#دادي_سنجل
الفصل التاسع والعاشر
بقلم ياسمين علاء الدين
👑اللّهُـمَّ إِنِّـي أسْـأَلُـكَ العَـفْوَ وَالعـافِـيةَ في الدُّنْـيا وَالآخِـرَة ، اللّهُـمَّ إِنِّـي أسْـأَلُـكَ العَـفْوَ وَالعـافِـيةَ في ديني وَدُنْـيايَ وَأهْـلي وَمالـي ، اللّهُـمَّ اسْتُـرْ عـوْراتي وَآمِـنْ رَوْعاتـي ، اللّهُـمَّ احْفَظْـني مِن بَـينِ يَدَيَّ وَمِن خَلْفـي وَعَن يَمـيني وَعَن شِمـالي ، وَمِن فَوْقـي ، وَأَعـوذُ بِعَظَمَـتِكَ أَن أُغْـتالَ مِن تَحْتـي. 👑
بقيت في المشفي هذا اليوم .
. ومصعب معاها ومسعد ايضا وحنان
جاء حسن ليطمأن عليها
حسن : الف سلامه يا فروحه. عامله ايه
نظر مصعب للارض بضيق
فرح : الحمد لله.
حسن : كده قلقتينا عليكي
ابتسمت فرح
مسعد : الحمد لله انها جت لحد كده
حسن : الحمد لله .
حنان : هناجل الخطوبه بقي
حسن : اه طبعا . هي مش هتقدر تتحرك
فرح نظرت لمصعب لتجد ينظر لاسفل
حسن : فروحه.
فرح : نعم .
حسن : عمتك بتسلم عليكي وهتيجي بكره
فرح : انا هخرج بكره ان شاء الله . مش هقعد هنا اكتر
مسعد : الدكتور هو اللي هيقول يا فرح مش احنا
فرح : انا عايزه ارجع البيت.
مسعد : هنساله لو ينفع نرجع
فرح : ماشي
( خرج مصعب واتصل بامه وكلم فريده ابنته ليطمأن عليها )
بعد وقت خرج حسن.
الارهاق يبدو ع وجه حنان ومسعد
. مصعب : عمي خد ماما وارجع البيت. ارتاح شويه وتعال تاني
حنان : هسيب بنتي لوحدها
مصعب : انا هقعد معاها. ع الاقل نامو ساعتين علشان متتعبوش
مسعد. : انت يا بني اللي لازم تروح. انت تعبت معانا . جبتها لهنا وكمان اتبرعت بالدم. وقاعد معانا من امبارح
مصعب : انا لسه متعبتش . انت روح مع ماما وارجعو تاني وانا هرجع البيت
فرح : بابا خد ماما وارجع البيت. انا هنام لحد اما ترجعو . وانت يا مصعب كمان ارجع البيت.
مصعب: هما يروحو البيت وانا هقعد . وبعدين نبدل
. ....
رجعت حنان الي البيت لتبدل ملابسها ومعاها زوجها
ومصعب كان يجلس مع فرح ..لاحظ تغير ملامحها . يبدو انها تتالم
مصعب: فرح . انتي تعبانه
فرح ، : الجرح بيألمني
مصعب وقف سريعا وخرج
دخلت الممرضه وفحصت الجرح ودخل الطبيب ايضا
الدكتور: الجرح ملتهب .
اعطاها حقنه مضاد حيوي. وابدل العلاج لها وخرج
كان مصعب بالخارج اطمان عليها من الدكتور ودخل لها
👈نايمه والمرض باين علي وشها . ايه اللي حصلك يا فرح.انتي كنتي كويسه .. مسكت ايديها كانت سخنه
وغصب عني ايدي حطتها علي جبينها لاتحسس حرارتها
خرج بغضب وهو يصرخ في المستشفي. فهي تتالم ودرجه حرارتها عاليه. لا يستطيع تحمل هذا. لم لا تشفي ..
