رواية حب يفوق السحر الفصل الاخير بقلم روضه جمال

#حب_يفوق_السحر 

الفصل الاخير 

فهد ..... فى موضوعنا انا وانتى هتكملى ولا 

سكت شويه وبعدين رديت ..... أطلق 

الكل بصدمه ......ايه 😳😳😳😳 

...... ايه اتخضيتوا كده ليه 

اسماء بعصبيه ..... انتى مش واخده بالك انتى قولتى ايه 

...... انا مكملتش كلامى 

اسماء ..... يعنى ايه 

....يعنى كنت لسه هكمل واقول اطلق لا طبعا حيعنى بذكائك يا اسماء حتى لو هعمل كده هيبقي فى الوقت ده قولت كده وانا بضر*بها على رأسها 

اسماء .... اه صح 

للحظه حسيت ان فهد روحه رجعتله من تانى 

فاروق ..... طب يا جماعه يلا نخرج احنا دلوقتى 

خرج ليث وحور ومحمد وأسماء وفاروق وفضلت مع فهد لوحدنا 

فهد .... بقي عاوزه تطلقى 

..... انا يا ابنى محصلش

فهد بضحك ..... روضه انتى طيبه اوى 

..... انشالله تنستر يارب والله 

فهد ...... طب كنت عاوز اقولك حاجه 

..... انت بتستأذن سيد عيب احنا اهل 

مقدرش يمسك نفسه من الضحك 

...... خير بقي نتكلم جد كنت عاوز تقول ايه 

فهد ..... انا كنت عارف بنات كتير اوى فى حياتى بس عمرى ما قابلت واحده زايك جدعه وبمليون راجل ووقت الشده مسيبتينيش وفضلتى جنبي واهتميتى بيا كويس اوى وانا اه 

...... مالك انت تعبان 

فهد ..... لا خالص قصدى اننا اه كنت معجب بيكى فى الاول ولكن دلوقتى بعشقك يا روضه وبطلب منك تفضلي جنبي اوعى تسيبينى  ابدا لانى اكتر من بحبك وعارف انك بتحبينى اوى كمان بس بطلى عناد 

انا واقفه فى زهول ولسه فى خوف جوايا من القرار اللى هاخده 

فهد ..... سكتى ليه 

...... الصراحه مش عارفه ارد اقول ايه 

فهد ..... قوليها الكلمه اللى نفسي اسمعها منك بجد هبقي اسعد يوم فى حياتى كلها 

حبيت استهبل شويه ....... كلمه ايه 

فهد .... انتى غبيه صح 

..... فهد انت متعرفش عنى حاجه ابدا احنا اتجوزنا صدفه عشان تحمينى مش اكتر 

فهد ..... لا عارف كل حاجه وقولتلك مليون مره انا كنت معجب بيكى من قبل ما انتى تعرفينى اصلا 

...... الصراحه انا خايفه اظلمك

فهد بحب ..... ممكن تركنى الماضى كله على جنب وتركزى فى المستقبل ها بقا 

...... ها ايه 

فهد ..... قررتى ايه 

...... هدى لنفسي فرصه 

فهد بخبث ..... اه 

جريت على فهد ووقفت جنبه وسألته ماله فيه ايه وفى لحظه كنت فى حضنه 🤭 حسيت بالدفا اللى فيه وكميه الحنيه والحب اللى عيونه بتلمع بسببهم وبعدها بعدت عنه 

..... فهد عيب كده 

فهد بغمزه  ..... يا عيون فهد انتى مراتى وانتى وافقتى أدى نفسك فرص 

اتحرجت جدا ووشي احمر وبعدها حاولت اغير الموضوع 

..... تصدق انا غلطانه اصلا وابعد كده انا طالعه هبعتلك باباك عشان تسكت شويه 

فهد ..... بقي كده يعنى 

...... اه بقت كده 

طبعا مخرجتش بس روحت لعمى فاروق عشان يقعد معانا ودخلنا قعدنا مع فهد وشويه وسابوه يرتاح وهو قال عاوز ينام شويه 

