رواية حكاية امل
الفصل العاشر
بقلم سلوي فاضل
اليوم الصعب استلمت البنت قررت اقول انها بنت ناس قرايبنا
ماتوا في حادثة وهي نجيت عشانها في المستقبل وعشان يمكن ده يهدي الناس حواليا.
بدأت اتحرك بالطفلة اه الدار سموها امل عبد الله حامد
هههههههه مش عارفة ليه نفسي اغير الاسم اصلا مش ماشي
معاها يارب حظها يكون احسن من حظي الف مرة.
في الشغل صدقوا عادي والكل اتمني ربنا يقدرني واقدر علي
تربيتها، اما في البيت فالجيران اصلا مش طايقني لوحدي وبقيت شبهه رسمي.
ما اهتمتيش طبعا ولا فرق معايا وكنت بقابل نظراتهم اللي تتهمني بلا مبالاة وانظر لهم من فوق لتحت وادعيت القوة، لحد ما بعد كام يوم وانا راجعة من المستشفى والبنت معايا لقيتهم واقفين علي باب العمارة رافضين اني اطلع ومخلين الستات في الصف الأول امامي وازواجهم في الصف التاني وراهم.
واحدة من السكان: مين البنت دي مش انت كنت لوحدك قبل كده.
انا: وانت مالك بتسالي ليه وواقفين كلكم كده عشان تسالوني.
واحدة تانية: اه اصلها مش ناقصة يعني انت اصلا شاكين فيكي لوحدك تقومي بعد شهرين راجعة برضيعة علي ايدك واحنا مش شايفين حد من اهلك انت عاملة مصيبة ولا ماشية شمال ولا خاطفة الواد ولا البنت دي.
انا: ما اسمح لكيش علي فكرة، بعدين دي حياتي انا حرة مش بتدخل في حياة اي ساكن هنا.
واحدة تانية: انت كمان ليكي عين تتكلمي والله شكلك خاطفاها ما احنا بنسمع الفترة دي كتير عن خطف الاطفال والمتاجرة بيهم وانت شغالة في مستشفي يعني مشكوك فيكي رسمي.
انا وكنت حاسة اني في مصيدة والكل متكاتف ضدي: يا ريت كل واحد يلم لسانه والا مش حيحصل كويس ما تفتكروش اني ضعيفة محدش فيكم ليه عندي حاجة واللي ليه سلطة عليا يكلمني وسعوا كده خلوني ادخل البيت ارتاح ( مش بقولكم لساني متبرى مني من زمان كلام وبس هههه).
واحدة منهم: طيب تعالي علي القسم وهناك نعرف مين دي بقا.
الكل في نفس واحد: صح يلا وحد يأخذ منها الرضيع ده لحسن تجري بيه.
في لحظة لقيت حد اخد البنت وهي بتصرخ وميت ايد بتمسكني وبتشدني هدومي اتبهدلت والحجاب بقي علي رقبتي كنت خايفة قوي مش وحسيت بقهر شديد ووحدة رهيبة.
دخلنا القسم كنت برتعش والظابط هناك سمع ضجه كبيرة لدرجة انه خرج بنفسه يشوف في ايه ودخلنا الغرفة عنده الكل كان٧ بيتكلم في نفس واحد وانا منهارة ببكي بشدة وبقولهم
انا: هاتو البنت بتبكي -ومفيش فايدة-
الظابط زعق فيهم بنبرة حادة جدا زودت رعبي ما حستش بنفسي وغير والظابط
بيفوقني الصوت كان مش غريب مش عارفة ليه، ومش في وقت يسمح اني افتكر اي حاجة. المهم قعدني امامه وجاب لي ميه.
(الظابط عماد حشمت 35 سنة طويل اطول مني تقريبا 180سم كده واضح انه ابيض بس الشمس سمرته جدا جسمه رياضي عضلاته مش ضخمة ملامحة وسيمة وخشنة في نفس الوقت الوقار والهيبة صفة اساسية فيها)
الظابط: اهدي كده وما تخافيش من حاجة واللي ليه حق حياخده سواء انت او هما.
ما قدرتش اتكلم بس اماءت براسي وحاولت اهدي وبدأ الجيران اللي مش اعزاء يسردوا ما عندهم.
احدي الجارات: حضرتك المدام ولا الانسة دي ساكنة من شهرين قالت قريبة صاحب الشقة وكانت بطولها ومن اسبوع كده بدانا نسمع صوت بكاء بيبي صغير والصوت من عندها ومرة واحدة كده بقت رايحة جاية بيه.
الظابط: وبعدين.
