✨الفصل الحادي عشر ✨
٭٭٭٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭٭٭٭٭٭
في مكتب أدهم
ياسمينا: حضرتك كنت بعتلي
أحمد ومن غير مايبص ناحية الباب: طيب اسيبك أنا بقي تشوف شغلك وأمشي وأوعي تنسي بقي ..وبيلف وراه ولسة هيمشي فتقابل مع ياسمينا الذي انصدمت عندما رأته قائلة بصدمة: أحمد !!!
أحمد: ازيك ي ياسمينا عاملة ايه !! انتي بتشغلي هنا صح !!
ياسمينا ومازلت مصدومة: ا..اه..اه بشتغل هنا بس انت ايه جابك هنا !!
أدهم: انتو تعرفوا بعض !!
أحمد: اه ي أدهم ياسمينا تبقي أخت ملك خطيبتي
أدهم: اه ..طيب اقعد ي أحمد وانتي كمان اتفضلي ي آنسة ياسمينا
ياسمينا: شكرًا لحضرتك ممكن بس تقولي حضرتك كنت باعتلي ليه عشان اكمل شغلي لو سمحت !!
أدهم: طيب انا كنت بعتلك عشان اعتذرلك علي أللي حصل مني وطريقتي معاكي في الكلام وكلامي ليكي عشان تسريب تصميمات المشروع أللي اتسربت من علي جهازك بس احنا جيبنا كاميرات المراقبة وعرفنا مين السبب واتأكدنا انك مالكيش ذنب ف حاجة فعلا بعتذرلك لتالت مرة علي كلامي ليكي ومالوش لازمة موضوع الاستقالة دة بقي
ياسمينا: حصل خير يابشمهندس أدهم
أدهم: يعني افهم من كدة بقي انك خلاص مش متضايقة ومفيش استقالة ولا حاجة !!
ياسمينا: لا خلاص
أدهم بإبتسامة: تمام ..تقدري تتفضلي علي شغلك دلوقتي
ياسمينا: تمام عن اذن حضرتك
أحمد: هي ايه الحكاية هي عملت حاجة !!
أدهم: لا دي حكاية طويلة هحكهالك
"تعالوا بس قبل أما يحكيله ونروح للفلاش باك اقولكم ايه علاقة أحمد بأدهم وازاي يعرفوا بعض ..احمد وادهم يبقوا صحاب من الثانوي مع بعض وفي الكلية بقوا مع بعض برضو عارفة انكم هتقولوا ازاي وادهم كان هندسة وأحمد ألسن !! كانوا مع بعض ف نفس الجامعة عادي بس كل واحد ف الكلية بتاعته أو القسم بتاعه تمام كدة ..!! تعالوا بقي نروح للفلاش باك ونشوف ايه أللي حصل !!😂"
فلاش_باك
أدهم بعصبية وزعيق: هدير ..هدير..
هدير بخوف: اف..افندم ي أدهم بيه
أدهم بزعيق: تروحي دلوقتي حالاً تبعتيلي حازم وأللي اسمها حنان دي أللي معاه في المشروع وتجمعيلي كل الموظفين تبلغيهم إن ف اجتماع دلوقتي حالا ولازم الكل يحضر
هدير بخوف: ح.. حا..حاضر ي أدهم بيه ..وخرجت هدير لتنفذ ماطُلب منها وذهبت لمكتب حازم فيجلس هو وحنان
هدير: بشمهندس حازم
حازم: افندم ي هدير اتفضلي ف حاجة !!
هدير بتوتر: أدهم بيه عاوزك حالا ف مكتبه أنت والبشمهندسة حنان وطالب كل الموظفين في اجتماع مهم
حنان: عاوزني انا كمان ليه هو ف ايه !!
هدير: معرفش والله هو متعصب اوي وبيزعق وانا بنفذ أللي طلبه مني عن اذنكم بقي عشان ابلغ الموظفين بالاجتماع
حازم: تمام اتفضلي أنتي ي هدير واحنا رايحين حالا اهو
حنان: يا تري في ايه وماله متعصب ليه كدة وطالبنا ليه !!
حازم وهو يمسك بمحموله واشيائه الخاصة: والله علمي علمك معرفش ف ايه ادينا رايحين وهنعرف كل حاجة وفي ايه
"حازم وحنان وراحوا لمكتب أدهم ودخلوا"
حازم: خير ي أدهم في ايه !!
أدهم: في إن حضراتكم نايمين علي ودانكم وتصميمات المشروع أللي حضراتكم مسؤولين عنه اتسربت للشركات المنافسة وانتو ولا هنا
حازم بصدمة وبص هو وحنان لبعض ورجع بص لادهم: ازاي دة حصل ومين أللي عمل كدة !!
أدهم بعصبية: حضراتكم نايمين علي ودانكم ومش عارفين مين اللي عمل كدة يبقي انا أللي هعرف !! وبص لحنان: وحضرتك كنتي فين أما دة حصل ها !! مش المفروض حضرتك المسئولة دلوقتي انتو المسؤولين قدامي تعرفوا مين عمل كدة وامتي وانتي أللي هتتحملي عقاب أللي حصل دة
حنان بخوف: ا..ان..انا..ك..كن.. قاطعها أدهم: خلاص خلاص مش عاوز اسمع حاجة خلال ٢٤ ساعة تكونوا عرفتوا مين عمل كدة اتفضلوا ع الاجتماع
"وذهب الجميع إلي قاعة الاجتماعات والجميع يجلس في توتر إلي أن دخل ادهم وحازم وحنان"
أدهم: طيب ي جماعة انا جمعتكم عشان اقولكم إن تصميمات المشروع اتسربت وفي خاين هنا في الشركة ولازم نعرفه مين هو عشان نلحق نتصرف معاه حضراتكم احنا هنجيب حد خبير في جهاز الكمبيوتر عشان يدخل ويعرف التصميمات أللي اتسربت دي من جهاز مين بالظبط ..فياريت أللي عمل كدة يقول من دلوقتي بدل مايتعرف وهيبقي ليا معاه تصرف تاني
"لم يرد أحد فيكمل أدهم قائلاً: تمام ..يعني محدش رد !! يعني محدش منكم ..تمام اتفضلوا ع مكاتبكم
أدهم ذهب لمكتبه وهو يُجري مكالمة تليفونية: ازيك ي حلمي عامل ايه ..بقولك كنت عاوزك ضروري في حاجة مهمة تقدر تجيلي الشركة دلوقتي !!
