رواية احببته صدفه
الفصل الثامن والتاسع
بقلم جودي اسامه
ببص لقيت صورتي انا ويوسف في الجامعه
نور: ايه دا يا ماما
ماما: انا اللي بسأل
نور: عادي يا ماما دا زميلي وكان بيفهمني حاجه في المحاضره
ماما: والله وانا المفروض أصدق بقي
نور: طيب اعملك ايه علشان تصدقي
ماما : نور انا امك وحفظاكي….قوليلي بقي كنتي بتعملي ايه مع الولد دا
نور: بصي يا ماما بصراحه دا ولد انا معجبه بيه وهو بيحبني
اووي… وهو شغال يقولي هاجي اتقدملك وانا مش موافقه
ماما : امم…. طيب ما تخليه يجي يتقدملك انت مش موافقه ليه
نور: علشان يا ماما انا خلاص هتخطب ومينفعش اقوله كده
لانه مش هيفهم انه انا متجوزه إجباري.. هيفهم ان انا اللي مش بحبه
ماما: طيب يبقي خلاص تبطلي تكلميه خاااص
نور: ليه يا ماما هو زميلي وبس
ماما : طيب… بس تقوليله انك هتتخطبي
نور: حاضر يا ماما…… ماما هو مين اللي بعتلك الصوره دي
ماما : معرفش دا رقم غريب
نور: طيب خلاص انا طالعه اوضتي
طلعت الاوضه لقيت يوسف بيرن
نور : الو يا يوسف
يوسف : ايه دا مال صوتك
نور:مفيش
يوسف: طيب مامتك قالتلك ايه
نور: لقيت في حد مصورنا واحنا في الكافيه وبعتها لماما
يوسف: ايه دا ازاي
نور: معرفش
يوسف:خلاص متزعلش
نور: اوكيه باي
يوسف: باي يا قمري
فضلت افكر هعمل ايه في موضوع يوسف دا وهقوله ازاي اني هتجوز….لقيت ماما بتنادي عليا علشان الغدا
ماما : يلا يا نور
نور: حاضر يا ماما… جايه
بابا : نور انت خلاص خطوبتك بعد بكره
نور: ايه دا بسرعه كده
بابا: ايوه وتنزلي بقي تجهزي نفسك
ماما : بس انا بنتي مش هتتجوز بالعافيه
بابا : خلاص خليها جنبك وانا هطلقك وخليكوا في الشارع
نور: خلاص خلاص يا ماما انا موافقه
خلصنا اكل ونزلت مع ماما علشان اشوف فستان الخطوبه
ماما : ايه رايك في الفستان دا
نور: يا ماما اي حاجه انا اصلا مش طايقه نفسي
ماما : طيب اختاري انت حاجه تعجبك
نور: في واحد اسود هناك
ماما: ليه بس اسود
نور: ما هو اصلا يوم اسود
ماما: براحتك يا بنتي
خلصنا لف ورجعت مقتوله عايزة انام…. صحيت علي صوت الموبايل بيرن
ياسمين : ايه يا أمي فينك يلا
نور: حاضر هلبس وجايه
اول ما وصلت كنت دايخه خالص… فدخلت قعدت في الكافيه
ببص لقيت…..
Part9
دخلت لقيت يوسف قاعد مع بنت في الكافيه وماسك ايدها
انا في اللحظه دي كنت منهاره….. وروحت عنده
نور: ليه كده… ليه بتعمل فيا
يوسف: اااا.. نور استني
نور: أستني ايه انا ماشيه
طلعت بره الكافيه وانا منهاره من العياط….. لقيت
يوسف جي ورايا
يوسف : نور اهدي انت مش فاهمه حاجه
نور: اه صح لما ادخل واشوفك انت وبنت تانيه انا
كده فاهمه غلط….. انا طول عمري وانا عايشه ايام
وحشه…. بابا دايما كارهني…. لانه مش بيحب خلفه
البنات…. وماما مش بتقدر تقوله لا لانه بيبقي
هيطلقها ويرمينا في الشارع وبعد كده الشخص
الوحيد اللي احبه في حياتي يطلع خاين….. اناا
تعبت بجد خلاص انا ليه بيحصل معايا كل دا….. اناا
عملت ايه في حياتي
يوسف:.....
نور: ما ترد ولا مش لاقي سبب يخليني اكذب اللي انا
شوفته… حرام عليك اللي انت عملته فيا دا
وفجأه اغم عليا
يوسف: نور…. نور فوقي يا نور
راحت شلني وركبني العربيه وطلع بسرعه علي المستشفي
الدكتور: مالها حصلها ايه
يوسف : هي يا دكتور داخت شويه وبعدين اغم عليها
دخل الدكتور وفضل يديني محاليل
يوسف : طيب هي مش هتفوق
الدكتور : لا انا ادتها حقنه مهدئه لانها اتعرضت لتعب شديد
يوسف: ماشي شكرا يا دكتور
الدكتور: بس كنا عايزين حد في الحسابات تحت
يوسف :حاضر انا نازل
نزل خلص الحسابات وبعدين جه قعد جنبي وفضل
يفكر في اللي حصل
--------------------------------
ماما: جيب العواقب سليمه يا رب
بابا: ايه في ايه
ماما: نور راحت الجامعه ولحد دلوقتي مجتش
بابا: عادي يعني هيحصلها ايه
ماما : روح يا شيخ منك لله مش خايف علي البت
بابا: يووووه بطلي رط بقي انا طالع انام
ماما :نامت عليك حيطه يا بعيد
--------------------------------
فوقت بعد فتره
نور: ايه دا انا فين
يوسف: نور اهدي… انت في المستشفي
وبعد كده فضلت ابكي راح جيه ومسحلي دموعي
يوسف: ليه بس الدموع دي
نور: علشان انت خاين وطلعت مش بتحبني
يوسف : طيب ممكن تهدي علشان افهمك
نور: ماشي قول
يوسف: انت عارفه اللي كانت قاعده معايا دي مين
نور: مين
يوسف : أختي يا هبله
نور: ايه….. بتهزر
يوسف : اه والله
نور: طيب بردو مش مسمحاك
يوسف: طيب عايزة ايه
نور: عايزة نوتيلا وورد
يوسف : يا سلام من عيوني
راح فتره كده وبعدين رجع
يوسف : اتفضلي يا ستي النوتيلا و الورد
نور : ميرسي يا قمر
يوسف : دلوقتي بقيت قمر
نور:طيب انا عايزة اروح
يوسف:طيب هروح اسال الدكتور
راح سأل الدكتور وجه
يوسف : يلا يا ستي علشان نمشي
نور: اوكيه
ركبت معاه العربيه لحد ما وصلني
نور: يلا باااي
يوسف : باي يا روحي
دخلت البيت وانا فرحانه اوي
وفجاه لقيت حد قاعد مع بابا
الراجل : اتفضلي يا عروسه