رواية حب يفوق السحر الفصل الثالث عشر13والرابع عشر14بقلم روضه جمال

رواية حب يفوق السحر 

بقلم روضه جمال 

الفصل  الثالث عشر والرابع عشر

روايه #حب_يفوق_السحر 

الثالت عشر 

حور ... والله مبهزر انا اتصدمت لما شوفته وبنت خالتى اسمها روضه 

اترسمت معالم الصدمه على وشه 

حور ... اكيد فى سبب مستحيل يعمل كده من غير ما يكون فى سبب 

............

حور .... رد عليا متسكتش كده 

....  انا كويس يا حبيبتى بس عاوز ابقي لوحدى شويه 

حور .... مش هسيبك كده اكيد فهد اتجوز لسبب معين 

.....طب عرفتى  حاجه عن الشيخ زفت* ده 

حور .... ايوا البنت اللى جابت المعلومات قالتلى انه دلوقتى بيحاول يقتل روضه مرات فهد بس بطريقه عاديه 

..... وليه ماهو ممكن يأثر عليها بالسحر ولا يمكن فهد حماها 

حور .... بالظبط كده عرفت حاجه عن الناس اللى حابسهم 

.... للأسف لسه معرفش هم فين أو حتى مين دول وليه مقتلهمش لحد دلوقتى 

حور .... هم اكيد ناس مهمين وده السبب اللى خلى الشيخ مسعود ميقتلهمش واكيد هيستفاد من حياتهم والا كان موتهم من سنين 

.... الوقت دلوقتى للأسف بقي صعب اول حاجه عاوزين نحاول نحمى روضه وتاني حاجه نعرف مين الناس اللى محبوسين دول 

حور .... هو مينفعش نبلغ الشرطه على المكان ده 

.... لا طبعا ده حابسهم فى سرداب فى المقابر يعنى لو الشرطه نفسهم راحوا هيترعبوا وكمان الشيخ مسعود مش عبيط عشان الشرطه تمسكه بالسهوله دى 

حور .... طب وهنعمل ايه دلوقتى انا حاسه ان كل حاجه اتعقدت 

..... اهدى يا حبيبتى وكل حاجه هتتعدل اوعدك دلوقتى عاوزين نعرف هو هيقتل روضه اذاى ولازم نحزرهم

حور .... طب وهنحزرهم اذاى بقا 

..... روضه تبقي بنت خالتك وهى بتحبك جدا ممكن تروحى تقعدى معاها يومين او تلاته ومش اى يومين انتى هتروحى فى الوقت اللى الشيخ مسعود هيحاول يقتلها فيه وتاخدى بالك كويس من نفسك اهم حاجه 

حور .... روضه اه بنت خالتى ولكن اذاى هروح اقعد عندها وهى عروسه جديده 

..... بصي يا ستى ببساطه جدا هتعملى كذا ********

حور .... والله فكره حلوه طب وبعد كده هنعمل ايه 

...... اكون انا جمعت كل  معلومات عن الناس المحبوسه وطريقه اوصلهم بيها من غير ما اتئذى 

حور .... انت هتخرج وتظهر قدام الناس 

قام وقف ودخل اوضته جاب شنطه من جوه وطلع فتح الشنطه 

حور .... ايه ده 

..... دى هدوم چاكيت اسود وبنطلون وقناع وكاب 

حور .... انت هتتنكر

..... عشان لازم اخرج مش هفضل كده كتير وكمان مينفعش حد يشوفنى لحد  ما اعرف كل الحقيقه 

حور .... انت متأكد من إللى بتقوله ده كده خطر عليك اوى ولو الشيخ مسعود عرف حاجه مش هيخليك عايش لحظه واحده والمره دى هيتأكد انك موت بجد 

...... متخافيش عليا ربنا معانا المهم يلا انتى عشان متتأخريش 

حور .... طب احنا معرفناش الشيخ مسعود هينفذ خططته فى قتل روضه امته 

..... احتمال يبدأها الفتره دى عشان كده روحى يا اما النهارده أو بكره بإذن الله

حور .... حاضر يا روحى فى رعايه الله خلى بالك من نفسك كويس

..... من عيونى عارفه لو مش حرام كنت اخدتك بالحضن دلوقتى 

حور بخجل .... لا انا كده امشي احسن 

...... (بضحك على خجلها ) ماشي يا قلبي وخلى بالك من نفسك كويس

خرجت حور من عند الشاب وهى فى عقلها مليون سؤال هى هتعمل ايه وهيبقي شكلها ايه لما تروح تقعد مع روضه وفهد وهم لسه عرسان جداد 

