🌸رواية اعطيت لحبك فرصة فخدعتني
🌸الفصل الرابع والعشرون 🌸
بقلم صباح وحيد
حازم: خير ياأنسة حنين
حنين: انا فكرت في الموضوع أللي كلمتني فيه
حازم بقلق: طيب وقررتي ايه !!
حنين بتوتر: ا..انا..م..م..مش موافقة
حازم سكت وماردش وحس أنه اتكسر فأكملت حنين قائلة بمواساة: انا آسفة بجد بس مش حابة اظلمك معايا سامحني وحاول تنساني ..وقامت لتذهب ولكن أوقفها صوته وهو يقول: من حقي اعرف ليه وظلم ايه !!
حنين ونظرت إليه: ساعات بيكون الوجع اكبر من أنه يتحكي ..عن اذنك
٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭٭
سوزان بقلق: خير ياماما في ايه وصافي مالها !!
سامية ببكاء: صافي عندها كانسر
سوزان بصدمة: ايه !! كانسر !!
سامية ببكاء: من ساعة ماعرفت وانا مش عارفة اعمل ايه ولا اتصرف ازاي
سوزان بدموع: وهي فين دلوقتي !!
سامية: في اوضتها
سوزان: عن اذنك ياماما انا هدخلها
سامية ببكاء: بلاش دموع قدامها
شاكر: إن شاء الله تبقي كويسة وترجع احسن من الاول
سامية: يارب ..يارب يابني
سما: بابا هي خاتو صافي مالها ها !! (خالتو)
شاكر بهمس: تعبانة شوية وإن شاء الله هتبقي كويسة
سما: تعبانة عنتها ايه !! (عندها)
شاكر: تعبانة وخلاص ياسما
سما: ماسي عاوزة الوح عنتها (ماشي عاوزة اروح عندها)
مروان: وانا تمان (كمان)
سامية: سيبهم يدخلوا ليها يمكن أما تشوفهم تبقي احسن ..ونظرت لسما ومروان ادخلوا ياحبايبي هي في اوضتها
"عند صافي وسوزان"
سوزان وتحاول منع دموعها: سلامتك ياحبيبتي
صافي: هي ماما قالتلك !!
سوزان: ليه داريتي ياحبيبتي وماقولتيش !!
صافي بتنهيدة: أقول !! اقول ايه !! اقول اني اتفاجئت وعرفت بالصدفة !! كنت في شغلي عادي في صيدلية المستشفي وفجأة تعبت خدوني وكشفوا عليا وطلبوا تحاليل واشاعات وعملوها وطلع أنه كانسر ومحتاج عملية عشان استئصاله بس بعد العلاج عشان نعرف اذا كان حميدي ولا خبيث وهحتاج لكيماوي وهعمل العملية واكون كويسة ويتكتبلي عمر جديد أو يكون للقدر رأي آخر ويكون العمر انتهي لحد هنا وامشي ويتبقي مني شوية ذكريات تعيش معاكم
سوزان وهي تحتضنها وبدموع: بس ماتقوليش كدة ياقلب اختك من جوة دة انا اروح فيها والله لو بعيد الشر جرالك حاجة انا مقدرش اعيش من غيرك في الحياة يابت انتي مش بس اختي انتي حتة مني بتكملني والفرحة اللي في حياتي ونور عيني أللي بشوف بيها انتي أغلي عليا اكتر من نفسي اوعي تقولي كدة تاني وإن شاء الله هتعملي العملية وترجعي كويسة واحسن من الاول مليون مرة وترجعي تملي حياتنا فرحة وضحك وسعادة وشقاوة ..اومال مين بس يناكش فيا وفي سما ومروان !! ومين يدلع في سما ومروان ويحوش عنهم دايما !!
صافي بدموع: خايفة ..خايفة اوي ياسوزان
سوزان وتمسك وجهها بين يديها: ماتخافيش احنا كلنا جمبك وفي ضهرك ..اجمدي كدة انتي قوية وتقدري تعدي اي حاجة بثقتك في ربنا الاول وقوتك بيه
صافي بدموع: يارب ادعيلي ياسوزان ادعيلي وأمانة عليكي لو حصلي حاجة تعرفي ماما وبابا اني محبتش في الدنيا قدهم ومصطفى كمان رغم أنه بعد عني من يوم أما خطب وبقي مشغول في الشغل وخطوبته وكدة بس بحبه وعمري ماعرفت ازعل منه وأما كنت برخم عليه كان حب عشان بحبه وعاوزاه يقعد معايا وانتي ياسوزان أمي قبل ماتكوني اختي الكبيرة دايما خوفك عليا كأني بنتك وحبك ليا وقربك مني وسما ومروان عشان خاطري تخلي بالك منهم واوعي في يوم تزعليهم عشان مش هكون موجودة عشان ادافع واحوشك عنهم وقوللهم وعرفيهم اني كنت بحبهم اوي وكان نفسي ابقي معاهم بس غصب عني
سوزان واخذتها بين أحضانها وتبكي بشدة: بس بقي إن شاء الله هتقومي بالسلامة وتبقي كويسة وانتي اللي تقوللهم الكلام أللي عاوزة تقوليه دة كله وترجعي وسطينا من تاني هو اختبار من ربنا بيختبر قوة إيماننا بيه وصبرنا ولازم نكون اد الاختبار دة
صافي: يارب ..يارب ياسوزان
"ودخلا سما ومروان للغرفة وهما يقذفون فوق خالتهم"
سما وهي تجلس علي رجليها وتمسك وجهها بيدها لتلفه إليها: خاتو خفي بسلعة عسان انا عاوزة العب معاتي بقي (خالتو خفي بسرعة عشان انا عاوزة ألعب معاكي بقي)
مروان وهو يجلس علي رجلها الثانية: اه ياخاتو وانا تمان عسان انا بحبت اوي (اه ياخالتو وانا كمان عشان انا بحبك اوي)
صافي وهي تبكي بهدوء: وانا بحبكم اوي وعاوزة اخف عشانكم
سما وتمسح دموعها: مس تعيطي ياخاتو انتي هتبتي تويسة مس تخافي (مش تعيطي ياخالتو انتي هتبقي كويسة مش تخافي)
صافي وهي تقبلهم: إن شاء الله ياحبايب قلب خالتو
سوزان: يلا بقي عشان نسيب خالتو عشان ترتاح شوية عشان تخف بسرعة !!
سما ومروان: ماسي ..مس تعيطي ماسي !! (ماشي مش تعيطي)
صافي واحتضنتهم بقوة وقبلتهم
سوزان: مش عاوزة اي حاجة ياحبيبتي هسيبك ترتاحي شوية واصحيكي علي الغدا
صافي: ربنا يخليكي ليا يارب
سوزان وقبلت رأسها ثم خرجت وهي تبكي وتجلس معهم وهي تقول: مش قادرة اشوفها كدة
شاكر وهو يذهب إليها ويأخذها بين أحضانه لتطمئن: اهدي ..اهدي ياحبيبتي وهي إن شاء الله هتبقي كويسة وترجع احسن من الاول لازم مانفقدش الامل والثقة في ربنا
سوزان: ونعم بالله بس صعب عليا اشوفها كدة ياشاكر مش قادرة اتحمل اشوف اختي بالحالة دي اصلك ماتعرفش صافي بالنسبالي ايه مش بس اختي دي بنتي وحتة مني بعيد الشر لو حصلها اي حاجة انا ممكن اروح فيها ومتحملش
شاكر: بعيد الشر عليها وعليكي وإن شاء الله تبقي كويسة
سوزان: يارب ..يارب ..فين سما ومروان !!
