رواية اعطيت لحبك فرصة فخدعتني
🌛 الفصل الثاني عشر 🌜
★٭★٭★٭★٭★ صباح وحيد ★٭★٭★٭★٭★
سوزان بصراخ وخوف: شاااااكر ..وجلست بجانبه تبكي وتحاول افاقته: شاكر ..شاكر
..عشان خاطري فوق شاكر رد عليا ..ولكن دون جدوى فأمسكت بهاتفها بيد ترتعش
وتحدثت بخوف وبكاء شديد: آلو ياماما ألحقيني
سامية بقلق: سوزان مالك في ايه اهدي كدة وفهميني
سوزان بخوف: شاكر ..شاكر ياماما أغمي عليه فجأة واحنا بنتكلم ووقع من طوله
ومش عارفة ماله ولا عارفة اعمل ايه انا متلغبطة ياماما ارجوكي ألحقيني انا خايفة اوي
سامية: طيب خلاص خلاص انا هجيب مصطفي اخوكي ونجيلك حالا ننقله مستشفي
يلا مع السلامة ..وذهبت سامية بسرعة لحجرة مصطفي تيقظه بخوف: مصطفي مصطفي اصحي
مصطفي بنوم: ايه ياماما في ايه بس !!
سامية بخوف وتوتر: مش وقته دلوقتي قوم ألبس يلا بسرعة عشان نروح لسوزان اختك جوزها تعب ووقع أغمي عليه يلا بسرعة عشان ننقله مستشفي
مصطفي وهو ينهض ويبدل ملابسه: طيب يلا ياماما روحي انتي البسي وانا كمان هلبس
بسرعة اهو ..وانتهي كلا منهما وذهب للخارج فتحدث مصطفي: انتي مش هتقولي لبابا ييجي معانا !!
سامية: لا سيبه نايم وبكرة نبقي نقوله أما نشوف بس في ايه الاول
مصطفي وهو يقود السيارة: كلمي سوزان طيب شوفيها فين
سامية واتصلت بسوزان بالفعل: سوزان انتي فين دلوقتي !!
سوزان ببكاء: انا في المستشفي اهو ياماما طلبتله الإسعاف وقاعدة في المستشفي مستنية برة اهو الدكتور ييجي يطمني
سامية: مستشفي ايه انا جيالك انا واخوكي
سوزان: مستشفي ......
٭٭٭٭٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭٭٭٭٭
سهير: اه ياجسمي ياني كله مكسر هموت وانام
حسين: الحمد لله اليوم عدي علي خير وملك اتخطبت اهي خلاص
سهير بإبتسامة: كبرت بسرعة وجيه اليوم أللي نشوفها فيه عروسة حبيبتي ماشاء الله عليها كانت زي القمر
حسين بإبتسامة: ربنا يتمملها علي خير يارب وعقبال ياسمينا بقي هي كمان يارب
سهير: يارب ياحسين يارب نطمن عليهم ..العيال كبروا بسرعة وكبرونا معاهم
حسين: يارب ويسعدهم في حياتهم
★٭٭★٭٭★٭٭★ صباح وحيد ★٭٭★٭٭★٭٭★
سامية وهي تسرع: سوزان طمنيني
سوزان وهي تحتضن والدتها وتبكي بشدة: شاكر لسة جوة ولسة محدش خرج يطمني ومعرفش ماله ولا ايه اللي حصل فجأة كدة ..انا قلقانة عليه اوي ياماما
سامية: اهدي كدة بس وفهميني ايه أللي حصل بالظبط
سوزان: معرفش ياماما والله صدقيني احنا كنا بنتكلم عادي فجأة لقيته مسك رأسه وراح وقع من طوله مرة واحدة وانا ماعرفتش اعمل ايه فكلمتك وبعد كدة طلبتله الإسعاف جم خدوه
سامية: خير خير إن شاء الله اهدي انتي بس
سوزان ببكاء: انا خايفة عليه اوي ياماما ..لو حصله حاجة انا مستحيل اسامح نفسي
سامية: ماتخافيش إن شاء الله هيبقي كويس وهتكون حاجة بسيطة ومفيش حاجة وحشة هتحصل إن شاء الله .. وإن شاء الله هيقوم بالسلامة خلي عندك ايمان بالله مش كدة
مصطفي وهو يسرع نحوهم: ايه أللي حصل ياسوزان مش كان كويس !!
سوزان ببكاء: معرفش والله يامصطفي هو لوحده كدة مرة واحدة
مصطفي: انتو اتخناقتوا أو حاجة !!
سوزان بتوتر: لا ..م..قاطعتها سامية قائلة: وهو دة وقته يامصطفي دلوقتي احنا في ايه ولا في ايه !!
"وجاء الدكتور وجريوا عليه كلهم بسرعة"
سوزان بلهفة: طمني يادكتور ارجوك جوزي ماله وجراله ايه !!
الدكتور: اهدي اهدي بس يامدام خير إن شاء الله مفيش حاجة مستاهلة القلق دة كله
سوزان: مفيش حاجة ازاي اومال ايه سبب الاغماء المفاجئ دة !! ارجوك تطمني
سامية: اهدي ياسوزان شوية اما نشوف الدكتور هيقول ايه ..وبصت للدكتور: اتفضل يادكتور
الدكتور: عنده جلطة في المخ بس مش شديدة كويس انكم لحقتوه وجبتوه في الوقت المناسب واحنا انقذناه وإن شاء الله هيبقي كويس ومفيش اي خطر علي حياته الحمد لله
سوزان بصراخ: ايه !! جلطة !! يعني جوزي هيروح مني لا ماعنديش استعداد اخسره ارجوك تتصرف تعمل اي حاجة وتنقذه ارجوك
الدكتور: يامدام اهدي مش كدة احنا عملنا كل أللي نقدر عليه وانقذناه فعلاً وهو دلوقتي ساعتين وهيبقي كويس لأننا لحقناه وهو لسة في الاول لحقنا الجلطة وهي لسة في أولها مالحقتش تعمل اي حاجة للمخ يعني هو كويس جدا ومفيش اي خطر علي حياته ..وسبب الجلطة أنه اتعرض لضغط كبير وزعل
سامية: تمام ..شكرا جدا لحضرتك يادكتور
الدكتور: العفو يافندم علي ايه تحت امركم وربنا يقومه با..وقاطع كلامه سقوط سوزان أرضا مغمي عليها وصراخ سامية ومصطفي: سوزااان
★٭٭★٭★٭٭★٭★صباح وحيد★٭٭★٭★٭٭★٭★
سميحة: نمت يا أدهم !!
