رواية حورية اخذت بيدي الي الله
الفصل الثاني والثالث عشر
بقلم شيرين ذكي
-نغم فتحت عيونها الصبح لقت نفسها ف حضن سليم وهو لسه نايم حاولت تقوم وبصت للفون اللى جنبها والللى هو بتاع سليم تشوف الساعة ولقت مسدج من هايدى والفضول سيطر عليها ومعرفتش تمنع نفسها وفتحت المسدج ولقت ف هايدى بتقوله" كان أجمل يوم ف حياتى يا سولى وأخيرا.....
هتبقى ليا وف بيت واحد عشان نربي ابننا...عايزة اخرج معاك النهاردة يا روحى بس بصفتى خطيبتك...هستناك تكلمنى"
-نغم بتحط ايديها على بوقها وبتكتم وجعها وتبص لسليم وتبكى وبعدها بتروح الحمام وبتنهار ومش بتعرف تسيطر
على وجعها وتكلم نفسها....... طيب، اشمعنا هو انا ليه بحبه
ليه بحب اشوفه ليه عايزاه مبسوط ودايما بخير طيب بس
هو مش بيحبك يا نغم فوقى دى حامل منه يعنى كان عايزك
امبارح مجرد ليلة يتمتع فيها و بس زيك زى اى حد هو مش شايف حد ف الدنيا غير نفسه وبس...ومن غير وعى بتخبط أيدها ف المرايه تتكسر وتتجرح نغم وتبدأ تصرخ....
-سليم يصحى بفزع على صوت نغم ويبص حواليه مش بيشوفها فبيفهم أنها ف الحمام يخبط على الباب......
-سليم:- نغم فيه ايه افتحى الباب مالك انتى كويسه
-نغم بعياط:- مفيش حاجه اه انا كويسه متقلقش
-سليم:- كويسه ايه بس افتحى الباب واسمعى الكلام
-نغم بصريخ:- قولتلك مفيش حاجه مفيش سيبنى بقا
-سليم:- قسما بالله يا نغم لو ما فتحتى لأكسر الباب
-نغم وهى بتفتح الباب:- يوووه قولتلك مفيش مش بتفهم
-سليم بيبص لايدها المجروحة وبفزع بيشدها من دراعها.....
وبقولها.. لأ مش بفهم،،، اقعدى
-نغم:- اوعى ملكش دعوه بيا انا مش عايزه مساعده من حد وعايزه أخرج من هنا وسع
-سليم بعنف:- انا مش حد انتى مراتى ومفيش خروج واسكتى لحد ما أربط ايدك احسنلك
-نغم:-لأ مش هسكت هتعمل ايه يعني
-سليم من غير ما تكمل كلامها بيقرب ويبوسها من خدها.....
هعمل كدا ايه رأيك ولو مسكتيش هعمل كدا.....ويقرب منها أكتر تبعد نغم وف وسط كسوفها ووشها اللى احمر تقوله:-
طيب خلاص اوعى..... بقلمي شيرين ذكى
-سليم:- تمام مش عايز بقا ولا كلمة لحد ما أداوى الجرح دا ويلا قوليلى حصل كدا ازاى
-نغم ف سرها:-بعد ما كسرت قلبي عايز تداوى جرح ايدى
وشويه وسليم بيخلص ويكون باصصلها وهى سرحانة
-سليم:- مش هتقوليلى جرحتى ايدك ليه
-نغم من غير ولا كلمة بتاخد بعضها وتطلع من الأوضة وتسيب سليم ف حيرته اللى شوية وبيقطعها دخول
نرمين......
