#حب_يفوق_السحر
بقلم روضه جمال
الفصل الثالث والرابع والخامس وعشرون
قربنا من الباب وكان فيه مفتاح من بره واستغربنا انه فتح بسهوله من غير تعويذه أو كسر الباب ولكن كانت الصدمه من اللى شوفناه
فهد ..... لا مستحيل
..... فى ايه يا فهد
كانت الاوضه كبيره وفى عنكبوت فى كل زاويه فى الاوضه وفيها شباك صغير ولكن عالى اوى وفى اماكن صغيره عشان تدخل هوا ويعرفوا يتنفسوا وكان فى حوالى خمس اشخاص وبنت صغيره فى سن الشباب
فجأه لقينا راجل كبير شكله متبهدل وباين على وشه أثار التعب وقرب مننا ولكن فهد جرى عليه وواضح انه بيشبه عليه بقلمى روضه جمال حب يفوق السحر
..........
محمد .... لازم نفتح الباب ده حتى لو هنكسره
احد الحرس ( ياسين ) ..... يا محمد بيه ده باب مقبره يعنى مش بالسهل كده وكمان فى مقابر حوالينا مينفعش نخبط كتير بالليل
محمد بقله حيله..... والعمل ايه يا ياسين
ياسين ..... للأسف هنستنى على الأقل للفجر ومش هينفع نفضل هنا
محمد بعصبيه .... مستحيل مش هسيب صاحب عمرى هنا وامشي ولو فضل اكتر من كده تحت ممكن يتخنقوا
ياسين ...... بس مفيش حاجه فى ايدينا
واحد من الحرس اللى واقفين بعيد ..... بقولك ايه الجو ميطمنش وفهد بيه مستحيل يطلع هو كده اتدفن بالحيا واحنا لو فضلنا فى المكان ده هنحصله
الحارس ٢ ..... تقصد ايه
حارس ١.... اقصد نخلع احنا ننفد بجلدنا والوقت أتأخر هنفضل هنا لحد ما نتلبس
الحارس ٢ ..... بس مش هينفع نسيب محمد بيه هنا لوحده
الحارس ١ ..... ياعم سيبك منه اصلا مفضلش غيره يلا احنا
الحارس ده دماغه سم ونهايته منيله
بدأ الحارسين انهم ينسحبوا من غير ما حد ياخد باله منهم وبعد شويه سمعوا صوت يرعب وايد اتحطت على كتفهم الاتنين لفوا وشهم والخوف ماليهم وانصدموا من اللى شافوه وصرخوا بأعلى صوت
ياسين .... ده صوت حد بيصرخ
محمد ..... تعالى نشوف فى ايه
ياسين ..... انا بفكر نفضل هنا يا محمد بيه أو ناخد الحرس معانا
محمد .... خلاص نص الحرس ييجى والنص التانى يفضل هنا عشان لو فهد عرف يطلع يلاقي حد مستنيه
ياسين .... تمام وانا هاجى معاك
مشي محمد وياسين فى اتجاه الصوت وواحد من الرجاله وقف فجأه
محمد .... وقفت ليه
هو حضرتك مش شايف اللى هناك ده
كلهم بصوا ناحيه ما شاور وفى منهم اللى خاف من المنظر ومنهم اللى قال نروح كلنا مع بعض عشان نبقي قوه بقلمى روضه جمال حب يفوق السحر
ياسين .... فعلا احنا نروح كلنا ونشوف مين دول وايه إللى حصلهم
..................