حلمي: اديني ساعة واكون عندك
"وبعد مرور ساعة كان قد وصل حلمي بالفعل"
حلمي: خير ي أدهم كلمتني وقولتلي انك عاوزني ضروري خير في ايه
أدهم: بص ي حلمي أنت ليك ف جهاز الكمبيوتر وكدة صح !!
حلمي بتعجب: أيوة بس ليه !!
أدهم: تمام ..في تصميمات مشروع اتسربت وانا بقي كنت عاوزك تعرفلي مين أللي سربها واتسربت من اي جهاز
حلمي: طيب دي حاجة سهلة تحت امرك
أدهم: الموضوع ياخد منك وقت اد ايه !!
حلمي: ساعتين بالكتير إن شاء الله
أدهم: تمام اتفضل ابتدي شغلك
"وبدأ حلمي عمله بالفعل وبعد مرور ساعتان"
أدهم: ها ياحلمي وصلت لحاجة ولا ايه !!
حلمي: لسة الموضوع صعب شوية بس وهياخد شوية وقت مش بالسهولة دي أني أعرف علطول كمان أللي سرب التصميمات دي مآمن نفسه اوي أنه مايتعرفش بسهولة
أدهم: طيب وبعدين !! يعني هتعرف تعرفلي هو مين ولا ايه !!
حلمي: اه هعرف إن شاء الله بس محتاج شوية وقت بس
أدهم: خد وقتك براحتك
"وبعد مرور بعض الوقت"
حلمي بفرحة: عرفته ..عرفته ي أدهم اهو ظهر
أدهم وجري عليه: بجد !! مين بقي !!
حلمي: الجهاز أللي اتسرب من عليه التصميمات باسم ياسمينا حسين السيد
أدهم: شكرًا جدًا ليك ي حلمي مش عارف اشكرك ازاي تعبتك معايا ..واتصل بمكتب حازم: حازم تعالالي حالاً ..ورن علي هدير: هدير تعاليلي حالا
هدير ودخلت: تحت امرك ي فندم
أدهم: تروحي دلوقتي حالاً تجبيلي البشمهندسة أللي اسمها ياسمينا حسين السيد دي ضروري ..وحازم كان دخل فقال أدهم: تعالي ي حازم وبص لهدير: اتفضلي أنتي ي هدير نفذي أللي طلبته منك
هدير: تمام ..عن اذنك ي فندم
حازم: عرفت مين أللي عمل كدة !!
أدهم: اه عرفت
حازم: وناوي تعمل ايه !!
أدهم: هتعرف كل حاجة دلوقتي
"ذهبت هدير لمكتب ياسمينا"
هدير: بشمهندسة ياسمينا بشمهندس أدهم عاوزك حالا في مكتبه ضروري
ياسمينا بتعجب: عاوزني انا !! ليه !! ربنا يستر
"ودخلت ياسمينا بعد أن طرقت علي الباب عدة طرقات واذن لها بالدخول"
ياسمينا: تحت امرك ي فندم حضرتك كنت بعتلي
أدهم: احنا عرفنا إن التصميمات أللي اتسربت اتسربت من جهازك انتي اقدر افهم بقي ايه خلاكي تعملي كدة !!
ياسمينا بصدمة: ايه !! من جهازي !! قصد حضرتك يعني إن أنا اللي سربتها !!
أدهم: أيوة اومال هيكون مين يعني غيرك هيدخل علي جهازك ويعمل كدة
ياسمينا بصدمة: لا ي فندم مش انا انا مستحيل اعمل حاجة زي كدة معرفش هي من علي جهازي ازاي اكيد ف حاجة غلط انا جهازي دايما باخده معايا البيت هيكون حصل أمتي وازاي !!
أدهم بعصبية: وأما هو مش انتي هيكون مين يعني ها !! دي تاني مرة علي فكرة يعني مرة تجيلي وتقوليلي اصل تصميمي ضاع ومش لاقياه وبعد كدة لقيتيه ودلوقتي بقولك التصميمات اتسربت من علي جهازك تردي وتقولي لا مش انا ومش عارفة ايه أنتي ايه الإهمال اللي انتي فيه دة لو مش عارفة تاخدي بالك من شغلك سيبيه احسن إنما مش كل شوية تعملي حاجة تبوظي بيها الشغل ومش ملاحظة انك بقيتي بتغلطي كتير !!
حازم: أدهم اهدي بس شوية وبالراحة
أدهم بعصبية: مع أللي زيها مفيش حاجة اسمها بالراحة دي مهملة ومش عارفة تحافظ على شغلها عاوزانا احنا أللي نحافظلها ع شغلها مادام مش اد الشغل ماتشتغلش
ياسمينا بعصبية: انا مش مهملة واما جيت لحضرتك ساعة أما كانت فلاشة تصميمي ضايعة هي كانت ضايعة فعلاً ولقيتها علي مكتب واحدة زميلتي معايا وانا بقول لحضرتك مش انا أللي عملت كدة لأني مستحيل اعمل حاجة زي كدة مفيش سبب كافي يخليني اعمل حاجة زي كدة ..وعلي العموم أول أما حضرتك توصل للي عمل كدة هتلاقي استقالتي علي مكتبك ..وتركته وذهبت وهي متعصبة"
"ومر يومان ومازالت ياسمينا تفكر كيف حدث ذلك وتذكرت شيء بسرعة وذهبت لادهم حيث يجلس بمكتبه مع حازم"
ياسمينا: انا كنت افتكرت حاجة كدة !! حضرتك عرفت التسريب دة تم امتي بالظبط !!
أدهم: ودة هيفرق معاكي في ايه !!