شاكر: هتلاقيهم بيلعبوا في أي مكان
سوزان: انا هقوم اشوفهم كدة
"عند سما ومروان"
"مروان يجلس متكئا علي ركبتيه ويدفن وجهه بينهما علي يديه ويبكي في صمت"
سما بحنية: ملوان اصحي بقي (مروان)
مروان وهو يزيح يدها: مس عاوز العب ياسما (مش)
سما: ملوان الفع وست تدة ومس تعيط (مروان ارفع وشك كدة ومش تعيط)
سوزان وهي تدخل: انتو قاعدين كدة ليه !!
سما: ملوان ياماما عيط (مروان ياماما بيعيط)
سوزان وتذهب لمروان وتحمله: حبيب ماما بتعيط ليه !!
مروان وبدأ في البكاء: عسان خاتو ياماما (عشان خالتو)
سوزان وترفع وجهه: خالتو كويسة وهتقوم تلعب معاكم دلوقتي هي بتحبكم اوي
مروان: يعني هي مس هتلوح عند ربنا !! (مش هتروح)
سوزان وتحتضنه: لا ياحبيبي هي تعبانة شوية وهتبقي كويسة بس لو عرفت انك بتعيط هتزعل منك كدة ومش هتبقي كويسة ..وتنظر لسما: وانتي بتعيطي ليه ياسما !!
سما: عسان خايفة خاتو مس تخف ومس تلعب معانا تاني (عشان-خالتو-مش)
سوزان وتحتنضهم الاثنان بين أحضانها: لا خالتو إن شاء الله هتبقي كويسة وهتخف وهتقوم تلعب معاكم تاني بس انتو ماتعيطوش عشان هي ماتزعلش منكم وتخف بسرعة بقي .. وهي تقبلهم: يلا نخرج نقعد مع تيتة وبابا
سما ومروان: ماسي (ماشي)
سما ودخلت بين احضان شاكر وتدفن وجهها به ليقول: قلب بابا مين زعلك !!
سوزان وهي تحمل مروان لينظر إليها شاكر: مالها سما !!
سوزان وهي تجلس ومروان بين أحضانها: دخلت لقيتهم الاتنين بيعيطوا
شاكر: ليه كدة !! .
سوزان: عشان صافي مش متعودين ييجوا ويشوفوها كدة وماتلعبش معاهم كالعادة
شاكر: إن شاء الله تبقي كويسة ..وينادي لمروان ليذهب إليه مروان ويجلس علي رجليه وسما الناحية الأخري: ممكن بقي اعرف حبايب بابا كانوا بيعيطوا ليه !!
سما ومروان: عسان خاتو تعبانة (عشان-خالتو)
شاكر: طيب انتو عارفين إن خالتو بتحبكم اوي وقالت انا بحب سما ومروان اوي وعاوزة اخف بسرعة عشان ألعب معاهم بس علي شرط مايعيطوش عشان لو عيطوا انا كدة مش هخف بسرعة وهزعل منهم ومش هلعب معاهم
سما ومروان: لا خلاص مس نعيط
شاكر: أيوة كدة شاطرين عشان خالتو ماتزعلش منكم
سامية بدموع وتشاور إليهم ليذهبوا إليها لتحتضنهم بقوة وهي تقول: إن شاء الله هتكون كويسة وترجع من تاني
٭٭٭٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭٭٭٭
حازم وهو يدخل فيلا أدهم لتقابله سميحة
سميحة: اهلا اهلا ازيك يا حازم ياحبيبي عامل ايه اخيرا خليتنا نشوفك
حازم: معلش ياطنط كان غصب عني ازي حضرتك
سميحة: الحمد لله ياحبيبي انت عامل ايه
حازم: الحمد لله ياطنط ..أدهم موجود !!
سميحة: اه ياحبيبي في اوضته فوق اطلعله
حازم: عن اذن حضرتك ..وذهب حازم ودخل لغرفة أدهم بعد أن طرق الباب عدة طرقات واذن له أدهم بالدخول
أدهم: أهلا ازيك ياحزوم ..تعالي اقعد
حازم وهو يجلس وعنيه تلمع بالدموع: هو انا وحش ياادهم !!
أدهم ويلاحظ دموعه وذهب ليجلس بجانبه: في ايه اللي حصل يخليك تقول كدة !! وليه الدموع دي !!
حازم بهدوء: رد عليا هو انا وحش !!
أدهم: لا طبعا ايه اللي بتقوله دة بس ..فهمني مالك في ايه !!
حازم والدموع تتساقط من عيناه ببطء: اومال رفضتني ليه !! أما هو لا رفضتني ليه !! وأللي قبلها برضو محبتنيش يبقي اكيد العيب فيا وانا وحش
أدهم: اهدي ..اهدي ياحازم وفهمني بالراحة
حازم وينظر له: رفضتني ..رفضتني ياادهم وقالتلي لا وأما سألتها عن السبب مارضيتش تقولي وقالتلي بلاش نقلب في الماضي وخلي الوجع متداري ومدتنيش فرصة أرد ولا اتكلم ومن ساعتها وانا مخي مش مستوعب ولقيت نفسي جيت علي هنا قولت يمكن تقدر تساعدني
أدهم: اكيد عندها سبب انها تقول لا واكيد السبب دة هتعرفه بعدين بس انت ارتاح دلوقتي وماتقلقش وإن شاء الله كل حاجة هتكون بخير
حازم وهو ينهض وغير متزن: لا انا لازم امشي
أدهم وهو يسنده: تمشي فين بس بحالتك دي اقعد يابني هتبات معايا
٭٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭
ملك: الجميل واقف سرحان في ايه !!
ياسمينا بخضة: حرام عليكي ياملك خضتيني
ملك بهزار: بجد !! انا اسفة ..واقفة لوحدك ليه كدة !!
ياسمينا: مفيش كنت بحاول اكلم أدهم بس مابيردش وقلقت عليه اوي
ملك: يمكن مش سامع التليفون ولا حاجة
ياسمينا: امبارح برضو مكنش بيرد كدة وقلقت ونزلت الشركة لقيته كان نايم في الشركة خايفة ليكون عملها تاني
ملك: ماتقلقيش ياحبيبتي خير إن شاء الله
ياسمينا وهي تحاول الاتصال: برضو مابيردش
ملك: خير إن شاء الله ماتقلقيش وتعالي ادخلي اقعدي معانا وإن شاء الله خير
ياسمينا وهي تدخل معها: يارب
أحمد: فضلنا مستنيينكم امبارح
حسين: كنا جايين والله وياسمينا كانت نزلت الشركة وجت علطول بس اختي كانت جاتلنا بقي معرفناش نيجي
أحمد: تنورونا اي وقت ياعمي دة بيتكم وبيت ابنكم قبل مايكون بيت بنتكم
سهير: ربنا يخليك يارب يابني ويهدي سركم
٭٭٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭٭٭
حنين تدخل غرفتها لترتمي علي السرير وتبكي لتسمعها كوثر وتذهب إليها
كوثر: ايه ياحني..وتذهب إليها سريعا تأخذها بين أحضانها: مالك ياحبيبتي في ايه !!
