رواية حب يفوق السحر الفصل التاسع عشر19والعشرون20 بقلم روضه جمال

رواية حب يفوق السحر 

البارت التاسع عشروالعشرون

# 

ولسه بنتحرك عشان نخرج لقينا جماجم نازله من السقف وبتنزل دم وعماله تتحرك يمين وشمال وأحمد من الخضه وهو بيرجع لورا وقع ولما وقع خبط فى حاجه فيها فرو بيبص لقا فرو اسود وظاهر من عينين وكأنها رسمه ولكن العيون كانت بتنزل دم احمد قام جرى وانا وهو خوفنا من اللى بيحصل وكل شويه نسمع صوت فى مكان فى البيت وبدأت تظهر خفافيش رغم ان الوقت كان لسه العصر او بعده بشويه وحسينا بحركات غريبه حوالينا و لقينا حد حط ايده على كتفنا انا وأحمد بقلمى روضه جمال

احمد وليث بصدمه  ....   انت 

مجهول ...... ايوا انا 

احمد .... يعنى ليث كان عنده حق لما قال انك عايش 

مجهول ..... ايوا عايش ومختفى بقالى عشر سنين 

ليث .... عمى امجد ولا عمى ايه بقا انت غدرت بينا وبصاحب عمرك 

امجد .... انت مفكرنى زى ابوك همشي بمبدأهه 

كنت واقف انا وأحمد فى صدمه 

ليث .... انت خاين خنت صاحب عمرك وغدرت بيه عشان تبقي مع الشيخ مسعود انت السبب فى موت ابويا 

امجد .... خلصت كلامك اسمع بقا يا حلو انت طالما عرفت كل حاجه يبقي لازم تموت وكمان انت مش لابس السلسله يعنى ممكن اخليك انت اللى تموت نفسك ونقدر ببساطه نقتلك بطريقه عاديه جدا

احمد .... انت انسان وسخ* ومتستاهلش ان عمى  يبقي صاحب عمرك

ليث .... خلاص يا احمد اللى زى ده مينفعش الواحد يتكلم معاه حتى 

وفجاه واحنا واقفين لقيت احمد وقع جنبي وسايح فى دمه بس مكنش فى حد موجود ورانا فضلت افوق فى احمد ولكن مفيش استجابه 

امجد بضحكه شرانيه .... صاحبك مات وانت هتحصله دلوقتى 

ليث بحرقه على رفيق دربه .... احماااااد قوم متسيبنيش احنا اتفقنا هنفضل سند لبعض قوم يا احمد 

امجد بخبث ..... هو مش هيسيبك احنا هنوديك له 

ليث بغضب وصوت هز المكان ..... انت ايه مستحيل تكون بنى آدم انت شيطان بقلمى روضه جمال

كنت لسه رايح لامجد عشان اضربه لكن فى حد وقعنى على الأرض بصيت لقيت الشيخ مسعود كنت بحاول ابينلهم ان السحر اثر عليا لأن كان معايا سلسله بابا كنت واخد بتاعت بابا وبتاعتى ولكن بتاعتى وقعت فى الاوضه وبعد شويه حسستهم انى خلاص بموت سابونى وقالوا كده كده هيموت ولما الكلب حاول يقومنى عجزوه ضربوه فى رجله وقبل ما يخرجوا كان فى شاب معاهم قتلوه عشان لما الشرطه تحقق يتأكدوا انها كانت مجرد خناقه بين شباب  وبعدها خرج الكلب ورجع معاه روضه 

حصل الكلام بينى وبين روضه وعرفتها شويه معلومات وكان لازم أبين لها انى مت عشان الشيخ مسعود يبقي اتأكد من موتى وبعد ما روضه خرجت وقبل ما الشرطه تيجى كانت حور جت 

حور .... ليث ياليييث انت فين 

ليث بتعب .... تعالى انا هنا 

حور بلهفه .... انت كويس فيك ايه وايه اللى حصل 

ليث .... ساعدينى بس نقوم والمهم ميه النار اللى علطول فى شنطتك معاكى 

حور .... ايوا بس ليه 

ليث ..... هاتيها بس 

اخدت ميه النار وحطيت شويه على وش الشاب لحد ما ضاعت ملامحه وبعدها حور سندتنى وخرجنا من البيت المهجور ومشينا عكس الكاميرات والمكان اللى روضه كانت جايه منه بقلمى روضه جمال