_________________

فى قصر فهد الصقر 

كنا قاعدين كلنا فى الرسيبشن وأسماء ومحمد مش بيبطلوا خناق وضحك طفولى 

..... هو ممكن أسأل سؤال 

محمد بضحك ... يا شيخه اسأليه ده زى جوزك برضوا 

فهد ... استر يارب خير اسالى 

..... هو مين اللى عاوزين تموتوه ده 

فهد .... كنت عارف انك هتسألى السؤال ده بس اتأخرتى 

ابتسمت وقولت ..... طب ليه عاوزين تقتلوا الشخص ده 

فهد .... الشخص اللى انتى متضايقه عشانه ده يبقي مجرم 

اسماء .... مجرم يبقي تسلموه للشرطه مش تقتلوه وتبقوا قتالين قتله 

..... انا ده رأيي بردوا 

فهد .... المجرم ده يبقى الشيخ مسعود اللى كانت السبب فى موت اخويا وصاحبه وبابا وصاحبه 

محمد .... ودلوقتى فاضل فهد وصاحبه اللى هو انا يعنى لو مقتلنهوش هو هيقتلنا لانه دلوقتى بيخطط لقتلنا 

انا وأسماء ...... بعيد الشر عليكوا يارب 

ابتسم فهد ومحمد على خوفى انا وأسماء عليهم 

فهد .... عرفتوا ليه لازم يموت 

اسماء ... انا لحد دلوقتى مش قادره افهم ليه عاوز يموتكوا 

فهد .... اولا شغله كله شمال يعنى سحر ودجل وكمان بيشتغل فى الممنوعات وبيقتل كل اللى يعرف حقيقته 

..... طب وانت عارف كل الحقيقه 

فهد .... فاضل شويه معلومات بس وابقي عرفت عنه كل حاجه اه صحيح يا محمد عرفت حاجه عن البنت 

محمد .... ايوا بس لسه مش عارفين بتوصل معلومات لمين 

..... مين البنت إللى مهتم بيها اوى دى 

فهد بإبتسامه لما حس انى غيرانه .... دى بنت لقيناها بتجمع معلومات عن الشيخ مسعود وواضح ان ليها طار عنده زايي بالظبط فقررت اعرف هى ليه بتدور وراه 

رديت بغيره واضحه .... طب ماتدور ولا انشالله مدورت ملناش دعوه بيها 

الكل ضحك على طريقتى حتى فهد وطبعا مسلمتش من لسان اسماء 

اسماء ... ايه ده ابو الصحاب بيغير اوعا بقا 

رديت بتوتر ..... لا بس عشان هم اصلا فى خطر مش بعيد تكون البنت دى مع الشيخ مسعود اصلا وعامل كده عشان يوقعهم 

فهد .... اولا متخافيش جوزك مش سهل وكمان عملت حساب النقطه اللى بتتكلمى فيها وعشان كده خليت محمد يجمع معلومات عنها وكمان فى ناس مرقبينها جوزك مش اهبل عشان نقطه زى دى ميخدش باله منها 

منكرش ان قلبي كان بيرقص لما قال جوزك ولكن خايفه عليه انا هطلع فوق لانى فعلا متوتره 

..... انا طالعه ارتاح شويه 

فهد .... تحبي اجى معاكى 

..... لا خليك متتعبش نفسك 

محمد .... ينفع كده لسانك ده احرجتيها 

اسماء بضحك .... ياعم دى صاحبه عمرى خد بالك يافهد لما وشها احمر الله يسهلك ياعم شكلك فتحت الباب 

فهد بضحك على طريقتها الطفولية ..... باب ايه بقا 

اسماء .... باب قلبها طبعا هو ده حاجه سهله وخاصه بعد ما كانت كرهت الرجاله كلهم

فهد بتركيز .... كرهتهم ليه 

اسماء .... روضه كانت بتحب شاب بس خزلها وطلع كداب ودمر حياتها بمعنى الكلمه وكانت بتعيط كل يوم وحابسه نفسها فى اوضه ضالمه لانه ظالمها جامد وفضلت سنه كامله لحد ما رجعت لطبيعتها ومن ساعتها وهى بتكره الرجاله ورافضه الجواز 

فهد .... كل ده حصلها 

اسماء .... بالرغم من ان جوازكوا جه صدفه وانت وهى مبتحبوش بعض بس انا فرحت اوى 

فهد .... ليه بقا 

اسماء .... لان روضه كانت رافضه الجواز ولو فضلت مليون سنه مكنتش هتتجوز والخطر اللى هى فيه ده هو السبب فى جوازها وحاسه انك هتعوضها عن كل اللى هى شافته وكمان روضه باين عليها مشاعرها بدأت تتحرك ناحيتك بس هى هتمنع نفسها انها تحبك خليها تحبك  بطريقتك 

