رواية مكتوبة علي اسمي كامله بقلم ملك ابراهيم ) جميع الفصول مكتملة حتي الاخير الخاتمه

 رواية(اين منزلى)

بقلم/ندى حسن

الفصل الأول والثانى 

الفصل الاول

ندى: فتاة جميلة جدا تبلغ من العمر22 عام وفى الفرقة الثالثة من كلية التجارة تمتلك عيون ملونة .هى حنونة جدا وعصيبة ايضا .وتغضب بسرعة 

ولكن تهدا ايضا بسرعة ولكن هى طيبة القلب واحيانا مرحة واحيانا جدية وهنتعرف على شخصيتها اكتر فى الرواية 

.وتكره الكذب والخداع وتقطع صلتها بأى شخص يكذب عليها وتحب دراستها كثيرا فهى متفوقة فى دراستها وتطلع من الاوئل على دفعتها ......

وباقى الاشخاص هعرفهم مع الاحداث 

تنادى نهال(والدة ندى):يااااندى اصحى هتتأخرى على المحاضرة

ندى بنعاس:حاضر ياماما قمت اهو 

قامت ندى وذهبت لتتؤضا وتؤدى فرضها 

نهال:ما تتاخريش ياندى عشان تفطرى انتى واخواتك سوا 

ندى..حاضر ياماما 

وبالخارج :كانت تركض خد هنا تعاااالى يا زفت والله لو ماجيت هضربك ..كانت هذه ملك اخت ندى وتبلغ من العمر 18 عام وكانت تركض خلف توأمها ويدعى كرم

كرم:مش هتعرفى تمسكينى 

نهال بملل فهذه عادتهم:انتوا مش هتكبروا بقا ابدا كل يوم كده

ملك بغضب:ياماما هو الى غلطان تعالى شوفيه بيعمل ايه

نهال:عملك ايه يعنى 

ملك:ابدا ابنك ده برئ هو ده بيعمل حاجة سحب منى الفون وانا بكلم صحبتى بس ومش راضى يدهولى

الام وهى تخرج من المطبخ:عملت كده لي..............يااااخرااابي ايه الى عملتوه ده ندى هتقتلكم 

كرم بمرح :طب ايه هنلحق نهرب ولا ايه 

ندى وهى تخرج من الغرفة:فى ايه ياجماعة مال............ولم تكمل حديثها ونظرت امامها بصدمة مما تراه 

ندى بصدمة :ايه ده ياشوية جذم لييييه كده

ابتلع كلا من كرم وملك ريقهم فم يعرفون ندى عندما تغضب 

فكانت اشياء ندى مبعثرة على الارض واسكتشاتها مرمية على الارض وكتبها..و.و.و

ندى بهدوء:مين عمل كده هااا وليه عمل كده فى بنى ادمين عاقلين يعملوا كده ....انطقوااا

ثم نظرت ل اخواتها وركضت ورائهم .كرم ووهو يركض بخوف:مش انا والله ديه هى

ملك وهى تركض هى الاخرى.:مش كله بسببك ياحيوان انت

ندى وهى تصرخ بهم:والله العظيم لو ماثبتوا فى مكانكم لامسكم اضربكم وانتوا عارفينى لما احلف

توقف كلا من كرم وملك فهم يعلمون ندى عندما تغضب لا تعرف احد 

ندى بهدوء:لييه عملتوا كده 

ملك برعب ف ندى عيونها حمراء من الغضب:ده ده ده

ندى:هتقضلى تقولى ده ده كتير علقتى ولا ايه 

ملك:والله ياندوش مش قصدى

ندى بعصيبة:بطلى تقولوا الاسم ده ياباردة انتى عارفة انى مابحبوش

ملك ببسمةفهى تعلم انا ندى لم تفعل لها شئ فهى طيبة جدا ولكن تغضب بسرعة:سورى سورى مش قصدى نسيت

ندى وقد هدأت:ملك لخصى ايه الى حصل وعملتى كده ليه وانتى عارفة انه مابحبش حد يمسك ادواتى