حنين ببكاء: تعبانة ياماما تعبانة
كوثر وهي تملس علي رأسها بحنان: اهدي ..اهدي بس ياحبيبتي وقوليلي مالك في ايه حصل ايه لدة كله !!
حنين وهي تنهض من حضن والدتها: رفضته ..رفضته ياماما قابلته وقولتله لا وكسرت قلبه وبقيت انا الظالمة في الحكاية وهو المظلوم انا ظلمته ياماما
كوثر: ليه !! ليه بس كدة يابنتي !!
حنين: خوفت ..خوفت ياماما خوفت من حاجات كتير خوفت يزهق مني وميستحملنيش ويسيبني خوفت تحصل بينا اي مشكلة يكرهني ويبعد عني خوفت يديني كل الحب والاهتمام ومايلاقيش مني دة يندم أنه في يوم حبني خوفت اظلمه معايا ياماما
كوثر: ليه بس متقدميش الخير يابنتي !! ليه تقدمي الشر !! لو بيحبك بجد وشاريكي عمره ماهيقدر يبعد عنك ولا عمره هيعرف يكرهك أللي بيحب بجد مبيعرفش يكره ومع حبه ليكي وانتي هتشوفي دة هتبتدي تحبيه انتي كمان ادي لقلبك فرصة يابنتي وبلاش تقفلي عليه مش كل اللي جاي ناوي يجرحه ولا يخربش الجرح أللي فيه يمكن يكون جاي يداوي الجرح ويكون المرطب ليه بعد أما نزف كتير يكون هو أللي يمنع النزيف دة ويوقفه افتحي قلبك للي جاي يخبط عليه هو ماذنبهوش يعيش طول عمره في حزن وجرح وألم
حنين: بقيت بخاف من البدايات ياماما عشان نتيجة النهايات بتوجع بقيت اخاف من اني ادخل حاجة ومتكملش بقيت بخاف إن كل بداية وليها نهاية وكل حكاية وليها نهاية وكل علاقة وليها نهاية برضو وانا بقيت بخاف النهايات اوي لأنها بتاخد مننا ياماما
كوثر: بس ..بس اهدي وماتقوليش كدة وربنا موجود واكيد ربنا اللي بعته ليكي ومينفعش تقولي علي حاجة ربنا بعتهالك لا وهي دي سُنة الحياة يابنتي وإن ماكنش هو فهيكون حد تاني وهو اكيد عوض ربنا ليكي بعد كل التعب اللي شوفتيه في حياتك يمكن يكون عوض ليكي ويعوضك ويديكي كل الحب والاهتمام أللي يخلوكي تنسي اي وجع اتوجعتيه في حياتك افتحي قلبك يابنتي
حنين: انسي !! انسي ايه !! انسي كمال ياماما !! لالا ياماما انا مستحيل انسي كمال دة حبيبي وكان هيبقي جوزي وأبو ولادي في المستقبل انا حياتي كلها كانت هو ومعاه حياتي كلها كانت ملكه مش ملك لحد تاني غيره انا لو نسيت اي حاجة في الدنيا مستحيل انسي كمال
كوثر: ربنا يرحمه يارب يابنتي هو عند الاحسن مني ومنك والاحن عليه اكتر مننا كلنا
حنين: ونعم بالله ياماما بس الفراق صعب
كوثر: مكتوب علينا كلنا يابنتي وكلنا هاييجي يوم ونفارق ..وعشان كدة لازم نرضي ربنا فكري يابنتي
حنين: حاضر ..حاضر ياماما هفكر
٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭
ياسمينا وتدخل لغرفتها سريعا وتتصل بأدهم لكن لايوجد رد
حسين: يلا ياسمينا غيري هدومك ياحبيبتي ونامي عشان تروحي شغلك
ياسمينا: حاضر يابابا بس انا مش نازلة الشغل بكرة
سهير: ليه كدة يابنتي في حاجة ولا ايه !!
ياسمينا: لا ياماما مفيش حاجة أدهم حابب انزل بس من أول الشهر احسن
حسين: اه خلاص ماشي يابنتي غيري هدومك بقي ونامي ..مش عاوزة حاجة !!
ياسمينا: لا سلامتك يابابا تصبح على خير
حسين: وانتي من اهل الخير ياحبيبتي
"ياسمينا وتحاول الاتصال مرة أخري لكن دون جدوى مثل المرات الأولي لتقول بعصبية: انت فين بس ومش بترد ليه !! قلقنني عليك اوف بقي ..استغفر الله العظيم يارب اما اغير كدة واحاول اكلمه تاني كدة يمكن يرد بقي
وبدلت ياسمينا ملابسها وامسكت بهاتفها وجلست علي السرير وكادت تتصل بأدهم لتجد هاتفها يرن ويظهر اسمه لترد بسرعة: أيوة يا أدهم أنت فين كل دة ومش بترد عليا ليه ولا كلمتني قلقتني عليك في ايه !!
أدهم: اهدي اهدي بس انا كويس وبخير والله وكنت مشغول بس والله غصب عني ضغط شغل وموضوع كدة
ياسمينا: موضوع ايه دة خير !!
أدهم: مفيش حازم بس متضايق شوية عشان بيحب بنت وقالها وكان مستني ردها عشان يروح يتقدملها ورفضت فحالته بقي متدمرة خالص
ياسمينا: لا اله الا الله ربنا يعوضه يارب اكيد ربنا شايله الاحسن ..بس هو مش كان خاطب حنان المفروض !!
أدهم: اه وفركشوا مع بعض من بدري ومحصلش نصيب
ياسمينا: ربنا يعوضه يارب ويكتبله الخير
أدهم: يارب ياحبيبتي
سميحة وهي تقطع حديثه وتفاجئه بدخولها: بتكلم مين !!