ليث .... انا كلمت البوليس وبلغت عن امجد
حور .... اتمنى يقبضوا عليه
ليث ..... المفروض أن معاد تسليم الآثار يكون دلوقتى والشيخ مسعود هو وأمجد هيسلموا البضاعه بنفسهم لان اعتقد دى عمليه كبيره وبكده هيتقبض عليهم
اسماء .... وحتى لو اتقبض عليه الخدمه هتفضل معاه
ليث .... اعتقد فهد هيتصرف فى الحكايه دى
حور ..... ايوا صحيح دول اتأخروا اوى
ليث ..... انا هطلع من السرداب ده لان طالما مفيش حاجه حصلت يبقى انتوا هتبقوا فى امان هنا
حور .... انت هتروح فين
ليث .... هروح أتأكد ان امجد اتقبض عليه هو والشيخ مسعود
خرج ليث ( وطبعا كان لابس قناع لان لسه محدش يعرف انه مازال عايش ) و ساب اسماء وحور فى السرداب وزود حراسه على القصر وخلى ناس موثوق فيهم يفضلوا فى القصر
ركب عربيته ولكن من غير اى حرس وراح ركن عربيته فى مكان شبه الصحرا وكان موجود عربيات كتير فى المكان ولكن بعيد عن ليث وكان مراقبهم
امجد .... (انت جاهز ) ? are you ready
الأجنبي .... ( انا جاهز بس فين التماثيل )
l'm ready , But where are the statues ?
امجد ......( معايا فى شنطه العربيه )
With me in the trunk of the car
الأجنبي ..... ( تمام ) okay
امجد جاب التماثيل وبدأت عمليه التسليم وكل ده وليث مراقبهم والبوليس اتأخر ليث قرر يرن علي الشرطه ولكن للاسف المكان مفيهوش اى شبكه ولكن فى الوقت ده كان البوليس وصل بقلمى روضه جمال
وصل البوليس وشاف عمليه التسليم وابتدا ضرب النار وصوت الرصاص بيزيد وأمجد اتصاب فى كتفه والخواجه كمان اتصاب والبوليس قدر يقبض عليهم متلبسين
ليث فرح جدا انه قدر يخلص من امجد ولكن استغرب لعدم وجود الشيخ مسعود ( ميعرفش ان فهد قتله وكمان فهد معرفش حد خطته غير محمد بس )
بعد ما البوليس مشي ومعاه كل اللى كانوا موجودين بعد شويه ليث اتحرك بعربيته وشك ان فهد ممكن يكون راح عشان يطلع الناس المحبوسين فقرر يروح لأخوه يمكن يكون محتاجه وبالفعل اتجه على المقابر مكان ما الشيخ مسعود حابس الناس
...............
ياسين ...... ايه ده دول رجاله من الحرس
محمد ..... اذاى ده حصلهم
احد الحرس ..... شكلهم خافوا وقرروا يهربوا
محمد ..... بس ايه اللى عمل فيهم كده
فلاش باك
اول ما التفت الحارسين شافوا واحد شكله يخوف جدا بس للاسف مكنش انسان زأيهم كانت رأسه مش كامله وكأن حد ضاربه بالسطول فى رأسه شايل حته منها وفى دود على وشه وكان اسمر اوى وطويل وجسمه محنى (يعنى زى ما يكون موطى كده ) وشكله مايوحيش بخير بقلمى روضه جمال
( ده واحد مقتول وبيطلع بالليل لأى حد يكون موجود حوالين مقبرته وبيئذيه )
واحد منهم من كتر الخوف وقع من طوله والتانى واقف فى زهول وبدأ الشئ المرعب ده يتكلم بصوت لو حد فينا سمعه ممكن يروح فيها
= انت ايه جابك عندى
الحارس من كتر الخوف منطقش ولما مردش الشبح اتعصب وغرس ضوافره كلها فى رقبه الحارس
= هااااكلك
بدأ الحارس يصرخ وكل ما يصرخ كل ما الشبح يغرس ضوافره اكتر وبعد كده قرب من رقبه جامد وفتح بوقه بطريقه مرعبه واكل رقبه الحارس مره واحده لدرجه ان رأسه انفصلت عن جسمه
