رواية: هرجع... ♡
البارت ال39 ♡
بقلم سما طارق ♡
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
سأل السؤال التاني وهى مفتكرتهوش خالص.
✪ يا فرررح.
✿ متزعقليش بقى انا هفتكر دلوقتي.
ضرب بالحزام وجه على دراعها.
✿ اااااااه.
اتوجعت جامد.
✪ قولي الأجابه يلا.
✿ امشي يا حمزه من هنا... مش عايزه حد يذاكرلي.
✪ بطلي شغل الأطفال ده واخلصي.
قعدت دقايق بردو مأفتكرتش الإجابه فهربت منه وخرجت من الأوضه بسرعه وطلعت لأوضتي انا واياد.
اياد فتح الباب لقاها فرح وفرح حضنته جامد وهى بتترعش.
= في ايه... مالك ايه اللى مخوفك كده.
حمزه طلع وراها.
✪ بتهربي مني... ده على اساس ان اياد اللى هيحميكي.
اياد وقفها ورا ضهره.
= مالك بيها يازفت انت.
✪ الهانم طول الأسبوع مش بتذاكر ودلوقتي مش عارفه تحفظ وبتستلوح.
انا شديت فرح اللى كانت بتعيط وخدها في حضني.
- هشششش اهدي يا حبيبتي.
✿ ضربني يا عمتو.
اياد بصله بعيون سوده من الغضب.
= هي وصلت معاك انك تضربها.
✪ علشان تركز.
- انت عبيط يا حمزه... البيت ده مفيهوش ضرب خالص وبالذات لو على المذاكره.
✪ هي قاعده بتستلوح ومش عارفه تذاكر.
- تبقى تساعدها مش تضربها يا متخلف.
= اخرج يا حمزه بره.
✪ هو ايه اللى اخرج بره... انتوا من زمان سايبين مذاكرة فرح عليا يبقى متزعلوش في الآخر.
= امشيييي ياحممممزززهه.
حمزه بصلنا بضيق وبعدين مشي.
اياد قرب من فرح وهى في حضني باس راسها.
= معلش يا حبيبتي.
- ضربك فين الجزمه ده.
= في دراعي.
هي كانت لابسه نص كم... بصيت على دراعها لقيته احمر اوى اثر الحزام.
- ده ضربك بالحزام 😳.
✿ اه.
قعدت تعيط.
اياد جاب مرهم وانا حطيتلها المرهم على مكان الوجع.
بعد ما خلصت بوست خدها.
- خلاص بقى بطلي عياط... وركزي في دراستك شويه مش انتي عايزه تطلعي دكتوره.
✿ ايوه.
- الطب ده عايز مذاكره كتير فذاكري علشان توصلي لحلمك.
✿ انا مش عايزه حمزه يذاكرلي تاني.
- بس حمزه هو اشطر واحد في البيت ده.
✿ طب ما انتى واياد جايبين مجموع حلو في الثانويه.
= ايوه بس احنا من زمان اوى.
✿ يعني مفيش قدامي غير حمزه.
قالت جملتها وهو في دموع في عيونها.
= ايوه يا فرح... ومعلش استحمليه ولو عملك اي حاجه تيجي تقوليلي بسرعه.
✿ ماشي.
اياد مسح دموعها.
= وياريت متعيطيش تاني علشان دموعك دي غاليه عليا اوى.
فرح حضنتنا احنا الاتنين.
✿ انا بحبكم اوى.
- واحنا كمان اوى اوى.
= يلا بقى روحي ذاكري كويس وبعدين نامي.
✿ حاضر.
خرجت فرح من اوضتنا وراحت على اوضتها تكمل مذاكره.
- حمزه بقى بيستهبل جامد.
= انا رايح اتكلم معاه.
- استنى هاجي معاك.
روحنا لأوضة حمزه.
- انت يا زفت.
✪ نعم.
- كام مره قولنا ان الضرب ممنوع في البيت ده.
✪ وكام مره قولتوا ان انا اللى مسئول على دراسة فرح.
= حمزه بالعقل... اكيد مش قصدنا ان انت تضربها بالحزام.
- اثر الحزام واضح على دراعها.
