموت ي بني واطمن عليك
أدهم وهو يقبل يد والدته: بعيد الشر عليكي ي ست الكل وربنا يديكي طولة العمر يارب ي ماما ويخليكي ليا
سميحة: ي حبيبي ويخليك ليا يارب عاوزين نفرح بقي ي أدهم نفسي اطمن عليك ي حبيبي
أدهم: يعني أنا ي ماما كنت لقيت بنت الحلال وقولت لا..وبعدين انتي شكلك عاوزة تخلصي مني ولا ايه بقي !! وبعدين ي ستي انا عاوز افضل قاعد معاكي مقدرش ابعد عنك ي ست الكل
سميحة: هههههه ي واد ي بكاش أنت بتاكل بعقلي حلاوة وبعدين البنات كتير بس أنت شاور
أدهم: ههههه وأنا أقدر برضو ي ست الكل أكل بعقلك حلاوة..ماتستعجليش ي ماما كل حاجة بتيجي ف وقتها وهي وقتها لسة مجاش
★★★★★ صباح وحيد ★★★★★
ياسمينا: الحمد لله..تسلم ايدك ي ماما
سهير: تسلمي ي حبيبتي بس أنتي كدة لحقتي كلتي اقعدي كملي أكلك يلا
ياسمينا: اه كلت والله ي ماما لحد اما شبعت الحمد لله الاكل كان جميل تسلم ايدك ي ست الكل
سهير: بألف هنا وشفا ي حبيبتي
ياسمينا: الله يهنيكي ي ماما..انا هدخل بقي اتوضي وأصلي المغرب عشان اقعد أكمل شغل المشروع بقي عشان ألحق أسلمه ف ميعاد التسليم
سهير: ربنا معاكي يارب ي حبيبتي ويوفقك
ياسمينا: اللهم أمين يارب ي ماما ادعيلي
سهير: بدعيلك ف كل وقت ي حبيبتي ربنا يوفقك
ياسمينا: ربنا يخليكي ليا يارب ي ست الكل ويديملي دعائك.. عن اذنكم بقي عشان ألحق أصلي واشتغل فيه
حسين: اتفضلي ي بنتي ربنا معاكي يارب ويوفقك
ياسمينا: يارب ي بابا ربنا يخليك ليا يارب
حسين: ويخليكي لينا يارب ي حبيبتي
★★★★★ صباح وحيد ★★★★★
صافي: ماما..ي ماما..أنتي فين تعالي اوريكي الحاجة اللي جبتها.. ي سوسو..
سامية: نعم.. نعم..ي صافي ف اي؟! اي الدوشة أللي انتي عاملاها دي
صافي: اخس عليكي ي سوما بقي انا بعمل دوشة الحق عليا أني عاوزة اوريكي الحاجة أللي جبتها النهاردة وافرجك عليها وأخد رأيك فيها
سامية: هههههه وريني ي لمضة جبتي اي مانا عارفة أني مش هخلص معاكي
صافي: لمضة !! مقبولة منك ي سوسو تعالي نقعد وأورهالك ي ماما
سامية: حلوين اوي ي صافي هما دول من المول اللي لسة فاتح جديد !!
صافي: أيوة هو دة ومش هتصدقي قابلت مين وانا مروحة
سامية: قابلتي مين ي ستي !!
صافي: ياسمينا صحبتي ف الثانوي أنا اتفاجئت أول أما شوفتها
سامية: قابلتيها ف المول ولا ايه !!
صافي: لا ي ماما قابلتها ورا المول عند شركات المهدي كدة
سامية: شركات المهدي !! مش دة عند شغل اخوكي تقريبا !! وهي كانت هناك بتعمل ايه !!
