#صعيدي_علمني_الحب
#البارت_العاشر والحادي عشر
بقلم حنين عادل
روح بصدمه وبكاء: ايه ...كانسر..
قام يونس بسرعه وراح ناحيتها...
روح ببكاء: كنت عارف يا نمر كنت شايفه تعبان وبيتألم وماقولتليش .
يونس: صدقيني هوا اللي كان رافض انك تعرفي
روح ببكاء: من امتي ..من امتي تعرف يا يونس من امتي
يونس : من .. أول يوم جيتوا فيه الصعيد يوم ما ركبتي رهوانه ...
#flash_back
بدر: كتر خيرك يا ولدي مش عارف من غيرك كان ايه اللي جرالها.
يونس: جات سليمه ياعمي ابوي ممكن نتحددت في المكتب
شاكر: قول يا يونس عمك مش غريب
يونس: ازاي يا بوي تبقوا محددين كل حاچه وانا اخر من يعلم عيل انا اياك تجوزوني من غير ما اعرف..
شاكر: يا ولدي....
بدر: استني يا خوي انا اللي هاتكلم
يونس: اتفضل يا عمي
بدر: تعالي نتمشي شويه
بيمشي بدر مع يونس...
بدر: عارف يا يونس روح مافيش اطيب من قلبها ولا اجمل منه بس هيا مشاغبه شويه ودماغها ناشفه مابتحبش حد يفرض عليها حاجه هيا مش عايزاها ..
يونس: وده سبب يا عمي ؟!
بدر: اصبر يا يونس...روح قلبها مجروح حبت مره واتنين وفي الأخر كانوا بيبقوا كذابين وبيستغلوها لانها قلبها نضيف ومش بتاعت لوع انا ربيتها انها تبقي دوغري انا جبتها هنا مش عشان تجوزها عشان روح القديمه ترجع
يونس: ازاي!
بدر: زي ما قلتلك انها مش بتحب حد يفرض عليها حاجه وهتعمل كتير عشان الجواز ده مايتمش وفي نفس الوقت روح القديمه هاترجع...
يونس: ايوه ..طيب وانا مطلوب مني ايه
بدر: انت هاتتعب الفتره الجايه من مقالب ولعب عيال جاريها وعلي فكرة انا متأكد انك هاتحبها لانها تتحب وان روح ماتحبتش مين يتحب دا اول سبب..
يونس: وفيه سبب تاني ؟!
بدر: السبب التاني ..اني تعبان يا يونس
يونس: تعبان مالك كفا الله الشر يا عمي
بدر: انا عندي كانسر في مرحله متأخره..
يونس وقف وبصله بصدمه : ايه !
بدر: ايوه...الحمد لله اللهم لا اعتراض عشان كده جبت روح تتعرف عليكم عشان انتوا اهلها وانا مش باقي ليها انتوا باقيين وانت يا يونس عاقل وهاتحميها
يونس : طيب اعمل اي حاجه سافر يا عمي اتعالج
بدر: تفتكر اني ماعملتش كل اللي اقدر عليه بس خلاص دا امر الله اوعدني يا يونس انك تبقي جمب روح وماتسيبهاش لو مش شريك حياتها تبقي اخ ...
يونس: اوعدك يا عمي ..
بدر: واوعدني ان الكلام اللي قلتهولك ده ماحدش يعرف بيه لان روح لو عرفت هاتدمر...
يونس: اوعدك يا عمي ..لا اله الا الله..
بدر: ماتزعلش يا يونس دا قضاء ربنا لازم نحمده علي كل حاجه الحمد لله دائما وابدا ..
#back
روح ببكاء: يااااه ...عارف من يومها وماقلتش جالك قلبك كنت قولي يا نمر كنت قولي كنت قضيت معاه الوقت ده كنت فضلت جمبه كنت قعدت في حضنه وشميت ريحته كنت قولي كنت فضلت تحت رجليه كان تعبان وانا بعيد عنه كان بيتألم وانا مش حاسه بيه كان زعلان وانا مبسوطه كان شايل في قلبه كل ده لوحده ...
بتزيد شهقاتها....بيقرب يونس منها ..
بتبعده عنها...
روح ببكاء: ابعد عني....انا مش مسامحاك ..عمري ماهنسهالك ..مش مسامحاك علي كل اللي عاني بيه لوحده علي الوقت اللي كان ينفع اقضيه معاه وماكنتش معاه علي الوقت اللي كان فيه تعبان وانا مكنتش جمبه...
