رواية دادي سنجل
الفصل الخامس عشر والسادس عشر
بقلم ياسمين علاء الدين
15
👑استغفر الله العظيم واتوب اليه👑
كانت تجلس مع حسن وامها وهبه زوجه حسن وصديق حسن العريس ( طارق)
. تبتسم فقط ولا تتحدث
طارق: بشتغل في بنك.
حنان : ما شاء الله .
طارق: العروسه مش عايزه تسالني علي حاجه
فرح: لا ..مفيش حاجه في دماغي.
حسن: شغلي دماغي وفكري
فرح: اساله انت لو عندك سؤال
حسن: هو انا اللي هعرفه وله انتي
فرح : انت بتتعصب ليه
حنان : بس انت وهي
طارق: اهدو يا جماعه .
هبه : تعال يا حسن ندخل جوه ونسيبه يقعد معاها
حسن: ماشي .
فرح ما زالت صامته وتنظر له ..
طارق: فرح انتي مش عايزه تتكلمي
فرح:؛ انا مش عارفه اسالك ع ايه
طارق: اسالني بتدخن وله لا
فرح : شكلك بتدخن
طارق: مش بدخن
فرح: ايه علبه السجاير دي
طارق: بتاعت ابن عمتك
فرح: اه صح... انت كنت ع علاقه قبل كده
طارق: كل شاب وليه علاقات
فرح: متجوزتهاش ليه
طارق: مكنتش بتسمع الكلام
فرح: ازاي
طارق: كنت بقولها متخرجيش وتخرج . اقولها متقعديش مع ولاد عمك وتقعد وكده
فرح: انت اللي غلطان.
طارق: نعم
فرح: اه . اصلك متحكم وتافهه. يعني ايه متقعدش مع ولاد عمها . انت مين انت علشان تقول كده ..
يعني ايه متخرجش هو كانت مراتك. انت كنت بتضايقها وتضغط عليها عشان عارف انها بتحبك . انا بكره الرجاله اللي كده
وقف طارق: انا همشي
فرح: مع السلامه .
خرج طارق واغلق الباب ليخرجو هما
حسن: هو مشي ليه
نطقت ببراءه : مش عارفه ..كنا بنتكلم ونزل
حنان: غريبه دي .
حسن: مش ينادي عليا
فرح: معرفش يا حسن. ابق كلمه.
دخلت غرفتها وابدلت ثيابها كان حسن وزوجته وابنهم رحلو
. خرجت واخذت علبه الجاتوه وجلست تاكل منها
حنان : انتي يا زفته يا فرح .عملتي ايه في الواد.
فرح' معملتش يا ماما . هو اللي مشي
حنان: ابن عمتك بيقول ان الواد مش بيرد ع موبيله
فرح: يمكن مش فاضي
حنان: يعني طفشيتي العريس وببجحتك قاعده تاكلي من الجاتوه. انتي عبيطه يا بت
فرح: يووووه يا ماما . الجاتوه طعمه حلو اوي
سمعت صوت الباب لتفتح حنان . وجدت امامها مصعب
حنان: نعم
مصعب: عايز اتكلم مع فرح
حنان : مفيش كلام ما بينكم
مصعب: في كلام . وكلام كتير عمره ما يخلص
ارتدت حجاب وخرجت له : نعم
مصعب: بتكدبي عليا ليه
فرح: انا
مصعب: اعملي فيها البريئه .. عرفت انك متجوزتيش .بصي انا . عارف اني غلطت . بس انا عمري مانسيتك . ضيعتي من عمرك.خمس سنين.
اناكمان ضيعتهم بغبائي . فرح انا عايز اكمل معاكي وعايز اتجوزك
فرح: مش هينفع. انا خلاص
مصعب:ليه . انتي وفقتي ع العريس
لم ترد . نظرت لامها
مصعب: الجوازه دي مش هتم . مش هتضيعي من ايدي تاني
فرح: وقتك خلص يا بشمهندس . خطيبي بيغير عليا
اغلقت الباب بقوه في وجهه لتضحك
👈 انا يتقفل الباب في وشي ومن فرح .. ماشي يا فرح انا هطلع عينك ..