أدهم: حرام عليكي ياأمي والله الخضة دي .. بكلم ياسمينا
سميحة بإبتسامة: بجد هات اكلمها طيب
أدهم: حاضر ..خدي ياسمينا ماما عاوزة تكلمك
سميحة بإبتسامة: ازيك ياحبيبتي عاملة ايه وحشاني
ياسمينا بإبتسامة: الحمد لله ياماما حضرتك عاملة ايه ..وحضرتك وحشاني اكتر والله
سميحة: الحمد لله ياحبيبتي ..بس انا زعلانة منك
ياسمينا: لا ليه كدة بس مقدرش علي زعلك
سميحة: عشان مابتسأليش عليا وأما بتكلمي أدهم مابتقوليش هات ماما اسلم عليها
ياسمينا: حقك عليا ياماما غصب عني بس مشاغل بس والشغل بقي وكدة ومعنديش وقت والله بس مقدرش اتاخر عنك طبعا
سميحة بضحك: أيوة عندك وقت لادهم بس تكلميه وعندك وقت تكلميه ٢٤ ساعة عادي
ياسمينا ضحكت ومعرفتش ترد عشان اتكسفت
سميحة بضحك: يابت ماتتكسفيش كدة ..ربنا يخليكم لبعض يارب ياحبيبتي
ياسمينا: يارب ويخليكي لينا ياماما
سميحة: ربنا يخليكي ياحبيبتي ..خدي أدهم معاكي اهو
أدهم: ايه ياحبيبتي
ياسمينا: ماما دي عسل ربنا يخليهالك يارب
أدهم: هي بتحبك اوي والله
ياسمينا: انا كمان بحبها اوي
أدهم: ربنا يخليكي ياحبيبتي ..بصي معلش شوية كدة وهرجع اكلمك تاني عشان ماما شكلها عاوزاني
ياسمينا: خلاص تمام ماشي انا بس كنت بطمن عليك عشان كنت قلقت بس
أدهم: ربنا يخليكي ليا يارب
"وبعد أن اغلق الهاتف مع ياسمينا ذهب ليجلس مع والدته"
أدهم: خير ياأمي شكلك عاوزاني في حاجة
سميحة: حازم صاحبك يابني أما جيه وهو مش عاجبني خالص وكأنه شايل حمل جبال فوق كتافه ماله يابني هو كويس !!
أدهم: والله ياماما هو فعلا كدة زي مابتقولي ادعيله كتير
سميحة: ربنا يوفقه وييسرله أموره يارب ..بس ماله في ايه !!
أدهم: والله ياماما مش عارف اقولك ايه غير ادعيله كتير لأنه هو فعلا محتاج دعاء كل حد هيدعيله
سميحة: انت كدة قلقتني يابني ماتفهمني في ايه !!
أدهم بتنهيدة: حازم فركش خطوبته من البنت أللي كان خاطبها وروحنا معاه ودخل بعدها في حالة وحشة وبعد كدة ابتدي يفوق من الحالة دي علي خطوبتي كدة وبعدها قابل بنت تاني وحبها وقالها وطلب يروح يتقدملها لكن للاسف بعد كدة رفضت
سميحة بحزن: ياحبيبي يابني كل دة شايله جواه وساكت بس اكيد كل أللي بيحصله دة الخير ليه وربنا ليه حكمة في كل أللي بيحصل دة عشان بيحضرله حاجة كبيرة اوي ..بس ليه فركش خطوبته دة كان باين عليه بيحبها اوي
أدهم: طلعت ماتستاهلش حبه دة وطلعت بتلعب بيه وبمشاعره وواخداه كوبري عشان توصلي بيه لأنها كانت بتحبني انا وقالت تقرب مني ازاي غير عن طريق حازم لانه أقرب حد ليا فقالت تدخلي من عنده المغفلة علي أساس هخسر صاحبي عشانها مثلا دة حتي لو مفيش في الدنيا غيرها عمري ماابص ليها حتي بعد ماتسيبه وطبعا بخطوبتي من ياسمينا بوظلها كل ترتيباتها فقالت إن حازم مابقاش ليه لازمة في حياتها بقي الهدف اللي كانت وخداه عشانه خلاص مابقاش موجود
سميحة ووضعت يدها علي فمها: هو في حد كدة معقولة !! في حد يلعب بمشاعر الناس كدة وفاكر مشاعر الناس لعبة كدة !! ربنا يسامحها علي اللي عملته ..اوعي تكون ياادهم بتظلم ياسمينا عشان موضوع زمان بتاعك البنت مالهاش ذنب تطلع دة عليها
أدهم: ماتقلقيش ياأمي ياسمينا دي الحاجة الحلوة أللي طلعت بيها من وسط العك اللي كان في حياتي دة كله ..اقولك علي حاجة طيب !! أما حبيت ياسمينا اكتشفت اني اول مرة احب من قلبي بجد واعرف وادوق طعم الحب بجد اكتشفت حبي لآمال ماكنش حب
سميحة بإبتسامة: ربنا يسعدك يارب ياحبيبي ويطمني عليكم وانتو في بيت واحد وعيالك بيتنططوا حواليا كدة
أدهم ويقبل يديها: ربنا يخليكي لينا يارب ياأمي
سميحة وتملس علي رأسه: ويخليك ليا يارب ياحبيبي ..اسيبك بقي عشان تنام عشان شغلك
أدهم بإبتسامة: ماشي ياماما ..تصبحي علي خير ياحبيبتي
٭٭٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭٭٭٭
في صباح اليوم التالي
حازم ينزل ليجد أدهم وأسرته يجلسون علي سفرة الطعام
أدهم: تعالي يلا أفطر كل دة نوم !! ايه بقالك سنة مانامتش !!
سميحة: بطل غلاسة بقي ..تعالي يلا ياحازم ياحبيبي عشان تقعد تفطر معانا
حازم: شكرا ياطنط بألف هنا
محمود: شكرا ايه تعالي يلا اقعد هتعمل مكسوف انت زي أدهم
حازم: ربنا يخلي حضرتك يارب ..انا عاوز امشي
سميحة وهي تنهض وتذهب إليه: تمشي فين بس يابني انت قاعد معانا النهاردة يلا تعالي افطر شايف وشك خاسس ازاي ..وكاد حازم يعترض قاطعته سميحة: انت لسة هتعترض يلا مفيش اعتراض
٭٭٭٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭
مصطفي: اهلا اهلا ياسوزان ازيك ياحبيبتي
سوزان: الحمد لله انت عامل ايه
مصطفي: الحمد لله ..ازيك ياشاكر
شاكر ويسلم عليه: الحمد لله يامصطفي انت اخبارك
مصطفي: الحمد لله ياحبيبي ..ويحتضن سما ومروان: حبايب خالو عاملين ايه !!
سما ومروان: تويسين الحمد لله ياخالو (كويسين)
مصطفي: طب بوسة لخالو بقي عشان وحشتوني
سما ومروان: وانت تمان وحستنا (كمان-وحشتنا)
مصطفي وقبلهم: مالكم قاعدين كدة ليه !! في ايه ياماما
سامية: مفيش حاجة
مصطفي: مفيش حاجة ازاي !! انتو مخبيين عليا ايه مش عاوزين تقولوه !! ماما انتي كويسة !! وبابا فين !!
سوزان: ماتقلقش هما كويسين
مصطفي: اومال في ايه ماتتكلموا !!
سامية: مفيش حاجة يامصطفي
سوزان: هتخبي عليه ليه ياماما ماهو لازم يعرف برضو ولازم نقوله ..ونظرت لمصطفى: اختك عندها كانسر يامصطفي ..صافي عندها كانسر
مصطفي بصدمة وعدم تصديق وهو ينهض: مين اللي عندها كانسر !! صافي !! انتو اكيد بتهزروا !!
سامية ببكاء: وانت شايف إن دة موضوع ينفع هزار فيه !!