-نرمين:- صباح الخير يا سليم
-سليم:- صباح النور يا نونا تعالى
-نرمين:- كنت عايزه اتكلم معاك ف موضوع ياسليم
-سليم يبوس أيدها:- يا حبيبتي انتى تقولى اللى عايزاه
-نرمين:- سيرين هتسافر تانى ياسليم
-سليم:- تسافر عشان ايه دا كله
-نرمين:- حياة مش عايزه تعيش هنا ولحد دلوقتي محدش عارف حصلها ايه خلاها بالشكل دا وهى مش عايزه تتكلم
-سليم:- طيب نحاول معاهم تانى وانا هتكلم مع حياة
-نرمين:- مش هتستفاد حاجه لان كلنا حاولنا من غير فايده
المشكله دلوقتي أن سيرين مش بس هتسافر هى وحياة بس دى كمان عايزه تاخد نغم معاها
-سليم بفزع:- تاخد نغم بتاع ايه وازاى يعنى لأ مستحيل
-نرمين:- بس نغم كمان عايزه كدا ياسليم واحنا كلنا عارفين
حياتكم مع بعض عامله ازاى وعارفين انكم مش زوجين زى اى اتنين ...... بقلمي شيرين ذكى
-سليم:- لا يا ماما لأ انا بحب نغم وهى كمان بتحبنى ومستحيل اخليها تسافر وتسبنى لأ
-نرمين:- مهى لو بتحبك مكنتش وافقت لما مامتها قالت لها تسافر معاهم وانت يا سيلم من الأول مش بتحبها فالأحسن
تطلقها وتسيبها
-سليم:- أطلقها....أمى انتى بتقولى ايه انتى عايزانى اطلق نغم لأ لأ دا مستحيل انا بحبها
-نرمين:- بس هى مش عايزاك يا سليم
-سليم:- لأ عايزانى وبتحبنى.....وسابها ف الأوضة وبغضب خرج وقفل الباب وراه ونرمين بتبتسم"يا ترى ليه"
-بينزل سليم تحت وبيدور على نغم ف كل حتة زى المجنون بس مش بيلاقيها بيخرج برا وبيلاقيها ف الجنينة قاعدة ف وسط الخضرة وبتلعب فيها وسرحانة
-سليم بغضب:- نغم نغم
-نغم بتلتفت تبصله وبتتجاهله ومش ترد
-سليم غضبه بيزيد ويقرب منها ويمسكها من دراعها...هو انا مش بكلمك
-نغم:- عايز ايه يا سليم.... ودراعها بيوجعها
-سليم:- عايزك انت افهمى بقا والله بحبك،،،هو انت بجد هتمشى عايزه تسافرى يا حورى عايزه تسيبينى،،،هموت والله من غيرك كدا
-نغم بتبصله:- سليم سيب ايدى بتوجعنى
-سليم:- وانا كمان موجوع ردى عليا انتى عايزه تمشى...
-نغم بدموع بتبصله:- ايوا همشي يا سليم همسي عشان ترجع لحياتك عشان تربي ابنك...
-سليم سمع الكلمة ووقف مكانه منطقش ونغم اتحركت بعيد عنه كام خطوة وشويه بيلاقوا صوت عالى من الفيلا.....
-سيرين بتعيط يعنى هتكون راحت فين انا دورت عليها ف كل مكان ومش لاقيها
-نرمين:- يا سيرين أهدى مش كدا يمكن بس تكون مخنوقه شويه وخرجت تشم هوا وشوية وهترجع
-سيرين بوجع:- وربي تعبت انا مش هستحمل يضيعوا منى الاتنين بعد كل اللى عملتوا وضحيت بعمرى كله عشانهم
-عبدالله:- لأ مش هيضيعوا منك ولا حاجه ونغم لازم تعرف الحقيقة بقا وتعرف كل اللى عملتيه عشانهم ويبدأ عبدالله يتكلم.....ف الماضي والد عبدالله اللى هو جد نغم وحياه وسليم مكنش بيحب سيرين وكان عايز يجوز والد نغم لواحده تانيه من بلدهم بس خالد كان ب يحب سيرين واتجوزو فعلا بس أبوه ميأسش أنه يتخلص منها خاصه بعد ما خلفت بنتين تؤام وهو مكنش عايز بنات وعشان كدا عملها قضية وحاول ابنه يخليه يتنازل عنها ووافق بس كان شرطه الوحيد أنه يطلقها ويسبلها البنات وف الوقت دا سيرين جالها فرصه شغل بره بس خالد مرضيش يسافر معاها وقال إنه مش هيسيب بلده ووقتها زاد الجدل بينهم وقررت سيرين تسافر لوحدها وتاخد البنات معاها وفعلا استعدت وسافرت بس ف رحلتها اكتشفت أنه أخد نغم وان مش معاها غير حياة....وتكمل هى
-سيرين بدموع وقتها كنت هتجنن يا نغم وقررت انى ارجع مش هسافر مكنتش اقدر اسيبك بس لقيت رساله جنب حياة وكانت من جدك لانه عرف انى هسافر وعرفت منها أنه اخدك وهددنى لو فكرت ارجع هياخد منى حياة كمان ويسجنى....