ياسمينا: هيفرق معايا كتير لاني افتكرت حاجة مهمة
أدهم: تم يوم الخميس الساعة ٦:٠٠ مساءً
ياسمينا: مش انا أللي سربت التصميمات دي
أدهم: لا والله مش انتي ازاي وهي متسربة من جهازك !!
ياسمينا: هي فعلاً اتسربت من جهازي بس مش انا أللي سربتها
أدهم: اه عفريت جيه سربها ومشي مش كدة !! حضرتك جاية تعلقي شماعة اهمالك علي أللي حواليكي !! ي أستاذة التصميمات متسربة من جهازك مين غيرك بيفتح جهازك إلا انتي يبقي ازاي مش انتي بقي !!
ياسمينا: حضرتك عندك دليل أنه انا !! ايه أللي مخلي حضرتك متأكد اوي كدة أنه انا اللي عملت كدة حتي لو انا حضرتك عندك سبب اني اعمل كدة !! حضرتك معندكش دليل اني عملت كدة عشان تبقي متأكد اوي كدة أنه انا بس شكل حضرتك عاوز تلم الموضوع بسرعة فقولت اهي اللي جت بقي ندبسها وخلاص حتي من غير ماتكلف نفسك تدور هي فعلاً ولا لا عاوز اي حد وخلاص
أدهم: دليل ايه وكلام فاضي ايه أللي بتتكلمي عنه انا بقولك التسريب تم من جهازك جاية تقوليلي دليل ومش دليل وكلام فاضي حضرتك مهملة ومش مسئولين اننا نتحمل نتيجة اهمالك كل مرة وكمان بتسربي الشغل لو مش اد الشغل ماتشتغليش واقعدي في بيتكم ماتقريفناش احنا وعلفكرة أللي حصل دة مش هيعدي كدة بالساهل وهتدفعي تمن أللي عملتيه دة
ياسمينا بضيق: انا مش عارفة هو انت ليه دايما توجهلي اتهامات وخلاص وكأنك أما تصدق تلاقي الفرصة قولت لحضرتك مش انا اللي عملت كدة وانا ايه يخليني اعمل كدة من الأساس اصلا واضيع تعبي وتعب زمايلي ها !!
أدهم: اكيد مش مستقصدك يعني ..هترجع تقولي تاني مش هي اومال مين يعني أللي عمل كدة ها !! ممكن تكوني عملتي كدة عشان خاطر فلوس ولا كدة
ياسمينا بعصبية: لا لحد كدة بقي وماسمحش لحضرتك تغلط فيا اكتر من كدة وانا ساكتة وعاملة حساب انك مديري وفي احترام ..وعلي فكرة يوم الخميس انا كنت سايبة جهازي أللي عليه الشغل كله هنا ف الشركة ماخدتوش معايا البيت وحضرتك بتقول إن دة تم الساعة ٦:٠٠ واحنا معاد خروجنا ٥ يعني بعد معاد خروجنا بساعة حضرتك تقدر تعرف مين كان قاعد للوقت دة وبيعمل ايه .. وانا كنت روحت فعلاً ماقعدتش يعني ولو حضرتك مش مصدقني تقدر تتأكد من دة بنفسك وبدل ماحضرتك عمال بتوجهلي اتهامات طول الوقت وخلاص تقدر تشوف كاميرات المراقبة في الوقت دة مين كان موجود للوقت دة في الشركة وتقدر تعرف مين أللي عمل كدة وكمان هيأكدلك علي صدق كلامي لو مكنتش مصدقني وانا عند كلمتي اول أما حضرتك تتأكد فعلاً هتكون استقالتي علي مكتبك لاني مسمحش لحضرتك واحدة مهملة تبقي في شركتك كل شوية تبوظلك شغلك ..عن اذن حضرتك
حازم: أيوة صحيح احنا ازاي نسينا كاميرات المراقبة دي !!
أدهم: والله مانا عارف ي حازم مجتش ف بالي خالص ..تعالي طيب نروح نشوف كدة
"وذهبوا ليشاهدوا كاميرات المراقبة وعندما شاهدوا فكانت حنان هي من فعلت كل هذا"
أدهم: يعني كلامها طلع صح وطلعت مظلومة ومش هي فعلاً أللي عملت كدة ..بس قولي مش دي حنان أللي معاك في المشروع
حازم بصدمة: ايو..أيوة..ه.. هي
أدهم: وايه يخليها تعمل كدة !! وأمسك بسماعة التليفون: هدير تجبيلي حنان حالا قدامي
"وبعد دقائق دخلت حنان متوترة"
حنان: تحت امرك ي أدهم بيه حضرتك بعتلي
أدهم وشاورلها علي الشاشة: تقدري تفهميني ايه دة !!
حنان بتوتر: ا..ان..ا..انا..
أدهم بعصبية: انتي ايه !! فهميني ايه خلاكي تعملي حاجة زي كدة من ع جهاز زميلتك ها !!
حنان بتوتر أكبر: ان..ا..انا.. آ..اس.. آسفة..ي أدهم بيه غصب عني غلطة ومش هتكرر تاني
أدهم: اعمل بيه ايه آسفك دة ها !! مفيش حاجة اسمها غصب عني ولا غلطت غصب عنك ماتكمليش المشروع وسيبيه لحد من زمايلك يكمل بدالك مادام انتي مش اد المسئولية ومهملة بالطريقة دي غلطة زي دي ماتعديش بالساهل كدة انا مش فاهم انتي ليه فتحتي جهازها وكنتي عاوزة منه ايه
حنان بتوتر: كان في حاجات لازم تبعتهالي وكدة وأما مشيت وانا كنت قاعدة فدخلت عشان اخد الحاجة دي وحصل أللي حصل دة غصب عني
أدهم: حوار مايدخلش علي عيل صغير بس ماشي هعديهالك بمزاجي لأن التصميم أللي اتسرب بتاعها أللي انتي السبب فيه مالحقش ينتشر وحد يشوفه أو ياخده حتي ولو حصل فمقدور عليه يعني حظك حلو إن الموضوع عدي علي خير لأنه لو مكنش عدي كان هيبقي حسابك معايا كبير اوي وكنتي هتزعلي اوي
حنان: انا اسفة ي أدهم بيه واوعدك مش هتكرر تاني إن شاء الله وبعد كدة هبقي اخلي بالي
أدهم: ياريت تخلي بالك وماتبقيش مهملة عشان مش كل مرة هعديها ..يلا اتفضلي ع شغلك
حنان: عن اذن حضرتك
أدهم: علي فكرة ي حازم انا مارضتش اعملها حاجة غير أما شوفت نظرة الحب والزعل والقلق عليها ف عينيك
حازم: انا معرفش ايه يخليها تعمل حاجة زي كدة والله
أدهم: ابقي اسألها انت بقي بتسالني انا ليه !! المهم يلا حصل خير بس بعد كدة لازم تخلي بالك انت كمان بقي
حازم: الحمد لله ..طيب والبت أللي طلعت مظلومة دي وانت مرمطت بكرامتها الأرض هتعمل معاها ايه !!
