✨الفصل الثامن عشر ✨
٭٭
وبعد مرور أسبوع تقريبا
حازم يتحدث مع حنان ولكن حنان لم تكن معه: حنان ..حنان ..
حنان بانتباه: ها انت بتكلمني ياحازم !!
حازم: دة انا بقالي ساعة بكلمك ولا أنتي هنا خالص ..مالك في ايه !!
حنان بتوتر: حازم بصراحة أنا كنت عاوزة اتكلم معاك في موضوع مهم بس خايفة
حازم بقلق: في ايه ياحنان اتكلمي ماتخافيش
حنان بتوتر: حازم ..ا..ا..احنا ..لا..لازم نسيب بعض
حازم اتصدم من كلامها ومن الصدمة سكت ومعرفش يرد يقول ايه فأكملت حنان بتوتر: انا آسفة ياحازم بس انا مش هقدر اكمل ..لقيت نفسي مش هقدر اكمل معاك
حازم بصدمة وكسرة: ل..لي..ليه !! انا عملت حاجة زعلتك ولا ضايقتك مني !!
حنان: لا خالص بس ا.. قاطعها حازم: وأما هو لا اومال ليه بتقولي كدة !! ايه أللي حصل خلاكي تقولي كدة !!
حنان وقلعت الدبلة وسيبتهاله قدامه علي الطرابيزة: انا اسفة بس انا فعلا مش هقدر اكمل ..عن اذنك
"حازم مسك الدبلة وهو مصدوم وحاسس نفسه تايه مش مستوعب أللي بيحصل وبدأ يحدث نفسه قائلاً: ليه !! ليه ياحنان !! انا عملت معاكي ايه وحش عشان تقرري كدة فجأة قرار زي دة وتاخديه بكل سهولة كدة !! وازاي قدرتي تنطقيها !! انا مكنتش بعمل معاكي غير كل خير دة يبقي جزاتي في الاخر يعني !! اكيد في حاجة انتي مخبياها عني هي أللي خليتك تعملي كدة .."
"ماهذا !! هل هذا كان حب أيضا !! ام كان ماذا !! كيف لشخص يتخلي عن من يحب بتلك السهولة !! هل يوجد سبب لهذا !! اي سبب هذا الذي يجعل الحبيب يترك حبيبه !! الي هذه الدرجة تكن الأسباب والعقبات هي التي تتحكم بنا وفي تصرفاتنا !! هل يمكن لسبب أن يجعلنا نترك من نحب بتلك السهولة !! الي هذه الدرجة كان السبب اقوي مننا ام كان حبنا هو الأضعف !! ام لم نكن نحب منذ البداية !! اذا فأين هي الحقيقة إذًا !!
٭٭٭٭٭٭٭٭٭ صباح وحيد ٭٭٭٭٭٭٭٭٭
مصطفي: ممكن ياهند بعد الشغل نقعد في مكان ونتكلم
هند: نتكلم في ايه يامصطفي !! مفيش مبررات تبررلك
مصطفي: انا عارف إن مفيش مبررات بس انا مش عاوز اخسرك انا اما صدقت انك رجعتي وشوفتك تاني
هند: مابقتش بقدر اصدق اي حاجة منك .. أللي يقول لحد أنه بيحبه وهو مش بيحبه ويقدر أنه ينطقها ويجيله قلب يعلقه بيه ويتلكك بظروفه أنه مش عارف يروح يتقدمله دلوقتي وفجأة يخطب حد تاني دة مينفعش اننا نصدقه ف اي حاجة لأن بيكون كل كلامه كدب في كدب ومجرد كلام وخلاص
مصطفي: عشان خاطري ياهند بلاش تبعدي عني عاقبيني بأي حاجة إلا بعدك عني
هند: انا ماقولتش اني هبعد انا قولت اني عاوزة ابقي لوحدي كام يوم احاول افهم واستوعب واتأقلم
مصطفي: طيب عشان خاطري خلينا نتكلم
هند: ماشي ..ماشي يامصطفي
٭٭٭٭٭٭٭٭٭٭ صباح وحيد ٭٭٭٭٭٭٭٭٭
أدهم يتحدث ولكن حازم لم يكن ينتبه لكلام أدهم فوجده أدهم شاردًا ولم يكن معه تماما فبدأ أدهم أن ينادي عليه وبزعيق: حازم ..حازم
حازم بانتباه: ايه يا أدهم
أدهم: ايه يابني انا بقالي ساعة بكلمك ولا انت هنا ..مالك في ايه !!
حازم: معلش يا أدهم كنت بتقول ايه !!
أدهم: كنت بقولك انا كنت نازل اجيب الشبكة يوم الخميس الجاي إن شاء الله فكنت عاوزك معايا بقي وكدة وتشوفلي محل دهب كويس
حازم: خلاص تمام حاضر يا أدهم
أدهم: مالك في ايه !! انت مش مظبوط النهاردة في حاجة
حازم: مفيش يا أدهم انا كويس
أدهم وقام وجلس أمامه وقرب من وشه: بس عينيك بتقول عكس كلامك ..هتخبي عليا ولا ايه !!
حازم: انت عارف اني مبعرفش اخبي عليك حاجة
أدهم: طيب قولي بقي مالك في ايه !!
حازم بألم: ح.. حنان ..
أدهم: مالها حنان حصلها حاجة !!
حازم بألم: حنان سا..سابتني يا أدهم
أدهم بصدمة: ايه !! ازاي دة حصل وامتي !!
حازم: معرفش ازاي دة حصل احنا كنا قاعدين عادي وفجأة لقيتها بتقولي انها مش هتقدر تكمل ولازم نسيب بعض
أدهم: طيب ايه خلاها تقول كدة !! اكيد في سبب انت عملت حاجة زعلتها !!
حازم: ماهو دة أللي هيجنني اني ماعملتش حاجة
أدهم: يعني منها من نفسها كدة !! حاجة غريبة ..هو اكيد في سبب خلاها تقول كدة
حازم: معرفش ..معرفش بقي يا أدهم
أدهم: طب أهدي اهدي خير إن شاء الله ..حاول تتكلم معاها وتفهم منها في ايه
حازم: اكيد لازم اعمل كدة
٭٭٭٭٭٭٭٭٭٭ صباح وحيد ٭٭٭٭٭٭٭٭٭
هند: اتفضل يامصطفي عاوز تقول ايه ..عندك ايه لسة عاوز تقوله !!
