🌛الفصل الخامس عشر 🌜
٭٭٭٭٭٭٭٭
دخلت ياسمينا من باب القاعة مع منال وعلي وجهها ابتسامة جميلة ولكن سرعان مااختفت تلك الابتسامة وظهرت مكانها دموع خفيفة عندما رأت مصطفي مع هند وأنه هو العريس فحدثت نفسها بصوت منخفض لا أحد يسمعه غيرها: مصطفي !! معقولة !! طب ازاي وامتي وليه !! واسرعت تجري علي الحمام لتداري دموعها وتحاول أن تتماسك امام الناس ولكن هل ستنجح في ذلك !! ذهبت ياسمينا بعد أن استعادت نفسها من جديد وذهبت الي مصطفي وهند لتسلم عليهما وتبارك لهما وعلي وجهها ابتسامة
ياسمينا بإبتسامة خادعة: مبروك ياهند ياحبيبتي ..ووجهت نظرها لمصطفي: مبروك يابشمهندس
هند وهي تحتضنها بسعادة: الله يبارك فيكي ياحبيبتي وعقبالك يارب
"وتركتهم وذهبت لتجلس علي احدي الطرابيزات"
منال بقلق: ياسمينا انتي كويسة !!
ياسمينا بإبتسامة: اه انا تمام اهو في ايه !!
منال: مش حاسة انك كويسة ومش عارفة اقولك ايه ولا اعملك ايه بجد
ياسمينا: ماتقلقيش انا كويسة أو هبقي كويسة اكيد هبقي كويسة .. وتفاجئت بدخول أحمد وملك ووالدها ووالدتها
ملك بصدمة: ايه دة ياسمينا انتي هنا بتعملي ايه !!
ياسمينا: ماهي دي صحبتي أللي نازلة احضر خطوبتها
أحمد: وخطوبة مصطفي علي صحبتك دي ..اه صحيح مانتو مع بعض في الشغل
سهير: طيب كنتي قولتي ياحبيبتي كنا نزلنا كلنا مع بعض بدل مانتي جيتي لوحدك
ياسمينا: لا عادي ياماما اصلي كنت نزلت مع منال بقي وكدة وكمان مكنتش اعرف انكم جايين عشان مكنتش اعرف إن مصطفي هو العريس
صافي وتحتضن ياسمينا: ياسو وحشتيني اوي بجد نورتينا النهاردة وعقبالك ياقمر
ياسمينا بإبتسامة: حبيبتي ربنا يخليكي والف مبروك وعقبالك بقي
صافي: ربنا يخليكي ..انا شوفتكم قولت اجي اسلم عليكم ..اسيبكم انا بقي براحتكم
ملك وشدت ياسمينا بعيد وهي تقول احنا رايحين الحمام بسرعة وجايين: ها مالك في ايه !!
ياسمينا وتبعد وجهها عن ملك: ايه !! في ايه !! مفيش حاجة انا كويسة اهو قدامك هيكون في ايه يعني !!
ملك ومسكت وشها لفته ليها: عينيكي بتلمع بالدموع والحزن ليه كدة في يوم زي دة !!
ياسمينا بتلعثم: ع..عشان.. ملك مقاطعة لها: عشان ايه كملي !! ومسكت وشها بين ايديها: اوعي تكدبي عليا ياياسمينا في حاجة وعينيكي باين فيها
ياسمينا بدموع وارتمت بحضن أختها: انا تعبانة ياملك اوي ومش عاوزة اتكلم دلوقتي عشان مش وقته دلوقتي خلي اليوم دة يعدي علي خير وانا كدة من غير أما يبان عليا حاجة واول أما نروح هحكيلك كل حاجة عشان فعلا محتاجة اتكلم وحد يسمعني محتاجة حد يحس بالوجع اللي جوايا
ملك: اهدي اهدي ايه حصل لدة كله !! احنا ساعة اصلا ولا حاجة وهنمشي خلاص
ياسمينا وتمسح دموعها: تمام اول أما نروح هحكيلك كل حاجة .. دلوقتي بقي تعالي نطلع عشان اتأخرنا
وذهبا كل من ياسمينا وملك للخارج ليجلسا معهما علي احدي الطرابيزات .. وإذ فجأة يدخل أدهم المهدي مع والده للقاعة
محمود بسعادة: أهلا أهلا ياحسين اخبارك ايه واحشني
حسين بسعادة اكبر وصدمة: أهلا محمود عاش من شافك ياأخي فينك مختفي فين !!
محمود: موجود اهو أنت اللي فينك ..ازيكم ياجماعة منورين .. وبصدمة: ايه دة احمد !! ازيك يابني
أحمد بإبتسامة: الحمد لله ازي حضرتك
حسين: ايه دة انتو تعرفوا بعض !!
محمود: اه طبعا احمد يبقي صديق أدهم ابني من زمان اوي
حسين بإبتسامة: اه عشان كدة بقي ..صحيح نسيت اعرفك ..ام ملك المدام ..ودي ملك بنتي الكبيرة وأحمد يبقي خطيبها ودي ياسمينا بنتي الصغيرة
محمود: أهلا وسهلا اتشرفت بيكم وفرصة سعيدة
"وجلسا كلاهما مع بعضهما في جو من الضحك والسعادة ولكن هناك قلوب تتألم وبداخلها وجع لا أحد يشعر به وانتهي اليوم بسلام وذهبا كلٌ علي منزله"
٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭٭٭٭
وفي اليوم التالي
منال: ياسمينا انتي لسة بتفكري في الموضوع !!