الحارس التانى كان مرمى على الأرض ولسه بيفوق فتح عينه لقي راس صاحبه جنبه والشبح قدامه وقع تانى ولكن المره دى انتهت حياته ( من كتر الخوف وقفت عضله القلب )
اختفى الشبح اول ما شاف ناس كتير جايين ناحيته (اللى هم محمد وياسين الحرس )
بااااااااااك
محمد ...... المكان هنا مش آمان خالص
ياسين .... ولازم نرجع للرجاله فى اسرع وقت لان طول ما احنا كتير مش هيحصل حاجه بإذن الله
محمد قال للحرس يشيلوا الجثتين بتوع زمايلهم ويرجعوا بيهم عند المقبره إللى فيها فهد
اتجهوا كلهم عند المقبره بعد ما ياسين قالهم ان محدش يبعد خطوه واحده لانه هيعرض حياته للخطر بقلمى روضه جمال حب يفوق السحر
وصل ومحمد وياسين والحرس عند المقبره واتفاجؤا ان فهد واقف بره هو كل إللى كانوا تحت
محمد ..... فهد حمد لله على سلامتك الحمد لله انك طلعت وبخير ولكن اذاى
فهد ..... هحكيلك بس ايه ده حصلهم كده اذاى
محمد ..... مش عارفين لقيناهم بالمنظر ده جنب مقبره
فهد .... لازم نمشي بسرعه
محمد ..... دول اللى كانوا محبوسين
فهد ..... ايوا
محمد قرب منهم ........ ايه ده مستحيل 😳
ولسه اللى جاى اجمد 🙂😌😌🍂
اذاى فهد و روضه طلعوا ومين الراجل اللى قرب من فهد
وياترى بعد القبض على امجد وقتل الشيخ مسعود انتهى الشر ولا لسه للحكايه باقي
بقلمى Rawda Gamal
روايه #حب_يفوق_السحر
#كاتبه_المستقبل
كومنتات قمر زايكوا كده 💖💖🍂
رأيكوا يهمنى وبيشجعنى اكمل 🙂🍂🍂
البارت الرابع والعشرون
#حب_يفوق_ااسحر
محمد ..... دول اللى كانوا محبوسين
فهد ..... ايوا
محمد قرب منهم ........ ايه ده مستحيل 😳
فهد ... هنفهمك بعدين
محمد .... عمى فاروق اذاى عايش وحشتنى اوى
جرى محمد على فاروق والد فهد وحضنه جامد وكان بيعيط لأن فاروق هو اللى مربيه بقلمى روضه جمال
فاروق .... خلاص يامحمد ايه شغل العيال ده لسه زى ما انت شكلك متغيرش
ياسين .... حمد لله على سلامتك يا فاروق بيه
فاروق .... الله يسلمك بس انت مين
ياسين .... انا ياسين رئيس الحرس وللأسف ابن اخو امجد
وفجاه لقينا البنت اللى كانت محبوسه وكان شكلها متبهدل من الحبس وكانت ملامحها هاديه راحت فى اتجاه ياسين ومسكت فيه وبتقوله هموتك انت وعمك انتو السبب فى اللى انا فيه هنتقم منكوا وهاخد حق اهلى وبدأ صوتها يعلى والكل بيحاول يبعدها لحد ما اغمى عليها
..... حد يلحقها دى اغمى عليها
فهد حاول يفوقها لحد ما فاقت بس كانت حالتها صعبه شويه وبعدنا ياسين عنها عشان لو شافته هتعوز تقتله وممكن يجرالها حاجه تانيه
خرجنا كلنا وطبعا ومحدش بعد عن المجموعه خوفا من الشبح اللى قتل صحابهم وبعض الحرس شايلين الجثتين بتوع الحارسين إللى هربوا بقلمى روضه جمال
ركبنا العربيات وكان محمد اللى بيسوق وجنبه فاروق بيه لأن فهد رجله متعوره وفاروق بيه كان تعبان اوى وكنت انا وفهد والبنت ورا
...... محمد بعد اذنك ممكن تطلع على المستشفى الاول بلاش القصر
فهد ..... لا اطلعوا على القصر وانا هجيب دكتور البيت
...... يا فهد انت مش شايف رجلك عامله اذاى عشان خاطرى نروح المستشفى
فاروق ..... يا ابنى لازم نطلع على المستشفى وبلاش عند