صافي: اه ي ماما هو شغل مصطفي هي بتشتغل هناك أصلاً ي ماما
سامية: اه ماشاء الله ربنا يوفقها يارب هي طيبة وتستاهل كل خير.. ي سلام لو تبقي من نصيب مصطفي اخوكي مش هسيبها أبدًا وهي كويسة وبنت حلال ومحترمة وعارفينها
صافي: اه ي ماما والله ياريت مصطفي يشوفها ويقعدوا مع بعض يمكن تعجبه وتطلع من نصيبه إن شاء الله
سامية: اخوكي دة واجع قلبي علطول كدة وكل أما اجي أكلمه ولا افتح معاه الموضوع دة يقولي لسة شوية ي ماما ماتستعجليش كل حاجة ف وقتها انا مش حاطط ف دماغي دلوقتي ي ماما تعبت معاه مش عارفة اعمل معاه اي ولا اتصرف معاه ازاي نفسي افرح بيه واطمن عليه
صافي: مايمكن ي ماما حاطط عينه ع حد ومش عاوز يقول ولا حاجة وعشان كدة هو دة أللي مخليه رافض الفكرة دي فكرة الجواز
سامية: معرفش والله ي صافي ييجي يقولي طيب ويريح قلبي ونروح نخطبهاله
صافي: إن شاء الله تطمني عليه ي ماما وتفرحي بيه. اسيبك انا بقي عشان اطلع اغير هدومي واصلي
سامية: ماشي ي حبيبتي وعقبال أما تخلصي يكون العشا جاهز بإذن الله
صافي وهي تقبل والدتها: أما نشوفك عاملالنا ايه علي العشا النهاردة بقي ي سوسو
وهنا كان قد دخل مصطفي
صافي: وادي مصطفي جيه اهو ي ستي
سامية: حمد لله ع السلامة ي مصطفي
مصطفي: الله يسلمك ي ماما
سامية: ع بال أما تغير هدومك وتصلي هيكون العشا جاهز نقعد نتعشي كلنا مع بعض
مصطفي: حاضر ي ماما
★★★★★ صباح وحيد ★★★★★
شاهين: حمد لله ع سلامتك ي أحمد اتأخرت ليه كدة ي بني !!
أحمد: الله يسلمك ي بابا.. مفيش ي بابا كنت مع ملك قعدنا شوية وعقبال أما روحتها بقي وجيت علطول أهو
سوسن: يلا ي أحمد قوم غير هدومك وصلي عشان تتعشي
أحمد: حاضر ي ماما عن اذنكم
سوسن: ربنا يقويك ي بني يارب الحِمل تقيل عليك
شاهين: ربنا معاه ويوفقه
سوسن: انا حاسة أحمد كاتم حاجة جواه ومش عاوز يحكي ولا يتكلم وبيحاول يضحك عشان مايحسسناش بحاجة
شاهين: هيكون في ايه بس ي سوسن ممكن يكون إرهاق بس مع ضغط الشغل عليه ماتقلقيش كدة
سوسن: ماقلقش ازاي مش ابني !! لا انا قلبي واجعني عليه وحاسة فيه حاجة مخبيها عليا كأنه شايل هموم الدنيا كلها فوق رأسه لوحده ومش بيحكي لحد حاجة
شاهين: مفيش حاجة ماتقلقيش نفسك لو كان في حاجة كان اتكلم
سوسن: لا قلبي بيقولي فيه حاجة وأنه شايل جواه كتير وساكت والهموم كتيرة عليه ومش قادر يشيلها لوحده انا حاسة بيه دة ابني وانا عارفاه
شاهين: طيب ابقي حاولي اتكلمي معاه وافهمي منه في ايه
سوسن: هتكلم معاه إن شاء الله وافهم ماله عشان اطمن عليه وقلبي يرتاح وربنا يقدم أللي فيه الخير يارب
★★★★★ صباح وحيد ★★★★★
سامية: مصطفي فاضي نتكلم شوية ولا هعطلك عن حاجة !!
مصطفي: لا طبعًا ي ماما مفيش تعطيل ولا حاجة حضرتك تيجي وتتكلمي اي وقت ولو مش فاضي افضيلك نفسي
سامية: ربنا يخليك ليا ي حبيبي
مصطفي: ويخليكي ليا يارب ي ماما
سامية: مش ناوي تريحني بقي وتطمن قلبي
مصطفي: مش فاهمك ي ماما تقصدي ايه !!
سامية: لا انت فاهم انا اقصد ايه كويس..مش ناوي بقي تفرحني بيك وتتجوز واشوفك في بيتك مع مراتك وسط عيالك كدة
مصطفي: الموضوع دة تاني ي ماما هو انا ي ماما كنت لقيتها وبقول لا
سامية: البنات كتير بس أنت شاور ولا تكونش حاطط عينك ع واحدة ومش عاوز تقول
مصطفي: هههههه لا ي ماما مفيش حد ف دماغي اطمني ولو فيه هقولك علطول بس هي الفكرة إن الجواز دة نصيب والنصيب لسة مجاش..ومش عارف أنتي مستعجلة اوي ليه كدة ي ماما
سامية: مستعجلة عشان عاوزة افرح بيك واشيل عيالك وبكرة أما تتجوز ويبقي عندك عيال هتعرف يعني ايه ام تفرح بابنها .. ويارب يريح قلبي واطمن عليك بقي
مصطفي: والله ي ماما ربنا يرزقني ببنت الحلال عشان اقدر افرحك بس..انا مش رافض فكرة الجواز بس هو نصيبي لسة مجاش
صافي: مجتمعين كدة بتقولوا ايه ها !!
