رواية دادي سنجل
الفصل الثالث عشر والرابع عشر
بقلم ياسمين علاء الدين
👑 أستغفر الله العظيم واتوب اليه 👑
ركب العمال الغرفه الجديده لفريده ومشو .
ومصعب كان جالس وهو شارد التفكير في فرح. لم تغيب عن باله. ومع رؤيتها مره اخري اصبح قلبه يدق لها
فريده : دادي . بتفكر في ايه
مصعب : مش بفكر. خلصتي ترتيب هدومك في الدولاب
فريده : ايوه . فرشت الدولاب ورتبت هدومي فيه وخلصت كل حاجه.
مصعب: تاكلي ايه. هتصل واطلب اكل
فريده : بيتزا
مصعب : اوكي.
اتصل مصعب وطلب بيتزا لهم . ليجد فريده تنظر له
مصعب: عايزه ايه .
فريده: مش عايزه
مصعب: بتبصيلي كده ليه.
فريده: دادي . انا مش فاكره فرح اوي. احكيلي عنها.
مصعب: اشمعانه يعني
فريده: مش عارفه بس عايزه اعرف كانت بتحبني او بتعاملني ازاي . يعني من تصرفاتها معايا . حسيت انها طيبه اوي .
. مصعب: هي فعلا طيبه جدا وكانت بتحبك اوي . مره الميس ضربتك وانتي في كي جي 1 . وقولتلها راحت ضربتها
فريده ضحكت : بجد .. وايه تاني
مصعب: كنتي بتحبيها اوي وانتي صغيره. وبعدين سافرنا وهي اتجوزت وخلفت
فريده. : هي مش لابسه دبله
مصعب: عادي. في ناس مش بتلبس دبل ومتجوزين . احنا شوفنا جوزها وابنها
فريده : بس جوزها لابس دبله. هي مش لابسه ليه
مصعب : مش عارف يا ديدا . انتي شاغله بالك ليه
فريده: اصلي حاسه كده. انها تهمك
مصعب: احساسك غلط . متهمنيش في حاجه
فريده. : يا دادي . عليا انا
مصعب : فريده .عيب تتكلمي في الموضوع ده . انتي كبرتي
فريده: هتفضل سنجل كده يا دادي .
مصعب : ايوه
فريده بغناء : دادي سنجل .دادي سنجل وير ار يو
ليضحك مصعب : انتي مشكله والله.
تناولو الطعام ...
في المساء اتت فرح الي البيت كانت تقف امام باب شقتها
لتنظر الي شقه مصعب .. والي الباب بحزن
تتذكر كم من ليالي كانت تدق الباب وتجلس امامه وهي تنادي عليه ليفتح الباب ولكن لا رد منه. تركها وحطم قلبها. جعلها تفقد الامل في الحب لذلك لم تسمح لاي رجل ان يقترب منها .
.
دخلت الشقه واغلقت الباب لتجد امها تصلي في الصاله ..
جلست بجانبها وبعد الانتهاء قبلت يدها : وحشاني يا حنان
حنان : وانتي كمان يا قلبي . اخبار الشغل ايه
فرح : تمام التمام . كله ماشي بالمسطره
حنان : ربنا يقويكي يا بنتي . قولتلك بيعي المحل وبفلوسه نصرف ع نفسنا. بدل الوقفه مع العمال دي وسط رجاله
فرح : الشغل مش حرام يا امي . وانا بميت راجل
حنان : يا اما نفسي اشوفلك حته عيل كده يا فرح ويقولي يا تيته
فرح : مروان بيقولك يا تيته
حنان : مروان ده ابن حسن. انا عايزه ابن بنتي يقولي يا تيته
ضيقت عينها بشك فهي تعلم جيدا. انه ورا هذا الكلام شئ .
فرح : انا شامه ريحه غريبه في كلامك
حنان : يا بنتي انا نفسي افرح بيكي . انتي عندك ٣٠ سنه . هتقعدي لامتي كل اما تكبري فرص الجواز بتقل .