ياسمينا بوجع: وانتي فاكرة أني سهل انسي كدة وكأن حاجة ماحصلتش !! بس انا كويسة جدا الحمد لله ماتقلقيش عليا
منال بقلق: يارب تكوني كويسة فعلاً
ياسمينا وابتسمتلها وجرس البريك ضرب فتحدثت ياسمينا قائلة: انا نازلة اجيب أكل اجبلك حاجة معايا !!
منال بحزن: لا ياحبيبتي انزلي انتي
"وذهبت ياسمينا وهي تنتظر الطعام تقابلت مع مصطفي فنظرت له وتتركه وتذهب فأوقفها قائلاً: ياسمينا ممكن اتكلم معاكي شوية !!
ياسمينا بإبتسامة وجع: آسفة مابقاش في بينا كلام عشان نقعد ونتكلم فيه
مصطفي: بعد اذنك خلينا نقعد ونتكلم شوية
ياسمينا: حتي لو قعدت واتكلمنا الكلام هيغير ايه ها !! هتفسخ خطوبتك مع هند مثلا وتيجي تخطبني !! ولا ايه اللي هيتغير !! شوفت بقي إن مفيش كلام نتكلم فيه !! وعلي العموم عشان اريحك اديني قعدت أهو اتفضل عاوز تقول ايه !!
مصطفي: انا آسف ا.. قاطعته ياسمينا: آسف !! آسف علي ايه !! فاكر قولتلك ايه يامصطفي اول ماجيت صارحتني !! قولتلك مش اد كسرة القلب من حد هكون حبيته واتعلقت بيه قولتلي مستحيل اكسرك أو اسيبك وكسرتني فعلاً
مصطفي: اديني فرصة اشرحلك ..انا وهند كنا مرتبطين زمان وهي سافرت ومن ساعتها معرفش عنها حاجة واتفاجئت برجوعها و...قاطعته ياسمينا قائلة: وايه !! كمل !! لا استني هكملك انا احسن وروحت كملت المشوار اللي بدأتوه زمان مش كدة !!
مصطفي: بس انا حبيتك برضو ي ياسمينا ..قاطعته ياسمينا وهي تضحك: انت ايه !! هههههه حبيتني !! هههههه ضحكتني والله ..وبجدية: انت محبتنيش يامصطفي ولا حاجة انت كنت بتحاول تنساها بيا انت كان عندك فراغ جواك حبيت تملاه بس مش اكتر إنما حب لا بتضحك علي نفسك قولت تقرب مني يمكن تنساها بيا ..سؤال واحد بس ليه ماقولتليش إن كان في حد في حياتك قبلي !! ليه قربت مني وانت في قلبك غيري !! معندكش رد طبعا لأن الرد هو انك كنت بتحاول تنسي حب في حياتك لحد بحد تاني صح !! قولتلك مش اد كسرة القلب قولتلي مستحيل اكسر قلبك وأنت فعلاً ماكسرتوش انت حطمته يامصطفي ليه قربت مني وانت في حياتك غيري !! ليه حاولت تقربني وانت عارف انك مش هتكمل معايا وهتروح لغيري !! امشي يامصطفي وانساني لأني أنا كمان هنساك وهنسي اني حبيتك اصلا والحمد لله اننا كنا لسة علي البر
"وذهب مصطفي وتركها وبعد أن ذهب ذهبت ياسمينا للحمام تبكي ثم هدأت وغسلت وشها وخرجت وذهبت لمكتبها"
منال بقلق: ياسمينا انتي كويسة !!
ياسمينا: اه انا الحمد لله تمام اهو
منال بقلق: كنت عاوزة اعتذرلك ع..قاطعتها ياسمينا: تعتذري !! تعتذري علي ايه !! انتي مالكيش ذنب في حاجة
منال بأسف: اني كنت سبب في جرحك دلوقتي كان معاكي حق اما مكنتيش عاوزة توافقي بس انا السبب في انك وافقتي سامحيني ياصحبتي
ياسمينا بإبتسامة ورفعت وجهها: بطلي بقي تخبي وشك مني ..وبعدين ي ستي مانا قدامك كويسة اهو وزي الفل في ايه بقي !!
منال: وهو دة أللي قلقني عليكي لانك مش كويسة بس بتحاولي تباني انك كويسة
ياسمينا: هبقي كويسة اكيد هبقي كويسة مش هفضل طول عمري كدة اكيد هرجع زي ماكنت بس هي المسألة مسألة وقت بس مش اكتر
٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭٭٭
سوزان وهي تجري بالشقة: سما ..سما..تعالي هنا يلا عشان تاكلي تعبتيني معاكي
سما وهي تجري: لا مس عاوزة اتل تولتلت سبعانة هدخل اصحي بابا اتوله ( الترجمة😂:لا مش عاوزة أكل قولتلك شبعانة هدخل اصحي بابا اقوله) ..وجريت وفتحت باب الغرفة علي شاكر تيقظه بسرعة وهي تجلس فوقه تقول: بابا بابا اصحي بتي انت تل سوية تنام (الترجمة😂: اصحي بقي انت كل شوية تنام)
سوزان وهي تحاول الإمساك بها: يابت تعالي اخرجي وسيبي بابا نايم تعبان بتصحيه ليه
سما بزعيق: لا انا عايزاه يصحي يتعد معايا (يقعد معايا)
سوزان ولسة هتتكلم قاطعها صوت شاكر وهو يحتضن ابنته: وانا صحيت اهو ياقلب بابا وهقعد معاكي عاملة دوشة ليه بقي وتاعبة ماما معاكي !!