أدهم: لا تعالي اتفضلي ياماما
سميحة: كنت عاوزة أسألك علي حاجة كدة
أدهم بتعجب: حاجة ايه دي !!
سميحة: أنت كنت تعرف ان خالتك عارفة بموضوعك انت وآمال !!
أدهم بصدمة: ليه السؤال دة ياماما !! وليه حضرتك بتقولي كدة !!
سميحة: ماتتصدمش كدة انا عرفت خالتك كانت هنا واتكلمنا ليه ياحبيبي مارضتش تقولي !! ليه لما حصل اللي حصل ماحكتليش !!
أدهم: انا اتفاجئت زيك بالظبط ياماما إن خالتي عارفة يوم أما روحت وصلتهم اتكلمت معايا وساعتها مارضتش احكيلك عن اللي حصل بيني وبين آمال من الاول عشان ماتخسريش خالتي بسببي محبتش أوقع بينكم واكون سبب في انكم تخسروا بعض
سميحة: وانت فاكر إن انا واختي ممكن نخسر بعض لسبب زي دة مثلا !! ياحبيبي دة اسمه نصيب واحنا مش بنفكر بالطريقة دي اخسر اختي أللي عيشت معاها سنين وسنين عشان مثلا بنتها ماتجوزتش ابني !! ولا اي حاجة في الدنيا كلها تقدر تخليني اخسر اختي ياحبيبي الاخوات الحقيقية هما أللي بيحبوا بعض بجد وبيخافوا على بعض مش يخسروا بعض عشان جواز ولا كدة لو زي مانت بتقول كانت الناس كلها خسرت بعضها بقي وأللي بيفكر كدة ويعمل كدة دة غلطان طبعا لأن الاخوات ماتتعوضش والذكريات والايام معاهم ماتتعوضش
أدهم بإبتسامة: ربنا يخليكم لبعض يارب ياماما
سميحة بإبتسامة: ويخليك ليا يارب ياحبيبي
★٭★٭★٭★٭٭★ صباح وحيد ★٭٭★٭★٭★٭★
سامية بلهفة: ها يادكتور طمني بنتي مالها !!
الدكتور: اهدي يامدام بنتك بخير والله هي بس عندها انخفاض في ضغط الدم واتعرضت لصدمة خوف وهو دة أللي سببلها الاغماء المفاجئ دة
سامية: يعني بنتي كويسة وبخير يادكتور والنبي !!
الدكتور بإبتسامة: والله بنتك بخير يامدام ماتقلقيش وساعة وتفوق وتبقي زي الفل وتروح معاكي كمان
سامية: الحمد لله الحمد لله ربنا يطمنك يادكتور
مصطفي: ينفع ندخلها !!
الدكتور: اه طبعا ينفع اتفضلوا
"ودخلت سامية ومصطفي لحجرة سوزان"
سوزان بتعب ونوم: شاكر .. شاكر ..ماتسبنيش
سامية ببكاء: سوزان ..سوزان ياحبيبتي
سوزان بفزع: شاكر ..شاكر جراله حاجة !!
سامية: اهدي ياسوزان أهدي شاكر كويس جدا اهدي كدة
سوزان وهي تستريح: الحمد لله ..عاوزة اشوفه ياماما عاوزة اطمن عليه
سامية: مش دلوقتي ياسوزان أما تبقي كويسة بس
سوزان: عشان خاطري ياماما انا هبقي كويسة أما اشوفه صدقيني
سامية: حاضر حاضر يابنتي هقول للدكتور كدة
مصطفي وجلس بجانب أخته: يابختك ياعم شاكر ..في حد بيحبك اوي كدة
سوزان: مش جوزي يامصطفي وأبو ولادي
مصطفي: ربنا يخليكم لبعض ياحبيبتي ..بس قوليلي لو انا اللي كنت مكانه كنتي هتخافي عليا اوي كدة ويغمي عليكي !!