سامية: قاعدة مع اخوكي بلاش اقعد معاه يعني
صافي: وانا قولت كدة برضو ي سوسو انتي تقعدي براحتك ي قمر انا بس بسألكم بتتكلموا ف ايه
مصطفي بضحك: ي بت بطلي لماضة بقي وتتحشري في أللي مالكيش فيه
صافي: سامعة ي ماما بيقول ايه يرضيكي كدة وبعدين انا بكلم ماما وعارفة كمان ماما كانت بتكلمك في ايه
مصطفي: ماشي ي لمضة هانم وأما انتي عارفة جاية بتسألي ليه !!
سامية: بطلوا نقار انتو دايما كدة ناقر ونقير
صافي: احنا بنهزر ي ماما
مصطفي: عاوزاني اتجوز ي ماما واسيب صافي اومال مين يناقرني ليل نهار بس ويطلع عيني
سامية: هههههه ربنا يخليكم لبعض يارب وبعدين ماهي صافي مسيرها هتتجوز برضو اتجوز انت بس ومالكش دعوة بيها
صافي: ي ماما دة تلاقيه حاطط عينه ع بت كدة ولا بت كدة ومش عاوز يقولنا دلوقتي وعامل نفسه ملاك
مصطفي: لا ي لمضة مفيش حد ريحي نفسك انتي
صافي: عليا انا برضو ي صاصا دة انا صافي
مصطفي: دة أللي هياخدك امه داعية عليه ربنا يكون في عونه
صافي: ي بني دة انا أللي هياخدني دة أمه داعياله ف ليلة القدر دة انا قمر وكيوت خالص وهادية كدة
مصطفي: داعياله !! قصدك داعية عليه..هادية !! مين دي أللي هادية !! انا هقوم انام احسن قال هادية وكيوت قال بلسانك دة
صافي: ملاحظة عندك اعتراض
مصطفي: انا !! لا خالص ي حبيبتي انا اقدر برضو انتي برضو اختي الصغيرة
صافي: اه بحسب
مصطفي وهو يحتضن أخته: ربنا يخليكي ليا يارب ي حبيبتي ودايما اشوف ضحكتك دي ع وشك وافرح بيكي يارب ويسعدك وبعدين انتي زي القمر ألف مين يتمناكي
صافي: ربنا يخليك ليا يارب ولا يحرمني منك ابدا يارب ي حبيبي ودايما مفرحني كدة
سوسن وهي تحتضن أبنائها: ربنا يخليكم لبعض يارب ويخليكم ليا
★★★★★ صباح وحيد ★★★★★
ملك: مش هتنامي ي ياسمينا ؟!
ياسمينا: انام !! نوم اي بس دلوقتي قاعدة سهرانة ع المشروع اهو بحاول اخلصه
ملك: ربنا معاكي يارب ويوفقك
ياسمينا: يارب ومعاكي ادعيلي
ملك: دي مش محتاجة كلام طبعا.. بس تعالي هنا حساكي غريبة النهاردة كدة عاوزة تحكي حاجة وخايفة أو مش عارفة ف ايه؟!
ياسمينا: ليه بتقولي كدة ي ملك
ملك: حاسة انك عاوزة تحكي حاجة بس مش عارفة حسيت إن فيكي حاجة هتخبي عني؟!
ياسمينا: أنتي عارفة اني لو خبيت عن الدنيا كلها انتي الوحيدة أللي مابعرفش أخبي عنها حاجة وانا فعلا ف حاجة وعاوزة احكيلك واخد رأيك فيها
ملك: طيب احكيلي ف ايه
ياسمينا: حاضر هحكيلك كل حاجة
★★★★★ صباح وحيد ★★★★★
سوسن: أحمد...نمت ي حبيبي !!
أحمد: لا ي ماما تعالي اتفضلي انا لسة مانمتش
سوسن وهي تجلس بجانب ابنها: مالك ي بني فيك ايه احكيلي !!
أحمد بإبتسامة: مفيش ي ماما انا كويس في ايه بس !!
سوسن: لا ي أحمد أنت مش كويس أنت كاتم جواك ومش بتحكي عشان ماتقلقنيش انا عارفة بس أنت لو قدرت تمثل ع الدنيا كلها انك كويس انا الوحيدة أللي مش هتقدر تمثل عليها ولو الدنيا كلها صدقت انك كويس عشان بتضحك وتظهر عكس اللي جواك وتكتم جواك أنا الوحيدة اللي مش هصدق ومش هتعرف تمثل عليا انك كويس وانت مش كويس تعرف ليه !! عشان انا امك يعني بحس بيك وبحس بوجعك من غير ماتحكي وتتكلم
أحمد بدموع وهو يرتمي بحضن والدته: ربنا يخليكي ليا يارب ي ماما ومايحرمنيش منك أبدًا يارب
سوسن وهي ترفع وجه ابنها وتمسح دموعه: دموعك دي مش عاوزة اشوفها تاني لأن دموعك دي غالية اوي..احكيلي بقي مالك في ايه ايه أللي مضايقك كدة !!
