عناد الحب والكبرياء ج٢ من متمرده عشقت كبرياءه
الفصل الثالث
اشرقت شمس نهار يوم جديد بنورها الساطع فى سماء الاسكندريه
لتبدء مليكه بفتح عينيها وكان فهد لسه نايم بصت ليه وبسته فى خده
فهد :- حس بمليكه فتح عينه وقال صباح الخير
مليكه :- صباح النور
فهد :- صاحيه من بدرى
مليكه :- لا لسه صاحيه هقوم
اخد شاور واصحى العيال يروحو المدرسه
فهد :- ماشى وانا هكلم فارس
مليكه :- ماشى وقامت دخلت الحمام اخدت شاور واتوضت وخرجت لبست هدومها وأدت فرضها وخرجت من اوضتها راحت تصحى العيال للمدرسه
فهد :- مسك تليفونه واتصل على فارس وانتظر الرد
فارس :- السلام عليكم
فهد :- وعليكم السلام ايه يا ابنى فينك
فارس :- ما انا معاك فى الشركه كل يوم
فهد :- بس مش بشوفك خالص
فارس :- ما انا ببقى شغال وعلى ما اخلص الاقيك مشيت
فهد :- طيب ايه مش ناوى تيجى تقعد معانا شويه وتبص على امك وعلى عدى ده هيتجن عليك
فارس :- والله كلكم واحشينى
فهد :- خلاص تعال النهارده وكده كده انا عامل مفاجئه لمليكه علشان عيد ميلادها
فارس :- بجد كل سنه وهى طيبه
فهد :- وانت طيب هستناك بليل
فارس :- ماشى
فهد :- انا مش جاى الشركه النهارده خلى بالك انت بقى
فارس :- ماشى براحتك سلام
فهد :- سلام وقفل مع فارس واتصل على باسم وانتظر الرد
باسم :- السلام عليكم
فهد :- وعليكم السلام عامل ايه
باسم :- الحمدالله انت ايه اخبارك
فهد :- كويس بقولك هستناك انت ومراتك النهارده بليل عامل مفاجئه لمليكه علشان عيد ميلادها
باسم :- عقبال مية سنه بس نورهان صعب تيجى
فهد :- ليه
باسم :- جابت فرحه امبارح
فهد :- بجد تتربا فى عزك يارب ويباركلك فيها بلغ نورهان سلامى وباركلى ليها على ما اجى انا ومليكه ليها
باسم :- يوصل وانا هحاول اجى بليل
فهد :- أن شاءالله مع السلامه
وقفل مع باسم ودخل الحمام اخد شاور واتوضه وخرج لبس هدومه واده فرضه وخرج من باب الاوضه ونزل
فهد :- صباح الخير
عدى وجاكلين :- صباح النور
مليكه :- انت مش رايح الشركه ولا ايه
فهد :- لا مفيش حاجه مهمه النهارده وبلغتهم أن انا مش جاى قولت اريح شويه
مليكه :- احسن قضى معايا اليوم النهارده
عدى :- وقف وقال يلا يا جاكى علشان منتأخرش
جاكلين :- يلا وقامو مشيو راحو على المدرسه
فهد :- امال فين امى
مليكه :- نايمه فى اوضتها دخلت ليها الاكل واديتها العلاج
فهد :- هى زعلانه من حاجه ولا ايه
مليكه :- نفسيتها تعبانه من قاعدتها على الكرسى شوف موضوع العمليه ده يا فهد
فهد :- انا مش ساكت والله يا مليكه وكلمت دكتور كبير وبعت ليه الاشاعات والتقارير وقال هيرد عليا على اخر الشهر
مليكه :- هو ممكن لاقدر الله متمشيش تانى
فهد :- لا أن شاءالله خير
مليكه :- يارب يا فهد
فهد :- وقف وقال انا هروح مشوار بسرعه وهاجى
مليكه :- ماشى
ومشى فهد وقامت مليكه لمة السفره
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شقة مازن ومى
صحيت مى من نومها على صوت المنبه
مى :- مازن مازن
مازن :- اممم
مى :- اصحه يلا علشان شغلك
مازن :- خلاص خلاص صحيت
مى :- قامت من جنبه ودخلت حمامها غسلت وشها واتوضت وخرجت أدت فرضها وخرجت من الاوضه دخلت اوضت تيلا صحتها وخرجت دخلت المطبخ حضرت الفطار على السفره وفى الوقت ده خرج مازن من اوضه وخرجت تيلا من اوضتها وقعدو على السفره
مى :- خدنى معاك على سكتك الفيلا عند مليكه اختى
مازن :- ايه هيوديكى من دلوقتى لما اجى من الشغل نبقى نروح
مى :- حاضر طيب مش هنجيب ليها هديه