سوزان بسرعة: حرام عليك يامصطفي بعيد الشر عليك ياحبيبي انت عاوز توجع قلبي عليك انت كمان ليه انا ناقصة
الدكتور دخل مع سامية: اتفضلي يامدام سوزان تقدري تروحي تشوفي استاذ شاكر جوزك
"سوزان ودخلت لغرفة شاكر وجلست علي كرسي بجانبه وهو نائم علي السرير وامسكت بيديه بين يديها"
سوزان ببكاء: انا اسفة انا السبب في أللي انت فيه دلوقتي دة بس انت وجعتني اوي وجعتني في اكتر حاجة وهي انت بس عشان خاطري ماتسبنيش وتمشي انا لسة بحبك بلاش توجعني تاني قوم ونرجع نعيش مع بعض تاني ومش عاوزة اتطلق مش دة أللي انت كنت عاوزه !! بس ماتسبنيش لوحدي ومسامحاك خلاص بس المهم ابقي معاك ..يارب والنبي يارب اشفيه وقومه ليا ولعياله بالسلامة يارب أنا مقدرش اعيش من غيره يارب ماتوجعنيش فيه يارب ..قوم بقي ياحبيبي عشان نرجع ونعيش مع بعض تاني ومش مهم انك اتجوزت المهم تبقي معايا أنا محبتش ولا هحب حد غيرك ومكنتش عاوزة اتطلق لاني مقدرش اعيش من غيرك انت بالنسبالي كل حاجة في حياتي قوم بقي عشان ترجعلي تاني ونرجع نعيش مع بعض تاني ونربي عيالنا مش دة أللي انت كنت عاوزه ونفسك فيه !! قوم بقي عشان تنفذ وعدك وتحقق حلمك انا عارفة انك قدها واقوي منها وهتقوم
الممرضة: بعد اذنك الوقت خلص كفاية كدة
سوزان وهي تنظر له: وبقيت عشان اشوفك اشوفك بوقت !! ربنا يرجعك ليا بالسلامة يارب ..وقبلت يديه وخرجت
"سوزان تبكي بشدة وانهيار أسرعت إليها سامية ومصطفي"
سامية: ايه ياسوزان أهدي شوية ياحبيبتي مش كدة الدكتور طمننا عليه وقال إنه كويس وهيقوم وهيرجع احسن من الاول كمان
سوزان ببكاء: خايفة عليه اوي ياماما ادعيله ياماما عشان خاطري يقوم بالسلامة
سامية: إن شاء الله ياحبيبتي هيبقي كويس ويقوم بالسلامة ..يلا بقي عشان ترتاحي
سوزان: انا مش هرتاح ياماما إلا أما اطمن عليه الاول ..روحوا انتو عشان بابا وصافي والعيال وانا هبات معاه هنا لحد الصبح
سامية: يابنتي م..قاطعتها سوزان: ارجوكي ياماما عشان خاطري سيبيني انا كدة هكون مرتاحة اكتر وانا جمبه
مصطفي: خلاص ياماما سيبيها على راحتها ويلا احنا عشان بابا مايقلقش والعيال كمان لوحدهم
سامية: خلي بالك من نفسك طيب
سوزان: حاضر ياماما وخلوا بالكم من العيال
وذهبت سامية ومصطفي وذهبت سوزان للدكتور تطلب منه أن تنام مع شاكر في الغرفة
سوزان: بعد اذنك انا كنت عاوزة ابات مع جوزي عشان ماسيبوش لوحده
الدكتور: كان نفسي اقولك ينفع بس للأسف مينفعش النهاردة ..هو إن شاء بكرة الصبح لو بقي كويس هننقله لأوضة عادية وساعتها تقدري تقعدي معاه
سوزان: ارجوك يادكتور ماتضحكش عليا وقولي الحقيقة هو كويس !!
الدكتور: والله هو كويس وكلها ساعات خلاص ويتنقل لأوضة عادية وتقعدي معاه براحتك وكلها كام يوم كمان ويروح معاكم البيت
سوزان بسعادة: يارب يادكتور ربنا يطمنك يارب ..بس كان ايه سبب الجلطة دي !!
الدكتور: اتعرض لضغط كبير وصدمة كبيرة وزعل وتقريبا فضل كاتم جواه فترة ويفكر كتير فدة سببله جلطة مع الضغط والصدمة
سوزان لنفسها: انا السبب في اللي انت فيه دلوقتي ياشاكر سامحني ياحبيبي ..وفاقت من شرودها علي صوت الدكتور: مدام سوزان سوزان هانم حضرتك معايا !!
سوزان: انا آسفة ..شكرا جدا لحضرتك يادكتور وشكرا لتعب حضرتك
★٭★٭★٭★٭★ صباح وحيد ★٭★٭★٭★٭★
وفي صباح اليوم التالي تستيقظ حنين وتيقظ آمال
حنين بنوم: آمال آمال اصحي يلا الساعة بقت ٢ اهي
آمال بنوم: سيبيني شوية كمان ياحنين
حنين: يلا يابنتي وانا هروح اصحي حاتم عشان نلبس ..وذهبت حنين لغرفة حاتم تيقظه هو الآخر
حنين: حاتم ياتيمو اصحي بقي
حاتم بنوم: ايه ياحنين عاوزة ايه
حنين: اصحي يلا الساعة ٢ مش قولت هتخرجنا ولا تكون رجعت في كلامك بقي
حاتم وهو يقوم: لا مارجعتش في كلامي يلا روحي ألبسي وخلي اختك تلبس وانا كمان هفوق كدة وأقوم ألبس وننزل
٭٭٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭٭٭٭
محمود: هند بنت عمتك نازلة الاسبوع الجاي
أدهم: تمام يابابا خليها بس تعدي عليا في المكتب وانا ظبطتلها كل حاجة وهفهمها شغلها ايه بالظبط
محمود: تسلم يابني ربنا يخليك
سميحة: هي هند هتفهم في شغل الشركة هي خريجة ايه !!
محمود: اه طبعا والبركة في أدهم بقي وهي خريجة هندسة برضو ..اهو بدل ماتشتغل عند حد غريب تشتغل في شركة خالها ولا ايه يا أدهم !!
أدهم: اه طبعا يابابا تنور اي وقت الشركة شركتها ..عن اذنكم انا طالع اريح شوية كدة
محمود: انا ليه حاسس إن أدهم متغير وفي حاجة !!
سميحة: هيكون في ايه يعني تلاقيه ضغط الشغل بس
محمود: انا ليه حاسس انك عارفة حاجة ومخبية عليا
سميحة: هخبي عليك ايه بس يامحمود انت كمان عارف أدهم مابيحكيش حاجة لحد بس هو كويس ماتقلقش
محمود: ماشي هحاول اصدق
٭٭٭٭٭٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭٭
حازم: حنان كنت عاوز اتكلم معاكي في موضوع كدة بقالي كام يوم
حنان بإبتسامة: خير ياحبيبي قول
حازم: هو أنتي فعلاً تسريبات التصميم كانت غصب عنك فعلاً ولا بمزاجك !!