ملك:والله كرم الى عصبنى وسحب منى الفون ومالقيتش حاجة قدامى غير ادواتك ف كنت بحدفهم فيه بس 

ندى وهى تحاول ان لا تتعصب مرة اخرى فهذا خطأها فهى كانت تذاكر امس فى الصالة حتى منتصف الليل ومن تعابها

 دخلت تنام فورا ونست ان تلم اشيائها من كثرة تعبها:طيب ياملك بس لو الموضوع ده اتكرر تانى. ...ولم تكمل كلامها حتى طرق الباب ذهب كرم لفتح الباب وقال بصوت مرتفع ده آسر

ندى بصدمة:اسر 

(الفصل  الثانى)

ندى بصدمة:اسر الله يخربيتكم نستونى انى عندى محاضرات اصلا 

اسر وهو يضرب كرم على قفاه:ماتوسع كده ياعم الحاج

كرم وهو يرد له الضربة ولكن عند ضهره ف اسر اطول من كرم بكثير 

ندى بملل فهذه عادتهم:خلاص بقا يا اسر تعالى ادخل 

اسر:صباح الخير يانودى 

ندى.. صباح النور 

ملك وكرم:محن محن يعنى 

اسر : يابنى هو انا قلت لها حاجة انا بصبح عليها بس .يالا ياحبيبتى الا اتاخرنا ثم اخرج لساانه ل كرم

ندى ببسمة:طب مش هتفطر 

اسر:نفطر ايه بس ياندى احنا متاخرين يالا

ذهبوا اسر وندى وهم متجهين الى الجامعة اسر : ضاربة بوزك ليه 

ندى:مافييش انا كويسه 

اسر:على اسورتك برده 

ابتسمت ندى عليه وقالت:هكون مالى التوأم المجنون يابنى هيجننونى معاهم وكل شوية خناق وزعيق والنهاردة ادواتى حدفوا بيهم بعض 

اسر ببرود :وايه يعنى 

ندى بإنفعال بسيط:ماهو يافاشل انت مش بتاع تعليم وكأن الدنيا عندك سبهللة يابنى اتجدعن وذاكرلك كلمة خلينا نخلص الكلية مع بعض وعشااان ماتصقتش وتطلع بمواد  وتبقى انت فى سنة وانا فى سنة 

اسر يملل :بقولك ايه ياختى فكك منى وبعدين هو انا مش كل سنة بنجح عايزة ايه تانى وبعدين انتى تجارة انجلش وانا تجارة عربي انا عارف ايه الى دخلك انجلش ما كان حالك دخلتى عربي عشان تبقى معايا وتغششينى كلمتين

ندى بغضب وصوت منخفض:بس يا فاشل اغشش مين وبعدين تعالى هنا مالها تجارة انجلش مادخلتهاش معايا ليه 

اسر : ياحبيبتى اتنيلى هو انا بفهم عربي عشان افهم انجليزى 

ندى بضحك:يخرب عقلك يا اسر 

اسر : ياخرابي على الضحكة العسل ياناس ولا غامزتينك دول

ندى : اسر اتلم ياله انت عبيط 

اسر بضحك : انتى بتقفشي بسرعة ليه يا قلبي 

ندى :المهم مامتك عاملة ايه وعمو 

اسر ببرود لكى يستفز ندى:احسن منك 

ندى :تصدق انك بارد وعمرك ما هتتغير وانا مش ماشية معاك بعد كده 

اسر:ياسلام وانا مش عايز امشى معاكى تانى

وصل اسر وندى الى الكلية واتجهت ندى الى ميار نظرت خلفها وجدت اسر فهى تعلم انه يلحق بها حتى يطمئن عليها حتى تدخل المدرج