فهد .... بإذن الله هعوضها 

قاعدين تحت لسه بيتكلوموا وسمعوا صوت صراخ من اوضه فهد 

فهد .... ده صوت روضه 

طلعوا جرى لقوا شاب لابس قناع وبيخنق فيا ولسه بيدخل حقنه فى رقبتى

البارت الرابع عشر

فهد .... بإذن الله هعوضها 

قاعدين تحت لسه بيتكلوموا وسمعوا صوت صراخ من اوضه فهد 

فهد .... ده صوت روضه 

طلعوا جرى لقوا شاب لابس قناع وبيخنق فيا ولسه بيدخل حقنه فى رقبتى وفهد 

طلعوا جرى لقوا شاب لابس قناع وبيخنق فيا ولسه بيدخل حقنه فى رقبتى كان فهد حدفه بالفاظه ووقعت الحقنه من ايده بقلمى روضه جمال

فهد جرى مسكه وفضل يضرب فيه وبعد كده محمد خد الشاب من فهد وكمل ضرب فيه وفهد جرى على السرير عشان يشوف حالتى لأن وشي كان احمر من كتر الخنقه 

فهد ... محمد خد الكلب ده ارميه فى المخزن لحد ما أفضاله 

محمد .... حاضر 

نزل محمد ومعاه الشاب ولسه مكشفش وشه وفضل فهد وأسماء معايا بقلمى روضه جمال

اسماء بخوف  ... روضه حاسه بإيه طمنينا عليكى 

فهد .... ممكن تفهمينا حصل ايه من وقت ما طلعتى

بدات اترعش والخوف بان فى عيونى فهد قام قعد جنبي واخدنى فى حضنه 

فهد .... اهدى انا جنبك متخافيش فهمينى حصل ايه 

بدأت اتكلم بتلعثم .... ل لما طلعت الاوضه دخلت الحمام ااخد شاور

فهد ... اهدى يا حبيبتى وكملى 

كملت وانا بحاول أهدى شويه .... وطلعت غيرت وسمعت صوت جاى من البلكونه روحت اشوف فى ايه ملقتش حد خالص وفعلا مكنش فى حد دخلت الاوضه تانى وقفت اسرح شعرى لقيت اللى واقف ورايا 

فلاش باك_________ 

.... انت مين واذاى تدخل هنا 

الشاب .... انا مين مش لازم تعرفي أما بقي انا دخلت اذاى ببساطه جدا 

رديت برعب وبحاول  اغطى شعرى .... اذاى والحرس 

الشاب .... من وسطهم ومحدش شافنى بالتعوزيه ياقطه

..... انت مين وتعويزه ايه وعاوز منى ايه 

الشاب .... عاوز روحك جاى اخد روحك 

باك _______

وبعدها صوتت وجريت ناحيه الباب عشان انزل أو انادى عليك بس هو مسكنى ووقف قدام الباب وبدأ يقرب لحد ما وقعت على السرير وهو بدأ يخنق فيا وبعدها انت جيت وبس بقلمى روضه جمال

كنت بحكى لفهد ودموعى سابقه الكلام 

..... فهد هو انا هفضل كده لحد امته وليه عاوزين يموتونى انا بالذات 

فهد وهو بيزيد فى حضنه وكأنه بيطمنى  .... متخافيش قريب أوى كل ده هيخلص انا قربت اجمع كل حاجه وبعدها هنرتب اذاى نقتل الشيخ مسعود عشان نعيش مرتاحين 

..... والشرطه كده هتقبض عليكوا 

فهد .... انا هخلى الشرطه هى اللى تساعدنا فى قتله اسماء هتفضل معاكى لحد ما أنزل للشاب اللى تحت واشوف هو مين 

..... خلى بالك من نفسك عشان ده خطر 

فهد بإبتسامه .... متخافيش عليا

فهد لنفسه ... انا اسف يا حبيبتى ان حصلك كل ده وانا موجود بس اوعدك خلاص ومش هسيبك لحظه لوحدك 

نزل فهد المخزن لقى محمد ماسك الشاب وشايل القناع من على وشه 

محمد .... فهد للأسف مش راضي يتكلم 

فهد .... اذاى مش راضي يتكلم خلى المدرب يجيب كنز ( كنز النمره بتاعه فهد ) 

محمد ... حاضر 

ولسه محمد خارج الشاب كان لابس خاتم وحطه فى فمه وفجأه وقع من طوله بقلمى روضه جمال

محمد .... الحق يافهد ده شكله مات 

فهد بعصبيه  ... اذاى هو بلع ايه وليه يموت نفسه بالسهوله دى 

محمد ... الخاتم اللى كان في ايده 

فهد ... انت تعرفه الواد ده 

محمد .... شوفته مره واقف عند الشيخ مسعود 

فهد .... كده الشيخ مسعود بيحاول يقتل روضه بعيد عن السحر 

محمد .... هو ليه عاوز يقتل روضه الاول كان خايف تقولنا دلوقتى هى كده كده قالت لنا على كل حاجه ليه عاوز يقتلها اكيد فى سر 