حنان بتوتر: غ..غص..غصب عني طبعا ..طبيعي غصب عني ياحبيبي
حازم: تمام ياحنان بعد كدة تركزي وتخلي بالك لأنها مش هتسلم كل مرة انتي ماتعرفيش أدهم في الشغل
حنان: لا مش هتكرر تاني إن شاء الله ..وبعدين انت جايبني هنا عشان تتكلم معايا في الشغل ولا ايه مش هتعزمني ع الغدا بقي ولا ايه
حازم بإبتسامة: حالا
٭★٭★٭★٭★٭★ صباح وحيد ٭★٭★٭★٭★٭★
ياسمينا: بس كان يوم حلو اوي امبارح ي لوكا وكنتي قمر ماشاء الله
ملك بإبتسامة: حبيبتي ي ياسو ربنا يخليكي ليا يارب وعقبالك بقي يارب وافرح بيكي انتي كمان
ياسمينا: إن شاء الله ي لوكا ربنا يخليكي ..قربتي تتجوزي وتسيبيني خلاص
ملك: احنا فين والجواز لسة فين بس دة لسة بدري اوي
ياسمينا: الايام بتجري ياملك من غير أما نحس بيها وكله من عمرنا يعني زي ماجريت وانتي كبرتي وهتتجوزي أهو خلاص هتجري هوا برضو وتلاقي نفسك في بيتك في حياة جديدة ويتهيألك انك كنتي لسة مخطوبة امبارح
ملك وتجلس بجانب أختها: عندك حق فعلاً الايام بتجري اه بس الأشخاص لسة موجودين زي ماهما
ياسمينا: الزمن بينسي وبيغير ومع مشاكل الحياة بتلهينا عن أقرب الناس لينا وبتبعدنا عنهم
ملك: وانتي خايفة لابعد عنك يعني !!
ياسمينا: خايفة الحياة تاخدك مني وتشغلك عني لانك هتتجوزي وهيبقالك بيتك وهتخلفي وهتتشغلي مع عيالك ومشاكلهم وهتتلهي غصب عنك بس هي دي سُنة الحياة خايفة ابقي لوحدي أو ييجي عليا وقت مالقيكيش جمبي ويبقي كل أللي باقي ليا منك هي شوية ذكريات افتكرها واحاول ارجعها ..ومسحت دموعها وهي تضحك: ايه دة انا شكلي اندمجت ولا ايه انا اسفة مكنش لازم انكد عليكي في وقت زي دة
ملك وترفع وش أختها: ومين قالك إن سُنة الحياة لازم اقطع أقرب الناس ليا أو ابعد عنهم ها !! هو ربنا كان قالنا اتجوزوا وخلفوا وانسوا اهلكم واقرب الناس ليكم !! انا مفيش حاجة تقدر تشغلني عنك انتي فاهمة !! هتفضلي أقرب حد ليا وهتفضلي سري اومال مين يابت بس أللي هاييجي يرخم عليا كل شوية ها !!
ياسمينا وابتسمت: علي اد مانا فرحانة علي اد مانا زعلانة إن في حد هيشاركك فينا وياخدك مننا ربنا يسعدك يارب
ملك: مفيش حد يقدر ياخدني منك تفتكري أنها حاجة سهلة وبسيطة اني اخسر اختي أللي عيشت معاها ٢٤ سنة !! كل يوم في ال٢٤ سنة دول يوم جديد بذكري جديدة مين يقدر يعوضلي ال٢٤ سنة دول وايامهم !! مفيش حد يقدر يملي مكانك عندي ولا يعوضني عنك انا عمري كله معاكي مش هعيش مع أحمد اد ماعيشت معاكي اه هعيش معاه طبعا العمر كله بس السنين أللي معاكي اكتر لأني اعرفك انتي قبل أما اعرفه ولا اشوفه يبقي ايامي معاكي اكتر انتي ..يعني كل يوم بيعدي عليا معاه بيعدي معاكي انتي كمان فكل ماهو ايامي تزيد معاه بتزيد عندك انتي كمان وعشان كدة أنتي الاكتر ومستحيل يوصل لعدد الايام أللي بيني وبينك وانتي عندي كدة بالظبط مهما قابلت وعرفت وحبيت هتفضلي انتي عندي زي مانتي فاهماني !!
ياسمينا: فاهماكي ..فاهماكي ياحبيبتي ربنا يخليكي ليا يارب ودايما معايا ..كنت عاوزة اتكلم معاكي في موضوع كدة واخد رأيك فيه
ملك: اه طبعا ياحبيبتي موضوع ايه دة !!
ياسمينا: بصي ا..وقاطعها صوت هاتف ملك: خلاص ردي وبعدين نتكلم
ملك: لا كملي دة احمد هبقي أكلمه بعدين
ياسمينا: لا خلاص ردي عليه عشان مايزعلش وكمان عشان الموضوع طويل فنتكلم بعدين براحتنا احسن
ملك: تمام ياحبيبتي
٭٭٭٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭٭٭٭٭
مختار بقلق: ها طمنيني ياسوزان جوزك عامل ايه دلوقتي وايه اللي حصل !!
