رواية المجنون
الفصل العاشر والحادى عشر
بقلم رودى سيد
وبدأ يفك الشاش وكله واقف علي أعصابه وبيدعي ربنا
الدكتور : سمي الله و فتحي يا سلمي واحده واحده
عملت سلمي زي ما قال الدكتور والنتيجه كانت ....
سلمي بدموع: بااااباااا حبيبي....انا شيفاك يا بابا
عم حسين مقدرش يمسك دموعه وحضنها وفضلو يعيطوا
طبعا ندي وناديه قلبوها مناحه هما كمان وحضنوها من الفرحه
الدكتور فحص عنيها واتاكد أنها شايفه كويس من غير زغلله وقالها حمدالله على سلامتك ... وخرج
كل ده وآدم واقف يبصلها ويتأمل جمال بسمتها وبعد كل ده تلاقت العيون
سلمي بحنيه: آدم🥺
آدم: قلب آدم ..... حمدالله على سلامتك
سلمي بخجل: الله يسلمك ....تعبتك معايا اوي
آدم: كل حاجه تهون قصاد نظره من عنيكي بس
عم حسين: ايه يا روميو ابوها واقف احترم مشاعري شويه هعيط وسطكم
البنات طبعا مسخسخين😂😂😂
آدم: احم احم .....حيث كده بقا استغل مشاعرك الفياضه دي واطلب ايد سلمي من اول وجديد ...ده لو ست البنات موافقه
ناديه بمناغشه: طبعا تسمح هتلاقي زي اخويا فين ...وبعدين انا عاوزه البس فصتان بقا 😁😁
سلمي: بعد فصتان دي ....وبعد موافقه بابا .. .انا موافقه 😍
الكل كان مبسوط اوي وفرحان بالأخبار الحلوه دي
عم حسين: انا موافق بس بشرط......مفيش فرح قبل ماتخلص دراستها وآدم يفتح مشروعه ويبقي عنده شغل مستقل بيه
آدم: من العين دي للعين دي انت تأمر ياعمو .....هات بوسه بقا
وباسه آدم في خده
عم حسين: ياواد كفايه انا مش سلمي يا قليل الادب
آدم: ماهو انت ابقي ادهالها بقا يا عمو 😂😂😂
وضحكوا كلهم .....
خرجت سلمي في نفس اليوم وكلهم اتجمعوا في بيت عم حسين قروا فاتحه من جديد وحددوا ميعاد خطوبه اللي هو اخر الشهر
بدأت سنه جديده لسلمي وكانت اخر سنه خلاص لادم ......عزموا كل اصحابهم في الكليه علي خطوبتهم اللي كانت اخر الشهر وكله كان مبسوط عشانهم معادا .....سها
طبعا كانت عاوزه آدم ليها هي وهو فضل سلمي عليها ...كانت مقهوره ونيتها متوحيش بالخير ابدا
انشغلت سلمي وآدم بالدراسه بس كانو دايما سوا وبيذاكروا مع بعض وبيشجعوا بعض
بعد الكليه روح آدم البيت وعمل اتصالاته
آدم: آلو....السلام عليكم
السفاره المصريه: وعليكم السلام
آدم: من فضلك كنت عاوز احدد مقابله مع العميد حسام السيوفي
السفاره المصريه: ياريت حضرتك تشرفنا في السفاره عشان ناخد بياناتك ونحددلك ميعاد وسبب المقابله
آدم: طيب ممكن اعرف المواعيد
السفاره المصريه: ********
آدم: شكرا يا فندم
عدي اليوم طبيعي علي ابطالنا مفيش اي جديد
تاني يوم عدي آدم علي سلمي عشان ياخدها الكليه زي كل يوم .....قضوا اليوم وكان طويل وفي محاضرات كتير