مصطفي: هند انا كل مرة كنت بقولك فيها بحبك كانت حقيقة عمري ماكدبت عليكي ولا في احساسي ليكي وعمري ماحبيت حد غيرك
هند: أنت أللي وصلتني لكدة أما اعرف من برة انك كنت مرتبط ببنت ويتقالي كانوا هيتخطبوا ويتجوزوا لولا ظهورك بوظ كل حاجة كان زمانهم مخطوبين دلوقتي لا وجاي تقولي دلوقتي عمرك ماحبيت حد غيري اومال هي كانت ايه !! كنت بتتسلي !! كنت بتقولها انك بتحبها زي ما بتقولي بالظبط والنتيجة في الاخر ايه !! انك سيبتها وروحت خطبت واحدة غيرها يبقي عاوزني ازاي اصدقك !! اصدقك ازاي وانت وعدتها ومنفذتش وعدك معاها !! اصدقك ازاي وانت كنت بتقولها بحبك مع انك محبتهاش ..يعني ممكن تكون بتقولهالي وانت مابتحبنيش برضو عاوزني أصدقها منك ازاي !! كنت بتقولها وانت محبتهاش يبقي عاوزني ازاي أما تيجي تقولهالي اصدقك !! أللي وجعني مش انك حبيت غيري أللي وجعني نظرات الناس ليا وكلامهم ليا واني في نظرهم خطفتك منها
مصطفي: خلصتي كلامك !! اولا انا ماكنتش بتسلي بياسمينا انا مش هكدب عليكي واقولك اني ماحاولتش أقرب منها لا انا فعلا حاولت وهي كانت رافضة وفضلت بحاول لحد اما وافقت بعد أما خليتها وثقت فيا وعملت كدة عشان كنت فقدت الامل في رجوعك وانك مش راجعة واني هفضل عايش علي ذكرياتنا حاولت اوصلك كتير لكن معرفتش حاولت انساكي بس برضو معرفتش ..شوفت ياسمينا فكرتني بيكي حسيتها فيها ملامح منك وحاجات كتيرة منك قررت ارتبط بيها عشان احس اني معاكي وكنت فاكر اني هقدر انساكي وانا معاها كنت كل مرة بقولها فيها اني بحبها كنت بشوف صورتك انتي فيها وعشان كدة كنت بقولها اختارت ياسمينا من وسط كل البنات وفضلت وراها لحد اما وافقت مع إن كان في أيدي مادام رفضت خلاص اشوف غيرها دة لو انا كنت عاوز حد غيرك فعلا بس انا معملتش كدة وفضلت متمسك بيها عشان كنت كل أما بشوفها كأني شايفك انتي قدامي ودة أللي خلاني أقرب منها مع إن ممكن ماتكونش شبهك ولا حاجة بس انا أللي قررت اشوفها كدة وعشان كدة شوفتها كدة كنت شايف كل البنات شبهك بس مش نفس شخصيتك هي الوحيدة أللي لقيت شخصيتها قريبة منك فقولت هي دي ..حاولت اعوض غيابك بأنك معايا وانتي مش معايا لحد اما انتي رجعتي مصدقتش نفسي وعرفت ساعتها إن دور ياسمينا كدة انتهي لأن حبيبتي الحقيقية وصلت خلاص حاولت اصارح ياسمينا بس مقدرتش وحاولت اصارحك بس مقدرتش اعمل كدة برضو خوفت ..خوفت أما تعرفي تسيبيني وانا أما صدقت اني لقيتك فضلت مستنيكي كتير اوي وخوفت لاضيعك مني تاني وعشان كدة جيت اتقدمتلك علطول ومقدرتش استني ..انا عارف اني غلطت بس كان غصب عني انا مكنتش شايف غيرك واما شوفتك فيها قولت يبقي هي أللي هتعوضني عنك يبقي كأني معاكي كنت بتشعلق بأي حاجة تفكرني بيكي وتشبهلك قولت اني هنساكي بيها أو هحس اني معاكي ومش مع حد غيرك بس الظاهر كنت غلطان
هند ومعرفتش ترد عليه تقوله ايه فسكتت فأكمل هو: ساكتة ليه !! اتكلمي قولي اي حاجة إنما ماتسكتيش كدة
هند: اتكلم !! اتكلم اقول ايه بقي !! هو انت سيبتلي كلام عشان اقوله مانت خلاص قولت كل حاجة
مصطفي: قولي اي حاجة قولي أللي عاوزة تقوليه
هند: خلاص يامصطفي أللي حصل حصل ومش هنعرف نرجعه تاني لأنه بقي ماضي خلاص إنما المهم دلوقتي اننا نركز في دلوقتي وفي أللي جاي ونرمي الماضي ورا ضهرنا وننساه لانه مابقاش ليه لازمة
مصطفي: يعني انتي مش زعلانة مني !!
هند: مش هتفرق ..انا يومين ولا حاجة وهروق بس اصل الموضوع مش سهل كدة ولا الكلام اللي سمعته كان سهل اني أنساه في يوم وليلة ..أما ابقي مخطوبة وفجأة الاقي الناس بتتهمني اني خطفت حبيب صحبتي والاقي خطيبي كان مخبي عليا وكل أللي عرفته دة مكنش سهل عليا خلاني اعيد حساباتي من تاني واشوف بتحبني زي ما بتقول ولا لا خلاني خايفة تكون بتعمل معايا زي ماعملت كنت كل مرة بتقولي فيها انك بتحبني كنت بفكر كتير اوي ياتري فعلا ولا مجرد كلمة بيقولها وخلاص ماهو كان بيقولها للي قبلي كل دي حاجات خليتني اخاف واعيد حساباتي من تاني ..انت فاهمني !! اكيد فاهم انا عاوزة اقول ايه
مصطفي: فاهمك ..فاهمك ياحبيبتي وحقك لاني انا أللي غلطان انا ماعرفتكيش بس كنت خايف تضيعي مني تاني ..خدي وقتك براحتك بس وحياة حبنا اوعي تعقابيني ببعدك عني
٭٭٭٭٭٭٭٭٭٭ صباح وحيد ٭٭٭٭٭٭٭٭٭
وبعد مرور يومان تقريبا
حازم بسيارته: حنان ..حنان
حنان وتتجه إليه: نعم ياحازم
حازم: ممكن بس تركبي نقعد في مكان ونتكلم
حنان: لو سمحت ياحازم تقول عاوز ايه عشان مش عاوزة أتأخر
حازم: ماتخافيش مش هأخرك هي ربع ساعة
حنان وركبت معاه بعد تفكير وبعد عدة دقائق ليست بكثيرة وصلوا إلي أحد الكافيهات
الجرسون: تحبوا تشربوا حاجة يافندم !!
حازم: تحبي تشربي ايه !!
حنان: حازم انا مش عاوزة أتأخر
حازم: ماتقلقيش قولتلك مش هأخرك ..وبص للجرسون: خليهم اتنين ليمون
الجرسون: تحت امرك يافندم ..حضرتك تؤمر بحاجة تانية !!
حازم: لا خلاص شكرا
حنان: ها خير ياحازم في ايه !!
حازم: عاوز افهم ياحنان
حنان: تفهم !! تفهم ايه !!
حازم: عاوز افهم ايه سبب قرارك السريع المفاجئ في الانفصال عني بدون اي سبب مني انا عملت حاجة زعلتك مني ولا ضايقتك !! ازاي قدرتي تعملي كدة
حنان: احنا مش كنا قفلنا الموضوع دة خلاص وقولنا بلاش كلام فيه !!
حازم: لا ماتقفلش ولا هيتقفل إلا أما افهم ..انا التفكير كان هيموتني خلاص من كتر مانا قاعد بفكر ياتري ايه السبب ياتري ايه حصل خلاها تعمل كدة واخر ماتعبت قولت الإجابة اكيد عندك ولازم نقعد ونتكلم وتفهميني
حنان: لقيت نفسي مش هقدر اكمل ياحازم ..وبلاش تعرف السبب عشان السبب هيوجعك
حازم: لا معلش احب اعرفه ..واشمعنا دلوقتي !!