سوزان: احنا مش بنهزر اختك تعبانة فعلا وكلنا اتفاجئنا واتصدمنا اول ماعرفنا زيك كدة بالظبط وكأنها بتقولنا مانتو لو مهتمين بيا شوية كنتو عرفتوا انا فيا ايه وكنتو لاحظتوا اني تعبانة إنما كل واحد فيكم مش بيفكر غير في نفسه متضايقين ليه بقي انكم اتفاجئتوا طريقتكم خليتني مقولكوش لقيت كل واحد فيكم عنده همه ليه ازود عليكم هم فوق همكم كل واحد مشغول مش بيكلف نفسه حتي يقعد ويتكلم ويسأل عليا جايين دلوقتي زعلانين اوي اني ماقولتش !! اقول ازاي وانا شايفة كل واحد بعيد ومحدش بيتكلم معايا وكل أما اجي اتكلم مع حد مش بيسمعني ولو سمع بيكون من غير اهتمام شايفة دماغكم مشغولة طول الوقت ومش فاضيين كنت اجي احكيلكم ازاي
مصطفي بدموع: هي أللي قالتلك دة كله !!
سوزان بوجع: قالت !! ياريتها كانت قالت هي ماقالتش حاجة وقالت عكس أللي جواها وعكس أللي ظاهر في عينيها ..لكن عينيها كانت كفيلة تتكلم وتعاتب من غير ماهي تتكلم عينيها قالت كل حاجة وكل لوم وزعل وعتاب جواها
مصطفي بدموع: هي فين دلوقتي !!
سوزان: في اوضتها
مصطفي: انا هدخلها
"عند صافي"
صافي: مصطفي !! جيت من الشغل بدري يعني !!
مصطفي ويحاول منع دموعه ويذهب ليأخذها بين أحضانه: وحشتيني قولت اجي اقعد معاكي
صافي: مالك يامصطفي فيك ايه !!
مصطفي: انا كويس ياحبيبتي
صافي: ماما قالتلك !!
مصطفي: قالتلي ايه !!
صافي بألم: اني تعبانة !!
مصطفي: لا ياحبيبتي مش ماما
صافي: تبقي سوزان
مصطفي: الف سلامة عليكي يانبض قلبي
صافي: الله يسلمك ياحبيبي
مصطفي: ليه ماقولتيش ياحبيبتي !! ليه خبيتي عننا !! وليه تشيلي دة كله لوحدك اومال احنا معاكي بنعمل ايه بس !!
صافي: انا اتفاجئت بالموضوع وأما عرفت بقيت متلغبطة مش عارفة اعمل ايه ولا اتصرف ازاي وبعد كدة انتو كنتو مشغولين عشان موضوع احمد ابن خالتو وكتب الكتاب وكدة ومكنتوش فاضيين ومكنتش عاوزة ابوظ فرحتكم ولا انكد عليكم فسكتت احسن وكمان عشان شايفة كل واحد فيكم دماغه مش فاضية وقولت كفاية أللي انتو فيه
مصطفي: وايه اللي احنا فيه !! ومهما كان ايه كنتي لازم تعرفينا برضو معندناش أهم منك ننشغل بيه
صافي بدموع: اعرف مين طيب يامصطفي !! انت ومن يوم أما خطبت افتكر كدة قعدت تتكلم معايا كام مرة !! وسوزان طبعا في بيتها وجوزها وعيالها الله يقويها وماما كانت مع خالتو طول الفترة أللي فاتت دي عشان حادثة احمد وكتب الكتاب وانشغلت معاها وبابا وطول اليوم في الشغل احكي لمين ولا اتكلم مع مين !! وكل واحد فيكم بعيد عني ..وشايفاكم كلكم فرحانين ومبسوطين قولت ليه ابوظ فرحتكم !!
مصطفي بدموع: انا آسف ياحبيبتي لو كنت بعدت عنك غصب عني ولا انشغلت عنك سامحيني وماتزعليش مني حقك عليا انا وإن شاء الله أما تخفي وتبقي كويسة مش هسيبك لحظة واحدة بس عشان خاطري ماتزعليش مني
صافي بدموع: فاكر ..فاكر يامصطفي أما قعدت معاك وقولتلك نفسي تتجوز عشان افرح بيك واشوفك مبسوط وفي نفس الوقت مش عاوزاك تتجوز عشان خايفة تاخدك مني ومتقعدش معايا وتنشغل عني !! ودة اللي حصل انشغلت عني فعلاً قبل الجواز حتي
مصطفي ويقبل رأسها: عارف اني غلطت وقصرت معاكي بس آسف والله وهعوضلك دة كله وكل حاجة
صافي: ياعالم هتلحق ولا مش هتلحق
مصطفي: اوعي تقولي كدة تاني إن شاء الله هتخفي وتبقي كويسة ومفيش حاجة وحشة هتحصل
صافي: الموت عمره ماكان وحش يامصطفي علي الاقل بتكون في مكان احسن من هنا بعيد عن الدنيا أللي بقت كلها مليانة كدب وغل وحقد وكره ونفاق بتروح مكان ولا فيه كره ولا كدب ولا نفاق بتروح مكان هادي ونضيف بعيد عن هنا ترتاح فيه
مصطفي: بس بقي حرام عليكي ياحبيبتي إن شاء الله تخفي وتبقي كويسة وترجعي احسن من الاول صافي بتاعت زمان الفرفوشة أللي دايما ضحكتها منورة وشها ومالية حياتنا كلها بهجة وحيوية
صافي وهي تبكي في حضنه: انا خايفة ..خايفة يامصطفي
مصطفي: ماتخافيش ياحبيبتي إن شاء الله هتكوني كويسة
صافي: المفروض اني هعمل العملية ونسبة نجاحها ضعيفة بس قبل العملية المفروض اني هروح للدكتور الاول عشان اعرف الورم أللي عندي حميدي اخدله أدوية لفترة وبعد كدة يتحدد معاد العملية ولا خبيث ويضطر يتعالج كيماوي ولو جزء صغير يمكن استئصاله ونسبة نجاح العملية ضعيف لانه ممكن يرجع تاني في أي وقت ..عرفت بقي انا خايفة ليه يامصطفي !! وطبعا محدش يعرف الكلام دة هما يعرفوا اني هعمل عملية بس
مصطفي ببكاء: ياحبيبة قلبي إن شاء الله مفيش حاجة وحشة وهيكون حاجة بسيطة وتعملي العملية وتنجح وترجعي احسن من الاول مليون مرة كمان إن شاء الله انتي ماتخافيش وثقي في ربنا وخلي عندك حسن ظن بيه واحنا كلنا جمبك ومعاكي ومش هنسيبك
صافي بدموع: يارب ..يارب ..ادعيلي يامصطفي ادعيلي
مصطفي: بدعيلك ياأغلي من حياتي تقومي بالسلامة عشان ترجعيلي روحي انتي روحي ومن غيرك انا مش عايش
٭٭٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭
سميحة: احكيلي بقي مالك ياحازم ياحبيبي ساكت طول الوقت مابقتش حازم بتاع زمان أللي بيضحك ويهزر وينكش كل حد ايه حصل خلاك كدة ياحبيبي
حازم وينظر إليها وعينيه مليانة حزن: اقولك ايه بس ياطنط .. الواحد من كتر الزعل اللي جواه مابقاش عارف ايه اللي مزعله أصلا ولا هو عاوز ايه بيتغير لشخص هو مش عارفه ولا عاوزه بس بيكون الشخص دة غصب عنه بيبعد عن الضحك والهزار وبيدخل في مود الزعل والاكتئاب ومبيعرفش يطلع منه تاني لدرجة بتخليه يستغرب ايه وصلني لكدة !! وايه خلاني استسلم اني اوصل للمرحلة دي !! وفي الآخر مش بيلاقي إجابة يرد بيها علي نفسه تريحه فبيضطر أنه يسكت ويبعد شوية ويرجع من تاني لكن أما بيقرر يرجع بيكون لسة جواه حتة حزن كدة لسة واخدة مكان في قلبه والحتة الصغيرة دي متحكمة فيه بالكامل ساعات ياطنط الحزن بيكون اكبر من أنه يتحكي أو يتوصف لأن شعوره صعب يتفهم مادام ماتحسش
سميحة: كل دة جواك شايله وساكت !! ليه ياحبيبي تشيل دة كله جواك وتسكت !! تعالي وطلعه عشان ترتاح حتي لو مش الراحة الكاملة بس هترتاح برضو شوية إنما شايل الهم كله لوحدك !! وبعدين بلاش كلمة طنط دي قولي ماما زي أدهم ولا انا مش زي ماما بقي !!
