الفصل الاول والثاني
بقلم مريم حسني
ساره بدموع: افهم يا فارس افهم انا مينفعش اتجوزك مقدرش والله ماقدر
فارس مسكها من دراعها وهزها :بعنف ليه ليه انطقي في حد تاني في حياتك ؟!
سارة بتعيط: لا يا فارس مفيش
فارس بصراخ :امال ايه ردي عليا
ساره بصراخ اعالي :عشان انا مجوزلكش يا فارس
مجوزلكش
فارس: متجوزليش ازاي يعني افهم
سارة :مش هقدر مش هقدر اقولك وسابته ومشيت
فارس قام من النوم وهو بينهج اتنهد ومسح وشه بعصبية: الموت الحاجة الوحيدة اللي رحمتك مني يا سارة انا مترفضتش يا بنت المهدي بس والله ملحوقة ملحوقة يا سارة وغمض عينه وحاول يرجع ينام تاني
………………
في مكان تاني بنت نايمة وعمله تصرخ وتعيط وقامت من النوم مفزوعة وبتنهج اتنهدت بغضب وطلعت مذكرات اختها وابتدت تقرا الكلام اللي هي حفظة
……..
ملك المهدي 22سنة خريجة كلية اداب انجليزي بنت من عيلة كبيرة في مصر بس بابها كان علي قد حالة مات وهي عندها 10سنين عنيها عسلي بشعر بني وملامح حادة بعض الشئ او زي ماناس تانية بتقول ملامح شرسه بس جميلة موسطه الطول وجسم ممشوق ملك عندها اخت واحدة سارة وولدتها سابتهم واتجوزت بعد موت باباهم بفترة)
ملك بتتكلم في التليفون بدلع: ايوة يا انكل ايوة خالص السواق جالي اهو
الرد :تمام يا حبيبه قلب انكل كلها ساعتين تلاته بالعربية وبتقي عندي
ملك :خالص يا عمو سلام وقفلت ونزلت مع السواق غمضت عنيها بغل وافتكرت وهي عندها 10 سنين
ملك بفرحة طفولية: ساره ساره عمو شكري جيه
سارة بصتلها بخوف ودموعها اتجمعت: ايه جيه طب قوليلوا اني نايمة يا ملك
ملك: لا مانا قولتله انك صاحية وهو بيسال عليكي
ساره عيطت طيب اخرجي وانا هاجي وراكي سارة لبست عباية طويله وواسعه وخرجت
لقت عمها مقعد ملك علي رجله وبيلعب معها
سارة بزعيق :ملك تعالي هنا خوشي اوضتك
ملك: ليه ده عمو جايبلي شكولاتة
ساره بعصبية:اسمعي الكلام وانتي ساكتة ملك سابتهم ودخلت اوضتها
شكري ابتسم باستفزاز: ايه يا سوسو مالك بتتعصبي علي البت كده ليه تعالي خودي مش دي الشكولاته اللي بتحبيها
سارة بتهديد :ابعد عن ملك خالص ملكش دعودة بالبنت مش كفاية اللي عملته فيا ابعد عنا ياخي بقي ربنا ينتقم منك
شكري :تؤ تؤ تؤ ايه يا سوسو في في واحدة تكلم عمو حبيبها بالشكل ده
سارة راحت المطبخ وجابت السكينة :اطلع برة ورحمت ابويا لو ماخرجت لكون قتلك فاهم برة ومفشوفش وشك ده تاني
شكري بعصبية :لا ده انتي اتجننتي بجد بقي ماشي يا سارة انا هطلع برة بس اللي عملتيه ده هتتحسبي
عليه كويس وخرج بره الشقه وبعدها مامت سارة فتحت الباب ودخلت
نادين : سارةانتي عملتي ايه لعمك؟!