أحمد: الحكاية ومافيها ي ماما كل مادا والحِمل بيزيد عليا ومش عارف اعمل ايه تعبت من كتر مانا متحمل لوحدي وساكت ومش بحكي عاوز حد يشيل معايا شوية عارفة ي ماما حاسس بإيه؟؟ حاسس أني تايه أو ف نص البحر ومش عارف اوصل للشط عشان اطلع مليون حاجة ف دماغي ملغبطاني حاسس بلغبطة تعبت ي ماما من كتر التفكير تعبت من التفكير ف الشغل والجواز وترتيبات الجواز ولسة الشقة اللي عاوزة تتوضب أللي ع الطوب الاحمر وطبعا عشان تخلص محتاجلها وقت كبير وفلوس وانا مش عارف اجيب منين ولا هتلحق تخلص أمتي وكل دة تحت ضغط إن كل حاجة لازم تخلص قبل سنة وغير لسة الشبكة والخطوبة وترتيبات الجواز بقي ومشاكل الشغل وضغط الشغل وضغط من كل حتة كل دة مع بعضه ي ماما عملي لغبطة خلاني مش عارف اعمل ايه ولا اتصرف ازاي
سوسن وهي تحتضن ابنها: ياه ي أحمد كل دة جواك وساكت مش بتحكي طيب تعالي احكيلي وفضفض معايا ي حبيبي دة أنا أمك واكتر حد هيحس بيك
أحمد: حتي لو حكيت ي ماما الحكي هيفيد بإيه ماهو الحكي لو كان بيجيب نتيجة وبييجي بفايدة مكناش بطلنا حكي عن أللي جوانا والوجع أللي حاسين بيه وحتي لو كان بييجي بفايدة مكناش هنلاقي أللي يفهمنا ويحس بينا حتي لو لقينا أللي يفهمنا مش هنلاقي أللي يحس بينا وبوجعنا ولو حتي كنا لقينا أللي يحس بينا وباللي جوانا مكناش هنلاقي أللي يفهمنا ويفهم الاحساس اللي جوانا
سوسن: ايه الكلام الكبير دة ي أحمد جايز يكون كلامك فعلاً صح ومفيش حد يقدر يحس باللي جوانا طول ماهو ماتحطش مكاننا ومر باللي مرينا بيه يبقي عمره ماهيفهم ولا هيحس باللي حاسين بيه بس أنا أمك عارف يعني ايه أمك يعني أنا الوحيدة أللي هتفهم وهتحس بيك من غير ماتتكلم يعني الوحيدة اللي لو قدرت تخبي وتخفي حزنك عن الناس كلها والعالم كله مستحيل تقدر تخفيه عني انا ولو العالم والدنيا كلها صدقت أنك كويس ومش حزين انا الوحيدة اللي مش هصدق تعرف ليه !! عشان انا بفهمك من نظرة عينيك من نبرة صوتك من ابتسامتك أللي من غير نفس وبتحاول تخفي بيها وجع جواك بفهمك من طريقة كلامك ي أحمد أنت حتة مني عارف يعني ايه حتة مني؟! يعني تعبك هو تعبي وزعلك هو زعلي وفرحك هو فرحي أما بتكون مخنوق بحس بيك أما بتكون تعبان بحس بتعبك وقلبي بيتقبض عليك بحس نفس احساسك لأني باختصار بحس بيك وبكل حاجة جواك حتي ولو حاولت تخبي دة عني وماتظهرليش حاجة برضو هحس بيك لأنك ابني واغلي حاجة موجودة في حياتي
أحمد: يااااه ي ماما انا فعلاً لو لفيت الدنيا كلها عمري ماهلاقي حد يحبني نص الحب دة ربنا يخليكي ليا يارب ويطولي ف عمرك لاني انا من غيرك ولا حاجة انا ي ماما كنت تعبان اوي بس دلوقتي أنا مرتاح اوي وانتي جنبي
سوسن: وبعدين بقي دموعك دي غالية عليا ومحبش أشوفها ربنا يسعدك ي حبيبي طيب ماتكلمتش مع ملك ف الموضوع دة تشوف رأيها ايه !!
