روايه #حب_يفوق_السحر
بقلم روضه جمال
الفصل الاول
الام : هتنزلى يا روضه
روضه : ايوا يا ماما هنزل
الام طب خلى بالك من نفسك ومتتأخريش.
نزلت روضه كانت فى فتره الاجازه ونازله تشوف شغل
(روضه عندها ٢٠ سنه طالبه فى كليه تربيه داخله سنه تالته وبتحب عيلتها متوسطه الطول بشرتها بين الأبيض والخمرى وعيونها بنى ومختمره وده مزود جمالها هنعرف باقي الابطال مع الاحداث )
بعد ما يئست من كتر ما دورت قالت تروح وتبقي تنزل تانى وهى فى طريقها للبيت شافت حاجه غريبه كلب كان شكله وحش اوى بس باين عليه متعور روضه خافت تقرب منه
روضه ... ياربي طب اعمل ايه شكله متعور بس مش يكون مسعور
لا ياروضه لازم تساعديه ده مهما كان روح.
خلاص خلاص هساعده
بدأت تقرب منه وكل ما تقرب نزيد نظرات الكلب ليها وكأنه بيستنجد واول ما قربت خالص منه كان فى ف شنطها شريطه مربوط بيها طرف الشنطه اخدت الشريطه وحطتها على رجله
روضه..... الحمد لله انا كده حاسه ان ضميري ارتاح
بعد ما لفت حست بحاجه غريبه رجعت تبص نايحه الكلب لقت الكلب باصص لها وكأنه بيستغيث.
روضه طب يارب اعمل ايه دلوقتى
وفجأه لقت الكلب بيشدها من الدريس بتاعها وكأنه عاوز يوريها حاجه وهى كانت اكتر من مرعوبه والكلب مصر انه يوديها المكان _______.
الام : تليفونها لسه مقفول ؟
چودى (اخت روضه ) : اه يا ماما دى اول مره تتأخر كده
الام :خلاص انا هقول لابوكى وهو يطلع يشوفها انا قلبي مش مطمن
چودى : خلاص يا ماما انا هحاول ارن عليها تانى لحد ما بابا ييجى من بره _________.
عند روضه
: ياربي ايه المكان ده
كان مكان شكله مرعب وكأنه بيت مهجور وروضه خافت تدخل ولكن الكلب بيشدها غصب عنها
دخلت روضه وهى أقل ما يقال عنها انها مرعوبه 🥺
وفضل ماشيه داخل البيت لحد ما الكلب وقف استغربت وقوفه وفجأه اغمى عليها من اللى شافته
روايه #حب_يفوق_السحر
بقلم روضه جمال
الفصل الثانى
دخلت المكان وهى مرعوبه وخايفه تدخل ولكن الكلب كان بيشدها غصب عنها
فضلت ماشيه لحد ما الكلب وقف واستغربت من وقوفه
بصت مكان ما الكل باصص ومن الصدمه اغمى عليها الكلب فضل يهز فيها كتير لحد ما فاقت
كان فى شاب واضح انه مات وشاب تانى كان سايح فى دمه وباين انه لسه فيه الروح راحت عند الشاب اللى عايش
روضه : انا هحاول اساعدك بأى حاجه ولكن لازم تروح المستشفي
الشاب : مش هلحق لااازم اااقولك حاجه م مهمه كان بيتكلم بتلعثم
روضه : بس انت حالتك وحشه لازم تروح المستشفي عشان ...
قاطعها الشاب : اسمعينى ارجوكى فى سر لازم تعرفيه الشاب اللى مات ده صاحب عمرى واسمه احمد وانا ليث اللى عمل فيه كده واحد دجال والسر اللى قتلنا عشانه هو ..........
روضه : كمل استاذ ليث
ليث :. .............
روضه : لا متموتش دلوقتى
روضه حاولت تساعده
رجعت روضه البيت كانوا منتظرينها فى البيت
الام : كنتى فين يا بنتى قلقتينا عليكى وتليفونك مقفول
روضه وهى متجه لغرفتها : التليفون فصل منى واتأخرت لانى كنت بدور على شغل ومبصتش فى الساعه
چودى : طب انا هدخلها اكل شكلها تعبانه اوى
الام : طب حاولى تتكلمى معاها وخليها تروق
چودى : حاضر يا ماما انا هوديلها الاكل
خبطت چودى على الباب
روضه : مين
چودى : افتحى يا روضه انا چودى
فتحت روضه الباب وقالت لچودى تدخل
روضه : خير يا چودى
چودى : مالك فى ايه شكلك مش طبيعى ووشك باهت
روضه : مفيش يا جودى واطلعى دلوقتى عاوزه اقعد لوحدى
چودى : خلاص الاكل اهو وانا هبقي ادخلك تانى
روضه : تمام
خرجت چودى وراحت عند مامتها
الام : عرفتى اختك مالها وفيها ايه
چودى : لا ياماما بس هى قالتلى اطلع دلوقتى
فضلت روضه مكانها حتى مش قادره تقوم تغير هدومها ولكن استحملت الوجع وقامت اخدت هدوم من دولابها وطلعت الحمام اخدت شاور ورجعت تانى اوضتها
روضه رجعت صلت فرضها وقعدت على السرير تفتكر كل اللى حصل وايه السر اللى ورا حكايه القتل دى وليه ليث رفض انه يروح المستشفي
___________________
فى مكان آخر
لسه معرفتوش هو فين
= لا يفندم مش لاقيينه
اذاى مش لاقيينوه تقلبو الدنيا عليه ده اخويا الوحيد
= يا فندم احنا روحنا لزمايله وكل اللى يعرفهم بيقولوا مشافهوش من امبارح
اذاى ده
= وكمان احمد صاحبه بردوا مختفى معاه
انا فهد الصقر اخوه يختفى كده تقب وتغطس يا محمد تجبلى اخويا وانا كمان هدور عليه بنفسي
محمد : تمام يا فهد بيه انا هبعت رجاله فى كل مكان يدوروا عليه
تليفون محمد رن
محمد : الو
مجهول : .............
محمد : تمام انا جى حالا
قفل محمد المكالمه وقال لفهد
محمد : فهد بيه انا لازم امشي
فهد : تمام وعاوز اخويا فى اسرع وقت
محمد : حاضر عن اذنك يا فندم
خرج محمد وفضل فهد يفتكر اخوه ويحاول يعرف اخوه اختفى فين وافتكر لما كان صغير وسمع باباه وصاحبه
فلاش باك _______
......يا امجد ابعد عن الطريق ده انت مش قده
= انت بتصدق الخرافات دى يا فاروق
فاروق : انت عندك عيال واللى يمشي فى طريق الشيطان مبيرجعش
امجد : متخافش عليا يا صاحبي متنساش انى قرأت كتير فى كتب السحر دى
فاروق : يا صاحبي انا خايف عليك الشيخ مسعود ولو عرف ان انت هتمشي فى الطريق ده هيئذيك معاه
باك _________
فهد مازال بيدور على الشيخ مسعود ولكن مش قادر يوصله واللى شاغله انه بيدور على اخوه
( فهد الصقر شاب فى عمر ٢٧ طبيب نفسي وفاتح مستشفى خاصه بيه وبيدير شركه باباه ويبقي اخو ليث الكبير وهو اللى مربيه وبيحبوا بعض جدا
محمد صاحب فهد الوحيد ودراعه اليمين )