ف الوقت دا مكنش فيه قدامى حل غير انى أخد حياة ف
حضنى وأفضل أبكى وسافرت ألمانيا وقاعدنا هناك خمس سنين وكانت حياتى كلها عبارة عن الشغل وحياة وبس....
بعدها انتقلت لشغل ف دمشق وفضلنا هناك،،،تبص سيرين لنغم وتقول...انا عمرى ما اتخليت عنك يا نغم أنا كنت يتعذب على فراقك كنت كل ما أبص لحياة وهى بتكبر قدام عيني يزيد وجعى عليكى وعلى بعدك بس مكنش ينفع ارجع.......بتنهار سيرين وبتجرى عليها نغم ولأول مرة تقول:- ماما أهدى عشان خاطري وتحضنها....
ف مكان تانى عند عمرو وتيم_________________________
-بيدخل واحد ويقول:- البنت جت برا
-عمرو:- خليها تدخل ويبص لتيم ويقول:- اجهز يا بطل عشان تدفع تمن لعبك مع عمرو الدسوقي عصفورتك وصلت
-تيم:- لو قربت منها يا عمرو قسما بالله لأدفنك صاحى
-عمرو بيضحك بسخرية: - ابقى ورينا شطارتك...بتدخل حياه ويتكون هتموت من الخوف بس بتتظاهر أنها قوية
-عمرو:- حمدلله على سلامتك يا حلوة كدا تسيبنا وتمشي
-حياة بتبصله بغيظ وف سرها:- لك يا الله هادا الأجدب تانى ما راح نخلص منه
-عمرو:- بتقولى حاجة يا اسمك ايه
-حياة:- ما عمقول شي هى أنا ما اتكلمت
-عمرو بيجيله تليفون وبيخرج وواحد من الرجالة بيربط حياة جنب تيم
-تيم:- انتى اللى جابك هنا انتى مجنونه
-حياة:- انا مجنونة والله الحق عليا اجيت بساعدك متل ما ساعدتنى انت من قبل هاديك المرة الماضيه
-تيم:- يا شيخة اتنيلى تساعدينى ايه دا احنا هنتنفخ
-حياة:- شو نتنفخ....."الشعب المصري ف التفاهة معندوش ياما ارحمينى هيجنن البت"😂😂😂😂😂
-تيم:- لا متاخديش ف بالك اقعدى واسكتى
#flash_back
-حياة كانت قاعدة ف اوضتها وجتلها مسدج بصورة لتيم وهو بالشكل دا ومكتوب معاها لو مش عايزاه يموت تعالى
العنوان دا******
-حياة لما شافته ف الوضع دا قلبها وجعها وهى نفسها مش عارفه ليه فقررت أنها تساعده بس كانت عارفه انها مش هتعرف تتصرف لوحدها وفعلا طلبت من حد يساعدها...
-غيرت حياة لبسها ونزلت من غير اى تفكير وراحت المكان اللى قالها عليه وهناك.....
#back
-عمرو بيرجع ويقول:- مكناش تعرف أن تمنك غالى كدا يا حلوة وبيندفع فيكى بالملايين ويقرب منها ويحط ايده على
وشها ويقول:- بس بصراحه تستاهل والله
-نغم بتبعد:- لك انت مجنون بعد ايديك هدول عنى ما بتعرف شو يساوى فيك انا
-عمرو:- يعنى هتعملى ايه ويقرب ويلمسها تانى
-بتعضه حياة وأيده بتجيبى دم وتقول...لك هيك بدى ساوى
-عمرو بيتألم ويبعد ايده ويقول...دا القطة بتخربش كمان
-حياة:- جرب تقرب عليا وشوف شو راح ساوى انا
-تيم:- ما تتفراعنيش اوى كدا عشان بتعضى يا حجة
-حياة:- لك سكر تمك شوى ما فى منك فايدة انت بس بتحكى
-تيم:- دا انا طيب ي ورينا هتعملى ايه
وبتلتفت حياة وتلاقى واحد فكها وقامت وقربها من عمرو وماسك أيدها
-عمرو:- قولتيلى انك بتعضى وتخربشي كمان طيب يلا ورينا بقا ويقرب منها يمزع الدريس بتاعها ويزقها على الأرض
-حياة بتصرخ من الوجع وعمرو بيقرب منها بس بيلفت نظره علامة ف دراع حياة
-بيبعد عمرو ويقوم بفزع ويفتكر......