اخيرا فهد وافق بعد محايلات مننا ومحمد غير طريقه للمستشفى بدل القصر وطبعا كل العربيات ورانا وصلنا المستشفى ونزل محمد وسند فهد لحد ما دخلنا جوه فهد دخل اوضه لحد ما محمد يشوف دكتور لان الوقت كان متأخر اوى وداخل على الفجر
رجع محمد ومعاه الدكتور وبدأ يفحص رجل فهد وبانت علامات على وشه مش مفهومه ايه معناها
فاروق ..... خير يا دكتور
الدكتور ..... للأسف اتأخرتوا اوى
..... يعنى ايه مش فاهمه
الدكتور .... يعنى للأسف مفيش حل غير البتر ( انهم يقطعوا رجله )
..... لا مستحيل
محمد بحزن ..... مفيش حل تانى
الدكتور .... للأسف لا وكمان لازم العمليه تتعمل باسرع وقت عشان ميأثرش على باقي الجسم
فهد بحزن باين فى عيونه وبيحاول يداريه..... وانا موافق
روحت جنب فهد وقعدت على طرف السرير ..... انت ليه عاوز تعملها ممكن نشوف العلاج احتمال يجيب نتيجه
فهد ..... عارف ان مفيش علاج ومتأكد ان فى حاجه لازم تحصل
...... اتمنى تقوم بسرعه وترجع احسن من الاول
الدكتور ..... احنا هنحدد العمليه الصبح بإذن الله وكمان هبعت حد يعقم رجله وكمان عشان نجهزه للعمليه بقلمى روضه جمال حب يفوق السحر
الكل قاعد والدموع فى عيونهم وخايفين على فهد بالرغم من الشخصيه الصعبه اللى بتبان قدام الناس ولكن هو طيب جدا وحنين فوق الوصف وشخص مسؤول جدا وبيساعد اللى حواليه
فهد طلب ان كل اللى كانوا محبوسين يعملوا فحص شامل عشان لو فى جروح أو حد تعبان يلحقوه وبعدها طلب من محمد ياخد الكل ويرجع القصر ولكن الكل رفضوا انهم يسيبوه ويمشوا
فهد ..... يا بابا روح دلوقتى على الأقل غير هدومك وارتاح شويه وتعالى الصبح قبل معاد العمليه
فاروق .... لا مش هسيبك كده وامشي
فهد ..... عشان خاطرى وهستناك الصبح
...... فهد عندوا حق يا عمى لازم تروح ترتاح شويه
فاروق ...... ومين هيفضل معاك
رديت علطول ..... هفضل انا معاه
فهد ..... اذاى بقا
...... استنى بس انت
خرج الكل ورجعوا القصر وياسين هو اللى فضل موجود ولكن كان بره هو وبعض الحرس وباتوا فى العربيات
فهد ..... انتى ممشيتيش معاهم ليه
رديت بضحك بحاول اخفف عنه شويه ..... واسيبك يعنى لوحدك اذاى ميصحش ياجدع
فهد ..... ايه ده انتى انتى بتهزرى حلو اهو
...... طبعا اومال يا ابنى انت لسه متعرفنيش كويس هو بس عشان كنت تعبانه الفتره اللى فاتت والحمد لله خلاص
فهد .... الحمد لله خلصت على خير طب وهتنامى فين يا اختى
..... مش عيب مستشفي طويله عريضه مفيهاش كنبه جنب سرير المريض ده صاحبها بخيل اوى
فهد وهو بيضحك على طريقتى..... معلش فى الخطه الخمسينيه الجايه 😂
..... طب وسع شويه كده وانت عضلاتك واخده المكان
فهد ..... هى فين روضه مراتى
...... ياعم ده انا حتى فرفوشه عنها وسع كده بس ورحت رقدت جنبه ولكن مخلياه ياخد راحته عشان رجله
فهد ..... يعنى معملتيهاش فى القصر جاى تعمليها فى المستشفى
وشي احمر وقولتله...... اقوم يعنى
فهد ..... خلاص يا ستى خليكى بس بلاش الطماطم دى
وفضلنا نهزر شويه لحد ما حسيت انه نسي اصلا موضوع العمليه بقلمى روضه جمال حب يفوق السحر
..............