مصعب: انتم مهملين فيها. لو مش عارفين تعالجوها. هنقلها مستشفي تاني
خافت الممرضات منه وليدخلو الي الدكتور المتابع لحالتها
اسرع الدكتور له: في ايه يا استاذ
مصعب :في زفت ع دماغك. انا ساكت من بدري
الدكتور: حضرتك انا دكتور. متكلمنيش كده
مصعب: اكلمك ازاي يعني. لو مش عارف تعالجها قول وان انقلها مستشفي تاني
في هذا الوقت كانت حنان ومسعد وصلو واستغربو من مصعب نظرو لبعض وصامتو
مسعد : في ايه يا مصعب
مصعب : فرح يا عمي. تعبانه وهو دخل شافها ومعملش حاجه . انا هنقلها مستشفي تاني
حنان دخلت سريعا لابنتها
الدكتور: سبني اشوف شغلي يا استاذ . لان مدام حضرتك جرحها ملتهب وشئ طبيعي تسخن.
مصعب: قول انكم مهملين فيها
الدكتور :حضرتك انفجار الزايده ده شئ خطير جدا . دي كان ممكن تموت
ليندفع مصعب الي الدكتور ويمسك في قميصه بقوه
مصعب: قولها تاني وانا اللي هموتك هنا. في دكتور يقول الكلام ده .
تجمع العاملين بالمستشفي وبعد وقت دخل دكتور اخر وفحص فرح
ليطمانهم علي صحتها واعطاها خافض للحراره وابدل العلاج
كان يجلس شابك اليدين وعلامات الغضب مرسومه ع وجهه وهو ينظر اليها وجهها احمر و العرق يتصبب من جبينها
حنان تمسك يدها وهي تبكي. مسعد الحزن ع وجهه
من التعب نام الاثنان وهو بقي بجانبها ينظر لها بحزن
فتحت عينها بارهاق وهي تنظر حولها
مصعب : فرح حاسه بايه
فرح بتعب : عايزه اشرب مايه
اقترب منها واعدل جسدها ليسقيها بيده .
كان محتضنها . هي تشعر بالاحراج من هذا القرب
فرح : شكرا
وضع الوسائد خلف ظهرها. واعدل جسدها
مصعب: لسه تعبانه
فرح : جسمي بيوجعني اوي
مصعب : الف سلامه عليكي . الدكتور قالي هتتحسني قريب.
فرح : لو مت هتزعل
مصعب : بعد الشر عنك متقوليش كده تاني
فرح : هتزعل يعني
مصعب: اه طبعا
ابتسمت له : انت مروحتش ليه
مصعب: مش عايز
فرح : طيب وفريده
مصعب : فريده مع ماما . وهي عارفه اني هنا معاكي
فرح : شكرا
مصعب ابتسم
فتح كف يده . لتضع كف يدها علي يده. . ضم يدها
ليتقابل عينهم معا في نظره طويله.
الممرضه طرقت الباب ليقف مصعب ويفتح لها.
قلق مسعد وحنان
الممرضه معاد الحقنه
خرج مصعب من الغرفه وهو يشعر ان مشاعره تتمرد عليه
جلس في الخارج وهو يفكر
ليجد امه وفريده معاها يقفون امامه
فريده ركضت اليه وعانقته : وحشتني يا دادي
مصعب : وانتي كمان يا قلبي .
حنان : فرح عامله ايه
مصعب: الحمد لله . كانت تعبانه وسخنه
حنان : عايزه ادخل اشوفها واطمن عليها
مصعب : الممرضه هتخرج وادخلي
جلست حنان بجانب ابنها وفريده علي قدمه. بعد ان خرجت الممرضه دخلت حنان وفريده ومصعب ظل في الخارج
حنان : الف سلامه عليكي يا فرح
فرح : الله يسلمك يا طنط
فريده جلست بالقرب من فرح : الف سلامه يا فرح . انا كنت زعلانه وعيطت كتير . ونانا اعتماد قالتلي لو سكت هتخليني اجي ازورك
مسعد : والله نورتو يا حاجه
اعتماد: بنورك يا حاج . والف سلامه لفرح
مسعد : الله يسلمك
حنان احضرت العصير لاعتماد وفريده
التي كانت تتحدث مع فرح.