سامية: مش وقته دلوقتي يامختار احنا في ايه ولا في ايه !! احنا جايين نطمن عليه
مختار: مش قصدي ..قصدي هو عامل ايه دلوقتي وفين
سوزان: بخير يابابا بخير الحمد لله والدكتور بيقول أنه كويس وقرب يفوق ومفيش اي خطر علي حياته وعدوا مرحلة الخطر
مختار بارتياح: الحمد لله الحمد لله ربنا يقومه بالسلامة يارب
الممرضة: مدام سوزان شاكر بيه فاق وعاوز حضرتك
سوزان بفرحة: بجد !! بجد فاق !! طيب يلا انا عاوزة ادخله حالا ..ونظرت لأهلها فابتسموا لها وقالوا قبل أن تتكلم: روحي لجوزك اطمني عليه
ذهبت سوزان مسرعة وهي في قمة سعادتها لغرفة شاكر ودخلت وجلست بجانبه وامسكت بيديه بين يديها وهي مبتسمة
سوزان بإبتسامة: حمد لله علي سلامتك ياحبيبي
شاكر بتعب: ا..ان..انا.. آسف ي سوزان سامحيني
سوزان وهي تضع يديها علي فمه: هشش مش عاوزة اسمع اي حاجة ولا تتكلم في اي حاجة اهم حاجة دلوقتي هي سلامتك سلامتك وبس
شاكر بتعب: يعني خلاص مسامحاني !! ومش عاوزة تتطلقي !!
سوزان: مسامحاك ومش عاوزة حاجة من الدنيا غيرك وغير انك تقوملي بالسلامة ونرجع نعيش مع بعض من تاني وابقي معاك وجمبك ومابعدش عنك تاني ابدا
شاكر بإبتسامة: ياريتني كنت تعبت من بدري
سوزان بسرعة وحطت ايدها على بوقه: ايه دة بعيد الشر عليك حمد لله على سلامتك ياحبيبي
شاكر وهو يبتسم بصعوبة: الله يسلمك ياحبيبتي ..بس احنا لازم نتكلم برضو ع..قاطعته سوزان: مش وقته دلوقتي خالص وانا مش عاوزة اسمع حاجة دلوقتي ولا يفرق معايا حاجة غير انت انت وبس وسلامتك عندي بالدنيا واما تبقي كويس إن شاء الله نبقي نتكلم براحتنا المهم دلوقتي تبقي كويس عشان محتاجينك انا وعيالك محتاجينك معانا
شاكر: وانا محتاج ليكم اكتر مانتو محتاجين ليا
سوزان: بس خلاص كفاية ماتتعبش نفسك في الكلام وهتبقي كويس وترجع البيت وتلاقيني انا وعيالك مستنينك لأنك وحشتنا اوي ..وقبلت يديه: هسيبك دلوقتي عشان ترتاح شوية
وهي تقوم أوقفها صوته وهو ينادي عليها ليقول
شاكر: سوزان ..انا بحبك وعمري ماحبيت ولا هحب حد غيرك
سوزان ابتسمت: وانا عمري مافكرت اني ابعد عنك ف يوم ..وتركته وذهبت
٭٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭»٭٭٭»٭٭
حاتم ودخل مطعم مع اخواته وقعدوا علي طرابيزة
الجرسون: حضرتك تطلب ايه يافندم
حاتم وبص لاخواته: تحبوا تاكلوا ايه !!
حنين وآمال: هو ايه أللي موجود !!
حاتم: ممكن المنيو بعد اذنك لو سمحت
الجرسون وهو يعطيه المنيو: اتفضل يافندم
حنين: انا هطلب سمك مشوي
آمال: وانا عاوزة ربع كفتة
حاتم: تمام ..وبص للجرسون: يبقي كدة سمك مشوي وربع كفتة وهاتلي انا فراخ مشوية وهات ربع كباب بجانب السلطات والكلام دة بقي
الجرسون: تمام يافندم تحت امرك حضرتك تؤمر بحاجة تانية !!
حاتم: لا شكرا جدا ..عاوزين شربة أو حاجة تانية !!
حنين وآمال: لالا مش عاوزين
حاتم بص للجرسون: خلاص كدة تمام
الجرسون: تحت امرك يافندم
حنين: احنا كدة هنغرمك اوي ياحاتم
حاتم: وانا كنت اشتكيتلك !! سعادتكم عندي واشوفكم مبسوطين بملايين الدنيا كلها
آمال: ربنا يخليك لينا يارب
٭٭٭٭٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭٭٭٭٭
سامية: ها شاكر عامل ايه دلوقتي !!
سوزان بإبتسامة: الحمد لله أحسن
مختار: ربنا يقومه بالسلامة يارب يابنتي
سوزان: يارب يابابا يارب ..فين سما ومروان !!
سامية: مع صافي ومصطفي في البيت هيجيبوهم وهما جايين
سوزان: تمام ..روحوا انتو طيب عشان ترتاحوا شوية
سامية: انتي أللي عاوزة ترتاحي ياسوزان مش احنا انتي يابنتي بقالك يومين منمتيش
سوزان: وارتاح ازاي بس ياماما وهو محجوز وكان بين الحياة والموت كان يجيلي نوم ازاي بس وهو فيه حاجة ومش كويس
مختار: ربنا يقومه بالسلامة يارب يابنتي ويخليه ليكم ..انا هنزل كدة اصلي واجيب شوية حاجات
سوزان: ماشي اتفضل يابابا
سامية: تعالي انا عاوزة ادخل لجوزك اطمن عليه
سوزان: تعالي اتفضلي ياماما
وذهبوا الاثنان لغرفة شاكر ووجدوه نائمًا فاطمئنوا عليه
سامية: تعالي ياسوزان نقعد انا عاوزة اتكلم معاكي
سوزان وذهبت مع والدتها وجلسوا على الأريكة بالغرفة: خير ي ماما !!