كانت تضحك من قلبها وهي تنظر من عين الباب عليه وهو يقف يشعر بالصدمه
حنان: انتي مجنونه يا فرح .
فرح: هو فاكر سهل كده يجي يقولي عايز يتجوز
حنان : يا بت ما انتي طفشتي العريس. وبتحبيه ودلوقتي جايه ترفضيه هو كمان
فرح : يا ماما كرامتي .
حنان : يا بت اتلهي. مين اللي كانت بتعيط زي العبيطه الاسبوع اللي فات
فرح : مش انا
حنان : والله
فرح تشعر ان الحياه رجعت تضحك لها مره اخري. اخيرا .
جلست تاكل في الجاتوه وهي تضحك كالمجنونه. لتنظر اليها امها وهي تبتسم. ففرح رجعت مره اخري الي تلك الفتاه البسيطه التي تضحك وتاكل دون ان تحمل هم العالم فوق اكتافها .
. وشها اصبح منور
لتجلس وهي تنظر لها بفرح . اما فرح
فكانت تاكل وهي تشاهد التلفاز لتشعر بالنعاس .
فرح: ماما هدخل انام
حنان : تصبحي ع خير يا فرح
فرح : وانتي من اهل الخير يا ماما
........
في الصباح
استيقظت بنشاط واستعدت للنزول الي العمل ..
ارتدت ملابسها وتناولت الافطار مع امها. و خرجت من باب الشقه . لتجد مصعب امام شقته
نظر لها ودخل واغلق الباب بقوه في وجهها. لتضحك هي
تاكد انها نزلت ليفتح الباب وينزل خلفها
اعتماد كانت تجلس مع فريده في شقه مصعب لانه طلب منها ذلك
كانت في سيارتها . لتجد من يفتح الباب نظرت برعب لتجده هو
فرح: عايز ايه
مصعب : عايز اتكلم معاكي
فرح: وانا مش عايزه . مش قولتلك مش هينفع
مصعب: هينفع غضب عنك. هنتكلم
فرح : انت طبيعي . ايه غصب عني دي . انا ممكن دلوقتي اصوت والم عليك الشارع واقول بيتحرش بيا
مصعب : اعمليها علشان نروح القصم ونكتب كتابنا هناك
فرح : بس انا مش عايزه اتجوزك
مصعب : هنتجوز . انا عايز اتجوزك
فرح: ليه
مصعب : هو ايه اللي ليه
فرح : ليه عايز تتجوزني
مصعب : علشان بحبك
دق قلبها فهي لاول مره تسمعها منه
مصعب: بحبك وكنت غبي عارف كل حاجه بتفكري فيها . انا قولت قبل كده انك الوحيده
اللي لمستي قلبي وقربتي مني . عمر ما واحده حركت مشاعري غيرك انتي. انا مش عايز يعدي العمر في العند . بلاش ترفضي
فرح: ليه هقبل اتجوزك
مصعب: عشان بنحب بعض
فرح: محصلش . انا مش بحب حد
مصعب: بتحبيني
فرح: لا ..انزل من عربيتي عندي شغل
مصعب ؛ مش هتروحي هناك تاني . مش كفايه اللي حصل من اللي اسمه عيد
فرح : لازم اتابع الشغل
مصعب: انتي ممكن تخلي حد من اللي بتثقي فيهم من العمال يدير المكان ويديلك الايراد.
فرح: ممكن . بس أنت مالك
صك ع اسنانه وبنظره تحذير : قولتي ايه
فرح تفكر
مصعب : قولتي ايه من شويه يا فرح
فرح: ما هو اصل انت . يعني . بس
مصعب : فقدت القدره عن النطق دلوقتي.
فرح : لو سمحت اخرج من العربيه . انا مش فاضيه ومش هتجوز واسيب امي .
مصعب : هي مامتك هتكون معانا . انا بقولك تعالي نسكن في مكان تاني. عمري ما هبعد عنها
فرح: اوك. بس مش هتجوز.
مصعب': ومالو يا حبيبتي
ابتسمت رغم عنها لتنظر الي الشارع
مصعب: فرح انا وماما هنيجي بليل وممكن اجيب المأذون معايا. ونكتب الكتاب
فرح : ايه ده في ايه . بقولك مش عايزه اتجوز
مصعب : اطلعي بقي ارتاح وظبطي الدنيا كده.