فرح : انا مش هتجوز . انا هقعد معاكي .
حنان : اتجوزي احسن. اللي قدك اتجوزو ومعاهم عيال
فرح : يا امي . اللي قدي اتحوزو ومعاهم عيال. واطلقو كمان. كل ده معروف. بس في حاجه اسمها نصيب وانا لسه نصيبي مجاش
حنان : وهيجي امتي
فرح : مش عارفه يا ماما. ومش عايزه اعرف. انا مش هتجوز
حنان : هتتجوزي . وابن عمتك جايبلك عريس لقطه شغال في بنك وبيقول عليه كويس
فرح: اما اشوفك يا حسن . هطلع عينك
حنان : هو ده جزاءه انه خايف عليكي. مش لو كنتي وافقتي كان زمان مروان ده ابنك
فرح : مروان ابني يا ماما . ربنا شاهد انا بحبه ازاي . بس انا مش هتجوز . ريحو دماغكم
دخلت الغرفه وهي تشعر بالغضب كل يوم الكلام عن الزواج . الجميع يتبرعون بتقديم عرسان للزواج مني .
كاني سلعه باليه . ولكني لا. لن استسلم انا لن اتزوج ..
تذكرت مصعب حقا اشتاقت له وكانت تتمني ان تركض اليه وتعانقه وتبكي علي صدره ولكنه كسر قلبها قبل سابق برحيله بعيدا عنها .. لم يحارب من اجلها
مر الليل ومصعب وفرح يستعدون ذكرياتهم
.....
في الصباح استيقظت بنشاط لتبدا عملها
هو ما زال في اجازه . عليه ان يذهب مع فريده ليتنزهون قبل بدا عمله في فرع الشركه بمصر
👈 كنت خارج من الشقه مع فريده بنتي وانتظر الاسانسير .. لاجدها تخرج من الشقه .. كانت جميله كالعاده . والحجاب يزينها
رفعت راسها لتتقابل العيون في لحظه صمت. ولكنها قطعت التواصل البصري بيننا. لتنشغل بعمل شئ في الحقيبه
فريده: صباح الخير يا طنط
ضحكت فرح لانها لاول مره تقول لها طنط
: صباح النور
لتسمع صوته الرجولي : صباح الخير يا فرح
فرح : صباح الخير يا بشمهندس
تضايق منها لماذا تستمر بمنادته ببشمهندس . لما لا تقول مصعب
دخلو الاسانسير معا
فريده: ما تيجي معانا تتفسحي
فرح : عندي شغل . اتفسحي انتي وغيري جو. اكيد نسيتي مصر .
فريده : اه نسيت كل حاجه . بس دادي كان بيحكيلي عنك امبارح ..
نظر الي رده فعلها ليجدها عادي لا تبالي
فرح : كويس .
فتح الاسانسر لتخرج هي سريعا اول واحده خرجت كانت كالطلقه التي تخرج من مسدس .
لتسمع صوت مصعب ينادي عليها .
وقفت مكانها بزهق : نعم
نظر لعينها وتضايق من افعالها لا تنظر الي عينه وتتحدث معه كانه شخص مثل اي شخص عادي
مصعب : المفاتيح وقعت منك.
فرح : شكرا يا بشمهندس
مصعب بعصبيه : انا مش بشمهندس .
فرح : عادي
تركته وخرجت بلا مبالاه. وهو يشتعل من الغضب ..
( انقلب السحر علي الساحر ) هذه اقرب مقوله لما يحدث
فهي كانت تركض خلفه لتحظي بانتباهه والان هو من يفعل ذلك . ولكنها لا تعطيه فرصه . لهذا الدرجه تغيرت فرح اصبح لا يعرفها ولا يعرف كيف يتعامل معاها
ركبت سيارتها سريعا وهي تشعر ان قلبها سيخرج من مكانه . من. كتر التوتر .. ولكنها لن تقبل الهزيمه ..