أحمد: أهي ملك دي ي ماما هي أحلي حاجة ف الموضوع دة لو لفيت الدنيا كلها عمري ماهلاقي حد يحبني ويخاف عليا زيها كدة والله دي فهمتني ي ماما من غير أما اتكلم وحست بيا وقالتلي انت فيك حاجة حاولت اخبي عنها بس ماعرفتش
سوسن: ربنا يخليكم لبعض يارب ي حبيبي ويتمملكم ع خير..طيب ماتحاول ي أحمد كدة تتكلم معاها ف انك تأجل موضوع الجواز شوية والخطوبة تبقي سنة ونص ولا سنتين تكون أنت خلصت أللي عليك وجهزت
أحمد: انا لو قولتلها ي ماما هي مش هتعترض بس انا عاوز اشرفها قدام أهلها ويقولوا اختارت راجل عاوز ارفع رأسها واحارب عشانها مش ارجع ف كلامي ويتقال أنه مش قادر أو مش عاوز يستحمل عشانها.. عارفة ي ماما اما حكيتلها قالتلي ايه؟! قالتلي انا مش عاوزة حاجة ي أحمد غير وجودك جمبي وجودك معايا هو أهم عندي من مليون شقة وشبكة واي حاجة ف الدنيا ملك ي ماما مش فارق معاها حاجة اد مانا فارق معاها انها ماتشوفنيش زعلان كدة وعشان كدة ي ماما قولتلك لو لفيت الدنيا كلها عمري ماهلاقي زيها وعمري ماهلاقي حد يحبني ويخاف عليا زيها كدة لأنها بتحبني زي مانا ومش فارق معاها غير وجودي معاها وبس
سوسن بإبتسامة: مش خسارة فيها حبك ليها الحب أللي بتحبهولها هي تستاهله فعلاً هي بنت حلال ربنا يباركلها ويخليكم لبعض يارب ي حبيبي ويتمملكم ع خير يارب
أحمد: يارب ي ماما ادعيلنا وربنا يخليكي لينا يارب ي حبيبتي ولا يحرمني من وجودك معايا دايما يارب ي حبيبتي
سوسن: ويخليك ليا يارب ي حبيبي ولا يحرمني منك اسيبك عشان تنام بقي مش عاوز حاجة ي حبيبي !!
أحمد: سلامتك ي ماما تصبحي ع خير ي حبيبتي
سوسن وهي تقبل ابنها: وأنت من أهل الخير يارب ي حبيبي
★٭★٭★٭★٭★ صباح وحيد ★٭★٭★٭★٭★
ملك: امممم طيب وانتي ناوية ع ايه ي ياسمينا !!
ياسمينا: مش عارفة والله ي ملك انا حاسة إن أنا متلغبطة ومش عارفة اخد قرار خايفة اديله فرصة مايطلعش كويس ويكسرني ويخذلني بعد أما اتعلق بيه وانا مش اد كسرة القلب ي ملك وخايفة مادلوش فرصة يطلع كويس وارجع اندم أنا مش عارفة اعمل ايه ولا اتصرف ازاي
ملك: القرار ف ايدك انتي ي ياسمينا قوليله أنه لو عاوزك بجد وشاريكي يدخل البيت من بابه من غير لف ودوران واظن أنه عارف البيت كويس يعني
ياسمينا: انا فعلاً كنت ناوية اعمل كدة ي ملك
ملك: ربنا يقدم اللي فيه الخير يارب ي حبيبتي
ياسمينا: يارب إن شاء الله..ملك هو انا معقدة؟!
ملك: ليه بتقولي كدة ي ياسمينا ؟!
ياسمينا: مش عارفة حاسة بكدة وكمان منال صحبتي أما عرفت قعدت تقولي انتي معقدة اوي لازم تفكي شوية انتي كدة عمرك ماهتتجوزي انتي اصلا مش مدية فرصة لحد أنه يقرب منك لازم تغيري طريقة تفكيرك وتفكي شوية كدة ومش هتخسري حاجة لو ادتيه فرصة يعني والكلام دة
ملك: امممممم فهمتك بس سؤال هو المحترم ف الزمن دة بقي معقد ؟! بقي يتقال عليه معقد !! هو انتي عشان بتحافظي ع نفسك وع سمعتك ومش بتحبي تدي لحد فرصة أنه يتكلم عليكي أو يجرأ بس يقول نص كلمة ف حقك تبقي معقدة ؟! لو هي فعلاً كدة يبقي يتقال معقدة احسن
ياسمينا: عندك حق فعلا ي ملك وانا فكرت في كلامها مكدبش عليكي لقيت معاها حق وف نفس الوقت مش قادرة اعمل حاجة ماتعودتش عليها انتي فاهماني؟!