دخل مصعب بعد وقت وقد استعاد هدوءه من ثوره المشاعر التي لحقت به
عينها كانت تتابعه من وقت لاخر. ..
كانت حنان واعتماد ومسعد يتحدثون معا. وفريده تجلس بجانب فرح تتحدث . وهو يجلس صامت
اعتماد: اشتاذن انا بقي . ويبق لينا زياره في البيت ان شاء الله بعد اما فرح تخرج بالسلامه
حنان: تشرفي وتنوري
مسعد : ربنا يبارك فيكي وفي مصعب . انا لو خلفت ابن مكنش هيعمل كل اللي عمله ده.
اعتماد: ما هو ابنك يا حاج انت كمان. وفرح غاليه علينا
تنهد مصعب ورفع عينه ليقف بجانب امه.
مصعب : يلا يا فريده
فريده : لا انا هقعد مع فرح واخلي بالي منها
ضحكو عليها.
فرح : قلبي يا ديدا . بصي عندي فكره احلي. انتي هتروحي دلوقتي مع نانا واما ارجع البيت تعالي واقعدي معايا . علشان المستشفي مش هينفع تقعدي فيها
. فريده: لا هقعد
مصعب: هنا الدكاتره معاهم حقن .
فريده بخوف : ايه . حقنه
حركت فرح راسها بالموافقه واشارت الي الكالونه
فرح : بصي حقنه هنا. كل شويه حقنه
فريده: خلاص انا هروح بقي مع نانا
فرح: ماشي . خلي بالك من نفسك
فريده: وانتي كمان
حملها مصعب علي يده وخرج بعد ان ودعت اعتماد الجميع وسلمت علي فرح
اعتماد: مش ناوي تتحرك بقي .
مصعب : وامي حياتي عندك انا مش ناقص
اعتماد : يا بني انت في ايه في دماغك . انت مش شايف نفسك بتتصرف ازاي . قاعد معاها في المستشفي. وشكلك زعلان عليها وكل ده عادي. انت بتحبها يا مصعب. وهي بتحبك. اتحرك بقي واتكلم وجعت قلبي .
لم يرد عليها اوصلهم الي البيت ورجع مره اخري لفرح
طرق الباب ودخل وبيده غداء لمسعد وحنان
.
فرحت فرح عندما رأته ..
مسعد : يا بني ليه تعبت نفسك تاتي .
مصعب: مفيش تعب يا عمي .
حنان : ليه منمتش . انت تعبان وسهران معانا
مصعب: مش جايلي نوم .. انا قاعد معاكم علشان لو احتجتو حاجه
حنان : ربنا يخليك يا بني . بس انت كده هتتعب
مصعب : متخفيش يا ماما . اتا متعود علي كده .
مسعد : طيب اقعد كل بقي معانا وله هتعمل زي امبارح
مصعب : حاضر يا عمي
جلست فرح يومين في المستشفي وعادت الي البيت .. كان مصعب معاها دائما . واخذ اجازه من عمله .
........
#دادي_سنجل
الفصل العاشر
👑 اللهم صل وسلم علي نبينا محمد 👑
عادت فرح الي البيت .. ومصعب ايضا واخذ فريده من امه
لم يراها منذ يومين وهي تشغل تفكيره بشكل كبير
اما هي فكانت حزينه تنتظره ام ياتي ..
حنان. : فرح انتي مش عجباني .
فرح بحزن : ليه
حنان : مش بتاكلي ليه
فرح ؛ مش عايزه اكول.
حنان : مستنيه حد يجي ياكلك
فرح : حد مين
حنان : حد زي جارنا كده
اخفضت راسها
حنان : بتحبيه
هزت راسها بحزن
حنان : هو كمان بيحبك ..
ابتسمت فرح : مين قالك . هو
حنان : لا . بس باين عليه اوي. انتي مشفتيش بهدل الدكتور ازاي . علشان كنتي سخنه .