واحدة تانية: احنا كل يوم نسمع عن خطف الاطفال والاتجار بيهم واحنا اصلا شاكين فيها.
واحدة تانية: ماهي ممكن تكون ماشية شمال واللي معاها نتيجة غلطة والفت حدوته تغطي بيها اللي عملته.
في الوقت ده فتحت في البكاء وعلي لساني جملة واحدة
انا: حرام عليكم حسبي الله ونعم الوكيل هو انا ناقصاكم انتم كمان؟!
الظابط تعاطف معايا جدا مش عارفة ليه اكيد بيشوف حالات زيي واصعب مني مليون مرة واكيد في ناس بتمثل فليه تأثر بيا؟ مش عارفة
الظابط: خلي بالك هي ممكن تعمل لك دلوقتي محضر سب وقذف وتستشهد بيا وتطالبك بتعويض كمان ده غير الحبس تحبي نكتب ده في المحضر.
رد جوزها: ما تسكوتي شوية ما تخليناش نخرج بمصيبة، خلاص يا باشا هي مش حتتكلم تاني ولو فتحت بقوها بكلمه حطلقها.
انا بصدمة: لأ انا مش عايزة اعمل لحد مشكلة.
واحدة من الوقفين: بتستعطفي الظابط سهوكة صحيح.
انا: والله ابدا.
الظابط خبطت بايده علي المكتب اتفزعت وبكيت.
الظابط رن علي العسكري اللي دخل علي طول.
العسكري: تمام يا فندم
الظابط: خلي الناس دي بره ومحدش يمشي
العسكري: حاضر يا فندم.
الظابط: سيبوا البنت علي الكنبة هنا.
الكل خرج وانا لسه ببكي من غير صوت. وبعد ما خرجوا.
الظابط: نهدي بقي وقولي انت اللي حصل
حكيت اللي حصل من اول ما وصلت البيت لحد ما وصلنا للقسم
الظابط: طيب ليه لما قالوا تيجي القسم انهرتي هناك وهنا اغمي عليكي انت كده شككتيهم فيكي اكتر.
انا وكنت قلقانه جدا: انا بخاف قوي ادخل القسم ودي اول مرة ادخل في محضر اخري اطلع بطاقة.
الظابط: بردوا مش الدرجة دي اكيد في سبب تاني.
انا كنت مرعوبة قوي وبتكلم بحذر: من اللي بشوفه وبسمعه في السوشيال ميديا عن اللي بيحصل في الاقسام بخاف قوي خصوصا اني ماليش حد خالص.
الظابط يبتسم بسخرية: مدام امل مكتوب في البطاقة انك متخرجة تجارة ادارة اعمال وعندك 28 سنة، مش عيب تاخدي معلوماتك من السوشيال ميديا.
كان المفروض اتكسف مش عارفة ليه ابتسمت
الظابط ابتسم بارتياح: واضح ان فكرتك بدأت تتغير، معلش سؤال كمان ليه اغمي عليكي وليه الخوف الزيادة.
انا: هو ده في المحضر؟
الظابط: لحد دلوقتي لسه مافيش محضر اتكلمي براحتك.
انا: عشان الطفلة دي مش قريبتي زي ما قولت للجيران وفي شغلي.
الظابط و بدأ يشك فيا: امال ايه؟
انا: الطفله دي انا كفلتها ومش عايزة اقول كده عشان لما تكبر ما تلاحقهاش نظرات او كلمات توجعها الناس زي ما حضرتك شايف بتدوس علي الضعيف.
الظابط: شكلك وراكي حكاية.
انا: حكايتي وجع ليا مافيش فيها حاجة تديني بالعكس اتظلمت كتير من اقرب الناس.
حسيت ان الظابط حس بكلامي قوي واتعاطف معايا.
الضابط: يعني انت خوفتي عشان كده بس؟
انا: لأ.
.الضابظ: كملي
انا: عشان في حاجة في ورق التبني مش مظبوطة قولت اني متزوجة وانا مطلقة وخفت ادخل في مشكلة ومش حعرف اتصرف.
الضابط: انتي عارفة ان كلامك ده يدينك.
بكيت بدون صوت وارتجفت غصب عني.
الضابط: ما تبكيش وقولي لي ليه واحدة في سنك تتبني طفلة ما انت ممكن تتجوزي تاني؟
انا: ممكن ما اجاوبش؟
الضابط: ممكن بس انا عايز افهم عشان اقدر احدد واشوف ممكن اساعدك ازاي؟ ممكن اتعامل معاكي رسمي ونعمل محضر ووقتها الكل حيعرف ان الطفله تبني او كفلتها في البيت ده غير الشوشرة
وقت جمع المعلومات وانا عايز اوفر عليكي كل ده لأنك بتقولي ان مافيش حد يهتم ويساعدك وكمان اغير وجهة نظرك عن الظباط والاقسام.