حازم: لا طبعا دة حضرتك زي ماما بالظبط وشرف ليا والله
سميحة: ربنا يخليك يارب ياحبيبي .. احكيلي بقي دلوقتي ايه اللي حصل لكل دة
حازم: دي حكاية طويلة اوي
سميحة: اسمعها
حازم وقص عليها كل ماحدث: بعد كل الحب دة قالتلي انها عمرها ماحبتني وإن كل كلامها ليا كان كدب في كدب والبنت التانية أللي حبيتها وحسيت انها ممكن تعوضني عنها رفضتني هي كمان وأما سألتها عن السبب رفضت تحكي وسابتني ومشيت ومعرفش دة كله بيحصل معايا ليه !! هو انا وحش طيب !! طيب فيا حاجة اغيرها !! ليه كله بيرفضني وليه مش بيحبوني زي مابحبهم
سميحة: انت مش وحش ولا حاجة ياحبيبي انت كويس جدا بس هي الفكرة كلها إن نصيبك لسة مجاش وإن بنت الحلال أللي من نصيبك متشالة ليك لحد ماتروحلها ودي كلها بتكون ترتيبات ربنا .. وأللي بعد عنك احمد ربنا انت متعرفش كان ممكن يحصل ايه لو كنت اتجوزتها وتحمد ربنا كمان إن ربنا كشفهالك بدري قبل ماكنتو تتجوزوا ويبقي معاك عيال منها ..طيب هقولك مش يمكن
كنتو اتجوزتوا وكانت جت وقعتك مع أدهم وخليتكم تخسروا بعض !! إنما ربنا برضو خلاها تعترف علي نفسها وتقول الحقيقة عشان يبعدها عنك نهائي فامتزعلش اما ربنا يبعد حد عنك انت ماتعرفش لو كان فضل موجود كان ممكن يحصل ايه !! أما بالنسبة للبنت اللي رفضتك ومتعرفش السبب هي اكيد عندها سبب ترفض عشانه ويمكن تكون مش حابة تتكلم فيه عشان خايفة تخسرك أو بعد ماتعرفه تبعد عنها وممكن مش عاوزة تجرحك ولا تظلمك معاها وخايفة من كدة يمكن مش عاوزة تفتكره وممكن مش مستعدة للخطوة دي دلوقتي ..انت حاول تطمنها وتحسسها انك بتحبها وعاوزها هي وميهمكش اي حاجة تانية بس حاول تطمنها
حازم: هحاول اتكلم معاها كدة تاني يارب توافق
سميحة: بإذن الله هتوافق ..بس لو مارضيتش تحكيلك ايه سبب رفضها في الاول
ماتضغطش عليها وتصمم انك تعرف كل واحد وليه ظروفه وهي اكيد هاتيجي تحكيلك من نفسها أما تطمنلك
حازم: حاضر يا..سميحة مقاطعة له بضحك: ها يا ايه !!
حازم بضحكة: ياماما ..حاضر ياماما
سميحة: أيوة كدة شاطر ..يلا قوم بقي كدة البس اي حاجة من عند أدهم وكلمها كدة وقابلها وربنا يكتبلك الخير يارب
حازم: لا انا هقوم اروح شقتي اخد شاور كدة بقي واظبط نفسي واكلمها نتقابل
سميحة بإبتسامة: ماشي ياحبيبي اللي يريحك ..ماتيجي تقعد معانا يومين بدل مانت قاعد لوحدك كدة
حازم: ربنا يخليكي يارب ياطنط انا مرتاح كدة والله
سميحة: طنط تاني !! طيب ايه رايك بقي انك هتجيب هدومك وتيجي تقعد معانا هنا ولا هدوم ليه دولاب أدهم موجود
حازم بضحك: آسف اسف بنسي والله
سميحة: أيوة كدة ارجع بقي اضحك من تاني .. وبرضو هاتيجي يلا اتفضل مفيش نقاش
٭٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭
حنين تجلس مع والدتها ليرن هاتفها وتنظر لتري من الذي يتصل بها
حنين وتنظر لوالدتها وهي تقول: دة حازم
كوثر: طيب ردي عليه
حنين بتوتر: لالا انا مش هرد عليه
كوثر: يابنتي ردي عليه شوفيه عاوز ايه
حنين وهي تفتح الخط: الو
حازم: الو آنسة حنين انا اسف اني بكلمك بس ارجوكي بلاش تقفلي السكة
حنين: اتفضل خير !!
حازم: مش هينفع كلام في التليفون اقدر اقابلك !!
حنين وتنظر لوالدتها: تقابلني !!
حازم: من فضلك لازم نتقابل
حنين وتنظر لوالدتها لتومأ لها والدتها بالموافقة: تمام ماشي تحب نتقابل فين !!
حازم بفرحة: في كافيه ....
حنين: تمام ساعة واكون عندك ..وأغلقت الخط
كوثر: انزلي قابليه وشوفيه عاوز ايه
حنين: انا عارفة هو عاوز ايه ..عاوز يعرف انا رفضت ليه وسبب رفضي
كوثر: اديله فرصة يابنتي شكله بيحبك ولسة متمسك بيكي
حنين: حاضر ..حاضر ياماما
٭٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭٭٭٭
في احد الكافيهات
حازم: كنت خايف ماتجيش
حنين وهي تجلس: اتفضل تحت امرك طلبتني ليه !!
حازم بألم: من حقي اعرف اترفضت ليه !!