سما بزعيق طفولي: انا مس بتعبها هي أللي بتتعبني عاوزة تأتلني اتولها مس عاوزة اتل انا عسان سبعت بلضو عاوزة تأتلني بالعافية مس عاوزاني اصحيت اتولها اصحي بابا تتلي لا مس تصحيه سوفت بتي إن هي أللي بتتعبني مس انا (الترجمة 😂: انا مش بتعبها هي أللي بتتعبني عاوزة تأكلني اقولها مش عاوزة أكل انا عشان شبعت برضو عاوزة تأكلني بالعافية مش عاوزاني اصحيك اقولها اصحي بابا تقولي لا مش تصحيه شوفت بقي إن هي اللي بتتعبني مش انا)
شاكر وانفجر ضاحكًا من طريقة ابنته: معلش حقك عليا انا ياحبيبة بابا وبعدين اديني صحيت اهو بقي خلاص
سوزان: قولها تاكل بقي ياشاكر عشان ماكلتش ولازم تاخد الدوا
شاكر: طيب ممكن تسمعي الكلام وتاكلي بقي عشان تاخدي الدوا عشان خاطر بابا !!
سما: يووه بتي تولت سبعت مس عاوزة اتل الله (قولت شبعت مش عاوزة أكل)
شاكر: خلاص ياسوزان شوية كدة واكليها ماتضغطيش عليها عشان ماتتعبش بس وتاكل غصب عنها
سوزان بنفاذ صبر: ماشي ..ماشي ياسما ..وقربت من شاكر: انت عامل ايه دلوقتي !!
شاكر وضمها إليه: الحمد لله أحسن ..وسما قاطعته وهي تبعد سوزان عنه ولكن سوزان لاتستجيب لها فبدأت في البكاء فأبعدها شاكر عنه وهو يقول: حبيبة بابا مالها بتعيط ليه بس
سما وهي تبعد يد سوزان عن شاكر: بابا تاعي وحدي ماتلتيش دعوة بيه (بابا بتاعي لوحدي مالكيش دعوة بيه)
انفجرا كل من سوزان وشاكر في الضحك علي غيرة ابنتهما علي ابيها وظلا يضحكون ويلعبون معها
٭٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭
ياسمينا وتجلس بغرفتها تستمع إلي اغنية حزينة وهي ليه ماقولتليش من اولها كان حد في حياتك قبلي لانغام
"ليه ماقولتليش من أولها كان حد في حياتك قبلي أما ساعات بتحنلها كنت ليه بتقربلي صفحة وقبل أما تقفلها طب كنت ليه بتفتح غيرها ...." اسمعوها انتو بقي 😂
فدخلت ملك إليها وهي تقول: هو مين دة أللي ليه ماقالكيش من اولها ها !!
ياسمينا بتوتر: ها لا دي الأغنية عاجباني بس فعشان كدة بسمعها
ملك وجلست بجانبها وترفع وجهها بيدها: مالك بقالك كام يوم كدة مطفية والحزن بيلمع في عينيكي استنيتك تحكي زي ماقولتي بس مجتيش فقولت اجيلك انا
ياسمينا وارتمت بحضن اختها تبكي بشدة: اه ياملك تعبانة ..تعبانة اوي ياملك
ملك بقلق وترفع وجهها: في ايه وحصل ايه !! احكيلي
ياسمينا ببكاء وقصت عليها كل ماحدث وارتباطها بمصطفي إلي خطوبته علي هند: معرفش ليه قرب مني طيب ليه خلاني احبه !! انا رفضت بس هو حاول يعني هو اللي كان عاوز مش انا يعني هو أللي جيه مش انا اللي روحت ليه أما هو ناوي يمشي كان بيقرب !! انا موجوعة ..موجوعة ياملك ولسة مش قادرة استوعب إن ممكن يبقي في حد يعمل كدة في حد
ملك بدموع: قدر وماشاء فعل ياحبيبتي واكيد قربه منك مكنش خير ليكي فعشان كدة ربنا بعده عنك وبعده بالطريقة أللي مستحيل يرجع تاني مهما حصل لانه عارف إن كان ممكن تحاولي ترجعيه أو ترجعي ليه وربنا مش شايفه خير ليكي وعشان كدة بعده عنك بالطريقة أنه يضمن انك مترجعيش ليه تاني وانك تحاولي ترجعي حاجة هو بعدها عنك ارضي بنصيبك وقولي الحمد لله محدش عارف الخير فين ولا ايه أللي كان هيحصل احمدي ربنا واطمني لاختياراته ليكي لأنها هي الأنسب والافضل ليكي
ياسمينا: الحمد لله ..بس احنا بشر لازم نتوجع لأننا لو ماتوجعناش مانبقاش بشر بس الوجع بيكون صعب من شخص ماتوقعتيش منه الوجع وقالك أنه مستحيل يكون سبب في وجعك من شخص وثقتي فيه وصدقتيه غير الوجع من حد تاني وجوده مش مهم بالنسبالك ..مصطفي ماحبنيش ياملك ومعرفش ليه قرب مني لا اقولك قرب مني ليه قرب مني عشان ينسي علاقة في حياته بيا عارفة زي ماتكوني متضايقة من حاجة ومخنوقة وتقولي طيب انا هقابل صحابي ونخرج نقعد ف اي مكان أو نروح اي مكان عشان في اعتقادك كدة انك هتنسي أو تسافري تغيري جو عشان تنسي أللي خانقك دة فبتحاولي تنسي حاجة جواكي بحاجة تانية تكون البديل ليها وهو عمل كدة معايا وجرحني وكدب عليا أيوة كدب عليا أما قالي أنه بيحبني كل كلامه ليا كان كله كدب في كدب حتي أما قالي أنه هاييجي يتقدملي كان كدب برضو لأنه لو كان عاوز يتقدم كان أتقدم زي ماتقدم لهند علطول ازاي طيب اتقدملها وهو مش جاهز لسة زي ماكان بيقولي !! شوفتي بقي إن حبه ليا كان كدب بس اقولك انا بشكره أنه علمني درس ماثقش في حد تاني مهما كان كلامه ومبرراته ..