ندى: خيارتى الحلوة عاملة ايه

ميار : الحمد لله يا نودى انتى عاملة ايه

ندى : الحمد لله بخير 

ميار : اومال فين آسر ماجاش ولا ايه

ندى : جه بس اتخانقنا مع بعض وسيبته ومشيت 

ميار بضحك:عادتكم ولا هتشتروها ثم نظرت الى مكان ما :اهو لسه واقف مستنيكى تدخلى اهو

فهو على دائما يفق فى ذلك المكان عندما يتشاجر هو وندى ليكى يطمأن عليها 

ندى : خلاص ياميار يالا بينا يالا عشان المحاضرة هتبدا 

بعد مرور حوالى 3 ساعات خرجت كلا من ندى وميار من المحاضرة اتجه ذلك الشاب اليهم 

ميار:الحقى ياندى الولد الغتت جاى علينا 

ندى:اوووف بقا ولد كالح وقليل الاداب صحيح كل شوية على كده وانا مش راضية اقول ل اسر عشان ما اعملش مشاكل 

الشاب وهو يمد يده ل ندى :ازيك يا انسة ندى عاملة ايه 

ندى وهى تاخذ يد ميار : يالا ياميار الجو بقى خنقة ف ندى لاء تتحدث مع الشباب ولا تحب ان تتحدث معهم ابدا

الشاب:ثوانى بس عايز اسالك على حاجة فوقفت ندى فظنت انه يريد ان يعرف شئ فى المحاضرة فهى بريئة بعض الشئ🙂

ندى : اتفضل بس ياريت بسرعة 

الشاب وهو يمد يده :طب مش هتسلمى طيب

ندى :سورى مش بسلم على الرجالة 

الشاب : احم مافيش مشكله طيب ممكن نقعد فى الكافيه نتكلم بس

ندى وهى تستغفر ربها: يالا ياميار الاخ باين عليه فاضى

تقدمت ندى لكى تذهب بينما هو امسكها من معصمها 

نظرت له ندى بغضب : انت ازاى تسمح لنفسك ياحيوان انك تمسك ايدى كده  لم يستطيع الرد عليها بسبب اللكمة الذى تلقها نظرت ندى بصدمة لذلك الشخص وجدته اسر 

اسر بعيون حمراء وغضب شديد: انت ازاى ياجذمة ياحيوان تمسك ايديها كده ده انا هقتلك .

ندى وهو تمسك وتسحبه:خلاص يا اسر عشان خاطرى هتلم الكلية علينا وهتعمل مشاكل وانا مش عايزة مشاكل 

الشاب وهو يسمح الدم من انفه:ما انتى تعرفى شباب اهو وعاملة لنا فيها شيخة والخضرة الشريفة من ساعة ماجيتى الكلية 

اسر وهو يتجه له ويلكمه:اخرس يا حيوان انت ازاى تقول عليها كده ثم تشاجروا سويا وندى تبكى بشدة 

.جاء العميد : ايه اللي بيحصل هنا ده 

الشاب: يادكتور هو الى...

العميد مقاطعا :كلكم على المكتب فورا ونشوف المشكلة ديه

نظر آسر الى ندى و وجدها تبكى بشدة زفر بضيق فهو لم يستطيع ان يراه دموعها اخذها وذهبوا هم وذلك الشاب البغيض الى المكتب 

الدكتور:ايه الى حصل تحت ده

الشاب بكذب : يافندم انا شوفتها واقفة مع الشاب ده تحت ووقفين فى وضع مش كويس وبيعملوا حركات مش كويسه فرحت وبقولهم كده غلط ف هو مسك فيا وقعد يضربنى 

نظرت له ندى بصدمة فكيف يستطيع الكذب بهذه السهولة انه حقا حقير واسر ينظر ل ندى الذى تبكى فى صمت وويحاول الا ينفعل 

العميد :انتوا الاتنين مفصولين من الكلية 

نظرت له ندى بصدمة ماذا هذا ايعقل ان تنفصل من الجامعة ولم تستطيع تكملة دراستها وتسافر الى الخارج من اجل اتمام مسيرتها التعليمة (انه هى تعمل الماجستير او الدكتوراه يعنى)