حنين: مش هيفيد بحاجة خلاص
حازم: طيب بلاش اعرف بس ليه حتي مدتيش نفسك فرصة تفكري شوية انتي يعتبر
مفكرتيش ليه رفضتي من غير ماتفكري ولا تديني وتدي نفسك فرصة حتي نتعرف
حنين: ساعات بيكون جوانا وجع صعب نتكلم عنه أو نحكيه ساعتها بنفضل السكوت والبعد عن الناس أللي بنحبهم عشان مايتأذوش معانا
حازم: طيب بصي ايا كان السبب خلاص مش عاوز اعرفه وقت ماتلاقي نفسك حابة تحكي
تعالي واحكي بس ممكن تبعدي اي حاجة عن دماغك وتفكري بهدوء وتدينا فرصة
حنين: بص ياحازم انت شخص كويس جدا ومحترم واي بنت تتمناك
حازم: وليه ماتكونيش البنت دي انتي !! انا عاوزك انتي مش عاوز اي بنت غيرك .
.وماليش دعوة بالماضي أللي واجعك ومش عاوزة تتكلمي فيه اي حاجة قبل أما اعرفك انا ماليش دعوة بيها وبوعدك أنها
مستحيل تأثر علي علاقتنا ولا علي حبي ليكي لأني مش من حقي احاسبك علي حاجة
فاتت انا ماكنتش موجود فيها ولو كنتي خايفة اني اسيبك ولا كدة فدة مستحيل يحصل مهما كان
ايه السبب مستحيل حاجة تبعدني عنك والسبب أللي مخليكي مش عاوزة تحكي دة خلاص بلاش
حنين: هاييجي الوقت واحكيلك وتعرف فيه كل حاجة
حازم: طيب ممكن اسمع بقي رأيك !!
حنين: حاضر هبقي افكر واقولك
حازم: تفكري تاني !!
حنين: انت لسة قايل اني مفكرتش اولاني !!
حازم: تمام خدي وقتك براحتك
٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭٭٭
وبعد مرور أسبوع يقف حازم امام المرآة وهو في قمة سعادته
أدهم: اخلص ياعم الحبيب
هتقعد ساعة بتلبس في حتة بدلة
حازم: ايه ياادهم بدل ماتقولي مبروك
سميحة بسعادة: مبروك ياحازم ياحبيبي ربنا يتمملك علي ألف خير يارب
حازم: الله يبارك فيكي ياماما ياحبيبتي
"وبعد مرور بعض الوقت ذهبا الجميع ليذهبوا لمنزل العروسة وعندما وصلا لهناك فشعر أدهم بالقلق"
أدهم: انت متأكد إن دة العنوان !!
حازم: أيوة ياادهم في ايه مالك !!
أدهم: لا مفيش
سميحة: ايه دة !! دة بيت خالتك
أدهم: أيوة ..انزلوا يلا
"علي الجانب الآخر"
آمال بإبتسامة: حبيبتي ياحنين مبروك وربنا يتمملك بخير يارب
حنين بإبتسامة: يارب ياحبيبتي وعقبالك يارب
آمال: عقبالي !! ماعتقدش
وقاطع حديثهما جرس الباب لتقول حنين بتوتر: اكيد هما
آمال بضحك: طيب اهدي اهدي مالك في ايه !!
حاتم بإبتسامة: يلا ياعروسة
حنين بإحراج: حاضر
آمال: يلا ياحبيتي وبلاش توتر
"تذهب حنين للمطبخ لتحمل صنية المشروبات وتخرج بها ووجهها في الأرض لتضعها
علي الطرابيزة ثم ترفع وجهها لتتفاجئ بوجود خالتها وادهم مع حازم لتخرج ورائها كوثر وآمال ليتفاجئوا هما أيضا"
كوثر: سميحة !!
سميحة بإبتسامة: ازيك ياكوثر وصدقيني احنا كمان مصدومين زيك
كوثر وتحتضنها: ازيك ياسميحة ياختي
حازم بهمس لادهم: انتو تعرفوا بعض !!
أدهم بنفس الهمس: خالتي يامتخلف وانت جاي تخطب بنت خالتي
حازم: ياخبر الدنيا صغيرة فعلا
آمال وتسلم علي أدهم: ازيك يا أدهم
أدهم بجمود: الحمد لله بخير
حازم: ايه دة دي آمال
أدهم: يارب ارحمني
حازم: لسة شايفها أما جت سلمت علينا ياعم خلاص
محمود: طيب نخش في الموضوع علطول
مختار بابتسامة: اتفضل ياابو نسب
محمود بضحك: هنبقي نسايب اهو مرة كمان بس العيال بقي
فضحك الجميع وأكمل محمود كلامه بجدية: طبعا احنا جايين النهاردة يشرفنا اننا نطلب ايد الآنسة حنين لابننا حازم
مختار بإبتسامة: مفيش كلام بعد كلامك يامحمود انت عارف دي مجيتك لحد هنا انت ومدام سميحة كبيرة اوي وكفاية أنه من طرفكم
سميحة بإبتسامة: ربنا يخليك يارب ياابو حاتم وحازم انا اضمنهولك ولد محترم ومتربي ويعتبر هو وادهم متربيين مع بعض
مختار: بص يابني انا اهم حاجة عندي تشيل بنتي في عينيك وتخلي بالك منها وتحافظ عليها
حازم بإبتسامة: ماتقلقش ياعمي دي جوة عنيا
محمود: طيب نتفق بقي !!
"وتم الاتفاق وانهاء كل شيء"
محمود: نقول مبروك ونقرأ الفاتحة بقي !!
مختار بإبتسامة: نقرأ الفاتحة
"وبعد انهاء قراءة الفاتحة قام الجميع يباركون للعروسين في جو من البهجة والسعادة هناك قلوب سعيدة ومن شدة الفرحة تكاد تقف وهناك قلوب حزينة تائهة" وخرج للبلكونة أدهم ليجري مكالمة هاتفية ولاحظت امال خروجه فخرجت ورائه لتستغل فرصة الحديث معه لكنها رأته يتحدث فوقفت لتستمع
أدهم: وحشتيني ..وحشتيني
ياسمينا بإبتسامة: وانت كمان ..ماكنتش بترد ليه !!
أدهم: ماكنتش فاضي
ياسمينا بتحذير: أدهم !!
أدهم: خلاص ماتزعليش ..اصلنا بنخطب للواد حازم وطلعت بنت خالتي
ياسمينا: ايه الصدف دي !!
أدهم: انا اتفاجئت وحياتك
ياسمينا بضحك: ربنا يتممله بخير يارب
أدهم: عمالة تدعي للناس كلها طب ايه واحنا !!
ياسمينا: مالنا !! ماحنا زي الفل اهو
أدهم: أيوة ربنا هيتمملنا بخير امتي !!
ياسمينا بكسوف: إن شاء الله انت مستعجل ليه
أدهم: لا خالص مش مستعجل خالص اهو ..ويلتفت ورائه ليلاحظ امال الواقفة ليقول لياسمينا: بقولك ياحبيبتي شوية وهرجع اكلمك أما اروح
ياسمينا: ماشي خد بالك من نفسك
أدهم: حاضر ياحبيبتي وانتي كمان ..يلا سلام .. واغلق الهاتف والتفت لينظر الشارع
آمال وهي تقف بجانبه تكلمه: عارف اول أما شوفتك معاه وشوفت خالتو قولت في بالي دة جاي يخطبني وعاملهالي مفاجأة وفرحت اوي من
جوايا واتمنيت أنه يكون صح لكن طلع غلط وجايين تخطبوا حنين بس واول أما عمو
محمود اتكلم كنت فاكرة أنه هيطلبني لكنه طلب حنين قولت يمكن هيطلبني بعد حنين لكن محصلش وطلب حنين بس
أدهم دون النظر إليها: خلصتي كلامك !!