فاروق ..... طب يا بنتى خليكى انتى جنبه 

..... حاضر يا عمى 

فاروق ...... خليها بابا بدل عمى هتكون احسن بكتير 

...... عندك يا بابا 

فاروق ..... ربنا يسعدكوا يارب 

الكل خرج وفهد ريح ضهره شويه ونام وانا قعدت على الكنبه لانه طلب كنبه للغرفه قفلت الباب كويس وغمضت عيونى شويه سمعت فهد بينادى صحيت بسرعه 

فهد ..... روضه 

..... نعم يا فهد محتاج ايه 

فهد ..... هتعرفي تسندينى 

..... ان شاء الله هعرف بس ليه 

فهد ..... عطشان 

...... خلاص ماشى هجيب الميه 

جبت ميه وشرب ورجعت الميه مكانها وروحت لفهد تانى حطيت إيدى على شعره 

........ فهد محتاج حاجه تانى 

فهد وهو بيمسك ايدى وبيبو*سها ...... اها 

...... احم احم خير 

فهد ..... عاوزك تفضلى جنبي علطول 

...... انا جنبك اهو ويلا بقا نام عشان تريح جسمك شويه 

فهد ..... طب نامى انتى كمان تعبانه 

..... ما انا هنام اوعى ايدى بقا أما اروح انام وانت تنام 

فهد وهو ماسك ايدى جامد ..... تؤتؤ هتنامى هنا فى حضنى 

..... بس 

فهد ..... مفيش بس ولا يرضيكى يعنى تزعلينى 

..... خلاص وكلت امرى اليك يارب 

فهد اخدنى فى حضنه ومحاوط عليا كأنه خايف حد ياخدنى منه   ونمت جنبه وكنت بقدر ما انا مكسوفه كنت مرعوبه ونايمه نوم كله قلق خايفه اخبطه فى رجله 

فى مكان اآخر على النيل ______

ياسين ..... ها احسن دلوقتى 

سيدرا ..... اها الحمد لله 

ياسين ..... انا جعان تاكلى

سيدرا ..... ياريت والله صحيح انت ايه حكايتك 

ياسين ...... هحكيها بس لما نطلب الغدا الاول 

ياسين طلب الغدا وسيدرا حاسه ان فى حاجه بسطاها اوى 

سيدرا ....... ها بقي مش هتحكى 

ياسين ..... بصي يا ستى انا اول ما اتولدت واهلى جايين من المستشفي عملوا حادثه وبإراده ربنا إنا الوحيد اللى طلعت عايش مكنش فى غير امجد اللى هو  المفروض عمى اخدنى وربانى وكنت يعتبر يقضي اغلب وقت فى القصر وكنت بقول ليه معنديش ام واب كنت محتاجلهم كتير فى حياتى لدرجه ان امجد عرض عليا اتاجر معاه فى السلاح ورفضت وقتها اتعاقبت منه وحبسنى فى بيت قديم وعليه حراسه ولكن من الجان وبعدها خرجنى هو كان ده عقابه ليا من وانا صغير اول مره اتحبست كان عندى خمس سنين بس تخيلي طفل عمره خمس سنين يتحبس فى شقه لوحده ضلمه كلها وهو عارف ان فى جان فى المكان 

سيدرا ..... ياربى وايه تانى 

ياسين ..... وبقت تحصل مشاكل كتير لحد ماهو اختفى من حياتى لانه كان بيحاول يخلينى نسخه منه ولكن مقدرش 

سيدرا ..... يعنى انت كمان اتظلمت بسبب عمك 

ياسين ..... للأسف اه 

سيدرا بضحك .... ايوا بقا الاكل جه 

ياسين لنفسه ..... اذاى تبقي كده رغم كل اللى حصل وبتحاول تضحك اللى حواليها بروحها الحلوه دى صحيح هى اد ايه جميله 

سيدرا ..... ياسين فينك كده سرحت فى ايه اوعى تكون بتحب جديد احنا اصحاب وهتحكيلي صح قولى هى مين وانا اظبتلك معاها 

