رواية المجنون
الفصل
الاخير
صحيت سلمي مفزوعه من النوم وكان باباها وآدم وندي جمبها
سلمي بدموع : بابا
عم حسين: متخافيش يابنتي انا جمبك اهو
سلمي : حصل ايه يا بابا ....بصت لآدم .....حصل ايه
آدم نزل علي ركبته جمب السرير ومسك ايديها وباسها: مفيش حاجه ياروحي كل حاجه تمام ...انا عاوزك ترتاحي دلوقتي
سلمي: آدم في ناس اتهجموا عليا وخدروني ...مين الناس دي
ندي: هيكون مين غيره زفت خالد
آدم: اسكتي يا ندي من فضلك
سلمي بنظره لادم: خالد؟!؟.....انت مش قولت أنه محبوس؟
آدم : ماهو هرب وكان معاه سها
سلمي: سها؟ وايه عرفهم ببعض؟ انا مش فاهمه حاجه
آدم : اهدي انتي بس وهنعرف كل حاجه هو في القسم دلوقتي وعليه حراسه مشدده
خليكوا جمبها ياعمي وانا رامي هنتابع الإجراءات
تابع رامي وآدم التحقيقات وعرفوا مين هرب خالد وعرف سها ازاي؟
ولكن لسه سها مختفيه ومش بتروح الكليه
سلمي رجعت كليتها ودي اخر سنه خلاص ليها ....جه آدم يوصلها زي كل يوم
آدم: مالك يا حياتي في ايه؟
سلمي: مرهقه شويه وتعبانه من اللي بيحصل ...ليه الناس وحشه كده يا آدم ليه؟
آدم بتنهيده: يا حبيبتي ربنا خلق الناس متنوعه في ناس طيبه وناس شريره وناس بتحمد ربنا وقنوعه وناس حقوده وجشعه ...لو كلنا زي بعض مش هيبقي في صح وغلط ونار وجنه
واللي حصلنا ده درس لازم نتعلمه ونقول الحمد لله ولا ايه ؟
سلمي: عندك حق اختبار صعب اوي بس الحمد لله احنا قده
آدم: ايه العقل ده ياناس
سلمي: لا انا كبيره واعجبك 😉
آدم: ماشي يا كبيره (بصوت كتكوت 😁)
انا عاملك مفاجاه بقا وعاوزك تشوفيها
سلمي : استر يارب 😁
وصل آدم قدام فيلا صغيره
آدم: انزلي يلا مستنيه ايه
سلمي: هو المكان هنا ؟
آدم: ايوه ياروحي هو ده
سلمي : بيت مين ده يا آدم؟
آدم: ده بيتنا ياروح آدم....تعالي افرجهولك
دخلو الفيلا وكانت بتتشطب بس تقسيمتها حلوه اوي فيها جنينه حلوه لسه الزرع صغير فيه شكله مزروع من قريب
وحمام سباحه جميل ومرجيحه هزاز عشان ست سلمي تتمرجح براحتها
سلمي بذهول: كل ده عشاني انا؟
آدم: انتي تستاهلي اكتر من كده ....ده بيتنا اللي هنملاه حب وسعاده وعيال صغننين شبهك
سلمي بخجل: لا شبهك انت بقا
آدم بضحكه: شبهنا احنا الاتنين ..... بعد امتحاناتك هتكون الفيلا خلصت واتظبطت علي الفرش ..عشان روح قلبي تيجي تفرشها وتنورها
سلمي: انا بحبك اوي اوي يا آدم😍
باس آدم ايديها : وانا بحبك اكتر ياقلب آدم
روحها آدم البيت
عدت مده كبيره وخلصت سلمي امتحاناتها وظهرت النتيجه ونجحت 🥳
بدأت هي والبنات يجهزوا الفيلا ويفرشوها بكل تفصيله فيها
في الشركه
رامي دخل المكتب علي آدم
ايه ياشق مالك سرحان في ايه ؟ ....ااااه ولا الناس اللي فرحها قرب ياعم وهنلبس البدل
آدم: ماهو احنا فعلا هنلبسها 😁
رامي : هي ايه البدل طبعا صح 😂😂😂😂😂
آدم: ظريف حضرتك ....بقولك ايه كنت عاوزك في موضوع مهم
رامي: اشجيني يا ابو نسب
آدم: انت شقتك جاهزه؟
رامي: اه ما انت عارف من ساعه ما خطوبتي الأولي اتفركشت وانا شقتي جاهزه ناقصها شويه اجهزه وحاجات كده متفق مع ناديه عليهم
آدم: سيبك من ناديه ...انا عاوز نعمل فرحنا سوا مش عاوز اتجوز واسيب ناديه لوحدها .. عاوز ابقي مطمن عليها .....ايه رأيك
رامي : يعني الشهر الجاي؟!