فرح : بجد
حنان : واكتر . ده اتخانق مع الدكتور وقاله هنقلها مستشفي تاني وكلهم هناك اترعبو منه . مرديش يرجع البيت وفضل معانا ..
فرح بحزن : بقالي يومين مش شفته
حنان : يمكن يكون مكسوف يجي
فرح : ممكن . انا هنام شويه
حنان : مش هتاكلي
فرح : لا .مش دلوقتي
حنان : طيب هنزل اشتري حاجه من السوق . وارجع علي طول
فرح : ماشي.
خرجت حنان من الغرفه ..وفرح جلست تفكر في مصعب.
لتسمع صوت الباب يغلق . تحاملت ع نفسها وارتدت الحجاب وخرجت ببطيء وهي تسند علي الجدار حتي لا تقع وتمسك بيدها الجرح .. خرجت من الشقه وذهبت لشقته لترن الجرس
تشعر بالم شديد وتعب. ولكنها تريد ان تري هذا القاسي
فتح الباب وتفاجا بها . ليمسك يدها سريعا ويدخلها
مصعب : يا مجنونه . انتي ايه اللي قومك من السرير
فرح : يهمك يعني
اجلسها علي اقرب مقعد ..
مصعب : فين مامتك
فرح : راحت السوق . انت مش بتيجي ليه
مصعب : عادي
نظرت له بحزن ودموع متحجره في عينها . ليحزن قلبه ايضا
مصعب : عامله ايه
فرح : تعبانه
مصعب : استني البس وننزل المستشفي
فرح : لا .
مصعب : مش بتقولي تعبانه
فرح : اه. بس مش محتاجه مستشفي يا مصعب
تنهد مصعب وجلس امامها
فرح : فين فريده
مصعب: نايمه.
فرح ؛ سلم عليها .
امسكت المقعد لتحاول ان يقف
مصعب : اقعدي بس . انتي خدتي العلاج
فرح : اه
مصعب : كلتي
فرح : لا .
مصعب: ليه
فرح : مش عايزه اكل .
مصعب وقف : متتحركيش من هنا
فرح: رايح فين . انا لازم اقوم
مصعب من الداخل : اقعدي ساكته .دقيقه
كانت تجلس في مكانها . لياتي وبيده طبق . جلس علي المقعد امامها.
فرح: ايه ده
مصعب: مكرونه وفراخ
فرح : مش جعانه
قطع الفراخ بيده ليضعها امام فمها ..ابتسمت بخجل
مصعب: كلي واسمعي الكلام
فتحت فمها واطعمها بيده . حقا يعاملها كفريده ابنته
فرح: خلاص مش قادره اكول
مصعب: كملي الطبق
فرح': الحمد لله .شبعت . ربنا يخليك
مصعب وهو يمسح فمها بالمنديل : بالهنا
فرح : الله يهنيك
مصعب: قومي ارجعك للشقه قبل ما حد يجي
فرح ..بحب : مش عايزه ..
مصعب: فرح انا
فرح: بالله عليك ما تقول حاجه . عارفه انه مش هينفع. وعارفه انك مش عايز تتجوز . وانك مش عايزني اقرب .
بس صدقني حاولت كتير .
مصعب: قومي يا فرح ارجعي الشقه
فرح: حاضر .
نزلت دموعها من عينها . ليمسحها لها وهو يشعر بالحزن يمزق قلبه
وقفت ومشت بخطوات بطيئه .. ليقترب منها ويمسك يدها
ساعدها لتصل الي الشقه .
فرح: شكرا
مصعب: العفو .
دخلت غرفتها ورغم حزنها منه ولكنها سعيده بكل ما يفعله . كان يطعمها بيده .
...........
.. تمر الايام
هو كان يعيش في حاله حرب داخليه . كل يوم يتمرد عليه قلبه
فريده اخذت اجازه نهايه العام من المدرسه. لياخذ هو الاخر اجازه . قرر ان يهرب منها ليسافر الي مكان بعيد
.....