أدهم: مش عارف والله لسة بس اكيد لازم اعتذرلها واعرفها أللي حصل ..هبعت اجيبها ..هدير ابعتيلي بشمهندسة ياسمينا حالا لو سمحتي
"وبعد دقائق جاءت ياسمينا ودخلت بعد أن طرقت الباب"
ياسمينا: افندم حضرتك بعتلي
أدهم: احنا شوفنا الكاميرات فعلاً وطلع مالكيش دعوة بالموضوع نهائي زي ماقولتي
ياسمينا: والله طب كويس بس مين أللي طلع ليه دعوة ها !! ماهو اكيد محدش هيفتح جهازي غيري ولا ايه بقي !!
أدهم: مش هيفرق معاكي ف حاجة لو عرفتي انتي ليكي اننا عرفنا انك مالكيش دعوة خلاص
ياسمينا: تمام ..وانا لسة عند كلمتي ساعة واستقالتي تكون علي مكتب حضرتك ..عن اذنك ..ولكن أوقفها صوته
أدهم: استني ماتمشيش ومفيش استقالة ولا حاجة خلاص انتي طلعتي مالكيش ذنب ف حاجة فمالهاش لازمة الاستقالة
ياسمينا ولفتله: آسفة ي أدهم بيه انا مقبلش ليك يبقي شغال ف شركتك موظفة مهملة كل شوية تضيع حاجة ولا تعملك مشكلة بدون سبب وكمان انا مش اد الشغل فهقعد في بيتنا أحسن بقي زي ماحضرتك قولت ..وتركته وذهبت
#باك
أحمد: ياه كل دة حصل بس ياسمينا مستحيل تعمل حاجة زي كدة ازاي شكيت فيها
أدهم: أهو اللي حصل بقي التسريب كان من جهازها فطبيعي تكون هي بس يلا المهم ان الموضوع عدي ع خير وخلاص
أحمد: الحمد لله بس بعد كدة تخلي بالك انك ماتتهمش حد إلا أما تتأكد
أدهم: ماشي ي عم ماهو لازم طبعا تدافعلها مش أخت العروسة بقي ومين يشهد للعروسة
أحمد بضحك: واخد بالك انت بس هي كويسة والله ..المهم اتكل انا علي الله بقي واسيبك تشوف شغلك وأوعي تنسي بقي تيجي ولينا قاعدة مع بعض
أدهم وهو يسلم عليه: إن شاء الله ي حبيبي نورتني النهاردة وألف مبروك
٭٭٭٭٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭٭٭
سوزان جالسة لتسمع جرس الباب لتقوم لتفتح لتري شاكر الذي أتي
سوزان: ايه جابك تاني ي شاكر وجاي عاوز ايه !!
شاكر: ايه مش هتقوليلي اتفضل ولا ايه ي سوزان !!
سوزان من غير ماتبصله: اتفضل ي شاكر ..خير !!
شاكر: جاي اخدك زي ماتفقنا بعد ماتكوني فكرتي
سوزان: يعني أنت جاي دلوقتي ي شاكر عشان تعرف قراري صح !!
شاكر: أيوة بالظبط كدة وارجوكي ماتتسرعيش
سوزان بهدوء: تمام ي شاكر وانا فكرت وخدت القرار خلاص
شاكر بتوتر: واي..وايه..ه..هو ..!!
سوزان بهدوء: طلقني ي شاكر
شاكر: الموضوع مايوصلش للطلاق ي سوزان
سوزان: اومال يوصل لايه اني اروح معاك ونرجع نعيش مع بعض تاني وامثل دور السعيدة وانا مش سعيدة !!
شاكر ومسك ايديها: سوزان عشان خاطري فكري كويس انا متأكد انك مش عاوزة الطلاق
سوزان: اديني سبب واحد ..سبب واحد بس يخليك تتجوز عليا ي شاكر وأما أنت بتحبني اوي كدة كنت روحت لغيري ليه ها !!
شاكر: مفيش سبب ي سوزان ودي غلطة وندمان عليها
سوزان: وانا اعمل ايه بندمك دة ها !! وأما هو مفيش سبب ليه كنت اتجوزت عليا
شاكر: لأن ممكن يكون ف سبب فعلاً بس مش وقت نتكلم فيه دلوقتي بس اكيد هنعرفه بعدين
سوزان: مفيش حاجة بتحصل إلا بسبب ولحد بقي ماتعرف السبب انا ف بيت بابا وماتقلقش محدش عرف حاجة غير ماما وخالتو ومحدش هيعرف حاجة لأني لسة فاكرة انك جوزي وأبو عيالي
شاكر: طيب ي حبيبتي مادام كدة يبقي مالهاش لازمة قعدتك هنا بقي عشان محدش يلاحظ حاجة وتيجي معايا بقي انتي والعيال البيت وحش من غيرك ي سوزان
سوزان: ياه بجد والله !! وحش من غيري !! دة علي اساس انك بتقعد فيه مثلا دلوقتي !! وأما هو وحش من غيري كنت ليه خرجتني منه بجوازك عليا من غير سبب ها
شاكر: مش لازم يبقي في سبب ي سوزان الشرع محللي ٤ يعني ماعملتش حاجة غلط ولا حرام وكمان الرسول صلى الله عليه وسلم كان متجوز ١٣ امرأة
سوزان بعصبية وعلت صوتها: انت بتقارن نفسك بالرسول !! أنت تيجي ايه جمب الرسول ها !! الرسول كان متجوزهم بأمر من ربنا سبحانه وتعالى وكان بأسباب عشان احنا نتعلم منه ونعمل زيه مكنش بيتجوزهم لشهواته ولا ملذات الحياة أنت بقي ايه سببك ها !!