مازن :- منين ما انتى عارفه الظروف
مى :- يعنى يا مازن هنروح نقول ليها كل سنه وانتى طيبه وايدينا فاضيه
مازن :- اعملك ايه خلاص بلاش تروحى وقولى ليها اى حاجه
مى :- ده عيد ميلادها وبعدين ماما ومها هيبقو هناك وانا نفسى اشوفهم كلهم بقى
مازن :- يوووووه بقى متزهقنيش قولتلك مفيش فلوس وقام مشى
مى :- ياربى بقى اعمل ايه دلوقتى
تيلا :- احنا كده مش هنروح عند خالتو مليكه الفيلا
مى :- لا هنروح يا حبيبتى روحى انتى يلا مدرستك
تيلا :- ماشى وباستها فى خدها وقالت باى
مى :- باى
ومشيت تيلا وقعدت مى تفكر هتعمل ايه دخلت اوضت النوم وفتحت الدولاب وطلعت منه فلوس وقالت
مى :- طب انتو هتجيبو ايه ولو جبتو هقول لمازن جيباكم منين وانا كنت بشيلكم من وراه وبعدين قفلت الدولاب وقعدت على السرير وهى ماسكه الفلوس وقالت اه انا هجيب ليها
سلسله فضه وهحط فيها قلب في صورت فهد وصورتها حلو كده وحطتهم فى البوك ولبست العبايه ونزلت دخلت محل فضيات واشترت السلسلة والقلب ورجعت تانى الشقه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا مها واسر
صحيت مها قبل اسر قامت دخلت الحمام واخدت شاور واتوضت وخرجت لبست هدومها وأدت فرضها وفى الوقت ده صحى اسر
اسر :- صباح الخير يا قلبى
مها :- صباح النور قوم يلا علشان متتأخرش على شغلك
اسر :- ماشى يا حبى
مها :- خرجت من الاوضه وراحت صحت يوسف ونزلت حضرت الفطار واجتمعو كلهم على السفره
مها :- حبيب قلبى
اسر :- نعم يا حبى
مها :- عايزه اشترى هديه لمليكه
اسر :- عندك يا قلبى الكرديت كارت بتاعى وبتاعك هاتى اللى انتى عايزاه
مها :- مش عارفه اجيب ليها ايه هديه
اسر :- امممم بصى انا معرفش ايه الهدايا الحريمى بس ممكن تجيبى ليها حاجه الماظ
مها :- اممم فكره حلوه برضه
اجيب ليها خاتم الماظ رقيق وحلو
اسر :- ماشى يا قلبى هتروحى دلوقتى ولا امته
مها :- لا هستنا لما انت تيجى نروح نشترى الخاتم مع بعض وبعد كده نروح مع بعض الفيلا
اسر :- وقف وبسها فى راسها وقال اوك خلاص هحاول اخلص شغل بدرى واجى
مها :- ربنا معاك يا حبيبى
اسر :- مشى وركب عربيته وراح على الشركه
مها :- يلا يا يوسف روح على مدرستك
يوسف :- ما بلاش النهارده يا ماما
مها :- ليه بقى أن شاءالله
يوسف :- مش النهارده عيد ميلاد خالتو
مها :- طب وانت مالك وبعدين احنا مش هنروح غير لما تيجى من المدرسه
يوسف :- عايز اجهز نفسى
مها :- تجهز نفسك يوسف قوم من وشى وامشى على مدرستك
يوسف :- يوووه بقى وقام راح على مدرسته
مها :- قال يجهز نفسه قال حاجه تشل
وقامت تشيل الاطباق من على السفره
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى بيت عبد الرحمن
وصل فهد ونزل من عربيته وطلع رن الجرس
فايزه :- فتحت الباب وقالت فهد اذيك يا ابنى تعال اتفضل
فهد :- اذيك يا حاجه عامله ايه ودخل وقفل الباب وقعد على الكنبه
فايزه :- نحمد ونشكر فضله يا ابنى مليكه عامله ايه
فهد :- الحمدالله كويسين انا جاى اخدك انهارده علشان عامل مفاجئه لمليكه علشان عيد ميلادها
فايزه:- عقبال مية سنه يارب ربنا يهنيكم ويسعدكم يارب
فهد :- ربنا يخليكى يلا اجهزى علشان اخدك معايه
فايزه :- وقفت وقالت ثانيه يا ابنى هلبس العبايه وجايه
ودخلت فايزه لبست هدومها وخرجت نزلت هى وفهد ركبت العربيه وراحت معاه على الفيلا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فهد المنشاوى
خلصت مليكه اللى وراها وقعدت فى الجنينه تقراه فى الروايه بتاعتها وشويه شمت ريحة برفان فهد قالت