ياسين ..... مش يمكن متوافقش 

سيدرا ..... دى مين دى اللى متوافقش هى تطول اصلا تاخد واد قمور كده وشعره قمرين وعيون تسحر هى اللى خسرانه اصلا المهم يلا كل الاكل حلو اوى 

ياسين بضحك على طريقتها الطفولية ..... ده انا بتعاكس بقا ولا ايه 

سيدرا ..... بطل غرور وكل قبل ما الاكل يخلص وانت اصلا جعان 

بعد مرور شهرين وخرج فهد من المستشفي ولكن بيمارس العلاج الطبيعي فى البيت 

وفضل ياسين وسيدرا يقربوا من بعض وبقوا أصحاب مقربين اوى ولكن ياسين مشاعره اتغيرت وحب يواجه سيدرا 

ياسين ..... سيدرا بقولك 

سيدرا ....... استر يارب خير يا ياسين فى ايه 

ياسين ..... تعالى هوريكى حاجه 

سيدرا .... طب ثانيه هغير وأجى 

ياسين بتوتر .... طب بصي 

سيدرا ...... ارغى نعم 

ياسين ..... فى بنت رقيقه تقول ارغى المهم البسي شيك وكده بس بسرعه 

ياسين استناها تحت وإذا بسيدرا وهى شبه الملايكه كانت لابسه دريس نبيتى وطرحه نبيتى كمان وكانت قمر بمعنى الكلمه 

ياسين بتصفير ...... لا ده احنا طلعنا جامدين اهو 

سيدرا بغرور ..... ده اقل حاجه عندى 

ياسين .... تبا لتواضعك يا اختى الطبي يلا 

ياسين وسيدرا ركبوا العربيه والصمت مالى المكان ومحدش فيهم اتكلم ولا حتى ياسين واول ما وصلوا 

سيدرا ..... انت جايبنى هنا ليه  

ياسين ..... غمضى عيونك بس كده وبطلى الغباء ده  

ياسين مسك ليد سيدرا وبعد شويه عن العربيه وقالها افتحى عيونك

سيدرا فتحت عينيها لتندهش بجمال المكان وبتبص تحت لقت ياسين قاعد على ركبته ورافع خاتم 

ياسين .... سيدرا انا بحبك تتجوزينى 

سيدرا بانبهار ..... ايه العظمه دى ياض يا ياسين 

ياسين ..... وربنا بحب بقره بقولك تتجوزينى 

سيدرا ..... طبعا موافقه بس مكنش له لزوم كان كبيره واحده بيتزا 

ياسين ..... انا قولت بحب بقره محدش صدق ليه   

سيدرا .... خلاص يا عم 

ياسين قام وقف ولبس سيدرا الخاتم وهى وافقت ياسين من كتر فرحته شالها وفضل يلف بيها جامد وهى فرحانه حاسه ان ده عوض ربنا الجميل وبعدها ياسين نزلها ولكن لسه فى حضنه 

ياسين .... بحبك يا مجننانى يا قدرى الحلو 

سيدرا ..... وانا كمان بحبك اوى يا ياسين 

ياسين بفرحه .... قولى ايه بتحبينى صح 

سيدرا وشها جاب الوان من كتر الاحراج 

ياسين الفرح اول ما فهد يطلع من المستشفي بأذن الله هو كده كده بدأ يتحسن 

بعد مرور فتره 

..... يلا يا فهد عاش النهارده مشيت كتير

فهد ..... الحمد لله واحسن حاجه انى رجعت الچيم 

..... الحمد لله بقالك اربع شهور بتاخد جلسات علاج طبيعى وده اخر شهر وترجع لحياتك الطبيعيه تانى بأذن الله 

بعد فتره فهد حالته اتحسنت وبقي يمشي على رجله كويس وفى يوم كان الكل متجمع فى القصر دخل ياسين 