حنان: قصدك ايه !!
حازم: يعني ليه وافقتي من الاول !! ليه كملتي وانتي عارفة انك مش هتقدري تكملي
حنان: قولت احاول ادي لنفسي فرصة معاك
حازم: اممممممم بتسلي وقتك ..وبصلها: انتي كدابة ياحنان
حنان: كدابة ليه !!
حازم: عشان دة حوار ميدخلش عقل عيل صغير ..في سبب اقوي من دة انتي بتحاولي تخبيه أللي يخليكي تعملي كدة يبقي سبب قوي وانا من حقي اعرفه
حنان: انا قولت أللي عندي
حازم: انا مش قادر اصدق انك انتي حنان البنت أللي انا حبيتها ..ازاي كنتي بتقدري تقربي مني وانتي عارفة انك مش هتكملي !! عملتلك ايه وحش عشان تعملي معايا كدة !! وجاية تقوليلي كلمتين تضحكي بيهم علي عيل صغير انا كل أللي طالبه منك اعرف السبب عشان لو عيب فيا اقدر اني اصلحه إنما مش بجبرك ترجعيلي ولا عمري اقدر اعمل كدة اكيد مش هجبرك تبقي معايا وانتي مش عاوزة دة ولا حابة دة وانتي ليكي حرية الاختيار بس انا ليا الحق اني اعرف السبب دة من حقي ..مهما كانت درجة حبي ليكي عمري ماهجبرك تقبليني غصب عنك انا حبيتك ..حبيتك ياحنان من كل قلبي وانتي جيتي بسكينة قتلتي الحب دة ..انا غلطان ..غلطان عشان حبيتك غلطان عشان مخدتش بالي انك مش عاوزاني غلطان عشان فرضت نفسي عليكي ..بس دلوقتي لازم اعرف السبب
حنان بعصبية: لازم اعرف السبب لازم اعرف السبب ايه في ايه قولتلك سيبتك ومش هقدر اكمل معاك انا حرة وقولتلك السبب هيوجعك فبلاش تعرفه والسبب دة بقي حاجة ماتخصكش دي حاجة تخصني انا ..وعلي العموم انا حبيتك عشان هدف معين وخلاص ارتاحت بقي انك عرفت السبب !!
حازم: انتي أحقر حد انا عرفته للدرجة دي مشاعر الناس سهلة عندك تلعبي بيها كدة !!
حنان: بقولك ايه احترم نفسك معايا ..وعلي العموم انا هقولك واريحك عشان تبطل الزن بتاعك دة ..انا اما وافقت عليك تخطبني مكنش عشان بحبك ودايبة في غرامك لا دة كان عشان هدف معين وكان نفسي اوصله والهدف دة كان أدهم ..حازم اتصدم فأكملت: أيوة أدهم ماتتصدمش اوي كدة ..انا كنت معجبة بأدهم اوي وكان نفسي أوقعه ويكون ليا لكن ماعرفتش واما أنت جيت وقولتلي انك بتحبني قولت استغل البداية من هنا وأدخله عن طريقك خصوصا بعد ماعرفت أنه صاحبك الانتيم ومتربيين سوا يعتبر قولت بخطوبتي منك وارتباطي بيك دة هيقربني منه وأدخله من هنا بقي وكل حاجة باظت في الاخر وراح خطب وطلعت انا من المولد بلا حمص ولا طولت اي حاجة وكل أللي خططتله ورتبتله دة كله باظ علي الفاضي فقولت بقي بعد كدة انت مابقاش ليك لازمة خلاص عملت أللي عاوزاه ومنفعش برضو في الاخر فعشان كدة بقي قررت اسيبك لأن مهمتك خلصت معايا وأللي كنت محتاجاك عشانه خلاص بح فمبقاش ليك لازمة بقي ..وهي دي كل الحكاية والسبب أللي كنت هتموت وتعرفه اديك عرفته اهو
حازم بصدمة وعنيه لمعت بالدموع: انتي ازاي كدة !! طب وكلامك ليا كان ايه !!
حنان: كان كلام مجرد كلام وخلاص بيتقال فض مجالس يعني
حازم ومسكها من دراعها جامد: انتي أقذر إنسانة عرفتها في حياتي وحقيقي انا بندم علي حبي ليكي وعلي كل لحظة حبيتك فيها وعلي اليوم أللي حبيتك فيه وعلي كل كلمة حلوة قولتهالك انتي ماتستاهليش انك تعيشي اصلا ولا تستاهلي الحب أللي ادتهولك دة كله ..امشي ومش عاوز اشوف وشك تاني ..وتركها وذهب
"ماهذا إذًا !! هل لإنسان يفكر بتلك الطريقة ويفعل كل هذا !! من اي قلب هذا !! كيف استطاعت فعل هذا كله !! هل من السهل التلاعب بعواطف الاخرين للوصول إلي أهدافنا !! هل من السهل كسر القلب !! فأي نوع من البشر هذه !! ومن اي قلب قلبها هذا !! ماهذا الجحود إذا !! كيف لقلب يفعل كل هذا !! هل الحب صعب الي تلك الدرجة !! هل يصل الحب الي تلك الدرجة من الصعوبة ليكون الالم كبيرا الي هذا الحد !!
٭٭٭٭٭٭٭٭٭٭ صباح وحيد ٭٭٭٭٭٭٭٭٭
أمل: تصدقي يابت انك عيلة جزمة وحيوانة كمان وماتستاهليش اني أسأل عليكي اصلا
ياسمينا: طيب اهدي بس حصل ايه لدة كله
أمل: انتي كمان مش عارفة حصل ايه !! يارب صبرني ..حضرتك قريتي فاتحة ونازلة تجيبي شبكة والخطوبة كمان شهر يعتبر من دلوقتي وكل دة انا معرفش حاجة ولا كأني بنت خالتك
ياسمينا بضحك: طيب خلاص اهدي يامجنونة أما اشوفك هبقي احكيلك كل حاجة
أمل: ماشي ..ماشي ..اديني جيالك بكرة اقعد معاكي
ياسمينا بفرحة: بجد !!
أمل: اه والله بجد .. المهم بقي اسيبك دلوقتي لشغلك وبكرة اما اجيلك نرغي براحتنا بقي
ياسمينا: اشطا ياقلبي ..طب بقولك ايه يابت صحيح
أمل: ها قولي
ياسمينا: ماتيجي تباتي معايا النهاردة واهو نسهر مع بعض وملك
أمل: تصدقي فكرة ..خلاص اشطا حاضر هشوف كدة واقول ماما واجيلكم
ياسمينا: اشطا ياقلبي مستنياكي
٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭
هند: بس ياستي هي دي كل الحكاية
مريم: وانتي بتفكري في ايه !!
