رواية احببته صدفه
14و Part13
بقلم جودي اسامه
لقيته جايب اكل كتير اووي
يوسف: انزلي يلا
نور: انت بتعمل ايه هنا
يوسف: مش انت جعانه…. وانا مينفعش اسيب مراتي جعانه
نور: طيب وماما وبابا هقولهم ايه
يوسف: احب افكرك لو نسيتي اني جوزك
نور : ايوه صح يلا نزله
لبست لبس حلو كده ونزلت
يوسف : يا هلا
نور: انا بجد مش مصدقه اللي انت بتعمله دا
يوسف : نور انا بحبك قوي ولو عايزة اي حاجه هعملهالك
نور: وانت لحقت جبت دا كله ازاي
يوسف: ملكيش دعوه…. يلا بس كلي علشان انت جعانه
نور: والله اني احبك قد الدنيا
يوسف : عارف
فضلت اكل لاني كنت جعانه اووي
نور: يا اخ انت هتفضل بصصلي كده كتير
يوسف: اه هو حد يقدر ميبصش للقمر
نور:طيب يلا اتفضل امشي
يوسف : بعتيني علشان اكلتي خلاص
نور: ايون
يوسف : طيب انا عايز تمن الاكل دا
نور: نعععم… امشي يلا من هنا
يوسف: لا مش عايز فلوس
نور: امال عايز ايه
يوسف :عايز بوسه علي خدي
نور: امشي يا بابا من هنا
يوسف : مش همشي غير لما اخد البوسه
نور: لا يا يوسف
يوسف : وبعد كده قولتلك بلاش يوسف دي قوليلي يا حبيبي
نور: طيب يلا يا حبيبي روح
لقيته حط رجعله علي الطربيزه ونام علي ضهره
نور : انت بتعمل ايه
يوسف : انا قولتلك مش هروح غير لما تبوسيني
روحت بوسته وطلعت اجري علي الاوضه… وبصلته من الشباك
نور: امشي يا قليل الادب من هنا
يوسف : سلام يا قلبي
فضلت افكر في اللي حصل لحد ما لقيته بيرن عليا
نور: نعم
يوسف: في ايه مالك
نور: ملكش دعوه
يوسف: اااه علشان البوسه
نور: ايوه
يوسف : بطلي هبل… واعملي حسابك بكره هنروح نشوف الفيلا بتاعتنا
نور: تمام ماشي
يوسف:تصبحي على خير
نور: وانت من اهل الخير
قفلت معاه ونمت علطول.. تاني يوم
صحيت اتوضيت وصليت
لقيت يوسف بيرن عليا
يوسف: صباح الفل يا قمري
نور: صباح النور يا حبيبي
يوسف : في حد بيصحي بيبقا في الجمال دا
نور: بطل الكلام دا
يوسف : طيب المهم يلا البسي علشان ننزل
نور: اوكيه… باي
لبست ونزلت لقيته واقف تحت البيت
يوسف : ايه دا.. ايه القمر اللي انا شايفه دا
نور: دا انت اللي قمر...بس ياريت تقفل القميص شويه
يوسف : ليه كده حلو
نور: ولا احترم نفسك واقفل القميص
يوسف : خلاص حاضر
ركبت العربيه ومشينا… لقيت ريكورد رقم بعتهولي لسه بسمعه
نور: اييييه
Part14
يوسف: مالك يا نور في ايه
نور بصدمه : لالا مفيش حاجه كمل الطريق
يوسف: متأكده مفيش حاجه
نور: ايوه يا يوسف خلاص بقي
يوسف : خلاص براحتك
كملنا الطريق وانا مش مصدقه اللي انا سمعته دا… لقيت يوسف شغل اغنيه وبيغني معاها وبصراحه هو صوته حلو اووي
يوسف: ايه هتفضلي بصالي كده كتير
نور: ايه الجمدان دا صوتك تحفه
يوسف: يا سلام
نور: اه والله صوتك عظمه
لقيته مسك ايدي وبيغني معا الاغنيه
نور:ايه يا بابا سيب ايدي
يوسف: عيله فصيله
نور: انا فصيله
يوسف : ايوه انا دلوقتي ماسك ايديك وبغني خليكي رومانسيه كده
نور: لا يا حبيبي انا محترمه مش بتاعت الكلام دا
يوسف:.......
