رواية حبيبي الذى لا اعرفه
بقلم اسماء ايهاب
الفصل الثاني والثالث
سردت حنان ما حدث مع اسيل لمراد
مراد بغضب : اييييييية انتي بتقولي اية
حنان : يا مراد متفهمش الموضوع غلط
مراد : بلا غلط ولا صح اقفلي لو سمحتي
اغلق مراد الهاتف
ظلت حنان تنظر الي الي الهاتف و تقول : الله اتعصب لية ده ههههههههه
عند اسيل وصلت المنزل و هي منهارة وجدت جدها يقرأ في المصحف عندما وجدها منهارة اغلق المصحف
رشدي : صدق الله العظيم... اسيل في اية يا حبيبتي بتعيطي لية
اسيل و هي ترتمي في احضان جدها : طلعوا عليا كلام في الشركة يا جدو مع المدير
رشدي : طب اهدي بس و قوليلي قاله اية
سردت له اسيل ما حدث معها في الشركة
اخذ رشدي يهدي اسيل الا ان وجده باب الشقة يطرق بشده
اسيل : خير يارب في اية
رشدي : روحي شوفي مين يا حبيبتي
ذهبت اسيل لكي تفتح الباب وجدته مراد و يبدو عليه الغضب
اسيل : اتفضل يا مراد
مراد ببغض : جدك هنا
اسيل باستغراب لاول مرة يسأل علي جدها : اه هنا ادخل
مراد لرشدي بعد دخوله : ازيك يا جدو
رشدي بتمتمة : كويس
اسيل : مالك يا مراد
مراد : كلامي مع جدك مش معاكي
رشدي : و جدها ادامك قولي اللي عايزه
مراد : حفيدتك ماشية علي حل شعرها مخطوبة لواحد و بتحب واحد
انتفضت اسيل و اردفت : انت مصدق اللي بتقوله ده
مراد : و مصدقش لية ان شاء الله... بصي يابنت الناس كل واحد مننا يروح لحاله انا مش هبقي واثق من انك تحفظي على بيتي
هم مراد للخروج الا ان توقفه الجد رشدي
رشدي : استني عندك يا مراد
مراد : نعم يا جدي
رشدي : انا مش جدك ولا يشرفني ابقي جدك استني.... ادخلي هاتي حاجات مراد كلها يا اسيل خلينا نخلص من البني ادم ده انا من يوم ما دخل البيت ده و انا مش مرتاحله
دخلت اسيل الي غرفتها و هي تبكي و جمعت كل شئ يخص مراد و الشبكة و كل متعلقاته
خرجت اسيل و اعطت لمراد كل شئ و خرج مراد و هو غاضب
احتضنت اسيل جدها و ظلت تبكي حتي نامت
في الشركة يدلف سيف الي يوسف
سيف : الحق يا يوسف
يوسف : في اية يا عم
سيف : في بنت هنا اسمها اسيل و الشركة كلها بتقول ان انت جاي هنا عشانها و الشركة كلها بتتكلم عليك وعليها و...