فرح: دنيا ايه يا بشمهندس
بغيظ : بشمهندس في عينك . متعصبنيش
فرح : طيب يا شبح
مصعب: شبح يا فرح دي اخرتها. فين يا حبيبي . ياقلبي . يا كبدي .
اي حاجه كده تطري القعده
فرح : اومال طبعا . انت هتخرج من العربيه وتطلع تقف تحت الدش في شقتك هتخرج تمام التمام
مصعب' : ايه الحديث المقرف ده . اخلصي واطلعي فوق . مش هتروحي المعرض ده تاني . كفايه اللي حصل من عيد
فرح: ده حاله اسثنايه . وبعدين انا بقالي 3 سنين بشتغل هناك ومفيش حاجه
مصعب : هششش . اسكتي خالص. واطلعي يلا.
فرح : بس .
مصعب : ولا كلمه زياده. علي فوق
اطلعي ( صرخ بها بقوه لتنتفض من مكانها وتسرع لتصعد لاعلي )
.
كان يقف امام باب الشقه لتدخل هي وتغلق الباب بقوه في وجهه
مصعب : ادلعي وانا هوريكي
دخلت شقتها لتجد اعتماد تجلس برفقه حنان يشربون القهوه ويتحدثون وفريده معاهم
رحبت باعتماد . لتجلس بجانبها
اعتماد : وحشتيني اوي يا فرح .
فرح : وانتي كمان يا طنط
اعتماد : متزعليش مني علشان مكنتش بسال . بس قولت علشان الحاج ميزعلش. انتي عارفه كان رافض .
حنان : الحاج تعيشي انتي
اعتماد بتاثر : لا حول ولا قوه الا بالله . ان اليه راجعون.
والله ياختي ما كنت اعرف . كنت جيتلك
حنان : الحمد لله ع كل حال. ربنا يرحمه برحمته الواسعه
اعتماد : اللهم امين.
فرح : ديدا ساكته ليه
فريده: هقول ايه . دادي قالي اقعد مؤدبه
فرح: اقعدي براحتك يا ديدا. واعملي اللي عايزاه
فريده ابتسمت : شكرا يا طنط
فرح : طنط ايه. قولي يا فرح زي زمان.
فريده : انتي عسوله اوي
فرح: وانتي احلي
حنان : انتي مش قولتي هتروحي المعرض
فرح : مكنش ليا مزاج
حنان: احسن ..
جلست اعتماد معاهم يتحدثون وفريده تتحدث مع فرح.
ثم استأذنت لتخرج .
حنان : مصعب عايز يتجوزك وقال انه جاي بليل هو ومامته وباباه
فرح : هو قالي كده ..ومرضيش يخليني اروح المعرض وقالي كفايه اللي حصل
حنان : قولتلك بلاش حكايه المعرض . هناك كلهم صنايعيه وكفايه اللي حصل من عيد
فرح . بعند : بس انا هروح برضو . ومش هتجوز
حنان : انتي مجنونه يا بت . مش ده اللي بقالك خمس سنين منتظره انه يرجع .. مش ده اللي كنتي بتعيطي ليل نهار عليه
فرح : انا مبعيطيش علشان حد
حنان: اه. ما انا عارفه يا كدابه . انا كلمت حسن وجاي يقعد معاه.
فرح : يا ماما . انا مش عايزه اتجوز غير اما اربيه الاول
حنان : اتجوزيه وربيه في بيتكم . انا عايزه اطمن عليكي وافرح بيكي .. اسمعي كلامي وريحي قلبي يا بنتي. انتي اختارتي مصعب من الاول ومردتيش تتجوزي غيره .هو رجع وعايز يتجوزك.
فرح : بس
حنان : من غير بس . قومي امسحي الشقه .
فرح: ايه. ليه بقي. ما الشقه نضيفه اهي
حنان: علشان العريس . قومي يا هبابه
.
#دادي_سنجل
الفصل16
👑 اللهم صل وسلم علي نبينا محمد 👑
في المساء دخل مصعب مع امه وابيه وفريده ... وكان حسن وحنان بانتظارهم.