ابتسمت وسط دموعي: انا اتجوزت مرتين واول مرة استمر الجواز 3 سنين بدون حمل عشان كده طليقي اتجوز واحدة تانية وحصلت مشاكل
وقتها لأني اصريت علي الطلاق لحد ما عروسته شرطت انه يطلقني والزواج التاني تم عشان عرف اني مش بخلف كان عايز شغالة
بدون راتب واطلقت لأنه ضربني كنت حموت في ايده وشرط الطلاق اني ما اعملش محضر، فأكيد مش عايزة اتجوز تاني واكيد مش حيكون عندي أطفال.
شرد الضابط واختفت بسمته اللي كانت مرسومة علي وجهه واطال بشروده، حاولت انادي وما عرفتش اقول ايه بصيت علي مكتبه كان اسمه
عماد حشمت سالت نفسي هل الصوت ده هو اللي كنت بسمعه في المقابر؟ ما قدرتش احدد وناديت عليه.
➡️➡️➡️➡️➡️➡️➡️➡️➡️➡️➡️➡️➡️➡️➡️➡️
المشاكل وراها وراها تقريبا المشكلة فيها🤣🤣🤣🤣
الناس حواليها زي المجتمع ما بين الدعوات بالتوفيق بتربية البنت وبين شكوك وطعن
بالشرف بالرغم من انها خبت موضوع الكفالة وقالت حجة افضل واكثر اقناعا للمجتمع لكنها بقت صامدة........... لحد امتي يا امل؟ 🤔🤔🤔
طيب حضرت الظابط حيعمل ايه؟؟؟
وهل هو اللي كان يساعدها في المقابر فعلا؟؟؟
مساعدة/الفصل الحادي عشر
انا: استاذ عماد قصدي حضرت الظابط عماد حضرتك معايا؟
الضابط: ايوة معاكي، بصي مش عايزك تقلقي الجيران انا حتصرف معاهم هاخد
عليهم تعهد كمان، والبنت انا اعرف ناس حتخلص لك الموضوع رسمي ونصلح البيانات وممكن تغيري اسمها كمان.
انا فرحت جدا اول مرة حد يعرض مساعدة عليا من غير ما اطلب: بجد حضرتك ممكن تعمل كده.
ابتسم: اكيد ظابط بقي بعد ما اخلص موضوع الجيران حاخد تليفونك واكلمك لما اتفق معاهم عشان تخلصي الورق اتفقنا؟
وانا في قمة سعادتي: اتقفنا.
نده الضابط العسكري ودخل الجيران وطلب مني اقف معاهم والصراحة ظبطهم لدرجة اني خفت منه تاني ومضاهم علي تعهد، واخد تليفوني فعلا
واخدت البنت تاني في حضني وفرحت جدا رجعت البيت وانا اول مرة احس بالنصر كان احساس جميل واول ما رجعت البيت كلمت عمتي وحكيت لها اللي حصل
عمتي: الحمد لله انه وقف معاكي دي البداية يا امل اجمدي اللي جاي حيكون اصعب.
بعد كام يوم تليفوني رن رقم غريب
انا: الو مين؟
هو: مش مسجلة الرقم؟
انا: استظراف ما بحبش.
وقفلت الخط فاتصل تاني.
انا: افندم.
هو: انا الظابط عماد.
انا: بتاع القسم!
هو: بتاع القسم! لا ظابط القسم.
انا وكنت محرجة جدا وبضحك: انا اسفة مش قصدي بس ما توقعتش.
الضابط عماد: مش قولت لك اني حساعدك تصلحي الورق.
انا: ما توقعتش انك هتهتم تقريبا ما حدش ساعدني من وقت وفاة بابا قولت يمكن اشفقت عليا وقتها وخلاص.
الظابط عماد وحاول يخلي فيه القليل من المرح: اشفقت كلام كبير قوي بصي بعد بكرة فضي
نفسك الصبح تروحي العنوان اللي حبعته علي الوتس وده في الوزارة عشان ما تفكريش زي ما بتسمعي علي السوشيال
ميديا حتقابلي هناك الشخص اللي حبعت اسمه وهو حيقوم معاكي بالواجب وزيادة.
انا: انا مش عارفة اشكرك ازاي؟
الظابط عماد: من غير شكر، جهزي للبنت الاسم اللي عايزاه عشان حتغيريه.