أنت حافظ دين مش فاهم دين هو اه فعلاً الشرع محللك ٤ بس في حالات وبأسباب تديك الحق للجواز إنما مش عشان تتجوز كدة علطول براحتك ربنا مديك الحق تتجوز لو مراتك مش بتخلف وانت نفسك تجيب عيال يبقي من حقك بس انت عندك عيال كمان لو مراتك متوفية يبقي من حقك تتجوز عشان تكمل بقية حياتك وانت مراتك عايشة اهي قدامك وكمان لو مراتك كانت مطلقة يبقي من حقك كمان إنك تتجوز وأنت مش مطلقني يعني أنت ماعندكش اي سبب يديلك الحق انك تتجوز ..عرفت بقي انك حافظ دين مش فاهم دين وفي فرق كبير اوي بينهم حافظ دين يعني بسمع وبردد كلام الشيوخ وبتكلم بلسانهم وانا مش فاهم اصلا ولو جيت سألتك اي حاجة مش هتعرف ترد عليا وتفتي براحتك وأما تصدق سمعت كلمة تفضل تقولها وتخليها مبرر لتصرفاتك من غير ماتتعب نفسك حتي تفهمها ولا تفهم معناها ايه إنما بقي فاهم دين يعني أنت فاهم الدين وبتتكلم بفهمك مش كلمتين سمعتهم وحافظهم وجاي تقولهم بتتكلم بلسانك مش بلسان حد بتتكلم وانت فاهم كل كلمة وعارف ايه الصح وايه الغلط والحرام والحلال وكل حاجة عرفت الفرق بقي !! فرق كبير اوي وعشان كدة أنت حافظ دين مش فاهم دين
"شاكر ماعرفش يرد عليها يقولها ايه لأن حس إن كلامها صح فعلاً وأنه غلط في حقها جامد فسابها ومشي من غير مايتكلم"
سامية: وبعدين ي سوزان
سوزان: وبعدين ايه ي ماما !!
سامية: هتفضلي تعاندي في نفسك لحد أمتي كدة يا بنتي
سوزان: انا بعرفه غلطه ي ماما وماتقلقيش هيرجع تاني لو بيحبني فعلاً
سامية: ربنا يقدم أللي فيه الخير يارب
٭٭٭٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭٭٭٭
سوسن بإبتسامة: أيوة ي ماما وحشتيني اخبارك ايه !!
هدي: الحمد لله ي حبيبتي انتي اخبارك ايه وعيالك واختك وعيال اختك وحشتوني اوي
سوسن: كلنا بخير والله ي ماما ايه مش ناوية تيجي انتي وبابا بقي ولا ايه كل دة تغيير جو !! خطوبة احمد الاسبوع الجاي اهي خلاص
هدي بإبتسامة: ألف مليون مبروك وربنا يتمم بخير يارب هتبقي يوم ايه !!
سوسن: يوم الجمعة إن شاء الله في.....ويوم إجازة اهو بقي
هدي: إن شاء الله كدة هننزل بقي خلاص
سوسن: أيوة ي ماما وحشتونا ووحشنا لمتنا معاكم انزلوا بقي كفاية كدة تغيير جو
هدي بضحكة: حاضر ي ستي كدة كدة كنا نازلين بس كنا حابين نعملهالكم مفاجأة بس انتي سبقتي بقي
سوسن بفرحة: بجد !! بجد ي ماما اخيرا بقي
هدي بإبتسامة: عشان وحشتونا بقي وغيرنا جو كتير كدة فقولنا كفاية كدة بقي ونرجع بقالنا بتاع شهر ونص اهو أو شهرين
سوسن: ترجعوا بالسلامة يارب ي ماما وتنوروا الدنيا كلها
هدي: ربنا يخليكي يارب ي حبيبتي مش عاوزة اي حاجة
سوسن: سلامتك ي ماما سلميلي علي بابا كتير
هدي: الله يسلمك ي حبيبتي
٭٭٭٭٭٭٭٭٭٭٭٭٭٭٭٭صباح وحيد٭٭٭٭٭٭٭٭٭٭٭٭٭٭٭٭
وبعد مرور أسبوع وفي يوم من الايام كانت تجلس سوزان مع والدتها سمعت جرس الباب فذهبت لتفتح
الرجل: منزل سوزان هانم !!
سوزان بتعجب وقلق: أيوة انا مين حضرتك !!
الرجل وهو يعطيها شنطة: اتفضلي الفستان دة لحضرتك والجواب دة لحضرتك
سوزان: ليا انا !! مين اللي باعته طيب !!
الرجل: شاكر بيه ي فندم
سوزان وأخذت منه الاشياء: تمام شكرا لحضرتك
سامية: مين ي سوزان !!
سوزان وهي تدخل: دة شاكر باعت حاجات ي ماما وجواب
سامية: طيب افتحي وشوفي الجواب كدة
سوزان: حاضر ي ماما ..وفتحت سوزان الجواب وبدأت أن تقرأه وكان الجواب مكتوب به:
"سوزان حبيبتي أنا عارف انك دلوقتي بتقري الورقة أللي في ايدك دي لو لسة بتحبيني وليا غلاوة عندك تقبلي الفستان دة هدية عشان خاطري وتسامحيني وتديني فرصة كمان اشرحلك أللي عندي وتسمعيني وعشان خاطري بلاش فكرة الطلاق دي انا بحبك وعمري ماحبيت ولا هحب حد غيرك ارجوكي تقبلي وتدينا فرصة نتفاهم ..بحبك ي أغلي مافي حياتي ويارب يكون الفستان عجبك ولونه عجبك .."
سامية: ها ي سوزان في ايه !!