فى القصر
رجع محمد وكل اللى معاه ومن ضمنهم المحبوسين واول ما دخلوا لقوا ليث وحور وأسماء قاعدين مستنيين
محمد .... انتو اذاى مش فى السرداب وقاعدين بره كده
ليث .... وهنفضل ليه طالما اللى بيهددونا خلاص انتهوا ايه ده فين فهد وروضه ...
وقبل ما ليث يكمل كلامه دخل فاروق ومعاه باقي الناس المحبوسين بقلمى روضه جمال
ليث بصدمه .... بابا 😳😳
وبدأ ليث يفرك فى عينه عشان يتأكد ان اللى واقف قدامه باباه وجرى عليه وحضنه
ليث ..... اذاى يعنى انت كنت من الناس المحبوسين
فاروق ..... ايوا يا ابنى
ليث ...... طب فين فهد وروضه
بانت معالم الزعل على وشهم ومحدش رد
ليث ..... فى ايه ساكتين ليه فين فهد
فاروق ..... اخوك فى المستشفى
ليث .... ماله فى ايه بقلمى روضه جمال
محمد ...... اتصاب فى رجله لما كنا عند الشيخ مسعود وهو دلوقتى فى المستشفى وهنروحله كلنا الصبح ومراته هتفضل معاه للصبح وقال محدش يروح دلوقتى
ليث ...... اذاى يعنى مروحش اشوف اخويا ماله انا رايحله دلوقتى
فاروق ..... اهدى يا ابنى عشان اخوك ميزعلش ومراته معاه والصبح كلنا هنروحله بإذن الله
كل ده وكانوا بيتكلموا على باب القصر الداخلى وبعدها دخل الكل القصر ليث اخد فاروق عشان يغير
وكان فى ٣ رجاله كبار فى السن وبنت فى سن العشرين ( اخت الشاب اللى راح يقتل روضه ولما محمد وفهد مسكوه بلع الخاتم المسمم وانتحر ) وأسماء وحور اخدوا البنت فوق عشان تستحمى وتغير هدومها والباقى راحوا مع محمد
وكل واحد راح فى اوضه فى القصر عشان يرتاح ومحمد وأسماء فى اوضتهم والبنت نامت مع حور وفاروق مع ليث و ٣ رجاله مع بعض فى اوضه
........
فى المستشفى
فهد ..... روضه
..... نعم مالك انت تعبان حاسس بإيه
فهد .... ايه يا بنتى ده كنت هسالك على حاجه يعنى
....... خضتنى ياعم فى ايه
فهد .... فى واحده تقول لجوزها ياعم
..... اصل الصراحه مليش فى دلع البنات انا اصلا كنت مشروع واد وفشل 😂😂😂😂
فهد ...... يخربيت عقلك يا شيخه المهم هتمشي
..... همشي اذاى امال لو مكنتش جنبك
فهد ..... كل حاجه كنا متجوزين عشانها خلصت هتعملى ايه
للحظه فهمت قصده بس مش عارفه اعمل ايه او ارد بإيه خايفه اظلمه معايا وخايفه اسيبه انا لوحدى اللى اتعزب محتاره بجد منكرش انى حاسه بحاجه حلوه وانا معاه ولكن بردوا مينفعش
...... فهد انا
وقبل ما اكمل كلامى لقيت ملامحه بتتغير وبدأ يصرخ من الوجع قومت جرى انادى لحد وياسين اول ما سمع الصوت دخل جرى وجاب الدكتور بسرعه وصراخ فهد بيزيد
الدكتور ........