آدم: ايوه مالك اتخضيت كده انت مش عاوز ولا ايه 🤔
رامي : مش عاوزه اييييييه دانا مستني اليوم ده بفارغ الصبر تقولي أن الشهر الجاي انا وناديه هنبقي في بيت واحد يالهووووي
آدم: لم نفسك ياض انت دي اختي
رامي: اختك ايه بقا خلاص دي حبيبتي وخطيبتي وبعد شهر هتبقي حرمنا المصون
آدم: يعني موافق
رامي: اكيد طبعا موافق بالتلاته
آدم: تمام انا هبلغ ناديه ....ولا ايه رأيك تبلغها انت
رامي : خليها تيجي مني انا حالا هبلغها
وقام رامي من قدام آدم مبسوط وعمال يغني.....انهارده فرحي يا جدعان 😂😂
عدي شهر بسرعه زي الهوا وجه يوم الفرح
عمل آدم الفرح في الفيلا بتاعته وعزم كل أصحابه ومعارفه
مش عاوزه اقولهم سلمي كانت عامله ازاي كانت شبه الاميرات ....وناديه كمان
اتقدم رامي وآدم ناحيه عم حسين اللي كان ماسك ناديه وسلمي كل واحده في دراع وسلمها لعريسها
كتبوا الكتاب وسمعوا الجمله المشهور
(بارك الله لكما وبارك عليكما وجمع بينكما في الخير)
عليت الزغاريط وخطفت ندي المنديل من علي اديهم وهي بتقول عقبالي يارب
الكل ضحك طبعا علي طريقتها وكان اليوم جميل اوي ولذيذ
كله كان مبسوط وفرحان
بعد الفرح ....
ناديه: يعني ولا خليتني اجهز الشقه ولا حاجه يا رامي هنسكن فين دلوقتي ؟
رامي بضحك وخد وشها بين ايديه: ياروح رامي اميرتي الحلوه متفرش حاجه وبعدين مالنا بالشقه
ناديه برفع حاجب: يعني ايه مالنا امال هنقعد فين ؟
طلع رامي تذكرتين من جيبه ...هنسكن في دول طيارتنا كمان ساعه يادوبك نطلع علي المطار ولما نرجع أن شاء الله هتلاقي كل حاجه جاهزه والشقه مش ناقصها حاجه
ناديه بذهول : يا حبيبي يا رامي ..بحبك اوي اوي اوي اوي
رامي: وانا كمان ياروح رامي❤️
سلمي بصت لآدم: 🙄🙄 واحنا بقا يا استاذ ؟
آدم بأستعباط: واحنا ايه ماهي فيلتنا قدامنا وزي الفل اهي
سلمي : آدم متستعبطش انا عاوزه اسافر ماليش دعوه 😭😭😭
آدم: خلاص خلاص فتحتي الجعوره دلوقتي .....اتفضلي ياستي
سلمي بصرخه : عااااااا المالديف
ونزلت بوس في خد آدم : يا حبيبي يا حبيبي امواه امواه
آدم: يالهوووي حد يلحقني هتفترسني
الكل : 😂😂😂😂😂
سلمي: ايه ده بس ده بكره 🤨
آدم: ايوه هنريح هنا انهارده وبكره نروح ياقلبي عشان منبقاش مرهقين
سلم آدم علي رامي ووصاه علي ناديه ...وباسها في رأسها وقالها ربنا يسعدك يا حبيبتي يارب
ومشيوا راحو المطار
دخل آدم وسلمي الفيلا وطلعوا أوضتهم
قلعت سلمي الشوز واترمت علي السرير
سلمي : ااااه ياني تعبت اوي اوي انهارده رقصنا كتير لما اتهدينا
آدم: فعلا بس كان يوم لذيذ
سلمي : جدا طبعا ...انا هدخل اخد دش بقا
خدت سلمي دش وخرجت ...بتنشف شعرها ..لقيت شموع في كل حته واضاءه خفيفه
وجه آدم من ضهرها حضنها وباس رقبتها
سلمي : آدم......
رقصوا شويه .....وسكتت شهرزاد عن الكلام المباح 🤫🤫🤫
تاني يوم سافروا وقضوا احلي شهر عسل في الدنيا كانو اسعد اتنين
بعد مارجعوا مصر باسبوع رجع آدم ورامي شغلهم
بعد شهرين في جنينه الفيلا عند سلمي .. قاعده هي وناديه بيفطروا
سلمي : لا يا ناديه مش هقدر افطر
ناديه : ليه كده مالك فيكي ايه؟
سلمي : مش عارفه دايخه كده ومش حاسه بنفسي
ناديه : طيب تعالي نطلع الأوضه تريحي شويه
طلعت سلمي الأوضه واتصلت ناديه ب آدم
آدم: ايه يا حبيبتي عامله ايه؟
ناديه: الحمد لله بخير.
