رواية مكتوبة علي اسمي كامله بقلم ملك ابراهيم ) جميع الفصول مكتملة حتي الاخير الخاتمه

رواية موعد مع الوحوش

 بقلم مروة شطا 

الفصل الأول والثاني

اعتادت ان تعبر هذا الطريق المختصر يوميا للوصل لبيتها وسط حقل القصب المتشابك ،، خصوصا انها تعود ليومين متاخر من محاضراتها.،،، الشمس اوشكت علي الغروب لذا

 اسرعت بخطواتها فهي في غني ان تقابل احد المتسللين للبلده، ، وكعادتها اليوميه وضعت يدها بحقيبتها تتحسس الخنجر الذي اهداه لها جدها الحبيب قبل وفاته. عبرت نصف الطريق

 ليتسلل لاذنها صوت انين مكتوم لاحدهم، ،، ليس من شانها لتكمل الطريق تحركت خطوتين وضميرها يوبخها ماذا لو انسان يحتاج للمساعده زفرت بقوه وتتبعت صوت الانات حتي وصلت لرجل يرقد في بركه دماء من الواضح انه ينزف من

 فتره نتيجه طلق ناري بذراعه اقتربت بحذر وانحنت بالقرب من ذراعه النازف ليفتح عيناه وفي لحظه يده الاخري كانت تطبق علي رقبتها ليقول بغضب

#هقتلك ياكلب

الرعب الجم لسانها لثواني ولحسن حظها ان يده تراخت علي رقبتها من الواضح ان قوته بدات تخور ابعدت يده وفركت رقبتها لتقول باختناق

#اهدي، ،، انت بتنزف لوسيبتك كده هتموت

فتح عيناه بصعوبه وهمس بتعب

#انت مين

اخرجت الخنجر وقالت

#اهدي ومتتكلمش، ،، لومخرجتش الرصاصه ووقفت النزيف هتموت، ،

شقت كم قميصه وابعدت وشاحها لتشقه نصفين ثم ربطت اعلي ذراعه.فتحت حقيبتها واخرجت زجاجه عطرها.وعلبه المناديل وبدات تنظف الجرح.

الرؤيه مشوشه ولكنه يتابع ماتفعله.،،،، نظرت اليه

#شوف انا لازم اطلع الرصاصه ،،، هتتحمل

هز راسه ببطء لتفتح حقيبه اخري.وتخرج منها اله تشبه المقص وتكوم الجزء الثاني من الوشاح وتقريبه من فمه

#هحطلك دا في بقك عشان متعظش علي لسانك تمام

يبدو مستسلم بشده وضعت الوشاح بفمه وبدات عملها بسرعه نصف دقيقه تستمع لصرخاته المكتومه ثم فقد الوعي من الالم، ،، اخرجت الرصاصه وطهرت الجرح وقطبته لفت ذراعه بقطعه من روبها الابيض.،،، لتتفرس للحظات بملامح هذا الغريب، ،،

 طول فارع يظهر حتي وهو ممدد تكوين عضلي بارز بالتاكيد يلعب احد الالعاب العنيفه، ،، شعر اسود ناعم طويل نسبيا وجهه طويل سمره برونزيه، ورموش سوداء كثيفه وشارب

 يحاوط فمه، ،،ملابسه لاتدل علي انه احد قطاع الطرق انين اعلن عن بدء افاقته لتبتعد تحسبا لاي رد فعل عنيف رمق ذراعه بتشوش انه يحتاج ان يعوض دمائه المفقوده اخرجت من حقيبتها علبه عصير ولوح شيكولاته وقالت

#اشرب دا وكل الشيكولا عشان تعوض الدم

حاول القيام ولكنه فشل لتسنده وتقرب العصيرمنه ليبدا بارتشافه ،،، ثم ياكل الشيكولاته

#انت احسن مش كده

هز راسه ببطء، ،،،

#لازم تبلغ البوليس دي محاوله قتل

هز راسه نفيا

#طب تحب اوصلك لاي مكان

قال بهمس مرهق #العربيه علي الطريق

قال جملته وحاول الوقوف لتسنده وتقول باختناق لثقله

#طيب هتقدر تسوق وانت كده

اكتفي بهز راسه ليتحرك وهو يستند علي كتفيها بدا الليل ينتشر في الافق عندما وصلوا للسياره، ،، كانت سياره دفع

 رباعي في مقعد السائق رجل اصيب برصاصه في راسه، ،، اسندته علي جانب السياره ووضعت يدها علي رقبه الرجل لتقول بحزن

#لاحول ولاقوه الابالله، ،، للاسف مات، ،، انا مش فاهمه اللي بيقدر يقتل دا بيعملها ازاي، ،، مين اداله الحق انه يقضي علي انسان بالشكل دا

لمحت شبح ابتسامه علي شفتيه تحرك مستندا علي السياره ليزيح السائق المقتول ويركب السياره

