رواية زوجي وزوج اختي
الفصل التاسع
وصلنا الحفلة اول ما نزلت من العربية
قرب مني وهمس
عامر: اسف مضطر ازعجك وامسك ايدك
مستناش ردي
حط ايدى تحت ايده ومشي كان ماشي مبتسم اول ما وصلنا ودخلنا العيون كلها كانت علينا
كأننا احنا العرسان كان ماشي وايدى في ايده بكبرياء لفيت وشي وبصتله حسيت قد ايه انا
محظوظة اني مراته محظوظة اني دخلت الحفلة وايدي في ايده بس كل ما كنا نقرب من
الكوشة كنت ابلع ريقي حسيت ان جسمي برد فجاة ورجليا مبقتش شيلاني
عامر: انتي كويسة؟
سما: اممممممم
هزيت راسي مقدرتش حتي انطقها
عامر: مبروك يا هند
مد ايده وسلم
وسلمت عليه
بس الصعوبة اول ما سلمت علي العريس اللي كان زياد
بس ازاي زياد ايه اللي جمعه بيها
سلمنا وقعدنا علي طرابيزة قاعده عليها حماتي وبناتها
حماتي: لا حلوة
عامر: بص لامه كانه بيترجاها متعلقش
بس كانت ايدى في ايدة ولاول مرة احس اني محتاجة سند زي عامر جمبي وبحركة غير ارادية
ضغطت علي ايدة بعدها لف وشه ناحيتي مستغربني وانا كنت حاطه وشي في كوباية العصير اللي قدامي
..............
عيون زياد كانت معلقة عليا وانا مبصتش ناحيته ولا مرة مكنتش عاوزة ابين ضعفي انا دلوقتي
علي ذمة راجل تاني وتربية اهلي تمنعني افكر تفكير حتي في غيرة
..................
كنت كل السهرة سرحانة..... وغيري كان محروق
هند : عجبتك سما؟
زياد: نعم؟
هند: شكلي وحش وانت بتبص لمرات ابن خالتي
زياد: انتي عبيطه مين اللي ببص عليها
لفت هند وشها عنه بغضب
هند : انا احلى
زياد في باله: الله يحرق قلبه اللى حرمني منها والله زي
الملكة وكلكم جواري ماشي وماسك ايديها كأنها هتهرب منه مش عاوز يسيبها
.................
ام عامر: ايه ياعامر هتقعد قد اية اجازتك؟
بص عليا وبعدين قال كام يوم كدة
ام عامر في بالها : ملكت قلبك بنت سوسن بس انا هوريها
سما: يلا نمشي
عامر: ماشي
ام عامر: ايه قالتلك نمشي هتمشي مشيت كلمتها
عامر: ماما انا راجع من سفر وتعبان
وقف وكان بيقفل زراير الجاكيت
ام عامر: بكرة غداكم عندى
عامر: انشاء الله
روحنا نودع العرسان بس المرة دي زياد كان وقح وضغط علي ايدي بقوة بطريقة ضايقت عامر
بصله بعصبيه وفك ايده من ايدي وكنت ببص علي وش عامر كان مضايق اوي الحركة دي لفتت انتباه كل الموجودين
واحنا في الطريق عامر كان متعصب جدا جدا
عامر : تعرفيه؟
مكنتش اقدر اكدب
سما: دكتورى في الجامعة
بصلي بغيظ
عامر: شكله بيعزك اوي
مبقتش عارفة اقول اية فضلت ساكتة لان مكنش عندي كلام
...................
دخل البيت وقلع الجاكيت ورماه علي اقرب كنبه
وقعد وحط ايده علي وشه وانا قعدت قدامه
رفع عنيه وبصلي
........
في اللحظة دي عرفت اختي ليه كانت بتحبه
عامر: علي العموم احنا عصبيين ده طبع الرجاله
سما:..............
عامر: بنتخنق
سما: عامر انا......
عامر: متقوليش حاجة
في الليلة دي نمنا في اوضة واحدة بس مالمسنيش لمسه واحدة وكنا حاسين ان بينا حاجز
....
طول الليل كنت مدياه ضهري وحاسه بيه بيتقلب يمين وشمال
بس محكاش في حاجة معايا
...