ملك: انا فاهماكي ي حبيبتي مالكيش دعوة بكلام حد وخليكي زي مانتي اللي عاوزك بجد وشاريكي وبيحبك هاييجي لحد عندك بنفسه ويخبط ع باب بيتك ويطلبك من أهلك ويخلي كل حاجة بالحلال ومعرفته بيكي ف النور ويفتخر بيكي قدام كل الناس ويقولهم أيوة هي دي خطيبتي ومراتي المستقبلية هيخاف عليكي من كلام الناس وهيخاف عليكي حتي من نفسه وعشان كدة اللي بيحبك بجد هيعمل المستحيل عشان يوصلك ويخلي علاقتكم ف النور قدام كل الناس مش هيحبك ف الضلمة من ورا أهلك ويخاف ويستخبي ويخفي علاقتكم عن الناس وكأنه بيعمل حاجة غلط ومش عاوز حد يعرفها.. لأن أللي بيحب بيحافظ ع أللي بيحبه
ياسمينا: انتي فعلاً معاكي حق ف كل كلمة قولتيها ربنا يديملي وجودك معايا دايما يارب ي حبيبتي
ملك: ويديمك ليا يارب ي حبيبتي
ياسمينا: اسكتي مش هتصدقي انا قابلت مين النهاردة وانا خارجة من الشغل بعد أما خلصت وبتسلم عليكي كتير اوي
ملك بتعجب: قابلتي مين !!
ياسمينا: صافي صحبتي ف الثانوي فاكراها؟!
ملك: اه طبعا فاكراها قابلتيها فين وازاي !!
ياسمينا: ولا حاجة ي ستي كنت طالعة من باب الشركة انا والبت منال مروحين وواقفين مستنيين تاكسي لقيت أللي بينده عليا وقفت وببص لقيت صافي جت وسلمت عليا كانت ف المول أللي ورا الشركة لسة فاتح جديد كانت بتجيب منه حاجات وكدة ومروحة وقابلتني صدفة بقي واتفقت معايا إننا نتقابل يوم كدة يعني ونقعد مع بعض
ملك: صدفة حلوة فعلاً ابقي سلميلي عليها كتير أما تكلميها وقوللها انها طبعا معزومة ف الخطوبة إن شاء الله
ياسمينا: طيب هقولك فكرة حلوة ايه رأيك اتفق معاها ونخرج انا وانتي وهي وتجيبي أحمد معانا ونبقى كلنا مع بعض واهو بالمرة تشوفيها وهي نفسها تشوفك عشان وحشاها قولتي ايه؟!
ملك: فكرة حلوة انا معنديش مشكلة خالص بس خليها يوم إجازة مش يوم شغل وانا هقول أحمد كدة وأشوفه هيقول ايه
ياسمينا: أنا فعلاً كنت هعملها يوم إجازة عشان يبقي مناسب معانا كلنا ايه رأيك اكلمها واتفق معاها نخرج كلنا يوم الجمعة الجاية دي أللي هي بعد بكرة
ملك: تمام ي حبيبتي مفيش مشكلة كلميها وقوللها وانا هقول أحمد بكرة كدة واحنا بنتغدي بعد الشغل
ياسمينا: أيوة بقي الناس أللي خطيبها بيعزمها ع الغدا دي بقي
ملك: هههههه عقبالك ي ختي ماتتعزمي انتي كمان
ياسمينا: هههههه ربنا يخليهولك ويخليكم لبعض يارب ي حبيبتي ويتمملكم ع خير
ملك: ويخليكي ليا يارب ي أحلي أخت ف الدنيا كلها
★٭★٭★٭★٭★ صباح وحيد ★٭★٭★٭★٭★
صافي: السلام عليكم...ازيك ي ياسمينا عاملة ايه
ياسمينا: وعليكم السلام...الحمد لله تمام ي حبيبتي انتي عاملة ايه
صافي: يارب دايما بخير ي حبيبتي انا الحمد لله تمام
ياسمينا: يارب ي حبيبتي ربنا يخليكي انتي كنتي نمتي ولا اي وانا صحيتك؟!
صافي: لالالا نمت ايه بس هو ف حد ينام دلوقتي انا صاحية اهو
ياسمينا: ههههه ع رأيك..المهم بقولك..ايه رأيك نخرج نتقابل ونقعد مع بعض يوم الجمعة الجاية دي بتاعت بعد بكرة انا وانتي وملك وأحمد خطيب ملك أختي !
صافي: بجد ملك هاتيجي معاكي !! انا ماعنديش مشكلة ويوم الجمعة إجازة كمان
ياسمينا: اه إن شاء الله انا قولتلها دلوقتي وقالتلي ماشي وكدة يعني مانا قولت اخليها الجمعة عشان إجازة لينا كلنا احسن
صافي: تمام ي حبيبتي مفيش مشكلة بس يوم الجمعة امتي ؟!
ياسمينا: يوم الجمعة ايه رأيك نخليها بعد الصلاة مثلاً ع الساعة ٢ كدة !!