قاطعه ضربت يوسف علي المكتب بشده : مين اللي طلع الكلام ده اكيد البت دي هاتها
سيف : البت مشيت يا يوسف
يوسف : مشيت ازاي يعني تتطلع عليا الكلام ده و تمشي انا عايز ال cv بتاعها دلوقتي و انا ليا تصرف تاني
سيف : اهدي بس يا عم هي اكيد ملهاش دعوة
يوسف بعصبية : روح اعمل اللي قولتلك عليه يا سيف انا عارف الاشكال دي كويس دي جاية تسوء سمعتي
ذهب سيف و ترك بركان علي وشك الانفجار
يوسف : يا بنت ال..... انا هوريكي
جاء المساء علي بطلتنا و هي كما هي تبكي و تبكي و تلوم حبيبها اقصد التي كانت تظنه حبيبها
اسيل ببكاء : انا!!!! انا يا مراد بعد كل السنين دي
و تبكي و تبكي سمعت طرقات علي الباب مسحت دموعها بسرعة و سمحت لجدها بالدخول فمن غيره يحس بها
رشدي : حبيبة جدو صاحية لية لحد دلوقتي
اسيل بصوت مخنوق : مش جايلي نوم يا جدو
رشدي : لية يا روح جدو عشان الواد الصايص ده اوعي يا اسيل اوعي تزعلي علي حاجة متستهلش
اسيل : جرحني يا جدو
رشدي : و انتي اقوي من ان واحد زيه يجرحك يا حبيبتي
اسيل : انا مش هنزل الشغل تاني و هدور علي شغل جديد
رشدي : يا بنتي بلاش شغل و انا معاشي هيكفينا ان شاء الله
اسيل : لا يا جدو انا مش بعرف اقعد من الصبح هدور علي شغل
رشدي : براحتك يا حبيبتي ..... يلا نامي و ارتاحي و الصبح رباح
اسيل : حاضر يا جدو تصبح على خير
رشدي : و انتي من اهلة
اسيل : انا لازم انساه لازم الانسان اللي مش يوثق فيا ميستهلش حبي حتي لو مش حب
عاد في المساء الي المنزل و هو في قمة الغضب
امنية : اية يا برنس داخل بزعبيبك كدا لية
يوسف : امشي من ادامي يا امنية انا مش طايق نفسي
امنية : لية يا يويو بس
يوسف : بقولك اية خليكي مع سيف هو بردو لسة راجع البيت
امنية بتوتر : سيف و ماله سيف يعني
يوسف و هو يمسكها من مقدمة ملابسها : بت انتي هتصيعي عليا انا ما انا عارف كل حاجة
امنية و هي تكاد تبكي : عارف اية يا يوسف
يوسف : عارف انه بيجي ياخدك من الجامعة و ساعات بتروحوا تتغدوا و مكالمات طول الليل انا بس مستني اخلص من موضوع نقلي للشركة التانية مش معني انه ابن عمك ان تتكلموا و يوصلك عادي
امنية ببكاء : و الله العظيم يا يوسف مش بنتكلم بقالنا اسبوع عشان انا قولتله مينفعش و لازم يبقي فيه حاجة رسمي بينا
يوسف : طب بتعيطي لية دلوقتي خايفة مثلا متخافيش يا ختي ويلا روحي نامي و لو فعلا عايزة حاجة بينكوا رسمي متكلمهوش لحد اما تتخطبوا
امنية : حاضر و الله
ذهبت امنية سريعا اما هو فاردف : و الله لو عرفت انك انتي اللي عملتي كدا في الشركة مش هرحمك
اخرج هاتفه و هاتف مجهول : الو في واحدة اسمها اسيل زين الدين لو طلبت شغل في اية شركة متلاقيش سلام
في الصباح استيقطت بطالتنا و دلفت الي المرحاض و ارتدي ملابسها و ذهبت الي جدها
اسيل : جدو جدو حبيبي انا نازلة هحضرلك الفطار الاول افطر و خد الدوا
رشدي : استني افطر
اسيل : معلش يا رشرش انا ماشية مستعجلة.