هند: مش عارفة ..مش عارفة يامريم بس حاسة اني متلغبطة اوي
مريم: لو عاوزة نصيحتي سامحيه ياهند ماتعاتبهوش علي حاجة عملها في غيابك مالكيش دعوة بماضيه ماتعاتبهوش علي ماضي انتي مالكيش دعوة بالماضي ليكي دعوة بحضاره والحاضر اللي احنا فيه دلوقتي ومن حقك تعاتبيه من يوم أما عرفك وبقيتوا لبعض إنما اي حاجة قبل كدة وقبل أما يعرفك انتي مالكيش حق الكلام فيها لانها بقت ماضي خلاص ومالكيش حق الكلام في الماضي ولا حقك تعاتبيه .. مالكيش حق العتاب علي غيابك لأنك مكنتيش موجودة فكان من حقه يشوف حياته وانتي مش حقك تعاتبيه علي حاجة عملها وانتي مش موجودة معاه لانه أللي عمله دة كان حقه ..زي بالظبط هو كمان مش من حقه يعاتبك علي حياتك اللي كنتي عايشاها برة
هند: عندك حق كلامك صح
مريم: هو أما عمل كدة عمل في غيابك يعني مكنتيش معاه ولا كان يعرف عنك حاجة وحاول يوصلك لكنه فشل إنما معملش كدة وانتي معاه هنا يعني لو كنتي هنا وكنتو مرتبطين وكان ارتبط بغيرك كان حقك تزعلي إنما متجيش تعاتبيه علي حاجة غصب عنه واي حد مكانه كان هيعمل كدة علي الاقل هو استناكي وأما فشل أنه يلاقيكي راح ارتبط بواحدة تشبهلك في نظره يعني لو ماشافش فيها الشبه دة مكنش ارتبط اصلا ودة معناه أنه مش عاوز يرتبط بأي حد غيرك ..ماتغطليش نفس غلطتي وتضيعيه من ايديكي طالما بتحبيه
هند بحزن: هو برضو مكلمكيش ولا حاجة !!
مريم بضحكة حزن: يكلمني !! كريم يعتبر نسيني خلاص وانا السبب
هند: ماتقوليش كدة انتي عارفة كريم بيحبك ازاي
مريم: كان زمان ..كان زمان ياهند .. أللي كريم شافه مني يخليه ميطيقش يبص في وشي انا برضو وجعته اوي وجيت عليه كتير
هند: بس كان غصب عنك ماللي حصل مكنش سهل عليكي برضو يامريم واي واحدة غيرك كانت هتعمل كدة واكتر من كدة كمان وبعدين أللي بيحب بيسامح يامريم وهو اكيد هيسامحك
مريم بحزن: وأللي بيحب برضو بيصدق ويثق ويقف جمب أللي بيحبه ويسنده وانا معملتش كدة ياهند وكريم حساس اوي ياهند وميستحملش حد يجرحه في كرامته وانا جرحته اوي ياهند فمش سهل يسامحني زي مانتي فاكرة دة لو مكنش كرهني يعني ..كريم عنده كرامة اوي أنه ميحبش يحس انه تقيل علي حد وانا قولتله مش عاوزة اعيش معاه تاني وجعته اوي بكلامي وهو فضل مستحمل دة كله وانا كل مدي بزيد فيها وهو دة كله كان بيستحمل عشان بيحبني انا ضيعته من ايدي
هند: لا ماتقوليش كدة كريم بيحبك وانتي عارفة واكيد هيسامحك .. أللي بيحب ممكن يزعل شوية إنما مابيبعدش ولا بيعرف يكره صدقيني
مريم: بس أللي حصل وأللي شوفته مكنش سهل عليا برضو ..مكنش سهل عليا أما الاقي صور لجوزي مع واحدة لا وكمان قسيمة الجواز واكتشف فجأة أنه متجوز عليا وفي السر كل دة مكنش سهل عليا اعديه ولا كان فيا دماغ افكر في حاجة اصلا عارفة أنا اتصنمت مكاني لحد اما رجع من الشغل بليل في اليوم دة أللي عرفت فيه
#فلاش_باك
كريم بإبتسامة: مساء الخير ياحبيبتي
مريم ووقفت قدامه ولمعان عينيها بالدموع: طلقني
كريم بصدمة: نعم !!!!
مريم: زي ماسمعت كدة طلقني ..انا عاوزة اتطلق منك
كريم: اقعدي كدة بس وفهميني حصل ايه بالراحة !!
مريم وهي تفتح هاتفها: اتفضل شوف بنفسك وانت تعرف ..حضرتك متجوز عليا في السر وياعالم بقالك قد ايه معاها
كريم: مريم ممكن تهدي وتسمعيني الاول اشرحلك كل حاجة
مريم ببكاء وزعيق: مش عاوزة اسمع حاجة ولا عاوزاك تشرحلي حاجة كل حاجة قدامي أهي اسمع ايه بقي !! كل اللي عاوزة اقولهولك ليه !! ها ليه !! انا عملتلك ايه وحش عشان تعمل فيا كدة ولا توجعني بالطريقة دي !! كنت توجعني بأي حاجة اي حاجة إلا كدة ..عشان خاطري بقي كفاية لحد كدة وطلقني
كريم بعصبية: بس بقي كل شوية طلقني ماتقوليش الكلمة دي عاملة زي اللبانة في بوقك ..وعشان ترتاحي مش مطلقك يامريم ..وتركها وذهب
#باك
مريم بدموع: رغم الحب والصدق أللي شوفتهم في عينيه بس برضو مقدرتش اني اتنازل عن قراري واصريت علي الطلاق رغم احساسي أللي جوايا أللي كان دائما بيأكدلي أنه بيحبني ومستحيل يعمل فيا كدة واكيد في سبب اقوي منه يخليه يعمل كدة الا برضو سكت احساسي وخوفت أصدقه ليكون مجرد تمني جوايا ومش مجرد احساس حقيقي خوفت يكون احساس كاذب أو احساس انا أللي عاوزاه إنما مش احساس بالحقيقة ولا بالواقع عارفة أما تتصدمي في حد وتحاولي تقنعي نفسك أنه مستحيل يكون هو كدة ولا يعمل كدة ومش قادرة تصدقي وبتحاولي تدوري علي اي سبب عشان يكون مبرر ليكي تبرري ليه لنفسك انا بقي كنت كدة كنت اتمني يطلع حلم فخوفت امشي ورا احساسي يكون احساس بتاعي مش حقيقي ومجرد سراب بجري وراه ..عدي شهرين واحنا مش مع بعض وكأنهم سنتين ..وحشني ..وحشني اوي ياهند نفسي اترمي في حضنه واقوله سامحني غصب عني نفسي اقوله اني محبتش ولا هحب حد غيره نفسي اقوله اني مش شايفة حد غيره في حياتي
هند واحتضنتها: انا اسفة اني فكرتك انا السبب ..وصدقيني هو كمان بيحبك زي مابتحبيه كدة ويمكن اكتر كمان وهيسامحك وهترجعوا تعيشوا مع بعض تاني بس هي مسألة وقت مش اكتر
مريم وبصتلها: انا عمري مانسيته ياهند عشان افتكره
هند: إن شاء الله خير ياحبيبتي وهترجعوا لبعض
مريم بدموع: كريم خلاص ضاع ياهند ضاع وانا أللي ضيعته ..هو قالي هطلقك اول أما اكشفلك الحقيقة عشان أما اجي اطلقك اطلقك وانا سايبلك صورة حلوة عني يعني مش هيرجعني تاني ياهند
هند: ماتقوليش كدة ياحبيبتي خير إن شاء الله اهدي بقي عشان خاطري ..وقاطع حديثهما صوت رنين هاتف هند
هند وهي محتضنة مريم: دة مصطفي
مريم وهي تنهض وتمسح دموعها: ردي عليه ياهند وانا هدخل اغسل وشي واجي ..وخرجت مريم وتركت هند بالداخل
هند: أيوة يامصطفي
مصطفي: قولت اطمن عليكي
هند: ربنا يخليك ..انت عامل ايه
مصطفي: الحمد لله تمام بخير .. انتي عاملة ايه
هند: بخير الحمد لله
مصطفي: بقولك صحيح حفلة تخرج صافي الاسبوع الجاي إن شاء الله ولازم تكوني موجودة
هند بسعادة: دة اكيد طبعا ..اخيرا الكلية هتعملهم حفلة التخرج دي البنت متخرجة بقالها شهرين تقريبا
مصطفي: مانتي عارفة بقي حفلة التخرج مش سهلة وبتاخد وقت في الترتيبات بقي وكدة
هند: أيوة صح ..الف مبروك ليها وعقبال ماتفرحوا بيها كدة يارب وهي عروسة
مصطفي: الله يبارك فيكي ياحبيبتي
٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭
أمل: ايه ياياسو بقولك مش هقدر اجيلك النهاردة
ياسمينا: ليه ياختي إن شاء الله !!