آدم: مال صوتك في ايه
في اللحظه دي قامت سلمي جريت علي الحمام وسمعت صوتها ناديه وهي علي التليفون مع آدم
ناديه: مالك يا سلمي انتي كويسه ؟ افتحي الباب يا سلمي
آدم بخوف: في ايه يا ناديه مالها سلمي ....ناديه
ناديه: مش عارفه يا آدم سلمي تعبانه وبترجع
آدم: انا جاي حالا هوديها المستشفي
جه آدم البيت وشال سلمي ركبها العربيه وراحوا المستشفي
دخلت ناديه مع سلمي اوضه الكشف وفضل آدم بره واتصل برامي اللي جه جري
رامي : في ايه يا آدم مالها سلمي؟
آدم: مش عارف تعبانه اوي وبترجع
رامي: ممكن تكون بعتت علي دليفري من بره ولا حاجه
وهنا خرجت ناديه وعلي وشها ابتسامه وقفت قدام آدم
مبروك يا حبيبي سلمي حامل 😊
آدم بذهول: حح حامل .....بجد يا ناديه
ناديه: ايوه يا حبيبي ادخل اطمن عليها
دخل آدم لمراته وقعد جمبها ومشي أيده علي شعرها
انا مش مصدق ...يعني بعد ٩ شهور هبقي بابا
سلمي بأبتسامه: تخيل بقا
آدم : بحبك اوي وعمري ما بطلت احبك
عدت شهور وسلمي تعبانه في حملها وناديه كمان اللي عرفت انها حامل بعد سلمي بشهر
قاعدين كلهم في الجنينه ومعاهم ندي وعم حسين وعاملين باربكيو
وكلهم مبسوطين
سلمي: هروح الحمام واجي
ندي: اجي معاكي ؟
سلمي : لا خليكي مش هتاخر
دخلت سلمي الفيلا وقبل ماتوصل الحمام حد طعنها بالسكينة في ضهرها
كانت سها الشيطانه
سها: فكراني نسيتك صح ....عمري ما انسي انك خربتي كل حياتي وخدتي مني آدم ...انا كنت بخططلك من شهور عشان انتقم منك واهو جه الوقت ...موتي بقا انتي وابنك وريحيني وانا هعرف اخلي آدم مبسوط وهينساكي بسرعه
عم حسين: اختك اتاخرت روحي شوفيها لتكون فيها حاجه
دخلت ندي الفيلا ولقيت سلمي واقعه في الأرض وسها جمبها بالسكينة ....صرخت بأعلى صوت
جم كلهم بسرعه وهربت سها ....
جري وراها آدم ورامي ومسكوهاوكانت ناديه بتطلب الإسعاف والشرطه
ندي: سلمي ..سلمي ردي عليا
جت عربيه الإسعاف والشرطه خدت سها علي البوكس وهي بتصرخ: لاااااا مووووتي آدم بتاعي لوحدي ... آدم ليا انا ......انتي خطفتيه مني ولازم تختفي من حياتنا
راحت سلمي المستشفي والكل في حاله خوف وقلق
الدكتور: هي نزفت دم كتير بس الجنين الحمد لله كويس بس لازم تدخل العنايه المركزه
فضلت سلمي في العنايه ٥ ايام واتحولت لغرفه عاديه وكانت حالتها احسن
آدم: حمدالله على سلامتك وجعتي قلبي يا سلمي مش هتحمل عليكي حاجه تاني
سلمي: انا كويسه الحمد لله يا حبيبي اطمن
عم حسين: امال انا اقول ايه اللي كنت هروح فيها
سلمي: بعد الشر عليك يا بابا متقولش كده
ناديه: حرام عليكي كنت هولد من الخضه 😁
سلمي: حصل ايه ل سها
آدم: ليه السيره الزفت دي بس ...اوووف معرفش كل اللي اعرفه من المحامي أنها اتحولت مصحه نفسيه
سلمي : مسكينه ...ممكن الحب يعمل في حد كده
آدم: مسكينه ايه دي مجنونه .. بقولك ايه اقفلي علي السيره دي انا هروح اشوف الدكتور يكتبلك علي خروج
روحت سلمي البيت وكملت علاجها وكانت مرتاحه اخر ٣ شهور في الحمل وراحت المستشفي تاني 😂😂 ماهي وخداها مقاوله بقا
بس المره دي راحت عشان تجيب البيبي
الكل كان قلقان وعلي أعصابه لغايه ما الممرضه خرجت بالبيبي علي ايديها وسلمته لابوه ...اللي دموعه خانته وهو بيشم ريحته لاول مره وبيبوسه من ايديه الصغننه وبيكبرله في ودنه
ناديه قربت من رامي: استعد بقا للحظه دي قريب
رامي: ياااريت نفسي بقا ....بص لبطنها ..ماتيلا يابنتي انا تعبت من الانتظار دانتي متعبه زي امك
ناديه: بتقول حاجه يا حبيبي 😤😤
رامي باس راسها: لا يا حبيبتي مبقولش 🙄
خرجت سلمي من العمليات وكانت كويسه الحمد لله وخدت ابنها في حضنها وباسته
عدي شهرين وكان ده عمر زين ابن آدم
وناديه كانت خلفت مليكه
والعيله بقت تكبر وتزيد وكلهم كانو مبسوطين وفرحانين
تمت بحمد الله