رواية دادي سنجل
الفصل الثاني والعشرون
والثالث والعشرون
بقلم ياسمين علاء الدين
👑 أستغفر الله العظيم واتوب اليه 👑
مرت سنتين علي زواجهم وهم يعيشون كاسره واحده سعيده.
لم تخلو الحياه من المشاكل او من جنان فرح وفريده التي تقلدها في اي شئ ..
👈 جنانها عندي احسن ميت مره من حزنها. علي قد ماهي تبان عنيده علي قد ما بكلمه واحده ممكن تتنازل عن عندها .
كانت تمسك بنطلون البدله لتفتش به .. ليمسك بها متلبسه .. امسكها من بيجامتها من الخلف كالارنب
لتفتح عينها بصدمه. : احم . مصعب
مصعب: بتهببي ايه يا فرح
فرح: اصل . اصل بس
مصعب : انطقي يا فرح.
فرح بتفكر في طريقه لتخرج نفسها من هذا الموقف : اه. افتكرت يا راجل. اوعي كده
باستنكار : يا راجل. انا تقوليلي يا راجل
فرح : اصلي نسيت اسمك.. يا اسمك ايه
قضم شفته السفلي بغيظ : اسمي مصعب ياختي
فرح : اه. مصعب . عامل ايه
مصعب : انطقي يا فرح بتعملي ايه وماسكه البنطلون ليه
فرح : الحلق .شوفت . الحلق وقع مني
مصعب : امممم . الحلق وقع منك في جيب البنطلون . الحلق الطاير هو
لتضحك وهي تضربه في كتفه بمزاح : ضحكتني ياشبح
امسك بمقدم بيجامتها الكرتونيه التي مرسوم عليها سبونج بوب بلونه الاصفر
مصعب: بتفتشي في جيب البنطلون ليه يا مصيبه
فرح وهي تحاول ان تفك يده : اصلي هقولك
مصعب: انطقي .هتشيلي امي
قلبت شفتيها بطفوله : بعد الشر عنك يا بيبي.
امسك راسه بصداع رفع يده لتبتعد عنه بتوتر
فرح: انا بص. انابص
مصعب: انتي بص . انتي هبله يا حبيبتي.
يقرص اذنها لتتؤه هي : كنتي بتعملي ايه يا فرح
فرح: بصراحه كده . كنت بفتش هدومك
مصعب: وبتفتشي هدومي ليه
فرح : علشان اشوف مخبي عليا ايه
ترك اذنها وهو عاقد حاجبيها : انا مش مخبي عنك حاجه . هخبي ايه يعني
فرح : يعني انت مش بتخوني
مصعب: هخونك ليه . انا بحبك وغير كده عمري ما اغضب ربنا
فرح : اصلي اتفرجت ع برنامج في التلفزيون والست اتصلت بالمذيعه وقالتلها ان جوزها بيخونها. وانا المزيعه سالتها عرفتي ازاي
ردت الست وقالتلها بيجبلي هدايه كتير . .واما فتشت وراه عرفت ان بيخونها وكان بيعمل كده علشان يبعد الشك عنها
كان يسمعها بعدم تصديق. هل هذا الذي في عقلها مخ ام طبق كبده اسكندراني .
مصعب: انتي عديتي وغلبتي كل التوقعات .
جلس بياس. وهو لا يعرف كيف يتصرف مع هذا الكائن الذي امامه
فرح : مو .
مصعب: ها
فرح: انت بتخوني
مصعب : لا يا فرح . مش بخونك ومش هخونك.
فرح: طيب
مصعب : حبيبتي بعد كده اما تيجي تفتشي متفتشيش البنطلون عشان اكيد مش هشيل اللي بخونك فيه
نظرت له بتفكير : صح. هتشيلها ازاي فيه. انت عبيط
قبض علي عنقها من الخلف
لتضحك بعبط : اسفه يا مصعبي . مش قصدي
مصعب بغيظ : يا متخلفه . فتشي في الموبيل مش في الجيب
رمي بظهره علي الفراش . لترمي نفسها عليه
فرح: خلاص مش هفتش . اصلا انت مش هتخوني .انت طيب . بس لو عملتها عمل منك بطاطس محمره وبانيه
ضحك وهو يمسكها وضمها اليه : يا مصيبه عمري . انا مش هكرر غلطتي . واتجوز تاني . كفايه انتي عليا
فرح : انا كفايه عليك
مصعب: بالظبط كده
فرح : عارف يا مصعب انا بحبك اوي
مصعب: عارف يا روح مصعب وقلبه
لتريح راسها علي صدره وهي تسمع دقات قلبه .
............