سوزان بتوهان: ها مفيش ي ماما
سامية: ي سوزان ركزي معايا كدة الجواب كان في ايه !!
"سوزان وقرأت الجواب علي والدتها"
سامية بإبتسامة: طيب وانتي ناوية علي ايه ي حبيبتي !!
سوزان بإرتباك: مش عارفة ..مش عارفة ي ماما والله اعمل ايه ولا اتصرف ازاي !! بس بفكر اسمعه واديله فرصة مش عارفة ي ماما انتي رأيك ايه ي ماما !!
سامية بإبتسامة: انا من رأيي ي سوزان تديله فرصة وتسمعي عاوز يقول ايه وبعد كدة قرري براحتك بس عشان تعرفي تقرري صح وتاخدي القرار الصح لازم تسمعي منه هو الأول عشان علي حسب الكلام تقرري كلميه واعزميه علي خطوبة احمد ابن خالتك وبعد الخطوبة روحي معاه وسيبي العيال يباتوا معايا هنا
سوزان: حاضر ي ماما حاضر هكلمه دلوقتي كدة واشوف
"وفجأة إذ جرس الباب يدق وتنظر سامية وسوزان لبعضهما"
سامية: مين هيجيلنا دلوقتي !!
سوزان: انتي مستنية حد ي ماما ولا ايه !!
سامية: لا أبدًا
سوزان: طيب انا هروح اشوف مين كدة ..اوقفتها سامية تمسك بها قائلة: خليكي انتي وانا هشوف مين ..وذهبت سامية لتقول بفرحة كبيرة: ماما وحشتيني اوي حمد لله ع السلامة ..سوسن تعالوا اتفضلوا ادخلوا يلا ..سوزان ي سوزان تعالي دي ستك وخالتك
سوزان بفرحة: ستي وحشتيني اوي بقي كدة تغيبي علينا دة كله
هدي: معلش ي حبيبتي غصب عني انتي عاملة ايه
سامية: سوزان ادخلي قوام اعملي حاجة ساقعة بسرعة وجهزي للغدا
سوزان: حاضر ي ماما عن اذنكم
سوسن: ايه رأيك بقي في المفاجأة دي
سامية بفرحة وتحتضن والدتها: أحلي مفاجأة ..بقي كدة ي ماما كل دي غيبة انتي وبابا !! بس اخس عليكي ي سوسن مش كنتي تقوليلي طيب !!
هدي بفرحة: معلش ي حبيبتي قولنا نغير جو شوية كدة انتي عاملة ايه وحشاني اوي
سامية: الحمد لله ي ماما بخير ..استنوا بقي احنا هنتغدي مع بعض النهاردة اقوم اجهز الغدا بقي
هدي ومسكت ايديها قبل ماتقوم: سيبك من الغدا دلوقتي واحكيلي مالك فيكي ايه !!
سامية بتعجب وبصت لسوسن ورجعت بصت لهدي: انا تمام اهو ي ماما هيكون في ايه بس !! انا فرحانة بس عشان شوفتك ي حبيبتي بابا فين اومال !!
هدي: انتي بنتي وانا عارفاكي انتي في حاجة ضايقتك !! وبصت لسوسن: اختك مالها ي سوسن قوليلي انتي
سامية وارتمت بين احضان والدتها: انا هحكيلك كل حاجة ي ماما
هدي: اهدي طيب كدة واحكيلي مالك فيكي ايه !!
سامية وبدأت أن تقص عليها حتي قصت عليها كل ماحدث: دلوقتي بس قدرت خوفك علينا زمان ي ماما وأللي كنتي بتعمليه معانا وكنا بنتضايق منه بقيت انا بعمله مع عيالي بنتي تعبانة قدامي ي ماما وانا مش قادرة اعملها حاجة حاسة اني عاجزة
هدي: اهدي بس ي بنتي الأمور مابتتاخدش كدة ولا بتتحل كدة عياطك دة مش هيعمل حاجة ولا هيحل حاجة لو كان عياطك دة بيرجع اللي راح زي ماكان كان رجعه من بدري اهدي كدة واتكلمي معاها وشوفيها هتقرر ايه
سامية: حاضر ي ماما حاضر ادعيلها بس
٭٭٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭٭٭٭
حنين: بقيتي احسن دلوقتي ي آمال !!
آمال: الحمد لله ي حنين ..حنين انتي ماحكتيش حاجة لحد صح !!
حنين وجلست بجانبها: لا ي آمال ماحكتش حاجة ومش هحكي حاجة ..بس جاية اقولك حاتم جيه واكيد هيدخلك كالعادة زي مابيدخلنا دايما فحاولي تباني طبيعية ومايبنش عليكي حاجة عشان مايلاحظش حاجة ولو سألك مالك قوليله اي حاجة ..قوليله اننا متخانقين حتي
آمال بإبتسامة ومسكت ايد اختها: حاضر ي حنين وربنا يخليكي ليا يارب
حنين بإبتسامة: ويخليكي ليا يارب ..هخرج انا بقي عشان لو حاتم دخلك ولا حاجة
آمال: ماشي ي حبيبتي
وخرجت حنين لتجلس مع والدتها واخيها بالخارج
حنين: اومال فين بابا ي ماما لسة مجاش !!
كوثر: لا لسة ي حبيبتي ..فين اختك اومال !!
حنين: آمال قاعدة في الاوضة جوة
حاتم: زعلتك تاني ولا حاجة !!
حنين بإبتسامة: لا ي حبيبي وكمان طول مانت موجود جمبي ومعايا محدش يقدر يزعلني ومفيش حاجة تقدر تزعلني
حاتم ويحتضن أخته: ربنا يخليكي ليا يارب ..تعالي أما نشوف الست هانم أختك دي قاعدة لوحدها ومبتجيش تقعد معانا ..وذهب حاتم وحنين وطرق الباب عدة طرقات ثم دخل
حاتم: حبيبي قاعد لوحده وقافل ع نفسه وزعلان ليه !!