بعد الكليه...... في عربيه آدم
سلمي: اووووف اليوم كان مرهق جدا جدا بفكر اروح اخد دش وانام
آدم: ياريت عشان تفوقي كده وتروقي يابيضه واخدك انتي وناديه بليل تروحوا تختاروا فستان الخطوبه
سلمي: ااااه دانا نسيت 🤔
آدم: نعم ياختي ....نسيتي ايه يا حلوه الحلوين
سلمي : ولا حاجه ياروحي نسيت يعني اتصل بناديه عشان اقولها وكده 😁😁😁
آدم: لا يابيضه ناديه عارفه وكل حاجه 🤨🤨
سلمي: طيب يا عسل روق في ايه 😁😁😁
آدم: قال نسيت قال ...عاوزه تضرب دي باين
سلمي: خلاص ياسطي مش حوار ده
آدم: ايوه ايوه اقلبي سواقه تكتوك
سلمي: انا عاوزه اشتري موتوسيكل بناتي اروح بيه الكليه 😁😁😁😁
آدم: صبرني يارب عشان منولهاش بالشيكولاته دي في وشها اعورها
وطلع من جيبه باكو شيكولاته كبير
سلمي بفرحه: عااااا ناولني بيه في وشي انا راضيه ....هات هات 😍😍😍
آدم بضحكه : ياربي بحب عيله ....اتفضلي ياستي بالهنا والشفا
خطفتها سلمي من أيده وفتحتها وكالتها
سلمي :ممممممممم ياسلام مممممم نمنمنم
آدم: خدتي الجرعه وارتاحتي يا معلمه 😁😁
سلمي: ايووووه واحلي جرعه
آدم بضحك هستيري علي شكلها ....طب يلا يا موزه انزلي وصلنا البيت
سلمي: لا انا مفاصلي ساحت وارتاحت وروحي راحت
آدم: جرا ايه يا مكي هتنامي في العربيه ولا ايه......خلاص نطلع علي البيت عندي
سلمي نطت من مكانها: لا انا صحيت اهو هنزل هنزل
آدم: ههههههههه ايوه كده متجوش غير بالعين الحمره
سلمي: بس يا قليل الادب انت .......ها هتعدي عليا الساعه كام عشان نشوف الفستان
آدم: هكلمك قبلها واقولك تجهزي
سلمي: اوكيشن...... سلامنجا
آدم: سلاموز يا موز مقشر
سلمي : ☺️☺️☺️☺️ ياخواتي بحب سرسجي
وطلعت سلمي البيت ....وراح آدم مشواره للسفاره
آدم: السلام عليكم
الريسيبشن: وعليكم السلام .... اي خدمه حضرتك
آدم: كنت اتصلت امبارح عشان عاوز اقابل سياده العميد حسام السيوفي
الريسيبشن: بخصوص ايه يا فندم؟
آدم: مسأله خاصه
الريسيبشن: طيب اتفضل حضرتك املا الابلكيشن ده وهنتصل بيك
آدم: حاضر
قعد آدم يملأ الابلكيشن وفي الوقت ده دخل العميد حسام السيوفي ومعاه حرسه الخاص
وقف آدم : اونكل حسام .....اونكل حسام
قرب منه شويه الحرس وقفوه وبعدوه
العميد حسام التفت للصوت وبص لآدم
آدم: انا آدم صبري يا اونكل ابن صاحبك صبري الألفي
ضم العميد عنيه شويه كأنه بيحاول يفتكر وبعدين قال: صبري الألفي ...ياااه
قربه منه وقاله انت آدم ؟..... اخر مره شفتك كنت صغير اوي
آدم: ما لازم اكبر بقا يا اونكل هفضل صغير 😁😁
العميد: تعالا معايا المكتب تعالا يا غالي يا ابن الغالي