دخل. في يوم ليجدها تقف امام التلفاز وفريده بجانبها.
يرقصون علي اغنيه ابريق الشاي ☕
تضع يدها في وسطها كيد الابريق وتبسط اليد الاخري كبوز الابريق
وهي تغني ( انا انا انا ابريق الشاي 🎵. ايدي كده 🎼 بوزي كده . اصب الشاي وارجع كده. واعرف برضو يا كتاكيت احكي حواديت 🎵)
ليدخل وهو يبتسم : ابريق الشاي . تعالي
فرح : مصعب .
فريده : تعال يا دادي . ارقص معايا انا ومامي .
مصعب : انا هتفرج عليكم. ارقصو يا حبايبي
.. لتبدا اغنيه بيبي شارك 🐋
لتصرخ فرح وفريده ويقفزون وهم يرقصون بايديهم علي حركات الاغنيه بيدهم
لتشده فريده وتجعله يرقص معاهم . يضحكون وهما يرقصون
لتلقي عليه الوساده وهي تضحك وهو يفعل نفس الشئ
ويبدو الثلاثه في رمي بعض بالوسائد .
حملها ع كتفها وقلبها ع الكنبه . وحمل فريده ع ظهره
اصوات ضحكهم كانت عاليه. ❤
..ً.........
كانت تنزل من وقت لاخر لتتابع معرض الاثاث تركها مصعب لانها كانت بحاجه ان تشغل وقتها . فهو معظم او في عمله وفريده في مدرستها. وهي تجلس وحيده
في يوم عندما كانت في المعرض . وجدت اصوات عاليه
لتسال احد العمال الذي يعمل لديها
فرح: في ايه يا عرفه
عرفه : يا ست فرح . لاقو بنت مرميه في الزباله وباين عليها لسه مولده
. لم تصدق ما تسمعه. كيف لام ان تلقي بابنتها هكذا . الم تعلم ان هناك من يتمنون ظفر طفل . اي امهات هؤلاءلم تشعر........ بنفسها الا وهي تقترب من الناس . .
لتري شخص يحمل الطفله المولده بالحبل السري وتبدو عاريه تماما .تبكي وهي في كيس بلاستيك والجروح في يدها .
لتبكي وتاخذها بين يديها وتضمها
الرجل : يا بنتي لاقيتها بتعيط والقطط بتخربشها
فرح: مين اللي يعمل كده في طفله ..دول ناس معندهمش قلب ولا رحمه
عرفه العامل : في بنات بيضحك عليها وبتحمل وبترمي عيالها في اي مكان.
رجل اخر : او ممكن امها معهاش تاكلها
فرح وهي تبكي : برضو ده مش عذر. محدش يرمي بنته كده
لتنطق سيده : المهم مين اللي هيخدها دلوقتي . لو راحت البوليس هيرموها في اي ملجا ..
فرح لا تعلم لما ارتاح قلبها لهذه الصغيره : انا هخدها
عرفه : يا ست فرح مينفعش . انتي متعرفيش اصلها . وممكن يحصلك مشكله
فرح : مش هينفع اسيبها .
تكلم رجل : خوديها للمستشفي يا بنتي وخليهم يكشفو عليها
فرح : ماشي ..
صعدت الي سيارتها . وذهبت الي مستشفي .
كلمت امها لتعتني بفريده عندما تاتي من المدرسه .
دخلت لطبيبه اطفال وحكت لها ما حدث . لتتعاطف معاها الطبيبه. وتقرر ان تساعدها ..
فحصتها واعطتها التطعيم ونظفت الجرح وشرحت لها كيفيه تطعمها وتهتم بها . كانت تسمعها بانصات واهتمام
لتاخذها الي محل ملابس وتشتري لها ملابس كثيره ولبن ايضا واشياء للاعتناء بالطفله
رجعت الي شقتها وهي تضحك. . انشغلت بالطفله .
مصعب كان قلقل عليها لم تجيب ع الهاتف. ليشعر انه سينفجر من القلق . ترك العمل وسال عليها في المعرض. ليخبره عرفه بما حدث .
رجع البيت وهو لا يصدق انها فعلا ستربي هذه الطفله .
فتح الباب ليسمع صوت بكاء طفله. اقترب من الغرفه ليجدها تضمها وتكلمها وهي تحملها بحنان
مصعب: مين دي يا فرح
نظرت له بحماس : دي فرحه
. مصعب: مين فرحه دي . جبيتيها منين
اقتربت منه وهي تحمل الطفله التي كانت جميله جدا .