خرجت اسيل و هي تدعي الله ان ييسر امرها
اما هو فذهب الي الشركة مبكرا و امسك بملف اسيل و يطل يتامله
ارفع الهاتف و تحدث : اياك تلاقي شغل في اي حتة انت فاهم
الشخص : حاضر يا باشا هي بتلف بقالها ساعة و انا وراها
يوسف : خليك وراها بس لو اشتغلت في حتة غير مجالانا سيبها و قولي
الشخص : حاضر يا باشا .. سلام
كل مكان تدخله ترفض و تخرج مكسورة الخاطر
ظلت تدور الا ان شعرت بالجوع
اسيل : انا جوعت بقي
ظلت تبحث بعينها عن مطعم قريب وجدت مطعم دلفت اليه و طلبت وجبة خفيفة و جدت لوحة مكتوبة عليها مطلوب انسة للعمل
اسيل : معقول اشتغل هنا ... و لية لا
اسيل : لو سمحت
جارسون : ايوة يا فندم
اسيل و هي تشير الي اللوحة : انا عايزة اشتغل هنا
جارسون : اه ممكن تدخلي عند استاذ مفيد جوا في مكتبه
اسيل : طب ممكن توريني مكتبه
جارسون : اه طبعا اتفضلي
امام مكتب استاذ مفيد
جارسون : المكتب اهو خبطي و ادخلي
اسيل : حاضر
طرقت اسيل الباب طرقات رقيقة و عندما سمعت الاذن بالدخول بدلفت الي المكتب بهدوء و لكنها اتفاجأت ب
اسيل : جدو مفيد
مفيد : اسيل
احتضنته اسيل فهو يكون صديق جدها
مفيد : اية ده انتي اخيرا جاية تشوفيني
اسيل : هههه بصراحة يا جدو انا جاية اشتغل يا جدو
مفيد : تشتغلي فين يا بنت زين
اسيل : هنا يا جدو انت موافق انا عارفة استلم الشغل امتي
مفيد :مش هتشتغلي هنا يا اسيل
اسيل : لية بس يا جدو عشان خطري و رحمة بابا
مفيد بتنهيدة : بتضغطي عليا ..ماشي يا اسيل
اسيل بفرح : ربنا يخليك ليا يا جدو بس ده سر و لا حتي جدو رشدي يعرف
مفيد : ---
Part 3
مفيد : و انتي مش عايزة جدك يعرف لية يا اسيل
سردت له اسيل ما حدث معها في الشركة و انها لم تجد عمل ولانها بحاجة عمل و انا جدها يرفض اي عمل غير مجالها
اسيل : بس كدا عشان خطري بقي يا جدو
مفيد : يا بنتي لو محتاجة فلو..
قاطعته قائلة : لا مش عايزة فلوس انا عايز اشتغل عشان خطري
مفيد : طيب روحي غيري هدومك و ابدأ شغل و هيبقي معاكي هاني برا اسأليه علي اي حاجة انتي عايزاها
اسيل : بجد شكرا يا جدو ربنا يخليك ليا
خرجت اسيل بسرعة وجدت الشاب الذي دلها علي غرفة مفيد
الشاب : ها اتقبلتي
اسيل : اه اتقبلت بس هو مين هاني لو سمحت
الشاب : انا لية
اسيل : اصل جدو اقصد استاذ مفيد قالي اي حاجة اسألي هاني فانا عايزة اعرف كل حاجة هنا
هاني : طب ادخلي الاوضة دي و غيري هدومك و يلا ناخد جولة
اسيل بفرح : ماشي
عند امنية عملت ان سيف ينتظرها في الخارج فقالت للخدم ان تخبره انها غير موجودة بالفيلا و قد ذهبت
انا هو دلف الي الفيلا لم يجدها تنتظره في الجنينة كما المعتاد فدلف الي الفيلا بالداخل و لم يجدها بالاسفل
سيف : عرفة فين امنية
عرفة : دي خرجت يا بية من نص ساعة و قالت لما حضرتك تيجي اقولك بعد كدا هي هتروح لوحدها و مفيش داعي تيجي تاخدها
سيف بغضب : طيب يا عرفة ماشي
ذهب الي الشركة و في قمة الغضب
في خارج المطعم
شاب علي الهاتف : ايوة يا باشا اشتغلت في مطعم مفيد اللي هو في ...