ياسين ..... السلام عليكم ورحمه الله وبركاته

فاروق ..... تعالي يا ياسين كنت لسه هرن عليك 

ياسين .... خير يا فاروق بيه 

فاروق ..... بما ان الكل متجمع احب اقولكوا انى قررت اخطب ل ليث وطبعا الكل عارف مين العروسه 

الكل فرح طبعا وقالوا فى صوت واحد ..... حور طبعا 

ياسين ..... بالمناسبه دى انا كمان قررت اتجوز 

فاروق ..... ومين اللى امها دعيالها دى بقا 

ياسين ..... سيدرا الصراحه ملقتش افضل منها تشاركنى حياتى 

فهد ..... يبقي نعمل فرحك انت وليث فى يوم واحد بس الاول نشوف رأي العرايس ليث وياسين فى صوت واحد 

ياسين بسرعه ..... سيدرا موافقه 

ليث ..... حور موافقه  

ضحكنا على طريقتهم الاتنين وراحوا لاهل حور  واتفقوا على الخطوبه والفرح  بعد شهر وبدأت ترتيبات الفرح 

فاروق ..... ياسين يا ابنى 

ياسين ..... نعم يا عمى 

فاروق ..... انا عاوزك تعيش فى القصر انت وسيدرا

ياسين ..... معلش يا عمى خلينى على راحتى حابب اعيش انا وسيدرا فى شقه على قدنا

فاروق ..... طب مبسوط فى شغلك الجديد فى الشركه 

ياسين ..... طبعا يا عمى الحمد لله 

وجه يوم الفرح 

كنت مع حور وسيدرا وكمان اسماء فى البيوتى سينتر وكل واحده خلصت وجهزت وكانت عروسه زى القمر 

اسماء كانت لابسه فستان سهره كحلى غامق وعليه طرحه اوف وايت مع ميكب هادى وكانت جميله جدا 

حور كانت لابسه فستان زفاف مليان شغل وهادى مع المركب كانت شبه الاميرات 

سيدرا كانت لابسه فستان كبير وطويل من الوسط ومع الميكب كان بتخطف الأنظار بعيونها الرصاصي 

أما بقا روضه اللى هى انا كانت لابسه فستان سهره اسود في سيلفر على خمار سيلفر وكانت حطه ميكب خفيف جدا بس بس كان حلو جدا 

الشباب وصلوا وطلعوا ياخدوا العرايس ياسين كان واقف متنح من جمال سيدرا 

سيدرا ..... ياسين مالك

ياسين ..... هو فى كده انتى اذاى حلوه كده 

سيدرا اتكسفت ووشها احمر وده زادها جمال على جمالها 

ياسين بغمزه ...... احنا نطلع على البيت احسن 

سيدرا .... ياسين اتلم 

كانت حور جنب ليث 

ليث بتصفير ..... اوعى الواد الجامد ده 

حور ..... حلو يا ليث 

ليث ..... قمر يا قلب ليث ياه مستنى اليوم ده من سنين 

حور ..... الحمد لله 

نزل الشباب وكل واحد ومعاه عروسته كان محمد وفهد تحت وانا وأسماء نزلنا وراهم وانا نسيت شنطتى فطلعت اجيبها تانى 

فهد. ..... ايه ده كلكوا نزلتوا امال روضه فين 

اسماء .... نسيت شنطتها طلعت تجيبها 

فهد طلع وانا نازله لقيته وقف شويه وبعد كده طلع على السلمه اللى يعتبر بينى وبينه 

فهد ..... ايه ده 

...... فى ايه انا عملت ايه 

فهد ..... ايه اللى. انتى حطاه فى وشك ده 

...... والله البنات اللى قالولى احط انا مكنتش موافقه 

فهد .... امسحيه 

...... فهد مش هينفع 

فهد ..... وانا مش هسيبك كده تمشي تتعاكسي 

ضحكت ...... انتى غيرانه يا بطه وانا مسكاه من خده 

فهد ..... روضه متعصبينيش 

...... خلاص يا فهد بقي اخر مره عشان خاطرى 

فهد ......  