شاكر كان بيسمعلها والدموع بتنزل علي وشه ..
بتطلع تجري ..
يونس: روح ..روح...
بيطلع يجري وراها بتطلع من المستشفي ومش بيلاقيها بتغيب عن نظره ..
بيفضل يدور عليها بس مش بيلاقيها
بتفضل روح تجري لحد مافي عربيه بتيجي وبتذمر جامد وروح مش اخده بالها منها صوت الزمارة بيعلي جامد وبتقرب منها بتقف روح وهيا شايفاها وبتغمض عينيها.....
.............................
بتدخل بسمه البيت ..
_ انتي يا بت انتي
بتبص بسمه بتلاقي امها واقفه ووشها مايبشرش بالخير
بسمه : نعم..
_ مزعله جمال ليه ؟!
بسمه: جمال...
_ ايوه
بسمه: انتي كده ياما حنينه وكويسه مع الكل علي حسابي انتي عارفه اني ماعحبوش اطيق العمي ولا اطيقهوش والكل مش واخد باله انه اكبر مني ب15 سنه ..
_ وماله ..ما انا اتجوزت ابوكي وهوا اكبر مني ب10 سنين
بسمه: ياريته كان زي ابويا الله يرحمه واللهي ما كنت افتح بوقي ولا انطق كلمه بس ده بتاع نسوان وبيشرب مخدرات والكل عارف عنه اكده ..
_ بتاع نسوان اه ...بس في الأخر هايرجعلك .
بسمه: يعني يلف علي كيفه وفي الأخر يرجعلي انا عايزه اتچوز واحد مايملاش عينه غيري ويتقي ربنا فيا وينفع يكون اب لولادي زي ابوي الله يرحمه
_ خلص الحديت انتي لجمال .سواء رضيتي او ابيتي
بصت بسمه لامها...
بسمه: توكالي واعتمادي عليك يارب سلمتك امري كله
...........................
..بقلم حنين عادل كاتبه الجيل
العربيه بتفرمل مرة واحدة علي اخر لحظه.....
بينزل منها خالد...
روح بتفتح عينيها وبتشوفه وبتطلع تجري عليه ...
خالد بيحضنها وهيا بتعيط في حضنه ...
روح: شوفت يا خالد بدر خلاص..
خالد بحزن: اهدي بس ده حصل ازاي انا هاتجنن لسه لحد دلوقتي مش مصدق انا كنت ملاحظ انه في الفترة الأخيرة تعبان ووشه اصفر...
روح طلعت من حضنه..
روح ببكاء: كان بيتالم لوحده يا خالد كان شايل حمل كبير كان عنده الكانسر اللي قعد ياكل في جسمه ..
خالد بصدمه: ايه !
روح مشت وخالد وراها من غير كلام لحد ما دخلت المقابر .
خالد وقف ودموعه نازله وبيقرأ ليه الفاتحه..
روح قعدت : معلش ياخالد انا عايزه اقعد انا وهوا شويه استناني بره
خالد: طيب ..حاضر..
بيسيبها خالد وبيطلع .
روح ببكاء: كده يا بابا كده يا بدر ....تشيل كل ده لوحدك ..وان عرفت صحيح كنت هاعمل ايه يعني ..كنت عاالأقل هافضل جمبك اهون عليك..اشيل شويه ما انت ياما شلت عني كتير كنت هاحكيلك حاجات كتير كنت هاقولك اني ماحبيتش حد قدك انك نعمه من ربنا ورزق كبير كنت هادعيلك كتير يمكن ربنا كان استجاب لي ...
بتزيد شهقاتها...
هاكمل ازاي من غيرك يا بدر هاكمل ازاي انت عارف انت وحشتني اوي وانا نفسي
اجيلك انا بعدك ماليش حد اوعي تفتكر ان عمي مهما كان حنين هايعوض غيابك انت بعدك مافيش حد ولا حد يقدر يعوض غيابك
بتحاول تكتم عياطها وبتمسح دموعها ..
انا عمري ما هسامح نفسي ..ولا هسامح يونس اني ماكنتش جمبك في اكتر وقت كنت محتاجني فيه بابا.
بابا انا بحبك اوي وحشني حضنك يا نمر وحشني ريحتك وحشني كل تفاصيلك وحشني لمسه وشك...