اسر وهو يحاول السيطرة على غضبه: الولد ده كداب يادكتور انا الى جيت لقيته ماسك ايديها غصب عنها

الشاب : وانت مالك انت بتدخل ليه

اسر ببرود : وانت مالك انت بتسال ليه 

ثم نظر الى  العميد 

وهنا  العميد  عرف ان ذلك الشاب يكذب .اتجه الدكتور الى ندى وقال .ايه الى حصل يا انسة 

ندى حكت له ماذا حدث دون ان تزود شئ 

الدكتور وهو لا يظهر على ملامحه شئ:طيب انا مش هسمح لموقف زى ده يحصل تانى والمردة ديه هعديهالكم مرة تانية ماتلموش الا نفسكم..اتفضلوااا 

ف  العميد لم يستطيع معاقبة الشاب فهو من عائلة غنية 

لم تستطيع ندى تحمل كل هذا فسقطت مغمى عليها ولم ينتبه اسر لها فقط سمع صريخ ميار وهى تقول : ندددددددد

رواية (اين منزلى)

بقلم  ندى حسن

الفصل الثالث

ذهبوا  سريعا إلى المنزل ومعهم ميار

نهال وهى تفتح الباب وتشهق :مالها ندى يا أسر

آسر : مالهاش يا طنط هتبقى كويسه بس هاتى مياه وحصلينى على اوضتها عشان افوقها 

ذهبت ام ندى وجلبت المياه واعتطه ل اسر رش اسر المياه على وجه ندى ففاقت وهى تنظر الى امها ويبدو على ملامحها القلق الشديد 

ندى ببسمة : انا كويسه والله ياماما الحمد لله مافيش حاجة 

نهال وهى تجلس بجانب ابنتها:ايه الى حصلك ياقلب ماما بس 

حكت ندى لامها ماذا حدث فهى لا تستطيع ان تخفى على امها شئ كل هذا تحت انظار اسر الصامت فهو يحمد ربه انها بخير هو لا يستطيع ان يرى ندى بها خدش صغير حتى

نهال وهى لاتريد ان تقلق ندى:خلاص ياحبيبتى معلش ياقلب ماما 

ندى : بلاش تحكى لبابا حاجة مالوش لزوم .عشان ماتشغليهوش بس

ابتسمت نهال لها 

اسر بحنان :انتى كويسه ده الوقت 

ميار : الف سلامة عليكى ياقلبي خضتينى عليكى

ندى وهى تتجاهل اسر: الله يسلمك انا الحمد لله كويسه

ميار: عايزة حاجة يانودى بقا عشان اتاخرت 

اسر : طب استنى اوصلك

ميار : لاء مافيش داعى شكرا

ندى وهى تتمتم :حنين اوى ياله

سمعها اسر فقال بغيظ:بتقولى حاجة ياقلبي

ولكن ندى لم ترد عليه

  .خرجت ميار بينما قال اسر : ندى بطلى بقا تعاملينى كده وانتى عارفة انى مابحبش حد يتجاهلنى

ندى ببرود: انا عايزة انام لو سمحت اتفضل 

اسر🤨 : والنبي ايه

ندى ببرود : عليه افضل الصلاة والسلام

اسر وهو يذهب لندى ويجذبها من يديها :ندى ارجوكى انا عارف انك زعلانة منى بس والله غصب عنى لما لقيته بيمسك ايدك كده كنتى عايزانى اتفرج عليه

ندى وهى تقاطعه وتتذكر كيف مسك يديها ذلك الحقير وبدموع:انا ماكنتش عايزة مشاكل ومش بحب المشاكل وفضلت اقولك بلاش بس ازاى اسر باشا مايعملش مشكلة ويضرب الولد 

اسر وهو يحاول التماسك لانه لا يستطيع ان يرى دموعها: ندى ياحبيبتى خلاص ماتعيطيش كل حاجة اتحلت وبعدين عايزك تبطلى البراءة الزيادة عن اللزوم  ديه 