#امشي بالراحه عشان مدوخش، ،، ولازم تاخد مضاد حيوي وحاجه للالتهاب عشان اكيد هتسخن عشان الجرح.،،خد بالك من نفسك، ،، انا هروح بقي عشان متاخرش اكتر من كده

همهم بصوت بالكاد يسمع

#شكرا انتي مين

ولكنها لم تسمعه اختفت كومضت حلم دافئ وعادت لتختفى وسط الزروع                                             

  

الفصل الثانى

(جريح)

وصل لبوابه قصره وهو يحارب احساس شاق بفقدان الوعي، ،، اوقف السياره لتسقط راسه علي المقود فينطلق زامور السياره المزعج لينبه الجميع دقيقه واقترب الحرس من السياره يستمع لصوت احدهم

#يانهار طين دا.صقر باشا

ليس لديه القدره علي اي شئ فما اكتسبه من طاقه ذهب في محاولته للوصول يشعر بالحرس يحملونه يستمع لصوت سليم العالي

#طلعوه فوووق بسرعه علي مااتصل بالدكتور، ،

صوت اخر يعلمه جيدا #مين اللي عمل فيه كده ياسليم

#معرفش ياغيث بيه.

تتلاشي الاصوات انه الان يرقد علي فراشه بجناحه الخاص يصله كلمات الطبيب

#الجرح زي الفل ياسليم بيه واضح انه عدي علي دكتور بس فقد دم كتير ،،،،

#يعني هيحتاج لنقل دم، ،،

#لاء مش للدرجادي انا هركبله محلول واهتموا اوي باكله اهم حاجه السوايل الكتير هكتبله مضاد حيوي وحاجه للالتهاب وهفوت عليه بكره تمام

#تمام يادكتور عادل اتفضل انت

ارتسم علي وجهه شبح ابتسامه وهو يتذكر كلمات الملاك الذي خرج اليه من حيث لايعلم، ،،انه مدين لها، ،، مدين بحياه صقر الجارحي. انتبه علي صوت سليم القلق

#ياريتني كنت فضلت معاك، ،، بس اللي عملها مش هيفلت.من تحت ايدي وشرفي لكون مقطعه حتت ورميه للكلاب

يشعر بالدفئ من الواضح ان سليم وضع عليه الاغطيه النوم يحارب عقله حتي يسيطر عليه، ،ولكن عقله اللعين يابي الاستسلام ويعاود عليه الاحداث الاخيره

#يعني ايه مش هتتديني المحصول انا كده ممكن افلس

وضع ساق فوق الاخري وقال بجبروت

# مزاجي كده ارضي وانا حر فيها هتشاركني ياعزت

#بس احنا بنا اتفاق

اشعل لفافه وقال باستهزاء

#بله واشرب مايته بس علي معده فاضيه هيفيدك اوووي

اقترب منه وقال بتوسل

#يابني حراام عليك انت كده هتخرب بيتي

ابتسم ببرود # لاء لاء متقلش كده ،،، ازاي يعني

#ياصقر بيه دا انا في مقام ابوك

اطلق ضحكه مجلجله وقال بسخريه

#عجبتني ابوك دي، ،، علي العموم دي حاجه متخصنيش والكمبيالات اللي عندي اخدت عليها رفض من البنك ابقي سلملي علي البورش سلام ياااااعزت

تامله للحظه بانتشاء كامل، ،، القهر بعيناه اسعده.لينصرف بجبروته المعتاد ،،،ليقع في هذا الفخ الاحمق سياره الحراسه

 تنطلق قبله وسيارته بالخلف تتوقف السيارات لوجود شاحنه تسد الطريق يترجل الحرس لتمطر السماء رصاص من حيث لايدري، ،، نعم لقد فداه السائق من موت محقق ولكن اخترقت

 الرصاصه ذراعه ليختبئ داخل حقل القصب المهجور، ،، عزت الكلب يريد القضاء عليه، ،، لن يتركه ولن يترك من اساءوا الي والدته الحبيبه، ،،، بدا كل شئ يتشوش في عيناه والبروده

 تسري باوصاله، ،،، صوره مهزوزه للماضي تعبر امامه ليري اشياء يحاول نسيانها قدر المستطاع ولكن يبدو ان ارتفاع حرارته ادي للخوص في هذا المستنقع المؤلم، ،،،،،

لقد شب بين اب حنون وام عطوفه بشده.،،،يعيشون ببيت بعيد عن تلك القريه الملعونه ،،،، يذكر جيدا يد والدته وهي تربت علي راسه وتقول بصوتها العذب

#قومي بقي ياصقري بلاش دلع

ليفتح احدي عيناه علي ملامحها الملائكيه ويقول باسما

#الصقر ميغمضش عنيه الاتنين يااحلي بطه في الدنيا

#كمان بتعاكس مراتي ياولد

ليتامل اباه بقامته المديده امامه ليبتسم ويقول

#دي امي اعاكسها عادي يعني

ثم يربت علي بطنها المنتفخ ويقول

#وبعدين بكره هنبقي اتنين بنعاكسها

ليجلس علي طرف فراشه ليوكز راسه بمشاكسه ويقول ضاحكا

#عجبك كده ياست فاطمه ابنك بيقول اني خلاص هتروح عليا.