بتنهار في العياط...
وحشتني يااااااااا بدرررررر ...وحشتني اوي ..قلبي مش مصدق واللهي...وعقلي بيقنعني اني في حلم وهاصحي مع السلامه ...انتي مامشيتش انت في قلبي ..
بتطلع من المقابر وبتركب العربيه...
روح: يلا يا خالد
خالد: علي فين ؟!
روح: علي الڤيلا اللي في مصر علي بيت النمر
خالد: طب و.....
روح: يلا يا خالد...
..............................
في المستشفي..
يونس : يعني ايه يا دكتور مش كان كويس ازاي يخصله جلطه .
الدكتور: انا قلت ابعدوا عنه الزعل خالص لانه مريض قلب
مصطفي بخوف: طب هايبقي كويس امتي يا دكتور
الدكتور: كله في ايد ربنا..
بيقعد يونس ومصطفي جمبه .
يونس بيلاحظ ان مصطفي بيترعش..
يونس: انشف يا واد في ايه
مصطفي: خايف ...خايف يا يونس لما شوفته ماسك صدره خوفت قوي كل اللي عملته طلعت جريت عليك بره ..
يونس: ابوك ده جبل يا مصطفي ياما شاف وان شاء الله محنه وهاتزول وكل حاجه هاتبقي طبيعيه تاني ...
مصطفي: هوا انت كنت بتدور علي حاجه..
يونس: روح ...اكيد هيا دلوك في المقابر انا هاروح لها ماتخافش هاجي طوالي...
مصطفي: طيب...
بيمشي يونس وهوا بيفكر: هافضل اقنع اللي حواليا لامتي ان كله هايبقي تمام ..وانا مش
قادر اقنع نفسي..كل شئ انقلب من يوم وليله والفرحه اتحولت حزن يا مثبت القلوب يا رب ..
بيفضل ماشي لحد مابيوصل المقابر مش بيلاقيها بيطلع يجري علي البيت مش بيلاقيها
بيفتكر لما كانت راحت محطه القطر تركب بيروح هناك وبيدور عليها زي المجنون...
بيقف والناس رايحه وجايه وبيمسك دماغه..
يونس بتفكير: معقول ..تكون عملت في نفسها حاجه تانيه لاااا يارب قلبي ماعدش متحمل ...
بيقعد علي الاستراحه وبيوطي دماغه لتحت...
بيلاقي حد بيخبط علي كتفه...
يونس بيرفع دماغه وبيبص و.......
#البارت_الحادي_عشر
بيلاقي حد بيخبط علي كتفه.
يونس بيرفع دماغه وبيبص..
يونس: روح ....
بيقوم يحضنها ومش بيدي اهتمام للناس ولا بيتحرج زي باقي الرجاله اللي بيشوفوا كده عيبه.
يونس : كنت عارف اني مش هاهون عليكي تسيبيني
روح: اسيبك ازاي عاوزني اسيب روحي
يونس: كنت عارف ان حبنا مش ضعيف حبنا قوي وهايقدر يتخطي كل حاجه...
كرم: ياعم مش انا ..مش انا واللهي
يونس بعد عنه ...
يونس: كرم !
كرم : جري ايه يا يونس هوا في ايه بالظبط
يونس: معلش يا كرم
كرم: ركز بعد كده يا حبيبي انت حاضني بقالك ساعه وقاعد تقول حبنا وحلمنا الناس تقول علينا ايه
يونس: معلش يا كرم ما خلاص بقا ..في حاچه ولا ايه
كرم: لاه ...انا لقيتك بتجري وجاي علي هنا جيت اشوف في ايه !
يونس: روح ...
كرم: قمر مالها ؟!
يونس : قمر ؟!
كرم: احم...قصدي روح مالها
يونس برفعه حاجب: مالهاش.....
كرم: طيب...انا
يونس: ايوه روح شوف اشغالك ..
كرم: احم..طيب..
بيمشي كرم ويونس قاعد مش عارف يعمل ايه. .
بيطلع تليفونه مش عارف يكلمها لان تليفونها في الشاليه ...
يونس: خالد ! ازاي ماجاش في بالي وهوا فين الفتره اللي فاتت دي...
بيرن عليه بس مش بيرد...
بقلم حنين عادل
.......................
خالد وروح في العربيه...