فهد .... والسر ده لازم اعرفه 

محمد .... هنعمل ايه فى الواد ده 

فهد .... هندفنه بس ادفنه فى مدافن عيله الصقر 

محمد .... ليه 

فهد .... لانه قتل نفسه عشان يحمى ناس تانيه 

محمد .... تقصد الشيخ مسعود

فهد .... لا طبعا الشاب ده اتهدد وخاف يتكلم وخاف يرجع لشيخ مسعود فانتحر

محمد .... احنا نبعت جثته للشيخ مسعود احسن لان لو دفناه احنا ممكن يشك انه مامتش 

فهد ... الشيخ مسعود مخاوى وهيعرف انه مات مش بعيد يكون عرف اصلا بقلمى روضه جمال

محمد .... عندك حق خلاص هندفنه النهارده وبعد كده نشوف هنعمل ايه 

محمد وفهد طلعوا وكلفوا واحد من الرجاله انه يغسل الجثه ويروحوا يدفنوه فى مقابر عيله الصقر

عند روضه  وأسماء 

اسماء .... روضه تليفونك بيرن 

.... شوفى مين يا اسماء 

اسماء .... دى حور بنت خالتك 

.... طب هاتى ارد عليها 

..... الو السلام عليكم ورحمه الله وبركاته

حور .... وعليكم السلام ورحمه الله وبركاته اذيك يا رورو بقلمى روضه جمال

..... قلب رورو يا حور انا بخير والحمد لله

حور ... بقولك تعرفي واحد اسمه الشيخ مسعود 

.... انتى تعرفيه منين 

حور .... اصل حصل *******

..... نعم اذاى وهو يعرفك منين ويعرف انك قريبتى منين 

حور .... مش عارفه 

..... طب مش  انتى عارفه مكان القصر اكيد فكراه من يوم الفرح 

حور ... ايوا افتكر الطريق بس ليه بتسألى 

.... هتيجى تقعدى معايا فى القصر عشان محدش يئذيكى 

حور .... بس مينفعش يا روضه وبعدين انتو لسه عرسان جداد 

..... ياستى ملكيش دعوه المهم الصبح تكونى عندى هنا او لو تعرفي تيجى دلوقتى يبقي حلو اوى بقلمى روضه جمال

حور .... لا يا روحى هاجى الصبح وخلاص

.... تمام يا روحى خلى بالك من نفسك

حور ... حاضر يا قلبي يلا سلام 

خلصت المكالمه مع حور وفهد كان طالع دخل وقال لاسماء تنزل لمحمد 

فهد .... اسماء محمد عاوزك تحت 

اسماء ... استر يارب حاضر هنزله رغم انى مش مطمناله 

فهد ... خليها عليكى المره دى 

اسماء .... يلا امرى لله بقلمى روضه جمال

نزلت اسماء وفهد جه قعد جنبى 

..... عملت ايه معاه يافهد 

فهد .... للأسف انتحر قبل ما ينطق بكلمه 

اتكلمت بصدمه .... اذاى انتحر وليه اوعى تكون قتلته يافهد 

فهد ..... انا مش مجرم انا دكتور محترم ورجل أعمال ليا مكانتى مش انا إللى اقتل 

..... انا اسفه مقصدتش (رديت بندم انى جرحته ) 

فهد .... خلاص ولا يهمك

..... طب ممكن طلب 

فهد .... اتفضلي 

..... حور بنت خالتى هتيجى هنا يومين 

فهد .... انتى عارفه وضع البيت وبعدين ممكن افهم السبب بقلمى روضه جمال

..... عشان الشيخ مسعود عمل ********

فهد بصدمه  .... اذاى ده 

فى مكان آخر _______ 

حور .... انا كلمت روضه 

الشاب المقنع .... ها عملتى اللى اتفقنا عليه 

حور .... ايوا وهروح بكره 

الشاب المقنع .... تمام حلو اوى وانا خرجت 

حور بصدمه  .... نعم اذاى وليه 

الشاب المقنع.... خرجت بالقناع وكمان عرفت ان الناس المحبوسين بقالهم حوالى عشر سنين 

حور .... ياربي بقالهم كتير اوى طب وحابسهم ليه 

الشاب المقنع.... كل اللى عرفته **** 

ولسه اللى جاى اجمد 🙂😌😌

ليه الشاب اللى كان بيقتل روضه قتل نفسه رغم انه كان ممكن يهرب بالسحر زى ما دخل بيه 

ايه الكلام اللى حور قالته لروضه خلتها هى اللى تعرض عليها انها تروح القصر 

وايه اللى عرفوا الشاب المقنع عن الناس المحبوسين 

                الفصل الخامس عشر من هنا

لقراءة باقي الفصول من هنا