✪ محدش قالها تلبس بنص.
= انت عبيط... انت مقطنع بالكلام اللى انت بتقوله ده.
✪ خلاص يا جماعه عرفت ان انا غلطت.
- انت تعبت كل السنين اللى فاتت علشان تكسب حب فرح ومن الحركه دي انت ممكن تخصرها للأبد.
✪ بجد.
= ايوه بجد.
✪ طب ما انا عايزها تذاكر كويس.
- بالحب... انا مش بقولك طبطب عليها كل ما تعمل غلط ولا اي حاجه... انا بقولك تبقى جنبها بتساعدها.
= مش تخوفها منك.( شوفوا مني بيتكلم 😒😒 ).
✪ ماشي... انا رايح اصالحها يمكن قلبها يحن.
- عارف لو دايقتها تاني انا همسح بيك بلاط القصر كله.
✪ ايه العنف ده.
= غور ياض... روح شوف البت.
خرج حمزه من اوضته وكان باب اوضة فرح مفتوح... وقف يتفرج عليها وهى حاطه السماعات في ودنها وبتشرح لنفسها بصوت شبه عالي... وقف شويه وهو مستمتع بشكلها وهى ترقص على الأغاني وتذاكر في نفس الوقت.
✪ اللاه اللاه... قاعده بتسمعيلي في أغاني ياختي.
شالك السماعات من ودانها بسرعه واتنفضت من مكانها بخوف.
✿ ح ح حمزه... احم انت ازاي تدخل من غير ما تستأذن.
حمزه قرب منها.
✪ الباب كان مفتوح.
✿ ا ا انت بتقرب ليه... والله بذاكر.
✪ متخافيش مش هعملك حاجه.
✿ اللى يعمل الحاجه مره ممكن يعملها الف مره.
✪ واي حد ممكن يغلط... صح؟.
قال جملته وهو بيقرب وبيبتسم.
✿ ص صح... ابعد بقى بتقرب ليه.
هي كانت بترجع لورا بخوف.
حمزه مسكها من ايدها.
✪ متخافيش يا فرح... انا مش هعملك حاجه والله.
✿ طب عايز مني ايه.
✪ ذاكرتي ايه.
✿ ملكش دعوه... انا هذاكر انفسي من انهارده.
✪ هعتبر اني مسمعتش حاجه وهعيد سؤالي تاني... ذاكرتي ايه.
قال جملته بإبتسامة.
✿ ذاكرت صفحتين.
حمزه مسك الكتاب بتاعها وسمعلها من غير ما يقول صح ولا غلط.
✿ هاا يابني صح ولا غلط.
✪ سؤالين غلط والباقي صح .
✿ يعني الأغاني عملت الصح معايا... لولولولولولولولي.
✪ مش فاهم قصدك.
✿ امك ق......
قاطعها.
✪ امك!!.
✿ الحجه الوالده يعني... ياعم سمسم قالتلي من شهرين تقريباً انها مكنتش بتعرف تذاكر من غير الأغاني فانا قولت اجرب... يمكن افلح.
✪ اممممممم... وفلحتي الحمد لله... بس محتاجه سيكا تركيز كمان.
✿ ماشي.
رجعت قعدت على مكتبها تاني بعد ما خدت الكتاب من حمزه.
✪ مش هتنامي!!.
✿ لا... الصراحه الطريقه دي عجبتني وممتعه كده فانا هكمل مذاكره لغايه ما انعس.
✪ طب انتي لسه زعلانه مني.
حطت السماعات وهى بتقول بسخريه.
✿ هزعل منك ليه... كنت ضربتني بالحزام مثلاً.
حمزه شال السماعات من ودانها وبص في عينها اللى حبها من اول نظره.
✪ آسف يا فوفو.
✿ لو اسفك هيخلي دراعي يخف فانا هقبله.
حمزه مسك دراعها برقه.
✿ اااه حاسب.
✪ والله اسف يا فرح.
✿ ماشي سيب دراعي بقى.
قالت جملتها وهى بتسحب دراعها.
زين دخل الأوضه وهو بيقول......
♟ فرح... عمتو بتقولك نامي بدري علشان بكره في تنظيف.