سارة:طردته وقولته لو شوفته هنا تاني هقتلة
نادين :انتي اتجننتي ولا ايه انتي عاوزة يقطع عننا الفلوس اللي بيديهانا ده احنا عايشين بيها
سارة بصتلها بكره: خرجت لقيته مقعد ملك علي رجله ومديها شكولاته وانتي عارفة طبعا ده معنه ايه صح
نادين: وايه اللي فيها يعني عمها عادي يعني وبديها شكولاته فين المشكلة
سارة بصتلها بالم ودخلت اوضتها
سارة :ملك حبيبتي
ملك: لا انا زحلانة
سارة :حقك عليا بس قوليلي اهم حاجة هو عمو شكري عملك حاجة
ملك :حاجة ازاي يعني
سارة: يعني انتي قعدتي معه قلك ايه وعمل ايه يعني
ملك مفيش اداني شكولاته وقعدني علي رجله وقالي هاتي بوسة وبس
سارة: بس كده
ملك :اه بس
سارة :طيب يا روحي احم نامي دلوقتي عندك مدرسة الصبح وعدي كذة سنة وشكري فعلا مكنش بيروح عند سارة خالص ساره بقي عندها 23 وملك 17سنة
في يوم جيه فارس ابن شكري الكبير طلب من سارة انوا يتجوزها سارة برغم من انو كان حب الطفولة بس متقدرش تتجوزه عشان حتي طفولتها دي
شكري بلع ريقه بتوتر احم ايه ساره اشمعنا سارة يا فارس يعني
فارس بحبها يا بابا وبعدين سارة بنت رقيقه ومادبه انا عارف ان في مشاكل بنكوا بس يمكن تتحل لما نتجوز وانا اكيد مش هلقي احسن من بنت عمي
شكري احم وانت اخدت رايها
فارس لا مش لازم استاذن حضرتك الاول بس انا هروح لها دلوقت
شكري ظيب يا حبيبي روح
فارس راح قابل ملك
سارةبدموع اسفة يا فارس بس انا مقدرش اتجوزك
فارس ليه يا سارة انتي عارفة اني بحبك اوي واذا كان يعني عشان خلفاتك مع بابا فانا
سارة قطعته بعياط ريح نفسك يا فارس انت لو اخر حد في الدنيا انا مش هتجوزه انا اسفه عن اذنك
فارس مسكها من دراعها بعصبية سارة انت لو مددتنيش سبب مقنع رفضك انا دماغي هتروح في حته تانية وساعتها هتشوفي اسود ايام حياتك
سارة عشان انا مجوزلكش يا فارس
فارس مجوزلكيش ازاي مش فاهم
وزقته وسابته وروحت
نادين بفرحة سارة عارفه فارس ابن عمك كلمني النهاردة وبيقول انو عاوز يتجوزك
ملك بصتلها بقرف عارفة قالي وانا رفضه
نادين رفضتيه انتي انجننتي ولا ايه هو ده يترفض انتي لازم تقوليه انك رجعتي في كلامك
سارة ضحكت بالم وسخرية صح ارجع في كلامي بس يا تري هينفع اتجوز فارس بالذات طب اتجوزه ازاي وهو ميجوزليش ها هو انا ينفع اتجوز اصلا وهتجوز ازاي وانا مش بنت ها متردي
نادين بتوتر انا هتصرف في موضوع انك مش بنت ده هتصرف
سارةبزعيق هتتصرفي برضو في اني مجوزلوش ها هتعمليها ازاي هتجوز فارس ازاي بعد ماابوه اغتصبني وانا عيله عندي 9سنين وكملت بعياط وقهر كنت كل ماجي اقولك عمو بيعمل كذه يا ماما تقولي هششششش متقوليش لحد اسكتي ده بيهزر معاكي
ايييييه انتي ام انت ولا هو ده عم ياعمل كده في بنت اخو العيله انتوا مبتخفوش ربنا حسب يالله ونعمه الوكيل ربنا ينتقم منكوا يارب وسابتها ودخلت اوضتها
ملك بعيط م ملك هو ايه اللي انا سمعتوا ده ها
سارة اطلعي برة يا ملك انا عاوزة انام
ملك بس
سارة بزعيق :برة دلوقتي يا ملك انا تعبانة
ملك :حاضر بس هدخلك كمان شوية وبعد حبة ملك دخلت تشوف ساره وتصحيها بس ساره مردتش عليها لقتها بلعت علبة الدوا انتحرت وجنبها مذكرتها
ومن يوم ما ملك قرت مذكرات ساره وهي حاطه قدامها هدف واحد انها تدمر ولدتها و عمها وعيله
ملك فتحت عنيها بكرة ورحمت ابويا ماههنيك لا ولا ولادك علي اي حاجة في حياتكوا ومبقاش ملك المهدي ونزلت من العربية بعد ما وصلوا ودخلت الفيلا
شكري بابتسامة عريضه: حمد الله علي السلامة يا حبيبتي
ملك بابتسامة مصتنعه :الله يسلمك ياانكل
شكري: تعالي يا حبيبتي اما اعرفك علي ولاد عمك يا ولاد تعالي سلموا علي ملك بنت عمكوا ساره لقت شاب وبنت جاين عليها
شكري: سلمي يا ملك علي ولاد عمك دي سلمي الصغيرة لسه متخرجة من كلية تجارة
ملك: اهلا ازيك يا سلمي
سلمي بابتسامة: ازيك يا ملك انا مبسوطة اوي انك هتقعدي معانا وهيبقي عندي اخت بنت
ملك :ميرسي
شكري: وده عمر ابني الوسطاني الدكتور بتاعنا ده
عمر :ازيك يا ملك
ملك بشوية دلع :انا تمام اوي
عمر: اهلا بيكي يا رب تتبسطي معانا هنا
ملك غمزتله: المهم انكوا تنبسطوا بوجودي
شكري: وده بقي حضرت وكيل النيابة فارس ابني الكبير
ملك رفعت عنيها بحدة تبصله
فارس بصلها بصدمة: سارة!!