فرح كانت تتابع عمل العمال وتطمان علي كل شئ . وعلي عمل الصنايعيه حتي لا يتكاسل احد عن عمله ... اتاها عيد
فرح ' : نعم
عيد : يا ست هانم.انا بترجاكي تقبلي تشغليني
فرح : انت مش هتتغير. وانا مش هشغل عندي واخد بياخد فلوس ويصرف ع القرف اللي بتشربه ده
عيد : انا محتاج فلوس للعيال
فرح تعرف انه يكدب فهي بالامس بعثت بمبلغ لزوجته واولاده
لتجيب عليه : مفيش فلوس
عيد : هشتغل
فرح : مفيش شغل. غير اما تبطل اللي بتشربه
عيد بكدب : هبطل
فرح : موافقه. هتروح تتعالج
عيد: ماشي
فرح : هكلم عارفه ويروح معاك المستشفي تتعالج ..
عيد : لا انا هروح لوحدي
فرح : يبق مش هتروح. لو عايز ترجع شغلك بطل اللي بتشربه. علشان عيالك ومراتك وقبلهم علشان نفسك
عيد : انا هبطل من نفسي. بس مش هينفع اسيب عيالي ومراتي
فرح : علي اساس انك مش سايبهم. بقولك ايه يا عيد . اخر كلام عندي. عايز تشتغل عندي تبطل اللي بتشربه وتركز في شغلك ومع عيالك وبيتك.
عيد : ده اخر كلام
فرح : ايوه. اخر كلام عندي . اطلع بره
دخل العمال واخرجو عيد من المحل .. وهو يتوسلها ان تعطيه فلوس ولكنها تعلم انه سيصرفها ع المخدرات
.......
مصعب ذهب مع فريده الي الملاهي ولعبو كثيرا . وذهبو الي ابيه وامه .الذان كانو فرحنين بعودتهم .
كان مصعب يبعث لهم كل شهرين زياره . حتي لا ينقطع عنهم
جلست اعتماد وهي تطعمهم
مصعب : الحمد لله . تسلم ايديك يا امي
اعتماد : تسلم يا بني .
مرزوق : اغسل ايدك واتوضي وتعال ننزل نصلي المغرب
مصعب: حاضر يا ببابا
نزلو معا. . لم يتحدثو معه في الزواج مره اخري. منذ تقدمه لفرح ورؤيتهم له حزين .. وهما قرررو ان يتركو موضوع الزواج هذا
بعد ان صلي مع ابيه .. صعد واخذ فريده ورجعو الي بيتهم ..
دخلت فريده تنام فاليوم كان متعب وقد لعبت كثيرا جدا .
اما مصعب فكان يحاول ان ينام ولكن فرح لم تغيب عن باله.
لماذا هي تعيش هنا مع امها . هل تطلقت من حسن ..
هل هناك مشاكل بينهم .
👈 هي لو متجوزه هتلبس الدبله زي حسن . اشمعانه مش لابسه الدبله .. ممكن يكون في مشاكل بينهم . ..
دماغي وجعتني من كتر التفكير فيكي .
انا هقوم اعمل قهوه واتفرج علي فيلم
بالفعل قام مصعب وصنع قهوه له وجلس يشاهد فيلم ليشغل باله عنها
......
فرح عادت الي البيت كان يوم شاق جدا بالعمل .
صعدت الي الشقه . لتشعر بشخص خلفها ..
لفت جسدها سريعا . لتجده عيد
انقبض قلبها من الخوف. فهو يبدو انه ناوي علي شر
اخفت خوفها ونظرت له
عيد : بصي بقي انا عايز فلوس
فرح: ملكش فلوس عندي
عيد : هاخد فلوس برضاكي او غصب عنك
فرح: كل ده علشان خايفه عليك وعلي اولادك ومراتك . انت بتشرب القرف ده . وكل دي سموم في دمك
عيد: ملكيش دعوه بيا . انا اعمل اللي انا عايزه
فرح: اعمل اللي انت عايزه بعيد عني.