✿ ليه هو بكره العيد ولا حاجه.
♟ قالتلي لما تقولي كده اقولك يا معفنه مش لازم يبقى في عيد علشان ننظف.
✪ هههههههههه والله امي دي سكر ههههههه.
✿ اضحك اضحك ما انت مش هيتقطم ضهرك... انا والبت حور اللى هنشيل الليله وفي الآخر انت تدخل القصر بالجزمه.
قالت جملتها بغيظ.
✪ انا رايح الشركه بكره فمش هعرف اساعدكم في حاجه للأسف ههههههههههه.
✿ وتقريباً كده خالو وبابا هيروحوا معاك علشان اكيد سما مش هتسمح لراجل يبقى في البيت.
✪ هو معاكي حق وكل حاجه هههههه بس ليه اكيد.
✿ علشان ببساطه انتوا زنانين وهتفضلوا تطلبوا حاجات كتير نعملهالكم واحنا مش هنبقى فاضيين بس هيبقى غصب عننا لازم نعملكم اللى انتوا عايزينه.
كانت بتتكلم بسرعه اوى.
✪ خلاص اهدى يامعلم مش كده ههههههه.
♟ انا خارج ياعم اروح اقول لماما وحور.
✪ سلام ياخويا.
زين خرج من الأوضه وفضل حمزه وفرح.
✿ هتبات هنا ولا ايه.
✪ نفسي.
✿ افندم.
✪ عايزه ايه يافرح... بتعامليني كده ايه ياختي... اومال لو مكنتش اللى مربيكي كنتي هتعملي فيا ايه.
✿ عايزني اقولك يا بابا يعني ولا ايه... ربنا يهديك يا زيزو دول كلهم ست سنين مشحوار.
✪ طيب يا ستي... يلا بقى نامي زي ما سمسم قالت علشان بكره في شغل جامد جداً في القصر.
✿ يعني لو منمتش امك هتسيبني... تصبح على خير يا حمزه.
✪ وانتي من اهلي.
قال جملته وبعدين قفل النور وخرج.
راح خبط على حور.
❥ ادخل.
✪ منمتيش يعني.
❥ عايزني انام ليه.
✪ هو زين مجالكيش.
❥ لا جه... بس انا مش عايزه انام دلوقتي.
✪ طب بقولك ايه.
قعد قدامها.
❥ قول.
✪ انا بفكر اقول لفرح اني بحبها.
❥ فجأه كده.
✪ لا مش فجأه... الصراحه بقالي شهر بفكر في الموضوع ده... بس لما ماما عملت فيا المقلب السخيف ده انا.......
حور قاطعته.
❥ بس يا حمزه فرح صغيره... يعني 16 سنه صغيره على الكلام ده لسه.
✪ بس انا مش هقدر استحمل اكتر من كده... انا هستنى بس تخلص الثانويه واتجوزها.
❥ انت مستعجل على ايه... اومال لو مكانتش قاعده معاك في نفس البيت كنت هتعمل ايه.
✪ انا عايزها معايا في الأوضه.
❥ امشي من هنا يا قليل الأدب يا سافل.
قالت جملتها وهى بتضربه على ضهره وبتزقه.
✪ هههههههه اهدي بس افهمك هههههه.
❥ عيل سافل صحيح.
✪ انا عايز اتجوزها علشان مهما عملت فيها محدش يقولي حاجه.
❥ انت عايز تضربها ولا ايه ياض.
✪ مش هينفع اقولك عايز اعمل ايه.
❥ حمزه... غوووورر من ووشيييي احسنلك.
✪ والله بهزر ههههههه... انا عايز اتجوزها وخلاص... ملكيش دعوه ليه.
❥ يابني انت لسه 22 سنه مش كتير... معجزتش يعني... إنما انا 22 سنه بالنسبه للمجتمع كبيره وعنست معرفش ليه.
✪ مجتمع متخلف... وكمان انا بفكر مجوزكيش اصلاً.
❥ انت كده هتعنسني بجد بقى.
✪ يس... مقولتيش رأيك اقولها اني بحبها ولا لاء.
❥ استنى نتيجة الثانويه... تكون قربت منها اكتر الفتره دي.