خد العميد حسام آدم وقعدوا في المكتب بتاعه
العميد : تشرب ايه يا آدم؟
آدم: شكرا لحضرتك مش عاوز
العميد: لا ازاي مينفعش ..... داس العميد علي زرار جمبه
هاتلي القهوه بتاعتي يا حسن وعصير ليمون
ازيك يا حبيبي وازي اختك ؟ عايشين فين دلوقتي؟
آدم: الحمد لله بخير والله ..كنا عايشين مع خالتي لغايه ما اتوفت الله يرحمها وانا واختي قاعدين في شقه كده
العميد : الله يرحمها كانت ست طيبه وربتكم احسن تربيه
إنما ايه اللي جابك هنا انت مسافر ولا ايه؟
آدم: والله انا كنت جاي لحضرتك مباشره ومحتاجك في موضوع مهم اوي عندي
العميد : اتفضل يا حبيبي لو اقدر اساعدك مش هتأخر ..ابوك الله يرحمه كان اعز واغلى اصحابي وانت من ريحه الغاليين
آدم بإبتسامه: ماهو ده عشمي في ربنا وفي حضرتك بردوا عشان كده مفكرتش في حد غير حضرتك
العميد : اتفضل يا حبيبي خير
وحكي آدم كل اللي حصل معاه هو وسلمي للعميد حسام وطلب منه أنه يلاقي خالد عشان ياخد جزائه
العميد: مفيش حد بيهرب من جزائه اكيد وان شاء الله هنلاقيه وهيتحاسب
عموما اكتبلي بياناته وسيب الموضوع ده عليا
كتب آدم معلومات خالد اللي خدها من عم حسين قبل كده
Flash back....
اول مقابله بين آدم وعم حسين
آدم: انا اوعدك هسعد سلمي وهجبلها حقها من خالد لغايه عندها بس انا بطلب من حضرتك شويه بيانات عنه ...زي اسمه وبيشتغل فين وكده عشان اقدر أوصله
عم حسين: سهله يابني هجبهالك من والدته
راح عم حسين لام خالد وقعد معاها
عم حسين: انا عاوزه عنوان عياده خالد في لندن يا ام خالد
الام: ليه يا ابو سلمي خير
عم حسين: ابنك لازم ياخد جزاءه وانتي عارفه اني مكنتش هعدي اللي حصل لبنتي
الام بدموع: بس ده ابني يا ابو سلمي عاوزني اقولك عنوانه وتحبسه
عم حسين: وسلمي بنتي وميرضكيش اللي حصلها ده ....... ده انتي الي مربياها وهي زي بنتك واكيد مترضيش بالظلم
الام بعياط مستمر تكتب العنوان لعم حسين
عم حسين: انتي عملتي الصح وبرأتي ذمتك قدام ربنا
Back...
آدم : انا بشكر حضرتك جدا يا اونكل حسام ومنتظر اتصال حضرتك في اقرب وقت وكتب رقمه علي ورقه وسلم علي العميد وروح البيت
روح آدم ارتاح شويه واتغدي وخد ناديه وسلمي وندي عشان ينقوا الفساتين
كان يوم تحفه ....وآدم مبطلش يناغش في سلمي طول الوقت كالعاده وجبلها شيكولاته تاني
سلمي: الله بقا انت عرفت نقطه ضعفي وهتستغلها ولا ايه . انا كده هتخن
آدم: ههههههههههه احسن عشان تبقي بطايه كده
وضحكوا كلهم ......وجه يوم الخطوبه ........ اليوم اللي الكل كان مستنيه وبيجهزله.....
الفصل الحادى عشر
يوم الخطوبه اليوم المنتظر.....