&ف الماضى من سنين&
-عاااا😭😭😭يا عمرو عمرو تعالى الحقنى
-مالك ياقلب عمرو فيه ايه بس
-خدت عروستى انت جبتها ليا صح
-اه يا قلبي صح استنى بس.. .نغم دى مش لعبتك دى بتاعت حياة يلا هاتيهاهاتى
-نغم:- لأ لأ هى بتاعتى
-عمرو:- لأ مش بتاعتك اسمعى الكلام يا نغم
-عاااا😭😭😭يا ماما ماما
-فيه ايه يا نغم بتعيطى ليه....بتشاور على عمرو
-سيرين:- فيه ايه يا عمروا اخواتك مالهم وليه بيعيطوا
-عمرو:- يا ماما انتى بتدلعى نغم وكدا مش هينفع
-سيرين:- يا سلام بقا اللى بتدلع نغم ولا انت اللى بتحب حياة اكتر .... كام مرة يا عمرو اقولك متفرقش بينهم....
-عمرو:- يا ماما افرق بينهم ايه بس انتى عارفه انى بحبهم الاتنين بس حياة هى قلبي اصلا
-سيرين:- اه منا عارفه وجنانك وصلك لدرجة أنك تعملها علامة ف دراعها بالشكل دا تفضل العمر كله عشان تعرف تميزها عن نغم صح
-عمرو:- يوووه يا ماما بقا انتى لسه فاكرة
-سيرين:- خد بالك يا عمرو أنهم بيكبروا هما مش هيفضلوا صغيرين فبلاش تميز ف حبك ليهم يا حبيبي عشان كدا
هيكرهوا بعض من غيرتهم عليك
-عمرو:- حاضر يا ماما انتى تؤمرى يا قلبي.......
باك*********************************************
-بيفوق عمرو من تفكيره على صوت حياة وهى بتتألم من الخبطة وهو بيحس بأنينها...
-بيقرب عمرو من حياة ويبص لها ويبص لدراعها وقال:- انتى اسمك ايه
-حياة بخوف ورعشة:- اسمى...اسمى حياة
-عمرو وهو بيخبط ايده ف الحيطة .... لأ لأ مستحيل
-تيم بيقدر أنه يفك نفسه وبيقوم ويهجم على عمرو.......
-الكل ف البيت متوتر ومحدش عارف حياة فين ولا حصلها ايه وشويه وبيرن الجرس وبيتفتح الباب يلاقوا هايدى وأبوها..."جايين ينيلوا ايه دول مش وقتهم خالص".....
-ياترى جايين ليه ويا ترى ايه العلاقه اللى بتربط عمرو بنغم وحياة ويا ترى نغم هتسافر ولا لأ والزفته هايدى هتتكشف ولا لأ وازاى عمرو يكون اسمه عمرو الدسوقي وكذلك هايدى اسمها هايدى الدسوقى.....عكتلكم الدنيا صح
❤️
#البارت_الثالث_عشر
-الكل كان متوتر لغياب حياة ومحدش عارف هى فين ولا ايه اللى حصلها وف وسط كل القلق والخوف دا يرن جرس الباب ويتفتح تدخل هايدى ومعاها والدها سليمان الدسوقي...
-الكل مستغرب ومش فاهم هما هنا ليه وعايزين ايه والغريب هو ان عبدالله استقبلهم ورحب بيهم وبعد ما قعدوا ف مكان للضيوف يسبهم عبدالله ويرجع للكل يفهمهم....
#flash_back
-بيقفل سليمان مع عبدالله التليفون بعد ما كلمه وبيدأ يتكلم مع هايدى
-سليمان:- كان لازمته ايه يا هايدى اللى خلتينى اعمله دا مهو كدا كدا سليم جه هنا وطلب ايدك عايزه ايه تانى كفايه بقا
-هايدى:- لا يا بابا مش كفايه انا لازم اكون قريبه من سليم قبل ما يفوق ويستوعب اللى حصل وبعدين انا متأكدة أن عماد مش هيستسلم وهيحاول تانى بس لما هكون معاهم
ف الفيلا هناك هعرف اسيطر على سليم وأكسبه ...