✪ ماشي.
❥ انت رايح الشغل بكره.
✪ ايوه.
حور حضنته وباست خده.
❥ ابقى تعالى بدري علشان بتوحشني.
✪ حاضر يا حبيبتي.
كانت هتتكلم بس هو قاطعها.
✪ ومتنساش الشوكولاته بتاعتي... حاضر يا قلبي مش هنسى.
❥ هههههههه احبك وانت فاهمني ههههه.
✪ وفي مفاجأة تانيه بكره غير الشوكولاتة.
بعدت عنه بفرحه.
❥ احلف.
✪ هههه والله.
❥ بحباااااااك.
رمت نفسها في حضنه.
✪ الناس هتشك فينا كده.
❥ اخويا وبدلع عليه... محدش ليه دعوه.
✪ انتي تدلعي براحتك يا قلبي... هو انا ليا غيرك.
❥ بالظبط... يعني انا لو مدلعتش عليك هدلع على مين.
شالها حمزه ونيمها كويس على السرير وباس جبهتها.
✪ طب يلا نامي.
❥ تصبح على جنه.
ابتسملها وبعدين قفل النور وخرج راح على اوضته علشان ينام.
جه اليوم اللى بعده وانا صحيتهم وقعدنا نغسل السجاد.
بعد ساعه حور قعدت على الأرض بتعب.
❥ ااااه يا عصعوصتي ياني ياما.
فرح قعدت جنبها بتعب.
✿ ااااه يا صغيره على المرمطه يا فوفو.
❀ ما تقومي يابت منك ليها وبطلوا دلع.
- ده انا وانا قدك يا فرح كنت قاعده في الشقه لوحدي وبعمل كل حاجه لوحدي.
✿ ماشي بس احنا حالياً في قصر طول بعرض ما شاء الله واحنا اربعه بس.
❥ ليه مقعدتيش الرجاله يعملوا معانا اي حاجه يا سمسم.
- علشان ياختي الرجاله لو قعدوة هيقرفونا في عيشتنا.
❀ حصل.
- يلا يلا قومي منك ليها كملوا.
بعد ساعات كتيييييييره خلصنا كل القصر وقعدنا في الصالون.
❥ انا مش عايزه اسمع جملة تنظيف القصر دي غير بعد سنه.
✿ ايوه الصراحه الموضوع مرهق اوى.
جه زين بكل برود وهو خارج من المطبخ وفي ايده عصير.
♟ ايوه فعلاً يا عمتو... الموضوع مرهق اوى... حتى بصي بصي انا تعبان ازاي.
❥ مشوا الواد ده من قدامي حالاً .
♟ ياستي انا ماشي لوحدي.
قال جملته ودخل اوضته وبعد دقايق اياد وحمزه ومحمد دخلوا القصر.
$ موتوا ولا لسه.
- نينينينينيني لا ياخويا لسه عايشين.
❥ بس متكسرين.
✿ انا بموت هنا.
اياد بص لحمزه.
= نقولهم ولا بلاش علشان تعبانين.
✪ بلاش بلاش.
❀ قولوا والنبي في ايه.
✪ احنا كلنا هنروح نقعد في الجزيره لمدة اسبوع.
- اللااااه بقى على المفاجآت الحلوه.
= فضينا نفسنا احنا التلاته علشان نسافر.
انا جريت على اياد وحضنته.
- بحباااااااك.
= هههههههه مجنونه والله.
وريناد جريت على محمد وحضنته.
❀ يعني أخيراً هتفضى اسبوع نقعد مع بعض فيه... ومش بس كده... لا ده احنا كمان هنقضيع في الجزيره.
$ حاجه آخر جمدان صح.
❀ حصل.
باسته من خده.
❥ طب راعوا وجودنا... بلاش وجودنا... راعوا ان احنا سناجل بائسين.
- ياشيخه اتلهي... ده انتي واخوكي عايشين قصة حب ولا في الخيال.
حمزه راح لحور وحضنها بحب.
✪ عندك مانع ولا حاجه.
- ياعم ربنا يخليكوا لبعض انا قولت حاجه.