وبضحكة مكسورة مليانة وجع: ربنا يسعده في حياته الجديدة مع أللي قلبه اختارها أما بالنسبة ليا انا فأنا هتأقلم علي الوضع وارجع زي زمان بس الموضوع محتاج شوية وقت بس مش اكتر وهنساه اكيد هنساه وربنا يطبطب علي قلبي بقي
ملك واحتضنتها: انا مش هعاتبك ولا هقولك انك غلطتي لأني أنا عارفاكي وحاجة زي كدة طبيعي تحصل بس تعلمك بقي بعد كدة انك تفضلي علي موقفك وانك مالكيش دعوة بكلام حد وليكي دعوة بنفسك وبس ..مفيش تجربة بنمر بيها إلا أما يكون منها درس لينا لحياتنا الجاية بعد كدة نتعلم منها وكل ماكان الوجع صعب كان تعليمك احسن ومفيش حد مابيغلطش مهما كان صح لازم يغلط لأن مفيش حد كامل ولولا الأخطاء دي مكناش اتعلمنا حاجة في حياتنا ولا كوننا شخصيتنا الغلطات دي هي أللي بتكون مننا شخصية قوية أو ضعيفة وكل شخصية علي حسب تجربتها واللي مرت بيه ..التجارب هي أللي بتكون شخصياتنا ولولا التجارب مكناش عرفنا اننا نكون شخصيتنا لأن كل تجربة زي مابتاخد مننا حاجة سواء بقي طاقة أو مجهود أو أي حاجة تانية بتدينا برضو حاجة قصاد الحاجة اللي خادتها بتدينا درس ماننسهوش طول حياتنا ونتعلم منه وبتدينا قوة اننا نقدر نواجه من تاني ولو مكناش بنغلط مكناش هنقدر نعيش في الحياة لأننا ماكنش هيبقي عندنا القوة أللي نقدر نواجه بيها مصاعب الحياة
ياسمينا ببكاء شديد: وليه لازم توجعنا وهي عارفة إن الوجع صعب يتداوي ليه بتوجعنا وجع مالوش علاج ها !! ليه ماتعلمناش من غير ماتوجعنا !! ليه لازم توجعنا وتسيب وجعها جوانا عايشين بيه طول حياتنا ليه لازم تسيب اثر فينا وعلامة تفضل معلمة فينا مابتروحش ها !! قوليلي ي ملك ليه ها !! ليه لازم تاخد مننا حاجة وببكاء شديد: ليه ي ملك ها ليه !!
ملك ببكاء واحتضنت ياسمينا تبكي في حضنها: لازم توجعك عشان تعلمك صح لأنها لو علمتك من غير وجع مش هتتعلمي ومش يمكن علمتك من غير وجع بس ماتعلمتيش !! زي لو عندك طفل صغير لقتيه بيعمل حاجة غلط لو زعقتيله بس هاييجي يغلط لتاني مرة بعكس لو هددتيه بحرمانه من حاجة بيحبها وعقابه بيها وضربتيه جامد مثلا مش هيعمل الحاجة دي تاني عارفة ليه !! عشان ساعتها بس هيفتكر الحاجة أللي هددتيه بيها وهيخاف انها تضيع منه فمش هيكرر غلطه تاني وهيحس بوجع الضرب فهيتراجع شوفتي بقي الفرق بين المرتين !! وانتي مش صغيرة عشان نهددك بحاجة أو نضربك والدنيا لازم تسيب فيكي وجعها لأنها لو علمتك من غير وجع مش هتتعلمي حاجة ووجعها ليكي عشان تعمل منك شخصية لأن لولا التجارب مكناش كوننا شخصياتنا وعشان كمان تديكي قوة بدل ضعف ويقظة للي بيدور حواليكي بدل غفلة
ياسمينا: معاكي حق بس الوجع صعب القلب مجروح ومالوش علاج والجرح عميق مش سهل يتقفل ولا يتعالج لأنه اول جرح واول جرح بيكون صعب بس جرح بألف جرح عارفة زي حد لو اتجرح في صباعه مثلا اول مرة هيتوجع جامد وتاني وتالت مرة كمان بس بعد كدة لو اتجرح فيه تاني مش هيحس بوجع لأنه اتعود خلاص كل شوية يتجرح فيه فزي ماتقولي كدة زهق مابقاش فارق معاه عشان كدة مابقاش يحس بالوجع زي الاول وانا بقي جرحي دة بألف جرح واتعلمت منه خلاص ومابقاش يفرق معايا حاجة ولا فراق حد من حياتي
ملك: انسي ..انسي ياياسمينا عشان ترتاحي انسي عشان انتي فعلا لازم تنسي وخليها تجربة ودرس ليكي تتعلمي منه للي جاي بعدين وتخلي بالك ..وصدقيني بكرة ربنا يعوضك بالأحسن منه وأللي يحبك بجد ويخاف ويحافظ عليكي ربنا كبير اوي ياحبيبتي ومش بيسيب حد محتاجله الجأي لربنا واشكيله واعتذريله انك غلطتي في حقه هو الوحيد أللي يستحق اعتذارك ليه