#back
-نرمين:- مين دول يا عبدالله وجايين ليه
-عبدالله:-دى خطيبه ابنك اللى قرأ فتحتها
من غير حتى ما يفكر يقولنا أو ياخد رأينا
-نرمين:- خطبيته ازاى يعنى وامتى حصل
-عبدالله:- مش وقته ابقى اسألى سيادة
البشمهندس بعدين المهم دلوقتي تجهزوا
لهم مكان عشان هيفضلوا معانا هنا كام
يوم لأن حصل لهم ظروف ومش هينفع
يفضلوا ف بيتهم ...
-نرمين بقلة حيلة:- حاضر اللى تشوفه
-نغم كانت خلاص جابت اخرها وهنتهار وعشان محدش يلاحظ ضعفها طلعت أوضتها وقفلت على نفسها وبتعيط
-سليم كان واقف مكانه بيسمع وبس ومقالش ولا كلمة بمجرد ما نغم طلعت دخل عند هايدى وأبوها شدها من ايديها وخرج
وبدأ يتكلم معاها
-سليم بغضب:- انتى ايه اللى جابك هنا انتى مجنونة
-هايدى:- سليم سيب ايدى بتوجعنى هو انا عملت ايه
-سليم:- هايدى مش عايز استعباط ردى على سؤالى
-هايدى:- كل الحكاية يا سليم أن البيت عندنا كله بقا مايه بابا هو اللى كلم عمى عبدالله من غير ما اعرف وقال إنا بقينا أهل وهو اللى قاله يجى واتفجأت ببابا جايبنا هنا من غير ومكنت أعرف غير من شويه بس.. .وبتبدأ تبكى ولو عايزنا نمشي أهو هدخل أقول لبابا ونمشي يا سليم بيه وتتحرك خطوة
-سليم بيمسك أيدها:- خلاص يا هايدى ا اسف مكنتش أعرف الكلام دا واستغربت لأنى مكنتش عامل حسابي أقولهم على
ارتبطنا دلوقتي
-هايدى بخبث بتحط أيدها حوالين رقبته وتقرب منه وتقول..
كدا كدا كانوا هيعرفوا يا سولى خلاص بقا متزعلش
-سليم بيشيل أيدها ويسبها ويدخل وهى بغرور بتبتسم......
-بيطلع سليم عند نغم وبيكون الباب مقفول وبيخبط ويطلب منها تفتح بس مش بترضى وهو بيفضل يحاول
-سليم:- نغم بالله عليكى تفتحى اسمعينى بس مرة واحدة
-.......
-سليم:- نغم عشان خاطري ادينى فرصه أفهمك طيب
-نغم بتفتح الباب:- انت مش مضطر يا سليم بيه تفهمنى حاجه انت حر تعمل اللى انت عايزه وانا هسافر مع ماما
لما حياة ترجع ولو سمحت تطلقنى وكفاية كدا يابن عمى
-سليم:- لأ يا نغم أنا مش ابن عمك انا جوزك انتى مراتى وبحبك ومستحيل اتخلى عنك موضوع انى أطلقك دا لا يمكن يحصل انتى روحى ومحدش بيقدر يعيش من غير روحه أنا بحبك ومش هطلقك ومش هتسبينى وبعدها
يسببها ويخرج..... بقلمي شيرين ذكى
-نغم بتحس بصدق كلامه بس بترجع تفتكر هايدى ودموعها تنزل غصب عنها..........شويه وبتخرج نغم من أوضتها تلاقى هايدى ف وشها"سترك يارب 😂😂😂😂".....
-سيرين قاعدة بتفكر ف بناتها ولعبة القدر معاهم وهى واقفه عاجزة مش عارفه تساعد حد فيهم وبيقطع تفكيرها رنه فون
-هو:- لازم تيجى دلوقتي عشان نروح لحياة
-سيرين بفرحة:- حياة هى فين هى كويسه صح
-هو:- أنا مستنيكى بره يلا تعالى
-سيرين:- حاضر أنا هخرج اهو وفعلا بتخرج سيرين ومش بيجى ف بالها تقول لحد أنها خارجه ......