حضر كل المحبين والأصدقاء والمقربين عشان يبقوا جمب آدم وسلمي في يوم زي ده ..... طبعا عارفين مين محضرتش 😉😉
المهم....طلت سلمي بفستان بيبي بلو مع طرحه نفس اللون وميك اب هادي وجميل ولكم أن تتخيلو كانت زي الاميرات
كانت لافته انتباه وانظار كل الحاضرين
وطبعا آدم كان لابس بدله كلاسيك وفاتح اول زرارين من القميص مع الساعه السوده والشوز الاسود كان تحفه
دخلت سلمي القاعه ماسكه ايد آدم وسط كل الموجودين اللي مبطلوش تصوير من اول ما دخلو
وصلوا لغايه الكوشه قعدوا شويه وجم الاصحاب يسلموا ويباركو وبعدين قامو يرقصوا سلو
كانت سلمي مكسوفه اوي ودايما تبص بعيد عن عيون آدم
آدم: ارفعي رأسك عاوز اشوف عنيكي
سلمي: بس بقا يا آدم مكسوفه اوي الكل بيبص علينا
آدم: لا انتي غلطانه هما بيبصوا علي القمر اللي معايا اللي واكله جمال كل اللي في القاعه
سلمي: ييييييييي يا آدم بقولك مكسوفه وانت بتزيد الحكايه
آدم: ههههههههههه طب اجبلك شيكولاته وتروقي 😁😁
سلمي : بأبتسامه خجوله ☺️☺️ هاتها وبعدين نتفاهم
آدم: هههههههه ماشي ......قرب من ودنها وقالها .....بحبك يا سلمي
حضنها ولف بيها قصاد تسقيف كل الموجودين
آدم: سلمي بطلي رخامه عاوز اشوف عنيكي
سلمي : رفعت عينها وبصتله بكل رقه
آدم: يا الله .....هو في جمال كده ....انتي انهارده حلوه أضعاف حلاوتك كل يوم ووشك احمر زي الفراوله من الكسوف 😊😊
سلمي: ☺️☺️☺️☺️
آدم: قوليلي الكلمه اللي نفسي اسمعها منك يا سلمي
سلمي: هتسمعها في وقتها
آدم: حرام عليكي كل ده بينا ومستخصره فيا كلمه حلوه ....خلاص براحتك انا هروح ارقص مع ندي
قرصته سلمي في كتفه بغيظ: لم نفسك
آدم: ههههه ايه ده بتغيري يا بيضه ....طب مدام بتغيري ماتقوليها بقا
سلمي: آدم بقا ....بطل الناس حوالينا
آدم: ما طبيعي لازم يبقوا حوالينا ....وعارفين اني بحبك وبعشقك .....ولا استني يمكن ميعرفوش
سابها آدم وراح ناحيه الدي جي وخد المايك
احم ....تس تس.....سامعين كده ......طيب
احب اشكر كل اللي موجودين علي حضوركم وتشريفكم لينا في يوم مهم زي ده عشان تشهدوا علي حبي لسلمي
سلمي ..... انا من غيرك كنت تايه ووحيد وماليش هدف ....لغايه ماظهرتي في حياتي وحليتي ايامي وبقيت انتي كل أهدافي واحلامي .....انا بحبك بجنون يا سلمي ومبسوط انك قبلتي تكوني من نصيبي ....وهكون مبسوط اكتر لو شرفتيني بكلمه تبل ريقي بقا حرام عليكي يا شيخه معندكيش اخوات ولاد 🥺🥺
وسط ضحك كل الموجودين ....وهتافهم بأسمها
قربت سلمي عند آدم وخدت منه المايك .....