ياسمينا ببكاء: ماليش وش ارجع لربنا واطلب منه يقف جمبي بس انا عارفة أنه عارف اني محتاجاه بس مش قادرة ألجأ ليه واطلب منه يقف جمبي بأنهي وش ي ملك !! ماليش وش ومكسوفة من نفسي اوي ومن ربنا اوي
ملك بإبتسامة: تقولي الكلام دة لو هتطلبي المساعدة من حد مش من ربنا .. ربنا مسمي نفسه الغفور الرحيم عشان بيغفر الذنوب بعد التوبة ومسمي نفسه العفو الرحيم عشان بيعفو عنا ويسامحنا مهما غلطنا ومهما عملنا عمرك ماهتلاقي حد يحبك ويخاف عليكي ويتقبلك بكل حالاتك وفي جميع احوالك غير ربنا ..ربنا أحن عليكي اكتر من امك وابوكي ونفسك كمان فأوعي تفكري كدة تاني لأن ربنا احن من كدة بكتير اوي ورحيم بينا اوي لدرجة احنا لو وصلنا ليها هنتكسف من نفسنا اوي ومن أللي بنعمله وتقصيرنا في حق ربنا من ناحية حاجات كتيرة ..ارجعي لربنا وادعيله واطلبي منه يطبطب على قلبك ويقويكي وصدقيني مستحيل ربنا يخذلك بعد أما لجأتي ليه أو يرجعك بحالتك اللي راجعاله بيها بالعكس هيرجعك اقوي من الاول وهيجبرك جبر انتي من كتر الجبر مش هتصدقي ثقي في ربنا والجأي ليه وقت ضعفك وقوتك وخليه هو ملجأك الاول والاخير وأوعي تقولي كلامك الاهبل دة تاني كلامك دة تقوليه مع اي حد إنما مش مع ربنا احنا مالناش غيره نتسند ونستقوي بيه وقت ضعفنا
ياسمينا بإبتسامة: صح معاكي حق ..كلامك ريحني وخلاني اخد بالي من حاجات كتير مكنتش واخدة بالي منها ..شكرا ليكي وشكرا انك في حياتي
ملك بضحك: شكرا !! قومي يلا يابت من هنا قال شكرا قال
ياسمينا بضحك: استني بس خلاص اسفة اسفة خلاص
ملك بإبتسامة وتحتضنها: ربنا يخلينا لبعض يارب ودايما مع بعض طول العمر ..ويسعدلي قلبك يارب
٭٭٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭»٭٭٭٭
وبعد مرور ثلاثة اشهر تقريبا بدأت ياسمينا تتأقلم مع الوضع الجديد وعلي غياب مصطفي ودعت ربها أن يزل حبه من قلبها وبالفعل زال حبه من قلبها ولم تشعر بشيء اتجاهه حتي حين تراه مع هند لم تشعر بحزن داخلها فتعجبت فقد استجاب لها ربها بالفعل فحمدت ربها حمدا كثيرا علي هذا .. وفي يوم من الايام اتي مصطفي وطلب منها أن يجلس معها ليتحدث معها قليلا فوافقت ياسمينا ولم ترفض طلبه
ياسمينا: خير يامصطفي كلام ايه دة اللي عاوز تتكلم معايا فيه !!
مصطفي: عاوز افهمك الموضوع وماكونش في نظرك شخصية مش كويسة
ياسمينا بضحك: تفهمني الموضوع !! موضوع ايه أللي تفهمهولي !! وماتقلقش أنت مش في نظري حاجة لأني أنا مش شايفاك اصلا عشان تكون في نظري وحش أو حلو
مصطفي: طيب ممكن تسمعيني الاول وبعدين اتكلمي براحتك
ياسمينا: مابقاش يفرق معايا صدقني فكلامك مالوش لازمة
مصطفي: بصي ي ياسمينا انا وهند كنا نعرف بعض من ايام الجامعة وكنا مرتبطين ومتفقين علي الجواز لحد في يوم اتفاجئت أنها بتقولي أنها مسافرة برة لأن باباها بعتلهم لأنه كان مسافر شغل برة وماقالتليش هترجع امتي ولا هتقعد اد ايه لأنها هي نفسها مكنتش تعرف قالتلي حسب شغل باباها اول أما يخلص اكيد هينزلوا ..انا طبعا مكنتش موافق بس مفيش في ايدي حاجة اعملها غير اني ارضي بالأمر الواقع واستناها لحد اما ترجع عشان انفذ وعدي معاها وعد الجواز وأنها مش هتبقي لحد غيري وسافرت هند فعلاً وكنا بنتكلم علطول لحد اما مابقتش تتكلم حاولت اكلمها اكتر من مرة وماعرفتش وتعدي سنة ورا سنة وأنا مستنيها ترجع في أي لحظة لكن برضو مارجعتش وعدا ٥ سنين علي سفر هند وانتظاري ليها طول الخمس سنين انها ترجع لكن مارجعتش حاولت أنساها لكن ماقدرتش كنت بشوفها في كل مكان حواليا مكنتش شايف غيرها ولا عارف اشوف غيرها لحد اما شوفتك وقابلتك حسيتك فيكي منها شوية ودة أللي خلاني أقرب ليكي قولت هي دي اللي هتعوضني عنها وصفاتك كانت قريبة من صفاتها وحسيت فيكي شبه منها ودة خلاني أصر اني أقرب منك عشان احس اني معاها وأنها معايا حتي وهي بعيد عليا حتي لو حد شبهها كنت بحس انها هي أللي قدامي وحبيتك ياياسمينا ماتسلتش بيكي حبيتك عشان لقيت فيكي منها كنت حاسس بتأنيب ضمير ناحيتك واني بظلمك معايا بس قررت ابتدي صفحة جديدة معاكي واقفل القديمة لأنها مابقتش موجودة خلاص ..