باك _____

ليث .... وبعد كده طلعنا على البيت اللى روحت عنده يا فهد 

فهد .... يعنى امجد شريك فى قتل بابا وأحمد 

ليث .... للأسف اه والمشكله دلوقتى هنعمل ايه 

فهد .... تمام انا عارف هتصرف اذاى 

محمد .... بس يافهد انت لسه تعبان نستنى يوم كمان 

فهد ..... يكون الشيخ مسعود عرف ان ليث عايش وخطط كمان لتدمير الكل 

محمد .... طب هتعمل ايه 

فهد ..... هروح انا وانت وليث هيفضل هنا عشان الشيخ مسعود ميعرفش انه عايش ولا أن احنا عرفنا حاجه خالص 

محمد ..... طب وبعد ما نروح هنعمل ايه واحنا لوحدنا 

ليث .... وبعدين مش هنسيبك تروح وانت تعبان كده هيستغل النقطه دى لصالحه 

فهد .... فاكر الكتاب اللى بابا كان بيزعق لما حد يقرب منه اهو انا فتحت الكتاب ده وعرفت اذاى اقلب السحر 

الكل بصدمه .... اذاى وليه مستخدمتوش لحد دلوقتى 

فهد .... اولا دى مش حاجه سهله ثانيا انا كنت لسه بتعلم وبعد كده السحر اللى الشيخ مسعود هيعمله هينعكس عليه 

ليث ..... والناس اللى محبوسه  فى المقابر 

فهد ..... دول الشيخ مسعود حابسهم عشان يستخدمهم فى السحر وكمان يفتح بيهم مقبره 

..... يفتح بيهم مقبره اذاى 

فهد .... ببساطه يدبحهم وبدمهم يعمل طلاسم ورموز ويفتح المقبره 

اسماء ..... ياربي هو ازاى فى ناس كده 

محمد .... يا حبيبتى فى ناس أسوأ من كده 

فهد .... المهم هنفذ الصبح بإذن الله 

ليث .... طب يا جماعه الكل يروح يرتاح عشان بكره هيكون يوم متعب جدا 

فهد .... فعلا عندك حق ليث اوضتك زى ماهى وطبعا حور هتنام فى الاوضه بتاعتها بقلمى روضه جمال

محمد .... تمام يلا يا جماعه عشان فهد كمان لسه تعبان 

خرج الكل وكل واحد راح اوضته وفضلت مع فهد 

..... فهد انت متاكد من اللى هتعمله ده 

فهد .... اكيد بإذن الله كل حاجه هتتعدل 

..... توعدنى تخلى بالك من نفسك 

فهد ..... خايفه عليا ؟

..... اكيد طبعا لازم اخاف عليك 

فهد ..... اه صحيح انتى استغليتى ان تعبان وخدتينى فى حضنك انا عارف انى واد مز بس مش كده 

رديت بخجل ..... طب نام يافهد احسن 

فهد ..... هتعملى ايه بعد ما الحكايه دى تخلص هتسيبينى 

حسيت بحزن فى سؤاله .... مش وقته يافهد أما تخلص الحكايه بس الاول 

______

اسماء .... محمد تفتكر هيحصل ايه والشيخ مسعود هيعرف ان ليث عايش ولا لا 

محمد .... انا نفسي مبقتش عارف حاجه الشيخ مسعود مش سهل ولا هيعدى عليه ان ليث مات مش بعيد يكون عارف بقلمى روضه جمال 

اسماء .... ربنا معاك يا حبيبي يارب ويحميك 

محمد .... قولتى ايه حبيبي 

اسماء .... بس يا محمد احنا فى ايه ولا في ايه يا محمد 

محمد ..... طب انا عاوز انام 

اسماء .... ما تنام يا اخويا هو حد كان ماسكك 

محمد .... متجوز بقره غورى يابت 

اسماء .... تصدق انا غلطانه انى بكلمك اصلا أمشى ياض من هنا روح اجرى نام 

محمد .... ياض ده انتى لسانك متبرى منك يا شيخه انا انام احسن بقلمى روضه جمال 

_______

اوضه حور جنب اوضه ليث وبلكونه اوضه  ليث قريبه جدا من بلكونه اوضه حور المسافه بينهم أقل من متر وحور خرجت البلكونه وكذلك ليث 