يوسف : ماشي خليك وراه بردو
اغلق يوسف الهاتف وجدت سيف يدلف الي المكتب بوجه عابس
سيف : خد امضي
يوسف : اية الشكل ده يخربيتك
سيف : سيبني في حالي و حياة ابوك انا مش ناقص
يوسف : منفضالك صح
سيف بتوتر : هي مين
يوسف بمكر : السكرتيرة شكلها مش مهتمية بشغلها خالص
سيف : اه اه فعلا انا بقول كدا بردو .. انا انا خارج
يوسف : استني يا سيف انا رايح مطعم مفيد لاني لقيتها و هعرف مين خلاها تعمل كدا
سيف : يا بني متتسرعش
يوسف : انا مبحبش يطلع عليا اشعاعات و خصوصاً مع حد معروش هروح اتعرف مكليش فيه انت روح شوف اللي انت فيه
خرج سيف من المكتب و ظل يوسف يتوعد و يتوعد بالكثير لهذه الاسيل
بعد مرور بدقائق خرجت اسيل مرتدية ملابس العمل بنطال من الجينز و تي شيرت ابيض و مريلة العمل و مكتوب علي الجهه اليمني اسمها و شعرها علي شكل ذيل حصان
هاني : وااو لايق عليكي
اسيل بابتسامة هادئة : ميرسي
هاني : طب يلا بينا علي شغلنا
بعد ساعتين
في شركة السيوفي جروب
يوسف لسيف : انا ماشي رايح البيت هغير و هروح لست هانم اسيل
سيف : علي فكرة انا قولتك بلاش يا صاحبي
يوسف : خليك في حالك
ذهب يوسف الي الفيلا وجد امنية تجلس علي الارض وسط الحديقة و حولها كتب كثيرة
يوسف : اية ده انتي بتحضري دكتوراه ولا اية
امنية : هههه لا يا خفة بذاكر عندي امتحان بكرة
يوسف : كلمتي سيف
امنية بجدية : لا مكلمتوش و لما كلمني مردتش و لما عدي الصبح مقابلتوش
يوسف : برافو عليكي عشان اعرف اعلموا ازاي يكلمك من ورانا هو اه ابن عمك بس مش معقول يكون مرتبط بيكي من غير ميقولي انا حتي
امنية : خلاص مش هكلمه
تركها يوسف و صعد الي غرفته و دلف الي المرحاض و استحم و ارتدي بنطال جينز كحلي غامق مع قميص ابيض و خرج من الفيلا و صعد دراجته النارية و انطلق ناحية المطعم
دلف الي المطعم وجدها تخرج من المطبخ و بيدها طلبات عرفها من صورتها بال cv
بعد ان وضعت الطلبات نادي عليها هو تقدمت اليه و اردفت بابتسامة : اؤمر يا فندم حضرتك تطلب اية
نظر لها فهي لم تعرفه هل من الممكن أنها لا تعرفه حقا طل سارح في عقله و افكاره
اسيل : حضرتك تطلب اية يا فندم
يوسف : ها اه عايز......
اسيل و هي تدون ما يطلبه : تحت امرك يا فندم بعد اذنك
اخرج هاتفة و هاتف سيف
يوسف : ايوة يا سيف دي معرفتنيش
سيف : مش قولتلك
يوسف : مش عارف حاسس بردو انها بتكدب اقفل و هكلمك تاني.