وفجأة ظهرت هند من تاني واتصدمت أما شوفتها وقعدنا واتكلمنا وشرحتلي كل حاجة مكنتش مصدق نفسي انها رجعت واني شوفتها تاني وعشان كدة كان لازم اتمم الخطوبة بسرعة ..سامحيني ياياسمينا غصب عني والله بس انا فعلا والله حبيتك بس مكنش ينفع انفي بوعدي مع هند وعد ادتهولها من سنين مينفعش أنساه كدة بين يوم وليلة لو لسة فاكرالي حاجة حلوة سامحيني صفحة كانت اتقفلت في حياتك وفجأة اتفتحت واتفتح معاها كل الذكريات والوعود فكان صعب اقفلها من تاني خصوصا انها مكنتش اتقفلت بالنسبالي وبالنسبالها برضو ..خصوصا كمان اننا ماسيبناش بعض أصلا وهي حافظت علي الوعد واستنتني لحد اما رجعت من سفرها فكان انا كمان لازم احافظ علي الوعد أما استنيتها دة كله ومارجعتش فقدت الأمل في رجوعها فقررت ارجع لحياتي بقي وأما رجعت مكنش ينفع مارجعش لأن زي ماقولتلك احنا كنا زي قاريين فاتحة إنما مش سايبين بعض بس الغياب هو أللي طول
ياسمينا: وانا المفروض أرد اقولك ايه بقي دلوقتي ها !! اقولك برافو انك قدرت تحافظ علي حبك وقصة كفاح عظمة ..انا ماطلبتش منك تبرر ليا حاجة لأن تبريرك مش هيفرق معايا في حاجة ولا هيغير حاجة لأنك أنت نفسك ماتفرقش معايا في حاجة .. امشي يامصطفي وانساني لأني نسيتك ..وانت ماحبتنيش ولا حاجة زي مابتقول انت حبيت صفات فيا صفات هند وشبه منها حبيتني عشانها إنما ماحبتنيش انا شخصيا كياسمينا لا انت حبيت هند أللي شوفتها فيا أو انت أللي قررت تشوفها فيا من كتر اشتياقك ليها ..ودلوقتي عن اذنك بقي وقتك انتهي معايا
مصطفي وأوقفها: انا ببررلك مش عشان حاجة دة عشان اريح ضميري من ناحيتك بس
ياسمينا وضحكت: تريح ضميرك !! وانت من امتي كان عندك ضمير !! هو انت لو عندك ضمير فعلاً زي مابتقول كنت قربت مني وانت لسة في قصة حب في حياتك !! ضمير ايه دة اللي بتتكلم عنه وتعرف ايه عنه ها !! كان فين ضميرك وانت بتقولي بحبك وبتحاول تقرب مني وانت عارف ومتأكد اني مجرد فترة في حياتك وبمجرد ظهور حبك القديم هتختاره وتسيبيني كان فين ضميرك بقي وانت بتعمل كدة !! كان فين ضميرك أما روحت خطبتها وانت مرتبط بيا !! دة انت حتي ماقولتليش ولا سيبتني انت روحت خطبتها وانت مرتبط بيا عادي كدة واتفاجأ يوم الخطوبة ازاي جالك قلب تعمل كدة !! ضمير ايه أللي جاي تتكلم عنه !! ابعد يامصطفي وأنساني وسيبني في حالي اتأقلم علي حياتي الجديدة وانت تعيش حياتك أللي فضلت بترتبلها كتير زي مابتقول واهي جاتلك عيشها بقي وطلعني من حياتك خالص ومن حساباتك .. وماتقلقش عليا انا كويسة اهو قدامك
مصطفي: اتغيرتي ..اتغيرتي اوي ي ياسمينا
ياسمينا: معلش الايام بتغير برضة ..والمواقف برضة بتغير ممكن نبقي أشخاص احنا مش عاوزينهم بسبب حد وانا خدت الدرس واتعلمته كويس جدا وبشكرك علي الدرس دة اتعلمت اني ماثقش في حد بعد كدة من كلامه مهما قال لكن التصرفات هي أللي بتثبت ..انت كنت واخدني فترة في حياتك تملي فراغك بيها وتنسي بيها ماضي مش قادر يفارقك وراجع دلوقتي تقولي اسامحك وضميرك !! اسامحك علي ايه !! وضميرك ايه أللي تتكلم عنه كان فين أما عملت كدة !! ايه ماوجعكش وانت رايح تتقدملها وانت ظروفك صعبة الايام دي !! ازاي قدرت تعمل كدة !! وانا كنت كل أما اجي افتح معاك الموضوع تطلعلي مليون حجة وانا كنت عبيطة وبصدقك واصبر بس علمتني درس هنا برضو وهو أللي عاوز حاجة بيعملها وأللي مش عاوز بيخترع مليون مبرر وسبب عشان مايعملهاش ودة اكدلي انك عمرك في يوم ماكنت عاوزني إنما كنت عاوزها ومستنيها وعشان كدة اول أما رجعت جريت اتقدمتلها ونسيت مبرراتك ليا واسبابك ونسيت ظروفك الصعبة أللي كانت مانعاك تتقدم دلوقتي وروحت اتقدمت ودة أكدلي اكتر انك عمرك ماكنت عاوزني لانك لو كنت عاوزني زي ماكنت عاوزها كنت جيت زي ماجريت عليها إنما أنا كنت بالنسبالك مجرد فترة في حياتك هتنتهي بظهورها أو لو لقيت نفسك مش عارف تنساها بيا برضة ..وتركته وذهبت دون أن تستمع له ولا تترك له فرصة للرد عليها ..