الصبح صحيت بدري وعملت الفطار
عامر : هروح اجيب شوية حاجات جهزي نفسك هنعدي ناخد حلا وبعدين نروح لماما
سما: ماشي
لبس وطلع وانا كنت برتب البيت شوية ورن رنه الماسنجر مسكت تليفوني قريت الرسالة وحطيت ايدي علي بوءي
كانت الرسالة من زياد وكان مضمونها غريب
( كنتي زي القمر .بس ان القمر يكون في بلدك ويطلع في بلد تاني ده مستحيل مفيش ارض بتعيش لو غاب منها القمر ومفيش عين بتنام في ليلة ضلمة اختفي منها القمر علشان كده ارضي ومش هتنازل عن قمرها )
حسيت بخنقه قعدت علي الكنبه وحطيت ايدي علي راسي
والمرة دي انا اللي عملت بلوك لزياد
حاولت ارجع طبيعية بس معرفتش
بعد ساعه رجع عامر ومعاه اكياس دخل بيها علي المطبخ ودخلت وراه ارتب الحاجات
كنت حاسه نفسي مش طبيعية
كان بيطلع معايا الحاجات من الاكياس وفجاه رفع راسه وبصلي
عامر: في حاجة؟
هزيت راسي بالنفي
عامر: طيب روحي البسي
سما: بس اخلص الحاجات دي الاول
ابتسم ضحكة بينت الغمزة اللى في خده ودي اول مرة اشوفها قالي انا هرتبهم
هزيت راسي ورحت
بصراحة رجليا مكنوش شايليني كنت حاسة برعب وخوف حاجة صعبة انك تكوني متجوزة وشايلة اسم حد وحاجة زي دي تحصل
....
فتحت الدولاب وكنت ماسكة باب الدولاب بايدي وبحاول اركز هلبس ايه
بس حسيت بكهربا بتمشي في جسمي اول ما جه وايده لمست ايدي
عامر: انا هختارلك
عدي جمبي لدرجه انه كان هيلمسني
حسيت بشي غريب
لف وشه بعد مااختار فستان
وشي كان في وشه
عامر: ده هيطلع حلو عليكي
كنت سرحانة
عامر: وصلتي لفين؟
سما: لا مفيش
خدت الفستان كان زهر ي وفي ورد ابيض وروحت الحمام
لزقت ضهري علي الباب وفضلت ابكي
كنت بلوم نفسي علي لحظة ميلت فيها ليه
افتكرت سنا كانت بتغني ايه اول ما كانت بتحبه
....
سرحت بتفكيري وكنت في اولي ثانوي اول ما جات من جامعتها بتغني
وقتها وقفت قدامها
سما: مين؟
سنا: بحبه
ومسكت كتافي وفضلت تلف
سما: مين
سنا: طيار بشوفه بيته قدام الجامعة ياربي قمور اوي ببدله الطيران
سما: ايه ده ايه ده براحة علي نفسك هتتجنني
رمت نفسها علي السرير وبصت للسقف
وغمضت عيونها
سما: ايه هتنامي؟
هزيت ايدها
سنا: لا بس مش عاوزة اشوف حاجة بعد صورته في خيالي
...
رجعت وفضلت ابكي وامسح وشي بايدي غسلت وشي ولبست الفستان اللي اختار
طلعت من الحمام كان مستنيني لابسه قميص سبور زهري وبنطلون جينز
وقف وضحك
معقول اكون حبيته؟
بس اختي ؟
لاول مرة ابكى قدامه
قرب مني
عامر: مالك بتبكي ليه؟
سما: مفيش
عامر: لا بجد في ايه؟
كنت بحاول انكر اني حبيته
ومسح دموعي بايده
حسيت بحرارته مش عارفه ليه حسيت اني نفسي ارمي نفسي في حضنه واقوله تعبانه
عامر: مدايقة منى ؟
سما: لا
عامر: امال ايه؟
لفيت وشي عنه وغطيت وشي بايدهي وقعدت علي الارض وفضلت ابكي
نزل وحط ايده علي شعري
سؤاله صدمنى
عامر: في حد في حياتك؟
كان نفسي اقله اني كنت فاكرة ان كان في حد في حياتي وكنت فاكرة اني بحبه بس طلع مفيش
طلع الحب اللي ربنا بيحطه في قلب الزوجين شي تاني كان
نفسي اقله نار بتحرقني غيرة من واحدة من دمي تحت التراب
كنت حاسة احساس غريب ربنا له حكمة بزرع الحب والمودة
وكان بطريقة غريبة