عيد : لا مش بعيد . هاتي فلوس اللي معاكي
....
سمع مصعب صوت علي السلم عالي . ليذهب وينظر من عين الباب .
وجد فرح تقف وامامها يقف شخص ولكن لا يعلم من هو
مصعب: يمكن يكون حسن . حتي لو حسن هي شكلها خايف كده ليه
فتح الباب مصعب. . لتشعر هي بالراحه رغم ان عيد يهددها. ولكنها تعلم ان مصعب سيحميها
مصعب: فرح مين ده
عيد : انت مالك يا شبح
مصعب: شبح ... اه . طيب تعالي هنا يا فرح
فرح : هنا فين انت كمان
مصعب: ادخلي الشقه اما اشوف ده عايز ايه
فرح : ملكش دعوه انت . متتدخلش اصلا
مصعب بغيظ : كده
فرح بغيظ اكبر: كده
مصعب: ماشي انا هسيبه عليكي . يمكن يكسر راسك العنيده دي
فرح: محدش يقدر
عيد : بسسس انتم الاتنين. قرفتوني . انا عايز فلوس واغور
فرح: مفيش فلوس . وغور يلا
( لا تعلم كيف اتتاها هذه الشجاعه رغم انها من دخلها كانت تترتجف بخوف . ولكن مصعب هنا )
.......
#دادي_سنجل
الفصل الرابع عشر
👑 استغفر الله العظيم واتوب اليه 👑
كان عيد يقف وهو يهدد فرح .. ومصعب يحاول ان يحل المشكله .. وفرح تمثل انها شجاعه
دخل مصعب واغلق الباب ليتصل سريعا بالبوليس ..
فرح : يا واطي يا مصعب . وانا اللي فكراك هتقف معايا
.
عيد : بقولك هاتي فلوس بدل ما امد ايدي عليكي
فرح: تمد ايدك ايه. هي سايبه يا عيد . انت ناسي اني اعرف بيتك وعيالك . وبكره هطلع عينك لو لمست شعره مني
عيد : انتي يا ست فرح اللي بتحليني اضطر اعمل كده . انا هاخد الفلوس وههرب في اي مكان
فرح: اعقل يا عيد . مضيعش نفسك . انت عندك ولاد
عيد: بقولك ايه انا مش شايف قدامي
فتح مصعب الباب : بقولك ايه اكسر راسها احسن
فرح بصدمه : بعد الشر عني . اكسر راسه هو .وهديك فلوس
عيد وهو ينظر الي مصعب: بجد. يعني لو ضربته هتديني فلوس
سكتت فرح
عيد : اصل انا مش عايز اضربك يا ست فرح . بس اعمل ايه غصب عني . الكيف بيذل
مصعب: وانا عملتلك ايه علشان تضربني
عيد : لو الست فرح قالتلي اضربك هضربك
فرح : اضربه
فتح مصعب عينه بعدم تصديق
فرح: يستاهل الضرب بصراحه
مصعب ؛ طيب اضربها هي وانا هديك كل المبلغ اللي انت عايزه
عيد نظر لفرح : انتي هتديني كام
فرح وهي تنظر الي مصعب: ٢ الفين جنيه
مصعب: ٣ الف جنيه وتضربها
فرح : ٣ ونص واضربه
مصعب: ٤ واضربها
فرح : خمسه الف واضربه
مصعب:١٠ الف واضربها وده اخر حاجه
شهقت فرح وهي تجد عيد يبتسم بطريقه مرعبه
لتركض الي مصعب وتركله في قدمه .. ليتوه وهو يضحك عليها
مصعب: مش كنتي عامله فيها المرآه الخارقه
. فرح: انت تستاهل الضرب
مصعب : وانتي كمان تستاهلي
. عيد : هضربها واخد ال١٠ الف زي ما قولت
فرح امسكت بملابس مصعب وهي تقف خلفه .لان عيد اخرج من جيبه سكينه
مصعب: تضرب مين يا عم انا كنت بهزر.