"لكنها محقة في كل ماقالته له فهل حقا الحب الأول بحياة الإنسان يُمكن أن يُنسي بهذه السهولة !! وهل يُنسي بشخص آخر !! ولكن هنا من يكن السبب في كل هذا الوجع لنفسه !! هل الحب كله وجع بهذا الشكل !! وان كان هذا الحب وجع فما هو الحب الحقيقي الذي بدون وجع اذن !! فيقولون أنه لايوجد حب بدون وجع ولكن السؤال هنا هل يوجد حب بدون وجع !! وإن كانت الإجابة بنعم فأين هذا الحب اذن !! "
٭٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭
محمود: تعالي ي أدهم ي بني قبل ماتطلع انا عاوز اتكلم معاك شوية
أدهم وذهب إليه: خير ي بابا اتفضل تحت امرك
محمود: بص من غير أما تقاطعني انا ومامتك لقينالك عروسة وكنا عاوزينك تشوفها و..قاطعه أدهم: تاني الموضوع دة ي بابا !!
محمود: انا قولت مش عاوزك تقاطعني وتسمعني للآخر
سميحة: ماتسمع ابوك الاول هيقولك ايه وبعدين ابقي اتكلم
أدهم: آسف ي بابا اتفضل حضرتك كمل كلامك
محمود: البنت كويسة جدا واعرف والدها شوفها كدة واقعد معاها عجبتك وارتاحتوا لبعض يبقي نتوكل علي الله ونقرأ فاتحة وبعدها الخطوبة ماعجبتكش يبقي خلاص بس يبقي الاسم انك شوفتها وقعدت معاها
سميحة: أيوة مش هتخسر حاجة ي بني وهما شكلهم ناس محترمين اوي والله
أدهم بإبتسامة: خلاص حاضر أللي تشوفوه ..عن اذنكم بقي انا طالع اغير هدومي وانام عشان جاي هلكان من الشغل
سميحة: احضرلك عشا تتعشي الأول طيب قبل ماتنام
أدهم: صديقني انا بشوفك بشبع انا جعان نوم بس ..يلا تصبحوا ع خير
سميحة: وانت من اهل الخير ي بني
٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭
أمل: يعني بعد دة كله ويروح يخطب واحدة غيرك !! طب ازاي !! يعني ولا عنده ظروف ولا نيلة اهو زي ماكان دايما يقولك ..دة انتي لسة كنتي متكلمة معاه في الموضوع من أسبوع بالظبط تقريبا وقالك اصبري عليا شوية معداش اسبوع وخطب ازاي دة !!
ياسمينا: سيبيني والنبي ياأمل باللي انا فيه انا فيا أللي مكفيني انا حكيتلك ع كل أللي حصل
أمل: اه طبعا ماهو البيه يخطب ويتبسط مع خطيبته ويعيش حياته وانتي يتنكد عليكي ماهو علي باله ايه بقي ..بس اقول ايه انتي أللي هبلة
ياسمينا بعصبية: خلاص ي أمل عشان خاطري انا مش مستحملة كلام من حد ولا تأنيب ضمير
أمل وتقترب منها وترفع وجهها وتمسح دموعها: ارفعي وشك وامسحي دموعك دة مايستحقش دمعة من دموعك دي انتي اقوي من كدة مفيش حد يقدر يكسرك خليكي دايما قوية ..وقاطع حديثهما دخول ملك وهي تقول: هتفضلوا قاعدين كدة قافلين علي نفسكم ماتتفضلوا تطلعوا تقعدوا معانا برة يلا
أمل: حاضر ي ملك روحي انتي واحنا جايين وراكي علطول
ملك وانتبهت لياسمينا دموعها تسيل: ياسمينا انتي كويسة !! بتعيطي ليه !!
ياسمينا وتقوم بمسح دموعها وتبتسم لملك: انا كويسة ي ملك ماتقلقيش روحي انتي وانا هقوم اغسل وشي كدة ونيجي وراكي علطول
ملك واقتربت منها وجلست أمامها: تاني !! تاني ي ياسمينا !! مش كنا قولنا خلاص بقي !!
ياسمينا بدموع: مش بعيط عليه ي ملك بعيط ع نفسي وعلي طيبتي بعيط ع حنيتي الزيادة معملتش معاه الا كل حاجة حلوة وهو ردلي دة بسكينة في قلبي وأما حاولت أشيل السكينة الجرح فتح ونزف وعمل علامة كمان الجرح واسع وبحاول اعالجه بابتسامتي وقوتي بس صعبان عليا نفسي اوي ي ملك
ملك وتمسك يديها: جرحك مالوش غير علاج واحد وهو قربك من ربنا وفضفضتك ليه بكل أللي جواكي ..وصدقيني ربنا هيجبر بخاطرك ويرزقك باللي ينسيكي كل الوجع أللي جواكي دة ويعوضك بحبه وحنانه
ياسمينا: وانا واثقة في ربنا واختياراته ليا وأنه مش بيبعد إلا الشر وبس وبيقربلنا الخير وبس الحمد لله ..بس اما شوفته وأتكلم معايا فتح كل الجروح وخلاها تنزف من غير ماتقف بس لازم اقفل الجرح دة نهائي واخليه ميتفتحتش تاني مهما كان السبب
ملك: صح كدة واهم حاجة تكوني واثقة ف ربنا أنه مش بيعملك غير الخير ..وبهزار: ويلا بقي ي هانم منك ليها عشان نحضر العشا
ياسمينا وامل وضحكوا: ماشي يلا بينا
٭٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭
وفي صباح اليوم التالي
حنان: أهلا أهلا بالاستاذة أللي جاية متأخر
ياسمينا بفروغ صبر: وانتي مالك يا حنان اجي متأخر ولا اجي بدري دة شيء يخصك في ايه !!