سلمي: يعني انت بتحرض الجماهير دي عليا .....طب لا 😜😜😜
آدم: انا كنت عارف ان ده هيحصل عشان كده عملت حسابي ....وشاور بأيده فدخلت تورته شيكولاته كبيره مكتوب عليها بحبك
لو قولتي الكلمه اللي علي التورته هتاكلي منها لو مقولتيش مش هتدوقيها حتي
كل الموجودين كانو بيضحكوا وبيهتفوا قوليها...قوليهااااا
سلمي بضحكه: للاسف يا جماعه هو مسكني من نقطه ضعفي انا مقدرش اقاوم الشيكولاته
احم احم .....آدم صبري ....بحبك اووووي
ابتسم آدم ابتسامه جننت سلمي ومسك ايديها وباسها والكل واقف يسقف والشباب بتصفر .....واشتغلت الاغاني
ورقصوا وكل الموجودين رقصوا وكان يوم محصلش
لبس آدم الدبله لسلمي وباس ايديها ورأسها وقالها: ده اسعد يوم في حياتي انك واقفتي تحطيها في ايدك بس
سلمي: وده اكيد يثبتلك اني بحبك وقبلاك مش كده؟
انا سمعت كلامك ليا في المستشفي وبعد كل اللي عملته معايا وبعد حبك ده كله مكنتش اقدر اخبي مشاعري اكتر ....انا بحبك من اول مره قعدنا سوا في الكافيتريا...وكنت خايفه من التجربه دي ...لحد ما انت اثبتلي انك بجد راجل وجدع وتستاهلني
آدم: يعني كنتى صاحيه وسمعاني يا لئيمه انتي وانا بفضفض عن مشاعري الفياضه ....انتي ااااخ منك سوسه
سلمي بضحكه: انت لسه شوفت حاجه دانا هغلبك
آدم: طب ربنا يستر عليا بقا 😁😁
خلص اليوم والكل كان مبسوط وفرحان
يومين ونزلو الكليه ....اللي اول ما دخلو الكل اتجمع حواليهم يباركلهم ويهنيهم ويبدي إعجابه باليوم الجميل ده
وطبعا سها كانت واقفه بعيد وباصه بحقد ..ياساتر اعوذ بالله
مسك آدم ايد سلمي وهو ماشي بيها شاف سها واقفه وباصه عليهم ....قرب ناحيتها ...
آدم: ازيك يا سها ...عامله ايه ؟
مجتيش الخطوبه ليه؟
سها: مكنتش فاضيه
آدم: طيب لما تفضي ابقي تعالي باركي لينا
ومشي هو وسلمي ....
سلمي: ليه عملت كده؟
آدم: حبيبتي ....لازم تعرفي أن مش كل الناس بتتمني للناس الخير وسها دي واحده منهم ...انتي مش شايفه بتبص ازاي وحتي مقالتش مبروك ....اللي زيها دي لازم تبعدي عنهم عشان متتأذيش منهم ....فهمتي ياروحي
سلمي: وهي ليه بتعمل كده؟
آدم: عشان كان عندها امل ارتبط بيها رغم اني مدتهاش حتي تلميح واحد في الميه بكده بس اهو تقولي ايه في الناس اللي ربنا خالقهم كده حقوديين
المهم هنقضي اليوم كله في سها ولا ايه...... عاوزين نركز في مذاكرتنا بقا عشان بعد الكليه هاخدك هوريكي مفاجأه حلوه
سلمي: مفاجأه ايه؟؟ 🤔🤔
آدم: منا لو قولتلك مش هتبقي مفاجاه ....يلا روحي محاضرتك وتعالي مستنيكي انا مش معايا محاضرات دلوقتي
سلمي: طيب يا حبيبي ....اوعي تبص كده ولا كده هاااا
آدم: انا مقدرش ابص غير عليكي وعيني وقلبي اختاروا خلاص ....عيب عليك يا كبير والله تقولي كده
سلمي بضحكه : ماشي يا شبح .. سلام
آدم: سلام يا سرسجيه قلبي 😍
راح آدم كافيتريا الكليه وطلب نسكافيه وعمل مكالمه
آدم: الو ....ايوه تمام جهزت كل حاجه؟...... طيب حلو اوي هعدي عليك بعد الكليه تكون خلصت .... يلا سلام
بعد شويه جات سها قعدت علي الكرسي اللي قدامه
سها: ازيك يا آدم عامل ايه؟
آدم: كويس
سها: انت بتكلمني كده ليه هو انت زعلان مني؟
آدم: وازعل منك ليه هو انتي عملتي حاجه ؟