ندى : احنا كنا هنترفد من الكلية ياسر 

اسر وهى مازلت فى اخضانه:بس ما اترفدناش وبطلى عياط 

ندى وهى تخرج من حضنه: بص بس بقا خلاص امشي أنا  مش عايزة اكلمك يالا

اسر بتعجب:طب ليه ما كنا حلوين

ندى بإنفعال : اقولك انا ليه عشان انت مستهين بالموضوع وكنا هنترفد من الكلية مستقبلنا كان هيضيع  وفضلت اقولك ماتعملش مشاكل وبص بقا نظرت الطلاب ليا هتكون ازاى وهيقولوا عليا ايه

كانت ندى تقول هذا وتحاول انا تدارى ضحكها 

اسر بحنان فهو يريد ان ينهى هذا الموضوع :ماعاش ولا كان الى يضيعلك مستقبلك وعمرى ماكنت هسمح لحاجة زى ديه تحصل ثم اكمل بمرح لكى يخرج ندى من حالتها:طيب ان شاء الله كنت اموت لو .....ااااااه لم يستطيع تكملة الجملة لان ندى ضربته على صدره:بعد الشر عليك ماتقولش كده تانى يا اسر 

اسر يضحك :طب تعالى نخرج يالا شوية 

ندى بفرحة وقد حققت مرادها:بجد 

وكاد ان يتحدث لولا ام الباب فتح :فى ايه ياولاد مالكم 

ندى : مافيش يا بابا .حمدلله على سلامتك

اسر:حمد الله ع السلامة ياعمى

خالد : الله يسلمكم ياحبيبى 

خالد:يالا عشان نتعشي سوا 

اسر : احم انا هاخد ندى  ياعمى ونتعشى سوا ده بعد اذنك طبعا 

ندى : لاء انا مش عايزة اخرج

خالد: يبقى انتوا متخانقين كالعادة 

نظر له اسر نظر رجاء ان يقول لندى تذهب معه :روحى ياندى مع اسر 

خرج ندى واسر وهم يسيران على البحر بصمت قرر اسر قطعه :ندى انتى لسه زعلانة منى

ندى بتعجب وابتسامة:ايه اللى انت بتقوله ده يا اسر انا عمرى ما ازعل منك ابدا ♡

اسر بإستغراب فهى كانت تلومه منذ قليل على الذى حدث نظر اليها بترقب:بس انتى لومتينى على الى حصل وقاعدتى تقولى لى منظرى ومش منظرى قدام زمايلى وبعدين انتى من امتى بيهمك منظرك قدام حد او الناس شيفاكى ازاى

ندى ببراءة:اممممم اصل يعنى 

اسر بغضب يحاول كتمه ف شكوكه طلعت فى محلها :اصل ايه ياندى

ندى بضحك : شكلى تقلت العيار شوية مش كده

اسر : قصدك ايه ياندى

ندى بضحك:طب اسمعنى للاخر 

اولا:انت عارف انى عمرى ما ازعل منك ابدا 

ثانيا بقا:انا قلت لك كده عشان تخرجنى عشان عارفة لو ماكنتش عملت كده ماكنتش هترضى تخرجنى ولو كنت قلت لك عايزة اخرج كنت هتقولى انتى تعبانة وارتاحى والصراحة انا مخنوقة ومحتاجة وعشان ابين لك انى زعلانة منك يعنى

 عشان عارفة انه عمرك ماهتسيبنى زعلانة وبعدين انت غبي اوى والله انا ازعل منك انت انا ازعل من الكون كله الا منك انت واينعم اضايقت من الى حصل بس مش لدرجة انى ما اكلمكش وانا من امتى بلومك على حاجة  بتحصل معايا يا اسورتى

اسر وهو يستمع اليها بغضب فهو تاكدت كل شكوكه فهو حينما كانوا بالمنزل لم يرى اى نظرة غضب منه فى عيونها ومع ذلك صدق كلامها :وانا اقول البنت اتهبلت ولا ايه وخدى بالك كنت شاكك برضو