كانت تجلس مع ابيها وامها
فرح: بابا انا مش عايزه اكمل مع حسن
مسعد : انتي بتقولي ايه
فرح: بابا انا مش عايزه اتخطب ..
حنان: خليني ساكته . يعني شايفه كان عمل ايه . ده جه المستشفي مره واحده . وامه اللي هي اختك مجتش غير اما رجعنا البيت
مسعد : حنان ملكيش دعوه انتي . وانتي يا فرح شيلي من دماغك الموضوع ده
فرح: با بابا حرام ..انا مش عايزاه .
مسعد : مش عايزه ليه. علشان مصعب
فرح لم ترد
مسعد: انا مش هجوز بنتي لواحد كان متجوز قبل كده وعنده بنت
فرح: وليه بقي. مراته ماتت
مسعد: انا قولت كلمتي . مش هتتجوزي مصعب وده اخر كلام . لو بتفكري فيه .شيلي من دماغك
بكت فرح بقوه رغم انه لم يتقدم لها ولكن تفكير ابيها جعلها تفقد كل الامال .
.
......
كان يصارع نفسه يشتاق بجنون اليها . وفريده تسال عنها كثيرا .. يحاول ان يشغل نفسه عنها ولكن ببعده كان يفكر بها اكثر
ليقطع الاجازه رجع مره اخري الي شقته ..
مصعب: فريده اتصلي بفرح واطمني عليها
فريده بفرحه: بجد يا دادي . انت كنت مانعني اتصل بيها
مصعب: لا كلميه . واعزميها علي عيد ميلادك .
فريده : هنعمله فين
مصعب: هنا في البيت. الاسبوع الجاي
. ركضت فريده واحتضنت مصعب وهي تضحك
فريده: انا بحبك كتير
مصعب: وانا بحبك اكتر
اتصلت فريده بفرح لترد عليها بلهفه
كان مصعب فاتح الاسبيكر ليسمع صوتها
بصوت حزين : ديدا وحشاني اوي
فريده: وانتي كمان كتير.
فرح: انتم فين
فريده: احنا جينا البيت. كنت بتفسح انا ودادي . ورجعنا
.
فرح: اه . انت كويسه
فريده: اه. انتي تعبانه
فرح: الحمد لله. كويسه اما سمعت صوتك
فريده: عيد ميلادي الاسبوع اللي جاي ودادي هيعملو هنا . قالي اعزمك
فرح: عيد ميلاد سعيد يا قلبي . وكل سنه وانتي طيبه
فريده: وانتي طيبه يا فرح .
فرح: عايزه هديه ايه
فريده: مش عايزه حاجه. عايزاكي انتي تيجي
فرح: هاجي يا قلبي
فريده: شكرا.. خد يا دادي سلم ع فرح
قضم شفته بغيظ لياخذ منها الموبيل ويغلق الاسبيكر
.
مصعب: عامله ايه
فرح : انت اللي عامل ايه
مصعب: انا كويس
فرح: وانا كمان
.
مصعب: مال صوتك
فرح: مفيش .
مصعب ؛ زعلانه مني
فرح : كنت قولتلي انك هتسافر
ابتسم : بعد كده هقولك
فرح: ماشي.
.
سمعت صوت امها تنادي : ماما بتنادي عليا . هروح اشوفها
مصعب: اوك
اغلقت الهاتف وذهبت لامها
حنان : بتعملي ايه
فرح: كنت بكلم فريده . عيد ميلادها الاسبوع اللي جاي
حنان: ابوكي مش هيوافق تروحي
فرح : بس انتي هتوافقي . صح
حنان : لا
فرح: علشان خطري . وبعدين مصعب اما كنت في المستشفي كان جنبي ولازم نرد الواجب اللي عمله
حنان : بس كده
. فرح : يووه يا ماما بقي ..
حنان : يحلها ربنا الاسبوع الجاي
قبلت امها بفرحه .. طول الاسبوع كان مصعب يجهز لحفله عيد ميلاد فريده .