سامية: كنا نتكلم برة احسن طيب بدل أما نصحيه
سوزان: لا ماتقلقيش ياماما مش هيصحي واخد العلاج ونايم ..وكمان عشان ابقي جمبه بس لو احتاج حاجة فجأة ولا كدة
سامية: ماشي يابنتي ..قوليلي بقي هتفضلي تعاندي في نفسك لحد أمتي ماشوفتيش حبك ليه ونظرة عينيكي والقلق أللي فيها عليه !! هتقدري تتغلبي على دة كله !!
سوزان: تقصدي ايه ياماما موضوع الطلاق يعني !!
سامية: ايوة يابنتي انا شايفة كفاية كدة بقي وشيلي فكرة الطلاق من دماغك وأقفي جمب جوزك أللي حبه بينط من عينيكي دة وقلقك وخوفك عليه باين في نظرة عينيكي وصوتك وكل حاجة بتقول انك متقدريش تستغني عنه
سوزان: انا ياماما خلاص مش عاوزة اتطلق ولا هبعد عن شاكر لأني بحبه فعلاً ومقدرش اعيش من غيره
سامية بفرحة: بجد !! بجد ياسوزان !! يعني خلاص بقي مفيش طلاق ولا حاجة صح !!
سوزان بإبتسامة: صح ..صح ي ماما ..ماما انا عمري ماتمنيت اني ابعد عن شاكر وعمري ماتخيلت أني ممكن ييجي علينا يوم ونسيب بعض ونعيش بعيد عن بعض بس احنا الاتنين غلطنا انا كمان غلطت هو غلط أنه اتجوز عليا من غير اي سبب وانا غلطت أما استسلمت ومشيت مكنش لازم امشي واسيبه كان لازم اقعد وأتكلم معاه وافهم هو ليه عمل كدة بس انا ساعتها كنت موجوعة اوي زي أللي واخدة شومة على راسها ومش عارفة تفوق منها بقت كل حاجة قدامي متلغبطة وزي ماتكون الرؤية قدامي بقا مشوشة ومكنتش عارفة اخد قرار ولا اتصرف لأن كل حاجة ملغبطة ودماغي مشوشة مش عارفة افكر لأني كنت زعلانة منه اوي وكان زعلي على اد حبي ليه طيب هتصدقي لو قولتلك أما بدأت استوعب واهدي احساسي كان بيقولي إن لا شاكر ميعملش معايا كدة بس خوفت اصدق احساسي يكون مجرد احساس انا اللي بحس بيه عشان انا عاوزة كدة بشوف اللي انا عاوزاه خوفت يكون مجرد احساس جوايا للي انا عاوزاه وأنه مش حقيقي وخوفت اكدب احساسي ليطلع صح وابقي ظلمته وظلمت نفسي وظلمت عيالي اني حرمتهم من ابوهم وارجع اندم بعد كدة شوفتي بقي ياماما انا كنت تايهة ازاي ومش عارفة اخد قرار ..بس اما قعدت مع نفسي بهدوء وفكرت براحة كدة لقيت إن مفيش حاجة بتحصل في حياتنا إلا بسبب واكيد جوازه كان وراه سبب قعدت افكر انا عملت ايه ممكن اكون عملت حاجة غصب عني ضايقته مني بس لقيت محصلش حاجة مني وكنا كويسين جدا ومبسوطين دماغي كانت هتنفجر من التفكير وقولت مالهاش حل إلا بقي أني اسمع منه هو
سامية: بصي ياسوزان ياحبيبتي مفيش حاجة بتحصل في حياتنا إلا بترتيب من ربنا كل حاجة بتحصلنا في حياتنا فهي من ترتيب ربنا وبيكون ربنا ليه حكمة في أللي بيحصلنا عشان نتعلم ..ناس غبية أللي تقولك لا انتو أللي بتتصرفوا وانتو أللي بتتحكموا لا هما غلط ربنا هو أللي متحكم في كل حاجة النَفس أللي طالع داخل مننا دة فهو بأمر من ربنا سبحانه وتعالى ولولا أمر ربنا مكنش طلع النَفس دة مفيش حد بيوصل لحاجة بمجهوده كله بتوفيق من ربنا ومهما اجتهدنا وتوفيق ربنا محالفناش يبقي عمرنا ماهنوصل لحاجة وعشان كدة احنا بنسعي وتوفيق السعي دة على ربنا وربنا عمره مايضيع تعب حد اجتهد وسعي وعمل أللي عليه ممكن مايدلوش الحاجة أللي كان بيحلم بيها أو في وجهة نظره مش تقدير لتعبه وأنه كان يستحق اكتر من كدة بس صدقيني ربنا بيعوض لدرجة بيخلينا نقول للدرجة دي احنا نستحق كل الخير اللي احنا فيه دلوقتي دة !! وربنا عمره مايخذل حد لجأ ليه وظن بيه الخير خلي ظنك في ربنا خير عشان تلاقي كل الخير وخليكي دايما متأكدة كل حاجة بتحصلك في حياتك فهي بأمره وارداته ..تعرفي ليه ربنا ماخلناش نشوف المستقبل !! لأننا لو كنا شوفنا المستقبل ونعرفه كان الإنسان عمره ماسعي في الدنيا لأنه عارف أللي هيحصله فكان يسعي ليه بقي مادام عارف إن كدة كدة أللي هيحصله دة هيحصله عارفة زي مثلاً طالب داخل الامتحانات وخايف لو داخل وعارف أنه هينجح وهيجيب مجموع ويدخل كلية كويسة مكنش خاف ولا كان فتح كتاب لانه هيبقي عارف أنه هيجيب المجموع دة خلاص وينجح وكدة فيذاكر ليه بقي مادام كدة كدة ناجح !! لو كنا بنشوف المستقبل كانت الناس دي كلها ومنصابهم أللي فيها مكنوش هيبذلوا مجهود عشان يوصلوا ليها مادام كدة كدة هيوصلوا ليها وعشان كدة ربنا ماخليناش نشوف المستقبل عشان نفضل نسعي لأنك طول مانتي مش عارفة أللي هيحصلك هتفضلي تسعي ورا حلمك لحد اما تحققيه لانك هتبقي خايفة ليضيع منك وكمان عشان ربنا مخلقش الدنيا للراحة ربنا خلق الدنيا للسعي والاجتهاد فهمتي بقي يابنتي إن كل حاجة من ترتيبات ربنا جوازك وحياتك كلها من ترتيبات ربنا مش من ترتيبات حد