حنان: لا يخصني أما اكون مسئولة علي استلام التصاميم منكم ومراجعتها يبقي يخصني وعلي العموم انا مش هتكلم معاكي انا هبلغ بشمهندس أدهم
ياسمينا: بلغيه وهو انا كدة هخاف مثلا يعني ولا ايه !!
حنان بعصبية: يعني مش هامك !!
ياسمينا باستفزاز: اجي اوصلك مش عارفة الطريق !!
حنان بعصبية: لا شكرا عارفاه كويس مش انتي اللي هتعرفهولي واحدة زيك
ياسمينا: عندك حق مينفعش امشي معاكي عشان انا احسن منك
حنان بعصبية: لا انتي كدة زودتيها اوي ..قاطعها دخول حازم وهو يقول: ايه في ايه صوتكم عالي ليه كدة !!
حنان بعصبية: الهانم بترد عليا ومش عاجبها عشان بسالها جاية متأخر ليه
ياسمينا: لأنها حاجة ماتخصكيش انا مبجيش أسألك انتي ليه جاية متأخر ولا ليه جاية بدري ..وبسخرية: ولا ليه داريتي خطوبتك
حنان بعصبية: لا انتي كدة زودتيها اوي وانا مش هسكتلك اكتر من كدة
حازم بحزم: بس خلاص اتفضلوا انتو الاتنين معايا علي مكتب أدهم هو يتصرف في الموضوع دة
"وذهبا ثلاثتهم لمكتب أدهم"
أدهم: خير في ايه !!
حنان: الأستاذة جاية متأخر وأما بسألها ماعجبهاش وبتغلط فيا
أدهم: جاية ليه متأخر يابشمهندسة انتي مش عارفة مواعيدنا !! وفيها ايه أما بتسألك !!
ياسمينا: لأنها مكنتش بتسأل هي بتجر شكلي يابشمهندس أدهم وكل يوم علي كدة وجيت متأخر غصب عني لظروف خاصة ودي اول مرة
حنان: لا دي كدابة ماتصدقهاش وانا هجر شكلك ليه !! وبعدين يافندم غلطت فيا بالكلام برة
أدهم بعصبية: بقولكم ايه انا مش فاضيلكم ومش فاضي للعب العيال بتاعكم دة ..ونظر لياسمينا: وانتي ي أستاذة بعد كدة تيجي بدري في ميعادك هاتيجي متأخر ماتجيش احسن وياريت تحترمي نفسك في التعامل مع زميلاتك وماتنسيش انها هي المسئولة عن استلام التصاميم منكم يعني تعتبر مديرتك
ياسمينا بفروغ صبر: وعلي ايه اعتبرني ماشية من دلوقتي ..ولو علي المشروع اعتبرني مش موجودة فيه اصلا ولا هكمله ..وخرجت ورزعت الباب ورائها بقوة
حنان: انا اسفة ي أدهم بيه مكنش قصدي اعمل مشاكل خالص
أدهم ببعض العصبية: حصل خير ..اتفضلي علي شغلك
٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭
وبعد مرور أسبوع تقريبا
حازم: حبيبي قاعد سرحان في ايه من الصبح !!
حنان: مفيش ياحبيبي ..المهم هنعمل ايه النهاردة بعد الشغل !!
حازم: معلش ياحبيبتي مش هعرف اخرج معاكي النهاردة عشان رايح مشوار مع أدهم
حنان: مشوار ايه دة !! مشوار أدهم اهم مني !!
حازم: مش حكاية اهم منك وماتدخليش أدهم معاكي في مقارنة ي حنان قولتلك قبل كدة عشان انتي حاجة وادهم حاجة
حنان: خلاص انا قولت ايه عشان الكلام دة كله هو سؤال بسأله عادي مشوار ايه !!
حازم: لا مش سؤال ي حنان ومش اول مرة وعديتلك كتير بس مفيش فايدة برضو ..بصي ي حنان عشان مايحصلش مشاكل كتير بينا بس وكل شوية نتخانق وعشان نقدر نكمل مع بعض لازم تعرفي حاجة مهمة وهي ماتحطيش نفسك نهائي في مقارنة مع أدهم لأن انتي حاجة وادهم حاجة ومينفعش وجودك يلغي أدهم ولا ينفع وجود أدهم يلغي وجودك كل واحد فيكم ليه دور في حياتي وانتو الاتنين بتكملوني مينفعش حد يختفي فيكم
حنان: انا اسفة مقصدش والله ومحصلش حاجة لدة كله
حازم: خلاص حصل خير ..يلا عشان ورانا شغل
٭٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭٭٭
وفي مساء اليوم التالي ..دق جرس باب منزل ياسمينا ليقوم حسين والد ياسمينا بفتح الباب وعلي وجهه ابتسامة وهو يستقبل الضيوف بترحاب شديد: ي أهلا وسهلا دة البيت نور النهاردة والله تعالوا اتفضلوا البيت بيتكم ..ثانية واحدة انده البنات وامهم
وذهب حسين لينادي عليهما فدخل لحجرة ملك وياسمينا وهو يقول بإبتسامة: يلا انتو لسة ماجهزتوش !!
ياسمينا بإبتسامة: حاضر ي بابا مش هنتأخر
سهير بإبتسامة: اتفضل انت ي حاج اقعد معاهم واحنا مش هنتأخر وهنطلع وراك علطول
"وخرج حسين لضيوفه وخرجت ورائه سهير ثم ملك وياسمينا وتحمل صنية بها مشروبات وقبل أن تضعها أمام الضيوف نظرت وبصدمة أوقعت الصنية من يديها من هول المفاجأة ..