ولسه اللى جاى اجمد 🙂😌😌🍂
ياترى البنت هتنتقم من ياسين وأمجد
وروضه هترفض تكمل مع فهد زى ما عقلها بيقول ولا قلبها له رأى تانى
ايه اللى حصل لفهد خلاه يصرخ وايه اللى الدكتور قاله
بقلمى Rawda Gamal
روايه #حب_يفوق_السحر
#كاتبه_المستقبل
انا كنت وقفت الروايه لأن ربنا وحده اعلم الواحد بيمر بإيه بس بإذن الله هحاول اكملها
اتمنى بجد تدعوا الفتره دى لأنها صعبه جدا والله وربنا يتولانا برحمته 😔💔
البارت الخامس والعشرون
#حب_يفوق_السحر
وقبل ما اكمل كلامى لقيت ملامحه بتتغير وبدأ يصرخ من الوجع قومت جرى انادى لحد وياسين اول ما سمع الصوت دخل جرى وجاب الدكتور بسرعه وصراخ فهد بيزيد
الدكتور .... لازم نعمله العمليه دلوقتى يا مدام لأن فى حاجه غريبه فى رجله بتتخلل لباقي الجسم انا هديله حقنه مسكن عشان تريحوا شويه
من كتر العياط مش قادره ارد عليه خالص أو حتى اقول ايه خايفه دى خايفه كلمه قليله على اللى انا حساه
الدكتور ..... يا مدام بقول لحضرتك لازم نعمل العمليه دلوقتى
..... ها طيب بس نسبه النجاح قد ايه
الدكتور ..... دى بتاع ربنا بقلمى روضه جمال
وجم اخدوه عشان يجهز للعمليه وجت اصعب لحظه وقت دخوله العمليات ومفيش غيرى انا وياسين والحزن والعياط اتملكوا منى
..... يا دكتور ممكن ادخل معاه
الدكتور ..... للأسف لا
دخل الدكتور وكان معاه اتنين دكاتره حسيت ان العمليه خطيره لدرجه ان ٣ دكاتره داخلين وفضلت بره انا وياسين
طبعا كنت فى حاله لا يرثي لها وفى نفس الوقت اللى فهد دخل فيه العمليات كان كل اللى فى القصر وصلوا المستشفى
محمد ..... هو دخل دلوقتى اذاى
ياسين ..... تعب دخلوه العمليات
اسماء قعدت جنبي وفضلت تواسينى وانا مش فى واعيي وكل اللى بقوله يارب
فاروق .... ادعوا ربنا يقومه بالسلامه
قومت وقفت على الباب عشان اشوفه
كنا واقفين بره وشايفين العمليه لأن فى دايره شفافه فى الباب وعن طريقها قدرنا نشوف
..............
فى غرفه العمليات
دكتور ١ ..... الحل الوحيد البتر وباسرع وقت لان فى حاجه غريبه بدأت تتخلل لباقي الانسجه وكده ممكن المريض يموت لو اتحكمت من الجسم كله فلازم نقطع الرجل بقلمى روضه جمال حب يفوق السحر
دكتور ٢ ..... نحاول ننضف الجرح ونشيل الجزء ده وخلاص
دكتور ١ ...... لا مش هينفع لازم البتر و نبدا دلوقتى
بدأ الدكاتره فى العمليه وبالفعل قطعوا رجل فهد من عند الفخذ الأيسر وبعدها بدأو ينضفوا مكان الجرح عشان يخيطوه ويدفنوا الجزء اللى انقطع
.........