حور .... ليث انا خايفه 

ليث .... متخافيش يا حبيبتى هانت اهى فاضل بس يوم واحد 

حور .... ده اصعب يوم 

ليث .... القصر هيبقى متأمن كويس وضد السحر كمان 

حور .... ربنا يسترها المهم ادخل يلا نام 

وعدى الليل على أبطالنا وهى  وكل واحد فيهم بيفكر فى ايه اللى هيحصل 

وجه اليوم الموعود 

صحيت من النوم لقيت فهد لقيت فهد واقف فى البلكونه دخلت الحمام اتوضيت وطلعت صليت وبعدها روحت لفهد احاول اطمنه بقلمى روضه جمال

...... فهد صباح الخير 

فهد .... صباح النور 

مسكت ايده وحاولت اطمنه بكلامى ...... متخافش كل حاجه هتبقي زى ما احنا عاوزين بإذن الله 

فهد ..... انا مش خايف من الشيخ مسعود 

..... امال ايه اللى شاغلك كده 

فهد ..... انتى 

...... انا كويسه وهيبقي معايا اسماء وحور وكمان ليث وانت سايب حرث كتير اوى هنا 

فهد قرب ومسك ايدى جامد وشدنى فى حضنه ..... خايف تسيبينى 

وقبل ما نكمل كلامنا شوفنا حاجه قدام القصر 

....... اعااااااااااااااا 

فهد بخوف  ...... ادخلى انتى جوه 

ولسه اللى جاى اجمد 🙂😌😌🍂

رأيكوا فى البارت 🙂

ياترى روضه هتسيب فهد ولا هتفضل معاه وكرهه للشباب بسبب جرح الماضى هيأثر على تفكيرها 

وايه اللى شافوه قدام القصر 

بقلمى Rawda Gamal 

#حب_يفوق_السحر

#كاتبه_المستقبل 

(الناس اللى مش عارفين مين امجد ومتابعوش الروايه من الاول امجد ده صاحب فاروق ابو فهد وليث والمفروض انه مات ولكن طلع شغال مع الشيخ مسعود)

البارت العشرون 

#حب_يفوق_السحر 

فهد قرب ومسك ايدى جامد وشدنى فى حضنه ..... خايف تسيبينى 

وقبل ما نكمل كلامنا شوفنا حاجه قدام القصر 

....... اعااااااااااااااا 

فهد بخوف  ...... ادخلى انتى جوه بسرعه 

وبعدها فهد وقف شويه وبعدين دخل وقفل باب البلكونه وفضل يتمتم بكلمات وطلاسم غير مفهومه وبعدها كل حاجه رجعت لطبيعتها 

..... ايه اللى حصل ده 

فهد .... مفيش حاجه 

...... مفيش اذاى يافهد انت مشوفتش اللى حصل كان فاضل ثانيه والقصر يتشال من مكانه كان فى حد طاير فى الهوا انا شوفته 

فهد .... ده بيتهيقلك 

..... فهد انا مش مجنونه انا شوفت واحد طائر ولابس اسود وعيونه بتخوف وكان بيحرك كل حاجه حواليه بإيده وكأنه بيحاول يهد القصر ويقتلنا

فهد وهو بيحاول يهدينى .... ايوا يا روضه ده كله حصل ولكن انا مش عاوزك تخافي 

...... طب وانت قولت ايه خليته يمشي 

فهد ..... بابا كان سائب كتاب فتحته وقرأت فيه وكان فيه الكلام ده وطريقه قلب السحر على الساحر وشغل الجان 

..... انا قلقانه عليك توعدينى تخلى بالك من نفسك 

فهد .... قولى يارب 

..... يارب فهد هو ممكن اجى معاك 

فهد .... لا طبعا مستحيل 

...... فهد عشان خاطرى انا هكون مطمنه عليك وبعدين متخافش عليا 

فهد ..... روضه يا حبيبتى لازم تفضلي هنا لان الشيخ مسعود عاوز يموتك بأى طريقه 

..... طب ليه واشمعن انا 

فهد .... مش عارف بس عاوز اقولك حاجه قبل ما امشي 

..... خير يا فهد 

فهد ..... لو حصلي حاجه خليكى فى القصر عيشي فيه 

..... متقولش كده هترجع بإذن الله كويس ومتخافش كل اللى جاى خير بإذن الله اوعى تيأس (اتكلمت والدموع فى عيونى )