أمل: جالنا ضيوف النهاردة عمتو بقي وكدة
ياسمينا: امممم خلاص تمام ولا يهمك ..بس بقولك كنت عاوزاكي تنزلي معايا وانا بجيب الشبكة
أمل: دة اكيد طبعا هتنزلي امتي !!
ياسمينا: بعد بكرة إن شاء الله
أمل: خلاص اشطا إن شاء الله اكون معاكي
ياسمينا: اشطا ياقلبي هستناكي تعدي عليا وبعدين ابقي روحي معانا وباتي معانا بقي ولا تعالي بكرة باتي معانا وتمشي معانا من هنا
أمل: لا بكرة صعب بقولك عمتو عندنا النهاردة وهتبات معانا وهتمشي بكرة لسة اخر النهار كدة مثلا هتتغدي معانا
ياسمينا: خلاص تمام ياقلبي هستناكي بعد بكرة تعدي علينا وتمشي معانا من هنا
أمل: تمام ي قلبي ..صحيح هتمشوا بليل ولا الصبح !!
ياسمينا: والله لسة مش عارفة هسأل أدهم كدة
أمل: خلاص تمام اسأليه كدة وقوليلي بقي
ياسمينا: تمام حاضر
٭٭٭٭٭٭٭٭٭٭ صباح وحيد ٭٭٭٭٭٭٭
سوزان: شاكر انا كنت عاوزة اتكلم معاك في موضوع
شاكر: خير ياسوزان في ايه !!
سوزان: بصراحة كدة ياشاكر انا كنت عاوزة انزل اشتغل انا زهقت من قاعدة البيت اوي
شاكر: انتي ناقصك حاجة !! ولا انا قصرت معاكي في حاجة !!
سوزان: لا طبعا ياحبيبي ربنا يخليك لينا يارب ..بس فكرة الشغل إن لازم يكون ناقصني حاجة مش معني أني أنزل اشتغل يكون ناقصني حاجة لا .. عاوزة انزل اسلي وقتي وأخرج وكدة
شاكر: واشمعنا دلوقتي ماحنا من يوم أما اتجوزنا مافكرتيش تنزلي شغل ايه الجديد بقي !!
سوزان: عشان الأول كنا مسافرين عشان شغلك ومكنش ينفع اشتغل برة وغير كدة كنا متنقلين مش مستقريين فمكنش ينفع ارتبط بشغل وكل شوية اتنقل واسيبه وكدة إنما احنا دلوقتي خلاص بقينا مستقرين هنا في مصر ومش هنسافر تاني فاقدر اني اشتغل
شاكر: اممممم ..بصي ياسوزان شيلي فكرة الشغل دي من دماغك خالص عشان شغلك ممكن ياخدك من بيتك وولادك يعني هيحصل تقصير ودة هيأثر .. اهتمي بسما ومروان مش عاوز حاجة تشغلك عنهم نهائي
سوزان: ياحبيبي عشان خاطري افهمني وص.. قاطعها شاكر: الموضوع اتقفل خلاص ومش عاوز كلام فيه تاني
سوزان بحزن: ماشي ..تصبح علي خير
شاكر وهو يحتضنها: وانتي من اهل الخير ياحبيبتي ..وحس إن سوزان عاوزة تقوله حاجة فقال: زعلنا مالوش علاقة بحبي ليكي ولا طريقتي عن تعبير حبي ليكي ومالوش علاقة برضو اني مخدكيش في حضني قبل أما ننام زعلنا مع بعض في كفة وحبنا في الكفة التانية ومينفعش احط الاتنين في كفة واحدة لأن دة حاجة ودة حاجة تانية خالص والاتنين مالهمش علاقة ببعض ولا ينفع اربطهم ببعض
سوزان ابتسمت من كلامه وفرحت من جواها وحمدت ربها أن رزقها بزوج مثل شاكر يحبها كل هذا الحب قائلة لنفسها: وانا عندي استعداد اعمل اي حاجة عشانك وعشان تكون جمبي بس .. ثم غضت في نوم عميق
"ما أجمل هذا الحب إذا ..حين تجد احد يحبك الي هذه الدرجة من الحب ربما يصل إلي درجة العشق فهل هذا هو الحب إذا ام يوجد تعريف آخر للحب لم نعرفه !! "
٭٭٭٭٭٭٭٭٭٭ صباح وحيد ٭٭٭٭٭٭٭٭٭٭
وفي صباح اليوم التالي
أدهم: ادخل
ياسمينا: صباح الخير ..
أدهم وهو يرفع نظره إليها: صباح النور ..تعالي اقعدي
ياسمينا: لا مش لازم انا بس جاية أسألك علي حاجة وماشية علطول
أدهم: طيب ماشي اقعدي وأسالي علي أللي عاوزاه
ياسمينا وقد جلست وهي تقول لنفسها: هو ايه الادب والاحترام دة !! هو ماله عيان ولا ايه
أدهم: ها ياستي كنتي عاوزة تقولي ايه
ياسمينا بانتباه: كنت عاوزة بس أسألك هو احنا بكرة أما نروح نجيب الشبكة هنروح علي امتي كدة مثلا !!
أدهم: عادي اي وقت انتو فاضيين فيه اللي يعجبكم
ياسمينا: تمام ..ممكن علي الساعة 5 كدة بعد الشغل علطول
أدهم: شغل !! شغل ايه !! انتي مش هاتيجي الشغل بكرة
ياسمينا: ليه مش هاجي بكرة !! هو حصل حاجة !!