صافي: تمام مفيش مشكلة وانا هعرف ماما
ياسمينا: تمام ي حبيبتي وسلميلي ع طنط كتير
صافي: الله يسلمك ي حبيبتي يوصل هي كمان بتسلم عليكي كتير والله وسلميلي ع طنط كتير وملك
ياسمينا: الله يسلمها..حاضر ي حبيبتي يوصل الله يسلمك مش عاوزة اي حاجة !!
صافي: تسلمي ي حبيبتي يارب عاوزة سلامتك
ياسمينا: تسلمي ي حبيبتي مع السلامة
صافي: مع السلامة ي حبيبتي
★٭★٭★٭★٭★ صباح وحيد ★٭★٭★٭★٭★
في صباح اليوم التالي
أدهم: صباح الخير ي بابا..صباح الخير ي ماما
محمود: صباح النور ي أدهم
سميحة: ماتقعد ي بني عشان تفطر أنت هتاكل وانت واقف كدة
أدهم: معلش ي ماما أصلي مستعجل اوي عشان الشغل
سميحة: ربنا معاك يارب بس دة مش فطار دة
أدهم: ادعيلي بقي ي ماما
سميحة: ربنا معاك ي بني ويوفقك
★٭★٭★٭★٭★ صباح وحيد ★٭★٭★٭★٭★ ملك: ماما انا هتأخر النهاردة عشان أحمد عازمني ع الغدا
سهير: ماشي ي حبيبتي ابقي سلميلي ع أحمد كتير بس ماتتأخريش
ملك: ماتقلقيش ي ماما إن شاء الله اجي بدري ومش هتأخر
ياسمينا: ملك جهزي نفسك بقي يوم الجمعة انا كلمت صافي واتفقت معاها نتقابل يوم الجمعة بعد الصلاة إن شاء الله
سهير: رايحين فين وخروجة ايه ؟!
ملك: دي ياسمينا ي ماما صافي صحبتها ف الثانوي قابلتها يعني وكدة واتفقوا أنهم يتقابلوا فياسمينا عاوزاني معاها انا وأحمد عشان نبقي كلنا يعني
سهير: ياه صافي ابقي سلميلي عليها كتير ي ياسمينا
ياسمينا: الله يسلمك ي ماما هي كمان بتسلم عليكي اوي والله..ألحق انزل انا بقي عشان شغلي
سهير: ربنا معاكي ي حبيبتي خلي بالك من نفسك
ملك: يلا ي ماما مع السلامة ي حبيبتي
سهير: مع السلامة ي حبيبتي ربنا معاكم يارب
★٭★٭★٭★٭★ صباح وحيد ★٭★٭★٭★٭★
ياسمينا: صباح الخير
منال: صباح النور ي ياسمينا اتأخرتي ليه كدة؟!
ياسمينا: عقبال أما فطرت ونزلت علطول بقي ومواصلات بقي وكدة انتي عارفة
منال: البشمهندس ادهم لسة جاي حالا كويس أنه ماشافكيش وانتي متأخرة
ياسمينا: يالهوي الحمد لله
★٭★٭★٭★٭★ صباح وحيد ★٭★٭★٭★٭★
شاهين: اتكلمتي مع أحمد امبارح ؟!
سوسن: اه اتكلمت معاه وطلع كاتم جواه وساكت
شاهين: ماله ف ايه؟!
سوسن: عليه ضغط كبير اوي ومش ملاحق ي عيني مش عارف يلاقيها منين ولا منين من ضغط الشغل ولا ترتيبات الجواز ولا الشقة أللي عاوزة تتوضب ف أقل من سنة
شاهين: إن شاء الله خير هنلحق نخلص كل حاجة ف معادها إن شاء الله وكل حاجة هتكون جاهزة قبل المعاد إن شاء الله
★٭★٭★٭★٭★ صباح وحيد ★٭★٭★٭★٭★
مصطفي: ي ربي ايه المشروع أللي مش عاوز يخلص دة
حسام: هو تقيل فعلاً ولسة محدش خلصه بس لسة معانا وقت كبير دة لسة معاد التسليم زي النهاردة لسة اسبوع
مصطفي: اه تقيل اوي والله هو البريك امتي انا جوعت عاوز اتغدي
حسام: كمان ربع ساعة كدة مثلا ولا حاجة
★٭★٭★٭★٭★ صباح وحيد ★٭★٭★٭★٭★
ملك: بقولك ي أحمد
أحمد: نعم ي حبيبتي
ملك: بص ياسمينا هتخرج مع واحدة صحبتها بكرة إن شاء الله بعد الصلاة كدة وكانت عاوزانا نروح معاها عشان نبقي كلنا يعني
أحمد: بس كدة من عنيا نروح معاها ونقعد مانروحش ليه
ملك: بجد ي أحمد !! ربنا يخليك ليا يارب دي ياسمينا هتفرح اوي
أحمد: ويخليكي ليا يارب ي حبيبتي
★٭★٭★٭★٭★ صباح وحيد ★٭★٭★٭★٭★
صافي: بقولك ايه ي ماما انا إن شاء الله بكرة بعد الصلاة خارجة مع ياسمينا صحبتي وملك اختها هاتيجي معاها هي وخطيبها كلمتني امبارح واتفقنا
سامية: وماله ي حبيبتي مفيش مشكلة
صافي: عاوزة اقول مصطفي ييجي معايا وكدة ويشوفها بس مش عارفة هيوافق ولا لا
سامية: ياريت والله قوليله كدة انتي عارفة هو بيحبك أد ايه ومش بيحب يزعلك وإن شاء الله يوافق
صافي: يارب ي ماما
وهنا كان قد دخل مصطفي
سامية: حمد لله ع السلامة ي حبيبي عقبال ماتغير هدومك كدة وتصلي يكون الغدا جاهز
مصطفي: ماشي ي ماما
صافي: الساعة ٥ ونص جاي بدري النهاردة يعني
مصطفي: اه أصلي كنت تعبان ي دوبك صدقت خلصت شغل وجيت علطول عشان هموت وانام
صافي: سلامتك ي حبيبي مالك تعبان من ايه !!