فهد .... طب يلا عشان امشي ومتخافيش القصر محمى وبإذن الله مفيش حاجه هتئذيكوا 

..... ان شاء الله

نزلنا انا وفهد وكانت سعاد حضرت الفطار والكل متجمع تحت عشان يجهزوا نفسهم وفهد فرح جدا لما شاف اخوه قاعد مستنيه 

فهد .... كويس أن الكل موجود 

محمد .... يلا نفطر وبعد كده نشوف انت عاوز ايه 

فهد .... لا انا مش هفطر هشرب قهوه وخلصوا وانا مستنيكوا فى الصالون عشان كل واحد يعرف هيعمل ايه 

..... لازم تفطر عشان تقدر تكمل يومك وبعدين لسه اليوم طويل 

فهد .... مليش نفس والله 

..... معلش يا فهد كل عشان لو مفطرتش انا مش هفطر 

فهد بقله حيله.... يلا اقعدى 

خلصنا فطار وانا وأسماء وداداه شيلنا الاكل وروحنا الصالون 

فهد .... ليث انت هتقعد مع البنات بس مش فى القصر 

ليث بإستغراب ....امال فين 

فهد .... فاكر السرداب اللى بابا الله يرحمه كان بيخبينا فيه واحنا صغيرين  

ليث .... ايوا بس ده ضلمه اوى وبعدين ليه نفضل فى السرداب 

فهد..... لا فى نور انا عرفت  بابا كان بيخبينا فيه لما الشيخ مسعود كان بييجى لأن بابا محصنه والسرداب أأمن من القصر نفسه 

ليث .... على خير ان شاء

فهد .... روضه متخافيش هو مش هيقدر يوصلك طول ما انتى فى السرداب 

..... انا خايفه عليك انت هو انا ممكن اجى معاك 

فهد .... مفيش كلام فى الموضوع ده تانى وهتفضلي هنا مع البنات 

..... مش هيقدر يئذينا طول ما احنا مع بعض 

فهد ..... انتى واثقه ليه كده 

..... بعدين هقولك حتى لو تلاحظ ان طول ما انا معاك محدش فينا بيجراله حاجه حتى لو حاولوا

فهد .... مش معنى ان كلامك صح يبقي اخدك معانا لا طبعا

.... ما انا مش هسيبك تروح ومعرفش عنك حاجه كده 

فهد .... روضه قولت لا  وانت يامحمد هنتحرك كمان نص ساعه بالظبط 

محمد .... طب هنروح على المقابر ولا على مكان شغله ولا بيته 

فهد .... احنا الاول هنروح بيته لانه موجود هناك دلوقتى ومش معاه خدمه كتير 

ليث..... طب انت جاهز ومستعد 

فهد .... كل حاجه مظبوطه فاضل التنفيذ وبإذن الله تعالى كل حاجه هتكون زى ما احنا عاوزين 

محمد .... بإذن الله 

فهد .... يلا يا ليث خد البنات وروح على السرداب 

ليث ... حاضر يلا يابنات 

فهد .... استنى ياروضه روح انت والبنات يا ليث وانا هنزل روضه 

محمد .... طب انا هطلع اجهز العربيه 

فهد .... تمام 

خرج الكل وفضلت انا وفهد 

.... خير نعم 

فهد .... متزعليش انا خايف عليكى لان الشيخ مسعود عاوز يقتلك بأى طريقه 

..... عارف عاوز يقتلنى ليه 

فهد .... انتى عارفه ....؟

..... ايوا عارفه عاوز يقتلنى عشان كلام العراف 

فهد ..... عراف ايه 

.....العراف قاله انه هيتقتل على ايدك انت وبنت والشيخ مسعود خايف اكون البنت دى 

فهد .... واشمعن بنت 

.... بنت تكون بتحبك وبتخاف عليك وطيبه وأغلب الصفات منطبقه عليا عشان كده الشيخ مسعود خايف بس انا مش عارفه البنت دى هى انا ولا لا 