عند عمرو وتيم____________________________________
-عمرو بعد ما شاف العلامة اللى على دراع حياة وهو بيهاجم ها وبعدها سألها عن اسمها وقالت حياة بدأت ذكريات الماضى تهاجم تفكيره ومعرش يسيطر على نفسه...وف الوقت دا كان تيم قدر يفك نفسه وقام هجم على عمرو وبعنف ضربه وقعه على الأرض والتفت للباقى اللى هجموه وبسبب عددهم وهو كان لوحده مقدرش عليهم ومسكوه
-عمرو لسه سرحان ومش عارف يطلع من اللى هو فيه ويكلم نفسه..لأ مستحيل تكون هى حياة ماتت من سنين ونغم كمان بس امال دى مين وازاى العلامة دى موجودة ف نفس المكان وبنفس الطريقة وكمان اسمها حياة بس لأ لأ مستحيل حياة ماتت وانا لازم أفوق وبيرجع يتمالك نفسه ويبص لتيم اللى مسكوه واتكاتروا عليه ويضربه بالقلم على وشه ويبدأ يفرغ عصبيته وغضبه كله فيه....
-حياة بتصرخ:- لك اتركه انت ما فى بقلبك رحمة لك انت وحش مو انسان بكفى هيك كرمال الله اتركه يارب ساعدنا
-عمرو بيزيد وجعه كل ما يسمع صوت حياة ويحاول يتجاهل وجودها بس مش عارف وغضبه بيسيطر عليه ويلتفت ومن غير وعى يضربها بالقلم على وشها بقوة ويصرخ :- اسكتى
-حياة من قوة القلم اللى اخدته بوقها بيجيب دم وبتفقد وعيها وتيم بيشوفها ويبدأ يصرخ:- حياة حياة قومى
-عمرو بيضحك:- خايف عليها يا بطل ورينا هتعمل ايه بقا لما تشوفها قدام عينيك معايا ومع كل راجل من دول شوية
-تيم بغضب:- اخرس يا حقير يا عديم الإنسانية والله لو لمست شعرة منها لتكون نهايتك على أيدى يا بن الك***رواية عرق صعيدي الفصل الاول 1 بقلم مريم فهمي
-عمرو بغيظ:- طب ما تورينا ويقرب من حياة ولسه هيلمسها يلاقى اللى بيزقه بعيد عنها ويضربه بالقلم على. وشه.....
-بيرفع عمرو عينيه ويلاقى سيرين واقفه قدامه
-عمرو بصدمة ومش عارف يستوعب:- أمى...أمى انتى هنا.....ازاى لأ مستحيل
-سيرين بعياط وتضربه على صدره:- بتتجهم على أختك يا عمرو على حياة عايز تموت حياه عايز تموت قلبك ودنيتك
-عمرو:- لأ لأ وينزل على الأرض وياخد حياة ف حضنه ويبكى حياة حياة قومى حبيبتي قومى بصيلى أنا عمرو حبيبك أنا أخوكى ويصرخ وصوته يعلى حيااااة حياة قومى بقا
-سيرين:- ابعد عنها وتزق ايده وتاخد حياة ف حضنها
-عمرو:- أمى أمى اسمعينى ويمسك ايدها
-سيرين بغضب:- ابعد عنى أنا مش أمك انت مجرم انت لا يمكن تكون عمرو اللى ربيته وحبيته انت شيطان...وشويه ويدخل البوليس اللى كان مع سيرين والشخص اللى ساعدها
وبيمسكوا عمرو وبيطلبوا الإسعاف لحياة....