.
يوم العيد ميلاد كانت اعتماد ومرزوق موجدين وبعض من اصدقائه. .. لتدخل فرح وحنان وبيدهم هدايا لفريده
كانت فرحانه جدا بسبب وجود فرح
فرح ؛ كل سنه وانتي طيبه يا فريده
حنان: كل سنه وانتي طيبه
فريده: وانتم طيبين
امسكت يدها و راحت لتسلم علي اعتماد ومرزوق وحنان معاها ومصعب رحب بهم.
. لتدخل زميله مصعب في الشركه اسمها منار
منار: مصعب .
مصعب باندهاش : منار. انتي عرفتي البيت ازاي
فؤاد زميل مصعب في الشركه : انا اللي قولتلها العنوان
مصعب: انت
منار قدمت الهديه لمصعب : كل سنه وهي طيبه
مصعب : وانتي طيبه
كانت تتابعهم بعينها والغيره تنط منهم. تريد ان تضربها وهي تراها تلتصق بمصعب
فرح بغضب : خلصت من ساندرا طلعتلي دي . هو انا ناقصه
حنان: يا بت اهدي .
فرح: هو انا عملت ايه. ما انا ساكته اهو
حنان: الغيره باينه عليكي .
فرح ؛ انا اغير من السلعوه دي
ضحكت حنان: دي سلعوه .
فرح : اوف يا ماما انتي معايا وله معاها
حنان : لا معاكي يا اختي. اما نشوف اخرتها
فرح: بصي بتعمل ايه عماله تبوس في فريده ازاي وفي طنط اعتماد
حنان: عايزه تاكل الجو
فرح : ماشي. انا هوريها
حنان : رايحه فين يا مجنونه
فرح: هتعرفي دلوقتي
ذهبت الي الثلاجه ورجت كل علب الصودا ( البيبسي
تلك الحركه تجعل الصودا تفور عند فتح العبوه
ورجعت وقفت مكانها وهي تنظر لها بغل . بعد وقت وجدت لتركض فريده لها
فرح: ديدا. عايزه ايه
فريده: وطي هقولك
فرح : نعم
فريده: دادي عايزك في المطبخ
فرح : ماشي
ذهبت الي المطبخ لتجد يقف والصودا تغرق وجهه وملابسه ..لتضحك عليه
مصعب: مين عمل كده
فرح: معرفش . ممكن تكون وقعت
مصعب : يعني مش انتي يا فرح
فرح : لا. هي وقعت
مصعب وهو يقترب : متاكده
فرح : اه. مش انا.
مصعب : بس انا شوفتك خارجه من المطبخ وبتضحكي
فرح : هو الضحك ممنوع. انا كنت بشرب مايه
اقترب اكثر : انتي غيرانه
توترت : احم . انت بتعمل كده ليه
مصعب : غيرانه
فرح : هغير من مين . السلعوه اللي بره دي
مصعب : سلعوه
فرح وهي تهز راسه بنعم
مصعب : خدي افتحي دي
اعطاها علبه من الصودا
.لتنظر له بتوتر
مصعب : افتحيها
فرح : افتحها انت
مصعب : لا انتي اللي هتفتحيها .
فرح : ماما بتنادي عليا
مصعب : افتحي الكان واخرجي
نظرت ليده : مش هينفع .
مصعب بغضب: علشان انتي اللي عملتي كده. ينفع كده . دي تصرفات اطفال
نظرت له بحزن ..
. مصعب: ازعلي. انتي اللي غلطانه. مين مفروض يزعل
فرح : انا
مصعب: انتي ازاي .
فرح: مين دي اصلا
مصعب: دي زميلتي في الشركه وفؤاد هو اللي عزمها . مش انا
فرح : فؤاد وله انت
مصعب : فؤاد . انا مش عايز حد
فرح : اتفلق يا مصعب
مصعب: انا اتفلق . ماشي يا فرح
خرجت من المطبخ واخذت امها وخرجت من الشقه كلها
مصعب خرج ولم يجدها