سوزان بارتياح: ياه ياماما عن كمية الراحة في الكلام عن ربنا سبحانه وتعالي اد كدة ربنا حنين اوي ورحيم بينا اوي ومهما بنغلط بيسامحنا وعشان كدة احنا كمان لازم نسامح لأننا اكيد مش احسن من ربنا ولو هنتعامل لا مانسامحش عشان في حاجات مينفعش نسامح فيها طيب ماحنا برضو بنغلط في حاجات بيكون ربنا نهينا عنها وبرضو بنعملها ومينفعش ربنا يسامح ومع ذلك بيسامحنا برضو ليه احنا كمان مانبقاش كدة !! انا خدت بالي من حاجات كتيرة اوي ياماما مكنتش واخدة بالي واهمها رحمة ربنا الواسعة ..انا مسامحة شاكر مسامحاه على كل حاجة واكيد كمان ربنا كمان هيسامحه وانا سامحته عشان خاطر ربنا الاول وعشان خاطر لسة بحبه وعشان خاطر عيالي مايتربوش بعيد عن ابوهم واحرمهم من ابوهم واشيل ذنب حرام
سامية بإبتسامة: ربنا يهدي سرك يارب يابنتي ويسعدكم ويقومهولك بالسلامة يارب ..وبهزار: بس ايه الحب دة كله وكنت كل أما اجي اكلمك لا ياماما مش هرجع ياماما
سوزان بضحك: كانت لحظة زعل بقي ياماما بس انا عمري ماتمنيت ابعد عنه وكنت خايفة ليطلقني فعلاً بس هو معملش كدة ودة اكدلي الاحساس أللي جوايا أنه في سبب يخليه يعمل كدة محاولاته معايا يرجعلي كل دة حاجات اكدتلي أنه ميعملش كدة إلا لو كان في سبب وسبب قوي كمان ..عارفة ياماما أما تعب حسيت اني اتكسرت وبقيت تايهة ودماغي وقفت عن التفكير شاكر ياماما مش عيشرة شهر ولا شهرين دة عيشرة ٧ سنين كل يوم في ال٧ سنين ذكري جديدة ويوم جديد وحاجات كتيرة مرينا بالسهل والصعب مع بعض واستحملنا مع بعض كل حاجة حب سنتين خطوبة و٥ سنين جواز يعني حب٧ سنين مش سهل يتنسي بين يوم وليلة ومش سهل ابعد عنه وأنسي كل حاجة كدة دة احنا بينا ايام وسنين وذكريات وعيال كمان فرحنا كتير مع بعض وزعلنا كتير وكل دة مرينا بيه مع بعض ومع ذلك ماسيبناش ايد بعض ييجي بقي دلوقتي ونسيب ايد بعض بسبب حد دخل حياتنا ونسيبه هو بقي أللي يتحكم في حياتنا !! مستحيل ياماما طبعا انا بحبه وهفضل احبه لآخر يوم في عمري على الأقل افتكرله حاجة حلوة عملها ليا دة موقف واحد بس قصاد حاجات كتيرة حلوة والحلو يغفر الوحش ويمحيه كمان والحب قادر يتغلب على اي حاجة صعبة مرينا بيها في حياتنا
"شاكر كان صحي وسمع كل حاجة سوزان قالتها وحس ساعتها اد ايه أنها تستاهل حبه ليها والتضحية عشانها ودموعه نزلت وقام يتكلم"
شاكر بتعب: وانا كل يوم أسأل نفسي انا ليه بحبك اوي كدة طلعتي فعلاً تستاهلي كل الحب أللي في قلبي ليكي
سوزان بخوف: شاكر أنت ايه قومك من السرير انت لسة تعبان ي حبيبي
شاكر بتعب: أما بشوفك ببقي كويس
سوزان: طيب عشان خاطري تعالي ارتاح في السرير ..وذهبت معه للسرير وجلس عليه وجلست بجانبه
شاكر: انا فعلاً ربنا بيحبني عشان رزقني بيكي انتي رزق من عند ربنا وانا عمري ماافرط فيه مهما كان السبب مندمتش لحظة على جوازي منك مندمتش على حاجة على اد ماندمت أني كنت سبب في كل الوجع أللي جواكي دة انا كنت فاكر إن انا بس اللي بحبك اوي طلعتي انتي بتحبيني اكتر مانا بحبك بكتير اوي
سوزان: شاكر عشان خاطري انت لازم تستريح ومتتعبش نفسك في الكلام انا عندي سلامتك ورجوعك ليا بالسلامة بالدنيا ومافيها ومش عاوزة حاجة تاني بعد كدة كل أللي يفرق معايا دلوقتي هو انت وبس سلامتك وبس مش حاجة تانية
شاكر: ربنا يخليكي ليا يارب ..بس انا كنت عا..قاطعته سوزان وهي تضع يديها ع فمه: مش وقته مش وقته دلوقتي الكلام دة ولا وقت نتكلم فيه في حاجة قوم انت بس بالسلامة ليا ولعيالك ونبقي نتكلم إنما دلوقتي فأنت لازم تستريح لأن راحتك اهم من اي كلام ممكن يتقال واسمعه
سامية: أيوة ياعم مين قدك بقي ..حمد لله على سلامتك ياشاكر يابني وربنا يقومك بالسلامة يارب
شاكر بإبتسامة: الله يسلمك ياماما وربنا يخليكي يارب
٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭٭
حاتم: طيب انا هقوم اخش الحمام اغسل ايدي وانتو اقعدوا كلوا براحتكم
"وذهب حاتم وتركهم وهو ذاهب فاصطدم بفتاة"
الفتاة: انا اسفة جدا بجد
حاتم بإبتسامة: لا حصل خير انا اللي آسف
الفتاة بإبتسامة: شكرا لذوقك عن اذنك
عند حنين وآمال
حنين: ايه يا لول سرحانة في ايه كدة
آمال: مفيش ياحنين والله عادي
حنين بحزن: بتفكري في أدهم !!