أدهم: لا محصلش حاجة بس واحدة رايحة تشتري شبكتها مينفعش تنزل الشغل يعني وتركز في شبكتها وعشان تعرف تختار ومتبقاش مرهقة في اليوم دة
ياسمينا بضحكة مكسورة وبصتله: صح ..كلامك صح ..بس الكلام دة لعروسة هتتخطب وفرحانة مش لواحدة نازلة تشتري شبكتها وهي عارفة انها مش هتلبسها اصلا لانها بعد كام شهر هترجعها تاني ..عن اذنك
"أدهم سكت وحس بالوجع من كلامها وحس بوجعها وأنها موجوعة وأنه هيكون سبب في وجع وجرح قلب حد فيحدث نفسه: انا اتوجعت ليه كدة !! انا كدة هكون سبب في وجعها وجرح قلبها مانا مجرب جرح القلب بس الفرق بقي هنا أنها عارفة ورغم ذلك هتكمل بس هتكمل وهي عارفة ان الحكاية مش هتكمل انا كدة يعتبر هعمل فيها زي أما آمال عملت معايا بل وهي اصعب مني كمان يعني أنا مافرقتش حاجة عن آمال طيب انا مكنتش اعرف واتفجآت إنما هي عارفة اني هسيبها يعني هي هتدخل التجربة وهي عارفة انها منتهية اصلا قبل ماتبتدي يعني داخلة حاجة عارفة نهايتها فيها وجع قلبها ..لا انا مستحيل اعمل كدة ومستحيل اكون سبب في وجع وجرح قلب حد لأني أنا جربت ومستحيل اعمل كدة وهي مالهاش ذنب في حاجة مش معني أني أول تجربة حب في حياتي فاشلة يبقي اطلعها عليها هي مالهاش ذنب ..
٭٭٭٭٭٭٭٭٭٭٭ صباح وحيد ٭٭٭٭٭٭٭٭٭
وبعد مرور اليوم بسلام بدون مشاكل ذهب أدهم لبيت حازم للاطمئنان عليه بسبب عدم مجيئه للشركة اليوم وعدم رده علي مكالماته ..حازم فتحله وهو باين عليه التعب ووشه مرهق جدا
أدهم: ايه يابني أللي عامله في نفسك دة !! ومجتش ليه النهاردة ولا بترد علي تليفونك ليه
حازم بتعب وعدم انتباه وتركيز: مفيش يا أدهم تعبان شوية بس
أدهم: لا انت مش تعبان شوية انت تعبان اوي انت مش شايف نفسك بقيت عامل ازاي ..كل دة عشان سابتك في داهية ياعم بس متعملش في نفسك كدة
حازم: تعرف سابتني ليه !! ولا حبتني ليه اصلا !! لا هي محبتنيش صحيح تعرف هي قربت مني ليه !!
أدهم: ليه ياحازم
حازم: عشانك ..عشانك انت يا أدهم
أدهم بتعجب: عشاني انا !! وانا مالي
حازم بحزن: حنان كانت بتحبك وعاوزاك انت يا أدهم وخدتني كوبري عشان توصلك بيه عن طريقي انا
أدهم بصدمة: لا معلش انا مش فاهم حاجة ..حنان مين اللي كانت بتحبني !! بتحبني انا ازاي وليه !!
حازم: انا هحكيلك علي كل حاجة ..حنان اما وافقت علي خطوبتها مني مش عشاني ولا عشان بتحبني لا دة عشان بتحبك انت ومكنتش عارفة تقرب منك فقالت تستغلني انا البداية أللي هتبتدي من عندها عشان انا صاحبك ومعاك في اعتقادها أنها أما توافق تتخطب ليا يبقي كدة هتقرب منك سهل وتبقي ليها واما أنت خطبت وهي عرفت قررت تسيبني عشان مابقاش ليا لازمة خلاص عملت أللي عاوزاه وفشلت فيه يبقي هتعمل بيا ايه انا بقي !! الهدف أللي كانت عاوزاني عشانه خلاص مابقاش موجود فوجودي مابقاش ليه لازمة هو كمان ..فهمت بقي دلوقتي مالي !! وفهمت سابتني ليه !!
أدهم بصدمة: انا مش قادر اصدق إن في حد ممكن يقدر ولا يجيله قلب أنه يعمل كدة بجد دي مش بني آدمة وخسارة فيها اي حاجة وخسارة فيها حبك ليها اللي ادتهولها وماتستاهلش زعلك واللي انت عامله في نفسك دة عشانها ..قوم يلا روق كدة وانسي واغسل وشك وتعالي نخرج شوية
حازم: معلش يا أدهم النهاردة تعبان مش قادر انزل
أدهم: لا مفيش الكلام دة يلا ننزل تغير جو وكمان عاوز اتكلم واحكيلك علي حاجات كتير
حازم: معلش يا أدهم عشان خاطري سامحني المرة دي وبكرة إن شاء الله ننزل زي مانت عايز بس انا النهاردة تعبان فعلا
أدهم: تمام ماشي هسيبك وننزل بكرة ..بس بشرط تيجي تبات معايا النهاردة انت مش هينفع تقعد لوحدك
حازم: لا انا مش هتحرك من هنا أنا مرتاح هنا ومحتاج اكون لوحدي ماتقلقش عليا انا كويس أو هكون كويس بس محتاج شوية وقت مش اكتر
أدهم: خلاص يبقي انا اللي هقعد معاك هنا مادام مش عاوز تيجي ولا تنزل من البيت إنما مش هسيبك لوحدك
حازم: البيت بيتك يا أدهم انت عارف وتنورني والله
أدهم بهزار: اه مانا عارف مش محتاج ولا مستنيك تقولي وقوم يلا شوفلي اي ترينج البسه من عندك وشوف هتعشينا ايه ولا مش ناوي تعشينا بقي
حازم وضحك بصعوبة: عيوني ليك يا أدهم انت عارف
٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭
ملك: حبيبي انا ممكن مجيش الشغل بكرة
احمد: ليه كدة في حاجة ولا ايه !!
ملك: اه اهم حاجة ..نازلين نجيب شبكة ياسمينا
احمد بإبتسامة: بجد !! الف مليون مبروك وربنا يتمم بخير يارب ويسعدها
ملك: يارب ياحبيبي يارب
٭٭٭٭٭٭٭٭ صباح وحيد ٭٭٭٭٭٭٭٭
وفي مساء اليوم التالي بأحد محلات الذهب الضخمة
ياسمينا بدهشة: الله حلو اوي دة ..ايه رأيك ياملك انتي وماما وامل !!
ملك بفرحة: الله جميل اوي بجد ورقيق جدا
سهير بفرحة: جميل جدا ماشاء الله
ياسمينا بتردد وتوتر: ايه رأيك يا أدهم !!
أدهم بإبتسامة: جميل ورقيق وهيبقي حلو عليكي ..اهم حاجة أنه عجبك
ياسمينا ابتسمت وحست أنها فرحانة اوي واكتفت بالابتسامة ..ثم أكملوا شراء الشبكة وانتهي اليوم بسلام دون مشاكل لايكاد يخلو من بعض المشاكل الصغيرة التي لا تذكر لكنه انتهي بسلام والجميع سعداء
٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭
أدهم: يلا ياعم جهز نفسك بقي عشان خطوبتي كمان اسبوعين خلاص
حازم: جبت الشبكة وظبطت كل حاجة !!