عيد : بس انا مش بهزر . انا عايز فلوس
.
فرح: هديك اللي انت عايزه.بس ارمي السكينه
عيد: معلش يا ست فرح . الاتفاق مع الشبح ده وقالي اضربك واخد عشره
فرح: هموت بسببك.
مصعب: لا عاش ولا كان اللي يلمس شعره منك وانا عايش
فرح: وريني عضلاتك يا شبح .
. مصعب: بس يا فرح خليني اركز . اضربه منين
امسكت ملابسه اكثر : لا. ده معاه سكينه .يعورك
مصعب: يعورني . فداكي
فرح: لا متقربش منه . وانت يا عيد هديك الفلوس بس مش عايزه اشوف وشك تاني
.
عيد: ماشي يا ست فرح
مصعب: اسكتي خالص. انتي مش كنتي عايزه تديله فلوس يضربني
ليسمعو صوت عربيه الشرطه .
. اقترب عيد وهو يحمل السكينه منهم .
ليخبأئها مصعب خلفه ويقف امامه لكمه ع وجهه وقع في الارض.
وقف عيد وجرح مصعب في يده لتصرخ فرح بخوف
صعد رجال الشرطه وامسكو عيد . وهي ركضت مصعب تبكي
مصعب: دلوقتي خايفه ومن شويه كنتي هتدفعي فلوس ليقتلني
فرح ببكاء : انت اللي قولتله يكسر راسي
كانت امها تنظر لها : فرح قومي تعالي هنا
فرح: استني بس يا ماما . مصعب اتعور
ظابط : تعالو معايا انتم الاتنين علشان المحضر
فرح: طيب وايده
ظابط: هيروح المستشفي ويعمل تقرير بالاصابه علشان المحضر
مصعب : خليكي انتي يا فرح . علشان فريده كمان نايمه
فرح : انا هاجي معاك
الظابط : لازم تيجو انتم الاتنين.
حنان وهي تمسك ايد بنتها : ثواني يا باشا
وبهمس : في ايه وده رجع امتي من السفر
فرح بدموع : واحد اتهجم عليا ومصعب دافع عني واتعور
حنان :انتي كويسه
فرح: ايوه الحمد لله يا ماما .
حنان : روحي معاه وانا هقعد مع فريده في الشقه
ضمتها فرح : ماشي يا ماما
وقفت مع مصعب بعد ان ربتت جرح بقطعه قماش
.
ذهبو مع الظابط الي المستشفي وقطب الجرح كان بسيط
وعملو تقرير طبي . وذهبو الي القسم ليقومو بعمل بلاغ ضد عيد بسبب ما فعله
انهو التحقيق وكان الوقت متاخر
مصعب: الساعه١ بليل .
فرح بتعب : اه . انت كويس
مصعب: الحمد لله . الجرح سطحي
فرح: الحمد لله.
مصعب: فرح فين جوزك. يعني مجاش وهو عارف ان فيه مشكله
لم ترد فرح
مصعب: انا اسف لو بدخل . بس حتي فين ابنك مروان
فرح: مش عايزه اتكلم في الموضوع ده
فهم مصعب انها تطلقت من زوجها وهو اخذ منها طفلها ولكن كيف تتركه له هكذا . عليه ان يساعدها
صعدو الي السياره الاجره وعادو الي البيت .
دخلت الشقه معه وهي تنظر لها باشتياق فهي لم تدخلها من خمس سنوات واكتر
وجد حنان تنام علي الاريكه ويبدو ان فريده ما زالت نائمه ليحمد الله انها لم تستيقظ
فرح : شكرا يا بشمهندس علي اللي عملته . واسفه بسبب الجرح
مصعب. : مفيش بينا شكر والجرح مش صعب لدرجه دي. هيتعالج بسهوله
فرح : في جروح بيكون سهل انها تتعالج وفي جروح بتكون صعب تتعالج
مصعب : مفيش حاجه صعبه يا فرح . احنا اللي بنصعب الامور ع نفسنا
فرح : الامور بتكون صعبه . بس انت اللي بتقلل من اللي قدمك وبتقلل من جرحه وكسرته
مصعب : كسرته. مين اللي اتكسر بالظبط
.