خااد: يونس بيرن بقاله كتير.
روح : سيبه ماتردش يا خالد انا عاوزه افضل لوحدي ..
خالد: دا بقاله كتير...طب ردي انتي..
بتمسك روح التليفون بعصبيه...
يونس: خالد ...الحمد لله انك رديت تعرف روح فين
روح: عاوز ايه يا يونس
يونس: حبيبتي الحمد لله انا كنت هاموت من القلق عليكي انتي فين وانا اجي اخدك.
روح: ماتجييش يا يونس اعتبر كل شئ بينا
يونس: انتي بتقولي ايه انتي مش في وعيك
روح: طلقني يا نمر ...لو راجل طلقني...
بترمي التليفون من الشباك...
خالد: انا ماليش اتدخل وعارف ان موت عمي الله يرحمه مأثر فيكي بس يونس بيحبك ليه عاوز تبعدي عنه وتطلقي...
روح: عشان حرمني من اني اكون جمب بابا في ايامه الأخيره ...سابه يتعذب لوحده كان عارف انه عنده الكانسر وماقاليش ..
خالد بصدمه: ايه كانسر
روح: ايوه يا خالد والوحيد اللي كان عارف يونس ...
خالد: لا اله الا الله ربنا يجعل تعبك في ميزان حسناتك يا عمي ..
..............................
في المستشفي ...
بيروح يونس يقعد جمب مصطفي...
يونس: مافيش جديد...
مصطفي: خايف يا يونس يفارق ويسيبنا
يونس: اجمد...وادعيله ربنا يقومه بالسلامه
مصطفي: يارب..
يونس بتفكير: معقول ..عاوزه تسبيني هونت عليكي طب انتي ان قدرتي انا مش هاقدر...ماقدرش اسيب ابوي واچي وراكي الدنيا دي بتحطنا في مواقف صعبه قوي
بطبطب علي الكل واطمنه وانا مين يطبطب علي قلبي ويطمني..
...........................
في الليل...
دخلت روح الڤيلا...
خالد: انتي احسن دلوقتي
روح: ايوه...معلش يا خالد انا عاوزه اقعد لوحدي..
خالد: ماقدرش اسيبك لوحدك كده
روح: معلش ياخالد انا هابقي كويسه صدقني..
خالد: علي راحتك بس هاجي اطمن عليكي...
روح: طيب ...
خالد: خلي بالك من نفسك..
بتهز روح دماغها ...
بيطلع خالد بره الڤيلا وبتقعد روح في الجنينه ..
بتفتكر لما كان ابوها بيقعد في المكان ده..
بتقعد عليه وكأنه متخيلاه بيحط ايده علي كتفه...
روح بدموع: الله يرحمك يا حبيبي ان شاء الله في الجنه
بتقوم وبتدخل اوضته بتفتح دولابه بتطلع جاكت من بتوعه..
بتنام علي السرير وبتحضن الچاكت بتاعه..
.........................
في الصباح...
ميرا: يعني ايه يعني يا مرات ابويا
_ انا قلت ايه مش مفهوم جايلك عريس
ميرا: مش عايزه اي حاجه تيجي من ناحيتك
_ اتلمي يابت احسنلك بدل ما المك والعريس هتقابليه والا وديني وايامي ما انتي قاعده فيها
ميرا: انا سكتلك كتير يا وليه انتي ما تنسيش ان البيت بإسم امي انتي اللي قاعده فيه بإرادتنا يعني انتي اللي تمشي مش احنا خلاص الواحد فاض بيه
_ كده يا ميرو اخص عليكي ده عشان عايزه اطمن عليكي
ميرا: لا اتطمني من غير عرسان
_ طب والراجل اللي اديته كلمه شوفيه بس وابقي قولي كلمتك
ميرا: لا اله الا الله
_ دا غني ومرتاح ..وانتي عارفه اخوكي محتاج علاج
ميرا: خايفه علي اخويا برده
_ ماالخير هايعم علي الكل
ميرا: طيب هايجي امتي
_ الساعه 8
ميرا: طيب ...انا هاروح الجامعه دلوقتي ..
_ ربنا يجعلك في خطوه سلامه...
ابتسمت مرات ابوها بخبث...
.............................
في الجامعه.....
بسمه قاعده علي الكافتيريا...والهم باين علي وشها...