نور: ما ترد
لقيته باصصلي وبيضحك عليا
نور: ايه هو انا برقص
يوسف : لالا انت غبيه بس
نور: ولا احترم نفسك بدل ما اصوت دلوقتي واقول بيخطفني
يوسف : وريني
روحت صوت بجد والناس ابتدت تتلم علينا
يوسف: يا بنت المجانين… ايه اللي انت عملتيه دا
_مالك يا انسه هو عملك حاجه
نور: اه بيخطفني
_ خاطفك طب والله لاعلمه الادب
لسه هيضربوه.. راح طلع قسيمه الجواز
_ ايه دا… دا جوزك
يوسف: اهو علشان تصدقو هي بس تعبانه شويه ونسيت تاخد العلاج بتاعها
_ ماشي… معلش احنا اسفين
يوسف : لا عادي ولا يهمك
لقيت يوسف بيبصلي بغضب
نور: ايه في ايه
يوسف: عارفه لو مبطلتيش هبل هعملك فيكي ايه
نور: ايه
يوسف : هتعرفي بعدين… وعلفكره للمره العشرين انا جوزك
نور: حتي لو جوزي احترم نفسك
يوسف : انا شكلي ادبست في الجوازه دي
نور: امشي يلا علشان اتأخرنا
وصلنا عند الراجل اللي هيورينا الفيلا
_ ايه رايك في دي يا مدام
نور: لا مش عجباني… ايه رايك يا يوسف
يوسف : اللي تشوفيه يا قمر
نور بهمس : احترم نفسك الراجل بيبص علينا
_ طيب ودي يا فندم
نور: الله حلوه اووي… واسعه واوضها كتير والمطبخ بعتها عظمه
يوسف : فعلا حلوه اووي… يعني خلاص عايزة دي
نور: ايوه
يوسف: خلاص احنا عايزين دي هتبقي جاهزة امتي
_ تلات ايام وهتبقي جاهزة
يوسف: تمام شكرا جدا
خلصنا وطلعنا بره وركبنا العربيه… روحت افتكرت الريكورد اللي سمعته
يوسف : مش هتقوليلي مالك
نور: بص يا يوسف بصراحه… انا وصلي ريكورد من رقم غريب
يوسف : طيب وفي ايه الريكورد دا
نور: خد اسمع
الريكورد : يا بنتي والله انا حاولت اوقع ما بين نور ويوسف بس معرفتش.. بنت اللزينه اتجوزته خلاص ومش هعرف اعمل حاجه.. انا بكره اللي اسمها نور دي
يوسف: ايه دا مين دي
نور: دي ي ياسمين
يوسف: صحبتك!!
نور: ايوه
يوسف : طيب ليه بتعمل كده
نور: معرفش انا خلاص مش عايزة اعرفها تاني
يوسف : خلاص كلميها دلوقتي وقوللها كده
نور : ماشي
رنيت عليها وردت
نور: الو
ياسمين : ازيك يا عروسه
نور: ياسمين انا مش عايزة اعرفك تاني
ياسمين : ليه بس كده
نور: انت كنتي بتحولي توقعي بيني انا ويوسف
ياسمين : ايوه يا نور… انا بكرهك ومش عايزاكي تتجوزي يوسف لان انا بحبه
نور: بس خلاص انا اتجوزته سبينا في حالنا بقي
ياسمين : بس علي فكره يوسف بيحبني
نور : عرفتي ازاي
ياسمين : امبارح بليل كان عندي في الشقه وقالي انه مش بيحبك وانه هيطلقك وهيتجوزني انا
نور: اييه