أدهم: اه كل حاجة تمام
حازم: مليون مبروك ياحبيبي وربنا يتمملك علي خير يارب
أدهم: الله يبارك فيك ياحبيبي وعقبالك كدة يارب
حازم بضحكة مكسورة: عقبالي !! عقبالي ايه بقي ماخلاص جربت حظي مرة كفاية كدة بقي كفاية لحد كدة وجع قلب
أدهم: انا حاسس بيك واكتر واحد ممكن يحس بيك ويفهمك لأني في يوم من الايام كنت مكانك وفي نفس احساسك دة بس لحد أمتي !! لحد أمتي هتفضل قافل علي نفسك كدة !! فات شهر علي قعدتك دي كدة هل اتغير حاجة بقي في الشهر دة !! هل قفلتك وقعدتك دي رجعتهالك !! طيب واخرتها ايه !! لازم تعمل زي مانا عملت تطلع وتخرج عشان تنسي عارف إن مش سهل تنسي بس لازم تدور علي حاجة تساعدك في انك تنسي
حازم بهم: عارف يا أدهم أما كنت باجي اكلمك عن آمال وانك ترجعلها وكنت ترفض أو كنت اقنعك بأنك تخطب بس كنت ترفض كلام في الموضوع وكنت اما بتشكيلي واسمعك واشوف كمية الوجع أللي فيك كنت اقول نفسي هو معقولة الحب بيوجع اوي كدة !! معقولة وجعه صعب اوي كدة لدرجة أننا مش بنقدر نتحمل وجعه !! كنت استغرب اوي انك موجوع اوي كدة وكنت شايف الموضوع ابسط من كدة ومش مستاهل دة كله أللي اتعمل عشانه ..بس اما جربت حسيت ..حسيت بوجعه بجد وعرفت أنه مش سهل وإن اصعب وجع هو وجع القلب اصعب من وجع الجسم علي الاقل وجع جسمك بتكون عارف وشايفه وبتقدر انك تعالجه إنما وجع قلبك بيكون مش ظاهر ولا بتقدر تعالجه لانه مالوش علاج وحتي لو عالجته بيكون سايبلك العلامة مكان الجرح زي العملية الجراحية بالظبط عملتها بس لسة سايبة علامة في جسمك مكان الجرح والخياطة ..مفيش اصعب من احساس انك كنت مجرد تسلية في قلب حد خليته كل حياتك
أدهم بحزن علي صديقه: انا عارف أنه صعب وصعب انك تنسي كمان بس لازم تنسي عشان تقدر تعيش وهترجع تحب من تاني وتقابل واحدة تحبك وتقدر حبك ليها وتديك نفس الحب انسي وافتح قلبك من جديد
حازم: كنت انت قدرت تفتح قلبك من بعد آمال يا أدهم ..المهم سيبك انت من دة كله وافرح وادي البنت فرصة بلاش توجعها انت جربت يعني ايه وجع حب بلاش تكون سبب في الوجع دة بلاش تكون سبب في حاجة انت نفسك عانيت منها وجربتها وعارفها
أدهم: هحاول ..هحاول اديها فرصة ياحازم لأنها مالهاش ذنب في حاجة من أللي انا شوفته وزي مانت قولت عشان مكونش السبب في وجع انا اتوجعته وجربته مابقاش انا السبب فيه بعد كدة
حازم: ربنا يتمملك بخير يارب ويسعدك ويجعلها نصيبك الطيب وعوض ربنا ليك
٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭
أمل: ماهو الواد كويس وأخلاق اهو اومال مالك بقي يامفترية انتي مش عاجبك ليه !!
ياسمينا: وهو انا قولت مش عاجبني يابت انتي !! انا كل أللي قولته اني خايفة ..خايفة اتوجع للمرة الثانية بس المرة دي بقي هكون عارفة ورغم ذلك مكملة وموافقة إنما اول مرة مكنتش اعرف
أمل: إن شاء الله مفيش وجع ولا حاجة
ياسمينا بحزن: ازاي بس وهو قالي اننا هنتخطب كام شهر وبعد كدة نفركش الموضوع يعني القصة منتهية من قبل أما تبتدي
أمل: حبيبتي ماتسبقيش الأحداث وكله مجرد كلام وخلاص مش يمكن يحبك وتحبيه ومايبقاش في فراق !! وبعدين انا بصراحة كدة حسيت من طريقته أنه بيحبك ولاحظت في عيونك حبه
ياسمينا بتوتر: لالالا مفيش الكلام دة
أمل بغمزة: هتكدبي عليا انا ياياسو !! عينيكي فضحتك
ياسمينا بقلة حيلة: معرفش ايه أللي حصلي والله حسيت اني بدأت اتعلق بيه ودة أللي خوفني .. بس بحاول ابعد عشان ماتعلقش واتوجع تاني انا مش حمل وجع حب تاني يا امل كفاية كدة
أمل: طيب وايه خلاكي تحسي كدة إلا أما تكون تصرفاته معاكي قالت كدة ..ماتفكريش في حاجة وسيبي كل حاجة ماشية زي ماهي ماشية حسب ترتيبات ربنا وماتسبقيش الأحداث وطمني لطريق ربنا اختاره ليكي
ياسمينا: ونعم بالله كلامك صح ..اقولك علي حاجة الاسبوعين أللي فاتوا كان كويس اوي معايا لدرجة انا نفسي بقيت مستغربة مش معقولة يكون دة أدهم المهدي ..عارفة يا امل بدأت اتعود عليه وعلي وجوده جمبي علطول عارفة زي اما تكوني متعودة علي وجود حد عاوزاه معاكي طول الوقت معرفش دة حب ولا تعود بس
أمل بابتسامة: انتي حبيتيه ..حبيتيه ياياسمينا ادي لنفسك فرصة ولقلبك وافتحي قلبك للي جاي يخبط عليه مش كل أللي جاي يخبط جاي عاوز يجرحه ممكن يكون جاي عاوز يداوي الجرح أللي فيه
ياسمينا: بس انا خايفة يكون هو مابيحبنيش
أمل: أما تفتحي قلبك وتديله فرصة هتعرفي إذا كان بيحبك ولا مابيحبكيش ..وزي ماقولتلك امشي في الطريق أللي ربنا اختاره ليكي وانتي مطمنة لوجوده معاكي
ياسمينا: حاضر ..حاضر يا امل ادعيلي ..يلا عشان نتعشي بقي
٭٭٭٭٭٭٭٭٭٭ صباح وحيد ٭٭٭٭٭٭٭٭٭٭
سعدية: مساء الخير يا أدهم يابني اتأخرت ليه كده !!
أدهم: معلش بقي يادادة عديت علي حازم قعدت معاه شوية وجيت علطول أهو ..انتي مانمتيش ليه !!