الفصل التاني
فارس بصدمة ساره
ملك بصتله بصه مفهمهاش
شكري ساره مين يا فارس اش جاب القمر دي لساره قال سارة قال ربنا يحرقها مصرح ما راح بقي دي ملك يا حبيبي
ملك بصت لعمها بغضب وزعقت هي مين دي اللي ربنا يحرقها حضرتك بتتكلم عن اختي يا انكل لو مش واخد بالك
فارس وانتي مالك بتزعقي ليه
ملك هو ايه اللي ليه وبعدين انا وجهتلك كلام
فارس زعقلها متتكلمي عدل يا بت انتي
شكري وبعدين بس يا فارس عيب كدة
ملك برقه ودلع مصتنع معلش يا انكل لو كنت انفعت بس انا تعبانة خالص من المشوار وعاوزة انام
شكري لا يا حبيبتي انا مزعلتش ابدا اطلعي انتي ارتاحي فوق وهنصحيكي علي معاد الغدا
ملك اممم طب فين اوضتي يا انكل
شكري انا هوصلك ينفسي يا حبيبه انكل تعالي ملك وهي طلعه باي يا عمر وقرب من فارس وسمندت عل صدره بدلع وانت كمان يا فارس متزعلش مني ها باي
وطلعت اوضتها
فارس هي البت دي بتتكلم كدة لسه ايه اللي حدفها علينا اصلا
عمر معرفش يا فارس بس يمكن هي بتتكلم كدة وبابا هو اللي اصر انها تعيش معانا
سلمي انا مش فاهمة انتوا بتتكلموا علي ايه مهي بتتكلم عادي اهي
عمر ضحك تبقي مصيبة لو ده العادي يا سلمي
فارس بغضب ومسكها من درعها جامد عادي ايه انتي عاوزة تفهميني انك ممكن تتكلمي كدة عشان اقتلك
سلمي بخوف في اية يا ابيه هو انت عملك حاجة
عمر ايه يا فارس اهدي كدة وسيب البت في ايه
فارس سابها
عمر اطلعي فوق يا سلمي
سلمي حاضر حاضر وطلعت تجري
عمر مالك يا فارس بتعمل كدة ليه من ساعه ماشوفت ملك
فارس مفيش يا عمر مفيش حاجة انا طالع اوضتي وسابه وطلع
بعد شوية سارة قاعدة في اوضتها وبتفتكر فارس من وهي صغيرة وهي بتحبه
فلاش باك
في بيت سارة
فارس ازيك يا سارة
سارة بابتسامة باهته ازيك يا فارس اتفضل
فارس دخل ايه شكلك تعبان انتي كويسة
سارة الحمد لله انا تمام انت عامل ايه
فارس بحب بقيت كويس لما شوفتك
سارة بصتله بوجع واتنهدت
فارس نفسي مرة افهم البصه دي يا سارة
ملك خرجت من اوضتها وجريت عليه حضنته فارس وحشتني انت مش بتجي ليه انا زعلانة منك
فارس ملاكي حبيبتي وحشتني متزعليش مني انا بس مشعول في الدراسة شوية
سارة بزعيق ملك احنا قولنا ايه انتي كبرتي ومينفعش تحضني حد كدة
فارس في ايه يا سارة براحة ملك اختي الصغيرة
سارة معلش يا فارس انا كدة بربيها
ملك طب فيها ايه فارس خطيبي مش انت خطيبي
فارس ضحك صح انا خطيبك
سارة طب خوسي دلوقتي يا ملك خوشي جوا يلا
فارس اسمعي الكلام ياملاكي يلا وانا المرة الجاية هجيب سلمي و عمر ونقعد نلعب سوا
ملك ماشي باي
……….