ف الفيلا----------------------------------------------------------------
-نغم بتفتح الباب تلاقى هايدى.. بتحاول نغم تكون هادئة
-هايدى بدلع:- إزيك يا نغم عامله ايه
-نغم ببرود مصتنع لأن جواها أصلا بيغلى :- كويسه الحمد لله
-هايدى:- اوعى تكونى مضايقة يا نغم من ارتبطنا انا وسولى احنا بنحب بعض من زمان اوى بس هو مكنش عايز يجرحك بس دلوقتي مبقاش ينفع نستنى وبتحط أيدها على بطنها
-نغم بتفهم اللى هى عايزه تقوله وأنها قصدها تغيظها بتتمالك نفسها وتقول:- مبروك عليكى اشبعى بيه الرخيص بيفضل..... رخيص عمره كله....وتسيبها وتمشى وهايدى على آخرها
-بتنزل نغم وبتسأل مرات عمها على مامتها واللى بتقولها أنها متعرفش بس واحد من الحراس اللى برا قال إنه شافها وهى خارجه من شوية....بيزيد تتوتر نغم وخوفها وحركة هايدى ف الفيلا بتتعبلها أعصابها وعشان كدا بتستأذن من نرمين تطلب انها تروح شقتها وفعلا بتسمحلها وبتروح نغم شقتها وتفضل على تواصل مع نرمين عشان لو عرفت حاجه عن مامتها وعن حياة..... بقلمي شيرين ذكى
&ف الشركة &
-عماد بيحاول على قد ما يقد ر يتفادى سليم عشان ميتخانق معاه لانه مقدر أنه فاهم غلط وعشان كدا بيتابع عماد الشغل من بعيد وف.... نفس الوقت مش ساكت وبيجمع أدلة يفضح بيها هايدى ويكشفها قدام سليم
-ف المستشفى تيم وسيرين مستنين الدكتور اللى بيخرج من عند حياة ويقولهم.....
-الدكتور:- أنا أسف احنا عملنا كل اللى تقدر عليه بس هى اللى حصلها كان فوق اكتمالها والهجوم عليها سبب لها صدمة عصبية قوية خلتها فى صدمه قويه..... وخايفة من كل اللى حواليها وانا شايف انها لازم تفضل ف المستشفى كام يوم تهدى......
-بتبدأ تبكى وتيم بيحاول يهديها وبعدها بيدخلوا يشوفهوها ويتكون نايمة بتطمن سيرين عليها وبعدين بتخرج تتكلم ف الفون وتيم بيقرب من حياة ويقعد جنبها ويفضل سرحان.....
"اه أقولكم مين تيم،،،،تيم دا شاب جنتل كدا عنده 25 سنة بس ظروفه كانت صعبة اوى من وهو طفل والده توفى وهو صغير اوى وبدأ هو يشتغل عشان مامته بس هى كمان ماتت وهو عنده12 سنة وبعدها عاش مع عمه لحد ما كبر شوية بس بسبب المعاملة من عمه ومراته وولاده سابهم ومشى ومن وقتها وهو شغال مع عمرو بس لما شاف حياة
فكرته بأغلى شخص عنده واللى هو بمثابة نقطة ضعفه اللى
عمرو كان يهدده بيها عشان يشتغل معاه والشخص دا نفسه اللى راحله ف اليوم اللى وصل فيه حياة للفيلا وبعدها هما هجموا عليه خطفوه ودا السبب اللى خلى تيم يقبل أنه يدخل عند حياة ف الليلة دى بالرغم من أنه عمره ما عملها أو انتهك بنت بس هو مكنش عايزهم يعملوا كدا مع حياة وعشان كدا هو اللى طلب يدخلها عشان ينقذها منهم "....نكمل بقا
-تيم بيكون قاعد جنب حياة ومرة واحدة بتقوم حياة بفزع وخوف وتبدأ ترتعش وتصرخ وتقول:- بعدوا عنى حرام عليكم ومن غير وعى تحضن تيم وتمسك فيه وتبكى وتصرخ.....
-تيم يحاول يهديها:- متخافيش يا حياة انا جنبك متخافيش محدش هيقرب منك والله...وبتبدأ تهدى حياة وتنام تانى
-عمرو اتحبس أربع أيام على ذمة التحقيق لحد ما تفوق حياة ويستجوبوها......عمرو سرحان وبيفتكر سيرين اللى هى خالته مش أمه بس هو ميعرفش غيرها ولا كان ليه حد ف الدنيا غيرها لانه أمه ماتت وهى بتولده وخالته هى اللى أخدته بين أيدها وهو لسه عمره ساعات وكانت احن حد عليه لأنه أبوه كمان مات بعد أمه بشهور وسيرين هى اللى ربته واهتمت بيه ولما اتجوزت كان هو عنده حوالى 14سنه وكان بيحب حياة ونغم وطول الوقت مقتنع أنهم اخواته وان سيرين مامته لحد ما بقى عمر حياة ونغم تلت سنين وكانوا ف حضنه وهو احن حد عليهم وبالأخص حياة كانت بتلمس قلبه وبيميل لها اكتر وف يوم كان مسافر ورجع ملقاش سيرين ولا حياه ولا نغم ولما سأل عليهم جد نغم وحياة قاله أنهم عملوا حادثة وماتوا كلهم وف الوقت دا كانت سيرين اخدت حياة وسافرت وخالد معاه نغم واتجوزو نادية اللى اختارها أبوه واللى ربت نغم ع أنها بنتها وبعد ما عمرو عرف أنهم ماتوا زى ما قالوله حياته كلها اتدمرت واتحول لشخص تانى بقا مجرم ووحش ميعرفش رحمة ولا إنسانية...فضل عمرو سرحان ف ذكريات الماضى...