حكت له ما حدث وانها ستكتبها باسمها
ليرفض الفكره : مش هينفع
. ادمعت عينها وهي تنظر له بحزن : انا عايزاها . مليش دعوه
مصعب: هي لعبه يا فرح .دي بني ادمه . وبعدين حرام تكتبيها باسمك
فرح: طيب هكتب باسم مين. هي ملهاش حد . وحياتي عندك يا مصعب خليها معانا انا حبيتها اوي
مصعب. : يا فرح اللي بتعمليه ده غلط. احنا مش اتكلمنا في الموضوع ده واتفقنا انك ترضي بقضاء ربنا
فرح: والله رضيت يا مصعب. بس البنت دي قلبي وجعني عليها. انت مش عارفه كانت متبهدله ازاي. ده ممكن الكلاب كانت كلتها .
مصعب : انا مش موافق يا فرح . وديها لقسم الشرطه وهما يتصرفو.
فرح : مش هتخلي عنها . وانت مش عايز تساعدني انا هتصرف .
مصعب: مش هساعدك في حاجه ومش موافق اصلا.
كانت تظن انها سيساندها في قرارها ولكنه رفض وتخلي عنها
. اما هو فكان يريد ان تتنازل عن فكرتها المجنونه .
ليجدها تجمع اشياء الطفله وتخرج من الشقه لتدخل شقه امها
مصعب: براحتك يا فرح يومين وهترجعي تاني ومش هتعرفي تهتمي بيها اصلا
دخلت شقه امها لتجد فريده وحنان يجلسون
حنان : ايه ده
فرح: دي فرحه بنتي
حنان: بنتك منين
فريده : الله. دي اختي
فرح: ايوه يا ديدا . اختك
حنان: يا هبابه . اتكلمي وقولي منين دي
حكت لها فرح ما حدث وكيف وجدت الطفله. لتشعر حنان بالشفقه علي هذه الصغيره.
حنان: بقولك ايه . احنا نكلم حسن ابن عمتك وهو هيتصرف ويعرف يطلعلها ورق . بس لو مقدرتيش تربيه هتعملي ايه
فرح باصرار :هقدر. وهربيها واكبرها. ربنا هيقويني .عشان انا ناويه خير
فريده: وانا كمان هساعدك يا مامي
. قبلتها فرح : انتي روح مامي .
لتنظر لامها باستعطاف : ماما
صمتت قليلا : ماشي يا فرح هساعدك .
#دادي_سنجل
23
👑 اللهم صل وسلم علي نبينا محمد👑
رفض حسن في الاول مساعدته لفرح في تسجيل الطفله.
وبعد محاولات لاقناعه وافق .. ليستخرج اوراق جديده للطفله
باسم فرحه محسن .
وهكذا اصبحت الطفله مسجله في الدوله ولها اوراق رسميه ...
ظلت اسبوع في شقه امها تساعدها حنان
وتعلمها طريقه للاعتناء بالطفله. فهي اصبحت لا تنام واصبحت مرهقه بسبب بكاء الطفله المستمر
ولكن حنان تساعدها ايضا . وفريده تاتي من المدرسه وتساعد معاهم .
لم يتحمل مصعب بعد فرح اكثر من هذا ليتنازل عن موقفه ويصالحها ويرجعها الي البيت .
الذي اصبح كئيبه من دونها .
اشترت للطفله سرير ووضعته في الغرفه معاهم.
كانت تبكي كثيرا في الليل.
مصعب: عندي شغل يا فرح . حرام كده
فرح بنوم : معلش يا حبيبي. هي اكيد جعانه. هخدها واخرج
مصعب: قولتلك الموضوع مش سهل
فرح : عارفه . بس انا حابه اعمل كده. ساعدني شويه او سبني انا اتصرف
خرحت وهي تحمل الطفله. لتطعمها وتبدل لها الحفاض كما علمتها امها . لتهدا الطفله وتنام .
نامت بجانبها في الخارج. ليستيقظ مصعب صباحا علي صوت المنبه .
لم يجدها . خرج ليجدها تنام ع الكنبه والطفله بجانبها نظر لهم . يعلم ان يقسي عليها ولكنه يرفض ان تتعلق بهذه الطفله
ذهب لغرفه ابنته وايقظها. ليذهب ويجهز الافطار له ولابنته
وهي ما زالت نائمه لا تشعر بهم بسبب. سهرها مع الطفله
عند خروج فريده ومصعب . ذهبت فريده وقبلتهم برثه وخرجت معاهم
مصعب وهو يوصل فريده الي المدرسه : شايفك مبسوطه بالطفله
فريده: جدا جدا يا دادي . دي عسوله اوي وصغننه
مصعب: مش زعلانه ان في بيبي في البيت
فريده: لا بالعكس . انا بحبها جدا ونفسي تكبر علشان العب معاها
مصعب: حبيبه قلبي الطيبه .