باك
ملك اتنهدت بضيق لا مش من اول ماشوفه لا افتكري انتي جاية هنا ليه يا ملك ركزي وراحت لفارس اوضته
ملك بدلع ممكن نتكلم شوية يا حضرة القاضي
فارس بص لهدمها البلوزة اللحملات ومبينه بطنها والهوت شورت اللي لبسه نهارك ازرق ايه اللي انتي لبسه ده وازاي تدخلي اوضتي من غير اذن يا بت انتي
ملك بزعل مصتنع انت بتعملني كدة ليه يا فارس
فارس بحده بصي يا بت انتي امور السهوكة والعبط بتعتك ده تنسيها خالص ومتعتبيش الاوضه دي ابدا فاهمة وملكيش دعوة باخواتي احسنلك
ملك ومليش دعوة باخواتك ليه يا ترة
فارس بسخرية عشان اخاف عليهم من واحدة تربية سارة
ملك تربية سارة ليه وانتوا بتبيعوا سبح ولا ايه تمام عن اذنك يا حضرة وكيل النيابه وسابته وخرجت رجعت اوضتها كلمت حد في الفون
ملك ايوة يا فريد ابدا نفذ من بكرة انت معاك مواعدها كلها بتخرج امتي وبتروح فين وكل حاجة وريني شطرتك بقي وقفلت وراحت لسلمي
سلمي بابتسامة ايه يا لوكا عاوزة حاجة
ملك بابتسامة صفرا كنت عاوزة اسلم علي طنط
سلمي هي للاسف خدت العلاج بتعها ونامت دلوقتي معلش يا ملك انتي عارفة هي تعبانة ازي
ملك باسف مصتنع اه انكل قالي سلامتها بس بقولك ايه احنا لازم نبقي صحاب بقي
سلمي ببراة واكتر انتي زي اختي بالظبط يا ملك
ملك اممم اكيد يا حبيبتي عن اذنك بقي اما اشوف انكل عاوز مني ايه
وسابتها وخرجت راحت لشكري
شكري تعالي يا حبيبتي
ملك بدلع انكل كنت عاوزة منك طلب صغنن خالص
شكري انتي تامري يا حبيبه انكل
ملك كنت عاوزة اشرك في نادي كويس اتعلم فيه الرماية وركوب الخيل
شكري ومالة يا حبيبتي انا هخلي فارس يشتركلك في النادي بتعنا وهو بنفسه يدربك
ملك باسته من خدة بدلع ميرسي يا انكل خالص عن اذنك بقي وسابته وخرجت لقت عمر خارج من الڤيلا مشيت ورا تشوفه رايح فين لقته ماشي في
الجنينه وبيتلفت حولة وراح حته بعيدة جدا فيها وعدي حته زي ماتكون فاصل باب كده متغطي بشجر مشيت وره من غير
مايحس لقت في بيبت وجنينه تانية وراه الباب ده دخلت وره وقربت من البيت ده
وسمعت وشافت بنت شكلها يدي 18سنة جوة البيت وعمر بيتكلم معها وهي بتعيط
عمر متخفيش يا ياسمين متخفيش مني يا حبيبتي وبطلي عياط بس عشان خاطري
ياسمين بتعيط والنبي يا عمر وديني اشوف ماما عشان خاطري انت بتقول انها في المستشفى وبتموت هشوفها مرة واحدة بس يا عمر الله
يخليك هرجع هنا تاني والله ومش هقولك اني عاوزة اخرج من هنا ابدا بس وديني عندها
عمر بعصبية وغضب لا لا قولت لا انتي مش هتخرجي من هنا ابدا يا حبيبتي افهمي انتي
لو خرجتي من هنا هيخدوكي مني هيخدوي من عمر حبيبك
وانا مش هسمح ان ده يحصل ابدا فاهمه وحضنها بقوة انتي بتاعتي انا ومحدش هيخدك مني فاهمة
ملك في نفسها ااااه ده انتوا عيلة لسعه كلكوا باين كدة بس مين البت دي وحكايتها ايه؟!!!!