آمال: ايه خلاكي تقولي كدة ياحنين !!
حنين: لأن عينيكي بتقول كدة ياآمال ونظرتك بتقول كدة وطريقتك وكل حاجة فيكي بتقول كدة
آمال: مش عارفة انساه ياحنين مش عارفة صدقيني حاولت وماعرفتش
حنين: لازم تعرفي يا آمال لازم مينفعش صدقيني انتي كدة بتعذبي نفسك على الفاضي انتي بتدوري على حاجة ومش لاقياها وهي موجودة فيه وانتي عاوزة ترجعي ليه عشان الحاجة دي مش عشان بتحبيه بس مش واخدة بالك انك كدة بتدمري نفسك قبل اي حاجة وبرضو مش هتاخدي الحاجة دي لأنك لو تعرفي ترجعيها كنتي حافظتي عليها من الأول ومكنتيش ضيعتيها وترجعي تدوري عليها
آمال: الموضوع صعب ي حنين م.. قاطعتها حنين: وكان سهل أما بعدتي بمزاجك !! زي مابعدك ونسيانك اول مرة كان سهل يبقي اكيد تاني مرة هيكون اسهل
٭٭٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭٭٭٭
وفي صباح اليوم التالي
ياسمينا: صباح الخير يامنول
منال: صباح النور ي ياسو ..مبروك لأختك وعقبالك
ياسمينا بإبتسامة: الله يبارك فيكي ياحبيبتي وعقبالك كدة يارب
منال بغمزة: لا أنتي أللي عليكي الدور بقي انتي ومصطفي
ياسمينا بكسوف: ادعيلنا واتفضلي يلا ركزي في شغلك
٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭٭٭
حسام: ايه يامصطفي مالك كدة
مصطفي: مش نايم كويس خالص وكان عندنا ظروف ف البيت وكدة وغير خطوبة احمد ابن خالتي بقي
حسام: طب ماكنت تاخد إجازة النهاردة يابني
مصطفي: لا ياعم إجازة ايه انت عاوز مهندس أدهم يرفدني انا هشرب مج نسكافيه ولا فنجان قهوة كدة وابقي تمام اوي
٭٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭
في مكتب أدهم يجلس أدهم فسمع طرق علي الباب فأذن بالدخول
هدير: أدهم بيه في واحدة برة بتسأل علي حضرتك وعاوزة حضرتك
أدهم: اسمها ايه !!
هدير: اسمها هند وبتقول إن حضرتك مستنيها
أدهم: اه دخليها حالا
هدير: تحت امرك ي فندم ..اتفضلي ي آنسة هند
أدهم وهو يسلم عليها: أهلا وسهلاً ازيك ياهند عاملة ايه
هند بإبتسامة: الله يسلمك انت اخبارك معلش بقي هتعبك
أدهم: لا ابدا ماتقوليش كدة ..قوليلي تحبي تشربي ايه الأول !!
هند: لا ربنا يخليك ولا حاجة
أدهم: لا مينفعش لازم تشربي حاجة
هند: ممكن نسكافيه
أدهم: هدير واحد نسكافيه وفنجان القهوة بتاعي
هدير: تحت امرك يافندم عن اذن حضرتك
أدهم: تحبي تبدئي شغل من امتي وعندك فكرة ولا لا !! ولا تحبي نتكلم شوية الاول افهمك !!
هند: انا ممكن ابدأ من دلوقتي معنديش مشكلة وكنت اشتغلت كتير ف شركات هندسة وانا مسافرة برة
أدهم: كدة تقدري تستلمي شغلك من بكرة وانا هفهمك كل حاجة ماشية ازاي
٭٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭٭٭
ياسمينا: مالك يامصطفي فيك ايه !!
مصطفي: مفيش جوز أختي تعب واتحجز في المستشفي ومنمتش كويس بقي طبعا وكدة
ياسمينا: لا الف سلامة عليه وربنا يقومه بالسلامة يارب إن شاء الله
مصطفي: يارب إن شاء الله
ياسمينا: وسوزان عاملة ايه طيب !!
مصطفي: منهارة طبعا ..بس هو بدأ يبقي كويس الحمد لله
ياسمينا: اه دة طبيعي ربنا يكون في عونها يارب وربنا يتم شفاه علي خير يارب
مصطفي بغمزة: وانتي بقي مش هاييجي يوم وتقلقي عليا كدة !!
ياسمينا بكسوف: بعيد الشر عليك يامصطفي ..وكل وانت ساكت بقي
مصطفي بضحك: عيوني ياست البنات
★★★★★★★صباح وحيد ★★★★★★★
وبعد مرور أسبوع خرج شاكر من المستشفي وذهب إلي البيت وسوزان بجانبه ترعاه حتي في يوم من الايام يجلسان وسمعا جرس الباب يدق فذهبت سوزان لتفتح الباب لتنصدم بمن علي الباب .....
شيري ببجاحة وبرود: سوزان هانم بنفسها أللي بتفتحلي الباب
سوزان: .........