فهد .... ومش متأكده ليه وبعدين ثانيه بس كده انتى قولتى بنت بتحبك وبتخاف عليك يعنى انتى بتحبينى 

حسيت انى عكيت الدنيا ورديت بتوتر .... انا بقول مواصفات البنت 

فهد بخبث..... لا يا شيخه طب لازم اكون بحبها انا كمان ولا هى بس 

..... اكيد لازم تكون بتحبها جدا وهى كمان بتحبك وتكون قلوبكوا صافيه ونقيه عشان تقدروا تتغلبوا عليه لأن مش اى حب بيفوق السحر 

فهد .... معنى الكلام ده ان لو انا وانتى وقفنا قدامه مش هيقدر يئذينا صحيح عرفتى المعلومات دى منين 

..... هو اللى قالى كده لما دخل اوضتى وكان بيحاول يموتنى قال على حاجات كتير كان مفكر أنه هيموتنى وسره هيتدفن معايا لكن يشاء ربنا انى اعيش وبعدين انت بتقول انا وانت نقف قدامه مش عارفه ليه حساك واثق ان البنت دى انا 

فهد ..... ايوا متأكد لانى واثق انك بتحبينى زى ما بحبك 

..... زى ما ايه 

فهد .... بحبك 

كنت لسه هرد لقينا محمد دخل 

محمد ..... كل ده نص ساعه ده انت بقالك ساعتين ياعم 

فهد ..... منك لله دايما توقيتك ز*فت

محمد ..... شكلى جيت فى وقت غلط 

فهد .... لا يا اخويا تعالى المهم روضه هتيجى معانا 

محمد ..... ليه 

فهد ..... هتساعدنا روح عرف ليث عشان نمشي علطول 

محمد ..... تمام 

فهد .... روضه انا هاخدك معايا بس اوعى تبعدى خليكى جنبي مش عاوز يجرالك حاجه 

..... متخافش بإذن الله مش هيحصل حاجه 

فهد .... صحيح نبقي نكمل كلامنا لما نرجع بقا ان شاء الله

..... احم محمد جه 

فهد ..... يلا 

خرجنا انا وفهد ومحمد وركبنا العربيه وكالعادة عربيات الحراسه ماشيه ورانا وطبعا فهد محصن القصر  قبل ما نطلع عشان لو حصل حاجه زى الصبح كده 

محمد ..... انا بردوا مش فاهم هندخل اذاى 

.... اكيد مش هندخل كده لانه بالتأكيد عارفنا 

فهد .... احنا هندخل على اساس ان فى حد فينا تعبان وهيعالجه 

محمد ..... يعنى تفتكر الخدمه اللى معاه مش هتعرفنا 

فهد .... عامل حسابي يا محمد 

وبعدها فهد طلع ٣ خواتم من جيبه وانا اخدت واحد ومحمد واحد وهو لبس واحد 

فهد ... الخواتم دى بتخلى الخدمه بتاعته متعرفناش 

محمد .... ده انت مش سهل يا صاحبي 

فهد .... اهدى انت بس 

.... طب اذاى هنروحله البيت عشان يعالجنا احنا كده هنروحله مكان الشغل 

فهد .... هو دلوقتى فى البيت احنا هنروحله الشغل الاول وهم هيقولوا مش موجود فهنروحله البيت عشان نقوله اننا سألنا وقالولنا انه مش موجود 

محمد .... الخدمه إللى معاه كده مش هتعرفنا بس شكلنا واضح اوى 

..... يبقي نتنكر فى اشخاص تانيه 

فهد .... بالظبط كده بس انا كنت عامل حسابي انا ومحمد بس ودلوقتى هنروح نجبلك حاجه 

..... لو عليا انا بس الموضوع سهل اشترى نقاب بس وألبسه على الخمار 

محمد ..... سبحان الله ده انت ومراتك طلعتوا اذكى من بعض 

فضلنا نتكلم وبعد شويه فهد اشترى نقاب ولبسته وبعدها وصلنا قدام مكان شغل الشيخ مسعود عشان نسأل ونمشي علطول على بيته ولكن اتصدمنا كلنا من اللى شوفناه 

فهد بصدمه  .... باظت الخطه ؟

             الفصل الواحد والعشرون من هنا

لقراءة باقي الفصول من هنا