ضحكت ندى بينما هو نظر لها بخبث:والله لاوريكى يا ندى 

ركضت ندى ثم ركض خلفها

ندى وهى تركض:صلى على النبي كده يا اسر هتعمل ايه 

اسر :حعمل ايه هنفغك ياندوووش

توقفت ندى بغضب:مش انت عارف انى مش بحب الاسم ده 

اسر وهو يمسكها.:مسكتك شوفتى بقا انى بعرف اجيبك وامسكك ازاى انا . انا يضحك عليا يا ندى 

ندى بخوف مصتنع:ماتخليك انت الكبير وامسحها فيا يا باشا 

اسر وهو يرفع حاجبه : والنبي ايه

ندى:عيل وغلط معلش سامحه 

اسر بضحك :بقولهم عندك انفصام فى الشخصية محدش مصداقنى .بس تعرفى هعديهالك المرة ديه

ندى ببسمة وتتجه لتحضنه:ربنا يديمك ليا يارب ومايحرمنيش منك ابدا ❤

اسر : ويديمك ليا ياقلب اسر

ندى بمشاكسة:انا برضو الى قلب اسر 

نظرلها اسر بغضب قالت خلاص  خلاص ماتقلبش انا اسفة ثم جلسوا على البحر

ندى:اسر اوعى تزعل منى يا اسر على الكلام الى قلته والله كله مش من قلبي وانت عارف كده كويس

اسر بابتسامة:مش زعلانة ياقلبي .بس انتى دايما مش بتحبى حد يكدب عليكى اللى انتى عملتيه ده تسميه ايه

ندى وهى تحاول السيطرة على غضبها ف هى ولا مرة تكذب فى حياتها وتكره الكذب بشدة :اسمه مقلب يا اسر

اسر بحاجب مرفوع: ده مقلب ده

ندى بهدوء:اه مقلب ده

مايتسماش كدب ابدا الكدب هو انه انت ماتقولش الحقيقة او تعمل حاجة وتنكرها اما انا كنت بهزر معاك وقلت لك الحقيقة ف ده ما اسموش كدب ابدا

اسر : بس انتى ماكنتيش هتقولى انا اللى سالتك

ندى : ومين قالك انى ماكنتش هقولك بالعكس قبل ماتتكلم انت انا كنت هتكلم وهقولك ومعنى انك تعمل مقلب فى حد ف كده هو بيحبك وبيحبك اوى كمان الكدب هو انك ماتقولش

 الحقيقة وتخبيها خالص تفرق بقى لما تقولها ومعنى انه يقولك الحقيقة ف كده فى معازة خاصة فى قلبك عنده 

نظر لها اسر فقالت بدموع:انا مش كدابة يا اسر

اسر وهو يحتضنها:قطع لسان الى يقول عليكى كده

ندى:بس انت كلامك كان بيقول كده 

اسر بضحك :واحدة فى وش واحدة بقا يانودى 

كادت تبتعد عن حضنه فقال :مش انتى الى بداتى خلاص بقا 

ضحكوا الاتنين سويا وقضوا وقت ممتع وجميل  وذهبوا الى المنزل.....ولكن

لم ينتبهوا للذى كان يقف بعيدا ويراقبهم بغل وحقد

            *******

نعرف اسر بقا😂

اسر:هو شاب طويل نسبيا ولديه جسد رياضى ووسيم جدا يمتلك عيون رمادية وشعر بنى واكبر من ندى ب 3 شهور 

قرر ان يدخل تجارة لكى ينتبه 

على ندى ولكنه لم يدخل تجارة انجلش لانه لا يحب الانجليزى 

يحب ندى كثيرا لا يستطيع ان يرى دموعها ويغير عليها جدا 

ويسكن قصاد منزل ندى

                    الفصل الرابع من هنا

لقراءة باقي الفصول اضغط هنا 

تعديل المقال