بعد السلام جلسو معا
مصعب : بصي يا ماما . انا مش عايز اعمل خطوبه
هنكتب الكتاب ونتجوز علي طول
حسن : هي من حقها تفرح ويتعملها فرح وتلبس الفستان الابيض زي كل البنات . دي اول مره تتجوز . ويجلها شبكه كمان.
مصعب: انا مبحبش الافراح
حسن : احنا بنحبها.
مرزوق. : من حقها يا مصعب تفرح وتختار فستان فرحها. وشبكتها كمان
نظر لهم بضيق .. حسن : كل شئ بالاتفاق ودي شروطنا
كمان الشقه لو مش عجبها حاجه . هتغيرها. دي اختي الصغيره وانا عايزها فرحانه ومبسوطه
اعتماد : عداك العيب يا بني
حنان : مالك يا مصعب . مضايق ليه
مصعب : لا مش مضايق يا ماما . بس كنت عايز نتجوز بسرعه
حسن : وانا مقولتش ناجل. انا كلامي واضح. فرح في مقام اختي وعايز افرح بيها . هننزل نحجز قاعه . وتجيب فستان وشبكه ونعمل فرح وتفرح ونفرح بيها. غلطت انا كده يا حاج
مرزوق : لا يا بني مغلطتش
مصعب: وانا موافق. اعمل لفرح كل اللي هي عايزاه.
حسن : الحمد لله. نادي فرح يا عمتو علشان نقرا الفاتحه
فريده : دادي ينفع اروح انادي فرح
مصعب : روحي
دخلت فريده مع حنان الي فرح التي تقف بجانب الباب تسمع كلام حسن ومصعب. ووجهها احمر من الخجل وقلبها يرقص من الفرحه. اخيرا ستتزوج من حبيبها
ركضت فريده وضمتها : مبروك يا فرح
فرح : الله يبارك فيكي يا ديدا .
حنان : يلا يا بنتي تعالي علشان نقرا الفاتحه
نظرت فرح الي امها لتجدها تبكي ضمتها : مالك يا ماما. انتي مش موافقه
حنان : يا حبيبتي انا موافقه. دي دموع الفرح. اخيرا هشوفك عروسه وفرحانه
فرح : الحمد لله ..كل شئ نصيب ومكتوب يا ماما
حنان : ونعم بالله . يلا عشان منتظرين بره
خرجت فرح بخجل ووضعت العصير امامهم ..
وجلست بعد ان سلمت ع الجميع. وقرأو فاتحتها.
ليخرج مصعب علبه قطيفه من جيبه وقدمها لفرح كهديه
فتحتها لتجد بها دبله وخاتم دهب ودبله فضه له
مرزوق : انت عامل حسابك
مصعب : لا ما انا كنت ناوي اتجوزها . وهعمل اي حاجه عشانها
رفعت عينها لعينه لتدمع بفرحه
حسن : احنا اهم حاجه عندنا ان فرح تكون مع راجل يصونها ويحميها ويسعدها .
مصعب : وانا هسعدها وهشيلها فوق راسي
لبست الدبله والخاتم وهو ايضا هو لبس الدبله .لتتعالي الزغاريط .. وبارك لها الجميع
.......
في اليوم التالي
مر عليها مصعب لينزلو معا يشترون فستان
فرح: فين فريده
مصعب: مع ماما. ليه
فرح: عشان تيجي معانا وتختار فستان
مصعب: انا هخدها مره تانيه
فرح : لا هنخدها معانا
نظر لها مصعب : مش هتتضيقي
فرح : هضايق ليه. انت عارف اني بحب فريده
ابتسم لها مصعب دخلو الشقه وسلمت ع اعتماد ومرزوق
اخذو فريده ونزلو معا . وذهبو الي مول للفساتين
فريده : الفساتين هنا حلوه اوي
فرح : اه . هنختار انا وانتي شبهه بعض
فريده: لا مش هينفع
فرح : مش هينفع ليه .
فريده: ده فرحك انتي.
فرح : انتي بنتي . هنلبس زي بعض
ابتسمت فريده. لتضمها فرح فهي تحبها كثيرا
اما مصعب فكان ينتظرهم بالخارج ..