_ مافيش فايده
بسمه: كل الظروف ضدي مش عارفه اعمل ايه ...ساعات بتجيلي افكار اني اموت نفسي بس بستعيذ بالله بس خايفه اضعف..وخايفه ابقي اضعف واقبل بالوضع تفكيري في الموضوع مكدر عليا حياتي.
_ مش عارفه يا خيتي نفسي اقدر اساعدك بس مافيش في يدي حاجه
بسمه: ادعيلي ...
_ بدعيلك من قلبي...
.............................
بقلم حنين عادل .
بتصحي روح من النوم وبتبص للجاكت اللي حضناه. ..
روح: صباح الخير يا بدر ...
بدر : صباح النور..
روح: اكيد انت صاحي من بدري كالعادة وفطرت صح
بدر: ويلا انتي كمان قومي افطري
روح: انا ماليش نفس
بدر: افطري قبل اي حاجه
روح: لأ انا عاوزة اقعد معاك استني القميص ده مش بحبه انا هاجيبلك هدوم
بتروح تفتح الدولاب وبتطلع قميص
روح: يلا غي.....بدر انت روحت فين بابا لا ماتقولش انك مشيت تاني
بدأت تعيط وهيا ماسكه القميص حتي لو كانت متخيلاه اتمنت اللحظه دي تفضل العمر..
في حد ساعات بيكون جمبك ومابتشوفهوش ما تحسش ابدا بوجوده مع انه قريب وفي حد يفارق ويسيبنا انما بيعيش جوا قلوبنا بتغيب الشمس انما اسمه عمره ما بيغيب.
..........................
يونس كان بايت في المستشفي هوا ومصطفي .
ونايمين علي كتف بعض.
بيصحوا علي صوت كريمه وصفاء...
صفاء: هوا عامل ايه دلوك
مصطفي: ادعيله ياما
كريمه: ربنا يقومه بالسلامه
صفاء: روحوا انتوا البيت ارتاحوا شويه وانا وكريمه هنا ..
مصطفي: لاه انا هافضل جمب ابوي
يونس: ارتاح شويه يا مصطفي
مصطفي: طيب وانت
يونس: لاه انا هافضل هنا
مصطفي: خلاص وانا هافضل انا كمان
يونس: يا مصطفي
صفاء: روحوا يا يونس ارتاحوا واحنا موچودين
يونس: طيب ..بس كلموني لو حوصل اي حاچه لا قدر الله
صفاء: ماشي
بيمشي يونس ومصطفي وبيروحوا علي البيت ..
..........................
في الجامعه ...(القاهرة)
ميرا قاعده علي الكافتيريا ومعاها اسلام ...
اسلام: وياتري هوا مين بقا
ميرا: ماعرفش ..بس بتقول غني وانا عارفاها طماعه
اسلام: اكيد مش هتوافقي صح
ميرا: مش عارفه
.........................
بيطلع يونس من الحمام بعد ما اخد شاور
بيقعد علي السرير...
يونس: سامحيني يا حبيبتي اني مش جمبك بس الظروف اقوي مني ده ابويا ان شاء الله هايخف وهاجيلك وهافضل جمبك وهاترجعيلي تاني وهاترجع روح القديمه عارف انك هاتتعبيني بس لو هافضل عمري كله اصالح فيكي مش كتير عليكي..
بيلبس هدومه وبيسرح شعره وبيطلع من الاوضه بيلاقي مصطفي واقف ..
يونس: مانمتش ليه وارتحت شويه
مصطفي: ماعرفتش
يونس بابتسامه: طيب يلا نروح
.................................
في المساء....
بتلبس ميرا دريس وبتسيب شعرها رغم بساطتها الا انها جميله جدا
بتسمع الجرس بيرن بتعرف انه العريس جه
بتدخل مرات ابوها وبتقولها تجيب الشربات وتطلع
بتطلع وهيا شايله الشربات ..
بتتفاجئ لما بتشوف العريس
ميرا بصدمه: انت!
...............................
بيدخل خالد الفيلا ...
روح بتكون قاعده في الجنينه بتبص للفراغ...
خالد: عامله ايه...انا جبت بيتزا انتي بتحبيها يلا ناكل مع بعض
روح: معلش يا خالد ماليش نفس
خالد: لأ عشان خاطري يلا ...
روح بتاكل حته من ايده وفجأه بتمسك بوقها وبتطلع تجري علي الحمام ....