قبلته من خده : انا بحبك اوي يا دادي. بس نفسي تحب فرحه كمان . هي صغيره ومعندهاش اب. يعني مامي بقت مامتها وانا بقيت اختها. فيها ايه انا تبق داد ليها مصعب : وصلنا المدرسه . خلي بالك من نفسك.
فريده: اوك دادي .
. نزلت من السياره وتركت مصعب يفكر في ما يحدث.
........
. استيقظت فرح لتجد نفسها تنام بالصاله وفرحه علي يدها. لتعدل نومتها وتنظر للساعه . لتشعر بالاسف لانها اهملت بهم .
اصبحت الصغيره تسرق وقتها ولم تعد تهتم بمصعب وله بفريده. لتقرر ان تنظم وقتها
اطعمتها الافطار وبدلت ملابسها و وحملتها لتدهل الي امها.
اعطتها الطفله. ووقفت هي تصنع الغدا لهم. وبعدها رجعت الي الشقه لتنظفها ..
عندما انتهت وجدت فريده قد عادت من المدرسه لتستقبلها
كانت الصغيره تبكي مره اخري . لتحملها في الحقيبه التي اشترتها مخصوص لها. وهي تتحرك والصغيره تجلس في حقيبه امامها تنظر لها وتبتسم
فرح : اه . انتي عايزه تلعبي. اخلص اللي ورايا ونلعب.
فريده: انا ممكن العبها
فرح : خلصي اللي وراكي ولعبيها براحتك
. فريده : ماشي
انهت فريده المذاكره لتحمل الصغيره وتلعبها وفرح بجانبها تراقبهم حتي لا تقع
مر شهر علي وجود الصغيره مع فرح
اتي مصعب من الخارج. لتسرع فرح اليه وتضمه
استغرب من فعلتها فهي في الفتره الاخيره تهامله بفتور
مصعب : فرح انتي كويسه
فرح : اه يا حبيبي . بس انت وحشتني
ليبتسم : اخيرا اكتشفتي ده
فرح : بطل رخامه .والله وحشني علي طول. اسفه لو كنت قصرت في حقك
قبل جبينها : ولا يهمك. كل ده حصل بسبب الدخيله دي
عبست بوجهها : متقولش كده عليها.
رفع يده باستسلام : مش هقول . اصلا مليش دعوه بيها
حزنت لسماعها هذا فهو ما زال مصمم ع تجاهل الصغيره
وضعت الطفله في الشياله المخصصه لها.
ليبتسم هو . دخلت للمطبخ وجهزت الغدا ووضعته امامها وما زالت تحمل الطفله
مصعب: هو انتي هتفضلي حطها كده . هتتعود ه الشيل
فرح: عشان متعيطيش وتضايقك .
مصعب : ظهرك هيوجعك
فرح: هي اصلا مش تقيله . خد كده شيلها
مصعب: لا. مش عايز
نظرت فرح الي فريده التي رفعت كتفها بحركه طفوليه
............
يوم الاجازه اعادت لمصعب سهره رومانسيه خاصه
ليبتسم عندما رائها متانقه ومستعده لانتظاره
مصعب: هنتفرج ع فيلم
ضحكت هي بدلال : هنتفرج بس ياتري فيلم انهارده ايه
مصعب : فيلم رومانسي يافرحي .
أقترب منها وضمها ليقبلها . ليقطع تلك اللحظه صراخ الصغيره
نفخ مصعب بغضب : اوف . مش كده يا فرح. انا زهقت.
فرح وهي تسرع الي الطفله لتحملها : معلش يا مصعب دي طفله
مصعب: مش كده يا فرح . دي مزعجه اوي. بتعيط ليل نهار
فرح بحزن : كل الاطفال في سن ده.كده .
نظر لها بغضب .. ليرتدي ملابسه ويخرج من البيت
جلست تبكي وهي تنظر للصغيره. فهي اصبحت بعيده جدا عن مصعب........ هو يرفض وجودها في البيت .
وكان الصغيره تعلم برفضه وتشعر به لتعاند اكثر. فهي في وجوده تبكي كثيرا
عليها ان تختار اما مصعب زوجها وتستعيد الحياه الهادئه . واما ان تعاند وتتمسك بالصغيره وتخسر مصعب
جلست تفكر كثيرا وهو تاخر بالرجوع
لتنام وعلي خدها دموع . لم تشعر بها عندما عاد لينظر لها ويبدل ملابسه ويصعد ع الفراش بجانبها ..