اول ما شوفت رجل فهد بعيد عن جسمه وقعت ومدرتش بحاجه
ليث .... دكتور بسرعه دكتوووور
لقوا دكتور جه على صوت ليث ودخلونى اوضه
فاروق .... خير يا دكتور طمنا عامله ايه
الدكتور ..... انهيار عصبي نتيجه صدمه واديناها مهدى عشان ترتاح شويه
فاروق .... وهى هتفضل كده كتير وهتفوق امته
الدكتور ..... قدامها ساعه بالظبط بس اهم حاجه بلاش زعل لان لو حصلها صدمه تاني ممكن تدخل فى غيبوبه
فاروق بحزن ..... شكرا يا دكتور
وفضلوا نصهم فى الاوضه والباقى راح قدام العمليات
اسماء بتعيط هى وحور والبنت اللى كانت مخطوفه وقاعدين جنبي وفاروق كل شويه يدخل يطمن ويطلع لفهد تانى ومحمد و ياسين وبعض الناس اللى كانوا محبوسين
............ فى اوضه العمليات
دكتور ١ ..... انت بتعمل ايه
دكتور ٣..... بعالج الجرح اللى فى رجله
دكتور ١ ..... بس ليه هى كده كده هتندفن
دكتور ٣ .... لا لازم نحاول بقدر الإمكان اننا نخليها
دكتور ٢ ..... ده مستحيل الانسجه تلفت
دكتور ٣ .... بقى واقف بيفكر وقال لسه فى وقت يا دكتور ممكن متخيطش الجرح دلوقتى فى امل ان العمليه تنجح ولو واحد فى الميه
دكتور ١ ..... تمام عالج جرح رجله وانا هعالجه معاك وانت يا دكتور شيل الانسجه التالفه اللى اتأثرت من رجله ولازم ننجز فى اسرع وقت قبل ما الرجل تموت
دكتور ٣ .... عدى ساعه والوقت مش معانا
دكتور ١ ودكتور ٣ بدأوا يعالجوا رجله لان كان الجرح خطير بمعنى الكلمه ويشيلوا الانسجه التالفه من الرجل المقطوعه والجزء اللى بيأثر على باقي انسجه الجسم بقلمى روضه جمال حب يفوق السحر
دكتور ٢ كان بيشيل الانسجه اللى تلفت فى الجسم نتيجه لتأثرها بانسجه الجسم
عدى ساعه كمان ولسه العمليه مخلصتش والكل فى توتر وفى الوقت ده كنت فوقت من المهدى اللى ادهولى
فتحت عيونى لقيت ال ٣ بنات قاعدين جنبي وفى عيونهم دموع وحزن كبير بسبب اللى بيحصل وبدأت اتكلم ولكن بتلعثم
...... ف فهد فين
اسماء .... روضه يا حبيبتى هو بخير بس ادعيله عشان يقوم لينا بالسلامه
..... هو لسه جوه مخرجش ليه انا عاوزه اشوفه
حور .... مينفعش يا حبيبتى لانه فى العمليات
بدأت اتكلم بصوت اعلى بشهقات من كتر الحزن ...... بقولك عاوزه اشوفه اسماء بالله خلونى ادخله عااااااوزه اشوفه ليه مش حاسين بحرقه قلبي
اسماء .... حاسين يا حبيبتى
...... صدقونى هشوفه بس من بعيد وبعدين هروح اصلي
اسماء ..... خلاص ماشي بس لما تفوقى شويه هوديكى
...... انا كويسه مفيش حاجه خالص
اسماء بتشوف حالتى الدموع بتخونها وتنزل
حور ...... يلا يا روضه هنروح بس توعدينى تبقي كويسه
رديت عليها بكلام مش مسموع من كتر دموعى ..... ااوعدك