...... فهد خلاص والنبي بقا يا حبيبي 

فهد ...... قولتى ايه 

....... مقولتش يلا بسرعه هيمشو ويسيبونا 

نزلت جرى وهو كان هيولع منى وصلنا الفرح بعد ما عملو سيشن 

قبل ما الفرح يخلص سمعوا صوت طرب نار والرصاصه  كانت متصوبه على ياسين وطبعا كان فى ظباط فى الفرح وطلعوا يجروا ورا اللى ضرب نار وفى ظابط ضرب نار على المجرم وقع المجرم على الأرض الكل جرى عليه وكانت الصدمه 

ياسين ..... عمى امجد انت كنت عاوز تموتنى 

امجد وهو بيلفظ اخر أنفاسه ...... كان لازم اموتك انا ربيتك عشان تبقي معايا مش ضدى وبعدها مات امجد 

ياسين واقف مصدوم وفهد واقف جنبه هو والشباب بيواسوه 

فهد ..... اذاى هرب وأمته 

الظابط ..... هرب من يومين وكنا بندور عليه وكنا متأكدين انه هييجى الفرح عشان كده آمنا المكان كويس ومحبناش نقولكوا عشان هيبقي فى توتر وخوف 

ياسين ..... الحمد لله خير يلا نكمل الفرح

وخلص الفرح وكل واحد اخد عروسته وراح شقته 

سيدرا وياسين 

ياسين ..... منوره شقتنا يا حبيبتى 

سيدرا ..... انت زعلان 

ياسين ...... من ايه 

سيدرا ..... على اللى حصل لامجد 

ياسين ..... لا هو يستاهل وبعدين يلا نصلي عشان فى موضوع مهم عاوزك فيه ( قالها بغمزه ) 

عند ليث وحور 

ليث ..... اخيرا يا حور حلم سنين اتحقق 

حور ..... انا مش مصدقه 

ليث قرب من حور وحاوط وسطها بإيده وطبع قبل*ه بحب على شفايفها 

ليث بغمزه ..... طب وكده صدقتى 

نسيب حور وليث مع نفسهم ملناش دعوه بيهم 😂😂

رجعنا من الفرح وغيرنا الهدوم 

فهد ..... روضه 

..... نعم يا فهد 

فهد ..... تعالى اقولك 

...... خير استر يارب 

فهد ..... معلش هاتى العلاج عشان ضغط على رجلى جامد وكتير اوى النهارده ورجلى وجعانى اوى 

..... حاضر وجعاك منين 

فهد ..... براحه يا روضه 

.... انا اسفه يا حبيبي والله 

فهد .... قولتى حبيبك 

بصيتله بحب .... ايوا حبيبي وقره عينى كمان 

فهد ..... روضه انتى سخنه يا حبيبتى ده انا بتحايل عليكى بقالى خمس شهور تقوليها 

فهد ..... بحبك يا مجننانى 

.....  وانا كمان بحبك اوى اوى يا فهد 

فهد. .... انتوا تلحقونى بقا طب تعالى أما اقولك 

..... نعم 

فهد ..... ياروحى عليكى وانتى بتقولى نعم لا ده انا خفيت خلاص ومستنى ولى العهد 

..... فهد انسي 

فهد ..... انسي انتى انا مستنى بقالى كتير 

بعد مرور خمس سنوات 

محمد وأسماء كان عندهم ميرال  سنتين ويزيد خمس سنين 

فهد وروضه جابوا صهيب  وكان عنده ٤ سنين وتيا عندها سنه 

حور وليث جابوا تالين  عمرها ٣ سنين 

ياسين وسيدرا جابوا عدى اربع سنين وسجده سنه 

كان الكل متجمع فى القصر بسعاده والأطفال بيلعبوا والكل عايش فى سعاده 

مهما طال ليل الظالم مسير الفجر طالع 

الحب ليس للأول بل للأفضل والانقي حتى وإن كان عاشرا 

                    تمت بحمد الله 

لقراءة باقي الفصول من هنا