فرح بدموع متحجره : تفتكر مين يا بشمهندس
ليمسك يدها ويضغط عليها : متقوليش بشمهندس . من امتي وانتي بتقولي كده
. فرح : من وقت اما سافرت وسبتني كل يوم بخبط ا
ع الباب وبعيط . من وقت اما خلاص انت هديت كل اللي بينا . حتي محولتش تدافع عن حقك .وتقعد مع بابا وتتكلم معاه . اختارت اسهل طريقه وهربت .
هربت دموعها من عينها وخالفت وعدها لنفسها بكت امامه
لتستيقظ امها علي صوتها وبكائها . نظرت لمصعب بشر
حنان : متعيطيش . كفايه حزن علي اللي ميستهلش . يلا
امسكت يدها وخرجت من الشقه ومصعب يشعر بوجع قلبه علي بكائها . احس انه اخطأ بحقها وبحق نفسه
جلس بتعب وهو يشعر بالمرض ووجع قلبه
اما فرح فرجعت الي البيت تبكي في احضان امها .
مر الليل واتي النهار . لم تخرج من البيت هذا اليوم .كانت تشعر بتوعك في صحتها
جلست حنان وهي تنظر لها : انتي لازم تشوفي نفسك . انسيه يا فرح وعيشي
فرح : انا عايشه اهو
حنان: دي اسمها عيشه . انتي هتقبلي العريس وتقعدي معاه
فرح : بس يا ماما
حنان : من غير بس . انا مش هسمحلك تضيعي اللي جاي من عمرك زي ما ضيعتي خمس سنين عليه ..
وقفت حنان وكلمت حسن ليحضر العريس حتي تراه فرح وتجلس معه
...
طول اليوم كان يراقب شقتها يريد ان يتحدث معاها ولك كيف
.....
مر اسبوع ومصعب تولي منصبه الجديد في الشركه
حنان مصممه ان تقابل فرح العريس
كان مصعب راجع من العمل ليجد حسن برفقه رجل ومعه امراه تحمل مراون
اندهش للامر
مصعب : اذيك يا حسن . انت مش فكرني
حسن : الحمد لله بصراحه لا مش فاكرك بس شكلك مش غريب
مصعب: انا مصعب جار عمك مسعد الله يرحمه
حسن باندهاش ': مصعب . اه افتكرت
فتح الاسانسر
.
خرجو منه
مصعب : اتفضلو
حسن : لا شكرا
مصعب : هو ده ابنك
حسن : اه ابني ودي مراتي وده طارق صاحبي
صدم مصعب معني كلامها انها كانت تكذب عليه . لم تتزوج ولم يكن ابنها .
لماذا يا فرح كسرتي قلبي بهذه الكذبه
.
حسن ابتعد عن الجميع وامسك يد مصعب وهو يهمس له
حسن : اقسم بالله لو مبعدتش عن فرح . لاكون مطلع عينك . كفايه اللي عملته فيها . خمس سنين وهي حالتها صعبه . حزينه ورفضه تدخل حد في حياته .
بس خلاص من انهارده هي هتنساك . شايف ده . ده عريس وان شاء الله هتوافق وتتجوز وتعيش حياتها من غيرك . لانك متستهلش ضفرها . انت واحد اناني بتفكر في نفسك وبس . مش بتفكر في مشاعر بنات الناس
تركه حسن بغضب .. ليدخل الجميع بعد ان رنو جرس الباب وفتحت حنان لهم
. مصعب كان يشعر انه تلقي صفعات وليس كلام .. سكاكين تغرس في قلبه.
دخل البيت وهو يشعر بدوار في راسه