اسماء وحور سندونى لحد ما خرجت ووصلت لغرفه عمليات فهد ( ملحوظه * الاوضه اللى روضه كانت فيها بعيده عن اوضه العمليات عشان كده محدش سمع صوتها لما كانت بتعيط وتزعق ) وصلت لقيت كلهم متجمعين وملامح الخوف على وشوشهم
فاروق ..... روضه يا بنتى ايه اللى قومك دلوقتى
..... عاوزه اشوفه يا عمى
وفى لحظه انفجرت من العياط اخدنى فى حضنه لانى زى بنته وفضل يهدينى بعدت ووقف قدام العمليات وانا مش فى واعيي وكأنى واحده تانيه وكان مش فهد اللى جوه حاسه ان روحى مسحوبه منى ومش هترجع غير برجوعه بقلمى روضه جمال
بالرغم من اننا متجوزين بس على ورق ويمكن نتطلق وكل واحد يشوف طريقه لكن بقي قلبي مليون حته وعقلي مش فيا وحاسه انى دلوقتى جسد بس والروح مش فيه وحشتنى اوى يا فهد يارب
وبعد ما فوقت من السرحان اللى كنت فيه ركزت شويه على فهد وهو على الاجهزه سيبته ومشيت وطلعت أجرى بعدت عن المكان اللى هم فيه كان فى استراحه قعدت فيها ادعى ودموعى اللى عمرها ما نزلت قدام حد المره دى خانتنى ونزلت قدام كل الناس كان فى ممرضه ماشيه وقفتها
..... اذا سمحتى هو فى مصلي للحريم هنا
الممرضه .... ايوا يا فندم
..... طب ممكن تقوليلي مكانها بعد اذن حضرتك
الممرضه ..... فى الاخر هتلاقي ممر فى اخر الممر فى مصلي للحريم ولكن على ايدك اليمين
..... شكرا لحضرتك
الممرضه ...... العفو يا فندم
روحت اتوضيت ودخلت المصلى وبدأت اصلي واول ما سجدت عيطت وبدأت اتكلم وادعى يارب انت عارف ان فهد طيب يارب خليك جنبه وقومه بالسلامه يارب انا مش عارفه ايه اللى بيحصل بس كل اللى طلباه انه يقوم بالسلامه ويرجع احسن من الاول ومش مهم يسيبنى بس يبقي بخير يارب يااااارب مليش غيرك احميه يارب بقدر رحمتك يارب رحمتك وسعت كل شئ يااارب خلصت صلاه وقعدت مسكت المصحف أقرأ قرآن وقلبي عمال يزيد نبضه وفى لحظه حسيت ان قلبي اتقبض مره واحده
..........
فى غرفه العمليات
دكتور ٣ ...... يا دكتور الحمد لله كده كل الخلايا المصابه والتالفه قدرنا نشيلها والحمد لله كده الرجل هنلحمها تانى مكانها
دكتور ١ ..... ايوا ولكن لازم نتأكد أن مفيش خلايا مصابه تانى
دكتور ٣ ...... دكتور تعالى شوف كده ولكن بالعدسه المكبره بقلمى روضه جمال حب يفوق السحر
دكتور ١ ..... ايه ده يبقي دى اللى بتتلف الخلايا
دكتور ٣ شال الشئ اللى بيسبب تلف الخلايا ونظرات الدهشه ظهرت على وشوش الدكاتره لان اول مره يشوفوا الشي ده او تقابلهم حاله كده وفجأه سمعوا صوت مألوف من الجهاز
دكتور ٢ ..... الحق يا دكتور النبض وقف
ولسه اللى جاى اجمد 🙂😌😌🍂
ليه قلب روضه اتقبض فجاه ده دليل ان فهد كده خلاص مات ولا فى معجزه ولا وقف مؤقت فى القلب
طب لو فهد لسه عايش العمليه هتنجح ورجله خارجه تانى
وايه الحاجه اللى لقوها فى رجله بتتلف الخلايا