فريده : الله . حلو الفستان ده عليكي اوي
فرح وهي تنظر لنفسها في المرايا : جميل . انا هاخده
البنت : اتفضلي حضرتك ادفعي الحساب .
فرح : عايزه واحد تاني شبهه علي قد فريده
البنت : شبهه بالظبط مفيش . بس في فساتين قريبين منه. .
ذهبو مع البنت واختارت فريده وفرح فستان اخر لفريده
دخل مصعب ودفع الحساب . وخرجو معا .
لينظر لهم بفرحه وهما يتكلمون معا كانو يتشابهون كثيرا نفس الروح والضحكه وطريقه الكلام.
....
مرت الايام وهم يتجهزون للفرح . ابدلت فرح غرفه النوم باخري جديده ومنعت مصعب ان يدخل الغرفه .
ايضا ابدلت الكثير في الشقه والاجهزه الكهربائيه .
في هذه الفتره كان يجلس مع امه وابيه في شقتهم . حتي تنتهي من كل ما تريد .
.......
اخيرا جاء يوم الزفاف .. تزينت فرح وكانت في ابهي صوره كانت جميله جدا والفرحه جعلتها احلي بكثير
كانت تضحك وعيونها تلمع بشكل جميل ...
حنان كانت كاي ام تبكي من الفرحه وهي سعيده لفرحه ابنتها
فريده كانت معاهم في الكوافير وكانت جميله جدا
دعت لها بالسعاده
ليدخل مصعب وهو يرتدي بدله العريس . كان وسيم للغايه
نظر لها ليجدها تقف امامه بفستان الفرحه والحجاب الذين يزينها .. ليتنفس بابتسامه جميله.
امسك يدها وقبلها : مبروك يا فرحي
. ضحكت هي بخجل : الله يباركلي فيك ..
مصعب : ايه العسل ده يا ديدا
فريده وهي تلف حول نفسها بطفوله : حلوه
فرح : قمر
فريده : انتي اللي قمر . شوفت يادادي. فرح حلو ازاي
مصعب : انتم الاتنين قمرات.
لتعلو الزغاريط عند خروجهم . توجهو للقاعه
ودخل مصعب وهو يمشي بجانب فرح في ممر الزفاف.
يكره الافراح ولكن لاجلها سيفعل اي شئ
جلسو وكان الفرح هادئ ليدخل الماذون ويكتب الكتاب
وهكذا اصبحت فرح زوجه مصعب وتعالت الزغاريط والمباركات.
مضي الفرح بهدوء لا يوجد مشاكل ولا اي شئ.
الجميع سعيد لزواج مصعب وفرح. ويتمنو لهم السعاده
بعد انتهاء الفرح. اخذت اعتماد فريده وسلم الجميع علي فرح ومصعب وصعدو لشقتهم
فتح الباب ليحملها علي يده شهقت بخجل وامسكت به
دخل واغلق الباب ليضعها في غرفه النوم علي الفراش
كان وجهها احمر من الخجل .
مصعب: مبروك يا فرح
فرح بخجل : شكرا
خلع جاكت وجلس بجانبها لتبتعد قليلا .
مصعب: مش هتغيري
فرح : لا . هي فين فريده
مصعب: مع ماما اعتماد
فرح : هي مجتش ليه
مصعب : هي هتيجي . فرح ممكن تغيري الفستان ونصلي
هزت راسها بالموافقه .
مصعب : انا هخرج بره واغير هدومي واما تخلصي اخرجي
فرح : ماشي
كانت متوتره جدا ولكنها سعيده انها الان زوجته
ابدلت فستانها وفكت الحجاب و خرجت بعد ان توضت
لتجده يجلس ويشاهد التلفاز
مصعب : انتي لسه فاكره. انا قولت نمتي
فرح : الطرحه كانت رخمه وفيها دبابيس كتير
مصعب : كنتي قولتي واساعدك
فرح : خلاص انا اتصرفت
وقف مصعب : اتوضيتي
فرح : اه
صلو معا وبعدها قال الدعاء.