#هو احنا لينا لزمه من غيرك ياسي احمد ربنا يخليك لينا ياااارب

ليضرب جبهته ويقول ضاحكا

# لقد خانك حلفائك ياريتشارد

احمد ضاحكا #طب عدي ياقلب الاسد قدامي الفطار هيبرد يالمض

ليتشاركا جميعا في الضحك، ،، كانت حياه مستقره سعيده بشده برغم غياب اببه الدائم، ،، ابيه كان يمكث يبيت معهم ليله واحده كل اسبوع، ،، دوما والدته تخبره انه بعمله حتي صبيحه يوم لم تشرق الشمس وكانها تخشي ان تشهد عليه، ،، كان

 يجلس في حديقه المنزل الصغير يزرع احد البذور من صغره وهو متعلق بالارض يحبها.عندما وجد امامه رجل يمتلئ عنفوان طول فارع عيون.مخيفه.ضيقه للحظات شعر بقلبه

 يخفق بفزع وخصوصا وهو يتامل الرجال التي تحاوطه ولكن مالبث ان تمالك نفسه باعجوبه ليواجهه ذلك المخيف، ،،

#انت مين وعاوز ايييه

قال بصرامه #احمد فين

قطب بين عيناه وقال #بابا مش موجود

للحظات رفت عين هذا المتجبر وهو يرمقه بنظره فاحصه

#بابا، ،،، انت بن احمد

#ايوه حضرتك عاوز ايه

كان علي وشك التحدث ولكن من الواضح ان والدته رأت المشهد لتقول

#صقر تعالي هنا

تحرك مسرعا ناحيه امه ليتبعه هذا الرجل ليقف امام والدته وقال باحتقار

#انتي بقي اللي ضحكتي علي عقل ابني مش كده

فاطمه بصدمه #حضرتك ااا

عقد ذراعيه وقال بغضب

#ايوووه انا.سليمان الجارحي يابنت السايس

صقر #انت ازاي تكلم امي كده

ليشير لاحد الرجال ويقول بسرعه

#ارموه في العربيه مش عاوز اسمع صوته

يذكر جيدا صراخه علي امه عجزه ان يحميها كان يحاول المقاومه بكل الطرق دون فائده، ،، ثم شعر باللون الاسود ينتشر من حوله، ، ليفتح عيناه علي مكان رطب وصوت والدته تصرخ، ،، فيصرخ علي صراخها

# مااااااااما

#اشششششش اهدي ياصقر ،،،،

بالكاد يلتقط انفاسه المتسارعه ارتفع قليلا. ليطالعه وجهه سليم

#حمد لله علي السلامه،ياصاحبي ، الحمد لله الحراره نزلت

اسند جسده للخلف ليسال بتعب

#انا بقالي اد ايه كده

#يومين بعد مارجعت دخلت في حمي والدكتور فضل جنبك بس الحمد لله كله تمام دلوقتي، ،، بس لازم تاكل كويس عشان تقدر ترجع تقف تاني

قال جملته واتجه ناحيه الباب لينادي

#يا عيشه هاتي الاكل للباشا

عاد مره اخري للجلوس امامه

#انت احسن مش كده

#احسن هتلي ميه انا عطشاااان اوووي،

ناوله الماء ليتجرع بعضه ويقول

#عرفت مين اللي ضرب النار عزت مش كده

#الرجاله اللي ضربوا النار من المطاريد واللي مقبضهم عزت دا كان ناوي عليها عشان كده بعتلك

طرق الباب تبعه دخول الفتاه بالطعام

#حمدلله علي سلامتك ياباشا

تناول منها سليم الطعام ليهمهم هو

#الله يسلمك ياعيشه

انصرفت المراه ليعتدل هو بأعباء

# الرجاله اللي ماتوا ياسليم اهليهم تتعوض كويس وولادهم في رقبتي فاااهم

#حاضر طب انت ناوي علي ايه ضابط النقطه اجا علشان ياخد اقوالك هتتهم عزت

ابتلع بعض الطعام وقال

#انت تعرف عني كده، ، من امتي بسيب الحكومه تجيب حقي ،،،،،

#طيب هتعمل ايه

لمعت عيناه بشر

# انا هخليه يتمني الموت وميطلوووش. ،،،

                           الفصل الثالث من هنا

لقراءة باقي الفصول اضغط هنا

تعديل المقال