سعدية: حمد لله على سلامتك يابني ..تحب احضرلك العشا تتعشي قبل ماتنام
أدهم: لالا مالوش لازمة يادادة تتعبي نفسك انا مش جعان هطلع انام علطول
سعدية: لا دة انا مستنياك أما ترجع عشان احضرلك العشا تتعشي فلازم تتعشي انت من الصبح وانت برة ومفيش تعب ولا حاجة مش هيجيني اعز منك ..وبعدين كمان انا عاملالك كل أصناف الاكل أللي بتحبها
أدهم بإبتسامة: خلاص ماشي يادادة هطلع اغير هدومي علي بال أما تخلصي
بدأت سعدية في تحضير الطعام لأدهم أصناف الطعام الذي يحبها وبدل أدهم ملابسه وذهب للمطبخ ليتناول الطعام
أدهم: الله مكرونة بشاميل بالفراخ ..تسلم ايدك يادادة
سعدية بحنان: تسلم يابني بألف هنا ..صحيح مبروك يابني وربنا يتمملك علي خير يارب فرحتلك اوي بجد
أدهم بإبتسامة حب: الله يبارك فيكي يادادة ربنا يخليكي ليا يارب
سعدية بحنان: بتحبها يا أدهم !!
أدهم: اشمعنا السؤال دة !!
سعدية: عشان لو مش بتحبها سيبها تشوف نصيبها وانت كمان تشوف نصيبك اوعي تدخل حكاية تكون انت فيها الظالم
أدهم: والله يادادة في الاول كانت بالنسبالي عادي إنما أما قربنا الفترة اللي فاتت دي بدأت أحس بحاجة جوايا ليها ..عارفة يادادة أما جت سألتني هننزل نجيب الشبكة امتي وكدة وطلبت منها أنها ماتجيش الشغل في اليوم دة قالتلي ايه !! قالتلي الكلام دة لو عروسة بجد وفرحانة وهي نازلة تنقي شبكتها مش عروسة نازلة تنقي شبكتها وهي عارفة انها مش هتلبسها اصلا لانها بعد كام شهر هترجع تاني ..ردها وجعني اوي ومعرفش انا ليه اتوجعت كدة بس يمكن افتكرت وجعي من آمال وانا أللي هعمله بقي بس الفرق انها داخلة حكاية وهي عارفة نهايتها والقصة منتهية من قبل أما تبتدي داخلة وعارفة أنها فيها وجعها وكسر قلبها في النهاية إنما أنا مكنتش اعرف حسيت ساعتها انا اد ايه قاسي معاها وقولت مستحيل اكون سبب في وجع وجرح قلب حد لأني أنا جربت ومستحيل اكون السبب في ان حد يحس بكدة ..وهي مالهاش ذنب بحاجة
سعدية بحنان: افتحلها قلبك يابني وقربها منك دي أمانة من ربنا ليك ولازم تحافظ علي الأمانة دي وانسي الماضي لانه مابقاش موجود خلاص وبقي اسمه ماضي هو اه وجعه ممكن يكون موجود بس هو نفسه مابقاش موجود وعشان اقدر اعالج وجعه لازم أنساه هو الأول ..إنما لو فضلت محتفظ بالماضي جوة قلبك هيعذبك انت ماتاخدش حد بذنب حد دة بيبقوا اخوات ومتربيين مع بعض تربية واحدة وكل واحد فيهم مختلف عن التاني نهائي ..فحاول اديها وادي لنفسك فرصة وافتح قلبك للي جاي يخبط عليه مش كل أللي جاي يخبط عليه ناوي يجرحه ويمشي في أللي جاي يقفل الجرح دة
أدهم: صح ..صح كلامك يادادة بس الواحد بقي بيخاف بسبب تجربة في حياته وبقي يتوقع اي حاجة من اي حد عشان ميتوجعش تاني
سعدية: الحياة مش راحة ولا عمرها هتكون راحة الحياة تعب ومشقة ووجع من أقرب الناس ليك عشان يعلموك وكل حاجة من ترتيبات ربنا احنا مالناش دعوة بحاجة ولا بنعمل حاجة ربنا هو أللي بيوجهنا دايما ربنا أما بياخد منك حاجة بياخدها عشان لو كانت فضلت موجودة كانت هتكون اذي ليك فامتزعلش أما ربنا ياخد منك حاجة لانه بيعوضك اضعافها بس انت تصبر وتطمن لحكمته
أدهم: انا برتاح أما بتكلم معاكي يادادة والله بتخليني اشوف حاجات ممكن مكونش شايفها ولا واخد بالي منها بتوضحيلي الرؤية قدامي ..ربنا يخليكي ليا يارب يادادة
سعدية: ربنا يسعدك يارب يابني ويريح قلبك
٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭
في صباح اليوم التالي
ياسمينا: ممكن ادخل !!
أدهم بإبتسامة: اه طبعا اتفضلي
ياسمينا: كنت عاوزة اطلب منك طلب
أدهم: اتفضلي
ياسمينا بتوتر: حفلة التخرج بتاعتي نهاية الأسبوع دة وكنت عاوزاك تبقي موجود
أدهم: بس كدة !! من عنيا حاضر
ياسمينا وهي تنهض لتذهب ولكنها تباطآت في مشيتها وكأنها تريد شيئًا فشعر أدهم بتوترها هذا وقال: عاوزة تقولي حاجة ولا ايه !!
ياسمينا بتوتر: ا..اه..لا
أدهم بتعجب: اه ولا لا !!
ياسمينا بتوتر: لا خلاص
أدهم: اهدي كدة وبلاش توتر وخوف وقولي عاوزة ايه ماتخافيش
ياسمينا: بصراحة كدة انا مستغربة من معاملتك ليا الايام دي
أدهم وهو يرجع بظهره علي كرسيه: مستغربة ليه !! يعني ولا عاجبك كدة ولا كدة !!
ياسمينا: لا مش قصدي كدة
أدهم: اومال قصدك ايه !!
ياسمينا: يعني مستغربة انك بتعاملني كويس مع انك مكنتش طايقني وخطبتني عشان بعد كام شهر نقول محصلش نصيب فجأة الاقي كل دة اتحول مابقتش فاهمة حاجة ولا عارفة اتعامل بس هقولك كلمة واحدة مادام كدة كدة مش ناوي تكمل معايا يبقي بلاش احسن تعلقني بيك عشان كسرة القلب وحشة اوي بلاش تكون السبب في كسر قلب حد بقصد بلاش تكون الظالم في الحكاية عشان ربنا ميبعتلكش أللي يعمل فيك كدة برضو
أدهم وقام من مكانه وجلس أمامها: ولو قولتلك إن مفيش اي حاجة من الكلام الاهبل دة كله
ياسمينا: ازاي يعني !! لا معلش مش فاهمة
أدهم: يعني انسي اي كلام كنت قولته ليكي وافرحي بخطوبتنا اللي جاية مفيش حاجة هتحصل من أللي قولتها ليكي دي
ياسمينا بصدمة: ايه أللي حصل غيرك فجأة كدة !! فهمني عاوز تقول ايه انا مش فاهمة
أدهم: عشان حبيتك ياياسمينا ..انا بحبك
ياسمينا: ........