-سليم بيروح الفيلا يدخل أوضته ويتفاجئ بوجود هايدى مش نغم بيزعق ومش بيستوعب اللى بيحصل وبعدها
بيفهم من نرمين أن نغم رجعت شقتهم تانى وبتلقائية وبدون اى اهتمام لهايدى بيروح عند نغم بيفتح ويدخل الشقه تكون نغم ف الحمام بيفضل مستنيها وشويه وبتوصل نغم مسدج على فونها ويفتح سليم لما يلاقيها من عماد اللى بيقولها.....
"نغم احنا لازم نتقابل عايز اتكلم معاكى ومش هينفع اجيلك تانى البيت عشان سليم بيشك فيا ابقى كلمينى".....أحيانا مش كل حاجه بتشوفها عيونا بتكون حقيقة وسعات الظروف بتكون أقوى عشان كدا بلاش تتسرعوا ف حكمكم على الناس خاصه اللى بتحبوهم عشان مش تخسروهم......
-سليم بيشوف الرسالة وغضبه يسيطر عليه ويحدف الفون يتكسر من قوه سليم وتخرج نغم من الحمام تلاقى سليم اللى يقرب منها وعيونه كلها غضب وبقوة يمسكها وبزعيق...
-سليم:- ايه اللى بينك وبين عماد
-نغم:-هيكون ايه يعنى دا زى اخويا
-سليم:- أخوكى....ردى عليا يا نغم عماد جه هنا قبل كدا وانا مش موجود
-.......
-سليم بزعيق:- ردى عليا يا نغم
-نغم بخوف:- أيوا بس.....
-مبتكملش الكلمة وتلاقى سليم ضربها بالقلم على وشها وقال
.....يعنى هايدى معاها حق
-نغم بضعف:- سليم استنى اسمعنى
-سليم وهو بيقرب منها:- عشان كدا مكنتيش عايزانى كنتى بترفضينى عشانه صح....
-نغم بتحاول تتكلم وعايزه تفهمه بس هو مش بيديها فرصة
-سليم بيزق نغم على السرير ويقول:- بس لأ انتى بتاعتى ومستحيل تكونى لغيرى وهو هيموت هموته يا نغم بس بعد ما هاخد حقى منك تمن وجعى وحبى ليكى
-سليم بيقرب من نغم بعنف وهى تبعد...نغم:- سليم ابعد عنى
-سليم:- لا يا نغم المرة دى مش هبعد ويقرب منها جامد .....
-نغم:- سليم انت اتجننت بقولك ابعد عنى
-سليم:- انا فعلا مجنون بس بيكى يا نغم ومش هسمح ابدا انك تكونى لغيرى انتى فاهمة.....وبرضو بعنف بيقرب منها وغضبه مسيطر عليه ونغم بتصرخ وتبكى وهو مفيش ومش بيفوق غير على صرخة قوية من نغم وبعدها يبعد سليم......
وتكون نغم على السرير ف وضع لا تحسد عليه والسرير كله دم ودا لأن دى كانت أول مرة يكونوا فيها مع بعض من وقت ما اتجوزوا......سليم بيبص لنغم اللى بتتألم وتئن وبتغمض عيونها...يقرب منها سليم ويحاول يفوقها بس مفيش ومش بتفوق يصرخ سليم....نغم نغم حبيبتي قومى قومى بالله عليكى عشان خاطري والله ما كان قصدى
ومفيش أى استجابة من نغم....... بقلمى شيرين ذكى
-يا ترى نغم هيحصلها ايه وسليم هيعرف أنه كل اللى عرفه غلط ومجرد سوء تفاهم ولا لأ ويا ترى نغم هتسامحه ولا لأ وياترى ايه اللى لسه القدر مخبيه لحياة ونغم؟!!!!!......