مليكه :- بفرحه فهودى جه بره وقامت تجرى ودخلت واتفاجئت بأمها طلعت تجرى عليها وباست ايديها وراسها وقعدت تبوس فيها وتقول
مليكه :- واحشتينى اوى يا ماما ده انا كنت هتجن عليكى
فايزه :- وانتى اكتر يا حبيبتى عامله ايه
مليكه :- انا كويسه ودعواتك ليا منوره حياتى
فايزه :- ربنا يهنيكم ويسعدكم يارب
مليكه :- بصت لفهد وقالت شكرآ يا فهد على المفاجئه الجميله دى ربنا يخليك ليا
فهد :- ويخليكى ليا يا عمرى
مليكه :- القعده دى نقصها البنات واحشونى اوى
فايزه :- معلش يا بنتى الدنيا تلاهى وكل واحده ملخومه بيتها وجوزها وعيالها
مليكه :- ربنا يسعدهم يارب
فايزه :- يارب
فهد :- طب دخليها وقعديها تمد رجليها على الكنبه علشان تريح
مليكه :- تعالى يا ماما تعالى
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا باسم ونورهان
وصل باسم ومعاه نورهان الفيلا وسندها وطلعها الاوضه ونيمها على السرير وغطها واداها فرحه
باسم :- منوره يا حبى فيلتك انتى والست فرحه
نورهان :- بنورك يا حبيبى
باسم:- فهد بيبارك ليكى وبيقولك هيجى ليكى هو ومليكه بس النهارده عيد ميلاد مليكه
نورهان :- الله يبارك فيك وفيه يارب
باسم :- بصى المفعوصه الصغيره دى بتبصلى ازاى
نورهان :- هههههه طالعه كلها شبهك
باسم :- وانا حلو كده دى طالعه شبهك انتى
نورهان :- ما بلاش موضوع الشبه دى
باسم :- خلاص بقى يا نونا ما قولتلك الاول كنت واخدك علشان شبه مراتى لكن دلوقتى انا بحبك انتى والله يكفى انك ام بنتى
نورهان :- ربنا يخليك ليا يارب وانا بعشقك والله
باسم :- وميحرمنيش منك يارب ده انا كنت هموت عليكى وانتى بتولدى
نورهان :- متفكرنيش ده انا كنت بموت الولاده دى صعبه اوى
باسم :- بس الحمدالله ربنا بعت لينا اجمل واحلى فرحه فى حياتنا وباس نورهان فى راسها وباس فرحه وقال ربنا يخليكم ليا
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فارس
خلص مكلمت التليفون مع فهد وقام دخل الحمام اخد شاور واتوضه وخرج لبس هدومه واده فرضه وخرج من باب الاوضه ونزل ركب عربيته وراح على الشركه وكانت عربيت الشحن تبع عز بتنزل البضاعه ومعاهم جومانه
فارس :- الله ينور يا رجاله
جومانه :- وعليك يا اخ
فارس :- على فكره انا بقول يا رجاله ولا صح ما انتى راجل زيهم
جومانه :- على فكره ده شرف ليا اكون راجل فى مهنتى مش احسن من ناس كتير بتحب تتمايص فى شغلها
فارس :- عجبه كلام جومانه وقال احم انا مقصدش حاجه
جومانه :- ولا تقصد متفرقش معايه ويلا هوينا خلينا نشوف شغلنا
فارس :- تصدقى أن انا غلطان ان جيت عبرتك اصلك
جومانه :- لا بليز علشان خاطرى اقف اتكلم معايه احسن هموت على الكلام معاك ايه يا عم مفكر نفسك ايه ولا مين بلاوى بتتحدف على الواحد على الصبح
فارس :- يخربيت لسانك ده ايه مشدوده منه
جومانه:- اه انا مشدوده منه عندك مانع اتفضل بقى
فارس :- انتى عارفه انا لو بأيدى ادفنك مكانك على استفزازك ده
جومانه :- ياامى يا امى خوفت ورجليه بتخبط على الجيران يا عم اصتبح على الصبح وقول يا صبح احسن قسمآ بالله اقل قمتك قدام عمال الشركه بتاعتك
فارس :- يابت ا.ا انا مش عارف اقولك ايه الصراحه انا مش هقل من نفسى وارد عليكى ومشى وسابها
جومانه :- هههههههه ابقى سلملى عليها
فارس :- هى مين
جومانه :- الرجوله يا حيلت امك
فارس :- بنأدمه مستفزه ودخل الشركه عنده
جومانه :- يلا يا رجاله اشتغلوا بهمه مش هنقضى اليوم كله هنا
لقراءة الجزء الاول جميع الفصول كاملة من هنا