مصطفي وهو يقبل رأس أخته: الله يسلمك ي حبيبتي مفيش حاجة ماتقلقيش إرهاق من الشغل بس وعاوز انام
صافي: طيب اطلع غير هدومك وتعالي عشان نتغدي بعد كدة نام
سامية: تعالي ي صافي ساعديني ودي الاكل يلا عشان نتغدي واخوكي يلحق يتغدي
صافي: حاضر ي ماما جاية اهو
سامية: خدي ودي الاكل يلا وانا هطلع انده لابوكي كدة واخوكي يكون غير هدومه وصلي وينزل
وقد تجمع الجميع حول الطعام
صافي: بقولك ايه ي صاصا
مصطفي: ها قولي ي ستي
صافي: كنت خارجة مع واحدة صحبتي بكرة بعد الصلاة واختها وخطيبها هاييجوا معاها فكنت عاوزاك تيجي معايا كدة ونقعد كلنا
مصطفي: حاضر ي حبيبتي ابقي اجي معاكي
صافي بدهشة: ايه دة بجد ي مصطفي ؟! هاتيجي معايا بجد !!
مصطفي: اومال اسيبك تخرجي لوحدك يعني ف المواصلات اومال انا روحت فين بقي
صافي وهي تحتضن أخيها: ربنا يخليك ليا يارب ي أحلي أخ ف العالم كله
سامية: شوف البت فرحت ازاي
مصطفي: هههههه ربنا يفرحها دايما يارب ي ماما انا مبحبش ازعلها ومحبتش اقولها لا عشان ماتزعلش
أيمن: ربنا يخليكم لبعض يارب ي بني
مصطفي: ويخليك لينا أنت وماما يارب ي بابا
★٭★٭★٭★٭★ صباح وحيد ★٭★٭★٭★٭★
وجاء يوم الجمعة موعد اللقاء
أحمد: أيوة ي ملك انا تحت البيت أهو
ملك: حاضر هجيب ياسمينا ونازلة حالا اهو
ياسمينا: يلا ي ملك انا جهزت اهو
ملك: تمام يلا عشان احمد واقف مستني تحت
سهير: ماتتأخروش بقي
ملك وياسمينا: حاضر ي ماما
★٭★٭★٭★٭★ صباح وحيد ★٭★٭★٭★٭★
في سيارة أحمد
ياسمينا: السلام عليكم...ازيك ي أحمد
أحمد: وعليكم السلام...ازيك ي ياسمينا هنروح فين بقي
ياسمينا: هنروح كافيه...........
أحمد: تمام حاضر
★٭★٭★٭★٭★ صباح وحيد ★٭★٭★٭★٭★
في الكافيه
مصطفي: رني ع صحبتك شوفيها فين كدة قوللها اننا وصلنا اهو
صافي: حاضر ثانية واحدة
ياسمينا: أيوة ي صافي انا وصلت أهو خلاص دقيقة واحدة واكون قدامك
صافي: خلاص تمام ماشي انا ف انتظارك أهو
مصطفي: ها قالتلك فين !!
صافي: قالتلي وصلت ودقيقة بالظبط وتكون قدامي خلاص
وبالفعل وصلت ياسمينا مع ملك وأحمد للمكان الذي تجلس فيه صافي ومصطفى وعندما وصلوا وتقابالا الجميع وقفوا ف صدمة واندهاش دون نطق اي كلمة واحدة من أحد وأخذوا ينظرون إلي بعضهم ف صدمة وتعجب..