ليقف ويمسك يدها تقف معه : اقلعي الاسدال وتعالي نتكلم
نظرت له بتوتر : يا فرح هنتكلم الاول ومش هعمل حاجه تضايقك
دخلت و ابدلت الاسدال لترتدي روب فوق ملابسها وتركت شعرها وخرجت بخجل . ليبتسم لها واشار الي المكان بجانبه لتجلس
جلس بجانبه ليدير جسده وينظر لها بحب .. امسك يدها وقبلها برقه
مصعب: فرح انا بحبك وانتي الوحيده اللي عشانك غيرت فكرتي عن الحياه واتجوزت
نظرت له ليتابع حديثه
مصعب: في شويه كده حاجات لازم نتكلم فيها قبل ما نبدا حياتنا كزوجين .
فرح: حاجات ايه
مصعب بابتسامه : انتي عارفه ان فريده هي اغلي حد لقلبي بنتي وعمري كله . انتي عمري اللي جاي هتشاركي معايا في كل حاجه .. يعني انتي وهي قسمتو قلبي نصين وكل واحده قاعده في النص بتاعها ومربعه
فرح : كمل
مصعب : انا ممكن اسامح لو قصرتي في حقي يعني شئ طبيعي هنختلف ونتخانق زي اي زوجين. بس فريده عندي خط احمر .
كشرت فرح : انت عارف اني بحب فريده وبعتبرها اختي الصغيره وبنتي كمان من قبل حتي اما نتجوز. فاكيد معاملتي ليها مش هتتغير
مصعب : فريده فقدت امها وهي صغيره وانا اللي ربيتها وكنت امها قبل ما اكون ابوها . ولحد دلوقتي انا بقوم بدور الام والاب والاخ والصاحب
فرح : وانا هشارك معاك. يعني هكون امها واختها.
مصعب : اوعديني انك عمرك ما هتزعليها ولا تزهقي من وجودها في حياتي. لاني مش هقدر اعيش وانتي وهي مش متفقين
فرح: مصعب انا مقدره انك خايف علي فريده . بس مش مني يا مصعب. انت عارف اني بحبها واكيد هعملها كويس هي طفله في الاول والاخر .
مصعب : انا بس حبيت افهمك قبل ما نبدا حياتنا اني حبي ليها من نوع خاص. عشان ميكونش في مشاكل
فرح: وانا متفاهمه جدا كل ده ومقدره حبك . وصدقني انا كمان بحبها اوي وانت عارف ومتاكد
اقترب وقبل جبينها : عارف يا فرح . وعارف كمان اني بحبك اوي واني بعشق وبموت فيكي
ابتسمت له ..
مصعب: مش هنام بقي
.فرح : مش دلوقتي. تعال ناكل
مصعب: ناكل وماله
جلسو يتناولون الطعام وهو يخطف قبله من وقت لاخر
مصعب: كلتي وشربتي واتبسطتي . ننام بقي
فرح : لا . اصل
مصعب: نعم . اصل ايه تاني .
فرح : عايزه اتفرج ع التلفزيون
مصعب : هفرجك علي فيلم جميل اوي
.
فرح: فين .
مصعب ذ: في التلفزيون اللي جوه . انا حملته علي الفلاشه
فرح بتصديق : عربي وله اجنبي
مصعب : الاتنين.
فرح : ازاي الاتنين .
مصعب : ازاي دي مش بكلام . لازم تشوفي بنفسك
فرح : ماشي
دخلو معا. لتجلس امام التلفاز : شغل الفيلم
مصعب : انتي عبيطه
فرح : بتقول ايه
مصعب : انا هعملك ع اساس انك فريده ..
وقفت امامه بغيظ.: مش انت اللي قولت في فيلم
مصعب: وانتي صدقتي
فرح : اه
مصعب : احنا الفيلم.يا روحي .
ابتعدت عنه : بلاش قله ادب
ضحك مصعب : هو انا قولتلك انك عبيطه. ضيفي عليها هبله واكيد ماما عارفه
فرح : والله انت رخم وبارد
مصعب: طيب تعالي بقي
هربت منه وركضت للخارج ليمسكها بصعوبه. حملها وهي معترضه ليضعها ع الفراش 🙊🙈