سها: لا ..... بس طريقتك متغيره معايا
آدم: بنفاذ صبر ..... انا طول عمري بكلمك كده يا سها
سها: لا يا آدم إحنا مكناش كده لحد ما ظهرت ست سلمي في حياتك وبوظت كل اللي بينا
آدم: مكنش في حاجه بينا عشان تبوظ احنا كنا زمايل مش اكتر ومتتكلميش كده عن سلمي ابدا ....فاهمه
سها بغيظ: عاجبك فيها ايه دي المفروض لما اتعمت كنت سبتها عشان انا كنت قدامك وجمبك
آدم: مفيش حد اعمي البصر والبصيره غيرك ...انتي واحده حقوده ومش بتحبي الخير لحد وانا عمري ما كنت هبص لواحده زيك
سها بضحكه مستفزه: واحده زيي؟ يا روميو الكليه ...بلاش الكلمتين دول عليا انا ...انت كنت بتمشي وحواليك البنات قد كده دلوقتي بقت انا كخه
آدم: انتي من يومك كخه يابنتي ولو كنت بمشي مع بنات فربنا بعتلي اللي تدخل قلبي بجد وتغيرني وتخليني احسن واحد عشان ابقي مناسب لاحسن واحده في الدنيا
وقومي امشي من قدامي عشان قلبتي مودي ومش طايق اشوفك قدامي
سها: ماشي يا آدم هنروح من بعض فين مسيري ما هنتقم منك ومنها ومش هخليكم تتهنوا ببعض
آدم بضحكه عاليه: تك كير يا موزه ....اللي عندك اعمليه انا مستنيكي
مشيت سها وهي ناويه لسلمي وآدم علي مصيبه تنتقم بيها منهم
خلص اليوم وخد آدم سلمي ومشيوا
سلمي: ها هتوديني فين بقا
آدم: هوديكي مكان انتي اول واحده تشوفه
بعد شويه وصل آدم قدام شركه وجهتها قزاز ازرق وفتحلها باب العربيه وقالها اتفضلي
سلمي بذهول: واااو ايه المكان التحفه ده
آدم بإبتسامه : ولسه لما تدخلي جوه كمان
دخل آدم وهو ماسك ايد سلمي وبيفرجها علي المكان وبعد شويه جه رامي
رامي ده يبقي صاحب آدم الانتيم وشريكه في الشغل الجديد
آدم: اقدملك صاحب عمري ودراعي اليمين ... المهندس رامي العشري
ودي سلمي خطيبتي ونصي التاني يا رامي
رامي: اهلا وسهلا تشرفنا
سلمي: الشرف ليا
آدم: ها يا حبيبي وصلتو لايه ؟
رامي: خلاص كده بنحط اللمسات النهائيه وعلي اخر السنه كده نكون جاهزين
آدم: كلمت الناس والوكلاء
رامي: اه متقلقش كله جاهز احنا بس نفتح والشغل هيوصلنا علطول أن شاء الله
آدم: علي خير الله
سلمي قربت من ودن آدم : هو في ايه انا مش فاهمه حاجه؟
آدم: حبيبتي.... دي الشركه اللي وعدت عم حسين بيها وان شاء الله هخلص السنه دي في الكليه واخد شهادتي وهبدا الشغل انا ورامي علطول
سلمي بذهول: ايه ده بجد؟! ولحقت تعمل كل ده امتي وازاي؟
آدم: يا حبيبتي انتي فكراني بلعب انا عاوزك في اقرب وقت ولازم اجتهد عشان اوصلك يا جميل امال هتفضل مخطوبين كده كتير انا خلقي ضيق
سلمي بضحك : خلاص ياعم انت هتاكلني
آدم: يلا بقا عشان اوصلك
سلمي: ااااه دانا مقولتش لبابا اني هاجي هنا اكيد هيزعل
آدم: عيب عليكي ودي تفوتني ...انا كلمته استأذنته وهو وافق 😁😁
سلمي : انت بجد محصلتش يا آدم ربنا ما يحرمني منك ابدا
آدم ببوسه علي اديها: ولا يحرمني منك يارب ويقدرني واسعدك
رامي: يا حنين ...راعي مشاعر امي شويه
آدم بضحك : ماشي يا سنجل يا بائس ....هستناك انهارده علي العشاء متتاخرش
رامي: إذا كان فيها عشا ماشي انا راشق😁😁
وسلموا علي بعض ووصل آدم سلمي البيت واطمن انها طلعت فوق وقبل ما يدور العربيه عشان يمشي...... جاله تليفون