آمال: هو للدرجة دي مش عاوز تبصلي حتي !! ولا تشوفني !! ماوحشتكش زي مانت وحشتني !!
أدهم ويلتفت إليها: أولا أنا معرفش ازاي أصلا جيه في تفكيرك اني جاي اخطبك وانا خاطب وبموت في خطيبتي !! ثانيا بقي لا ماوحشتنيش وغيابك مابقاش يفرق معايا ولا بقيت بحسه ووجودك بقي زي غيابك عندي وثالثا بقي ودة الأهم انسيني احسن ليكي لأني مش هرجعلك مهما حصل حتي لو كنت سيبت خطيبتي ودة مستحيل طبعا برضو مش هرجعلك ..عن اذنك يابنت خالتي
"آمال وظلت تبكي وتبكي من الالم الذي تشعر به في قلبها هاهو حب عمرها لم
تستطع عودته لها فهي المخطئة منذ البداية أن تركته وذهبت لغيره فهي حقا تندم أشد الندم"
٭٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭٭٭٭
وفي يوم من الايام
أدهم: لسة نايمة !!
ياسمينا بكسل: اه لسة صاحية اهو
أدهم: طيب فوقي كدة واجهزي عشان نتغدي مع بعض النهاردة
ياسمينا: خلاص ماشي حاضر
"وبعد أن اغلق أدهم معها الهاتف سمع صوت طرق علي الباب فأذن بالدخول"
آمال: ازيك يا أدهم
أدهم وهو يرفع وجهه: آمال !! ايه جابك هنا !! وعاوزة مني ايه تاني !!
آمال: انا مش عاوزة منك حاجة انا عاوزاك تساعدني واقعة في مشكلة ومش عارفه اعمل ايه ومالقتش غيرك يقف جمبي
أدهم: طيب اهدي اهدي
بتترعشي ليه كدة !! تعالي اقعدي
آمال: لا مش هينفع نتكلم هنا ممكن لو ننزل نقعد في أي مكان
أدهم: تمام ماشي ..اتفضلي
٭٭٭٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭٭٭٭
هند: ايه يامصطفي بقالنا ساعة قاعدين والأكل قدامنا وعمال بتلعب بس ومش بتاكل حاجة !!
مصطفي: ماليش نفس ياهند معلش
هند: مالك يامصطفي فيك ايه !! بقالك اسبوع متغير ومش بتنزل الشغل ولا بترد علي تليفونك في ايه !! وكل أما أسألك تتوه
مصطفي: انا كويس ياهند ..كويس
هند: لا انت مش كويس يامصطفي ولازم تحكيلي مالك يمكن اقدر اساعدك !!
مصطفي بألم: صافي اختي تعبانة
هند: الف سلامة عليها بس تعبانة مالها !!
مصطفي بدموع: عندها كانسر
هند بصدمة ووضعت يدها علي فمها: كانسر !!
مصطفي: مش كنتي عاوزة تعرفي مالي اديكي عرفتي
هند بمواساة: انا آسفة مكنتش اعرف بس كنت قلقانة عليك وعاوزة اطمن عليك والله ..
وإن شاء الله هي هتكون كويسة واحسن من الاول كمان بس انتو ادعولها وخليكم عندكم ثقة ويقين بربنا
مصطفي: ونعم بالله احنا واثقين في ربنا الحمد لله وإن شاء الله خير
هند: إن الله إذا احب عبدا ابتلاه ..ربنا بيحبها عشان كدة ابتلاها ودة اختبار من
ربنا ليكم بيختبر بيه صبركم وثقتكم بيه فلازم تكونوا اد الاختبار وتثقوا بربنا
وانتو ماتعرفوش حكمة ربنا ايه بعد كدة
مصطفي: ونعم بالله ..انا بس مش قادر اشوفها قدامي تعبانة ولا فيها حاجة دي
حتة مني لو جرالها حاجة مش عارف انا هعمل ايه انا دلوقتي
روحي رايحة مني اومال بقي لو راحت !! قاطعته هند: بس يامصطفي
ايه اللي بتقوله دة !! بعيد الشر عنها هي إن شاء الله هتبقي كويسة وترجع احسن
من الاول كمان كل حاجة في ايد ربنا ادعيلها
مصطفي: بدعيلها والله بدعيلها
٭٭٭٭٭٭٭٭٭٭٭٭٭٭٭ صباح وحيد ٭٭٭٭٭٭٭٭٭٭٭٭٭٭٭٭
ياسمينا وهي متوترة وعمالة رايحة جاية في الاوضة وكل شوية تبص في الساعة
وهي تقول: الساعة بقت ٤ ياتري هو دة كله فين ومش بيرد عليا ليه !! طيب ماانزله الشغل احسن وأعملهاله مفاجأة احسن ..
وذهبت ياسمينا للشركة بالفعل وذهبت للمكتب لتوقفها هدير قائلة: أدهم بيه مش جوة يا آنسة ياسمينا
ياسمينا: مش جوة ازاي دة مكلمني قايلي أنه في الشغل
هدير: صدقيني والله مش جوة نزل من شوية
ياسمينا: تلاقيه نزل يجيب حاجة أو دخل التواليت عادي ..وفتحت المكتب ولم تجده بالفعل
هدير: صدقتيني حضرتك أنه مش جوة
ياسمينا: ماتعرفيش نزل راح فين !! ولا من أمتي !!
هدير: لا والله ماقاليش ..ونزل من ساعة مع واحدة اسمها آمال
ياسمينا: آمال !! وتطلع مين آمال دي كمان !!
هدير: بتقولي حاجة !!
ياسمينا: ها لا خلاص روحي انتي ياهدير
"وجلست ياسمينا تفكر وقلبها واجعها وقاطع تفكيرها صوت رسالة تأتي لها عبر الواتساب
وكانت عبارة عن صورة بها أدهم وآمال يجلسان معًا فتصنمت
ياسمينا وقاطع هذا صوت رنين هاتفها بنمرة غريبة لترد بصوت حزين: الو
مجهول: خطيبك ياآنسة ياسمينا مع حب عمره القديم دلوقتي والصورة معاكي شوفتي
بنفسك ولو مش مصدقاني روحي شوفي بنفسك والعنوان .....لو حابة تتأكدي بنفسك .. سلام
ياسمينا وأغلقت الهاتف بضعف ومش قادرة تتحرك ومصدومة من الكلام أللي سمعته
والصورة اللي شافتها وخرجت وهي مش دارية بحاجة حتي
هدير بتنده عليها تطمن عليها مسمعتهاش وكملت في
طريقها لحد ماخرجت برة باب الشركة ووقفت تاكسي ووصلت للكافيه المتواجد به أدهم
ياسمينا وهي تبحث عنه
حتي رأته لتذهب إليه وتفاجئه برمي الدبلة علي الطرابيزة: دبلتك يا أدهم بيه
أدهم: ..........