استيقظت في اليوم التالي مبكرا. لتجده نائم . قبلته من جبينه وقررت ان تفعل ما يريد . حتي لو كان ضد رغبتها. ستعطي الطفله لملجا ايتام وتتربي هناك وتراعيها وتصرف عليها وتزورها من وقت لاخر.
دخلت الحمام لتستحمي . لنستيقظ الصغيره وهي تبكي بقوه. حتي استيقظ مصعب.
بحث عن فرح . ليسمع صوت المياه في الحمام .
والصغيره تبكي بقوه . رق قلبه لها . ووقف ليحملها ويضمها بحنان. تذكر فريده وهي صغيره وكيف كانت تحب ان يسير بها وهو محتضنها . ليفعل نفس الشئ مع فرحه الصغيره ..
كانت تنظر له بعيونها السودا الواسعه وبشرتها البيضاء وخدودها الحمرا ...
خرجت فرح لتتفاجا بمصعب وهو يحمل الصغيره بين يديه هكذا لتضمه من الخلف وهي سعيده
. ابتسم : صباح الخير
فرح : صباح الورد يا قلبي
مصعب: كانت بتعيط وانتي كنتي في الحمام.
فرح : انا اسفه مش سمعت صوتها.
مصعب : ولا يهمك . خديها
فرح نظرت لعين مصعب : مصعب انا فكرت كتير في كل اللي بيحصل. . انت عارف اني بحبك . وعارفه اني في الفتره الاخيره كنت مهمله فيك وانت زعلان مني .. بس انا قررت . اني هتنازل عن اي حاجه عشانك. انا عايزه راحتك. . هوديها لدار ايتام وهصرف عليها .
نظر اليها بسعاده لانها اختارته ..
لتدمع عيونها وهي تنظر الي الصغيره بحزن
احتضنها وهو يقبل راسها : حبيبتي انتي
فرح: ممكن بس نخليها اسبوع واحد تاني لحد اما الاقي مكان كويس ومضمون ليها
مصعب: ماشي يا فرح
فرح : وفي الوقت ده تساعدني
مصعب : حاضر يا فرح . حاجه تاني
فرح وهي تنظر الي الصغيره التي نامت بين يد مصعب
فرح : حضنك حنين . حتي البنت نامت معاك
وضعها ع الفراش بهدوء : خبره مع فريده
فرح : طيب يا خبره . ايه مش هنتفرح ع فيلم
ضحك مصعب: احلي فيلم لفرح عمري
.حضنها و🙈🙈
............
بعدها بيومان. كانت فرح في المطبخ تجهز العشا
.... وفريده تجلس امام التلفاز ومصعب يعمل ع اللاب
والصغيره علي الكنبه ..
ليسمعو جميعا صوت ارتطام في الارض
انقبض قلبها وخرجت سريعا من المطبخ. لتجد الطفله ع الارض . ومصعب يخرج نن الغرفه وفريده تنظر برعب
حملتها وهي تبكي علي بكاء الصغيره
مصعب: فرح البسي بسرعه لازم ننزل للمستشفي
نظرت له برعب .
ليحمل الطفله بين يديه ويضمها اليه.
مصعب: ؛بسرعه يا فرح
دخلت وهي تشعر بجسدها ينتفض من الخوف .
حنان جلست مع فريده .. وذهب مصعب مع فرح الي المستشفي.
دخلو الطوارئ . لياخذو الطفله منهم.
عملو لها اشاعه وخرج الطبيب ليخبرهم انها يجب ان تظل في العنايه لاربعه وعشرين ساعه. لان الوقعه سببت لها ارتجاج .
كانت تبكي وتلوم نفسها ومصعب ايضا حزين
فرح: كان عندك حق. انا مستحقش اكون ام.
مصعب: هتكون كويسه يا فرح. وبعدين انتي تستاهلي تكوني احسن ام.
فرح: هي وقعت مني.
مصعب: غصب عنك . بعد كده اما تنام حطي جنبها حاجه لانها بدات تتحرك
فرح: طيب هي هتكون كويسه
مصعب: ان شاء الله. هي هنا تحت الملاحظه ..
فرح: انا خايفه عليها
مصعب: ان شاء الله هتكون كويسه .
جلست بجانب مصعب الذي رفض ان يرجع الي البيت. ظلو طول الليل في حاله قلقل وخوف
مرت ال24 ساعه بخير . وكانت اطول يوم مرو به
ليرجعو الي البيت معا.
من التعب نامو الاثنان وهي في المنتصف . لم تبكي كثيرا وكانت هادئه جدا ..
لينام الثلاثه بتعب وارهق