آمال بإبتسامة: مفيش والله زهقانة شوية بس
حاتم وبص لحنين: امممم زهقانة ولا تكون البت حنين دي مزعلاكي
حنين: وانا ازعلها ليه ي اخويا هو انا بعرف ازعل قطة حتي
حاتم وآمال وضحكوا ع طريقة اختهم وتحدث حاتم: ي بت تكوني عملتي حاجة كدة ولا كدة اتخانقتوا تاني مانا عارفكم
حنين: طيب اهي قدامك اسألها وهي تقولك
حاتم: خلاص ي لمضة مصدقك وبص لآمال: مالك ي حبيبتي فيكي ايه متغيرة ليه كدة
حنين بسرعة: بص ي حاتم أصل بصراحة كدة انا عملت حاجة ضايقتها ودة اللي مخليها زعلانة كدة ومكنتش عاوزة اقولك
حاتم: عملتي ايه ي أخرة صبري
حنين: لبست الطقم بتاعها أللي هي لسة جايباه جديد من وراها وروحت بيه الجامعة وهي كانت لسة مالبستهوش وكانت خارجة بيه النهاردة مشوار مهم عشان تشوف شغل فكانت عاوزة تلبسه النهاردة فأنا لبسته ونزلت ولبست الجزمة بتاعتها بس اتقطعت وكانت لسة جايباها جديدة يعتبر وخدت كمان قلم الروچ بتاعها وكان لسة جديد ولونه حلو اوي بس ضاع مني شكله وقع مني وانا بطلع فلوس من الشنطة ولا حاجة وكل دة من وراها ومن غير أما اقولها
حاتم: امممم وانتي مش عندك لبسك تلبسي ليه من لبسها وكمان جزمتها .. ايه خلاكي تاخدي قلم الروچ بتاعها ومن وراها كمان
حنين: اعمل ايه طيب كنت مستعجلة ولقيته قدامي وبصراحة الطقم حلو وعجبني مالبسوش يعني والجزمة أللي لقيتها قدامي يرضيك يعني أتأخر ع جامعتي ..اصل بصراحة قلم الروچ كان شكله روعة حلو اوي بجد
حاتم: لا مايرضنيش بعد كدة ماتضايقيش اختك تاني واتفضلي تعالي اعتذريلها يلا ..وبعد كدة لو زعلتيها تاني حسابك هيبقي معايا أنا
حنين وقربت من آمال: انا آسفة ي آمال سامحيني
حاتم: ها خلاص ي آمال سامحتيها !!
آمال بإبتسامة: اه خلاص وفداكي كل حاجة ي حنين ومش زعلانة خلاص
حنين: هيييه هييه قالت مسامحاني خلاص يعني مش هتعملي حاجة
حاتم ومسك حنين: بعد كدة ماتخديش حاجة اختك من وراها وتستأذنيها الاول وتحافظي ع حاجتها وترجعيها زي ماخدتيها فاهمة !! وماتزعليهاش تاني المرة دي هعديهالك
آمال: خلاص ي حاتم حصل خير وفداها عندنا كام حنين يعني اخر العنقود بقي
حنين: اهي قالتلك عندكم كام حنين يعني ..يعني براحتي بقي ولا أنت عاوز تتخانق وخلاص
حاتم بضحك: ي بت بطلي لماضة شوية ..وجلس بجانبهم وأخذهم الاثنان بين أحضانه: بصوا انتو الاتنين احنا مالناش غير بعض وانتو أغلي حاجة موجودة في حياتي ومش بستحمل اشوف واحدة فيكم تعبانة أو زعلانة من التانية لازم تخافوا ع بعض وتحبوا بعض وتقربوا من بعض وتنصحوا بعض وتقفوا جمب بعض وتبقوا سر بعض مش تزعلوا من بعض انتو فاهمني !!
حنين وآمال: ربنا يخليك لينا يارب
حاتم: ويخليكم ليا يارب .. وبالمناسبة بقي انا هخرجكم بكرة واعزمكم ع الغدا بكرة عشان تتبسطوا بقي كدة
حنين بضحك وتحتضنه: اخويا حبيبي هيخرجنا ويغدينا برة كمان ..قولوا معايا يلا يعيش حاتم اخويا يعيش يعيش يعيش
حاتم وضحك جامد ع طريقة حنين: شوفتي اختك الهبلة أما صدقت اهي
آمال بضحك: اه دي أما تصدق اي خروجة راشقة فيها
"وظلوا يضحكون ويمرحون معًا ويتمازحون ..ما أجمل حب الاخوة الحقيقي مااجمل هذا الحب الصافي وهذه المشاعر الجميلة ماأجمل حب الأخ الأكبر لاخوته وخوفه عليهم ما أجمل هذا الشعور !! فالاخوة نعمة من عند الله والحنية رزق من عند الله"
٭٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭٭
شاكر بسرعة: أيوة ي سوزان
سوزان: انا فكرت ي شاكر وقررت اني اسمعك واديك فرصة
شاكر بفرحة: بجد !! بجد ي سوزان !! انا اسعد انسان ف الدنيا دقايق واكون عندك
سوزان: لا مش النهاردة ي شاكر
شاكر بتعجب: اومال امتي !!