❥ والله انت قمر... هى دي بقى المفاجأه اللى انت قولت عليها.
✪ دي مفاجأة بابا... مش مفاجأتي ليكي.
❥ مش فااهم.
✪ لسه مفجأتي مش هنا... يلا روحي البسي حاجه قمر زيك علشان نروح للمفاجأه.
بعد عنى و وجه كلامه لفرح.
✪ وانتي كمان يلا ادخلي البسي علشان هتيجي معانا.
✿ احلف.
✪ اخلصي مش عايزين نتأخر.
❥ ✿ فُريره.
جريوا هما الاتنين على اوضهم وبعد دقايق خرجوا.
حور كانت لابسه فستان ابيض واصل لتحت الركبه بشويه وحاطه ميكب خفيف اوى... وفرح كانت لابسه فستان اسود نفس طول فستان حور وكانت حاطه ميكب خفيف بردو... كان شكلهم حلو اوى ويجننوا.
حمزه قعد باصص بإنبهار من جمال اميراته الصغار ايوه حور توأمه بس هو بيعاملها زي اخته الصغيره او بنته... عدت دقايق وهو باصصلهم كده وهما مبتسمين علشان باين انه عجب حمزه.
وحمزه كان لابس بدله سوده مع قميص ابيض كان شكله جميل اوى.
بعد ثواني.
✪ حلوين اوى انتوا الاتنين.
❥ ✿ بجد يا حمزه.
✪ بجد يا عيون حمزه... بس عندي تعليق على طول الدريس.
❥ ماله.
✪ المفروض يطول شويه.
✿ مش باين من رجلنا غير حته صغيره اوى.
✪ بس باين.
❥ حمزه بليييز... وبعدين انا متأكده ان انت مفضي المكان من الناس.
✪ وايه اللى مخليكي متأكده كده.
❥ علشان انت ابن اياد الكيلاني... اللى عمره ما سمح لحد غريب يشوف بنات عيلته.
✪ فاهماني البت دي.
حور قربت منه ومسكت دراعه.
✪ يلا يسطا وبلاش تلاكيك.
فرح راحت مسكت دراعه التاني.
✿ اه ياريت بلاش تلاكيك.
حمزه بصلهم وهو مبتسم.
✪ الناس هتحسندي كده... هيقولوا الواد مقضيها وماشي مع اتنين زي القمر.
❥ هههههههه طب يلا امشي هههه.
خرجوا من القصر وركبوا عربية حمزه... بعد دقايق وصلوا للمكان كان عباره عن يخت كبير مكتوب عليه حمزه الكيلاني.
❥ حمزه هو ده بتاعك.
✪ ايوه بتاعي... انا طلبت من اياد يخت فقالي اشتغل كويس وانا هجيبلك يخت مكتوب عليه اسمك... فانا اشتغلت كويس وهو جابلي اليخت ده من اسبوعين بس كان ناقص فيه شويه حاجات فانا عملتها وقولت اول ناس لازم تشوف اليخت انتوا.
✿ بجد شكله حلو اوى يا زيزو.
✪ طب يلا انزلوا من العربيه.
نزلوا من العربيه ومشيوا جنب حمزه اللى باين عليه مبسوط باليخت.
دخلوا وقعدوا على تربيزه كانت موجوده في نص اليخت وكان محطوط عليها اكل.
❥ ده في اكل كمان.
✪ عيب عليكي هههههه.
✿ اهم حاجه عند حور.
اكلوا وبعدين وقفوا شويه يتفرجوا على البحر وهو اليخت بيتحرك انبسطوا اوى وطبعاً الجو ميحلوش من غير هزار حور وشقاوة فرح وحنية حمزه... بعد ما اليخت رجع على اليابس ركبوا العربيه واتحركوا.
✿ زيزو.
✪ عيون زيزو.
✿ عايزه ايس كريم.
✪ بس كده... حاضر يا ستي انزل اجيب ايس كريم فيها ايه يعني.
حمزه وقف العربيه عند محل ايس كريم ونزل جاب تلاته ايس كريم ولما رجع عينه اسودت من الغضب ورمى الايس كريم على الأرض وراح بسرعه عند العربيه.