ظل جالس حتي وضعت له الطعام طل يتناول طعامه و هو ينظر اليها حتي انتهي من الطعام
يوسف : لو سمحتي
اسيل : ايوة اؤمر حضرتك
يوسف : بصراحة كدا انا خالي شغل و عايز اشتغل هنا هو في شغل
اسيل وهي تستغرب من هيئة النظيفة المرتبة : مش باين علي حضرتك خالص انك مش بتشتغل
يوسف : انا كنت بشتغل شغلة حلوة بس عمله فيا مقلب عند المدير و اطردت
سرحت اسيل فهو يقريبا ما حدث لها فاردفت : طب استني هنا شوية اصل بصراحة صاحب المطعم يعتبر جدي متخافش هتلاقي شغل ان شاء الله خليك مستنيني هنا
يوسف : ماشي بس متتاخريش عليا و النبي
اسيل : لا لا متخافش
ذهبت اسيل الي مفيد و ايقن يوسف انها لا تعرفه و حتى لا يعرف لما طلب منها عمل كل ما هنالك انه يريد ان يكتشفها اكثر
دلفت اسيل الي مفيد و
اسيل : جدو ممكن اطلب منك طلب
مفيد : اه يا حبيبتي اتفضلي
اسيل : في واحد عايز يشتغل هنا و هو عاطل يا جدو و صعبان عليا بصراحة اية رايك تشغله هنا
مفيد : بس مفيش مكان ليه هنا يا اسيل
اسيل : اتصرف يا جدو عشان خطري
مفيد : امممممم ماشي خليه يدخلي هنا
اسيل : فريرة
خرجت اسيل و اتجهت نحو يوسف و اردف : ادخل عشان تستلم شغلك
يوسف : بجد و الله
اسيل : بجد و الله
يوسف : انا مش عارف اشكرك ازاي انا بجد متشكر جدا
اسيل : لا شكر على واجب اتفضل ادخل
انقبل يوسف في العمل و انتهت ساعات العمل بالنسبة لاسيل و ذهبت الي منزلها
اسيل : جدو يا رشدي يا حبيبي انت يا جميل
رشدي : تعالي يا سوسو انا هنا
دلفت الي غرفة جدها و قبلت وجنتيه و اردفت : اول يوم شغل كان تحفة
رشدي :يارب دايما يا حبيبتي بس انتي لما كلمتيني قولتي اشتغلت و خلاص قولي اشتغلتي في شركة اية
اسيل : في .. في ايوة ايوة شركة مفيدكوا
رشدي : اية مفيدكوا دي
اسيل : شركة جديدة يا جدو جديدة
رشدي : طب يلا يا حبيبتي اتعشي و نامي
اسيل هحضر العشا ليا و ليك و هتاكل معايا غضب عنك يا جدو عشان الدوا
عاد الي منزله و صعد الي غرفته و اخرج هاتفة و هاتف سيف
يوسف : الو يا سيف انا مش جاي بكرا
سيف : معقول يوسف بية ميجيش الشركة
يوسف : تصدق أنا غلطان اني بقول
سيف : يا عم خلاص و اكمل بنبرة مهتزة : اومال عمي و طنط عاملين اية
يوسف : كويسين
سيف : و و ام امنية
يوسف بخبث : اما امنية دي بقي مزاجها حلو اوي بقالها يومين
سيف :مزاجها حلو اه ماشي يا يوسف سلام
يوسف : سلام يا صاحبي
سيف بعد ان اغلق الهاتف : ماشي يا امنية ماشي
يوسف : اما وريتك يا سيف الكلب هعلمك الادب
في الصباح
ارتدي يوسف ملابس عادية و ذهب الي المطعم وجد اسيل هناك
اسيل و هي تتجه الي يوسف : اية يا بني حد يتاخر من اول يوم كدا
يوسف : معلش و الله ظروف
اسيل : طب ادخل الاوضة دي و غير هدومك
يوسف : حاضر
خرج يوسف مرتدي الزي الرسمي للعمل و اردف : ها اعمل اية بقي
اسيل : روح شوف طرابيزة 3 و انا هشوف 8
يوسف : تمام
بعد ساعة جلس يوسف مع اسيل و اردف : و انتي بتشتغلي هنا من امتي
اسيل : يااااااه من زمان
يوسف باستغراب لانه يعلم متي عينت : زمان امتي يعني
اسيل : من امبارح
يوسف : ههههههههههههههه اسمك اسيل اسم حلو
اسيل : عرفت منين
يوسف : من الاسم اللي علي هدومك
اسيل : ايوة اسيل زين الدين بس انت مفيش اسم علي هدومك اسمك اية بقي
يوسف : اسمي يوسف
اسيل : ايوة يوسف اية
يوسف بتوتر : .........