سوزان: بكرة خطوبة أحمد ابن خالتي تيجي تحضر الخطوبة معانا عادي عشان الأمر يبان طبيعي وبعدين هسيب العيال مع ماما ونتكلم
شاكر: تمام ..تمام ي حبيبتي
٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭
وجاء يوم الخطوبة الذي ينتظره الجميع وخصوصا احمد وملك ..لم اتحدث معكم ماذا يرتدي كل شخص سوف اترك لكم الخيال تتخيلون أنتم كل شخص كما تحبون أن تروه حسب حبكم الشخصية تتخيلونها كما تحبون وتريدون
"ودخلا كل من أحمد وملك إلي القاعة تحت نظر الجميع ونظرات الاعجاب الشديدة حتي وصلا الي الكوشة"
أحمد بإبتسامة: مبروك ي حبيبتي وعقبال الفرح يارب
ملك بإبتسامة: الله يبارك فيك
ياسمينا بضحك: بتتوشوشوا بتقولوا ايه بس
أحمد بضحك: بقولها انها زي القمر ولو ينفع كنت خدتها ومشيت دلوقتي
ياسمينا: ايه حيلك حيلك كدة تاخدها فين بس لسة قدامك سنة عشان تاخدها ماتستعجلش
أحمد: طيب ايه رأيك بدل الخطوبة تبقي كتب كتاب
ياسمينا: ملك سكتي خطيبك
ملك بضحك: بيهزر معاكي ي ياسو
ياسمينا بضحك: ماهو عشان كدة بقولك سكتيه ..بس انتي زي القمر ماشاء الله عليكي ي حبيبتي ربنا يحفظك يارب
ملك: ربنا يخليكي ليا يارب
ياسمينا: يلا انتو هتفضلوا قاعدين كدة مش هترقصوا قوموا يلا ..وقاما أحمد وملك للرقص مع الاهل والاقارب والأصدقاء .. ومصطفي كان جيه وطلعت ياسمينا عشان تقابله عند باب القاعة وقابلت صافي ومامتها ومصطفي وسوزان وشاكر
ياسمينا بإبتسامة: أهلا أهلا ازي حضرتك ي طنط عاملة ايه نورتي الدنيا كلها
سامية وهي تسلم عليها: وحشتيني ي ياسمينا كدة اختك تاخد ابن اختي ونتفاجئ كدة
ياسمينا: صدف والله ي طنط انا نفسي اتفاجئت زي حضرتك بالظبط والله ..تعالوا اتفضلوا
صافي بإبتسامة: مبروك ي ياسو وعقبالك يارب ..ماعرفتكيش دي سوزان اختي الكبيرة ودة شاكر جوزها ودول عيالها سما ومروان ومصطفي انتي طبعا عارفاه مش محتاجة اعرفك بيه
ياسمينا بإبتسامة: اهلا وسهلا تشرفت بيكم ونورتونا النهاردة
سوزان بإبتسامة: ربنا يخليكي ي قمر صافي حكتلي عنك كتير وكان نفسي اشوفك واتعرف عليكي واهو ادينا اتعرفنا
ياسمينا: دة شرف ليا والله ربنا يخليكي يارب
سما ومروان: يلا بتي انتو هتفتلوا واتفين تدة ومس هنتدخل الفلح عسان نسوف العليس والعلوسة
(الترجمة😂: يلا بقي انتو هتفضلوا واقفين كدة ومش هندخل الفرح عشان نشوف العريس والعروسة)
ضحك الجميع ع طريقتهم وتحدثت ياسمينا بضحك وتقليد لهم: لا يلا داخلين اهو عشان تشوفوا العليس والعلوسة ..وبصت لسوزان: ربنا يخليهملك يارب ويباركلك فيهم
سوزان بإبتسامة: ربنا يخليكي ي حبيبتي
ودخلا الجميع للقاعة وقبل دخول ياسمينا مسكها أحد من ذراعها أوقفها أمامه
مصطفي: وحشتيني ..
ياسمينا: مصطفي مش هنا احنا لازم ندخل دلوقتي
مصطفي: كدة ماتسلميش عليا ولا كأني واقف بس ماشي ماشي براحتك ..بس تعالي هنا ايه الحلاوة دي
ياسمينا بإبتسامة: ماتكسفنيش بقي
مصطفي بإبتسامة: لا انا كدة هبتدي اغير من اي حد هيبصلك
ياسمينا: لا ماتقلقش مفيش في القلب غيرك
مصطفي: ربنا يخليكي ليا وعقبالنا بقي
ياسمينا بكسوف: يارب ..مش ندخل بقي ولا ايه !!
مصطفي بإبتسامة: ندخل ياباشا يلا
ودخلا مصطفي وياسمينا وكان قد جاء أدهم وذهب لكي يسلم علي احمد ويهنئه وجاء وقت تلبيس الشبكة فدخلت ياسمينا وهي تحمل الشبكة وتقدمها لأحمد لكي يلبسها لملك
"وظل الحفل في جو دافئ من الأهل والأصدقاء والاقارب والفرحة تعم في المكان والجميع يشعر بالسعادة"
٭٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭٭٭
وبعد انتهاء الحفل ذهبت سوزان مع شاكر للبيت
سوزان: اتفضل ي شاكر اتكلم انا سامعاك
شاكر: سوزان انا عارف انا غلطت وندمان ع غلطتي دي وعاوز اصلحها فعشان خاطري سامحيني
سوزان بضحكة: اه ندمان وعاوز تصلحها وعاوزني اسامحك ..وانا مين يصلحلي قلبي أللي اتكسر دة ها !! وبصت مسكت كوباية ورزعتها ف الأرض جامد كسرتها واكملت بعصبية: اتفضل صلحها كدة وريني هتصلحها ازاي اتفضل وريني يلا رجعهالي زي الاول
شاكر بصدمة: سوزان ايه اللي عملتيه دة
سوزان: ايه أللي عملته دة !! أللي عملته دة هو أللي انت عملته فيا أنت كسرت قلبي بقي شبه الكوباية دي لو قدرت ترجع الكوباية زي ماكانت الاول يبقي قلبي هيرجع زي الاول أللي اتكسر مابيتصلحش ي شاكر أنت غلطت واتحمل نتيجة غلطك دة كل واحد بيتحمل نتيجة أفعاله مافكرتش فيا !! اديني سبب واحد يخليك تعمل فيا دة كله !! عملتلك ايه عشان تعمل فيا كدة انت وجعتني اوي كنت ممكن اسامحك في أي حاجة تانية إلا أنك تتجوز عليا وواحدة تشاركني فيك ..شاكر هنا كان بدأ يدوخ ويمسك رأسه وهي بتكمل كلامها: لا وكمان عاوزني ارضي بالأمر الواقع انهي أمر واقع دة أللي واحدة تيجي تشاركني ف جوزي ها !!
شاكر بتعب: س..سوزان ا..ان..ولم يكمل قاطعته سوزان وهي تقول بخوف: شاكر أنت كويس !!
شاكر: اه انا ك..ولم يكمل كلمته حتي سقط أرضا
فصرخت سوزان: شاااااكر