انا بفرحة كببرة قوي: بجد حقدر اغير اسمها انا مش عارفة اقولك ايه بجد شكرا لو في كلمة اكبر من كده كنت قولتها.
الضابط عماد وشعر بسعادتي وابتسم ممزوج بضحكة بسيطة كانت واضحة من صوته: فرحتي قوي كده مهم قوي تغيري الاسم.
انا: الصراحة ايوة اصل اسمها كان ملغبط قوي ملوش علاقة ببعضه كفاية ان اسمها كان علي اسمي.
هو: ودي حاجة وحشه؟
انا: اكيد اخاف حظها يكون زيي.
هو: ما تنسيش بعد بكرة الساعة 10 الصبح حبعت المكان واسم الشخص واتس.
قفل وكنت مبسوطة جدا مش عارفة اوصف لكم مبسوطة قد ايه، يومها اخدته اجازة وروحت في المكان وسالت علي الشخص اللي قالي عليه وتفاجئت لما لاقيته هو كمان هناك.
انا: حضرت الظابط ازيك.
الظابط: انا قولت اجي يمكن تحتاجي مساعدة تاني.
انا: ده كتير قوي وكرم منك.
هو: يعني غيرتي فكرتك؟
انا: اكيد لو الكل كدة.
هو: تعالي ندخل جوه نبدأ.
انا: تمام يلا.
دخلنا استقبلنا كويس جدا ما قومتش من مكاني خالص صديقه قام بكل الإجراءات خذوا بس اسم البنت الجديد
الظابط عماد: انت عايزة تغيري اسم البنت يا تري حددتيه .
انا: ايوة ان شاء الله حيكون اسمها هبه عماد رشدي.
و اتخضيت من نفسي واتعجبت وسكت لأني كنت عايزة اسميها هبه سليم رشدي حغير حاجة بسيطة في اسم بابا ايه خلاني اغير الاسم مش عارفة.
صديقه اللي بيخلص الاجراءات كتب الاسم وقال: تمام ثواني وراجع.
بصيت للظابط وقلت بتلقائية: انا اسفة لو استخدمت اسمك مش عارفة قولت كده ليه؟ انا كنت حسميها هبه سليم رشدي مش عارفة ازاي طلعت مني عماد!
هو وظهر عليه الهم والزعل: لا عادي يعني هو انا بس اللي اسمي عماد- وحب يعمل جو مرح- حتي اسم عماد قديم جدا.
ابتسمت وانا محرجة جدا: اسفة مرة تانية.
هو: سجلتي نمرتي؟
انا: اه والله واسفة اني قفلت اول مرة.
هو: اه لما قفلتي في وشي قصدك؟
انا وجهي جاب الوان الطيف كلها وسكت.
هو: خلاص ما تتكسفيش كده حصل خير، لو احتاجتي مساعدة اي وقت كلميني بدون تردد.
انا ابتسمت وحسيت بسعادة جوايا اول مرة حد يساعدني بدون ما اطلب ويهتم بيا
صحيح مش عارفة مهتم ليه واضح بنسبة 90% انه شفقة وتعاطف بس مبسوطة مش عارفة ليه؟!
بقي معايا ورق رسمي لهبه اسم جميل بحبه من زمان كلمت عمتي ونور وحكيت لهم وهما الاتنين حظروني من الحب من طرف واحد وعمتي قالت
لي انه يوجع قوي وحذرتني كتير، انا كنت مستبعده اي حاجة وما توقعتش اني ممكن احب بعد كل اللي حصل لي.
عدي شهر من غير اي احداث كنت بفتكر كتير اللي حصل وافضل اضحك لوحدي
مش عارفة فراغ ولا ايه، بودي البنت الصبح حضانة واخدها بعد الشعل.
حسيت بوجع والم شديد في بطني واضطراب وقت الحيض كشفت وحللت -ما في مستشفي بقي مصلحة ههههه-، طلع عندي مشكلة في الرحم
بتسبب في نزيف والدكتورة قالت اني محتاجة عملية و توقعت ان بعد فترة لو ما عملت العملية حيحصل نزيف حاد في اي
وقت وطبعا ما فيش حد ممكن ياخد هبه ماليش اي حد كانت مشكله كبيرة واجلت العملية و النزيف الكثير سبب لي أناميه حادة وشي بقي اصغر ودايما ضعيفة وتعبانة.
حضرت الظابط👨✈️ وقف معاها........ اخيرا يا امل حد وقف معاكي 😂😂😂
ياتري ليه سرح منها؟ وليه بيساعدها؟